ഉദ്ഘാടനത്തിനൊരുങ്ങി കാട്ടിപ്പരുത്തി അർബൺ ഹെൽത്ത് & വെൽനസ് സെൻ്റർ

വളാഞ്ചേരി:-വളാഞ്ചേരി നഗരസഭയുടെ 2024-25 വാർഷിക പദ്ധതിയിൽ ഉൾപ്പെടുത്തി നിർമ്മാണം നടത്തിയ കാട്ടിപ്പരുത്തി അർബൺ ഹെൽത്ത് & വെൽനസ് സെൻ്റർ നാളെ നഗരസഭ ചെയർമാൻ അഷ്റഫ് അമ്പലത്തിങ്ങലിൻ്റെ അദ്ധ്യക്ഷതയിൽ കോട്ടക്കൽ നിയോജക മണ്ഡലം എം.എൽ.എ പൊഫ.ആബിദ് ഹുസൈൻ തങ്ങൾ നാടിന് സമർപ്പിക്കും.വടക്കേപാട്ട് രാധാകൃഷ്ണൻ നായരുടെ കുടുംബം സൗജന്യമായി വിട്ടുതന്ന സ്ഥലത്താണ് അർബൻ ഹെൽത്ത് &വെൽനസ് സെൻ്റർ കെട്ടിടം നിർമ്മിച്ചിട്ടുള്ളത്.താൽക്കാലിക കെട്ടിടത്തിൽ ആരംഭിച്ച മൂന്ന് വെൽനസ് സെൻ്ററുകളിൽ സ്വാന്തം കെട്ടിടമാകുന്ന ആദ്യത്തെ വെൽനസ് സെൻ്റർ ആണ് കാട്ടിപ്പരുത്തിയിലേത്. ചടങ്ങിൽ ജനപ്രതിനിധികൾ,രാഷ്ട്രീയ സാമൂഹ്യ രംഗത്തെ പ്രമുഖർ തുടങ്ങിയവർ പങ്കെടുക്കും.