കുറ്റിപ്പുറത്ത് കോമ്പോസിറ്റ് ഗർഡർ ഇന്ന് രാത്രി സ്ഥാപിക്കും; ഗതാഗത നിയന്ത്രണം

കുറ്റിപ്പുറം: ആറുവരിപ്പാതാ നിർമാണത്തിന്റെ ഭാഗമായി കുറ്റിപ്പുറത്ത് നിർമിച്ച പുതിയ റെയിൽവേ മേൽപ്പാലത്തിന്റെ കോമ്പോസിറ്റ് ഗർഡർ ഇന്ന് രാത്രി സ്ഥാപിക്കും. രാത്രി 10 മുതൽ പുലർച്ചെ 2 വരെയാണ് നടക്കുക. കരാർ കമ്പനിയായ കെ.എൻ.ആർ.സിയാണ് റെയിൽവേ പാതയുടെ കുറുകെ ഗർഡർ സ്ഥാപിക്കുന്ന പ്രവർത്തി നടത്തുന്നത്. പ്രവർത്തി നടക്കുന്ന 10 മുതൽ 2 വരെയുള്ള സമയത്ത് ദേശീയപാതയിൽ യാത്രാ നിയന്ത്രണം ഉണ്ടായിരിക്കുമെന്ന് പോലീസ് അറിയിച്ചു. വാഹനങ്ങൾ കുറ്റിപ്പുറം-തിരുനാവായ റോഡിലൂടെ പുത്തനത്താണിയിലേക്ക് വഴി തിരിച്ച് വിടും. ഗർഡർ സ്ഥാപിക്കുന്ന സമയത്ത് പ്രദേശത്ത് പൊതു ജനങ്ങൾക്ക് പ്രവേശനം ഉണ്ടായിരിക്കില്ലെന്ന് കുറ്റിപ്പുറം പോലീസ് അറിയിച്ചു. പ്രസ്തുത സമയത്ത് തീവണ്ടി ഗതാഗതത്തിനും നിയന്ത്രണമുണ്ടായിരിക്കും.