Valanchery Online

കടവല്ലൂരിൽ ബസ്സും ബൈക്കും കൂട്ടിയിടിച്ച് അപകടം: കുറ്റിപ്പുറം സ്വദേശിയായ യുവാവ് മരിച്ചു

വളാഞ്ചേരിക്കാരൻ — Mon, 12 Oct 2026 01:56:47 +0000

കുറ്റിപ്പുറം: തൃശൂർ കടവല്ലൂരിൽ മിനി ബസ്സും ബൈക്കും കൂട്ടിയിടിച്ചുണ്ടായ അപകടത്തിൽ കുറ്റിപ്പുറം സ്വദേശിയായ യുവാവ് മരിച്ചു. പാഴൂർ ചാക്കുവളപ്പിൽ സുധീറിന്റെ മകൻ ജിതിൻ (22) ആണ് മരണപ്പെട്ടത്.
ചങ്ങരംകുളം ഭാഗത്തേക്ക് പോവുകയായിരുന്ന മിനി ബസ്സിലേക്ക് എതിർദിശയിൽ നിന്നും വന്ന ജിതിന്റെ ബൈക്ക് നിയന്ത്രണം വിട്ട് ഇടിക്കുകയായിരുന്നുവെന്നാണ് വിവരം.
അപകടത്തെ തുടർന്ന് ഗുരുതരമായി പരിക്കേറ്റ ജിതിനെ നാട്ടുകാർ ഉടൻ തന്നെ പെരുമ്പിലാവിലെ അൻസാർ ആശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. നിയമപരമായ നടപടികൾക്ക് ശേഷം മൃതദേഹം ബന്ധുക്കൾക്ക് വിട്ടുനൽകും.

The post കടവല്ലൂരിൽ ബസ്സും ബൈക്കും കൂട്ടിയിടിച്ച് അപകടം: കുറ്റിപ്പുറം സ്വദേശിയായ യുവാവ് മരിച്ചു appeared first on Valanchery Online.

കുറ്റിപ്പുറം പെരുമ്പറമ്പിൽ കാർ നിയന്ത്രണം വിട്ട് ഡിവഡറിൽ ഇടിച്ച് മറിഞ്ഞു; അപകടത്തിൽ 2‌‌ യുവാക്കൾക്ക് പരിക്ക്

വളാഞ്ചേരിക്കാരൻ — Sun, 11 Oct 2026 12:09:10 +0000

കുറ്റിപ്പുറം: ദേശീയപാത 66ലെ കുറ്റിപ്പുറം ‍‌‍പെരുമ്പറമ്പിന് സമീപം ചോലവളവിൽ വച്ചുണ്ടായ കാറപകടത്തിൽ 2 യുവാക്കൾക്ക് പരിക്ക്. കുറ്റിപ്പുറം സ്വദേശി ദിഖ്ഷാന്ത് (19), എറണാകുളം കടമക്കുടി സ്വദേശി ആദർശ് (21) എന്നിവർക്കാണ് പരിക്കേറ്റത്. ഞായറാഴ്ച രാവിലെ പത്തരയോടെ ആറുവരി പാതായിൽ വച്ചാണ് സംഭവം. കുറ്റിപ്പുറം ഭാഗത്ത് നിന്ന് വരികയായിരുന്ന‌ യുവാക്കൾ സഞ്ചരിച്ച ഇലക്ട്രിക് കാർ നിയന്ത്രണം നഷ്ടപ്പെടുകയും ഡിവൈഡറിൽ ഇടിച്ചു മറിയുകയും ആയിരുന്നു. പരിക്കേറ്റ യുവാക്കളെ‌ വളാഞ്ചേരി നടക്കാവിൽ അശുപത്രിയിൽ പ്രവേശിപ്പിച്ചു. കുറ്റിപ്പുറം പോലീസ് സ്ഥലത്ത് എത്തി മേൽനടപടികൾ സ്വീകരിച്ചു.

The post കുറ്റിപ്പുറം പെരുമ്പറമ്പിൽ കാർ നിയന്ത്രണം വിട്ട് ഡിവഡറിൽ ഇടിച്ച് മറിഞ്ഞു; അപകടത്തിൽ 2‌‌ യുവാക്കൾക്ക് പരിക്ക് appeared first on Valanchery Online.

വളാഞ്ചേരി കോതേതോട് പാലം വികസനം: നഗരസഭയും പൊതുമരാമത്ത് വകുപ്പും സംയുക്ത സന്ദർശനം നടത്തി

വളാഞ്ചേരിക്കാരൻ — Thu, 08 Oct 2026 02:37:05 +0000

വളാഞ്ചേരി: നഗരവികസനത്തിൻ്റെ ഭാഗമായി പൊതുമരാമത്ത് വകുപ്പ് നടപ്പിലാക്കുന്ന സിറ്റി ഇംപ്രൂവ്മെൻ്റ് പദ്ധതിയുടെ ഭാഗമായി കോതേതോട് പാലം അധികൃതർ സന്ദർശിച്ചു. കോട്ടക്കൽ നിയോജക മണ്ഡലം എം.എൽ.എ പ്രൊഫ. ആബിദ് ഹുസൈൻ തങ്ങൾ, പൊതുമരാമത്ത് വകുപ്പ് മന്ത്രി പി.കെ. ബഷീർ എന്നിവരുടെ നേതൃത്വത്തിൽ നഗരസഭയിൽ ചേർന്ന യോഗ തീരുമാനപ്രകാരമാണ് ഈ സന്ദർശനം.
വളാഞ്ചേരി നഗരസഭ ചെയർപേഴ്സൺ ഹസീന വട്ടോളി, വൈസ് ചെയർമാൻ കെ.വി. ഉണ്ണികൃഷ്ണൻ, പി.ഡബ്ല്യൂ.ഡി ബ്രിഡ്ജസ് വിഭാഗം അസിസ്റ്റൻ്റ് എഞ്ചിനീയർ നീരജ് കുമാർ, ഓവർസിയർ മുസാഫർ എന്നിവരടങ്ങുന്ന സംഘമാണ് സ്ഥലം സന്ദർശിച്ച് സ്ഥിതിഗതികൾ വിലയിരുത്തിയത്. പാലത്തിൻ്റെ നവീകരണത്തിനായി ആവശ്യമായ എസ്റ്റിമേറ്റ് ഉദ്യോഗസ്ഥർ ഉടൻ തന്നെ സമർപ്പിക്കും.
ദിനംപ്രതി നൂറുകണക്കിന് വാഹനങ്ങൾ കടന്നുപോകുന്ന വളാഞ്ചേരി-പെരിന്തൽമണ്ണ റോഡിലെ ഈ പാലത്തിന് പതിറ്റാണ്ടുകളുടെ പഴക്കമുണ്ട്. ഇതുവരെ യാതൊരുവിധ നവീകരണ പ്രവർത്തനങ്ങളും നടക്കാത്തതിനാലാണ് സിറ്റി ഇംപ്രൂവ്മെൻ്റ് പദ്ധതിയിൽ മുൻഗണന നൽകി പാലം വികസനം ഉൾപ്പെടുത്തിയത്. വളാഞ്ചേരിയുടെ നഗര വികസനത്തിനായി 50 കോടി രൂപയുടെ പദ്ധതികൾക്ക് അംഗീകാരം നൽകുമെന്ന് കഴിഞ്ഞ ദിവസം ചേർന്ന യോഗത്തിൽ മന്ത്രി അറിയിച്ചിരുന്നു.

The post വളാഞ്ചേരി കോതേതോട് പാലം വികസനം: നഗരസഭയും പൊതുമരാമത്ത് വകുപ്പും സംയുക്ത സന്ദർശനം നടത്തി appeared first on Valanchery Online.

മരുന്നുകളുടെ ലഭ്യതക്കുറവ്; കുറ്റിപ്പുറം താലൂക്ക് ആശുപത്രിയിലേക്ക് സിപിഐഎം മാർച്ച്

വളാഞ്ചേരിക്കാരൻ — Thu, 08 Oct 2026 01:47:02 +0000

കുറ്റിപ്പുറം: സർക്കാർ ആശുപത്രികളിലെ മരുന്നുകളുടെ ലഭ്യതക്കുറവ് ഉൾപ്പെടെയുള്ള ആരോഗ്യ മേഖലയിലെ വിവിധ പ്രശ്നങ്ങൾ ചൂണ്ടിക്കാട്ടി സിപിഐ എം വളാഞ്ചേരി ഏരിയ കമ്മിറ്റിയുടെ നേതൃത്വത്തിൽ കുറ്റിപ്പുറം താലൂക്ക് ആശുപത്രിയിലേക്ക് മാർച്ച് നടത്തി. കുറ്റിപ്പുറം ടൗണിൽ നിന്നും ആരഭിച്ച മാർച്ച് താലൂക് ആശുപത്രി കവാടത്തിൽ പൊലീസ് തടഞ്ഞു. സിപിഐ എം വി പി സക്കറിയ ഉദ്ഘാടനം ചെയ്തു. ഏരിയ സെക്രട്ടറി വി കെ രാജീവ് അധ്യക്ഷനായി. ജില്ലാ കമ്മിറ്റി അംഗം കെ പി ശങ്കരൻ, കെ കെ രാജീവ്‌ എന്നിവർ സംസാരിച്ചു. ലോക്കൽ സെക്രട്ടറി സി വേലായുധൻ സ്വാഗതവും സി കെ ജയകുമാർ നന്ദിയും പറഞ്ഞു.

The post മരുന്നുകളുടെ ലഭ്യതക്കുറവ്; കുറ്റിപ്പുറം താലൂക്ക് ആശുപത്രിയിലേക്ക് സിപിഐഎം മാർച്ച് appeared first on Valanchery Online.

വളാഞ്ചേരിയിൽ നഗരവികസനത്തിന് 50 കോടി പ്രഖ്യാപിച്ച് പൊതുമരാമത്ത് മന്ത്രി പി.കെ. ബഷീർ

വളാഞ്ചേരിക്കാരൻ — Mon, 05 Oct 2026 16:34:15 +0000

വളാഞ്ചേരി: പൊതുമരാമത്ത് വകുപ്പിന്റെ സിറ്റി ഇംപ്രൂവ്മെന്റ് പദ്ധതിയിൽ ഉൾപ്പെടുത്തി വളാഞ്ചേരി നഗര വികസനത്തിനായി 50 കോടി രൂപയുടെ പദ്ധതികൾ പ്രഖ്യാപിച്ച് പൊതുമരാമത്ത് വകുപ്പ് മന്ത്രി പി.കെ. ബഷീർ. പ്രൊഫ. ആബിദ് ഹുസൈൻ തങ്ങൾ എം.എൽ.എയുടെ ആവശ്യപ്രകാരം വളാഞ്ചേരി നഗരസഭയിൽ വിളിച്ചുചേർത്ത പ്രത്യേക യോഗത്തിലാണ് മന്ത്രി ഈ പ്രഖ്യാപനം നടത്തിയത്.

വികസന പദ്ധതികൾക്കായി സൗജന്യമായോ സർക്കാർ നിശ്ചയിക്കുന്ന വിലയ്ക്കോ മുൻകൂറായി ഭൂമി ലഭ്യമാകുന്ന പ്രവൃത്തികൾക്ക് പ്രഥമ പരിഗണന നൽകുമെന്ന് മന്ത്രി അറിയിച്ചു. പദ്ധതികൾ യാഥാർത്ഥ്യമാക്കാൻ പൊതുജനങ്ങളുടെയും തദ്ദേശ ഭരണകൂടങ്ങളുടെയും ജനപ്രതിനിധികളുടെയും പൂർണ്ണ സഹകരണം ഉണ്ടാകണമെന്നും അദ്ദേഹം ആവശ്യപ്പെട്ടു.

പ്രധാന പാലങ്ങളുടെ നിർമ്മാണം
കൊടുമുടി തിരുവേഗപ്പുറ പാലം, കാവുംപുറം വല്ലടിച്ചിറ പാലം, കേതേതോട് പാലം, ഓണിയിൽ പാലം, കൊട്ടാരം പാലം എന്നിവയുടെ നിർമ്മാണത്തിന് ആവശ്യമായ എസ്റ്റിമേറ്റ് അടിയന്തരമായി തയ്യാറാക്കി സമർപ്പിക്കാൻ മന്ത്രി ഉദ്യോഗസ്ഥർക്ക് നിർദ്ദേശം നൽകി.

റോഡ് വികസനവും വീതികൂട്ടലും

- വളാഞ്ചേരി – പട്ടാമ്പി റോഡ് നാല് വരി പാതയായി വികസിപ്പിക്കും.
- മൂച്ചിക്കൽ ഓണിയിൽപാലം മുതൽ കൊളമംഗലം വരെയുള്ള റിംഗ് റോഡിന്റെ ഡിസൈനിംഗ് പൂർത്തിയായിട്ടുണ്ട്, ഇത് ഉടൻ സമർപ്പിക്കാൻ മന്ത്രി നിർദ്ദേശിച്ചു.
- ടൗണിലെ ഗതാഗതക്കുരുക്ക് പരിഹരിക്കുന്നതിനായി സ്ഥലം ലഭ്യമാകുന്നതിനനുസരിച്ച് വളാഞ്ചേരി ജംഗ്ഷൻ നവീകരിക്കും.
- വളാഞ്ചേരി – അങ്ങാടിപ്പുറം റോഡിൽ കൊളമംഗലം മുതൽ വളാഞ്ചേരി വരെയും, കുറ്റിപ്പുറം റോഡിൽ മൂച്ചിക്കൽ മുതൽ ഓണിയിൽ പാലം വരെയും റോഡുകൾ വീതികൂട്ടും.
- മൂച്ചിക്കൽ – കാർത്തല ചുങ്കം റോഡ്, മീമ്പാറ – ഹൈസ്കൂൾ – വൈക്കത്തൂർ റോഡ്, മൂച്ചിക്കൽ – കരിങ്കല്ലത്താണി ബൈപാസ്, കഞ്ഞിപ്പുര – കാടാമ്പുഴ റോഡ്, കാവുംപുറം കക്കൻചിറ റോഡ്, മൂടാൽ കാവുംപുറം കാടാമ്പുഴ റോഡ് എന്നിവ പൊതുമരാമത്ത് വകുപ്പിന്റെ മാനദണ്ഡങ്ങൾക്കനുസരിച്ച് വീതി ലഭിക്കുന്ന മുറയ്ക്ക് സിറ്റി റോഡ് ഇംപ്രൂവ്മെന്റ് പദ്ധതിയിൽ ഉൾപ്പെടുത്തി നവീകരിക്കും.

ഫ്ലൈ ഓവർ സാധ്യതയും പുതിയ ട്രാഫിക് യൂണിറ്റും
ടൗണിലെ ഗതാഗത പരിഷ്കരണത്തിന്റെ ഭാഗമായി ഫ്ലൈ ഓവർ നിർമ്മിക്കുന്നതിനുള്ള സാധ്യതകളെക്കുറിച്ച് പഠിക്കാൻ റിട്ടയേർഡ് ഐ.എ.എസ് ഉദ്യോഗസ്ഥരും പൊതുമരാമത്ത് വകുപ്പ് ഉന്നത ഉദ്യോഗസ്ഥരും അടങ്ങുന്ന സംസ്ഥാനതല സമിതിയെ നിയോഗിക്കും. സമിതി റിപ്പോർട്ട് സമർപ്പിക്കുന്ന മുറയ്ക്ക് തുടർനടപടികൾ സ്വീകരിക്കും. കൂടാതെ, വളാഞ്ചേരിയിൽ പുതിയ ട്രാഫിക് യൂണിറ്റ് അനുവദിക്കുന്നതിനായി എം.എൽ.എ സമർപ്പിച്ച പ്രൊപ്പോസലിൽ വേഗത്തിൽ നടപടിയുണ്ടാകുമെന്നും മന്ത്രി ഉറപ്പുനൽകി.

യോഗത്തിൽ പ്രൊഫ. ആബിദ് ഹുസൈൻ തങ്ങൾ എം.എൽ.എ, യു.ഡി.എഫ് മണ്ഡലം ചെയർമാൻ വി. മധുസൂദനൻ, ബഷീർ രണ്ടത്താണി, നഗരസഭ ചെയർപേഴ്സൺ ഹസീന വട്ടോളി, വൈസ് ചെയർപേഴ്സൺ കെ.വി. ഉണ്ണികൃഷ്ണൻ, ടി.കെ. ആബിദലി, പി. രാജൻ മാസ്റ്റർ, മുഹമ്മദലി നീറ്റുകാട്ടിൽ, സി. ദാവൂദ് മാസ്റ്റർ, സി.കെ. നാസർ, സ്ഥിരം സമിതി അധ്യക്ഷന്മാരായ അഷ്‌റഫ് അമ്പലത്തിങ്ങൽ, ചേരിയിൽ രാമകൃഷ്ണൻ, കൗൺസിലർമാരായ ടി.പി. അബ്ദുൽ ഗഫൂർ, മുജീബ് വാലാസി, വ്യാപാരി വ്യവസായി ഏകോപന സമിതി ഭാരവാഹികളായ കെ. മുഹമ്മദലി, കെ. ഷാജഹാൻ എന്നിവരും പൊതുമരാമത്ത് വകുപ്പ് ഉദ്യോഗസ്ഥരും പങ്കെടുത്തു.

The post വളാഞ്ചേരിയിൽ നഗരവികസനത്തിന് 50 കോടി പ്രഖ്യാപിച്ച് പൊതുമരാമത്ത് മന്ത്രി പി.കെ. ബഷീർ appeared first on Valanchery Online.

എടയൂരിൽ‌ അധ്യാപക സൗഹൃദ സംഗമം സംഘടിപ്പിച്ചു

വളാഞ്ചേരിക്കാരൻ — Mon, 05 Oct 2026 16:17:16 +0000

എടയൂർ: എടയൂർ ഗ്രാമ പഞ്ചായത്ത് ഭരണസമിതിയുടെ നേതൃത്വത്തിൽ അധ്യാപക സൗഹൃദ സംഗമം സംഘടിപ്പിച്ചു. പഞ്ചായത്തിലെ വിവിധ സ്കൂളുകളിലെ അധ്യാപകർ, പ്രീ-പ്രൈമറി അധ്യാപകർ, പാചക തൊഴിലാളികൾ, ആയമാർ, പി.ടി.എ പ്രസിഡന്റുമാർ, പഞ്ചായത്ത് എഡ്യുക്കേഷൻ കമ്മിറ്റി അംഗങ്ങൾ തുടങ്ങിയവർ പങ്കെടുത്തു.

DIET പ്രിൻസിപ്പാൾ ഉദ്ഘാടനം ചെയ്ത ചടങ്ങിൽ ഗ്രാമ പഞ്ചായത്ത് പ്രസിഡന്റ് കെ.പി. ഇന്ദിര അധ്യക്ഷത വഹിച്ചു. വൈസ് പ്രസിഡന്റ് എ.കെ. മുസ്തഫ വിരമിച്ച അധ്യാപകരെ ഉപഹാരം നൽകി ആദരിച്ചു. കുറ്റിപ്പുറം ഉപജില്ല എ.ഇ.ഒ. രാജൻ മുഖ്യാതിഥിയായി. ഫറൂഖ് ട്രെയിനിംഗ് കോളജ് പ്രിൻസിപ്പാൾ പ്രൊഫ. ഡോ. സലീം അധ്യാപകർക്കായി മോട്ടിവേഷൻ ക്ലാസ് നയിച്ചു.

ഗ്രാമ പഞ്ചായത്ത് ആസൂത്രണ സമിതി ഉപാധ്യക്ഷൻ ശരീഫ് മാസ്റ്റർ, സ്റ്റാൻഡിംഗ് കമ്മിറ്റി ചെയർപേഴ്സൺമാരായ മൈമൂന, ശ്രുതി, പഞ്ചായത്തംഗങ്ങളായ സുനിൽദാസ്, ബഷീർ മാവണ്ടിയൂർ, അസീസ് കോടിയിൽ, അലി അക്ബർ മാഷ്, അച്ചുതൻ മാഷ് (PEC കൺവീനർ), സുധീർ മാഷ്, സഞ്ജീദ് മാഷ് തുടങ്ങിയവർ സംസാരിച്ചു. ആരോഗ്യ-വിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ ഹസ്സൻ മുളക്കൽ സ്വാഗതവും ഷിഫാന ഫസൽ നന്ദിയും പറഞ്ഞു. വിവിധ സ്കൂളുകളിൽ നിന്നെത്തിയ അധ്യാപകരുടെ വൈവിധ്യമാർന്ന കലാപരിപാടികളും സംഗമത്തിന് മാറ്റുകൂട്ടി.

The post എടയൂരിൽ‌ അധ്യാപക സൗഹൃദ സംഗമം സംഘടിപ്പിച്ചു appeared first on Valanchery Online.

എടയൂർ ഗ്രാമപഞ്ചായത്തിൽ യോഗ ട്രെയിനർ നിയമനം: അഭിമുഖം ഒക്ടോബർ 12-ന്

വളാഞ്ചേരിക്കാരൻ — Mon, 05 Oct 2026 05:41:15 +0000

എടയൂർ: എടയൂർ ഗ്രാമപഞ്ചായത്ത് 2026-27 വാർഷിക പദ്ധതിയുടെ ഭാഗമായി പഞ്ചായത്തിലെ വിദ്യാലയങ്ങളിൽ യോഗ പരിശീലിപ്പിക്കുന്നതിന് താത്കാലിക അടിസ്ഥാനത്തിൽ യോഗ പരിശീലകനെ നിയമിക്കുന്നു.

അംഗീകൃത സർവകലാശാലയിൽ നിന്നുള്ള ബിരുദം അല്ലെങ്കിൽ തത്തുല്യ യോഗ്യതയും, യോഗ അസോസിയേഷൻ/സ്‌പോർട്‌സ് കൗൺസിൽ അംഗീകാരവുമാണ് നിശ്ചിത യോഗ്യത. താല്പര്യമുള്ള ഉദ്യോഗാർത്ഥികൾ പ്രായം, വിദ്യാഭ്യാസ യോഗ്യത, പ്രവൃത്തിപരിചയം എന്നിവ തെളിയിക്കുന്ന അസ്സൽ രേഖകൾ സഹിതം 2026 ഒക്ടോബർ 12 തിങ്കളാഴ്ച രാവിലെ 10.30-ന് എടയൂർ ഗ്രാമപഞ്ചായത്ത് ഓഫീസിൽ നടക്കുന്ന നേരിട്ടുള്ള അഭിമുഖത്തിൽ പങ്കെടുക്കേണ്ടതാണ്. കൂടുതൽ വിവരങ്ങൾക്ക് പഞ്ചായത്ത് ഓഫീസുമായി ബന്ധപ്പെടുക.

The post എടയൂർ ഗ്രാമപഞ്ചായത്തിൽ യോഗ ട്രെയിനർ നിയമനം: അഭിമുഖം ഒക്ടോബർ 12-ന് appeared first on Valanchery Online.

ആനക്കേരളത്തിന് കനത്ത നഷ്ടം; പ്രശസ്ത ഗജവീരൻ പല്ലാട്ട് ബ്രഹ്മദത്തൻ ചരിഞ്ഞു

വളാഞ്ചേരിക്കാരൻ — Sun, 04 Oct 2026 15:13:28 +0000

കോട്ടയം: ആനപ്രേമികളുടെ പ്രിയങ്കരനായ പ്രശസ്ത ഗജവീരൻ പല്ലാട്ട് ബ്രഹ്മദത്തൻ (ഏകദേശം 45 വയസ്സ്) ഇടിമിന്നലേറ്റ് ചരിഞ്ഞു. ഒക്ടോബർ 4 ഞായറാഴ്ച വൈകിട്ട് കനത്ത മഴയ്ക്കൊപ്പം ഉണ്ടായ ശക്തമായ ഇടിമിന്നലേറ്റാണ് കോട്ടയം മേലമ്പാറയിലുള്ള വീട്ടുപറമ്പിൽ തളച്ചിരുന്ന ആന ചരിഞ്ഞത്. ശക്തമായ ഇടിമിന്നലിൽ ഗുരുതരമായി പരിക്കേറ്റ ഗജവീരനെ ഉടൻ തന്നെ മൃഗഡോക്ടർ എത്തി പരിശോധിച്ചെങ്കിലും മരണം സ്ഥിരീകരിക്കുകയായിരുന്നു ഈരാറ്റുപേട്ട സ്വദേശിയായ രാജേഷ് പല്ലാട്ടിന്റെ ഉടമസ്ഥതയിലുള്ളതാണ് ഈ ഗജവീരൻ.

ഉത്സവപ്പറമ്പുകളിലെ ശാന്തസ്വരൂപൻ
അരുണാചൽ പ്രദേശിലെ വനങ്ങളിൽ നിന്ന് കാൽനൂറ്റാണ്ട് മുമ്പാണ് ബ്രഹ്മദത്തൻ കേരളക്കരയിലെത്തുന്നത്. ആദ്യം ‘പുതുപ്പള്ളി ബ്രഹ്മദത്തൻ’ എന്ന പേരിൽ അറിയപ്പെട്ടിരുന്ന ഈ ആന പിന്നീട് മേലമ്പാറ പല്ലാട്ട് തറവാടിന്റെ പ്രൗഢിയായി മാറി. തൃശൂർ പൂരത്തിന് പാറമേക്കാവ് ഭാഗത്ത് രാത്രി തിടമ്പേറ്റാൻ ഭാഗ്യം ലഭിച്ചിട്ടുള്ള ബ്രഹ്മദത്തൻ, ഏറ്റുമാനൂർ, തിരുനക്കര, വൈക്കം, എറണാകുളത്തപ്പൻ ക്ഷേത്രം തുടങ്ങി കേരളത്തിലെ നിരവധി മഹാക്ഷേത്രങ്ങളിലെ ഉത്സവങ്ങളിൽ പ്രധാന തിടമ്പേറ്റിയിട്ടുണ്ട്.

ഏറ്റവും ശാന്തശീലനായ സ്വഭാവത്താൽ ആനപ്രേമികൾക്ക് ഏറെ പ്രിയങ്കരനായിരുന്നു ഈ ഗജവീരൻ.

കണ്ണീരോർമ്മയായി പാപ്പാനുമായുള്ള ആത്മബന്ധം
വർഷങ്ങൾക്ക് മുമ്പ് ബ്രഹ്മദത്തന്റെ പാപ്പാനായിരുന്ന ദാമോദരൻ നായർ (ഓമനച്ചേട്ടൻ) അന്തരിച്ചപ്പോൾ, അദ്ദേഹത്തിന് അന്ത്യാജ്ഞലി അർപ്പിക്കാൻ ബ്രഹ്മദത്തൻ വീട്ടിലെത്തിയ ദൃശ്യങ്ങൾ സോഷ്യൽ മീഡിയയിൽ ഏറെ തരംഗമായിരുന്നു. പാപ്പാന്റെ ഭൗതികശരീരത്തിന് മുന്നിൽ തുമ്പിക്കൈ ഉയർത്തി പ്രണാമം അർപ്പിച്ച് വിതുമ്പിയ ബ്രഹ്മദത്തന്റെ ആത്മബന്ധം മനുഷ്യരുടെയും മൃഗങ്ങളുടെയും സ്നേഹത്തിന്റെ ഉത്തമ ഉദാഹരണമായി ഇന്നും ആനപ്രേമികൾ ഓർക്കുന്നു.

ആനക്കേരളത്തിന് നികത്താനാവാത്ത നഷ്ടം സമ്മാനിച്ചുകൊണ്ട് വിടപറഞ്ഞ പല്ലാട്ട് ബ്രഹ്മദത്തന്റെ വിയോഗത്തിൽ പ്രമുഖ ആനപ്രേമികളും ഉത്സവക്കമ്മിറ്റിക്കാരും അനുശോചനം രേഖപ്പെടുത്തി. പോസ്റ്റ്‌മോർട്ടം നടപടികൾക്ക് ശേഷം വനംവകുപ്പിന്റെ മേൽനോട്ടത്തിലായിരിക്കും സംസ്കാര ചടങ്ങുകൾ ന

The post ആനക്കേരളത്തിന് കനത്ത നഷ്ടം; പ്രശസ്ത ഗജവീരൻ പല്ലാട്ട് ബ്രഹ്മദത്തൻ ചരിഞ്ഞു appeared first on Valanchery Online.

ഹൃദയശസ്ത്രക്രിയ കഴിഞ്ഞ വയോധികനെ ബന്ധുക്കൾ ഉപേക്ഷിച്ചു; കുറ്റിപ്പുറം റെയിൽവേ സ്റ്റേഷനിൽ കഴിഞ്ഞ 73-കാരന് സാമൂഹിക പ്രവർത്തകർ തണലായി

വളാഞ്ചേരിക്കാരൻ — Sun, 04 Oct 2026 11:13:15 +0000

കുറ്റിപ്പുറം: ഹൃദയ ശസ്ത്രക്രിയയ്ക്ക് ശേഷം വീട്ടുകാരും ബന്ധുക്കളും ഉപേക്ഷിച്ച 73-കാരനെ കുറ്റിപ്പുറം റെയിൽവേ സ്റ്റേഷനിൽ നിന്ന് സാമൂഹിക പ്രവർത്തകരുടെ ഇടപെടലിലൂടെ സുരക്ഷിത കേന്ദ്രത്തിലേക്ക് മാറ്റി. നടുവട്ടം നാഗപറമ്പ് വടക്കേ പറമ്പ് സ്വദേശി മോഹനനെയാണ് കുറ്റിപ്പുറത്തെ സാമൂഹിക പ്രവർത്തകരായ റഷീദ് കുറ്റിപ്പുറം, റഫീഖ് മണി എന്നിവർ ചേർന്ന് പാണ്ടിക്കാട് ‘സെൽവ കെയറിന്’ കൈമാറിയത്.
കഴിഞ്ഞ രണ്ട് ദിവസമായി കുറ്റിപ്പുറം റെയിൽവേ സ്റ്റേഷനിൽ അഭയം തേടിയിരിക്കുകയായിരുന്നു മോഹനൻ. ദീർഘകാലം വിദേശത്ത് ജോലി ചെയ്തിരുന്ന അദ്ദേഹം കഴിഞ്ഞ 15 വർഷമായി നാട്ടിലുണ്ട്. എന്നാൽ, അസുഖം ബാധിച്ചതോടെ കുടുംബം സംരക്ഷിക്കാൻ തയാറാകാത്തതിനെ തുടർന്ന് പലയിടങ്ങളിലായി അലഞ്ഞുതിരിയുകയായിരുന്നു. ഒടുവിൽ കുറ്റിപ്പുറത്ത് എത്തിയപ്പോൾ ഒരു അഭയകേന്ദ്രത്തിലേക്ക് മാറ്റിത്തരണമെന്ന് നാട്ടുകാരോട് അഭ്യർത്ഥിച്ചെങ്കിലും ഫലമുണ്ടായില്ല.

റെയിൽവേ സ്റ്റേഷനിലെ ടീ സ്റ്റാളിൽ ചായ കുടിക്കാൻ എത്തിയ മോഹനന്റെ അവശത ശ്രദ്ധയിൽപ്പെട്ട കടയിലെ ജീവനക്കാരൻ സന്തോഷ് കുമാറാണ് വിവരം സാമൂഹിക പ്രവർത്തകനായ റഫീഖ് മണിയെ അറിയിക്കുന്നത്. തുടർന്ന് വെള്ളിയാഴ്ച മലപ്പുറം സാമൂഹ്യനീതി വകുപ്പുമായി ബന്ധപ്പെടുകയും ആവശ്യമായ നടപടികൾ സ്വീകരിക്കുകയുമായിരുന്നു.
ശനിയാഴ്ച ഉച്ചയോടെ കേന്ദ്രസർക്കാർ പദ്ധതിയായ സ്മൈൽ (SMILE) പ്രോജക്ടിൽ ഉൾപ്പെടുത്തി മോഹനനെ സെൽവ കെയർ ഏറ്റെടുത്തു. സെൽവ കെയർ കോർഡിനേറ്റർമാരായ അഷറഫ് പൊന്നാനി, ഷിൻഷ, ലത്തീഫ് പിടി എന്നിവർ നേരിട്ടെത്തിയാണ് ഇദ്ദേഹത്തെ കൊണ്ടുപോയത്. ഓട്ടോ ഡ്രൈവറായ റഷീദ് വെള്ളാഞ്ചേരിയും ഈ കാരുണ്യപ്രവർത്തനത്തിൽ പങ്കാളിയായി. കഴിഞ്ഞ ആറുമാസത്തിനിടെ കുറ്റിപ്പുറത്തുനിന്ന് സമാനമായ സാഹചര്യത്തിൽ സെൽവ കെയറിലേക്ക് മാറ്റുന്ന മൂന്നാമത്തെ വയോധികനാണ് മോഹനൻ.

Key highlights:

A 73-year-old man named Mohanan, who was abandoned by his family after undergoing heart surgery, was rescued from the Kuttippuram railway station where he had been stranded for two days. Recognizing his deteriorating health, a local tea stall worker alerted social workers Rafeeq Mani and Rasheed Kuttippuram, who swiftly contacted the Malappuram Social Justice Department. By Saturday afternoon, Mohanan was safely relocated to the Pandikkad Selva Care center under the Central Government’s SMILE Project, marking the third such rescue of an elderly individual from the station within the last six months.kuttippuram-rescue-selva

The post ഹൃദയശസ്ത്രക്രിയ കഴിഞ്ഞ വയോധികനെ ബന്ധുക്കൾ ഉപേക്ഷിച്ചു; കുറ്റിപ്പുറം റെയിൽവേ സ്റ്റേഷനിൽ കഴിഞ്ഞ 73-കാരന് സാമൂഹിക പ്രവർത്തകർ തണലായി appeared first on Valanchery Online.

തുടക്കം മുതൽ ഇന്നുവരെ: കെഎസ് ടിപി (KSTP) അഴിമതി കേസിന്റെ പൂർണ്ണ നാൾവഴികൾ

വളാഞ്ചേരിക്കാരൻ — Sun, 04 Oct 2026 07:50:45 +0000

രാജ്യത്തെ നിലവിലെ മുഖ്യ തിരഞ്ഞെടുപ്പ് കമ്മീഷണർ (CEC) ഗ്യാനേഷ് കുമാറിനെതിരെ 20 വർഷം മുൻപുള്ള അഴിമതി ആരോപണത്തിൽ കേരള സർക്കാർ പുനരന്വേഷണം പ്രഖ്യാപിച്ചതോടെയാണ് ‘കെ.എസ്.ടി.പി അഴിമതി കേസ്’ വീണ്ടും സജീവ ചർച്ചയാകുന്നത്. കേരള രാഷ്ട്രീയത്തെ ഉലച്ച ഈ വിവാദത്തിന്റെ തുടക്കം മുതൽ ഇന്നുവരെയുള്ള പ്രധാന നാൾവഴികളും അക്കാലത്തെ ഭരണമാറ്റങ്ങളും താഴെ പറയുന്നവയാണ്:

1. തുടക്കം: കെ.എസ്.ടി.പി കരാറും ഗ്യാനേഷ് കുമാറിന്റെ നിയമനവും (2002–2005)

ഭരണത്തിൽ: യു.ഡി.എഫ് (UDF) ഗവൺമെന്റ് (2001–2004 കാലയളവിൽ എ.കെ. ആന്റണിയും, തുടർന്ന് 2004–2006-ൽ ഉമ്മൻ ചാണ്ടിയും മുഖ്യമന്ത്രിമാർ).
2002 ഡിസംബർ: ലോകബാങ്ക് സഹായത്തോടെയുള്ള കെ.എസ്.ടി.പി (KSTP) ഒന്നാം ഘട്ട പദ്ധതിയുടെ ഭാഗമായി എം.സി റോഡ് (തൈക്കാട് – കൊട്ടാരക്കര – ചെങ്ങന്നൂർ ഭാഗങ്ങൾ), മൂവാറ്റുപുഴ – തൊടുപുഴ പാത എന്നിവയുൾപ്പെടുന്ന ഏകദേശം 127 കിലോമീറ്റർ റോഡ് നവീകരണത്തിനുള്ള കരാർ ഒപ്പുവെക്കുന്നു. മലേഷ്യൻ കമ്പനിയായ ‘പാറ്റി’യും ഇന്ത്യൻ കമ്പനിയായ ‘ഭഗീരഥ കൺസ്ട്രക്ഷൻസും’ ചേർന്ന ‘പാറ്റി-ബെൽ’ (PATI-BEL) കൺസോർഷ്യത്തിനായിരുന്നു 215 കോടിയുടെ ഈ കരാർ.
ഈ പദ്ധതിയുടെ പുരോഗതി വിലയിരുത്തപ്പെടുന്ന കാലയളവിലാണ് കേരള കേഡർ ഐ.എ.എസ് ഉദ്യോഗസ്ഥനായ ഗ്യാനേഷ് കുമാർ കേരള പൊതുമരാമത്ത് വകുപ്പ് (PWD) секретаറിയായി ചുമതലയേൽക്കുന്നത്.

2. റോഡിന്റെ ഗുണമേന്മയും കോടതി പരാമർശവും

നിർമ്മാണത്തിലെ അപാകതകൾ: പദ്ധതി പ്രകാരം നിർമ്മിച്ച എം.സി റോഡിന്റെ തകർച്ചയും വലിയ തോതിലുള്ള അഴിമതിയും തുടക്കം മുതലേ വിവാദമായിരുന്നു. റോഡ് പണികൾ പാതിവഴിയിൽ ഉപേക്ഷിക്കപ്പെടുകയും നിർമ്മിച്ച ഭാഗങ്ങളിൽപ്പോലും കൃത്യമായ മാനദണ്ഡങ്ങൾ പാലിക്കാതിരിക്കുകയും ചെയ്തു. പഴയ ടാറിങ് പൂർണ്ണമായി മാറ്റാതെയും ആവശ്യത്തിന് മെറ്റീരിയലുകൾ ഉപയോഗിക്കാതെയുമാണ് പണി തീർത്തതെന്ന് ആക്ഷേപമുയർന്നു.
ഹൈക്കോടതിയുടെ രൂക്ഷവിമർശനം: കെ.എസ്.ടി.പി റോഡുകളുടെ നിർമ്മാണത്തിലെ അപാകതകളും വൻ അഴിമതിയും കാരണം പൊതുജനങ്ങളുടെ ജീവൻ അപകടത്തിലാകുന്നത് ചൂണ്ടിക്കാട്ടി കേരള ഹൈക്കോടതി അക്കാലത്ത് സർക്കാരിനും ഉദ്യോഗസ്ഥർക്കും എതിരെ കടുത്ത പരാമർശങ്ങൾ നടത്തിയിരുന്നു. “ലോകബാങ്ക് ഫണ്ട് ഉപയോഗിച്ച് നിർമ്മിച്ച ലോകനിലവാരത്തിലുള്ള റോഡുകളാണോ ഇത്? ഇത്തരം റോഡുകളിലൂടെയുള്ള യാത്ര ജനങ്ങൾക്ക് മരണക്കെണിയാണ്” എന്നായിരുന്നു ഹൈക്കോടതിയുടെ പ്രശസ്തമായ നിരീക്ഷണം. റോഡിന്റെ തകർച്ചയെക്കുറിച്ച് കൃത്യമായ അന്വേഷണം വേണമെന്നും കോടതി കർശനമായി നിർദേശിച്ചു.
പദ്ധതിയിലെ അഴിമതികളും ഗുണനിലവാരമില്ലായ്മയും കാരണം സി.എ.ജി (CAG) റിപ്പോർട്ടിൽ സർക്കാരിന് 92 കോടി രൂപയുടെ വലിയ നഷ്ടമാണ് കണക്കാക്കിയത്.

3. അഴിമതി ആരോപണങ്ങളുടെയും സാമ്പത്തിക തർക്കങ്ങളുടെയും കാലഘട്ടം (2006)

ഭരണത്തിൽ: യു.ഡി.എഫ് (ഉമ്മൻ ചാണ്ടി ഗവൺമെന്റ്) ഭരണത്തിന്റെ അവസാന മാസങ്ങളും തുടർന്നു വന്ന എൽ.ഡി.എഫ് (LDF) (വി.എസ്. അച്യുതാനന്ദൻ ഗവൺമെന്റ്) ഭരണത്തിന്റെ തുടക്കവും.
തർക്കങ്ങളുടെ തുടക്കം (2006 മധ്യത്തോടെ): റോഡ് നിർമ്മാണത്തിനായി ഏറ്റെടുത്ത ഭൂമി വിട്ടുനൽകുന്നതിൽ സർക്കാരിന് വീഴ്ചയുണ്ടായെന്ന് കമ്പനിയും, പ്രവൃത്തികൾ വൈകുന്നുവെന്ന് കാണിച്ച് ഏകദേശം 13 കോടിയോളം രൂപയുടെ മൂന്ന് പ്രധാന ബില്ലുകൾ പൊതുമരാമത്ത് വകുപ്പ് തടഞ്ഞുവെച്ചതോടെയാണ് തർക്കങ്ങൾ മൂർച്ഛിക്കുന്നത്. തടഞ്ഞുവെച്ച ഈ ബില്ലുകൾ പാസാക്കുന്നതിനായി ഉദ്യോഗസ്ഥർ വൻതുക കൈക്കൂലി ആവശ്യപ്പെട്ടതായും കമ്പനി പ്രതിനിധികളെ കടുത്ത മാനസിക പീഡനങ്ങൾക്ക് ഇരയാക്കിയതായും ആരോപണങ്ങൾ ഉയർന്നു. ഈ സാമ്പത്തിക ഇടപാടുകളിലെ ക്രമക്കേടുകളാണ് പദ്ധതി തകരാൻ കാരണമായത്.

4. മലേഷ്യൻ എൻജിനീയറുടെ ആത്മഹത്യയും ആദ്യ അന്വേഷണവും (2006–2007)

ഭരണത്തിൽ: എൽ.ഡി.എഫ് ഗവൺമെന്റ് (മുഖ്യമന്ത്രി: വി.എസ്. അച്യുതാനന്ദൻ).
2006 നവംബർ 11: സാമ്പത്തിക പ്രതിസന്ധികൾക്കും മാനസിക സമ്മർദ്ദങ്ങൾക്കൊടുവിൽ പാറ്റി-ബെൽ കൺസോർഷ്യത്തിന്റെ ചീഫ് പ്രൊജക്ട് മാനേജരും മലേഷ്യൻ സിവിൽ എൻജിനീയറുമായിരുന്ന ലീ സീ ബീൻ (Lee See Been) മലേഷ്യയിലെ ക്വാലാലംപൂരിലുള്ള വസതിയിൽ വെച്ച് തൂങ്ങിമരിച്ചു. മരണത്തിനു മുൻപ് അദ്ദേഹം എഴുതിയ ആത്മഹത്യാക്കുറിപ്പിൽ അന്നത്തെ പൊതുമരാമത്ത് സെക്രട്ടറി ഗ്യാനേഷ് കുമാറിന്റെ പേര് പരാമർശിച്ചിരുന്നു.
2006 നവംബർ ഒടുവിൽ: വിവാദത്തെ തുടർന്ന് വി.എസ്. അച്യുതാനന്ദൻ സർക്കാർ ഗ്യാനേഷ് കുമാറിനെ പൊതുമരാമത്ത് സെക്രട്ടറി സ്ഥാനത്തുനിന്ന് മാറ്റി.
2007: സംഭവത്തിൽ 2007-ൽ എൽ.ഡി.എഫ് സർക്കാർ വിജിലൻസ് അന്വേഷണം പ്രഖ്യാപിച്ചെങ്കിലും, തുടർന്നു നടന്ന പ്രാഥമിക അന്വേഷണങ്ങൾക്കൊടുവിൽ ബാഹ്യസമ്മർദ്ദങ്ങളാൽ വിജിലൻസും ക്രൈംബ്രാഞ്ചും ഗ്യാനേഷ് കുമാറിന് ക്ലീൻ ചിറ്റ് നൽകി ഫയൽ ക്ലോസ് ചെയ്തു. ഇതിനു പിന്നാലെ അദ്ദേഹം കേന്ദ്ര സർവീസിലേക്ക് ഡെപ്യൂട്ടേഷനിൽ പ്രവേശിച്ചു.

5. രണ്ട് പതിറ്റാണ്ടുകൾക്ക് ശേഷമുള്ള രാഷ്ട്രീയ മാറ്റങ്ങൾ (2025–2026)

ഭരണത്തിൽ: കേന്ദ്രത്തിൽ എൻ.ഡി.എ (NDA) ഭരണവും, കേരളത്തിൽ യു.ഡി.എഫ് (UDF) ഗവൺമെന്റും (മുഖ്യമന്ത്രി: വി.ഡി. സതീശൻ).
2025 ഫെബ്രുവരി: കേന്ദ്ര സർവീസിൽ വിവിധ പദവികൾ വഹിച്ച ഗ്യാനേഷ് കുമാർ ഇന്ത്യയുടെ മുഖ്യ തിരഞ്ഞെടുപ്പ് കമ്മീഷണറായി (CEC) നിയമിതനായി.
2026 സെപ്റ്റംബർ: ദേശീയ തലത്തിൽ വോട്ടർപട്ടിക പുതുക്കലുമായി (Special Intensive Revision) ബന്ധപ്പെട്ട് തിരഞ്ഞെടുപ്പ് കമ്മീഷനെതിരെ കോൺഗ്രസും മറ്റ് പ്രതിപക്ഷ പാർട്ടികളും ശക്തമായ പ്രതിഷേധം ഉയർത്തി. ഈ പശ്ചാത്തലത്തിലാണ് ഗ്യാനേഷ് കുമാറിന്റെ പഴയ കെ.എസ്.ടി.പി കേസ് വീണ്ടും രാഷ്ട്രീയ ചർച്ചകളിലേക്ക് വരുന്നത്.

6. പുതിയ പുനരന്വേഷണ ഉത്തരവ് (2026 ഒക്ടോബർ)

ഭരണത്തിൽ: യു.ഡി.എഫ് ഗവൺമെന്റ് (മുഖ്യമന്ത്രി: വി.ഡി. സതീശൻ, ആഭ്യന്തര മന്ത്രി: രമേശ് ചെന്നിത്തല).
2026 ഒക്ടോബർ 3: കോൺഗ്രസ് (KPCC) നേതാവ് മലയൻകീഴ് വേണുഗോപാൽ പഴയ കേസ് ബാഹ്യസമ്മർദ്ദങ്ങളാൽ അട്ടിമറിക്കപ്പെട്ടതാണെന്നും യഥാർത്ഥ പ്രതികളെ രക്ഷിച്ചതാണെന്നും കാണിച്ച് കേരള ആഭ്യന്തര മന്ത്രാലയത്തിന് പുതിയ പരാതി നൽകി.
2026 ഒക്ടോബർ 4: പരാതി ഗൗരവമായി എടുത്ത ആഭ്യന്തര മന്ത്രി രമേശ് ചെന്നിത്തല, ഗ്യാനേഷ് കുമാറിനെതിരെയുള്ള അഴിമതി ആരോപണത്തിലും മലേഷ്യൻ എൻജിനീയറുടെ ആത്മഹത്യയിലും പുതിയ വിജിലൻസ് അന്വേഷണത്തിന് ഉത്തരവിട്ടു. 2006-ലെ പഴയ വിജിലൻസ് ഫയലുകൾ അടിയന്തരമായി വിളിച്ചുവരുത്തി പരിശോധിക്കാനും തുടരന്വേഷണ സാധ്യത വിലയിരുത്താനും വിജിലൻസ് ഡയറക്ടർ മനോജ് എബ്രഹാമിന് ആഭ്യന്തര വകുപ്പ് കർശന നിർദേശം നൽകിയിട്ടുണ്ട്.

The post തുടക്കം മുതൽ ഇന്നുവരെ: കെഎസ് ടിപി (KSTP) അഴിമതി കേസിന്റെ പൂർണ്ണ നാൾവഴികൾ appeared first on Valanchery Online.

കെഎസ്‌ടിപി അഴിമതി: മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ വിജിലൻസ് അന്വേഷണത്തിന് ഉത്തരവ

വളാഞ്ചേരിക്കാരൻ — Sun, 04 Oct 2026 06:03:22 +0000

തിരുവനന്തപുരം: രാജ്യത്തെ മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ ഇരുപത് വർഷം മുൻപുള്ള അഴിമതി ആരോപണത്തിൽ പുനരന്വേഷണം നടത്താൻ കേരള സർക്കാർ ഉത്തരവിട്ടു. 2006-ൽ ഗ്യാനേഷ് കുമാർ കേരള പൊതുമരാമത്ത് വകുപ്പ് സെക്രട്ടറിയായിരുന്ന കാലയളവിലെ കെ.എസ്.ടി.പി (KSTP) റോഡ് നവീകരണവുമായി ബന്ധപ്പെട്ട അഴിമതി ആരോപണങ്ങളിലാണ് ആഭ്യന്തര മന്ത്രി വിജിലൻസ് അന്വേഷണത്തിന് നിർദേശം നൽകിയിരിക്കുന്നത്.

കോൺഗ്രസ് നേതാവ് മലയൻകീഴ് വേണുഗോപാൽ നൽകിയ പുതിയ പരാതിയുടെ അടിസ്ഥാനത്തിലാണ് സർക്കാർ ഈ നടപടി സ്വീകരിച്ചിരിക്കുന്നത്. മുൻപ് നടന്ന പ്രാഥമിക അന്വേഷണങ്ങൾ അട്ടിമറിക്കപ്പെട്ടുവെന്നും ബാഹ്യസമ്മർദ്ദങ്ങൾ ഉണ്ടായെന്നുമുള്ള ആരോപണങ്ങൾ ഗൗരവത്തോടെ കാണണമെന്ന് ആഭ്യന്തര മന്ത്രാലയം വ്യക്തമാക്കി.

മലേഷ്യൻ എൻജിനീയറുടെ ആത്മഹത്യയും പുനരന്വേഷണ പരിധിയിൽ
എം.സി റോഡ് നവീകരണ ചുമതലയുണ്ടായിരുന്ന പാറ്റി-ബെൽ (PATI-BEL) കൺസോർഷ്യത്തിലെ മലേഷ്യൻ സിവിൽ എൻജിനീയർ ലീ സീ ബീൻ 2006-ൽ ആത്മഹത്യ ചെയ്ത സംഭവവും വിജിലൻസ് സംഘം വിശദമായി പരിശോധിക്കും. ഇദ്ദേഹത്തിന്റെ ആത്മഹത്യാക്കുറിപ്പിൽ അന്നത്തെ പൊതുമരാമത്ത് സെക്രട്ടറിയായിരുന്ന ഗ്യാനേഷ് കുമാറിന്റെ പേര് പരാമർശിച്ചിരുന്നുവെന്നും, എന്നാൽ അക്കാലത്ത് ശരിയായ അന്വേഷണം നടന്നിരുന്നില്ലെന്നുമാണ് പരാതിയിലുള്ളത്. പദ്ധതിയുമായി ബന്ധപ്പെട്ട് നടന്ന സാമ്പത്തിക ഇടപാടുകളിലെ ക്രമക്കേടുകളാണ് എൻജിനീയറുടെ മരണത്തിലേക്ക് നയിച്ചതെന്ന ആരോപണമാണ് ഇപ്പോൾ വീണ്ടും ഉയർന്നിരിക്കുന്നത്.

രാഷ്ട്രീയ പ്രാധാന്യം
ദേശീയ തലത്തിൽ വോട്ടർപട്ടിക പുതുക്കലുമായി (Special Intensive Revision) ബന്ധപ്പെട്ട് തിരഞ്ഞെടുപ്പ് കമ്മീഷനെതിരെ പ്രതിപക്ഷം ശക്തമായ പ്രതിഷേധം ഉയർത്തുന്ന സാഹചര്യത്തിലാണ് കേരള സർക്കാരിന്റെ ഈ നീക്കം. 2006-ലെ വിജിലൻസ് ഫയലുകൾ അടിയന്തരമായി വിളിച്ചുവരുത്തി പരിശോധിക്കാനും തുടരന്വേഷണ സാധ്യതകൾ വിലയിരുത്താനും വിജിലൻസ് ഡയറക്ടർക്ക് ആഭ്യന്തര വകുപ്പ് നിർദേശം നൽകിയിട്ടുണ്ട്.

Highlight:

The Kerala government has ordered a Vigilance investigation into Chief Election Commissioner Gyanesh Kumar regarding 2006 corruption allegations linked to his tenure as the Kerala Public Works Department Secretary. The probe will examine irregularities in the Kerala State Transport Project road modernization and re-examine the 2006 suicide of Malaysian engineer Lee See Been.

The post കെഎസ്‌ടിപി അഴിമതി: മുഖ്യ തിരഞ്ഞെടുപ്പ് കമ്മീഷണർ ഗ്യാനേഷ് കുമാറിനെതിരെ വിജിലൻസ് അന്വേഷണത്തിന് ഉത്തരവ appeared first on Valanchery Online.

റോഡ് പണി; പകരനെല്ലൂർ – അമ്പലപ്പടി റോഡ് അടച്ചിടുന്നു

വളാഞ്ചേരിക്കാരൻ — Sat, 03 Oct 2026 06:25:08 +0000

കുറ്റിപ്പുറം: കുറ്റിപ്പുറം പഞ്ചായത്ത് വാർഡ് 4 ലെ പകരനെല്ലൂർ അമ്പലപ്പടി റോഡ് പണി നടക്കുന്നതിനാൽ ഇന്ന് ( ശനി 2026 ഒക്ടോബർ 3) , രാവിലെ 10 മണി മുതൽ കുറച്ച് ദിവസത്തേക്ക് താൽക്കാലികമായി അടച്ചിടുന്നതാണ്.

The post റോഡ് പണി; പകരനെല്ലൂർ – അമ്പലപ്പടി റോഡ് അടച്ചിടുന്നു appeared first on Valanchery Online.