വിവിധ തരം നാടൻ വിഭവങ്ങളുമായി വളാഞ്ചേരി നഗരസഭ കുടുബശ്രീ ഓണച്ചന്ത ആരംഭിച്ചു
വളാഞ്ചേരി: വിവിധ തരം നാടൻ വിഭവങ്ങളുമായി വളാഞ്ചേരി നഗരസഭ കുടുബശ്രീ ഓണച്ചന്ത ആരംഭിച്ചു.ബസ്റ്റാൻ്റ് പരിസരത്ത് ആരംഭിച്ച ചന്ത നഗരസഭ ചെയർമാൻ അഷ്റഫ് അമ്പലത്തിങ്ങൽ ഉദ്ഘാടനം ചെയ്തു. വൈസ് ചെയർപേഴ്സൺ റംല മുഹമ്മദ് അധ്യക്ഷത വഹിച്ചു. വികസന കാര്യ സ്ഥിരം സമിതി അധ്യക്ഷൻ സി.എം.റിയാസ്,വിദ്യാഭ്യാസ കലാ-കായിക സ്റ്റാന്റിംഗ് കമ്മിറ്റി ചെയർമാൻ മുജീബ് വാലാസി,ആരോഗ്യ സ്റ്റാൻ്റിംഗ് കമ്മിറ്റി ചെയർമാൻ ഇബ്രാഹിം മാരാത്ത്, സി.ഡി.എസ്.ചെയർപേഴ്സൺ സി.ഷൈനി, കൗൺസിലർമാരായ ഇ.പി അച്ചുതൻ, സിദ്ധീഖ് ഹാജി കളപ്പുലാൻ, ശിഹാബ് പാറക്കൽ, കെ.വി ശൈലജ, എൻ.നൂർജഹാൻ,സാജിത ടീച്ചർ, സദാനന്ദൻ കോട്ടീരി,റസീന മാലിക്ക്, ഉമ്മു ഹബീബ, പി.പി ശൈലജ, വൈസ് ചെയർപേഴ്സൺ അഷിത എം.ഇ, കൺവീനർ സുനിത രമേശ്, കൺവീനർമാരായ സത്യഭാമ,സജിനി, എം.ഇ.സി സി.രേശ്മ എന്നിവർ സംസാരിച്ചു. സി.ഡി.എസ്മെമ്പർമാരായ ആരിഫ, ഹൈരുനിസ്സ, വസന്തകുമാരി, സബിത, സരിത, ശ്രീകുമാരി, നസീമ, ബുഷ്റ, സജ്ന എന്നിവർ ചടങ്ങിൽ പങ്കെടുത്തു. കുടുംബശ്രീ സംരംഭകർ ഉത്പാദിപ്പിക്കുന്ന വിവിധ തരം അച്ചാറുകൾ, ചിപ്‌സുകൾ, നാടൻ പച്ചക്കറികൾ, ശർക്കര വരട്ടി, വിവിധതരം കൊണ്ടാട്ടങ്ങൾ, പപ്പടങ്ങൾ.അട, കയ്പ്പ, ഈത്തപ്പഴം തുടങ്ങിയവ ഉപയോഗിച്ചുള്ള പായസങ്ങൾ, നാടൻ പശുവിൻ നെയ്യ്, വിവിധ ഇനം മസാല പൊടികൾ തുടങ്ങിയവ ചന്തയിൽ ലഭ്യമാകും. ചന്ത സെപ്റ്റംബർ 4ന് അവസാനിക്കും.
വളാഞ്ചേരി ഓൺലൈൻ വാർത്തകൾ വാട്സാപ്പിൽ ലഭിക്കാൻ Click Here.
വളാഞ്ചേരി ഓൺലൈൻ ഇപ്പോൾ ടെലഗ്രാമിലും ലഭ്യമാണ്. സബ്സ്ക്രൈബ് ചെയ്യൂ Click Here
