nh 66 Archives - Valanchery Online

മലപ്പുറം ജില്ലയിൽ ദേശീയപാത 66-ന്റെ സർവീസ് റോഡുകൾ ഇനി വൺവേ;

വളാഞ്ചേരിക്കാരൻ — Tue, 11 Nov 2025 06:50:41 +0000

മലപ്പുറം: ജില്ലയിൽ ദേശീയപാത 66-ന്റെ സർവീസ് റോഡുകൾ വൺവേ ആയി മാത്രം ഉപയോഗിക്കാൻ തീരുമാനം. ജില്ലാ കളക്ടർ അധ്യക്ഷനായ റോഡ് സുരക്ഷാസമിതി യോഗമാണ് ഈ തീരുമാനമെടുത്തത്. സർവീസ് റോഡുകൾ ടു വേ ആണെന്നും അതേസമയം അതത് പ്രാദേശിക ഭരണകൂടങ്ങൾക്ക് അതിൽ മാറ്റംവരുത്താൻ അധികാരമുണ്ടെന്നും ദേശീയപാത അതോറിറ്റി നേരത്തേ വിവരാവകാശനിയമപ്രകാരം അറിയിച്ചിരുന്നു. ഇപ്പോൾ ജില്ലയിൽ പലയിടങ്ങളിലും സർവീസ് റോഡുകളിലൂടെ വാഹനങ്ങൾ തലങ്ങും വിലങ്ങും ഓടുന്നുണ്ട്. ഇതുകാരണം അപകടവും ഗതാഗതക്കുരുക്കും ഉണ്ടാകുന്നുണ്ട്. ആറരമീറ്റർ മാത്രം വീതിയിലാണ് കേരളത്തിൽ സർവീസ് റോഡുകൾ നിർമിച്ചിട്ടുള്ളത്. അതിൽത്തന്നെ സ്ളാബും റോഡും രണ്ടുനിരപ്പിലാണ്. അതുകൊണ്ട് രണ്ടുവാഹനങ്ങൾക്ക് അങ്ങോട്ടുമിങ്ങോട്ടും പോകാനുള്ള വീതിയില്ല. ചില ഭാഗങ്ങളിൽ ആറരമീറ്റർപോലും വീതിയില്ല. പ്രധാന കവലകളിലും അടിപ്പാലമുള്ള സ്ഥലങ്ങളിലുമെല്ലാം വലിയ ഞെരുക്കമാണ് ഇപ്പോൾത്തന്നെ അനുഭവപ്പെടുന്നത്. ഈ സാഹചര്യത്തിലാണ് സർവീസ് റോഡുകൾ വൺവേ ആക്കാൻ റോഡ് സുരക്ഷാസമിതി തീരുമാനിച്ചത്.

The post മലപ്പുറം ജില്ലയിൽ ദേശീയപാത 66-ന്റെ സർവീസ് റോഡുകൾ ഇനി വൺവേ; appeared first on Valanchery Online.

വളാഞ്ചേരി വട്ടപ്പാറയിൽ സർവീസ് റോഡ് അവസാനിപ്പിക്കാനുള്ള നീക്കം; സി.പി.ഐ നേതാക്കൾ സ്ഥലം സന്ദർശിച്ചു

വളാഞ്ചേരിക്കാരൻ — Mon, 07 Jul 2025 01:54:57 +0000

വളാഞ്ചേരി: ദേശീയ പാതയുടെ ഭാഗമായുള്ള സർവീസ് റോഡ് വട്ടപ്പാറ പഴയ സി.ഐ ഓഫീസ് പരിസരത്തു വെച്ച് അവസാനിപ്പിക്കാനുള്ള നീക്കത്തിൽ നിന്നും ദേശീയപാത അധികൃതർ പിൻമാറണമെന്ന് സ്ഥലം സന്ദർശിച്ച സി.പി.ഐ നേതാക്കൾ ആവശ്യപ്പെട്ടു. കോഴിക്കോട് ഭാഗത്തു നിന്നും കാവുമ്പുറം വഴി വളാഞ്ചേരി ടൗണിലേക്കുള്ള പോകുന്ന നിലവിലെ ദേശീയപാതയുമായി സർവീസ് റോഡ് ബന്ധിപ്പിക്കണം. 200 മീറ്ററോളം ഭാഗത്തെ നിർമാണ പ്രവർത്തനങ്ങൾ പൂർത്തീകരിച്ചാൽ പ്രശ്നം തീരാവുന്നതേയുള്ളൂ. സർവീസ് റോഡ് പൂർത്തിയാക്കിയില്ലെങ്കിൽ വിദ്യാർഥികൾ, കച്ചവടക്കാർ സാധാരണക്കാർ എന്നിവരാണ് ഏറ്റവും പ്രയാസപ്പെടുക. ബന്ധപ്പെട്ട കാര്യം രാജ്യ സഭാ എം.പി. പി.പി. സുനീർ മുഖേന ദേശീയപാത അധികൃതരുടെ ശ്രദ്ധയിൽപ്പെടുത്തിയതായും നേതാക്കൾ പറഞ്ഞു. സി.പി.ഐ ജില്ലാ കമ്മിറ്റി അംഗം അഷറഫലി കാളിയത്ത്, മണ്ഡലം സെക്രട്ടറി എം. ജയരാജൻ, വളാഞ്ചേരി ലോക്കൽ സെക്രട്ടറി എം കരുണാകരൻ, ഷംസു പാറക്കൽ, തയ്യിൽ ഷുക്കൂർ, പി. വിജയൻ ,പി .എം സുരേഷ് എന്നിവർ സംഘത്തിൽ ഉണ്ടായിരുന്നു.

The post വളാഞ്ചേരി വട്ടപ്പാറയിൽ സർവീസ് റോഡ് അവസാനിപ്പിക്കാനുള്ള നീക്കം; സി.പി.ഐ നേതാക്കൾ സ്ഥലം സന്ദർശിച്ചു appeared first on Valanchery Online.

വളാഞ്ചേരിയിൽ ദേശീയപാതയോരവും മുഖം മിനുക്കുന്നു; ഐറിഷ് മോഡൽ ഡ്രൈനേജിൻ്റെയും കൈവരി സ്ഥാപിക്കുന്നതിൻ്റെ പ്രവൃത്തികൾക്ക് തുടക്കം കുറിച്ചു

വളാഞ്ചേരിക്കാരൻ — Thu, 01 May 2025 01:57:33 +0000

വളാഞ്ചേരി: വളാഞ്ചേരി നഗരസഭ 2024-25 വാർഷിക പദ്ധതിയിൽ ഉൾപെടുത്തി നടപ്പിലാക്കുന്ന നാഷ്ണൽ ഹൈവേയിൽ ഐറിഷ് മോഡൽ ഡ്രൈനേജും കൈവരി സ്ഥാപിക്കലും പദ്ധതിയുടെ പ്രവൃത്തി ഉദ്ഘാടനം നഗരസഭ ചെയർമാൻ അഷ്റഫ് അമ്പലത്തിങ്ങൽ നിർവ്വഹിച്ചു.വൈസ് ചെയർപേഴ്സൺ റംല മുഹമ്മദ് അദ്ധ്യക്ഷത വഹിച്ചു.ടൗണിൽ നിന്നും കോഴിക്കോട് റോഡിൽ നഗരസഭ ഓഫീസ് വരെയും,തൃശൂർ റോഡിൽ മൂച്ചിക്കൽ വരെയും ഇരുഭാഗങ്ങളിലായി നടപ്പാത നിർമ്മിക്കുന്നത്.ഇതിൻ്റെ ഭാഗമായി നഗരസഭ ഇരുറോഡുകളിലും സ്ഥാപിച്ച ലൈറ്റ് കാലുകൾ മാറ്റിവെച്ചിട്ടുണ്ട്,പദ്ധതി പൂർത്തീകരണത്തിന് ശേഷം യഥാസ്ഥലത്ത് ലൈറ്റ് കാലുകൾ സ്ഥാപിക്കുകയും ചെയ്യും.നഗരസഭയുടെ വാർഷിക പദ്ധതിയിൽ ഉൾപെടുത്തി തനത് ഫണ്ടിൽ നിന്നും 2 കോടി 50 ലക്ഷം രൂപയാണ് പദ്ധതിനടപ്പിലാക്കുന്നതിന് വകയിരുത്തിയിട്ടുള്ളത്. വികസന കാര്യ സ്റ്റാൻ്റിംഗ് കമ്മിറ്റി ചെയർമാൻ സി.എം റിയാസ് സ്വാഗതം പറഞ്ഞ ചടങ്ങിൽ വിദ്യാഭ്യാസ കലാ-കായിക സ്റ്റാൻ്റിംഗ് കമ്മിറ്റി ചെയർമാൻ മുജീബ് വാലാസി,മരാമത്ത് സ്റ്റാൻ്റിംഗ് കമ്മിറ്റി ചെയർപേഴ്സൺ റൂബി ഖാലിദ്,ആരോഗ്യ സ്റ്റാൻ്റിംഗ് കമ്മിറ്റി ചെയർമാൻ ഇബ്രാഹിം മാരാത്ത്,രാഷ്ട്രീയ സാമൂഹിക രംഗത്തെ പ്രമുഖരായ ടി.കെ ആബിദലി,നീറ്റുക്കാട്ടിൽ മുഹമ്മദലി,കെ.വി ഉണ്ണികൃഷ്ണൻ,സുരേഷ് പാറാതൊടി,പൈങ്കൽ ഹംസ,വ്യാപാരി വൃവസായി ഏകോപന സമിതി വളാഞ്ചേരി പ്രസിഡണ്ട് കെ.മുഹമ്മദലി,വി.പി മണി,നസീറലി പാറക്കൽ,അഡ്വ.ഒ പി റഹൂഫ്,ജാഫർ നീറ്റുകാട്ടിൽ,ഖമറുസ്മാൻ,കൗൺസിലർമാരായ സിദ്ധീഖ് ഹാജി കളപ്പുലാൻ,ഈസ നബ്രത്ത്,ശിഹാബ് പാറക്കൽ,കെ.വി ഷൈലജ,എൻ.നൂർജഹാൻ,തസ്ലീമ നദീർ,താഹിറ ഇസ്മായിൽ,ബദരിയ്യ മുനീർ,ആബിദ മൻസൂർ,നഗരസഭ ഹെൽത്ത് ഇൻസ്പെക്ടർ കെ.സലീം തുടങ്ങിയവർ സംസാരിച്ചു.

The post വളാഞ്ചേരിയിൽ ദേശീയപാതയോരവും മുഖം മിനുക്കുന്നു; ഐറിഷ് മോഡൽ ഡ്രൈനേജിൻ്റെയും കൈവരി സ്ഥാപിക്കുന്നതിൻ്റെ പ്രവൃത്തികൾക്ക് തുടക്കം കുറിച്ചു appeared first on Valanchery Online.

വളാഞ്ചേരി വട്ടപ്പാറയിൽ പാർസൽ വാൻ മറിഞ്ഞു; ഡ്രൈവർക്ക് പരിക്ക്

വളാഞ്ചേരിക്കാരൻ — Sat, 31 Aug 2024 03:54:13 +0000

വളാഞ്ചേരി: ദേശീയപാത 66 സ്ഥിരം അപകട മേഖലയായ വട്ടപ്പാറയിൽ വാഹനാപകടം. പാർസൽ വാൻ നിയന്ത്രണം വിട്ടു റോഡ് സൈഡിലേക്ക് മറിഞ്ഞത്. കോഴിക്കോട് ഭാഗത്തുനിന്നും തൃശൂർ ഭാഗത്തേക്ക് പോവുകയായിരുന്ന പാർസൽ വാൻ വട്ടപ്പാറ അർബൻ ഹെൽത്ത് സെൻറർ സമീപം നിയന്ത്രണം വിട്ട് റോഡ് സൈഡിലേക്ക് മുറിയുകയായിരുന്നു. വെള്ളിയാഴ്ച വൈകിട്ട് ആറ് മുപ്പതോടെയാണ് അപകടം നടന്നത്. അപകടത്തിൽ തമിഴ്നാട് സ്വദേശിയായ ഡ്രൈവർ നിസ്സാര പരിക്കുകളോടെ വളാഞ്ചേരി നടക്കാവിൽ ആശുപത്രിയിൽ പ്രവേശിപ്പിച്ചു. വളാഞ്ചേരി പോലീസ് സ്ഥലത്തെത്തി തുടർനടപടികൾ സ്വീകരിച്ചു.

The post വളാഞ്ചേരി വട്ടപ്പാറയിൽ പാർസൽ വാൻ മറിഞ്ഞു; ഡ്രൈവർക്ക് പരിക്ക് appeared first on Valanchery Online.

കരിപ്പോളിൽ ബൈക്കുകൾ കൂട്ടിയിടിച്ചു; 2 യുവാക്കൾക്ക് പരിക്ക്

വളാഞ്ചേരിക്കാരൻ — Sat, 11 May 2024 09:52:38 +0000

ആതവനാട്: ദേശീയപാത 66ലെ കരിപ്പോളിൽ വച്ചുണ്ടായ വാഹനാപകടത്തിൽ 2 പേർക്ക് പരിക്ക്. വെള്ളിയാഴ്ച വൈകീട്ട് ഏഴേകാലോടെ കഞ്ഞിപ്പുരയിലെ ഇന്ത്യൻ ഓയിൽ പെട്രോൾ പമ്പിന് സമീപമായാണ് സംഭവം ഇരുവശങ്ങളിലുമായി വരികയായിരുന്ന റോയൽ എൻഫീൽഡ് ബൈക്കുകൾ തമ്മിൽ കൂട്ടിയിടിക്കുകയായിരുന്നു. പരിക്കേറ്റ യുവാക്കളെ വെട്ടിച്ചിറയിലെ സ്വകാര്യ അശുപത്രിയിൽ പ്രവേശിപ്പിച്ചു. ഇടിയുടെ ആഘാതത്തിൽ ഇരുവാഹനങ്ങൾക്കും കേടുപാടുകൾ സംഭവിച്ചു.

The post കരിപ്പോളിൽ ബൈക്കുകൾ കൂട്ടിയിടിച്ചു; 2 യുവാക്കൾക്ക് പരിക്ക് appeared first on Valanchery Online.

ദേശീയപാത 66; 11 ടോൾ പ്ലാസകൾ, കാസറഗോഡ് മുതൽ തിരുവനന്തപുരം വരെ കാറിന് ടോൾ 1650 രൂപ

വളാഞ്ചേരിക്കാരൻ — Mon, 11 Mar 2024 00:56:46 +0000

തിരുവനന്തപുരം: ദേശീയപാത 66ന്റെ നിർമ്മാണം പൂർത്തിയാകുമ്പോൾ 11 ഇടത്ത് ടോൾ കേന്ദ്രം തുറക്കും. കാസർകോട് തലപ്പാടി മുതൽ തിരുവനന്തപുരം കാരോടുവരെ 645 കിലോമീറ്ററാണ് ദേശീയപാത. കാരോട് മുതൽ തലപ്പാടിവരെ പോകുമ്പോൾ കാറിന് ടോൾ 1650 രൂപയാകും. തിരിച്ചുവരുമ്പോഴും അത്രയും നൽകണം. ബസിനും മറ്റ് വാഹനങ്ങൾക്കും ഇതിലും കൂടും. തിരുവനന്തപുരം, കൊല്ലം ജില്ലകളിൽ രണ്ടുവീതവും ആലപ്പുഴ, എറണാകുളം, തൃശൂർ, മലപ്പുറം, കോഴിക്കോട്, കണ്ണൂർ, കാസർകോട് ഒരോന്നുമാണ് ഉണ്ടാവുക. ഓരോ 60 കിലോമീറ്ററിലും ടോൾബൂത്ത് ആകാമെന്നാണ് ചട്ടം.നിലവിൽ തിരുവല്ലത്തെ ടോൾ പ്ലാസയിൽ കാറിനു ഒരു വശത്തേക്ക് 150 രൂപയാണ്. ഫ്ലൈഓവറുകൾകൂടി കണക്കാക്കിയാണ് നിരക്ക് നിശ്ചയിക്കുക. അതിനാൽ ഓരോ പ്ലാസയിലും നിരക്ക് വ്യത്യസ്തമായിരിക്കും. തിരുവല്ലത്താണ് നിലവിൽടോൾ കൂടുതൽ.ജനവാസമേഖലകൾ പരമാവധി ഒഴിവാക്കി ആകാശപാത, മറ്റു മേല്പാലങ്ങൾ, ബൈപ്പാസ് എന്നിവ കൂടുതൽ ഉൾപ്പെടുത്തിയാണ് ദേശീയപാതയുടെ നിർമ്മാണം. പാതയെക്കാൾ കൂടുതൽ പണം പാലംനിർമ്മാണത്തിന് വേണ്ടിവരും. അതുകൊണ്ടാണ് ഉയർന്ന ടോൾനിരക്കെന്നാണ് ദേശീയപാത അധികൃതരുടെ വിശദീകരണം. 2008ലെ ‘ദേശീയപാതകളിൽ ചുങ്കം പിരിക്കാനുള്ള നിയമം” അടിസ്ഥാനമാക്കിയാണ് ടോൾനിരക്ക് നിശ്ചയിക്കുന്നത്.
കണക്കാക്കുക മേല്പാലം നീളത്തിന്റെ പത്തുമടങ്ങ്
60 മീറ്ററിൽ കൂടുതലുള്ള മേല്പാലങ്ങളുടെ ടോൾ നിശ്ചയിക്കുമ്പോൾ അതിന്റെ നീളത്തിന്റെ പത്തുമടങ്ങ് കണക്കിലെടുക്കണമെന്നാണ് ദേശീയപാത അതോറിട്ടിയുടെ ചട്ടം. ഉദാഹരണത്തിന് കഴിഞ്ഞവർഷം തുറന്ന കഴക്കൂട്ടം ആകാശപാതയുടെ ആകെനീളം 2.72 കിലോമീറ്റർ. ടോൾ കണക്കാക്കുമ്പോൾ എടുക്കുക 27.2 കിലോമീറ്റർ. എൻ.എച്ച് 66 പൂർത്തിയാകുന്നതോടെ 12.75 കി. മീറ്ററിൽ രാജ്യത്തെ ഏറ്റവുംവലിയ മേൽപ്പാലം വരുന്ന അരൂർ- തുറവൂർ റീച്ചിലാകും വലിയനിരക്ക് നൽകേണ്ടി വരിക. കഴക്കൂട്ടം ആകാശപാതകൂടി ടോളിൽ ഉൾപ്പെടുത്താൻ ആഗസ്റ്റിൽ കേന്ദ്രവിജ്ഞാപനം വന്നതോടെയാണ് തിരുവല്ലത്തെ നിരക്ക് ഉയർന്നത്. അതോടെ കാറിന് ഒരുഭാഗത്തേക്ക് 120 രൂപയിൽ നിന്ന് 150 ആയി. ടോൾബൂത്ത് പരിധിയിൽ പുതിയൊരു മേല്പാലംകൂടി ഈഞ്ചയ്ക്കലിൽ നിർമ്മിക്കുന്നുണ്ട്. അതുകഴിഞ്ഞാൽ ടോൾ വീണ്ടും കൂടും.
ടോൾ പ്ലാസകൾ
കാസർകോട്……………………………… പുല്ലൂർ പെരിയ
കണ്ണൂർ………………………………………..കല്യാശ്ശേരി
കോഴിക്കോട്……………………………… മാമ്പുഴ
മലപ്പുറം…………………………………….. വെട്ടിച്ചിറ
തൃശ്ശൂർ………………………………………..നാട്ടിക
എറണാകുളം……………………………. കുമ്പളം
ആലപ്പുഴ…………………………………….കൊമ്മാടി
കൊല്ലം………………………………………. ഓച്ചിറ (രണ്ടാമത്തെ സ്ഥലം നിശ്ചയിച്ചിട്ടില്ല)
തിരുവനന്തപുരം……………………… തിരുവല്ലം (രണ്ടാമത്തെ സ്ഥലം നിശ്ചയിച്ചിട്ടില്ല)

The post ദേശീയപാത 66; 11 ടോൾ പ്ലാസകൾ, കാസറഗോഡ് മുതൽ തിരുവനന്തപുരം വരെ കാറിന് ടോൾ 1650 രൂപ appeared first on Valanchery Online.

വളാഞ്ചേരി വട്ടപ്പാറയിൽ വാഹനാപകടം; കോളേജ് വിദ്യാർത്ഥിക്ക് ഗുരുതര പരിക്ക്

വളാഞ്ചേരിക്കാരൻ — Mon, 04 Dec 2023 12:11:16 +0000

വളാഞ്ചേരി: വളാഞ്ചേരി ദേശീയപാത 66 സ്ഥിരം അപകട മേഖലയായ വട്ടപ്പാറയിൽ നിർദ്ദിഷ്ട ദേശീയപാത നിർമ്മാണ കമ്പനിയുടെ ഭാരത് ബെൻസ് ടിപ്പർ ലോറിയും ബൈക്കും കൂട്ടിയിടിച്ചാണ് അപകടം.തിങ്കളാഴ്ച കാലത്ത് 9:10നാണ് അപകടം. തൃശ്ശൂർ ഭാഗത്തുനിന്നും കോഴിക്കോട് ഭാഗത്തേക്ക് പോവുകയായിരുന്ന ലോറി വട്ടപ്പാറ എസ്എൻഡിപി ഓഫീസ് സമീപത്ത് വച്ച് എതിർ ദിശയിൽ വന്ന കോളേജ് വിദ്യാർത്ഥിയുടെ ബൈക്കിൽ ഇരിക്കുകയായിരുന്നു ഇടിയുടെ ആഘാതത്തിൽ കോളേജ് വിദ്യാർത്ഥിയും മോട്ടോർസൈക്കിളും ലോറിക്കടിയിൽ പെട്ടു.ബൈക്ക് യാത്രികനായ കുറുമ്പത്തൂർ സ്വദേശി ചിറ്റേപ്പുറത്ത് വീട്ടിൽ മുഹമ്മദ് ആഷിക് ആണ് പരിക്ക് പറ്റിയത്. ഹൈവേ പോലീസും നാട്ടുകാരും രക്ഷാപ്രവർത്തനത്തിന് നേതൃത്വം നൽകി. പരിക്കുപറ്റിയ മുഹമ്മദ് ആഷിക്കിനെ വളാഞ്ചേരി നടക്കാവിൽ ആശുപത്രിയിൽ പ്രവേശിപ്പിച്ചു

The post വളാഞ്ചേരി വട്ടപ്പാറയിൽ വാഹനാപകടം; കോളേജ് വിദ്യാർത്ഥിക്ക് ഗുരുതര പരിക്ക് appeared first on Valanchery Online.

കുറ്റിപ്പുറത്ത് സ്വകാര്യ ബസും ടിപ്പർ ലോറിയും കൂട്ടിയിടിച്ച് നിരവധി പേർക്ക് പരിക്ക്

വളാഞ്ചേരിക്കാരൻ — Sun, 12 Nov 2023 02:51:47 +0000

കുറ്റിപ്പുറം: ദേശീയപാത 66ലെ മലപ്പുറം കുറ്റിപ്പുറത്ത് വച്ചുണ്ടായ വാഹനാപകടത്തിൽ നിരവധി പേർക്ക് പരിക്ക്. കുറ്റിപ്പുറം കെ.എസ്.ഡി.സിക്ക് സമീപത്ത് ഇന്ന് രാവിലെയാണ് അപകടമുണ്ടായത്. കോഴിക്കോട് നിന്നും തൃശൂർ ഭാഗത്തേക്ക് പോവുകയായിരുന്ന സ്വകാര്യ ബസും എതിരെ വരികയായിരുന്ന ടിപ്പർ ലോറിയും തമ്മിൽ കൂട്ടിയിടിക്കുകയായിരുന്നു. സംഭവത്തിൽ പരിക്കേറ്റവരെ കുറ്റിപ്പുറം താലൂക്ക് അശുപത്രിയിലും വളാഞ്ചേരിലെയും കോട്ടക്കലിലെയും സ്വകാര്യ അശുപത്രികളിലുമായും പ്രവേശിപ്പിച്ചു. കൂടുതൽ വിവരങ്ങൾ അറിവായി വരുന്നു. കുറ്റിപ്പുറം പോലീസ് മേൽനടപടികൾ സ്വീകരിച്ചു.

The post കുറ്റിപ്പുറത്ത് സ്വകാര്യ ബസും ടിപ്പർ ലോറിയും കൂട്ടിയിടിച്ച് നിരവധി പേർക്ക് പരിക്ക് appeared first on Valanchery Online.

ആതവനാട് കരിപ്പോളിൽ ഓട്ടോറിക്ഷകൾ തമ്മിൽ കൂട്ടിയിടിച്ചുണ്ടായ അപകടത്തിൽ 6 പേർക്ക് പരിക്ക്

വളാഞ്ചേരിക്കാരൻ — Sat, 14 Oct 2023 11:32:10 +0000

ആതവനാട്: മലപ്പുറം ആതവനാട് ദേശീയപാത 66ലെ കരിപ്പോളിൽ വച്ചുണ്ടായ വാഹനാപകടത്തിൽ 2 പേർക്ക് പരിക്ക്. ഇന്ന് ഉച്ച തിരിഞ്ഞ് 3 മണിയോടെ ആതവനാട് പഞ്ചായത്ത് ഓഫീസിന് സമീപമായാണ് സംഭവം. ദേശീയപാതയിലൂടെ വളാഞ്ചേരി ഭഗത്തേക്ക് വരികയായിരുന്ന ഓട്ടോ ദേശീയപാതയിലേക്ക് കയറുകയായിരുന്ന മറ്റൊരു ഓട്ടോയിൽ ഇടിച്ചു മറിയുകയായിരുന്നു. അപകടത്തിൽ പരിക്കേറ്റ കരിപ്പോൾ സ്വദേശിനികളായ തൈകുളത്തിൽ വീട്ടിൽ കദീജ 45, ബീയുമ്മ 55, കഞ്ഞിപുര സ്വദേശിനിയായ മുട്ടുകാടൻ വീട്ടിൽ റിൻഷ 18, കാടാമ്പുഴ പിലാത്തറ സ്വദേശികളായ തറക്കൽ വീട്ടിൽ ആഷിഖ് 16, ഇസ്ഹാഖ് 18, സൽമാനുൽ ഫാരിസ് എന്നിവരെ വളാഞ്ചേരിയിലെ സ്വകാര്യ അശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല.

മറിഞ്ഞ ഓട്ടോയിൽ നിന്ന് കേബിൾ തകരാർ മൂലം അനിയന്ത്രിതമായ രീതിയിൽ പുകയും ശബ്ദവും ഉയർന്നത് പ്രദേശത്ത് ഭീതി പടർത്തി. തുടർന്ന് നാട്ടുകാർ ചേർന്ന് എഞ്ചിൻ നിറുത്തുകയും വാഹനം റോഡിൽ നിന്നും നീക്കം ചെയ്യുകയുമായിരുന്നു. മോട്ടോർ വാഹന വകുപ്പ് അധികൃതർ സ്ഥലം സന്ദർശിച്ചു.

The post ആതവനാട് കരിപ്പോളിൽ ഓട്ടോറിക്ഷകൾ തമ്മിൽ കൂട്ടിയിടിച്ചുണ്ടായ അപകടത്തിൽ 6 പേർക്ക് പരിക്ക് appeared first on Valanchery Online.

വളാഞ്ചേരി മൂച്ചിക്കൽ ഓണിയിൽ പാലത്തിനുസമീപം റോഡരികിൽ അപകടഭീഷണിയായി ചീനിമരം

വളാഞ്ചേരിക്കാരൻ — Fri, 07 Jul 2023 01:19:16 +0000

വളാഞ്ചേരി : അപകടഭീഷണിയായി ദേശീയപാതയിൽ കൂറ്റൻചീനിമരം. വളാഞ്ചേരി – കുറ്റിപ്പുറം റോഡിൽ മൂച്ചിക്കൽ ഓണിയിൽ പാലത്തിനുസമീപം റോഡരികിലെ ചീനിമരമാണ് ഭീഷണിയായി നിൽക്കുന്നത്. വാഹനങ്ങൾക്കും കാൽനടയാത്രക്കാർക്കും സമീപത്തെ കെട്ടിടങ്ങൾക്കുമെല്ലാം മരം ഭീഷണിയാണ്. കാലപ്പഴക്കംമൂലം കൊമ്പുകൾ പലതും ഒടിഞ്ഞുവീഴാറായിട്ടുണ്ട്. മരത്തിനടിയിലൂടെ ഹൈടെൻഷൻ വൈദ്യുതിക്കമ്പികളുൾപ്പെടെ നിരവധി ലൈനുകൾ പോകുന്നത് ദുരന്തത്തിനിടയാക്കുമെന്നാണ് സമീപവാസികളുടെ ആശങ്ക.

പ്രദേശവാസികൾ നഗരസഭയിലും കളക്ടറേറ്റിലും പൊതുമരാമത്തു മന്ത്രിക്കും ദേശീയപാത അധികൃതർക്കും നേരത്തെ പരാതി നൽകിയിരുന്നു. എന്നാൽ, തുടർനടപടിയൊന്നും ഉണ്ടായില്ലെന്ന് ഹ്യൂമൺ റൈറ്റ്‌സ് കെയർ സെന്റർ കോട്ടയ്ക്കൽ നിയോജകമണ്ഡലം കമ്മിറ്റി ആരോപിച്ചു. ബാവ കാളിയത്ത്, വില്ലൂർ മുസ്തഫ, പുത്തൂർ ഹംസ എന്നിവർ പ്രസംഗിച്ചു.

The post വളാഞ്ചേരി മൂച്ചിക്കൽ ഓണിയിൽ പാലത്തിനുസമീപം റോഡരികിൽ അപകടഭീഷണിയായി ചീനിമരം appeared first on Valanchery Online.

വട്ടപ്പാറയിൽ ലോറി നിയന്ത്രണം വിട്ട് കാറിലിടിച്ച് മറിഞ്ഞു; നാല് പേർക്ക് പരിക്ക്

വളാഞ്ചേരിക്കാരൻ — Tue, 06 Jun 2023 06:38:44 +0000

വളാഞ്ചേരി: ദേശീയപാത 66ലെ വളാഞ്ചേരി വട്ടപ്പാറയിൽ വച്ചുണ്ടായ വാഹനാപകടത്തിൽ നാല് പേർക്ക് പരിക്ക്. ഇന്ന് രാവിലെ പത്തേകാലോടെ വട്ടപ്പാറ പ്രധാന വളവിന് താഴെ സ്ഥിതിചെയ്യുന്ന അർബൻ അശുപത്രിക്ക് സമീപമാണ് അപകടമുണ്ടായത്. എടയൂർ പൂക്കാട്ടിരി ഭാഗത്തേക്ക് നിർമ്മാണ പ്രവൃത്തികൾക്കായുള്ള മെറ്റൽ കയറ്റിയ കെഎൽ 57 ജി 2927 ലോറിയാണ് നിയന്ത്രണം വിട്ട് എതിരെ വന്ന കാറിലിടിച്ച് മറിഞ്ഞത്. വളാഞ്ചേരിയിൽന്നും കോട്ടക്കലിലേക്ക് പോകുകയായിരുന്ന kl 60 ജി 7251 മാരുതി സുസുക്കി സ്വിഫ്റ്റ് കാറാണ് അപകടത്തിൽപെട്ടത്. അപകടത്തിൽ പരിക്കേറ്റ കാറിലുണ്ടായിരുന്ന വളാഞ്ചേരി നരിപ്പറ്റ സ്വദേശികളായ വാഴയിൽ വീട്ടിൽ നൗഷാദ്(45), തോരാക്കാട് കൂരിപ്പറമ്പിൽ വീട്ടിൽ സഫ്‌വ(22), സുലൈഖ(45), രണ്ടര വയസ്സുകാരനായ ഇസ്രാൻ എന്നിവരെ വളാഞ്ചേരിയിലെ സ്വകാര്യ ആശുപത്രിയിൽ പ്രവേശിപ്പിച്ചു. വളാഞ്ചേരി പോലീസും ഹൈവേ പോലീസും നാട്ടുകാരും രക്ഷാപ്രവർത്തനത്തിന് നേതൃത്വം നൽകി. വളാഞ്ചേരി പോലീസ് തുടർനടപടികൾ സ്വീകരിച്ചു.

The post വട്ടപ്പാറയിൽ ലോറി നിയന്ത്രണം വിട്ട് കാറിലിടിച്ച് മറിഞ്ഞു; നാല് പേർക്ക് പരിക്ക് appeared first on Valanchery Online.

കളിയാട്ടം; ദേശീയപാതയിലെ ചേളാരിക്കും കൊളപ്പുറത്തിനും ഇടയിൽ 26-ന് ഗതാഗതനിയന്ത്രണം

വളാഞ്ചേരിക്കാരൻ — Thu, 25 May 2023 07:19:46 +0000

തിരൂരങ്ങാടി : കളിയാട്ടം നടക്കുന്ന 26-ന് രാവിലെ 11 മുതൽ ദേശീയപാതയിലെ ചേളാരിക്കും കൊളപ്പുറത്തിനും ഇടയിൽ ഗതാഗതനിയന്ത്രണം ഏർപ്പെടുത്തും. ദേശീയപാത വികസനപ്രവർത്തനങ്ങളുടെ നിർമാണ ആവശ്യങ്ങൾക്കുള്ള ലോറികൾ 26-ന് സർവീസ് നടത്തുന്നത് നിർത്തിവെക്കണമെന്ന് ദേശീയപാത അതോറ്റിക്ക് നിർദേശം നൽകി. വലിയ കുഴികൾ കുഴിച്ചിട്ടുള്ള ഭാഗങ്ങളിൽ സുരക്ഷാവേലികൾ ഉറപ്പുവരുത്തുന്നതിനും മുന്നറിയിപ്പ് ബോർഡ്‌ സ്ഥാപിക്കുന്നതിനും നിർദേശം നൽകി. കുഴികൾക്കുസമീപം നിലവിൽ സ്ഥാപിച്ചിട്ടുള്ള കോൺക്രീറ്റ് സുരക്ഷാഭിത്തികൾ വിടവുകളില്ലാതെ പുനഃസ്ഥാപിക്കുന്നതിനും നിർദേശം നൽകിയിട്ടുണ്ട്.

കോഴിക്കോട് ഭാഗത്തുനിന്ന്‌ തിരൂർ ഭാഗത്തേക്കു വരുന്ന വാഹനങ്ങൾ സർവകലാശാലാ കാമ്പസിനു സമീപം ചെട്ടിയാർമാട് റോഡുവഴി ഒലിപ്രംകടവ്, ചെട്ടിപ്പടി, പരപ്പനങ്ങാടി വഴി പോകണം. തിരിച്ച് തിരൂർ ഭാഗത്തുനിന്നു വരുന്ന വാഹനങ്ങളും ഇതേ പാതയിലൂടെ പോകണം. തൃശ്ശൂർ ഭാഗത്തേക്കു പോകുന്ന വാഹനങ്ങൾ കോഹിനൂരിൽനിന്ന് ഇടത്തോട്ടുതിരിഞ്ഞ് പറമ്പിൽപീടിക-കുന്നുംപുറം വഴി കൊളപ്പുറത്ത് ദേശീയപാതയിൽ പ്രവേശിക്കണം. തൃശ്ശൂർ ഭാഗത്തുനിന്നുവരുന്ന വാഹനങ്ങളും ഇതുവഴി പോകണം. ടാങ്കർലോറികൾ, വലിയ ചരക്കുലോറികൾ എന്നിവ 26-ന് രാവിലെ 11 മുതൽ ഇതുവഴി സർവീസ് നടത്താതെ നിർത്തിയിടണമെന്നും പോലീസ് അറിയിച്ചു.

The post കളിയാട്ടം; ദേശീയപാതയിലെ ചേളാരിക്കും കൊളപ്പുറത്തിനും ഇടയിൽ 26-ന് ഗതാഗതനിയന്ത്രണം appeared first on Valanchery Online.