പ്രകൃതിവിരുദ്ധ പീഡനം: യുവാവ് അറസ്റ്റിൽ

കുറ്റിപ്പുറം : 17 വയസ്സുകാരനെ പ്രകൃതിവിരുദ്ധ പീഡനം നടത്തിയ കേസിൽ യുവാവ് അറസ്റ്റിൽ. അരീക്കോട് സ്വദേശി ഫിറോസ് ബാബു(42)വിനെയാണ് കുറ്റിപ്പുറം പോലീസ് അറസ്റ്റുചെയ്തത്. ചൊവ്വാഴ്ച രാത്രി 10-നാണ് സംഭവം. സിം കാർഡ് വാങ്ങിത്തരാമെന്നു പറഞ്ഞ് പ്രലോഭിപ്പിച്ച് കുട്ടിയെ പ്രതിയുടെ അയങ്കലത്തുള്ള വീട്ടിലേക്ക് കൊണ്ടുപോവുകയും അവിടെ പ്രകൃതി വിരുദ്ധ പീഡനം നടത്തിയെന്നുമാണ് പരാതി. നാട്ടുകാരാണ് കുറ്റിപ്പുറം പോലീസിനെ വിവരം അറിയിച്ചത്. അറസ്റ്റിലായ പ്രതിയെ തിരൂർ കോടതി റിമാൻഡ് ചെയ്തു.