moonakkal Archives - Valanchery Online

എടയൂർ മൂന്നാക്കൽ മസ്ജിദ് റോഡ്‌ ഉദ്ഘാടനം ചെയ്തു

വളാഞ്ചേരിക്കാരൻ — Tue, 30 Jan 2024 07:52:00 +0000

എടയൂർ: എടയൂരിലെ മൂന്നാക്കൽ മസ്ദിജ് റോഡിന്റെ ഉദ്ഘാടനം കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് വസീമ വേളേരി നിർവഹിച്ചു. ഡിവിഷൻ മെമ്പർ ആയിഷ ചിറ്റകത്ത് അധ്യക്ഷയായി. ഗ്രാമപ്പഞ്ചായത്ത് പ്രസിഡന്റ് ഹസീന ഇബ്രാഹിം മുഖ്യാതിഥിയായി. സ്ഥിരം സമിതി അധ്യക്ഷൻ ജാഫർ പുതുക്കുടി, ഫർസാന, പി.ടി. അയ്യൂബ്, ടി.കെ.കെ. ജംഷീദ്, ഇബ്രാഹിം, കെ.കെ. അൻവർ, എം.കെ. മുസ്തഫ, കെ.കെ. സമീർബാബു, നൗഷാദ്, കെ.പി. വിശ്വനാഥൻ എന്നിവർ പ്രസംഗിച്ചു. ബ്ലോക്ക് പഞ്ചായത്ത് 2023-24 പദ്ധതിയിൽ ഉൾപ്പെടുത്തി ഒമ്പത്‌ ലക്ഷം രൂപ ചെലവഴിച്ചാണ് പണി പൂർത്തീകരിച്ചത്.

The post എടയൂർ മൂന്നാക്കൽ മസ്ജിദ് റോഡ്‌ ഉദ്ഘാടനം ചെയ്തു appeared first on Valanchery Online.

എടയൂർ മൂന്നാക്കൽ പള്ളിയിലെ പുതുക്കിയ അരി കാർഡ് വിതരണം ഇന്ന് മുതൽ; ഓരോ പഞ്ചായത്തുകളിലെയും വിതരണ തിയ്യതി അറിയാം

വളാഞ്ചേരിക്കാരൻ — Mon, 26 Dec 2022 01:36:07 +0000

എടയൂർ: എടയൂർ മൂന്നാക്കൽ ജുമാ മസ്ജിദിൽ നിന്ന് നൽകി ചെയ്തു വരുന്ന അരിയുടെ പുറം മഹല്ല് കാർഡുകളുടെ വിതരണം ഇന്ന് ആരംഭിക്കും. എടയൂർ, ഇരിമ്പിളിയം, കുറുവ, മൂർക്കനാട്, മാറാക്കരം, ആതവനാട്, പുലാമന്തോൾ, കുറ്റിപ്പുറം, തിരുവേഗപ്പുറ, വിളയൂർ, പള്ളിപ്പുറം, പരുതൂർ, കൊപ്പം, ഏലംകുളം, പൊന്മള, മക്കരപ്പറമ്പ്, വളവന്നൂർ, അങ്ങാടിപ്പുറം, പുഴക്കാട്ടിരി, കാലടി, തവനൂർ എന്നീ പഞ്ചായത്തുകളിലെയും വളാഞ്ചേരി നഗരസഭയിലെയും വിവിധ മഹല്ലുകളിലേയും ഗുണഭോക്താക്കൾക്കുള്ള കാർഡുകളാണ് ഡിസംബർ 8 വരെയുള്ള തിയ്യതികളിലായി വിതരണം ചെയ്യുന്നത്. ഓരോ പഞ്ചായത്തുകളിൽ നിന്നുള്ളവർക്ക് അനുവദിച്ച ദിവസങ്ങളിൽ മൂന്നാക്കൽ പള്ളിയിലെത്തി കാർഡ് കൈപറ്റേണ്ടതാണ്.
പുതുക്കിയ കാർഡുകളുടെ ലിസ്റ്റ് അതത് മഹല്ലുകളിൽ പ്രസിദ്ധീകരിച്ചിട്ടുള്ളതാണ്. ലിസ്റ്റിൽ പേരുള്ള ആളുകൾ അവരവർക്ക് അനുവദിച്ച ദിവസങ്ങളിൽ മൂന്നാക്കൽ പള്ളിയിൽ എത്തേണ്ടതാണെന്ന് ഇൻ്ററിം മുതവല്ലി പുറത്തിറക്കിയ അറിയിപ്പിൽ പറയുന്നു.
കാർഡ് വിതരണ സമയം: രാവിലെ 9 മുതൽ 1 മണി വരെ, ഉച്ചക്ക് ശേഷം 1.30 മുതൽ 5 മണി വരെ
കൊണ്ട് വരേണ്ട രേഖകൾ:
മഹല്ലിൽ നിന്ന് ലഭിച്ച കാർഡ് നമ്പർ
ഒറിജിനൽ തിരിച്ചറിയൽ കാർഡ്/ഒറിജിനൽ ആധാർ കാർഡ് (ലിസ്റ്റിൽ ഉള്ളത് പ്രകാരം)
നിലവിൽ അരി വാങ്ങിക്കൊണ്ടിരിക്കുന്ന മൂന്നാക്കൽ അരി കാർഡ് (നീല)
150/- രൂപ

തിയ്യതി	പഞ്ചായത്ത്/നഗരസഭ	മഹല്ലിൻ്റെ പേര്	ക്രമ നമ്പർ
Dec 26, 2022	എടയൂർ പഞ്ചായത്ത്	ചേനാടൻകുളമ്പ്, റഹീമിയ്യ വടക്കുമ്പ്രം, കരേക്കാട് പഴയപള്ളി, തിണ്ടലം, സികെ പാറ	01 മുതൽ 1003 വരെ
Dec 27, 2022	എടയൂർ പഞ്ചായത്ത്	പീടികപ്പടി, എടയൂർ നോർത്ത്, പൂക്കാട്ടിരി	1004 മുതൽ 2000 വരെ
Dec 28, 2022	എടയൂർ പഞ്ചായത്ത്	പൂക്കാട്ടിരി, അത്തിപ്പറ്റ മഹല്ലുകൾ	2001 മുതൽ 2847 വരെ
Dec 28, 2022	എടയൂർ പഞ്ചായത്ത്	മൂന്നാക്കൽ മഹല്ല് അമുസ്ലിമിങ്ങൾ	13583 മുതൽ 13876 വരെ
Dec 29, 2022	വളാഞ്ചേരി നഗരസഭ	കുളമംഗലം, കിഴക്കേക്കര, താണിയപ്പൻകുന്ന്, വട്ടപ്പാറ വടക്കേകുളമ്പ് ചെറുപറ്റ, കാർത്തല, പാണ്ടികശാല, കാളിയാല, വളാഞ്ചേരി മഹല്ലുകൾ	2848 മുതൽ 3882 വരെ
Dec 31, 2022	വളാഞ്ചേരി നഗരസഭ	കാട്ടിപ്പരുത്തി, തൊഴുവാനൂർ, കക്കഞ്ചിറ, കഞ്ഞിപ്പുര മഹല്ലുകൾ	3883 മുതൽ 4531 വരെ
Dec 31, 2022	ഇരിമ്പിളിയം പഞ്ചായത്ത്	ഇരിമ്പിളിയം തെക്കേപള്ളി, കൊടുമുടി, മങ്കേരി, മഹല്ലുകൾ	4532 മുതൽ 4920 വരെ
Jan 1, 2023	ഇരിമ്പിളിയം പഞ്ചായത്ത്	മങ്കേരി സൗത്ത്, പുറമണ്ണൂർ റിഫാഈ, വെണ്ടല്ലൂർ, വലിയകുന്ന്, പുറമണ്ണൂർ, അമ്പാൾ, കോട്ടപ്പുറം മഹല്ലുകൾ	4921 മുതൽ 5901 വരെ
Jan 2, 2023	കുറുവ പഞ്ചായത്ത്	പൂക്കോട് പാങ്ങ്, മുനീറുൽഇസ്ലാം സൗത്ത് പാങ്ങ്, നൂറാനിയ്യ പാങ്ങ് സൗത്ത്, മാട്ടാത്ത് കുളമ്പ്, വാഴേങ്ങൽ റഹ്മാനിയ്യ, പാങ്ങ് അമ്പലപ്പറമ്പ്, പാങ്ങ് പടിഞ്ഞാറ്റുമുറി, കിഴക്കൻ പാങ്ങ്, പാങ്ങ് തോറ, കാരപ്പറമ്പ് തോറ, ചന്തപ്പറമ്പ്, ചന്ദനപ്പറമ്പ്, പടപ്പറമ്പ്, വാഴക്കോട് മഹല്ലുകൾ	5902 മുതൽ 6934 വരെ
Jan 2, 2023	കുറുവ പഞ്ചായത്ത്	ചേങ്ങോട്ടൂർ, മുല്ലപ്പള്ളി മീനാർകുഴി, പള്ളിപ്പറമ്പ്,പാങ്ങ് ചേണ്ടി, ചെറുകുളമ്പ്, വറ്റല്ലൂർ മേകുളമ്പ്, കുറുവ സെൻ്റർ, കരിഞ്ചാപാടി, കടന്നാമുട്ടി, കെ.കെ അങ്ങാടി, വറ്റല്ലൂർ പഴയപള്ളി, ചാഞ്ഞാൽ മഹല്ലുകൾ	6935 മുതൽ 7355 വരെ
Jan 2, 2023	മൂർക്കനാട് പഞ്ചായത്ത്	വെങ്ങാട് കീഴ്മുറി, മേൽമുറി, പഞ്ചായത്ത്പടി, കിഴക്കേക്കരം കരുപറമ്പ്, താഴക്കാട്, ചേറ്റുപ്പാറ, പടിഞ്ഞാറ്റുംപുറം, തെക്കുംപുറം, മൂർക്കനാട് പഴയപള്ളി, പുന്നക്കാട്, ത്വാഹ കൊളത്തൂർ, കുറുപ്പത്താൽ, ഓണപ്പുട, പള്ളിയാൽകുളമ്പ്, തെക്കുംപുറം, അമ്പലപ്പടി, പടിഞ്ഞാറെകുളമ്പ്, ജലാലിയ്യ കൊളത്തൂർ മഹല്ലുകൾ	7356 മുതൽ 9020 വരെ
Jan 3, 2023	മൂർക്കനാട് പഞ്ചായത്ത്	എരുമത്തടം, പലകപ്പറമ്പ്, വെങ്ങാട് സെൻ്റർ, വെങ്ങാട് ടൗൺ മഹല്ലൂകൾ	9021 മുതൽ 9235 വരെ
Jan 3, 2023	മാറാക്കര പഞ്ചായത്ത്	എല്ലാ മഹല്ലുകളും	9236 മുതൽ 10059 വരെ
Jan 4, 2023	ആതവനാട് പഞ്ചായത്ത്	എല്ലാ മഹല്ലുകളും	10060 മുതൽ 10431 വരെ, 13556 മുതൽ 13579 വരെ
Jan 4, 2023	പുലാമന്തോൾ പഞ്ചായത്ത്	എല്ലാ മഹല്ലുകളും	11262 മുതൽ 11848 വരെ, 13580
Jan 5, 2023	കുറ്റിപ്പുറം പഞ്ചായത്ത്	എല്ലാ മഹല്ലുകളും	10432 മുതൽ 11261 വരെ
Jan 5, 2023	തിരുവേഗപ്പുറ പഞ്ചായത്ത്	നെടുങ്ങോട്ടൂർം വെസ്റ്റ് കൈപ്പുറം, പൈലിപ്പുറം, കാരമ്പത്തൂർ, വിളത്തൂർ മഹല്ലുകൾ	11849 മുതൽ 12028 വരെ
Jan 7, 2023	തിരുവേഗപ്പുറ പഞ്ചായത്ത്	കരിഞ്ചീരിതൊടി, ചെമ്പ്ര, കൈപ്പുറം, പൈലിപ്പുറം, കാരമ്പത്തൂർ, വിളത്തൂർ മഹല്ലുകൾ	12029 മുതൽ 12556 വരെ
Jan 7, 2023	വിളയൂർ പഞ്ചായത്ത്	പാലൊളിക്കുളമ്പ്, തുടിക്കൽ, മഞ്ഞളാംകുഴി, എടപ്പലം, നകണ്ടേങ്കാവ്, മേമത്ത് മഹല്ലുകൾ	12557 മുതൽ 12695 വരെ
Jan 7, 2023	പള്ളിപ്പുറം/പരുതൂർ പഞ്ചായത്ത്	ചെറുകുടങ്ങാട്, കരിയന്നൂർ, ചെമ്പുലങ്ങാട്, നാടപറമ്പ്, കോടന്തൂർ, പരുതൂർ മഹല്ലുകൾ	12696 മുതൽ 12847 വരെ
Jan 7, 2023	കൊപ്പം പഞ്ചായത്ത്	ആമയൂർ, കൊപ്പം, കീഴ്മുറി, വടക്കേക്കര, തെക്കുമ്മല മഹല്ലുകൾ	12848 മുതൽ 12973 വരെ
Jan 7, 2023	ഏലംകുളം, പൊന്മള, മക്കരപറമ്പ്, വളവന്നൂർ പഞ്ചായത്ത്	അവുഞ്ഞിക്കാട്, ആക്കപറമ്പ്, കോൽക്കളം, പെരിന്താട്ടിരി, കന്മനം തെക്കുമുറി മഹല്ലുകൾ	12974 മുതൽ 13029 വരെ
Jan 8, 2023	അങ്ങാടിപ്പുറം പഞ്ചായത്ത്	ചെരക്കാപറമ്പ്, പുത്തനങ്ങാടി, തിരൂർക്കാട് മഹല്ലുകൾ	13030 മുതൽ 13045 വരെ, 13267 മുതൽ 13333 വരെ
Jan 8, 2023	പുഴക്കാട്ടിരി പഞ്ചായത്ത്	കടുങ്ങപുരം, പോസ്റ്റ് ഓഫീസ്, മണ്ണുംകുളം, പനച്ചിക്കാട്, കട്ടിലശ്ശേരി മഹല്ലുകൾ	13046 മുതൽ 13114 വരെ
Jan 8, 2023	കാലടി പഞ്ചായത്ത്	വെറൂർ കീഴ്മുറി, കോട്ടക്കുന്ന്, കാലടി മഹല്ലുകൾ	1315 മുതൽ 13183 വരെ
Jan 8, 2023	തവനൂർ, വട്ടംകുളം, ആനക്കര പഞ്ചായത്ത്	തൃക്കണാപുരം, മാണൂർ, ആനക്കര, കുമ്പിടി, ഉമ്മത്തൂർ, കൂട്ടക്കടവ്, കൂടല്ലൂർ, മണ്ണിയംപെരുമ്പലം മഹല്ലുകൾ	13184 മുതൽ 13266 വരെ, 13334 മുതൽ 13344 വരെ
Jan 8, 2023	മൂന്നാക്കൽ മഹല്ലിൽ നിന്ന് കല്ല്യാണം കഴിച്ചവരുടെയും ഒറ്റപ്പെട്ട മഹല്ലുകളുടെയും കാർഡുകൾ		13345 മുതൽ 13555 വരെ, 13581, 13582

The post എടയൂർ മൂന്നാക്കൽ പള്ളിയിലെ പുതുക്കിയ അരി കാർഡ് വിതരണം ഇന്ന് മുതൽ; ഓരോ പഞ്ചായത്തുകളിലെയും വിതരണ തിയ്യതി അറിയാം appeared first on Valanchery Online.

മൂന്നാക്കൽ ഗ്രേസ് എഡ്യൂക്കേഷണൽ കോംപ്ലക്സിന്റെ ശിലാ സ്ഥാപനം നിർവ്വഹിച്ചു

വളാഞ്ചേരിക്കാരൻ — Fri, 09 Dec 2022 02:09:28 +0000

എടയൂർ : മൂന്നാക്കൽ ഗ്രേസ് എഡ്യൂക്കേഷണൽ കോംപ്ലക്സിന്റെ ശിലാ സ്ഥാപന കർമ്മം ഇന്ന് പാണക്കാട് സയ്യിദ് അബ്ബാസലി ശിഹാബ് തങ്ങൾ നിർവ്വഹിച്ചു. ആധുനിക വിദ്യഭ്യാസ രംഗത്തെ നൂതന സംവിധാനങ്ങൾ പുതിയ തലമുറക്ക് എത്തിക്കുന്നതിൽ അൽബിർ പ്രീ – സ്കൂൾ വിജയിച്ചിട്ടുണ്ട് ഇത് സമൂഹത്തിന്റെ വിദ്യാഭ്യാസപരവും സാമൂഹ്യമായ ഉന്നതിക്ക് ആക്കം കൂട്ടുമെന്നും പാണക്കാട് സയ്യിദ് അബ്ബാസലി ശിഹാബ് തങ്ങൾ പറഞ്ഞു.

അന്തർ ദേശീയ നിലവാരത്തിലുള്ള ഡിജിറ്റലൈസഡ് ക്ലാസ്സ്‌ റൂമുകളാണ് സജ്ജീകരിക്കുന്നത്. ചടങ്ങിൽ ട്രസ്റ്റ് ഡയരക്ടർ പാലാറ മാനു അധ്യക്ഷനായിരുന്ന ചടങ്ങിൽ അൽബിർ സ്കൂൾ അഡ്മിനിസ്ട്രേറ്റീവ് ഡയരക്ടർ കെ പി മുഹമ്മദ്‌, സയ്യിദ് കാസിംകോയതങ്ങൾ എടയൂർ മുഹമ്മദ്‌ ഫൈസി അത്തിപ്പറ്റ, അഷ്‌റഫ്‌ അമ്പലത്തിങ്ങൽ, വസീമ വേളേരി, ഹസീന ഇബ്രാഹിം, കെ പി വേലായുധൻ, നൗഷാദ് നാലകത്ത്, ജൗഹറ കരീം, വി പി സൈതാലി, വി പി അബു ഹാജി, ഡോക്ടർ പി ടി സൈനുദ്ധീൻ, അഷ്‌റഫ്‌ ഹുദവി തുടങ്ങിയവർ സംസാരിച്ചു.

The post മൂന്നാക്കൽ ഗ്രേസ് എഡ്യൂക്കേഷണൽ കോംപ്ലക്സിന്റെ ശിലാ സ്ഥാപനം നിർവ്വഹിച്ചു appeared first on Valanchery Online.

മൂന്നാക്കൽ ഗ്രേസ് എഡ്യൂക്കേഷണൽ കോംപ്ലക്സിന്റെ ശിലാ സ്ഥാപനം നാളെ

വളാഞ്ചേരിക്കാരൻ — Wed, 07 Dec 2022 16:07:58 +0000

എടയൂർ: മൂന്നാക്കൽ ഗ്രേസ് എഡ്യൂക്കേഷണൽ കോംപ്ലക്സിന്റെ ശിലാ സ്ഥാപന കർമ്മം നാളെ പാണക്കാട് സയ്യിദ് അബ്ബാസലി ശിഹാബ് തങ്ങൾ നിർവ്വഹിക്കും.വിദ്യഭ്യാസ രംഗത്തെ നൂതന സംവിധാനമായ അൽബിർ പ്രീ – സ്കൂൾ മുതൽ ഉന്നത വിദ്യാഭ്യാസം ഉൾപ്പെടെ നടത്തക്ക രീതിയിലാണ് സ്ഥാപനം ഉയരുന്നത്.അന്തർ ദേശീയ നിലവാരത്തിലുള്ള ഡിജിറ്റലൈസഡ് ക്ലാസ്സ്‌ റൂമുകളാണ് സജ്ജീകരിക്കുന്നത്.ചടങ്ങിൽ അൽബിർ സ്കൂൾ അഡ്മിനിസ്ട്രേറ്റീവ് ഡയരക്ടർ കെ പി മുഹമ്മദ്‌, സയ്യിദ് ഹുസൈൻ കോയ തങ്ങൾ, സയ്യിദ് കെ എസ് എ തങ്ങൾ, അബ്ദുൽ വാഹിദ് മുസ്‌ലിയാർ അത്തിപ്പറ്റ, മുഹമ്മദ്‌ ഫൈസി അത്തിപ്പറ്റ, സിപി ഹംസ ഹാജി, ഡോ : സാലിം ഫൈസി, സാലിം ഫൈസി ഉള്ളളം, അഷ്‌റഫ്‌ അമ്പലത്തിങ്ങൽ, വസീമ വേളേരി, ഹസീന ഇബ്രാഹിം, കെ പി വേലായുധൻ, കെ കെ രാജീവ്‌ മാസ്റ്റർ, തുടങ്ങി മത, സാമൂഹ്യ, രാഷ്ട്രീയ സാംസ്കാരിക രംഗത്തെ പ്രമുഖർ പങ്കെടുക്കും.വാർത്ത സമ്മേളനത്തിൽ ഡയരക്ടർമാരായ പാലാറ അബൂബക്കർ സി ടി മുഹമ്മദ്‌ സാലിഹ്, മുഹ്‌യദ്ധീൻ മുസ്‌ലിയാർ തുടങ്ങിയവർ പങ്കെടുത്തു.

The post മൂന്നാക്കൽ ഗ്രേസ് എഡ്യൂക്കേഷണൽ കോംപ്ലക്സിന്റെ ശിലാ സ്ഥാപനം നാളെ appeared first on Valanchery Online.

മൂന്നാക്കൽ റൗളത്തുസ്സ്വലാഹീൻ അക്കാദമി സംഘടിപ്പിച്ച ഉർസെ രിഫാഈ മജ്‌ലിസ് സമാപിച്ചു

വളാഞ്ചേരിക്കാരൻ — Sat, 03 Dec 2022 00:52:14 +0000

എടയൂർ: മൂന്നാക്കൽ റൗളത്തുസ്സ്വലാഹീൻ അക്കാദമി സംഘടിപ്പിച്ച ഉർസെ രിഫാഈ മജ്‌ലിസ് സമാപിച്ചു. അലി ബാഖവി തങ്ങൾ നേതൃത്വം നൽകി. അബ്ദുസമദ് സഖാഫി മായനാട് പ്രഭാഷണം നടത്തി. ഡോ. ഉസ്താദ് കോയ കാപ്പാടും സംഘവും മജ്‌ലിസിന് നേതൃത്വം നൽകി. ഡോ. എ.വി. അബ്ദുൽജലീൽ ബദവി മുഖ്യാതിഥിയായി. അബ്ദുസ്സലാം സഅദി ബുഖാരി വെട്ടിച്ചിറ, തൗഫീഖ് സഖാഫി ഷൊർണൂർ, ജബ്ബാർ അഹ്‌സനി കാട്ടിപ്പരുത്തി, യഹ്‌യ നഈമി മൂന്നാക്കൽ, ബഷീർ സഖാഫി കല്ലൂർ, ആലുക്കൽ ബാവ ഹാജി കക്കംചിറ, ഹസ്സൻ ഹാജി, പി. സൈതാലി ഹാജി, ഉമർ ഹാജി വെളിയങ്കോട് തുടങ്ങിയവർ പങ്കെടുത്തു.

The post മൂന്നാക്കൽ റൗളത്തുസ്സ്വലാഹീൻ അക്കാദമി സംഘടിപ്പിച്ച ഉർസെ രിഫാഈ മജ്‌ലിസ് സമാപിച്ചു appeared first on Valanchery Online.

മൂന്നാക്കൽ പള്ളിയിലെ അരി വിതരണം പഴയ രീതിയിലേക്ക് മാറുന്നു

വളാഞ്ചേരിക്കാരൻ — Sat, 19 Mar 2022 01:30:27 +0000

എടയൂർ: മൂന്നാക്കൽ പള്ളിയിലെ അരിവിതരണം പഴയത് പോലെ മൂന്നാക്കൽ പളളിയിൽ വെച്ച് തന്നെ വിതരണം ചെയ്യാൻ തീരുമാനമായതായി വഖഫ് ബോർഡ് ഉദ്യോഗസ്ഥർ അറിയിച്ചു. മാർച്ച് 20 ഞായറാഴ്ച മുതൽ രാവിലെ 6.30 മുതൽ ഉച്ചക്ക് 12 മണി വരെയായിരിക്കും അരി വിതരണം. മഹല്ലിലെയും മറ്റു മഹല്ലുകളിലെയും അരി കാർഡുടമകൾ പള്ളിയിലെത്തി അരികാർഡും സഞ്ചിയുമായി വന്ന് അരി വാങ്ങിക്കണമെന്ന് ഉദ്യോഗസ്ഥർ അറിയിച്ചു.

മറ്റു ദിവസങ്ങളിൽ അരിവിതരണം ഉണ്ടായിരിക്കുന്നതല്ലന്നും
കോവിഡ് 19 നിബന്ധനകൾ പൂർണ്ണമായും പാലിക്കേണമെന്നും ഉദ്യോഗസ്ഥർ അറിയിക്കുന്നു.

The post മൂന്നാക്കൽ പള്ളിയിലെ അരി വിതരണം പഴയ രീതിയിലേക്ക് മാറുന്നു appeared first on Valanchery Online.

ഖുർആൻ മുഴുവൻ മനപ്പാഠമാക്കിയ വിദ്യാർഥിയെ അനുമോദിച്ചു പിഡിപി എടയൂർ പഞ്ചായത്ത് കമ്മിറ്റി

വളാഞ്ചേരിക്കാരൻ — Thu, 16 Sep 2021 01:17:57 +0000

എടയൂർ: ഖുർആൻ മുഴുവൻ മനപ്പാഠമാക്കിയ ഒമ്പതാം ക്ലാസ്സ്കാരൻ അൽഹാഫിള് റഷാദ് അബ്ദുള്ള വി.പിയെ പിഡിപി എടയൂർ പഞ്ചായത്ത് കമ്മിറ്റി അനുമോദിച്ചു. ചടങ്ങിൽ നാസർ പീടികപ്പടി, സൈനുദ്ദീൻ ചീനിച്ചോട്, ബാവ, സജീബ്, സലാം ചക്കുംപടി, ഗഫൂർ മനക്കൽപടി എന്നിവർ പങ്കെടുത്തു. മൂന്നാക്കൽ വലിയപറമ്പിൽ മുഹമ്മദ് റഷീദിന്റെയും റസീനയുടേയും മകനാണ് റഷാദ്

The post ഖുർആൻ മുഴുവൻ മനപ്പാഠമാക്കിയ വിദ്യാർഥിയെ അനുമോദിച്ചു പിഡിപി എടയൂർ പഞ്ചായത്ത് കമ്മിറ്റി appeared first on Valanchery Online.

മൂന്നാക്കൽ ഉസ്‌വ വിമൻസ് കോളേജിൽ പ്രവേശനം ആരംഭിച്ചു

വളാഞ്ചേരിക്കാരൻ — Tue, 10 Aug 2021 00:37:27 +0000

എടയൂർ: മൂന്നാക്കൽ പള്ളിറോഡിൽ പ്രർത്തിക്കുന്ന ഗ്രേസ് എഡ്യുക്കേഷണൽ ട്രസ്റ്റിൻ്റെകീഴിലുള്ള ഉസ്‌വ വിമൻസ് കോളേജിലെ 2021-22 വർഷത്തെ ഫാളില അഡ്മിഷൻ സയ്യിദ് വി.കെ.കെ തങ്ങൾ പൈങ്കണ്ണൂരിൽ നിന്ന്‌ വിദ്യാർത്ഥിനിയുടെ രേഖകൾ സ്വീകരിച്ച് സയ്യിദ് ഹുസൈൻ കോയ തങ്ങൾ കുളമംഗലം ഉൽഘാടനം ചെയ്തു. ട്രസ്റ്റ്ചെയർമാൻ അബ്ദുൽവാഹിദ് മുസ്ല്യാർ അത്തിപ്പറ്റ അധ്യക്ഷത വഹിച്ചു. ട്രസ്റ്റിയും സിറാജുൽ ഹുദാ ഹയർ സെക്കണ്ടറി മദ്രസ പ്രസിഡണ്ട് പാലാറ അബുബക്കർ അൽബിറ് സ്കൂൾ ചെയർമാനും മദ്രസ ജനറൽ സെക്രട്ടറി വി പി അബു ഹാജി പ്രിൻസിപ്പാൾ അഷറഫ് ഹുദവി പൈങ്കണ്ണൂർ മനാഫ് വാഫി എന്നിവർ പങ്കെടുത്തു.

The post മൂന്നാക്കൽ ഉസ്‌വ വിമൻസ് കോളേജിൽ പ്രവേശനം ആരംഭിച്ചു appeared first on Valanchery Online.

യുവാവിൻ്റെ ചികിത്സാ ഫണ്ടിലേക്കുള്ള സഹായധനം കൈമാറി മൂന്നാക്കൽ പള്ളി റോഡ് സ്പൈകോ ആർട്സ് & സ്പോർട്സ് ക്ലബ്

വളാഞ്ചേരിക്കാരൻ — Sat, 31 Jul 2021 10:05:33 +0000

എടയൂർ: എടയൂർ സ്വദേശിയായ മരുതംകുഴിയിൽ അബ്ദുൽ ഷമീറിൻ്റെ ചികിത്സാ സഹായ ഫണ്ട് കൈമാറി മൂന്നാക്കൽ പള്ളി റോഡ് സ്പൈകോ ആർട്സ് & സ്പോർട്സ് ക്ലബ്. എടയൂർ ഗ്രാമപഞ്ചായത്ത് പ്രസിഡണ്ട് ഹസീന ഇബ്രാഹിമിന് സ്പൈക്കോ ക്ലബ്ബ് പ്രസിഡണ്ട് കെ. റഷീദ് ചികിത്സാ ഫണ്ട് കൈമാറി. തുടർന്ന് ഈ വർഷം പ്ലസ് ടു, എസ്.എസ്.എൽ.സി പരീക്ഷകളിൽ പള്ളിറോഡ് പ്രദേശത്തെ ഉന്നത വിജയം നേടിയ വിദ്യാർത്ഥികൾക്കുള്ള മോമെന്റൊ വിതരണോൽഘാടനം വാർഡ് മെമ്പർ കെ. പി. വിശ്വനാഥൻ നിർവഹിച്ചു . ക്ലബ്ബ് ഭാരവാഹികളായ , സി. കെ. ഷാജി മാസ്റ്റർ,വി. സാജിദ് മാസ്റ്റർ,വി.നൗഷാദ്, സി. പി.സൈതാലി ബാബു ഖത്തർ, സി.ഫാസിൽ തുടങ്ങിയവർ സംബന്ധിച്ചു. ക്ലബ്ബ് സെക്രട്ടറി കെ.കെ ഷമീർ ബാബു സ്വാഗതവും,ട്രഷറർ കെ. കുഞ്ഞുട്ടി നന്ദിയും പറഞ്ഞു.

The post യുവാവിൻ്റെ ചികിത്സാ ഫണ്ടിലേക്കുള്ള സഹായധനം കൈമാറി മൂന്നാക്കൽ പള്ളി റോഡ് സ്പൈകോ ആർട്സ് & സ്പോർട്സ് ക്ലബ് appeared first on Valanchery Online.

എടയൂർ മൂന്നാക്കലിലെ മുഴുവൻ കോവിഡ് രോഗികൾക്കും ആർ ആർ ടി വളണ്ടിയർമാർക്കും ഭക്ഷ്യ കിറ്റുകൾ വിതരണം ചെയ്ത് കെ.എം.സി.സി

വളാഞ്ചേരിക്കാരൻ — Thu, 10 Jun 2021 09:28:33 +0000

എടയൂർ: എടയൂർ പഞ്ചായത്ത് പതിനഞ്ചാം വാർഡായ മൂന്നാക്കലിൽ കെഎംസിസിയുടെ നേതൃത്വത്തിൽ വാർഡിലെ മുഴുവൻ കോവിഡ് രോഗികൾക്കും, ആർ.ആർ.ടി പ്രവർത്തകർക്കും പലചരക്ക് ഉൾപ്പെടെയുള്ള ഭക്ഷണ കിറ്റുകൾ വിതരണം ചെയ്തു. ചടങ്ങിൽ കെഎംസിസി ഭാരവാഹികളും, വാർഡ് മുസ്ലിം ലീഗിൻറെ യും യൂത്ത് ലീഗിൻറെ യും ഭാരവാഹികളും പങ്കെടുത്തു.

The post എടയൂർ മൂന്നാക്കലിലെ മുഴുവൻ കോവിഡ് രോഗികൾക്കും ആർ ആർ ടി വളണ്ടിയർമാർക്കും ഭക്ഷ്യ കിറ്റുകൾ വിതരണം ചെയ്ത് കെ.എം.സി.സി appeared first on Valanchery Online.

റിപ്പബ്ലിക് ദിനം; എടയൂർ മൂന്നാക്കൽ അംഗൻവാടിയിൽ ആഘോഷിച്ചു-വീഡിയോ

വളാഞ്ചേരിക്കാരൻ — Tue, 26 Jan 2021 12:35:57 +0000

എടയൂർ: രാജ്യത്തിന്റെ 72ആമത് റിപ്പബ്ലിക് ദിനാഘോഷത്തോടനുബന്ധിച്ച് എടയൂർ മൂന്നാക്കലിലെ സെന്റർ പതിനിനൊന്നാം നമ്പർ അംഗൻവാടിയിലും ചടങ്ങുകൾ നടന്നു. രാവിലെ എട്ടരയ്ക്ക് എടയൂർ ഗ്രാമ പഞ്ചായത്ത് പതിനൊന്നാം വാർഡ് അംഗം കെ.പി വിശ്വനാഥൻ ദേശീയപതാക ഉയർത്തി സംസാരിച്ചു. അംഗൻവാടിയിലെ അധ്യാപിക ഗ്രീഷ്മ അധ്യക്ഷയായിരുന്നു. എ.എൽ.എം.എസ്.സി കമ്മറ്റി അംഗങ്ങളായ ഫൗസിയ സി.പി, വി.പി ദേവകി, ഇബ്രാഹിം എന്നിവർ പങ്കെടുത്തു. കോവിഡ് പ്രോട്ടോക്കോൾ പാലിച്ച് നടന്ന ചടങ്ങിൽ അംഗൻവാടിയിലെ ഏതാനും കുട്ടികളും രക്ഷിതാക്കളും പങ്കെടുത്തു. ശേഷം മധുരവിതരണവും നടന്നു.

The post റിപ്പബ്ലിക് ദിനം; എടയൂർ മൂന്നാക്കൽ അംഗൻവാടിയിൽ ആഘോഷിച്ചു-വീഡിയോ appeared first on Valanchery Online.

മൂന്നാക്കലിലെ ചെറുപ്പക്കാരുടെ കരുതലിൽ അലിക്ക് തിരികെകിട്ടിയത് കളഞ്ഞ് പോയ പണം

വളാഞ്ചേരിക്കാരൻ — Tue, 20 Oct 2020 09:20:08 +0000

എടയൂർ: വീട് പണിക്ക് സാമ്പത്തിക ബുദ്ധിമുട്ട് നേരിട്ടപ്പോഴാണ് എടയൂർ ടി.ടി പടിയിൽ താമസിക്കുന്ന എരഞ്ഞോളി കൊട്ടാരത്ത് അലിക്ക് തന്റെ മകളുടെ പദസരം വിൽക്കേണ്ടി വന്നത്. ബാർബറായ ഇദ്ദേഹത്തിന് സ്വർണ്ണം വിൽക്കേണ്ടി വന്നതിൽ അതിയായ ദുഖവും ഉണ്ടായിരുന്നു. എന്നാൽ അദ്ദേഹത്തിന് അതിലേറെ വിഷമം തോന്നിയത് സ്വർണം വിറ്റ് കിട്ടിയ പണം നഷ്ടപ്പെട്ടു എന്ന് മനസ്സിലാക്കിയപ്പോഴായിരുന്നു.

ഒക്ടോബർ 19 തിങ്കളാഴ്ച വൈകീട്ട് ആയിരുന്നു ₹132200 രൂപ അടങ്ങിയ ഒരു ലേഡീസ് ബാഗ് മൂന്നാക്കൽ പള്ളി റോഡിൽ താമസിക്കുന്ന റിയാസ് കണിക്കരകത്തിനും സുഹൃത്തുക്കൾക്കും ലഭിക്കുന്നത്. പണം കണ്ടുകിട്ടിയ വിവരം റിയാസും സുഹൃത്തുക്കളും സാമൂഹിക മാധ്യമങ്ങളിലൂടെ അറിയിച്ചിരുന്നു. ഇതറിഞ്ഞ പണത്തിന്റെ അവകാശി ബന്ധപ്പെടുകയായിരുന്നു. തുടർന്ന് ഇന്ന് രാവിലെ വളാഞ്ചേരി പോലീസ് സ്റ്റേഷനിൽ വച്ച് സ്റ്റേഷൻ എസ്.എച്.ഒ എം.കെ ഷാജിയുടെ സാന്നിധ്യത്തിൽ പണമടങ്ങിയ ബാഗ് റിയാസ് അലിക്ക് കൈമാറി.

The post മൂന്നാക്കലിലെ ചെറുപ്പക്കാരുടെ കരുതലിൽ അലിക്ക് തിരികെകിട്ടിയത് കളഞ്ഞ് പോയ പണം appeared first on Valanchery Online.