ചന്ദനക്കാവ് അയ്യപ്പൻവിളക്ക് ആഘോഷിച്ചു

തിരുനാവായ : കുറുമ്പത്തൂർ ചന്ദനക്കാവ് ക്ഷേത്രമൈതാനത്ത് അയ്യപ്പൻവിളക്ക് ആഘോഷിച്ചു. നാലപ്പാട്ട് കുടുംബ ക്ഷേത്രത്തിൽനിന്നും പാലക്കൊമ്പ് എഴുന്നള്ളിച്ചു. ഇത്തിത്താനം വിഷ്ണു നാരായണൻ ശാസ്താവിന്റെ തിടമ്പേറ്റി. തൃശ്ശൂർ പാട്ട് ഫാമിലിയുടെ ഭക്തിഗാനസുധയുണ്ടായി. ഷൊർണൂർ കണയം മണികണ്ഠനും സംഘവും വിളക്കു നിയന്ത്രിച്ചു. പഞ്ചവാദ്യവുമുണ്ടായി. പ്രസാദഊട്ടിൽ നിരവധി പേർ പങ്കെടുത്തു.