supply Archives - Valanchery Online

വളാഞ്ചേരി നഗരസഭ കുടിവെള്ള വിതരണം ആരംഭിച്ചു

വളാഞ്ചേരിക്കാരൻ — Tue, 26 Apr 2022 22:58:20 +0000

വളാഞ്ചേരി: വളാഞ്ചേരി നഗരസഭ കുടിവെള്ള വിതരണ ഉദ്ഘാടനം നഗരസഭ ചെയർമാൻ അഷ്‌റഫ്‌ അമ്പലത്തിങ്ങൽ ഫ്ലാഗ് ഓഫ്‌ ചെയ്തു നിർവഹിച്ചു.2022-23 വാർഷിക പദ്ധതിയിൽ ഉൾപ്പെടുത്തിയ പദ്ധതി കുടിവെള്ളം രൂക്ഷമായ പ്രദേശങ്ങളിലേക്ക് വാർഡ് കൗൺസിലർമാരുടെ നേതൃത്തത്തിൽ വിതരണം ചെയ്യുന്നത്.16 ലക്ഷം രൂപ വകയിരുത്തിയാണ് ഈ പദ്ധതി നടപ്പിലാക്കുന്നത്.നഗരസഭ വൈസ് ചെയർപേഴ്സൺ റംല മുഹമ്മദ്‌, സ്ഥിരം സമിതി അധ്യക്ഷരായ മുജീബ് വാലാസി, ഇബ്രാഹിം മാരാത്ത്,റൂബി ഖാലിദ്, കൗൺസിലർമാരായ കളപ്പുലാൻ സിദ്ധീഖ് ഹാജി, ശിഹാബ് പാറക്കൽ, ഈസ എൻ, ഷാഹിന റസാഖ്, തസ്ലീമ നദീർ, ബദരിയ,സദാ നന്ദൻ കോട്ടീരി,വീരാൻ കുട്ടി, ഉണ്ണികൃഷ്ണൻ കെ വി, ഫൈസൽ അലി തങ്ങൾ,ഇ പി അച്യുതൻ, സാജിത, ശൈലജ, ബഷീറ നൗഷാദ്, നഗരസഭാ സെക്രട്ടറി ബിജു ഫ്രാൻസിസ് തുടങ്ങിയവർ പങ്കെടുത്തു.

The post വളാഞ്ചേരി നഗരസഭ കുടിവെള്ള വിതരണം ആരംഭിച്ചു appeared first on Valanchery Online.

കാടാമ്പുഴ സെക്‌ഷൻ പരിധിയിൽ ഇന്ന് വൈദ്യുതി മുടങ്ങും

വളാഞ്ചേരിക്കാരൻ — Fri, 07 Jan 2022 00:59:45 +0000

കാടാമ്പുഴ: കാടാമ്പുഴ സെക്‌ഷൻ പരിധിയിൽ മൂർക്കനാട്, എ.സി. നിരപ്പ്, പള്ളിയാൽ, കല്ലാർമംഗലം, പി.എച്ച്.ഇ.ഡി. ട്രാൻസ്ഫേർമറുകളിൽ നിന്നുള്ള വൈദ്യുതി വിതരണം വെള്ളിയാഴ്ച രാവിലെ ഒമ്പതു മുതൽ വൈകുന്നേരം അഞ്ച് വരെ തടസ്സപ്പെടും.

The post കാടാമ്പുഴ സെക്‌ഷൻ പരിധിയിൽ ഇന്ന് വൈദ്യുതി മുടങ്ങും appeared first on Valanchery Online.

ഇരിമ്പിളിയത്ത് ജലജീവൻ മിഷൻ മുഖേന 7000 വീടുകളിൽ കുടിവെള്ളമെത്തും

വളാഞ്ചേരിക്കാരൻ — Tue, 20 Oct 2020 01:51:55 +0000

ഇരിമ്പിളിയം: ഇരിമ്പിളിയം ഗ്രാമപ്പഞ്ചായത്തിൽ ജലജീവൻ മിഷൻ പദ്ധതി മുഖേന 7000 വീടുകളിൽ കുടിവെള്ളമെത്തിക്കുന്നതിനുള്ള നടപടികൾ പുരോഗമിക്കുന്നു. കേന്ദ്ര, സംസ്ഥാന സർക്കാരുകളും ഗ്രാമപ്പഞ്ചായത്തും ചേർന്നാണ് പദ്ധതി നടപ്പാക്കുന്നത്. ഒരുകോടി രൂപയാണ് ഇതിനായി നീക്കിവെക്കുന്നത്. ഇതിൽ 45 ശതമാനം കേന്ദ്രസർക്കാർ വിഹിതമാണ്. 30 ശതമാനം സംസ്ഥാനസർക്കാരും 15 ശതമാനം ഗ്രാമപ്പഞ്ചായത്തും നൽകും. 10 ശതമാനം ഗുണഭോക്തൃവിഹിതമാണ്.

പഞ്ചായത്ത് 13.5 ലക്ഷംരൂപ ഇതിനായി നീക്കിവെച്ചിട്ടുണ്ട്. ആദ്യഘട്ടത്തിൽ പഞ്ചായത്തിലെ 17 വാർഡുകളിലുമായി 500 വീടുകളിലേക്കാണ് വെള്ളമെത്തുക. തുടർന്നുള്ള ഘട്ടങ്ങളിൽ മുഴുവൻ വീടുകളിലും കുടിവെള്ളമെത്തുന്നവിധമാണ് പദ്ധതി ആസൂത്രണം ചെയ്തിട്ടുള്ളതെന്ന് ബന്ധപ്പെട്ടവർ പറഞ്ഞു. പദ്ധതിയുടെ പഞ്ചായത്തുതല ഉദ്ഘാടനം കോട്ടപ്പുറത്ത് ഗ്രാമപ്പഞ്ചായത്ത് വൈസ് പ്രസിഡന്റ് എൻ.ടി. മുഹമ്മദ് നിർവഹിച്ചു.

ക്ഷേമകാര്യ സ്ഥിരംസമിതി അധ്യക്ഷൻ വി.ടി. അമീർ അധ്യക്ഷതവഹിച്ചു. ആരോഗ്യ സ്ഥിരംസമിതി അധ്യക്ഷ എൻ. ഉമ്മുകുൽസു, പള്ളത്ത് വേലായുധൻ, ആനന്ദ്കുമാർ, വി.എം. സുജാത, പി. സൈതാലിക്കുട്ടി ഹാജി, കെ. മുഹമ്മദ് അലി, കെ. അനീസ്, പി. ഷുഹൈബ് തുടങ്ങിയവർ പങ്കെടുത്തു.

The post ഇരിമ്പിളിയത്ത് ജലജീവൻ മിഷൻ മുഖേന 7000 വീടുകളിൽ കുടിവെള്ളമെത്തും appeared first on Valanchery Online.

വളാഞ്ചേരി നഗരസഭയിൽ കുടിവെള്ള വിതരണം ആരംഭിച്ചു

വളാഞ്ചേരിക്കാരൻ — Fri, 01 May 2020 06:53:26 +0000

വളാഞ്ചേരി: വേനൽ കനക്കുന്നതോടെ വളാഞ്ചേരി നഗരസഭയിൽ കുടിവെള്ള ക്ഷാമം നേരിടുന്ന പ്രദേശങ്ങളിലെ വീടുകളിലേക്ക് കുടിവെള്ള വിതരണം ആരംഭിച്ചു. ടാങ്കറുകളിൽ കുടിവെള്ള വിതരണം നടത്തുന്നതിന്റെ ഉൽഘാടനം നഗരസഭ ചെയർപേഴ്സൺ സി.കെ റുഫീന ഫ്ലാഗ് ഓഫ് ചെയ്ത് കൊണ്ട് നിർവ്വഹിച്ചു. മരാമത്ത് സ്റ്റാന്റിംഗ് കമ്മറ്റി ചെയർമാൻ സി അബ്ദുന്നാസർ അദ്ധ്യക്ഷനായ ചടങ്ങിൽ കൗൺസിലർ ടി.പി.അബ്ദുൽ ഗഫൂർ സ്വാഗതവും പറഞ്ഞു.

നാല് ടാങ്കർ ലോറികളിലായി നഗരസഭയിലെ 33 ഡിവിഷനുകളിലെ അതത് വാർഡ് കൗൺസിലർമാരുടെ മേൽനോട്ടത്തിലാണ് വിതരണം നടത്തുന്നത്. കുടിവെള്ളത്തിന് പ്രയാസം നേരിടുന്ന കുടുബങ്ങൾ അതത് വാർഡിലെ കൺസിലർമാരെ അറിയിക്കേണ്ടതാണെന്ന് വളാഞ്ചേരി നഗരസഭ മരാമത്ത് സ്റ്റാന്റിംഗ് കമ്മറ്റി ചെയർമാൻ അറിയിച്ചു.

The post വളാഞ്ചേരി നഗരസഭയിൽ കുടിവെള്ള വിതരണം ആരംഭിച്ചു appeared first on Valanchery Online.

വിഷു ദിനത്തില്‍ പൊലീസുകാർക്ക് ഉച്ചഭക്ഷണം എത്തിച്ച് കൊടുമുടിയിലെ ജനകീയ ഡോക്ടര്‍

വളാഞ്ചേരിക്കാരൻ — Tue, 14 Apr 2020 16:57:29 +0000

വളാഞ്ചേരി: വിഷു ദിനത്തില്‍ പൊലീസുകാർക്ക് ഉച്ചഭക്ഷണം എത്തിച്ച് കൊടുമുടിയിലെ ജനകീയ ഡോക്ടര്‍. കൊറോണ പ്രതിരോധിക്കാന്‍ നാട് ഒറ്റക്കെട്ടായി കര്മ്മകനിരതമായിരിക്കെ വിഷു ദിനത്തില്‍ നാടിന്റെ സുരക്ഷിതത്വം ഉറപ്പാക്കാൻ കടുത്ത വേനലിനെയും അവഗണിച്ച് തെരുവിലുള്ള പൊലീസിന് സദ്യ ഒരുക്കി തിരുവേഗപ്പുറ പി.എച്.സിയിലെ ഡോക്ടർ സിദ്ധീഖ്. വളാഞ്ചേരി പൊലീസ് സ്റ്റേഷനില്‍ നടന്ന ചടങ്ങിൽ വളാഞ്ചേരി എസ്.എച്ച്.ഒ എം.കെ ഷാജി ഭക്ഷണം ഏറ്റുവാങ്ങി. വിഷു ദിനത്തില്‍ മാതൃക തീര്ത്തള തിരുവഗപ്പുറ പി.എച്ച്.സി.യിലെ ഈ ജനകീയ ഡോക്ടര്‍ ഇപ്പോൾ സോഷ്യൽ മീഡിയയിൽ താരമാണ്.

The post വിഷു ദിനത്തില്‍ പൊലീസുകാർക്ക് ഉച്ചഭക്ഷണം എത്തിച്ച് കൊടുമുടിയിലെ ജനകീയ ഡോക്ടര്‍ appeared first on Valanchery Online.

ഫ്യൂസൂരി; കുറ്റിപ്പുറം സ്പിന്നിംഗ് മിൽ അടച്ചു

വളാഞ്ചേരിക്കാരൻ — Sat, 11 May 2019 13:14:19 +0000

വ്യവസായ വകുപ്പിന്റെ നിയന്ത്രണത്തിലുള്ള പൊതുമേഖലാ സ്ഥാപനമായ കുറ്റിപ്പുറം മാൽകോ ടെക്‌സ് സ്പിന്നിംഗ് മിൽ അടച്ചു. വൈദ്യുതി ബില്ലിനത്തിൽ കുടിശ്ശിക വരുത്തിയതിനെ തുട‌ർന്ന് കഴിഞ്ഞ ദിവസം കെ.എസ്.ഇ.ബി. വൈദ്യുതി ബന്ധം വിച്ഛേദിച്ചതോടെയാണ് മില്ല് അടച്ചുപൂട്ടിയത്. 200 ഓളം ജീവനക്കാരാണ് സ്ഥാപനത്തിലുള്ളത്.

ഒരു കോടി രൂപയ്ക്ക് മുകളിൽ വൈദ്യുതി ബിൽ ഇനത്തിൽ കുടിശ്ശിക വരുത്തിയതോടെയാണ് കെ.എസ്.ഇ.ബി വൈദ്യുതിബന്ധം വിച്ഛേദിച്ചത്. നിലവിൽ അഡ്മിനിസ്‌ട്രേറ്റീവ് ഭരണമാണ് മാൽകൊ ടെക്‌സിൽ. കഴിഞ്ഞ സാമ്പത്തിക വർഷം അഞ്ച് കോടി രൂപയുടെ നഷ്ടമുണ്ടായതായി ചൂണ്ടിക്കാണിക്കപ്പെടുന്നു. കണ്ണൂർ സ്പിന്നിംഗ് മില്ലിന്റെ എം.ഡി ഇൻചാർജായ രമേഷിനാണ് മാൽകോ ടെക്‌സ് എം.ഡിയുടെ അധികച്ചുമതല. 1997ൽ പ്രവർത്തനം തുടങ്ങിയ മാൽകോ ടെക്‌സ് ആദ്യമായാണ് അടച്ച് പൂട്ടേണ്ടി വന്നത്.

The post ഫ്യൂസൂരി; കുറ്റിപ്പുറം സ്പിന്നിംഗ് മിൽ അടച്ചു appeared first on Valanchery Online.

വളാഞ്ചേരി, ഇരിമ്പിളിയം പ്രദേശങ്ങളിൽ 27 വരെ ജലവിതരണം മുടങ്ങും

വളാഞ്ചേരിക്കാരൻ — Tue, 23 Apr 2019 00:31:49 +0000

ഇരുമ്പിളിയം: ഇരുമ്പിളിയം, വളാഞ്ചേരി ജലവിതരണ പദ്ധതിയിലെ ഇരുമ്പിളിയം പഞ്ചായത്തിലെ നെല്ലിക്കാപറമ്പിലുള്ള ടാങ്ക് വൃത്തിയാക്കുന്ന പ്രവൃത്തി നടക്കുന്നതിനാൽ ബുധനാഴ്ച 24 മുതൽ 27 വരെ വിതരണം തടസ്സപ്പെടുന്നതായിരിക്കും.

വളാഞ്ചേരി നഗരസഭ, ഇരുമ്പിളിയം പഞ്ചായത്ത് ഭാഗങ്ങളിൽ വിതരണം ഉണ്ടായിരിക്കുന്നതല്ല.

The post വളാഞ്ചേരി, ഇരിമ്പിളിയം പ്രദേശങ്ങളിൽ 27 വരെ ജലവിതരണം മുടങ്ങും appeared first on Valanchery Online.

വെള്ളമില്ല; കുറ്റിപ്പുറം താലൂക്ക് ആശുപത്രി അടച്ചുപൂട്ടലിന്റെ വക്കിൽ

വളാഞ്ചേരിക്കാരൻ — Thu, 11 Oct 2018 00:23:38 +0000

കുറ്റിപ്പുറം∙ ജലവിതരണം പൂർണമായും നിലച്ചതിനെ തുടർന്ന് കുറ്റിപ്പുറം ഗവ. താലൂക്ക് ആശുപത്രി അടച്ചുപൂട്ടൽ ഭീഷണിയിൽ. പ്രതിസന്ധി ചൂണ്ടിക്കാട്ടി ആശുപത്രി മെഡിക്കൽ ഓഫിസർ ഡോ. വിജിത്ത് വിജയശങ്കർ ജില്ലാ മെഡിക്കൽ ഓഫിസർക്കും ആശുപത്രി മാനേജ്മെന്റ് കമ്മിറ്റിക്കും റിപ്പോർട്ട് കൈമാറി. പ‍ഞ്ചായത്തിന്റെ മുള്ളൂർക്കടവ് ജലവിതരണ പദ്ധതി തുടർച്ചയായി തകരാറിലായതിനെ തുടർന്നാണ് ആശുപത്രിയിൽ ലാബ് ടെസ്റ്റുകൾക്കുപോലും വെള്ളമില്ലാത്ത അവസ്ഥയായത്.

പ്രശ്നം രൂക്ഷമായിട്ടും പഞ്ചായത്ത് നടപടി സ്വീകരിക്കുന്നില്ലെന്ന പരാതി ശക്തമാണ്. കഴിഞ്ഞ ഏതാനും മാസങ്ങളായി പ്രതിദിനം നാലായിരത്തോളം ലീറ്റർ വെള്ളം ആശുപത്രി മാനേജ്മെന്റ് ഫണ്ടിൽനിന്നുള്ള പണം ചെലവഴിച്ചാണ് വാങ്ങിയിരുന്നത്. 1,000 ലീറ്റർ വെള്ളത്തിന് 800 രൂപ നൽകണം. ഈ വർഷം മാത്രം 70,000 രൂപ വെള്ളത്തിനായി ചെലവഴിച്ചു. ഇനി ഇതു തുടരാനാകില്ലെന്ന നിലപാടിലാണ് മെഡിക്കൽ ഓഫിസർ അടക്കമുള്ളവർ. ആശുപത്രിയിലെ ലാബിന്റെയും മറ്റും പ്രവർത്തനം നിർത്തിവയ്ക്കുകയാണ്. ഐപി വാർഡിലുള്ളവർക്ക് പ്രാഥമികാവശ്യങ്ങൾക്കുപോലും വെള്ളം ലഭിക്കുന്നില്ല.

The post വെള്ളമില്ല; കുറ്റിപ്പുറം താലൂക്ക് ആശുപത്രി അടച്ചുപൂട്ടലിന്റെ വക്കിൽ appeared first on Valanchery Online.

മൂര്‍ക്കനാട്ടില്‍ ആഴ്ചകളായി കുടിവെള്ളമില്ല

വളാഞ്ചേരിക്കാരൻ — Thu, 15 Sep 2016 23:49:59 +0000

കൊളത്തൂര്‍: മൂര്‍ക്കനാട് പഞ്ചായത്തിലെ 11 ആം വാര്‍ഡ് ആലക്കടവ് നിവാസികള്‍ക്ക് ഓണമായാലും പെരുന്നാളായാലും കുടിവെള്ളമില്ലാത്തത് ദുരിതത്തിലാക്കി. ആലക്കടവ് മുണ്ടുമ്മല്‍കുന്ന് കുടിവെള്ള പദ്ധതിയുടെ മോട്ടോര്‍ തകരാറിലായിട്ട് ആഴ്ചകള്‍ ഏറെയായി. മൂര്‍ക്കനാട് പൂഴിപൊറ്റ, മുണ്ടുമ്മല്‍ കുന്ന് കോളനി, കല്ല് വെട്ടുകുഴി എന്നീ പ്രദേശവാസികളടെ ഏക കുടിവെള്ള ആശ്രയമാണ് ഭരണസമിതിയുടെ അനാസ്ഥകൊണ്ട് മുങ്ങിയിരിക്കുന്നത്. ഈ പ്രദേശത്തുള്ളവര്‍ക്ക് കുടിവെള്ളം മുടങ്ങുന്നത് നിത്യസംഭവമാണ്. അടുത്തെങ്ങും കിണറുകള്‍ ഇല്ലാത്തതും പ്രശ്‌നം രൂക്ഷമാക്കുന്നു. ഇതിനെതിരെ ശക്തമായി പ്രതികരിക്കുമെന്നും നാട്ടുകാര്‍ പറഞ്ഞു. അധികൃതര്‍ക്ക് പരാതിനല്‍കിയെങ്കിലും ആഴ്ചകളോളമായിട്ടും യാതൊരു നടപടിയും കൈകൊണ്ടില്ലെന്ന് പ്രദേശവാസികള്‍ പരാതി പറയുന്നു. ഓണമായാലും പെരുന്നാളായാലും ആലക്കടവ് നിവാസികള്‍ക്ക് ദുരിതം തന്നെ.

Summary: Lack of drinking water troubles the life of the people from 11th ward of Moorkanad Grama panchayath during Onam and Bakrid.

The post മൂര്‍ക്കനാട്ടില്‍ ആഴ്ചകളായി കുടിവെള്ളമില്ല appeared first on Valanchery Online.

കുറ്റിപ്പുറത്ത് ജലനിധി പദ്ധതി പ്രകാരം കുടിവെള്ള വിതരണം നടത്തുന്നതിനുള്ള ജോലികള്‍ തുടങ്ങി.

വളാഞ്ചേരിക്കാരൻ — Thu, 01 May 2014 23:05:48 +0000

ജലനിധി പദ്ധതി പ്രകാരം കുടിവെള്ള വിതരണം നടത്തുന്നതിനുള്ള ജോലികള്‍ തുടങ്ങി. പഞ്ചായത്തിലെ മൂന്ന് വാര്‍ഡുകളിലേക്ക് വെള്ളം എത്തിക്കുന്നതിന് മുന്നോടിയായുള്ള ജോലികളാണ് ചൊവ്വാഴ്ച ആരംഭിച്ചിട്ടുള്ളത്.
പഞ്ചായത്തിലെ നിലവിലെ കുടിവെള്ള പദ്ധതിയായ കാങ്കപ്പുഴ പദ്ധതിയുമായി ചേര്‍ന്നാണ് ജലനിധി നടപ്പാക്കുന്നത്. 16,17,18 വാര്‍ഡുകളിലേക്കാണ് ഇവിടെനിന്ന് വെള്ളം പമ്പ് ചെയ്യുക. മൂന്ന് വാര്‍ഡുകളില്‍നിന്നായി 336 പേരാണ് പദ്ധതിപ്രകാരം അപേക്ഷ നല്‍കിയിട്ടുള്ളത്. കാങ്കപ്പുഴ പദ്ധതിയില്‍ പമ്പിങ് നടത്തുന്ന കിണറുകളും ടാങ്കുകളും തന്നെയാണ് ജലനിധി പദ്ധതിക്കായി ഉപയോഗിക്കുന്നത്. 1.15 കോടി രൂപ ചെലവിട്ടാണ് ജലനിധി പദ്ധതി നടപ്പാക്കുന്നത്.
കിണറുകളില്‍ വെള്ളമെത്തിക്കുന്നതിനായുള്ള ഫില്‍റ്ററിങ് ഗാലറി സ്ഥാപിക്കുന്ന ജോലികളാണ് ഇപ്പോള്‍ ആരംഭിച്ചിട്ടുള്ളത്. പുഴയില്‍ 65 മീറ്ററോളം അകലത്തില്‍നിന്നാണ് ഫില്‍റ്ററിങ് ഗാലറിയിലൂടെ വെള്ളം കിണറിലെത്തിക്കുന്നത്.
ജെ.സി.ബി. ഉപയോഗിച്ച് പുഴയില്‍ ചാലുകീറിയശേഷം ചെറിയ ദ്വാരങ്ങളിട്ട പൈപ്പുകള്‍ സ്ഥാപിക്കുകയും അതിന് മുകളിലായി മെറ്റലിട്ടാണ് ഫില്‍റ്ററിങ് ഗാലറി ഒരുക്കുന്നത്. ഇതോടൊപ്പം നിലവില്‍ പമ്പിങ്ങിനായി ഉപയോഗിക്കുന്ന കിണര്‍ നന്നാക്കുകയും ആഴംകൂട്ടുകയും ചെയ്യും. പുതിയ മോട്ടോറുകള്‍ ഉപയോഗിച്ചാണ് ടാങ്കിലേക്ക് വെള്ളം പമ്പ് ചെയ്യുക. കിണറിനേയും കരയേയും ബന്ധിപ്പിച്ച് 1.5 മീറ്റര്‍ വീതിയില്‍ ചെറിയപാലം നിര്‍മിക്കും. പണികള്‍പൂര്‍ത്തീകരിച്ച് വെള്ളം വിതരണം ചെയ്യുന്നതിന് ഇനിയും മാസങ്ങളെടുക്കും.
പഞ്ചായത്തിലെ മറ്റ് വാര്‍ഡുകളില്‍ പദ്ധതി നടപ്പാക്കുന്നതിനുള്ള നടപടികള്‍ ഇപ്പോഴും എങ്ങുമെത്തിയിട്ടില്ല. തിരുനാവായ കുടിവെള്ള പദ്ധതിയുമായി സഹകരിച്ച് പഞ്ചായത്തിലെ മറ്റ് 20 വാര്‍ഡുകളില്‍ ജലനിധി പദ്ധതി നടപ്പാക്കാനാണ് അധികൃതര്‍ ഉദ്ദേശിക്കുന്നത്. എന്നാല്‍, നടപടിക്രമങ്ങള്‍ പൂര്‍ത്തിയാകാത്തതിനാല്‍ അനിശ്ചിതത്വം തുടരുകയാണ്.

The post കുറ്റിപ്പുറത്ത് ജലനിധി പദ്ധതി പ്രകാരം കുടിവെള്ള വിതരണം നടത്തുന്നതിനുള്ള ജോലികള്‍ തുടങ്ങി. appeared first on Valanchery Online.