shortfilm Archives - Valanchery Online

ജെ.സി.ഐ. വളാഞ്ചേരിയുടെ ആഭിമുഖ്യത്തിൽ ഹ്രസ്വചിത്രങ്ങൾക്കുള്ള അവാർഡ്ദാനം ഇന്ന്

വളാഞ്ചേരിക്കാരൻ — Sun, 24 Oct 2021 03:20:56 +0000

വളാഞ്ചേരി : ജൂനിയർ ചേംബർ ഓഫ് ഇന്ത്യ സോൺ 21 (കേരള) ഹ്രസ്വചിത്രോത്സവ പുരസ്കാരദാനച്ചടങ്ങ് ഞായറാഴ്ച മൂന്നിന് വളാഞ്ചേരി എം.ഇ.എസ്. കെ.വി.എം. കോളേജ് ഓഡിറ്റോറിയത്തിൽ നടക്കുമെന്ന് ഭാരവാഹികൾ അറിയിച്ചു.

ജെ.സി.ഐ. വളാഞ്ചേരി സംഘടിപ്പിക്കുന്ന ചടങ്ങിൽ എം.എൽ.എമാരായ ആബിദ് ഹുസൈൻ തങ്ങൾ, കെ.ടി. ജലീൽ വളാഞ്ചേരി, നഗരസഭാധ്യക്ഷൻ അഷറഫ് അമ്പലത്തിങ്ങൽ എന്നിവർക്കു പുറമെ സിനിമയിലെയും സാംസ്‌കാരികരംഗത്തെയും പ്രമുഖരും പങ്കെടുക്കും. തിരഞ്ഞെടുക്കപ്പെട്ട 50-ഓളം ഹ്രസ്വചിത്രം, ഡോക്യുമെന്ററി, മ്യൂസിക് ആൽബം എന്നിവയ്ക്കും അവാർഡുകൾ നൽകും.

The post ജെ.സി.ഐ. വളാഞ്ചേരിയുടെ ആഭിമുഖ്യത്തിൽ ഹ്രസ്വചിത്രങ്ങൾക്കുള്ള അവാർഡ്ദാനം ഇന്ന് appeared first on Valanchery Online.

പുകയിലവിരുദ്ധ സന്ദേശവുമായി ഹ്രസ്വചിത്രം; ‘ഹാവ് എ ബ്രേക്കി’ന്റെ പോസ്റ്റർ പുറത്തിറക്കി

വളാഞ്ചേരിക്കാരൻ — Mon, 01 Jun 2020 00:07:34 +0000

വളാഞ്ചേരി : ലോക പുകയിലവിരുദ്ധ ദിനാചരണത്തോടനുബന്ധിച്ച് ഇന്ത്യൻ ഡെന്റൽ അസോസിയേഷൻ കേരള ബ്രാഞ്ച് അവതരിപ്പിക്കുന്ന ഹ്രസ്വചിത്രമായ ‘ഹാവ് എ ബ്രേക്കി’ന്റെ പോസ്റ്റർ പുറത്തിറക്കി. പ്രകാശനകർമം മന്ത്രി കെ.ടി. ജലീൽ നിർവഹിച്ചു. ഡോ. കെ.ടി. ഹാരിസ്, ഡോ. മഹേഷ് ജോയ് എന്നിവർ സംബന്ധിച്ചു.

The post പുകയിലവിരുദ്ധ സന്ദേശവുമായി ഹ്രസ്വചിത്രം; ‘ഹാവ് എ ബ്രേക്കി’ന്റെ പോസ്റ്റർ പുറത്തിറക്കി appeared first on Valanchery Online.

ഷോർട്ട് ഫിലിം ഫെസ്റ്റിവൽ അവാർഡുകൾ പ്രഖ്യാപിച്ചു; വളാഞ്ചേരി സ്വദേശിക്ക് അംഗീകാരം

വളാഞ്ചേരിക്കാരൻ — Wed, 01 Aug 2018 02:52:58 +0000

തിരുവനന്തപുരം: സംസ്ഥാന യുവജനക്ഷേമ ബോർഡിന്റെ ഷോർട്ട് ഫിലിം അവാർഡ് മാധ്യമ പ്രവർത്തകനും വളാഞ്ചേരി സ്വദേശിയുമായ ഷുഹൈബ് മിസ്റാന് സംവിധാനം ചെയ്ത ‘മിഠായി’ ക്ക് ലഭിച്ചു. സ്ത്രീ ശാക്തീകരണം, സാമൂഹ്യപ്രവർത്തനം, പരിസ്ഥിതി തുടങ്ങിയ വിഷയങ്ങളിൽ വെവ്വേറെ മത്സരങ്ങളായിരുന്നു സംഘടിപ്പിച്ചിരുന്നത്. ഇതിൽ പരിസ്ഥിതി അടിസ്ഥാനപ്പെടുത്തിയ മത്സരത്തിലാണ് ‘മിഠായി’ ഒന്നാം സ്ഥാനം നേടിയത്. 50000 രൂപയും ഫലകവുമാണ് അവാർഡ്. തിരുവനന്തപുരത്ത് നടന്ന ചടങ്ങിൽ സ്‌പീക്കർ പി ശ്രീരാമകൃഷ്ണൻ അവാർഡ് വിതരണം ചെയ്തു. യുവജനകാര്യ വകുപ്പ് മന്ത്രി എ സി മൊയ്‌തീൻ ഉൾപ്പെടെ നിരവധി പ്രമുഖർ സംബന്ധിച്ചു.

The post ഷോർട്ട് ഫിലിം ഫെസ്റ്റിവൽ അവാർഡുകൾ പ്രഖ്യാപിച്ചു; വളാഞ്ചേരി സ്വദേശിക്ക് അംഗീകാരം appeared first on Valanchery Online.

പൂക്കാട്ടിരി പ്രസന്റേഷന്‍ എജ്യുക്കേഷന്‍ സെന്ററിലെ അധ്യയനത്തെക്കുറിച്ചുള്ള ‘വെളിച്ചം’ ഹ്രസ്വചിത്രം പുറത്തിറക്കി

വളാഞ്ചേരിക്കാരൻ — Sun, 04 Feb 2018 23:13:44 +0000

എടയൂര്‍: പൂക്കാട്ടിരിയില്‍ പ്രവര്‍ത്തിക്കുന്ന പ്രസന്റേഷന്‍ എജ്യുക്കേഷന്‍ സെന്ററിലെ അധ്യയനത്തെക്കുറിച്ചുള്ള മേന്മകള്‍ പറയുന്ന ‘വെളിച്ചം’ ഹ്രസ്വചിത്രം മന്ത്രി ഡോ. കെ.ടി. ജലീല്‍ പുറത്തിറക്കി.

വിദ്യാഭ്യാസരംഗത്ത് വന്നുചേരേണ്ട മാറ്റങ്ങളെക്കുറിച്ച് പറയുന്ന ചിത്രം പ്രസ്തുത മേഖലയില്‍ സജീവമായ ചര്‍ച്ചകള്‍ക്ക് തുടക്കമിടുമെന്ന് മന്ത്രി പറഞ്ഞു. സംവിധായകന്‍ ഷാന്‍ ഗാമാസ്, നവമാധ്യമപ്രവര്‍ത്തകന്‍ ഖാലിദ് തൊട്ടിയില്‍ എന്നിവരില്‍നിന്ന് സി.ഡി. സ്വീകരിച്ചാണ് മന്ത്രി ചിത്രം പുറത്തിറക്കിയത്.

എജ്യുക്കേഷന്‍ ചെയര്‍മാന്‍ സി. സനൂപ്, കെ.ടി. ഷിബിന്‍ദാസ്, സി. ഷംസാദ് തുടങ്ങിയവര്‍ സംബന്ധിച്ചു.

The post പൂക്കാട്ടിരി പ്രസന്റേഷന്‍ എജ്യുക്കേഷന്‍ സെന്ററിലെ അധ്യയനത്തെക്കുറിച്ചുള്ള ‘വെളിച്ചം’ ഹ്രസ്വചിത്രം പുറത്തിറക്കി appeared first on Valanchery Online.

വിദ്യാര്‍ഥികളും പോലീസുദ്യോഗസ്ഥരും അഭിനേതാക്കളാകുന്ന ഷോര്‍ട്ട് ഫിലിം ‘കീപ് ഇന്‍ ടച്ച്’ പ്രദര്‍ശനത്തിനൊരുങ്ങുന്നു

വളാഞ്ചേരിക്കാരൻ — Fri, 02 Feb 2018 11:41:37 +0000

കുറ്റിപ്പുറം: കുറ്റിപ്പുറം പോലീസും കടകശ്ശേരി ഐഡിയല്‍ ഇംഗ്ലീഷ് ഹയര്‍സെക്കന്‍ഡറി സ്‌കൂള്‍ എസ്.പി.സി. യൂണിറ്റും ചേര്‍ന്ന് നിര്‍മിച്ച ‘കീപ്പ് ഇന്‍ ടെച്ച്’ ഷോര്‍ട്ട് ഫിലിം തിങ്കളാഴ്ച ഉച്ചയ്ക്ക് 2.30-ന് സംസ്ഥാന പോലീസ് മേധാവി ലോക്‌നാഥ് ബെഹ്‌റ സ്വിച്ച് ഓണ്‍ കര്‍മം നിര്‍വഹിക്കും.

വിദ്യാര്‍ഥികള്‍ അനുഭവിക്കുന്ന പ്രശ്‌നങ്ങളെ ചൂണ്ടിക്കാട്ടുന്ന സിനിമയില്‍ സി.ഐ. എം.കെ. ഷാജി, എസ്.ഐ. നിപുണ്‍ ശങ്കര്‍, പ്രിന്‍സിപ്പല്‍ വി.ടി. ജോസഫ്. പ്രഥമാധ്യാപിക ചിത്ര ഹരിദാസ് എന്നിവരും എസ്.പി.സി. േകഡറ്റുകളും അധ്യാപകരും പോലീസുദ്യോഗസ്ഥരുമാണ് അഭിനയിച്ചിട്ടുള്ളത്.

കുറ്റിപ്പുറം സ്റ്റേഷനിലെ സിവില്‍ പോലീസ് ഓഫീസറും എസ്.പി.സി. ഡ്രില്‍ ഇന്‍സ്ട്രക്ടറുമായ കെ. ഹരി നാരായണനാണ് രചനയും സംവിധാനവും നിര്‍വഹിച്ചത്. സ്‌കൂള്‍ അധ്യാപകനായ ഷാജി കുഞ്ഞന്‍ സംഗീതവും അജയ് വി.നായര്‍ ക്യാമറയും എഡിറ്റിങ്ങും നിര്‍വഹിച്ചു. പത്രസമ്മേളനത്തില്‍ വി. മൊയ്തു, പി.ടി.എം. ആനക്കര, കൃഷ്ണദാസ്, കെ.എ. അബൂബക്കര്‍ എന്നിവര്‍ പങ്കെടുത്തു.
ഷോര്‍ട്ട് ഫിലിമിന്റെ ട്രെയിലര്‍ ഇവിടെ കാണാം

The post വിദ്യാര്‍ഥികളും പോലീസുദ്യോഗസ്ഥരും അഭിനേതാക്കളാകുന്ന ഷോര്‍ട്ട് ഫിലിം ‘കീപ് ഇന്‍ ടച്ച്’ പ്രദര്‍ശനത്തിനൊരുങ്ങുന്നു appeared first on Valanchery Online.

“ഒരു മലപ്രത്തേരൻ” ഷോർട്ട് ഫിലിം പുറത്തിറങ്ങി

വളാഞ്ചേരിക്കാരൻ — Sun, 19 Nov 2017 05:35:05 +0000

എടയൂർ: എടയൂർ സ്വദേഡി മിഞ്ചാജ് മിന്നു സംവിധാ‍നം നിർവഹിച്ച “ഒരു മലപ്രത്തേരൻ” എന്ന ഷോർട്ട് ഫിലിം റിലീസ് ചെയ്തു. യൂട്യൂബ വഴിയാണ് ഷോർട്ട് ഫിലിം റിലീസ് ചെയ്തത്. മലപ്പൂറത്തെയും മലപ്പുറത്തുകാരെയും പറ്റി പ്രതിപാദിച്ചിരിക്കുന്ന ഈ സംരഭത്തിൽ ഇന്ന് ജില്ലയുമയി ബന്ധപ്പെട്ട് കിടക്കുന്ന വിവിധ വിഷങ്ങളെ ക്കുറിച്ച് പറയുന്നു. സയ്യിദ് നവാഫ് ജിഫ്രി തിരക്കഥയും സംഭാഷണവും നിർവഹിച്ചിരിക്കുന്ന ഷോർട്ട്ഫിലിമിൽ യൂസഫ് നിയോ കലാ സംവിധാനം കൈകാര്യം ചെയ്തിരിക്കുന്നു. എഡിറ്റിങ്ങ്: വിപിൻ. ജുനു റോബ്സ് ആണ് ക്യാമറ കൈകാര്യം ചെയ്തിരിക്കുന്നത്.

ലോക്കൽസിനു വേണ്ടി ലോ ക്ലാസ് ഇറക്കുന്ന ഒരു കട്ട ലോക്കൽ പടം എന്ന ലേബലോടെയാണ് ഷോർട്ട് ഫിലിം സമുഹ്യ മാധ്യമങ്ങളിലൂടെ ഷെയർ ചെയ്യപ്പെടുന്നത്.

ഷോർട്ട് ഫിലിം താഴെ കാണാം:

The post “ഒരു മലപ്രത്തേരൻ” ഷോർട്ട് ഫിലിം പുറത്തിറങ്ങി appeared first on Valanchery Online.

എടയൂർ സ്വദേശിയുടെ ‘ഒരു മല‌പ്രത്തേരൻ’ ഷോർട്ട് ഫിലിം ടീസർ പുറത്തിറങ്ങി

വളാഞ്ചേരിക്കാരൻ — Tue, 14 Nov 2017 01:21:22 +0000

എടയൂർ: എടയൂർ സ്വദേശിയായ മിഞ്ചാജ് മിന്നു സംവിധാനം ചെയ്യുന്ന ‘ഒരു മല‌പ്രത്തേരൻ’ എന്ന ഷോർ‌ട്ട് ഫിലിമിന്റെ ടീസർ പുറത്തിറങ്ങി. ഞായറാഴ്ച വൈകീട്ടാണ് ടീസർ യൂട്യൂബിലെത്തിയത്. സംവിധായകനായ മിൻ‌ഷാജ് തന്നെയാണ് ഇക്കാര്യം ഫെയ്സ്‌ബുകിലൂടെ പങ്ക്‌വച്ചത്.

വൈ എൻ ആർട് പ്രൊഡക്ഷൺസിന്റെ ബാനറിൽ പുറത്തിരങ്ങുന്ന ഷോർട്ട് ഫിലിമിന്റെ കഥയും സംവിധാനവും കൈകാര്യം ചെയ്യുന്നത് മിൻഹാജാണ്. സയിദ് നവാഫ് ജിഫ്രിയാണ് തിരക്കഥയും സംഭാഷണവും. ക്യാമറ അരുൺ കുമാർ

ടീസർ കാണാം:

Content highlights: Teaser released shortfilm ‘Oru Malappratheran’ minhaj minnu

The post എടയൂർ സ്വദേശിയുടെ ‘ഒരു മല‌പ്രത്തേരൻ’ ഷോർട്ട് ഫിലിം ടീസർ പുറത്തിറങ്ങി appeared first on Valanchery Online.

‘ഓട്ട’യുടെ രണ്ടാമത്തെ ഹൃസ്വചിത്രം നിറസദസിനു മുന്നിൽ പ്രദർശിപ്പിച്ചു

വളാഞ്ചേരിക്കാരൻ — Sun, 05 Jan 2014 14:02:57 +0000

യുവ സംവിധായകൻ സഹീർ സാം സക്കറിയയുടെ രണ്ടാമത്തെ ഹൃസ്വചിത്രമായ ‘ഹൌ ടു മേക്ക് എ കൈറ്റ്’ (How to make a Kite?) പ്രമേയം കൊണ്ട് ശ്രദ്ധേയമായി. കുട്ടികളുടെ സഹജമായ സ്വാതന്ത്ര്യം നിഷേധിക്കുന്ന കാലത്തോടുള്ള പ്രതിഷേധസ്വരമായും ഉള്ളവനും ഇല്ലാത്തവനും ഇല്ലാതാകുന്ന കാലത്തെക്കുറിച്ചുള്ള കുട്ടികളുടെ പ്രതിഷേധസ്വരമായി, പത്ത് മിനിറ്റ് മത്രം ദൈർഘ്യമുള്ള ഈ ഹൃസ്വചിത്രം. ചിത്രത്തിന്റെ ആദ്യ പ്രദർശനം വളാഞ്ചേരി പോപ്പുലർ പാരഡൈസ് തീയേറ്ററിൽ വച്ച് നിറഞ്ഞ സദസ്സിന് മുന്നിൽ നടന്നു. സ്വപ്നം, സമത്രം, സ്വാതന്ത്ര്യം എന്നീ പ്രമേയങ്ങളാണ് ചിത്രം പ്രേക്ഷകനുമായി സംവദിക്കുന്നത്. ആദ്യമയാണ് ഒരു ഹൃസ്വചിത്രം നിറഞ്ഞ സദസ്സിനു മുന്നിൽ വളാഞ്ചേരിയിലെ ഒരു തീയേറ്ററിൽ പ്രദർശിപ്പിക്കുന്നത്. പ്രദർശനത്തിന് ശേഷം നടന്ന സംവാദത്തിൽ ഡോ. കെ‌ടി ജലീൽ എം‌എൽ‌എ, വളാഞ്ചേരി ഗ്രാമ‌പഞ്ചായത്ത് പ്രസിഡന്റ് ടി‌പി അബ്ദുൾ ഗഫൂർ, വി‌പി സക്കറിയ, അഷറഫലി കാളിയത്ത്, വി‌പി‌എം സ്വാലിഹ്, പി പ്രചാകരൻ, കെ നവാബ്, പി‌കെ വിജേഷ് എമ്മിവർ സംസാരിച്ചു. നിർമ്മാതാക്കളായ ടി‌കെ രഞ്‌ജിത്, ടി‌കെ ശരത്, മറ്റ് അണിയറ പ്രവർത്തകരും സിനിമ കാണാൻ എത്തിയിരുന്നു. വളാഞ്ചേരിയിലെ സാസ്കാരിക സംഘടനയായ ‘ഓട്ട’യുടെ നേതൃത്വത്തിലാണ് സിനിമ പ്രദർശിപ്പിച്ചത്.

Summary: The second short film by upcoming director Saheer Sam Zackariya, ‘How to make a Kite?’ screened before house packed audience in Popular paradise theater at Valanchery on Sunday morning.

The post ‘ഓട്ട’യുടെ രണ്ടാമത്തെ ഹൃസ്വചിത്രം നിറസദസിനു മുന്നിൽ പ്രദർശിപ്പിച്ചു appeared first on Valanchery Online.