മാലിന്യ നിക്ഷേപം കണ്ടെത്താൻ വളാഞ്ചേരിയിൽ ഇനി നിരീക്ഷണ ക്യാമറകൾ

വളാഞ്ചേരി: പൊതു സ്ഥലങ്ങളിലെ മാലിന്യ നിക്ഷേപണം കണ്ടെത്തുന്നതിന് നിരീക്ഷണ ക്യാമറകൾ സ്ഥാപിക്കൽ ആരംഭിച്ച് നഗരസഭ. 2024-25 വാർഷിക പദ്ധതിയിൽ ഉൾപ്പെടുത്തി മാലിന്യ മുക്ത വളാഞ്ചേരി എന്ന ക്യാമ്പയിനിൻ്റെ ഭാഗമായാണ് പദ്ധതി നടപ്പിലാക്കുന്നത്.കൊട്ടാരം കോതേതോട്,സമീപ പ്രദേശങ്ങൾ,ഓണിയിൽ പാലം,വൈക്കത്തൂർ,കൊളമംഗലം കോതേതോട്,കാവും പുറം,നഗരസഭ എം.സി.എഫ്,നഗരസഭ ലൈബ്രററി,ഷോപ്പിംഗ് കോംപ്ലക്സ്,കറ്റട്ടിക്കുളം,പറളിപ്പാടം നടപ്പാത എന്നീ വിവിധ പ്രദേശങ്ങളിലായി 23 കാമറകളാണ് സ്ഥാപിക്കുന്നത്.2023-24 വാർഷിക പദ്ധതിയിൽ ഉൾപ്പെടുത്തി കുറ്റകൃത്യങ്ങൾ തടയുന്നതിനും,ഗതാഗത നിയമലംഘനങ്ങൾ കണ്ടെത്തുന്നതിനുമായി ടൗണിന്റെ വിവിധ പ്രദേശങ്ങളിൽ നഗരസഭ 32 ക്യാമറകൾ നഗരസഭ സ്ഥാപിച്ചിരുന്നു.