mes.college Archives - Valanchery Online

കുറ്റിപ്പുറം എം ഇ എസ് എഞ്ചിനീയറിങ്ങ് കോളേജിൽ വിദ്യാർത്ഥി സംഘർഷം; മൂന്ന് പേർ അറസ്റ്റിൽ

വളാഞ്ചേരിക്കാരൻ — Fri, 03 Jun 2022 22:38:13 +0000

കുറ്റിപ്പുറം: കുറ്റിപ്പുറം എം ഇ എസ് എഞ്ചിനീയറിങ്ങ് കോളേജിലെ വ്യത്യസ്ത ഡിപാർട്ടുമെൻ്റുകളിൽ പഠിക്കുന്ന വിദ്യാർത്ഥികൾ തമ്മിലുണ്ടായ സംഘർഷത്തിൽ അഞ്ച് പേർക്ക് പരിക്കേറ്റ സംഭവത്തിൽ മൂന്ന് വിദ്യാർത്ഥികളെ കുറ്റിപ്പുറം പോലീസ് അറസ്റ്റ് ചെയ്തു. കോളേജിലെ സിവിൽ – മെക്കാനിക്കൽ ഡിപാർട്ട്മെൻ്റുകളിലെ വിദ്യാർത്ഥികൾ തമ്മിലുണ്ടായ സംഘർഷത്തിൽ മെക്കാനിക്കൽ വിങ്ങിലെ ഒരു വിദ്യാർത്ഥിയുടെ കൈവിരലിന്റെ എല്ല് പൊട്ടുകയും മറ്റ് 4 പേർക്ക് പരിക്കേൽക്കുകയും ചെയ്തിരുന്നു. ഇതിനെ തുടർന്ന് പൊലീസ് കേസെടുക്കുകയും പ്രതികളിൽ 3 പേരെ അറസ്റ്റ് ചെയ്യുകയും ചെയ്തത്. കുറ്റിപ്പുറം കൊളത്തോൾ ഒറുവിൽ ഇബ്രാഹിമിനെ മകൻ അജ്മൽ (21), കണ്ണൂർ സിവിൽ സ്റ്റേഷനിൽ കസാനകോട മനോരമ ഓഫീസിനു സമീപം താമസിക്കുന്ന മൻഹൽ വീട്ടിൽ അദീപിൻ്റെ മകൻ ആസ് (21), മങ്കട വെള്ളില സൗപർണ്ണികയിൽ ഗോപാലകൃഷണൻ്റെ മകൻ ധീരജ് (21) എന്നിവരെയാണ് പോലീസ് അറസ്റ്റ് ചെയ്തത്. ഒളിവിലുള്ള മറ്റ് പ്രതികൾക്ക് വേണ്ടി തിരച്ചിൽ ഊർജ്ജിതമാക്കി. അറസ്റ്റിലായവർ എല്ലാവരും സിവിൽ എഞ്ചിനീയറിങ്ങ് വിദ്യാർത്ഥികളാണ്.

കോളേജിലെ വിദ്യാത്ഥികൾ തമ്മിലും വിദ്യാർത്ഥികളും നാട്ടുകാരുമായും പല തവണയായി സംഘർഷം ഉണ്ടായിരുന്നു. ഇതേതുടർന്നാണ് പൊലീസ് നടപടികൾ കർശനമാക്കിയത്. കോളേജിന്റെ പ്രവർത്തനം പ്രദേശത്തെ ക്രമസമാധാനത്തിന് ഭീഷണിയായാൽ സി.ആർ.പി.സി. 143 – വകുപ്പ് പ്രകാരം കൊളേജിനെതിരെ ജില്ലാ കലക്ടർക്ക് റിപ്പോർട് നൽകുമെന്ന് പൊലീസ് അറിയിച്ചു.

The post കുറ്റിപ്പുറം എം ഇ എസ് എഞ്ചിനീയറിങ്ങ് കോളേജിൽ വിദ്യാർത്ഥി സംഘർഷം; മൂന്ന് പേർ അറസ്റ്റിൽ appeared first on Valanchery Online.

കുറ്റിപ്പുറം എം.ഇ.എസ്. എൻജിനീയറിങ് കോളേജിൽ ജനുവരി 15-ന് തൊഴിൽ മേള

വളാഞ്ചേരിക്കാരൻ — Mon, 10 Jan 2022 01:05:57 +0000

കുറ്റിപ്പുറം : കേരള നോളേജ് ഇക്കോണമി മിഷൻ സംഘടിപ്പിക്കുന്ന തൊഴിൽമേള ജനുവരി 15-ന് കുറ്റിപ്പുറം എം.ഇ.എസ്. എൻജിനീയറിങ് കോളേജിൽ നടക്കും. ഉദ്യോഗാർഥികൾ knowledgemission.kerala.gov.in എന്ന വെബ്‌സൈറ്റിൽ രജിസ്റ്റർ ചെയ്യണം. വിവരങ്ങൾക്ക്: 0471 2737881

The post കുറ്റിപ്പുറം എം.ഇ.എസ്. എൻജിനീയറിങ് കോളേജിൽ ജനുവരി 15-ന് തൊഴിൽ മേള appeared first on Valanchery Online.

വളാഞ്ചേരി എം.ഇ.എസ്. കോളേജിലെ ആദ്യ പ്രീഡിഗ്രി ബാച്ചുകാരുടെ കൂട്ടായ്മയുടെ സംഗമം നടത്തി

വളാഞ്ചേരിക്കാരൻ — Thu, 06 Jan 2022 00:16:05 +0000

വളാഞ്ചേരി : എം.ഇ.എസ്. കോളേജ് ആദ്യ പ്രീഡിഗ്രി ബാച്ചുകാരുടെ കൂട്ടായ്മയായ ഒരുമയുടെ സംഗമം കുളമംഗലത്ത് നടന്നു. കോളേജിലെ പഴയകാല അധ്യാപകൻ കേശവൻ നമ്പൂതിരി ഉദ്ഘാടനംചെയ്തു. മഠത്തിൽ മോഹൻദാസ് അധ്യക്ഷതവഹിച്ചു.

പി. വിജയകുമാർ, രാമകൃഷ്ണൻ, സമദ്, ജയപ്രകാശ് ആതവനാട്, കെ. വാസുണ്ണി, മോഹൻ ആതവനാട്, പി. രവീന്ദ്രൻ, ടി. മജീദ്, പി. ഓമന, സുഭദ്ര പറമ്പത്ത്, എൻ. സത്താർ, പി. അലവിക്കുട്ടി എന്നിവർ പ്രസംഗിച്ചു.

The post വളാഞ്ചേരി എം.ഇ.എസ്. കോളേജിലെ ആദ്യ പ്രീഡിഗ്രി ബാച്ചുകാരുടെ കൂട്ടായ്മയുടെ സംഗമം നടത്തി appeared first on Valanchery Online.

പൊന്നാനി എം.ഇ.എസ് കോളേജിൽ അതിഥി അധ്യാപക നിയമനം

വളാഞ്ചേരിക്കാരൻ — Sun, 24 Oct 2021 00:55:04 +0000

പൊന്നാനി : എം.ഇ.എസ്. കോളേജിൽ അക്വാകൾച്ചർ വിഭാഗത്തിൽ അതിഥി അധ്യാപക നിയമനം നടത്തുന്നു. അഭിമുഖം 27-ന് രാവിലെ 10.30-ന് കോളേജ് ഓഫീസിൽ. ഫോൺ: 0494 2666077.

The post പൊന്നാനി എം.ഇ.എസ് കോളേജിൽ അതിഥി അധ്യാപക നിയമനം appeared first on Valanchery Online.

പൊന്നാനി എം.ഇ.എസ്. കോളേജിൽ കമ്പ്യൂട്ടർ സയൻസ് വിഭാഗത്തിൽ അതിഥി അധ്യാപക ഒഴിവ്

വളാഞ്ചേരിക്കാരൻ — Wed, 16 Dec 2020 01:16:21 +0000

പൊന്നാനി : എം.ഇ.എസ്. കോളേജിൽ കമ്പ്യൂട്ടർസയൻസ് വിഭാഗത്തിൽ കരാർ അടിസ്ഥാനത്തിൽ അതിഥി അധ്യാപക നിയമനം നടത്തുന്നു. അർഹരായവർ ഡിസംബർ 29-നു മുമ്പായി ബയോഡേറ്റ സഹിതം principal.mesponnnani@gmail.com എന്ന ഇ-മെയിലിലേക്ക് അപേക്ഷ അയക്കേണ്ടതാണ്. കോഴിക്കോട് ഡെപ്യൂട്ടി ഡയറക്ടർ കാര്യാലയത്തിൽ രജിസ്റ്റർചെയ്തവരായിരിക്കണം. വിവരങ്ങൾക്ക്: 0494 2666077.

The post പൊന്നാനി എം.ഇ.എസ്. കോളേജിൽ കമ്പ്യൂട്ടർ സയൻസ് വിഭാഗത്തിൽ അതിഥി അധ്യാപക ഒഴിവ് appeared first on Valanchery Online.

എംഇഎസ് കോളേജുകളില്‍ മുഖം മറച്ചുള്ള വസ്ത്രധാരണം നിരോധിച്ച് കൊണ്ടുള്ള സര്‍ക്കുലര്‍ പുറത്തിറങ്ങി

വളാഞ്ചേരിക്കാരൻ — Thu, 02 May 2019 01:59:22 +0000

കോഴിക്കോട്: അടുത്ത അധ്യയന വർഷം മുതൽ എം.ഇ.എസ് കോളജുകളിൽ മുഖം മറച്ചുള്ള വസ്ത്രധാരണം നിരോധിച്ചുകൊണ്ടുള്ള സർക്കുലർ പുറത്തുവിട്ടു. എം.ഇ.എസ് പ്രസിഡൻറ് ഡോ. പി.കെ ഫസൽ ഗഫൂറാണ് സർക്കുലർ പുറത്തുവിട്ടത്. കേരള ഹൈകോടതി വിധിയുടെ അടിസ്ഥാനത്തിലാണ് പുതിയ നിയമമെന്നും സർക്കുലറിൽ പറയുന്നുണ്ട്

പൊതു സമൂഹത്തിന് സ്വീകാര്യമല്ലാത്ത വിധത്തിലുള്ള വേഷ വിധാനങ്ങൾ അത് ആധുനികയുടെ പേരിലായാലും മതാചാരങ്ങളുടെ പേരിലായാലും അംഗീകരിക്കാൻ കഴിയില്ലെന്ന് സർക്കുലറിൽ ചൂണ്ടിക്കാട്ടുന്നു. ഹൈകോടതി വിധിയുടെ അടിസ്ഥാനത്തിൽ വിദ്യാർഥിനികൾ മുഖം മറച്ചുകൊണ്ടുള്ള യാതൊരു വിധത്തിലുമുള്ള വസ്ത്ര ധാരണത്തിലും ക്ലാസുകളിലേക്ക് വരുന്നില്ലെന്ന് അധ്യാപകർ ഉറപ്പ് വരുത്തണം.

വിവാദത്തിന് ഇടം കൊടുക്കാതെ 2019-20 അധ്യയന വർഷം മുതൽ അത് പ്രാവർത്തികമാക്കണമെന്നും ഇക്കാര്യം നിയമമായി ഉൾപ്പെടുത്തി പുതിയ അധ്യയന വർഷത്തെ കോളജ് കലണ്ടർ തയാറാക്കണമെന്നും സർക്കുലറിൽ നിർദേശിക്കുന്നുണ്ട്.

The post എംഇഎസ് കോളേജുകളില്‍ മുഖം മറച്ചുള്ള വസ്ത്രധാരണം നിരോധിച്ച് കൊണ്ടുള്ള സര്‍ക്കുലര്‍ പുറത്തിറങ്ങി appeared first on Valanchery Online.

വളാഞ്ചേരിയില്‍ ഇന്ന് സൂഫി സംഗീത നിശ

വളാഞ്ചേരിക്കാരൻ — Tue, 20 Feb 2018 09:29:35 +0000

വളാഞ്ചേരി: വളാഞ്ചേരിയിലെ സംഗീത ആസ്വാദകര്‍ക്കായി ഇന്ന് സൂഫി സംഗീത നിശ അവതരിപ്പിക്കപ്പെടുന്നു. എം.ഇ.എസ് കെ.വി.എം കോളേജ് യൂണിയന്റെ (ദ്യുതി) നേതൃത്വത്തില്‍ ക്യാമ്പസിലെ ചീനിമരച്ചുവട്ടിലാണ് പരിപാടി. വൈകീട്ട് ആറ് മണി മുതല്‍ രാത്രി 8 മണി വരെ തുടരുന്ന പരിപാടിയില്‍ സൂഫി സംഗീതജ്ഞരായ സമീര്‍ ബിന്‍സിയും ഇമാം മജ്‌ബൂറുമാണ് പാടുന്നത്. കോളേജിലെ വിദ്യാര്‍ത്ഥികള്‍ക്കുമൊപ്പം പൊതുജനങ്ങള്‍ക്കും പ്രവേശനമനുണ്ടായിരിക്കുന്നതാണെന്ന് സംഘാടകര്‍ അറിയിച്ചു.

The post വളാഞ്ചേരിയില്‍ ഇന്ന് സൂഫി സംഗീത നിശ appeared first on Valanchery Online.

മേരി ക്യൂറിയുടെ 150–ാം ജന്മവാർഷികം: നാടകയാത്ര വളാഞ്ചേരിയിലെത്തി

വളാഞ്ചേരിക്കാരൻ — Sun, 11 Feb 2018 10:00:14 +0000

വളാഞ്ചേരി ∙ ശാസ്ത്രസാഹിത്യ പരിഷത് യുവസമിതിയുടെ

ക്യാംപസ് നാടകയാത്രയുടെ ജില്ലയിലെ പര്യടനം വളാഞ്ചേരി എംഇഎസ് കോളജിൽ പ്രിൻസിപ്പൽ ഡോ. സി.അബ്ദുൽഹമീദ് ഉദ്ഘാടനം ചെയ്തു. കെ.കൃഷ്ണപ്രഭ ആധ്യക്ഷ്യം വഹിച്ചു. പരിഷത്ത് സംസ്ഥാന കമ്മിറ്റി അംഗം എ.പി.മുരളീധരൻ, ഡോ. സി.രാജേഷ്, എസ്.ദിനിൽ, സരിൻ എന്നിവർ പ്രസംഗിച്ചു.

മേരിക്യൂറിയുടെ 150–ാം ജന്മവാർഷികത്തിന്റെ ഭാഗമായി ലോകം മുഴുവൻ അവരുടെ ശാസ്ത്രജീവിതത്തെ ആദരപൂർവം അനുസ്മരിക്കുന്നതിന്റെ ഭാഗമായാണ് കേരളത്തിലും പരിഷത് യുവസമിതി നാടകയാത്ര നടത്തുന്നത്. മേരിക്യൂറിയുടെ ജീവിത കഥ പ്രതിപാദിക്കുന്ന നാടകമാണ് അവതരിപ്പിച്ചത്. അലിയാർ, സജാസ് എന്നിവർ സംവിധാനം ചെയ്ത നാടകത്തിന്റെ രചന എൻ.വേണുഗോപാലിന്റേതാണ്.

The post മേരി ക്യൂറിയുടെ 150–ാം ജന്മവാർഷികം: നാടകയാത്ര വളാഞ്ചേരിയിലെത്തി appeared first on Valanchery Online.

ശാസ്ത്രസാഹിത്യ പരിഷത്തിന്റെ ആഭിമുഖ്യത്തിൽ വളാഞ്ചേരി കെ‌വി‌എം കോളേജിൽ സംവാദം സംഘടിപ്പിച്ചു

വളാഞ്ചേരിക്കാരൻ — Thu, 23 Jan 2014 10:49:48 +0000

ശാസ്ത്രസാഹിത്യ പരിഷത്ത് വളാഞ്ചേരി എം.ഇ.എസ്.കെ.വി.എം കോളേജില്‍ സംവാദം സംഘടിപ്പിച്ചു. പരിഷത്ത് മുന്‍ സംസ്ഥാന പ്രസിഡന്റ് കെ.ടി. രാധാകൃഷ്ണന്‍ നേതൃത്വംനല്‍കി. പ്രിന്‍സിപ്പല്‍ ഇന്‍-ചാര്‍ജ് സി.കെ. ഹസ്സന്‍ അധ്യക്ഷതവഹിച്ചു. ശ്രീലക്ഷ്മി, അഫ്‌സൽ, മുബിന്‍, മസൂദ് തുടങ്ങിയവര്‍ സംവാദത്തില്‍ പങ്കെടുത്തു. എം. ഉണ്ണികൃഷ്ണന്‍, ടി.വി. സുജ, പി. വിജയകൃഷ്ണന്‍, സജി ജേക്കബ്, കെ.എസ്. കൃഷ്ണപ്രഭ എന്നിവര്‍ പ്രസംഗിച്ചു.

Summary: A debate had been conducted at MES KVM college, Valanchery

The post ശാസ്ത്രസാഹിത്യ പരിഷത്തിന്റെ ആഭിമുഖ്യത്തിൽ വളാഞ്ചേരി കെ‌വി‌എം കോളേജിൽ സംവാദം സംഘടിപ്പിച്ചു appeared first on Valanchery Online.