fest Archives - Valanchery Online

മൂക്കുതല കണ്ണേങ്കാവ് പൂരം ഇന്ന്

വളാഞ്ചേരിക്കാരൻ — Fri, 20 Jan 2023 02:39:55 +0000

മൂക്കുതല : കരിങ്കാളിവരവുകൾകൊണ്ട് പ്രസിദ്ധിനേടിയ മൂക്കുതല കണ്ണേങ്കാവ് ഭഗവതീക്ഷേത്രത്തിലെ ഉത്സവം വെള്ളിയാഴ്‌ച നടക്കും. ഉത്സവത്തിനു മുന്നോടിയായി വ്യാഴാഴ്‌ച രാവിലെമുതൽ മഠത്തിൽപാടത്ത് നടന്ന വാണിഭത്തിൽ ആയിരക്കണക്കിനാളുകൾ പങ്കെടുത്തു. വീട്ടുപകരണങ്ങളും കാർഷികോപകരണങ്ങളും കളിപ്പാട്ടങ്ങളും മത്സ്യവും അടക്കമുള്ള എല്ലാത്തിന്റെയും വിപണിയാണ് പൂരവാണിഭം.

വെള്ളിയാഴ്‌ച പുലർച്ചെ വരെ ഇതു തുടർന്നു. വെള്ളിയാഴ്‌ച വിശേഷാൽപൂജകൾക്കും എഴുന്നള്ളിപ്പിനും ശേഷമാണ് താലൂക്കിന്റെ വിവിധ ഭാഗങ്ങളിൽനിന്ന് നൂറുകണക്കിനു കരിങ്കാളികൾ ഉത്സവപ്പറമ്പിലേക്കെത്തുക. കഴിഞ്ഞ വർഷങ്ങളിൽ കോവിഡ്മൂലം കർശന നിയന്ത്രണമുണ്ടായിരുന്നതിനാൽ ഇത്തവണ വലിയ തോതിലാണ് കരിങ്കാളി ബുക്കിങ് നടന്നിട്ടുള്ളത്. വീടുകളിൽനിന്ന് വഴിപാടായും വിവിധ കമ്മിറ്റികളുടെയും ദേശങ്ങളുടെയും വകയായുമെല്ലാമുള്ള കരിങ്കാളികൾ ഉത്സവപ്പറമ്പിലെത്തിയാൽ കരിങ്കാളിപ്പൂരമായി അവിടംമാറും. ഇതിനുശേഷമാണ് മൂന്നു ദേശങ്ങളുടെ വെടിക്കെട്ടുകൾ നടക്കുക. ജില്ലാ ഭരണകൂടത്തിന്റെ അനുമതി നേരത്തേതന്നെ കിട്ടിയതിനാൽ അതിനുള്ള ഒരുക്കങ്ങളുമായിട്ടുണ്ട്.

The post മൂക്കുതല കണ്ണേങ്കാവ് പൂരം ഇന്ന് appeared first on Valanchery Online.

മുപ്പത്തിയെട്ടാമത് സംസ്ഥാന ടെക്ക്നിക്കൽ സ്കൂൾ കായിക മേള; കുറ്റിപ്പുറം ഗവ.ടെക്ക് നിക്കൽ സ്കൂളിൽ മേളക്ക് സംഘാടക സമിതി രൂപീകരിച്ചു

വളാഞ്ചേരിക്കാരൻ — Wed, 19 Oct 2022 07:25:07 +0000

കുറ്റിപ്പുറം: ജനുവരി 11 മുതൽ 13 വരെ നടക്കുന്ന മേളയിൽ ആയിരത്തിലേറെ താരങ്ങളാണ് മാറ്റുരക്കുക. 39 ടെക്ക്നിക്കൽ സ്കൂളുകളിൽ നിന്നും ഒമ്പത് ഐ.എച്ച്.ആർ.ഡി കേന്ദ്രങ്ങളിൽ നിന്നുമുള്ള താരങ്ങൾ പങ്കെടുക്കും. സംഘാടക സമിതി രൂപീകരണം പ്രൊഫ. ആബിദ് ഹുസൈൻ തങ്ങൾ എം.എൽ.എ ഉദ്ഘാടനം ചെയ്തു. മേളയുടെ ലോഗോ പ്രകാശനവും എം.എൽ.എ നിർവ്വഹിച്ചു. കുറ്റിപ്പുറം ബ്ലോക്ക് പഞ്ചായത്ത് പ്രസിഡൻറ് വസീമ വേളേരി, കുറ്റിപ്പുറം ഗ്രാമ പഞ്ചായത്ത് പ്രസിഡൻ്റ് ഫസീന അഹമ്മദ്കുട്ടി, ഗ്രാമപഞ്ചായത്ത് വൈസ് പ്രസിഡൻ്റ് സിദ്ധീക്ക് പറപ്പാറ, ഗ്രാമപഞ്ചായത്ത് അംഗങ്ങളായ അഷ്റഫലി, ജയകുമാർ, ടെക്നിക്കൽ എജുക്കേഷൻ കോഴിക്കോട് റീജിയനൽ ഡയറക്ടർ കെ.എം രമേശ്, കോക്കൂർ ജി.ടി.എച്ച്.എസ് സൂപ്രണ്ട് വി.കെ സുരേന്ദ്രൻ, പി.ടി.എ വൈസ് പ്രസിഡൻ്റ് ഷാഹിദ് വളാഞ്ചേരി, സ്കൂൾ വെൽഫെയർ കമ്മിറ്റി ചെയർമാൻ മൊയ്തീൻകുട്ടി, വിവിധ രാഷ്ട്രീയ കക്ഷി നേതാക്കളായ ലുഖ്മാൻ തങ്ങൾ, പാറക്കൽ ബഷീർ, വി.വി രാജേന്ദ്രൻ, വി.കെ രാജീവ് തുടങ്ങിയവർ പ്രസംഗിച്ചു. കുറ്റിപ്പുറം ടെക്നിക്കൽ സ്കൂൾ സൂപ്രണ്ട് പി ജയപ്രസാദ് സ്വാഗതവും എൻജിനീയറിങ് ഇൻസ്ട്രക്ടർ എ.പി സുധീർ നന്ദിയും പറഞ്ഞു.

The post മുപ്പത്തിയെട്ടാമത് സംസ്ഥാന ടെക്ക്നിക്കൽ സ്കൂൾ കായിക മേള; കുറ്റിപ്പുറം ഗവ.ടെക്ക് നിക്കൽ സ്കൂളിൽ മേളക്ക് സംഘാടക സമിതി രൂപീകരിച്ചു appeared first on Valanchery Online.

എടയൂർ എസ്.വി.എ.എൽ.പി സ്കൂളിൽ ഈദ് ഇശൽ – ഗ്രാന്റ് ഫിനാലെ 2022 സംഘടിപ്പിച്ചു

വളാഞ്ചേരിക്കാരൻ — Fri, 15 Jul 2022 09:50:22 +0000

എടയൂർ: എടയൂർ എസ്.വി.എ.എൽ പി സ്കൂളിൽ ഈദ് ഇശൽ – ഗ്രാന്റ്ഫിനാലെ 2022 പരിപാടി സംഘടിപ്പിച്ചു. പ്രശസ്ത പാട്ടുകാരനും പൂർവ്വ വിദ്യാർത്ഥിയുമായ ശിബിലി ഉദ്ഘാടനം നിർവഹിച്ചു. പി.ടി.എ വൈസ് പ്രസിഡന്റ് ശിഹാബ് എൻ.ടി, പി.ടി.എ എക്സിക്യൂട്ടീവ് അംഗങ്ങൾ, പൂർവ്വ വിദ്യാർത്ഥികൾ, രക്ഷിതാക്കൾ, അധ്യാപകർ എന്നിവർ ചടങ്ങിൽ സംബന്ധിച്ചു.

The post എടയൂർ എസ്.വി.എ.എൽ.പി സ്കൂളിൽ ഈദ് ഇശൽ – ഗ്രാന്റ് ഫിനാലെ 2022 സംഘടിപ്പിച്ചു appeared first on Valanchery Online.

പുത്തനത്താണി ഡിവിഷൻ സാഹിത്യോത്സവ് സമാപിച്ചു

വളാഞ്ചേരിക്കാരൻ — Thu, 26 Aug 2021 01:37:22 +0000

പുത്തനത്താണി : ഓഗസ്റ്റ് 20, 21, 22 തിയ്യതികളിലായി സംഘടിപ്പിക്കപ്പെട്ട പുത്തനത്താണി ഡിവിഷൻ സാഹിത്യോത്സവിന് പരിസമാപ്തിയായി. സ്റ്റേജിതര മത്സരങ്ങൾ അഞ്ച് ഉപകേന്ദ്രങ്ങളിലായും സ്റ്റേജ് മത്സരങ്ങൾ രണ്ടത്താണി നുസ്റത്ത് കേന്ദ്രീകരിച്ചുമാണ് നടന്നു. ഡിവിഷനകത്തെ പത്ത് സെക്ടറുകളാണ് സാഹിത്യോത്സവിൽ പങ്കെടുത്തത്. വളവന്നൂർ, പാറമ്മലങ്ങാടി, തിരുനാവായ എന്നീ സെക്ടറുകൾ യഥാക്രമം ഒന്ന് രണ്ട് മൂന്ന് സ്ഥാനങ്ങൾ നേടി. കാമ്പസ് ഇനത്തിൽ CPA കോളേജ് പുത്തനത്താണി ഒന്നാം സ്ഥാനവും അൻസാർ അറബിക് കോളേജ് വളവന്നൂർ രണ്ടാംസ്ഥാനവും നേടി. അബ്ദുൽ ഹസീബ് പുത്തനത്താണി കലാപ്രതിഭയും മുഹമ്മദ് ഉവൈസ് കൽപ്പകഞ്ചേരി സർഗപ്രതിഭയുമായി.

സമാപന സംഗമം അലി ബാഖവി ആറ്റുപുറം ഉദ്ഘാടനം ചെയ്തു. എസ്എസ്എഫ് മലപ്പുറം വെസ്റ്റ് ജില്ലാ ജനറൽ സെക്രട്ടറി മുഹമ്മദ് സഈദ് സകരിയ്യ സന്ദേശ പ്രഭാഷണം നടത്തി. മലപ്പുറം വെസ്റ്റ് ജില്ല സെക്രട്ടറിമാരായ അബൂബക്കർ അരിയല്ലൂർ അബ്ദുൽ ഹഫീള് അഹ്സനി രണ്ടത്താണി ജഅഫർ ശാമിൽ ഇർഫാനി തിരുനാവായ അതീഖ് റഹ്മാൻ ഊരകം മുഹമ്മദ് കുട്ടി അഹ്സനി കിഴക്കേപ്പുറം എന്നിവർ സംബന്ധിച്ചു. പുത്തനത്താണി ഡിവിഷൻ സാഹിത്യോത്സവ് സമിതി ചെയർമാൻ റബീഹ് സഖാഫി അദ്യക്ഷത വഹിച്ചു. മുബഷിർ നുസ്രി സ്വാഗതവും നാസർ സഖാഫി നന്ദിയും പറഞ്ഞു.

The post പുത്തനത്താണി ഡിവിഷൻ സാഹിത്യോത്സവ് സമാപിച്ചു appeared first on Valanchery Online.

വൈക്കത്തൂർ മഹോത്സവം ഇന്ന് സമാപിക്കും

വളാഞ്ചേരിക്കാരൻ — Wed, 06 Jan 2021 02:45:51 +0000

വളാഞ്ചേരി :വൈക്കത്തൂർ മഹോത്സവം ഇന്ന് സമാപിക്കും. ബുധനാഴ്ച ആറാട്ടോടെ സമാപനം. ചൊവ്വാഴ്ച സർവൈശ്വര്യപൂജ നടത്തി. തന്ത്രി കിഴക്കിനിയേടത്ത് മേക്കാട്ട് മാധവൻ നമ്പൂതിരിപ്പാട്, മേൽശാന്തി കാലടി മുണ്ടക്കിഴി നാരായണൻ നമ്പൂതിരിപ്പാട് എന്നിവർ നേതൃത്വം നൽകി. സ്ത്രീകളും കുട്ടികളും പൂജയിൽ പങ്കെടുത്തു. തുടർന്ന് പള്ളിവേട്ടയുമുണ്ടായി. കോവിഡിനെത്തുടർന്ന് 2020 ഏപ്രിലിൽ മാറ്റിവെച്ച ഉത്സവമാണ് ആചാരങ്ങൾക്കും താന്ത്രികച്ചടങ്ങുകൾക്കും പ്രാധാന്യംനൽകി നടത്തുന്നത്.

The post വൈക്കത്തൂർ മഹോത്സവം ഇന്ന് സമാപിക്കും appeared first on Valanchery Online.

വളാഞ്ചേരി ഫെസ്റ്റ്; തിയ്യതി മാറ്റി

വളാഞ്ചേരിക്കാരൻ — Thu, 23 Jan 2020 15:27:42 +0000

വളാഞ്ചേരി: ജനുവരി 30 മുതൽ ഫെബ്രുവരി 10 വരെ നടത്താനിരുന്ന വളാഞ്ചേരി നഗരസഭാ വളാഞ്ചേരി ഫെസ്റ്റ് 2020 വിദ്യാർത്ഥികളുടെ പരീക്ഷാ കാലമായതിനാൽ 2020 ഏപ്രിൽ 2മുതൽ 12 വരെ നടത്താൻ നഗരസഭ ഹാളിൽ വെച്ച് ചേർന്ന സ്വാഗത സംഗം ജനറൽ കമ്മിറ്റി യോഗം തീരുമാനിച്ചു. യോഗത്തിൽ നഗരസഭ ചെയർപേഴ്സൺ സി.കെ. റുഫീന അദ്ധ്യക്ഷത വഹിച്ചു. നഗരസഭാ സ്റ്റാന്റിംഗ് കമ്മിറ്റി അദ്ധ്യക്ഷൻമാരായ സി.രാമകൃഷ്ണൻ, കെ.ഫാത്തിമക്കുട്ടി, ഷെഫീന ചെങ്കുണ്ടൻ, അഷ്റഫ് അമ്പലത്തിങ്ങൽ, മുർക്കത്ത് മുസ്തഫ പി.എം.പത്മകുമാർ, ഹബീബ് പറമ്പയിൽ, മോഹൻ ദാസ്മാസ്റ്റർ, സലാം വളാഞ്ചേരി, സുരേഷ് പൂവാട്ടു മീത്തേൽ, യു.യൂസഫ് എന്നിവർ സംസാരിച്ചു. നഗരസഭ വൈസ് ചെയർമാൻ കെ.എം.ഉണ്ണികൃഷ്ണൻ നന്ദി പറഞ്ഞു.

The post വളാഞ്ചേരി ഫെസ്റ്റ്; തിയ്യതി മാറ്റി appeared first on Valanchery Online.

കലിക്കറ്റ് യൂണിവേഴ്സിറ്റി സി സോൺ; ചരിത്രത്തിലേക്ക് ചുവടുവച്ച് റിയ ഇഷ

വളാഞ്ചേരിക്കാരൻ — Mon, 04 Mar 2019 06:26:21 +0000

തേഞ്ഞിപ്പലം: സംസ്ഥാനത്ത് ആദ്യമായി സർവകലാശാലാ കലോത്സവ മത്സരരംഗത്ത് ചുവടുവച്ച് ട്രാൻസ്‌ജെന്റർ നർത്തകി. മലപ്പുറം ഗവ. കോളേജിലെ ട്രാൻസ്‌ജെന്റർ വിദ്യാർഥിനിയായ റിയ ഇഷയാണ് കലിക്കറ്റ് സർവകലാശാലയിലെ സി- സോൺ കലോത്സവത്തിൽ നാടോടിനൃത്ത മത്സരത്തിൽ ചുവടുവച്ച് ശ്രദ്ധാകേന്ദ്രമായത്. കലോത്സവ വേദി രണ്ട് നങ്ങേലിയിൽ പച്ചമലൈ പവിഴമലൈ എന്ന നാടോടി ഗാനത്തിന് ചുവടുവച്ച റിയയുടെ നൃത്തം വീക്ഷിക്കാൻ നിരവധി പേരുണ്ടായിരുന്നു.
കലിക്കറ്റ് സർവകലാശാലാ സി സോൺ മത്സരത്തിന് അപേക്ഷിക്കേണ്ട വെബ് സൈറ്റ് കോളത്തിൽ ട്രാൻസ് വിഭാഗങ്ങൾക്കായി ജെന്റർകോളം ഏർപ്പെടുത്തിയിരുന്നു. ഇതിലൂടെയാണ് ഈ വിഭാഗത്തിൽ പ്രത്യേക മത്സരം നടന്നത്.

“കലോത്സവത്തിൽ മത്സരിക്കാനായതിൽ ഏറെ സന്തോഷമുണ്ട്. കോളേജുകളിൽ നിലവിൽ ട്രാൻസ്‌ജെന്ററുകൾക്ക് സംവരണ സീറ്റ് നിലവിൽ വന്നതിനാൽ വരും വർഷങ്ങളിൽ കൂടുതൽ പേർ മത്സരരംഗത്തെത്തും. ഇതിന് തുടക്കം കുറിക്കാനായതിൽ അഭിമാനമുണ്ട‌്. ആണ്‍- പെണ്‍ വേര്‍തിരിവുകള്‍ക്കപ്പുറം കഴിവുകള്‍ തെളിയിക്കാനാകണം മത്സരം. കലാരംഗത്ത് മാത്രമൊതുങ്ങാന്‍ ഉദ്ദേശിക്കുന്നില്ല. കലാലയ രാഷ്ട്രീയത്തിലും യൂണിയന്‍ ഇലക്ഷനുകളിലും ട്രാന്‍സ്ജെന്ററുകള്‍ക്ക് മത്സരിക്കാന്‍ നിലവിലുള്ള പ്രായപരിധി മാനദണ്ഡമാക്കരുത്. എന്‍സിസി ഉള്‍പ്പെടെയുള്ള രംഗത്തും പ്രാതിനിധ്യം ഉറപ്പാക്കണം റിയ പറഞ്ഞു.

ട്രാൻസ്‌ജെന്റർ മത്സരാർഥിയുണ്ട് എന്ന കാരണത്താൽതന്നെ സി സോൺ നാടോടിനൃത്ത മത്സരം ഏറെ ശ്രദ്ധയാകർഷിച്ചിരുന്നു. മലപ്പുറം ജില്ലയിലെ ആദ്യ ട്രാൻസ്‌ജെന്റർ വിദ്യാർഥിനികൂടിയാണ് റിയ. മലപ്പുറം ഗവ. കോളേജിൽ ഒന്നാംവർഷ സാമ്പത്തികശാസ്ത്ര വിദ്യാർഥിയായ റിയ പാരാലീഗൽ വളന്റിയറും സംസ്ഥാന ട്രാൻസ്‌ജെന്റർ ജസ്റ്റിസ് ബോർഡ് അംഗവുമാണ്. ബംഗളൂരുവിൽനിന്ന് ഫാഷൻ ഡിസൈനിങ്ങിലും ബിരുദം നേടിയിട്ടുണ്ട്. കോഴിക്കോട് കൂരാച്ചുണ്ട് സ്വദേശിയായ റിയ പെരിന്തൽമണ്ണയിലാണ് താമസം. സുധീഷ് നിലമ്പൂരാണ് നൃത്തം പഠിപ്പിച്ചത്. മണികണ്ഠൻ ചുങ്കത്തറ മേക്കപ്പ്മാനായും ലത്തീഫ് മഞ്ചേരി കോസ്റ്റ്യൂമാനായും ഒപ്പമുണ്ടായിരുന്നു. കോളേജിലെ ടി ഹസ്ഹത്തും പിന്തുണയേകി.

The post കലിക്കറ്റ് യൂണിവേഴ്സിറ്റി സി സോൺ; ചരിത്രത്തിലേക്ക് ചുവടുവച്ച് റിയ ഇഷ appeared first on Valanchery Online.

കോ-ഓപ്പറേറ്റീവ് കലോത്സവം ‘ആരവ’ത്തിന് നാളെ തിരിതെളിയും; വളാഞ്ചേരിയിൽ ഇന്ന് വിളംബരജാഥ

വളാഞ്ചേരിക്കാരൻ — Fri, 01 Mar 2019 05:51:57 +0000

വളാഞ്ചേരി: കോഴിക്കോട് സർവകലാശാലയ്ക്ക് കീഴിലുള്ള കോ-ഓപ്പറേറ്റീവ് കോളേജുകളുടെ മൂന്നാമത് ഇന്റർസോൺ കലോത്സവം വളാഞ്ചേരി കോ-ഓപ്പറേറ്റീവ് കോളേജിന്റെ നേതൃത്വത്തിൽ ശനി, ഞായർ ദിവസങ്ങിൽ വളാഞ്ചേരി എം.ഇ.എസ്.കെ.വി.എം. കോളേജിൽ നടക്കും.

തൃശ്ശൂർ, പാലക്കാട്, കോഴിക്കോട്, മലപ്പുറം, വയനാട് ജില്ലകളിലെ മുപ്പത് കോളേജുകളിൽനിന്നായി 2000 വിദ്യാർഥികൾ മുപ്പത്തിയെട്ട് ഇനങ്ങളിലായി നടക്കുന്ന മത്സരങ്ങളിൽ പങ്കെടുക്കുമെന്ന് ഭാരവാഹികൾ പത്രസമ്മേളനത്തിൽ അറിയിച്ചു.

കലോത്സവത്തിന്റെ വിളംബരജാഥ വെള്ളിയാഴ്ച വൈകുന്നേരം നാലിന് നഗരത്തിൽ നടക്കും. കലോത്സവം ശനിയാഴ്ച പത്തിന് സംവിധായകൻ പ്രിയനന്ദനൻ ഉദ്ഘാടനംചെയ്യും.

ഞായറാഴ്ച നാലിനാണ് സമാപനസമ്മേളനം. മന്ത്രി ഡോ. കെ.ടി. ജലീൽ ഉദ്ഘാടനംചെയ്യും. ഓൾകേരള കോ-ഓപ്പറേറ്റീവ് കോളജസ് അസോസിയേഷൻ ‘ആരവം’ എന്ന പേരിലാണ് കലോത്സവം സംഘടിപ്പിക്കുന്നത്. പ്രിൻസിപ്പൽ പ്രൊഫ. പി.പി. നാരായണൻ, കൺവീനർ സി. സനൂപ്, മജീദ് ഇല്ലിക്കൽ, ടി.ടി. അബ്ദുൾറഹീം, എം. വാസുദേവൻ, ടി.ടി. ഉസ്മാൻ എന്നിവർ പരിപാടികൾ വിശദീകരിച്ചു. സ്റ്റേജിതര മത്സരങ്ങൾ ഫെബ്രുവരി 22,23 തീയതികളിൽ പൂർത്തിയാക്കിയിരുന്നു.

The post കോ-ഓപ്പറേറ്റീവ് കലോത്സവം ‘ആരവ’ത്തിന് നാളെ തിരിതെളിയും; വളാഞ്ചേരിയിൽ ഇന്ന് വിളംബരജാഥ appeared first on Valanchery Online.

പാരലൽ കോളേജ് കലോത്സവം; നാടിന്റെ ഉത്സവമായി സാംസ്കാരിക ഘോഷയാത്ര

വളാഞ്ചേരിക്കാരൻ — Fri, 09 Feb 2018 16:05:03 +0000

വളാഞ്ചേരി: കുറ്റിപ്പുറം ബ്ലോക്ക് പഞ്ചായത്തിന്റെ ആഭിമുഖ്യത്തിൽ നടന്നു വരുന്ന സമാന്തര വിദ്യഭ്യാസ സ്ഥാപനങ്ങളുടെ കലോൽത്സവത്തിന്റെ ഭാഗമായുള്ള സാംസ്‌കാരിക ഘോഷയാത്ര നാടിന്റെ ഉത്സവമായി മാറി. ഘോഷയാത്രയുടെ ഫ്ലാഗ്ഓഫ് വളാഞ്ചേരി നഗരസഭ ചെയർപേഴ്സൺ ഷാഹിന ടീച്ചർ നിർവഹിച്ചു. വ്യാപാരി വ്യവസായി ഏകോപന സമിതി പ്രസിഡന്റ് ടി പത്മകുമാർ, ടി മെഹ്ബൂബ്, പറശ്ശേരി അസൈനാർ, മുഹമ്മദലി, അലി പാലാറ, സി എം റിയാസ്, സൈഫു പാടത്ത്‌, കുറ്റിപ്പുറം ബ്ലോക്ക് പഞ്ചായത്ത്‌ നോഡൽ പ്രേരക് കെ ടി നിസാർ ബാബു, നാസർ വി ടി, എ വി വേണു, രാജേഷ് കാർത്തല, ഒ കെ രാജേന്ദ്രൻ, വിനു പുല്ലാനൂർ, ഷാഫി നെല്ലായ, പി റൈഹാനത്ത്‌ റംല വി പി എന്നിവർ നേതൃത്വം നൽകി. നാളെ നടക്കുന്ന സമാപന സമ്മേളനം ഉത്ഘാടനവും ട്രോഫി വിതരണവും ജില്ലാപഞ്ചായത്ത്‌ വൈസ് പ്രസിഡന്റ് സക്കീന പുൽപ്പാടൻ നിർവഹിക്കും

The post പാരലൽ കോളേജ് കലോത്സവം; നാടിന്റെ ഉത്സവമായി സാംസ്കാരിക ഘോഷയാത്ര appeared first on Valanchery Online.

കുറ്റിപ്പുറം എം.ഇ.എസ് എഞ്ചിനീയറിങ് കോളേജില്‍ ഐ.ടി ഫെസ്റ്റ് മാര്‍ച്ച് 18, 19 തിയ്യതികളില്‍ നടക്കും

വളാഞ്ചേരിക്കാരൻ — Sun, 16 Mar 2014 00:30:41 +0000

കുറ്റിപ്പുറം എം.ഇ.എസ് എഞ്ചിനീയറിങ് കോളേജില്‍ എം.സി.എ ഡിപ്പാര്‍ട്ട്‌മെന്റിന്റെ നേതൃത്വത്തില്‍ ഐ.ടി ഫെസ്റ്റ് ”എക്‌സലന്‍ഷ്യ 2014” മാര്‍ച്ച് 18, 19 തിയ്യതികളില്‍ നടക്കും. വി.ടി ബല്‍റാം എം.എല്‍.എ ഉദ്ഘാടനം ചെയ്യും.
വിവിധ കോളേജുകളില്‍ നിന്നായി അഞ്ഞൂറോളം വിദ്യാര്‍ഥികള്‍ പങ്കെടുക്കുമെന്ന് എച്ച്.ഒ.ഡി പ്രൊഫ. കെ. ഹൈദരലി അറിയിച്ചു. സ്റ്റാഫ് കോ-ഓര്‍ഡിനേറ്റര്‍ നൗഷാദ്.സി.വി, സ്റ്റുഡന്റ് കോ-ഓര്‍ഡിനേറ്റര്‍ അജ്മല്‍ പി.എച്ച് തുടങ്ങിയവര്‍ പത്രസമ്മേളനത്തില്‍ പങ്കെടുത്തു.

The post കുറ്റിപ്പുറം എം.ഇ.എസ് എഞ്ചിനീയറിങ് കോളേജില്‍ ഐ.ടി ഫെസ്റ്റ് മാര്‍ച്ച് 18, 19 തിയ്യതികളില്‍ നടക്കും appeared first on Valanchery Online.

ആറാമത് സംസ്ഥാന വാഫി കലോത്സവം തുടങ്ങി

വളാഞ്ചേരിക്കാരൻ — Sun, 03 Nov 2013 12:44:48 +0000

ആറാമത് സംസ്ഥാന വാഫി കലോത്സവം വളാഞ്ചേരി കാര്‍ത്തല മര്‍ക്കസ് കാമ്പസില്‍ തുടങ്ങി. സി.ഐ.സി. അക്കാദമിക് കൗണ്‍സില്‍ ഡയറക്ടര്‍ സൈദ് മുഹമ്മദ് നിസാമി ഉദ്ഘാടനംചെയ്തു. കെ.എ. റഹ്മാന്‍ ഫൈസി അധ്യക്ഷതവഹിച്ചു. ഉവൈസ് മറ്റത്തൂര്‍, ജില്ലാപഞ്ചായത്തംഗം കെ.എം. അബ്ദുള്‍ ഗഫൂര്‍, സോഷ്യല്‍ സെക്യൂരിറ്റി മിഷന്‍ റീജ്യണല്‍ ഡയറക്ടര്‍ ടി.പി. മുഹമ്മദ് യൂനുസ്, വി.കെ. സുഹൈല്‍, ശുഹൈബ് തങ്ങള്‍ തുടങ്ങിയവര്‍ പ്രസംഗിച്ചു. തുടര്‍ന്ന് മുഴുവന്‍ വാഫി വിദ്യാര്‍ഥികളും ഒന്നിച്ച് അണിനിരന്ന ‘ക്യൂ ഫോര്‍ ടുമോറോ’യെ പ്രൊഫ. അബ്ദുള്‍ ഹക്കീം ഫൈസി ആദൃശ്ശേരി അഭിസംബോധനചെയ്തു. കെ.എം. ഷാജി എം.എല്‍.എ മുഖ്യപ്രഭാഷണം നടത്തി.

കലോത്സവം ഞായറാഴ്ച സമാപിക്കും. 36 കോളേജുകളില്‍ നിന്നായി മൂവായിരത്തി ഇരുനൂറ് പ്രതിഭകളാണ് കലോത്സവത്തില്‍ മത്സരിക്കുന്നത്.

Summary: The 6th State Wafi Festival inaugurated at Valanchery Markas Campus

The post ആറാമത് സംസ്ഥാന വാഫി കലോത്സവം തുടങ്ങി appeared first on Valanchery Online.

കലാപ്രതിഭകളും കലാതിലകങ്ങളും കൂലിപണിക്കരും വീട്ടമ്മമാരും…

വളാഞ്ചേരിക്കാരൻ — Mon, 08 Jul 2013 12:58:16 +0000

കുറ്റിപ്പുറം ബ്ലോക്ക് തുടർ വിദ്യാഭ്യാസ കലോത്സവത്തിലെ കലാപ്രതിഭകളും ജീവിതത്തിന്റെ രണ്ടറ്റവും കൂട്ടിമുട്ടിക്കുവാൻ നെട്ടോട്ടമോടുന്നവർ. കഴിഞ്ഞ ദിവസം തുടർവിദ്യാഭ്യാസ കലോത്സവത്തിന് തിരശ്ശീല വീണപ്പോൾ ചെറുപ്പകാലത്തിന്റെ നഷ്ടബോധം ഇവരിൽ പ്രകടമായിട്ടുണ്ട്. വിവിധ കാരണങ്ങളാൽ സ്കൂളിൽ പോകാത്തവരോ സ്കൂൾ ജീവിതം പൂർത്തിയാക്കൻ കഴിയാത്തവരോ ആയിട്ടുള്ളവരുടെ കലാവാസനകൾക്ക് പുനർ‌ജന്മം നൽകാൻ സാക്ഷരതാ മിഷൻ വേദി ഒരുക്കിയപ്പോൾ കൊഴിഞ്ഞു പോയ വസന്തത്തിന്റെ തിരിച്ച് വരവ് ഇവർ പരസ്‌പരം പങ്കുവെച്ചു. ഗുണഭോക്താക്കളുടെ വിഭാഗത്തിൽ കലാ പ്രതിഭാ പട്ടം നേടിയത് മാറാക്കര പഞ്ചായത്തിലെ കരേക്കാട് സ്വദേശി 38 വയസ്സുള്ള നെല്ലാക്കൽ മുഹമ്മദലിയാണ്. സ്റ്റേജ് സ്റ്റേജിതര മത്സരങ്ങളിൽ 24 പോയിന്റാണ് ഇദ്ദേഹം നേടിയത്. 14 പോയ്ന്റോടെ കലതിലകപട്ടം നേടിയത് വളാഞ്ചേരി പഞ്ചായത്തിലെ വട്ടപ്പാറ സ്വദേശിനി 35 വയസ്സുള്ള ഷീബ എന്ന വീട്ടമ്മയാണ്.

പഠിതാക്കളൂടെ വിഭാഗത്തിൽ കലാപ്രതിഭാപട്ടം നേടിയത് വളാഞ്ചേരി പഞ്ചായത്തിലെ വൈക്കത്തൂർ സ്വദേശി സുബ്രമണ്യനാണ്. സിമന്റ് പണിക്കാരനായ ഇദ്ദേഷം 20 പോയിന്റാണ് നേടിയത്. കലാതിലകമായി തിരഞ്ഞെടുക്കപ്പെട്ടത് എടയൂർ പഞ്ചായത്തിലെ വടക്കും‌പുറം സ്വദേശിനിയും LIC ഏജന്റുമായ 40 കാരിയായ എം പ്രീതാകുമാരിയാണ്. ജില്ലാ തുടർ വിദ്യാഭ്യാസ കലോ‌ത്സവത്തിലേക്ക് പോകാനുള്ള ഒരുക്കത്തിലാണ് വിജയികൾ.

Summary: All about the winners of the Kuttippuram Block Continous Education Arts fest.

The post കലാപ്രതിഭകളും കലാതിലകങ്ങളും കൂലിപണിക്കരും വീട്ടമ്മമാരും… appeared first on Valanchery Online.