bus service Archives - Valanchery Online

ഷാര്‍ജ – മസ്‌കറ്റ് പ്രതിദിന ബസ് സര്‍വീസ് ആരംഭിക്കുന്നു

വളാഞ്ചേരിക്കാരൻ — Thu, 25 Jan 2024 09:44:45 +0000

ഷാര്‍ജ: യു.എ.ഇയിലെ ഷാര്‍ജയില്‍നിന്ന് ഒമാന്‍ തലസ്ഥാനമായ മസ്‌കറ്റിലേക്ക് ബസ് സര്‍വീസ് വരുന്നു. ഷാര്‍ജ റോഡ് ട്രാന്‍സ്പോര്‍ട്ട് അതോറിറ്റിയും, ഒമാന്‍ ദേശീയ ഗതാഗത കമ്പനിയായ മുവസലാത്തും കരാര്‍ ഒപ്പിട്ടുകഴിഞ്ഞു. ഷാര്‍ജയിലെ ജുബൈല്‍ ബസ് സ്റ്റേഷനില്‍ നിന്ന് മസ്‌കറ്റിലെ അല്‍ അസൈബ സ്റ്റേഷനിലേക്ക് പ്രതിദിന സര്‍വീസ് ആരംഭിക്കാനാണ് ഷാര്‍ജ ആര്‍.ടി.എയും മുവസലാത്തും തമ്മിലുള്ള ധാരണ. എസ്.ആര്‍.ടി.എ ആസ്ഥാനത്ത് നടന്ന ചടങ്ങില്‍ മുവസലാത്ത് സി.ഇ.ഒ ബദര്‍ ബിന്‍ മുഹമ്മദ് അല്‍ നദാബിയും എസ്.ആര്‍.ടി.എ ചെയര്‍മാന്‍ എഞ്ചിനീയര്‍ യൂസഫ് ബിന്‍ ഖമീസ് അല്‍ അത്മാനിയും കരാറില്‍ ഒപ്പുവെച്ചു.

ഇരുരാജ്യങ്ങള്‍ക്കുമിടയിലെ ബസ് ഗതാഗത ശൃംഖല സജീവമാക്കാനും ടൂറിസം മെച്ചപ്പെടുത്താനും ലക്ഷ്യമിട്ടാണ് പുതിയ ബസ് സര്‍വീസ്. അതിര്‍ത്തിയിലെ നടപടിക്രമങ്ങള്‍ വേഗത്തിലാക്കാന്‍ പ്രത്യേകസംവിധാനമൊരുക്കും. സര്‍വീസ് സമയം, ടിക്കറ്റ് നിരക്ക് തുടങ്ങിയ കാര്യങ്ങള്‍ പിന്നീട് തീരുമാനിക്കും.

The post ഷാര്‍ജ – മസ്‌കറ്റ് പ്രതിദിന ബസ് സര്‍വീസ് ആരംഭിക്കുന്നു appeared first on Valanchery Online.

കർക്കിടക വാവ് ബലി; തിരുന്നാവായയിലേക്ക് യാത്ര സൗകര്യങ്ങൾ ഒരുക്കി കെ.എസ്‌.ആർ.ടി.സി

വളാഞ്ചേരിക്കാരൻ — Sat, 15 Jul 2023 13:09:20 +0000

മലപ്പുറം: കർക്കിടക വാവ് ബലിയോടനുബന്ധിച്ച് മലപ്പുറം ജില്ലയിലെ വിവിധ ഡിപ്പോകളിൽ നിന്നും യാത്ര സൗകര്യങ്ങൾ ഒരുക്കി കെ.എസ്‌.ആർ.ടി.സി. മലപ്പുറം ജില്ലയിലെ വിവിധ ഡിപ്പോകളിൽ നിന്നായി പത്തോളം സർവീസുകളാണ് ഒരുക്കിയിട്ടുള്ളത്. പുലർച്ചെ രണ്ടുമണിക്ക് തിരുനാവായയിൽ എത്തിച്ചേരുന്ന രീതിയിൽ മലപ്പുറം, പെരിന്തൽമണ്ണ, പൊന്നാനി ഡിപ്പോകളിൽ നിന്ന് ബസുകൾ ക്രമീകരിച്ചിട്ടുണ്ട്. തിരൂർ, കുറ്റിപ്പുറം, പുത്തനത്താണി തുടങ്ങിയ സ്ഥലങ്ങളിൽ നിന്നും തിരുന്നാവായയിലേക്കും തിരിച്ചും ഇരുപത് മിനിറ്റ് ഇടവേളകളിൽ ബസ്സുകൾ ഉണ്ടായിരിക്കും.

Representative image: Shutterstock/Libin Kallada

മലപ്പുറം
04832734950
പെരിന്തൽമണ്ണ
04933227342
പൊന്നാനി
04942666396

The post കർക്കിടക വാവ് ബലി; തിരുന്നാവായയിലേക്ക് യാത്ര സൗകര്യങ്ങൾ ഒരുക്കി കെ.എസ്‌.ആർ.ടി.സി appeared first on Valanchery Online.

പുനലൂർ-വഴിക്കടവ് സൂപ്പർഫാസ്റ്റ് സർവീസ് ആരംഭിച്ചു കെ.എസ്.ആർ.ടി.സി

വളാഞ്ചേരിക്കാരൻ — Tue, 06 Jun 2023 23:50:34 +0000

നിലമ്പൂർ : പുനലൂർ കെ.എസ്.ആർ.ടി.സി. ഡിപ്പോയിൽനിന്ന് വഴിക്കടവിലേക്കുള്ള സൂപ്പർഫാസ്റ്റ് ബസ് സർവീസ് ആരംഭിച്ചു. പത്തനാപുരം, അടൂർ, തിരുവല്ല, ചങ്ങനാശ്ശേരി, കോട്ടയം, മൂവാറ്റുപുഴ, തൃശ്ശൂർ, ഷൊർണൂർ, പെരിന്തൽമണ്ണ, വണ്ടൂർ, നിലമ്പൂർ വഴിയാണ് ബസ് വഴിക്കടവിലെത്തുക. രാവിലെ 3.30-ന് പുനലൂരിൽ നിന്നും വൈകീട്ട് നാലിന് നിലമ്പൂരിൽ നിന്നും ബസ് പുറപ്പെടും.

പുനലൂരിൽ നിന്ന് രാവിലെ നാലിന് പെരിന്തൽമണ്ണയ്ക്ക് ഉണ്ടായിരുന്ന ബസാണ് ഇത്തരത്തിൽ സമയം പുനഃക്രമീകരിച്ചത്. online.keralartc.com എന്ന വെബ്‌സൈറ്റ് വഴി ടിക്കറ്റുകൾ ഓൺലൈൻ ആയി ബുക്ക് ചെയ്യാം.

The post പുനലൂർ-വഴിക്കടവ് സൂപ്പർഫാസ്റ്റ് സർവീസ് ആരംഭിച്ചു കെ.എസ്.ആർ.ടി.സി appeared first on Valanchery Online.

സ്വകാര്യ ബസ് സമരം; വളാഞ്ചേരി-പെരിന്തൽമണ്ണ റൂട്ടിൽ സർവീസ് ആരംഭിച്ച് കെ.എസ്.ആർ.ടി.സി

വളാഞ്ചേരിക്കാരൻ — Fri, 25 Mar 2022 02:40:51 +0000

വളാഞ്ചേരി:സ്വകാര്യ ബസ് സമരം മൂലം വലയുന്ന യാത്രക്കാർക്ക് ആശ്വാസവുമായി കെ.എസ്.ആർ.ടി.സി. ഇന്ന് മുതൽ രാവിലെ 7 മുതൽ ഒരു മണിക്കൂർ ഇടവേളയിൽ വൈകീട്ട് 6 വരെ വളാഞ്ചേരി നിന്നും പെരിന്തൽമണ്ണയിലേക്ക് കെ.എസ്.ആർ.ടി.സി ബസ്സുകൾ ഉണ്ടായിരിക്കുന്നതാണ്. പെരിന്തൽമണ്ണയിൽ നിന്നും ആദ്യ ബസ് 6 നും അവസാന ബസ് വൈകീട്ട് 5 നും ആയിരിക്കും. വളാഞ്ചേരി നിന്നുള്ള ആദ്യ ബസ് 7നും അവസാന ബസ് വൈകീട്ട് 6നും ആയിരിക്കും.

The post സ്വകാര്യ ബസ് സമരം; വളാഞ്ചേരി-പെരിന്തൽമണ്ണ റൂട്ടിൽ സർവീസ് ആരംഭിച്ച് കെ.എസ്.ആർ.ടി.സി appeared first on Valanchery Online.

പെരിന്തൽമണ്ണ – മൈസുരു ബസ് സർവ്വീസ് പുനരാരംഭിച്ചു

വളാഞ്ചേരിക്കാരൻ — Fri, 17 Sep 2021 06:57:50 +0000

അരീക്കോട്: പെരിന്തൽമണ്ണയിൽനിന്ന് പുലർച്ചെ 5.45-ന് മഞ്ചേരി, അരീക്കോട്, മുക്കം വഴി മൈസൂരുവിലേക്ക്‌ സർവീസ് നടത്തിയിരുന്ന കെ.എസ്.ആർ.ടി.സി. സൂപ്പർഫാസ്റ്റ് ബസ് പുനരാരംഭിക്കാൻ മന്ത്രി ആന്റണി രാജു ഉത്തരവിറക്കി. കഴിഞ്ഞ 11 മുതലാണ് ബസ് സർവീസ് നിർത്തിയത്. ഏറനാട് മണ്ഡലം മുസ്‌ലിംലീഗ് സെക്രട്ടറി പി.പി. സഫറുള്ള, എം.എൽ.എ. പി.കെ. ബഷീർ മുഖേന മന്ത്രിക്ക്‌ നിവേദനം നൽകിയിരുന്നു.

The post പെരിന്തൽമണ്ണ – മൈസുരു ബസ് സർവ്വീസ് പുനരാരംഭിച്ചു appeared first on Valanchery Online.

മലപ്പുറം–നെടുമ്പാശേരി എസി ലോ ഫ്ലോർ സർവീസ്‌ പുനരാരംഭിച്ചു

വളാഞ്ചേരിക്കാരൻ — Mon, 06 Sep 2021 00:24:34 +0000

മലപ്പുറം: കെഎസ്ആർടിസി മലപ്പുറം–-നെടുമ്പാശേരി എസി ലോ ഫ്ലോർ സർവീസ് ഞായര്‍ പുനരാരംഭിച്ചു. വൈകിട്ട്‌ നാലിന്‌ മലപ്പുറത്തുനിന്ന്‌ പുറപ്പെടും. പെരിന്തൽമണ്ണ, പട്ടാമ്പി, ഷൊർണൂർ, തൃശൂർ, അങ്കമാലി വഴി രാത്രി ഒമ്പതിന്‌ നെടുമ്പാശേരിയിലെത്തും. പിറ്റേന്ന്‌ പുലർച്ചെ അഞ്ചിന്‌ നെടുമ്പാശേരിയിൽനിന്ന്‌ തിരിച്ച്‌ എടപ്പാൾ, കുറ്റിപ്പുറം, യൂണിവേഴ്‌സിറ്റി വഴി കോഴിക്കോട്ട്‌ 11.10ന് എത്തും. 11.30ന്‌ കോഴിക്കോടുനിന്ന്‌ പുറപ്പെട്ട്‌ പകൽ ഒന്നിന് മലപ്പുറത്ത്‌ തിരിച്ചെത്തും. ഒരാഴ്ചത്തെ സർവീസിനാണ്‌ അനുമതി. മികച്ച വരുമാനമാണെങ്കിൽ സർവീസ്‌ തുടരും.

The post മലപ്പുറം–നെടുമ്പാശേരി എസി ലോ ഫ്ലോർ സർവീസ്‌ പുനരാരംഭിച്ചു appeared first on Valanchery Online.

നിലമ്പൂർ-ഇരിട്ടി കെ.എസ്.ആർ.ടി.സി. ഇന്നുമുതൽ; സമയക്രമം ഇങ്ങനെ

വളാഞ്ചേരിക്കാരൻ — Thu, 19 Nov 2020 02:21:17 +0000

നിലമ്പൂർ: നാല്‌ ജില്ലകളെ ബന്ധിപ്പിച്ചോടുന്ന നിലമ്പൂർ-ഇരിട്ടി കെ.എസ്.ആർ.ടി.സി. സർവീസ് വ്യാഴാഴ്ച പുനരാരംഭിക്കും. മലപ്പുറം, കോഴിക്കോട്, വയനാട്, കണ്ണൂർ ജില്ലകളെ ബന്ധിപ്പിച്ചോടുന്ന ബസാണിത്. തിങ്കളാഴ്ചമുതൽ പയ്യന്നൂർ-സുൽത്താൻ ബത്തേരി, ബളാൽ-മാനന്തവാടി സർവീസുകൾ തുടങ്ങിയതിനുപിന്നാലെയാണ് നിലമ്പൂർ സർവീസും തുടങ്ങുന്നത്.

സമയക്രമം ഇങ്ങനെ
നിലമ്പൂർ (ചന്തക്കുന്ന്)- രാവിലെ 6.20, താമരശ്ശേരി – 7.50,കൽപ്പറ്റ – 9.15,മാനന്തവാടി – 10.15, കേളകം – 11.15,ഇരിട്ടി – 12.00
തിരിച്ച്
ഇരിട്ടി – 1.25,കേളകം – 2.00,മാനന്തവാടി – 3.25,കൽപ്പറ്റ – 4.20,താമരശ്ശേരി – 5 – 45,നിലമ്പൂർ – 7.20

The post നിലമ്പൂർ-ഇരിട്ടി കെ.എസ്.ആർ.ടി.സി. ഇന്നുമുതൽ; സമയക്രമം ഇങ്ങനെ appeared first on Valanchery Online.

പെരിന്തൽമണ്ണ-മുണ്ടക്കയം കെഎസ്ആർടിസി സർവീസ് ഇന്നു മുതൽ പുന:രാരംഭിക്കും

വളാഞ്ചേരിക്കാരൻ — Wed, 18 Nov 2020 00:01:33 +0000

പെരിന്തൽമണ്ണ: കോവിഡ് വ്യാപനത്തെ തുടർന്നു താൽക്കാലികമായി നിർത്തിവച്ച കെഎസ്ആർടിസി പെരിന്തൽമണ്ണ – മുണ്ടക്കയം ലിമിറ്റഡ് സ്റ്റോപ്പ് ഫാസ്റ്റ് പാസഞ്ചർ സർവീസ് ഇന്നു മുതൽ പുന:രാരംഭിക്കും. പെരിന്തൽമണ്ണയിൽ നിന്നു ഉച്ചക്ക് ഒന്നിനു പുറപ്പെട്ടു രാത്രി എട്ടിനു മുണ്ടക്കയത്തെത്തും. രാവിലെ അഞ്ചിനു മുണ്ടക്കയത്തു നിന്നു തിരിച്ചു ഉച്ചക്കു 12നു പെരിന്തൽമണ്ണയിൽ തിരിച്ചെത്തും. വഴി: പട്ടാമ്പി-കുന്ദംകുളം-തൃശ്ശൂർ-ചാലക്കുടി-അങ്കമാലി-പെരുമ്പാവൂർ-മൂവാറ്റുപുഴ-തൊടുപുഴ-ഈരാറ്റുപേട്ട-കാഞ്ഞിരപ്പള്ളി

The post പെരിന്തൽമണ്ണ-മുണ്ടക്കയം കെഎസ്ആർടിസി സർവീസ് ഇന്നു മുതൽ പുന:രാരംഭിക്കും appeared first on Valanchery Online.

മങ്കട ഗവൺമന്റ്‌ കോളേജിലെ നിർത്തി വെച്ച കോളേജ്‌ ബസുകളുടെ സേവനം പുനരാരംഭിക്കണമെന്നാവശ്യം

വളാഞ്ചേരിക്കാരൻ — Thu, 28 Jun 2018 16:48:32 +0000

കൊളത്തൂർ: മങ്കട ഗവൺമന്റ്‌ കോളേജിലെ നിർത്തി വെച്ച കോളേജ്‌ ബസുകളുടെ സേവനം പുനരാരംഭിച്ച്‌ വിദ്യാർത്ഥികളുടെ യാത്ര പ്രശനം പരിഹരിക്കണം എന്നാവശ്യപ്പെട്ട്‌ യു.ഡി.എസ്.എഫ്-എസ്.എഫ്.ഐ പ്രിൻസിപ്പലിനും പി.ടി.എ പ്രസിഡന്റിനും നിവേദനം നൽകി.
എസ്‌.എഫ്‌.ഐ മങ്കട കോളേജ്‌ യൂണിറ്റ്‌ വിദ്യാർത്ഥികളിൽ നിന്നും ഒപ്പ്‌ ശേഖരണം നടത്തി പ്രിൻസിപ്പാളിനു നിവേദനം നൽകിയത്. തുടർ നടപടികൾ സ്വീകരിക്കാം എന്നു പ്രിൻസിപ്പാൾ അറിയിച്ചതായി സംഘടനകളുടെ ഭാരവാഹികൾ പറഞ്ഞു. കഴിഞ്ഞ അധ്യായന വർഷമാണു കോളേജിനു മങ്കട മണ്ഡലം എം.എൽ.എയുടെ ഇടപെടലിലൂടെ സർക്കാർ രണ്ട്‌ ബസുകൾ അനുവദിച്ചത്‌ ഈ വർഷം ക്ലാസുകൾ തുടങ്ങിയ ശേഷം ബസുകൾ സർവ്വീസ്‌ നടത്തിയിട്ടില്ല ഇത് വിവിധ ഭാഗങ്ങളിൽ നിന്നും കോളേജിൽ എത്തുന്ന വിദ്യാർത്ഥികൾക്ക് വലിയ ബുദ്ധിമുട്ട് സൃഷ്ടിക്കുന്നുണ്ട്.

The post മങ്കട ഗവൺമന്റ്‌ കോളേജിലെ നിർത്തി വെച്ച കോളേജ്‌ ബസുകളുടെ സേവനം പുനരാരംഭിക്കണമെന്നാവശ്യം appeared first on Valanchery Online.

വളാഞ്ചേരിയിൽ നിന്ന് ഉൾനാടൻ മേഖലകളിലേക്ക് കെഎസ്ആർടിസി സർവീസ് ആരംഭിക്കണമെന്ന ആവശ്യം ശക്തം

വളാഞ്ചേരിക്കാരൻ — Tue, 23 Jan 2018 22:33:49 +0000

വളാഞ്ചേരി: നഗരം കേന്ദ്രീകരിച്ച് വിവിധ ഗ്രാമങ്ങളെ ഉൾപ്പെടുത്തി ഉൾനാടൻ മേഖലകളിലേക്കു കെഎസ്ആർടിസി മിനിബസ് സർവീസ് ആരംഭിക്കണമെന്ന ആവശ്യം ശക്തം. ഇരിമ്പിളിയം, എടയൂർ, പുറമണ്ണൂർ, അഞ്ചുമൂല, പുലാമന്തോൾ, മൂർക്കനാട്, നെടുങ്ങോട്ടൂർ, കാർത്തല, ആതവനാട്, എടച്ചലം ഭാഗങ്ങളിലേക്കാണ് സർക്കാർവക കുട്ടിബസുകൾ ഓടിക്കണമെന്ന ആവശ്യം ഗ്രാമീണർ ഉന്നയിക്കുന്നത്. വളാഞ്ചേരി–പെരിന്തൽമണ്ണ റൂട്ടിൽ നിലവിൽ കെഎസ്ആർടിസി ബസ് സർവീസ് നടത്തുന്നുണ്ട്. മുൻപുണ്ടായിരുന്നതിലും കുറവ് ബസുകളാണ് ഇപ്പോൾ സർവീസ് നടത്തുന്നത്. ഇവ ഗ്രാമപ്രദേശങ്ങളെയും ബന്ധിപ്പിക്കണമെന്ന ആവശ്യവും ഉയർന്നിട്ടുണ്ട്.

The post വളാഞ്ചേരിയിൽ നിന്ന് ഉൾനാടൻ മേഖലകളിലേക്ക് കെഎസ്ആർടിസി സർവീസ് ആരംഭിക്കണമെന്ന ആവശ്യം ശക്തം appeared first on Valanchery Online.