പൂക്കാട്ടിയൂർ തൃക്കണ്ണാപുരം ശ്രീകൃഷ്ണ ക്ഷേത്രത്തിലെ കളംപാട്ട് സമാപിച്ചു

എടയൂർ: പൂക്കാട്ടിയൂർ തൃക്കണ്ണാപുരം ശ്രീകൃഷ്ണക്ഷേത്രത്തിലെ ഭഗവതിക്ക് നടത്തുന്ന കളംപാട്ട് പതിമൂന്നാം കളത്തോടെ സമാപിച്ചു. ചുറ്റുതാലപ്പൊലിയുമുണ്ടായി. പഴൂർ സത്യനാരായണക്കുറുപ്പ്, സദാനന്ദക്കുറുപ്പ് എന്നിവർ കളമെഴുതി. കളംപൂജ, വിശേഷാൽ പൂജകൾ എന്നിവയ്ക്ക് മേൽശാന്തി പുതുമനമഠം വിനീത് എമ്പ്രാന്തിരി കാർമികത്വം വഹിച്ചു. മുരളീധരൻ വാരിയർ കഴകത്തിന് നേതൃത്വംനൽകി.