Education Archives - Valanchery Online

കാലിക്കറ്റിൽ കായിക കോഴ്‌സുകൾ: കായികക്ഷമതാ പരീക്ഷക്ക് വീണ്ടും അവസരം

വളാഞ്ചേരിക്കാരൻ — Thu, 11 Jun 2026 14:00:28 +0000

തേഞ്ഞിപ്പലം: 2026 – 27 അധ്യയന വർഷത്തെ കാലിക്കറ്റ് സർവകലാശാലാ സെന്റർ ഫോർ ഫിസിക്കൽ എജ്യുക്കേഷൻ, ഗവ. കോളേജ് ഓഫ് ഫിസിക്കൽ എജ്യുക്കേഷൻ കോഴിക്കോട്, ബി.പി.എഡ്. സെന്റർ ചക്കിട്ടപാറ, മാർത്തോമ കോളേജ് ഓഫ് ഫിസിക്കൽ എജ്യുക്കേഷൻ സുൽത്താൻബത്തേരി എന്നിവിടങ്ങളിലേ ബി.പി.ഇ.എസ്. (ഇന്റഗ്രേറ്റഡ്), ബി.പി.എഡ്. , എം.പി.എഡ്. പ്രോഗ്രാമുകളുടെ പ്രവേശനത്തിനായി നടത്തിയ കായിക ക്ഷമതാ പരീക്ഷയിൽ പങ്കെടുക്കാൻ സാധിക്കാത്തവർക്കുള്ള കായിക ക്ഷമതാ പരീക്ഷ ജൂൺ 17-ന് നടത്തും. പരീക്ഷക്ക് ഹാജരാവുന്നവർ അപേക്ഷയുടെ പകർപ്പ്, ഹാൾടിക്കറ്റ്, അസൽ യോഗ്യതാ സർട്ടിഫിക്കറ്റുകൾ (എസ്.എസ്.എൽ.സി., പ്ലസ്‌ടു, ഡിഗ്രി) അസൽ സ്പോർട്സ് അച്ചീവ്‌മെന്റ് സർഫിക്കറ്റുകൾ (കൈവശമുള്ളവർ), മെഡിക്കൽ ഫിറ്റ്നസ് സർട്ടിഫിക്കറ്റ് (എല്ലാത്തിന്റെയും ഓരോ പകർപ്പും), 3 പാസ്പോട്ട് സൈസ് ഫോട്ടോ, സ്പോർട്സ് കിറ്റ് എന്നിവ സഹിതം രാവിലെ 09.00 മണിക്ക് സർവകലാശാലാ പി.ടി. ഉഷ ഇൻഡോർ സ്റ്റേഡിയത്തിൽ ഹാജരാകണം. ഫോൺ : 9744252229, 9747398657._

The post കാലിക്കറ്റിൽ കായിക കോഴ്‌സുകൾ: കായികക്ഷമതാ പരീക്ഷക്ക് വീണ്ടും അവസരം appeared first on Valanchery Online.

എം.ഇ.എസ് ആർട്സ് ആൻഡ് സയൻസ് കോളേജിൽ പ്ലസ് ടു കുട്ടികളെ അനുമോദിച്ചു

വളാഞ്ചേരിക്കാരൻ — Tue, 02 Jun 2026 17:26:49 +0000

പെരിന്തൽമണ്ണ: എം.ഇ.എസ് ആർട്സ് ആൻഡ് സയൻസ് കോളേജിൽ പ്ലസ് ടു പരീക്ഷയിൽ ഉന്നത വിജയം നേടിയ വിദ്യാർത്ഥികളെ അനുമോദിക്കുന്ന ചടങ്ങ് സംഘടിപ്പിച്ചു. ചടങ്ങ് കോളേജ് ചെയർമാൻ ഡോ. റഹീം ഫസൽ ഉദ്ഘാടനം ചെയ്തു.മുഖ്യാതിഥിയായി പെരിന്തൽമണ്ണ ബ്ലോക്ക് പഞ്ചായത്ത് പ്രസിഡനന്റ് അഡ്വ. നജ്മ തബ്ഷീറ പങ്കെടുത്തു. കോളേജ് പ്രിൻസിപ്പൽ ഡോ. സി. സൈദലവി അധ്യക്ഷത വഹിച്ച പരിപാടിയിൽ അക്കാദമിക് കോ-ഓർഡിനേറ്റർ ശ്രീ. സദറുദ്ദീൻ മുഖ്യപ്രഭാഷണം നടത്തി. വിദ്യാർത്ഥികളുടെ അക്കാദമിക മികവും ഭാവി ലക്ഷ്യങ്ങളും സംബന്ധിച്ച് അദ്ദേഹം വിശദീകരിച്ചു.
ചടങ്ങിൽ കോളേജ് മാനേജ്മെന്റ് പ്രധിനിധികൾ കെ.എം.ടി. ഉണ്ണീൻകുട്ടി, ഉമർ തയ്യിൽ, ഐ ക്യു എ സി കോർഡിനേറ്റർ സൈദലവി, പ്രൊഫസർ ഉമർ അലി എന്നിവർ ആശംസകൾ നേർന്ന് സംസാരിച്ചു. വിദ്യാർത്ഥികൾക്ക് ഉപഹാരങ്ങളും അനുമോദനപത്രങ്ങളും വിതരണം ചെയ്തു.
വിദ്യാർത്ഥികളുടെ മികച്ച നേട്ടങ്ങളെ അഭിനന്ദിച്ച ചടങ്ങിൽ രക്ഷിതാക്കളും അധ്യാപകരും സമൂഹത്തിലെ വിവിധ മേഖലകളിൽ നിന്നുള്ള പ്രമുഖരും പങ്കെടുത്തു.

The post എം.ഇ.എസ് ആർട്സ് ആൻഡ് സയൻസ് കോളേജിൽ പ്ലസ് ടു കുട്ടികളെ അനുമോദിച്ചു appeared first on Valanchery Online.

പ്ലസ് ടു വിന് ശേഷം ഇനിയെന്ത്; കരിയർ ഗൈഡൻസ് സെമിനാർ സംഘടിപ്പിച്ചു വളാഞ്ചേരി നഗരസഭ

വളാഞ്ചേരിക്കാരൻ — Fri, 22 May 2026 10:51:24 +0000

വളാഞ്ചേരി:-വളാഞ്ചേരി നഗരസഭയുടെയും ഈഗിൾസ് ഇൻസ്ടിട്യൂറ്റ് ഓഫ് മാനേജ്മെൻ്റിൻ്റേയും സംയുക്തഭിമുഖ്യത്തിൽ പ്ലസ് ടു വിന് ശേഷം ഇനിയെന്ത് എന്ന ആശയത്തിൽ കരിയർ ഗൈഡൻസ് സെമിനാർ സംഘടിപ്പിച്ചു. വിദ്യാർത്ഥികൾക്കും രക്ഷിതാക്കൾക്കുമായിസംഘടിപ്പിച്ച സെമിനാർ നഗരസഭാ ചെയർപേഴ്സൺ ഹസീന വട്ടോളി ഉദ്ഘാടനം ചെയ്തു.
നഗരസഭ ഡെപ്യൂട്ടി ചെയർപേഴ്സൺ കെ വി ഉണ്ണികൃഷ്ണൻ അദ്ധ്യക്ഷത വഹിച്ചു.എം.ഇ.എസ് കെ.വി.എം കോളേജിൽ വെച്ച് നടന്ന പരിപാടിയിൽ 100 ലതികം വിദ്യാർത്ഥികൾ പങ്കെടുത്തു. ജില്ലാ സബ് കളക്ടർ ദിലീപ് കൈനിക്കര മുഖ്യാതിഥിയായി.മാറുന്ന ലോകത്തെ മാറ്റങ്ങൾക്കനുസരിച്ച് വിദ്യാഭ്യാസ സാധ്യതകളെ ഉപയോഗപെടുത്തണമെന്ന് സബ്കളക്ടർ അഭിപ്രായപ്പെട്ടു.
വിദ്യാഭ്യാസ സ്റ്റാന്റിംഗ് കമ്മിറ്റി ചെയർപേഴ്സൺ നാജിയ ജംഷാദ് സ്വാഗതം പറഞ്ഞ ചടങ്ങിൽ കൗൺസിലർമാരായ രാജൻ പരപ്പിൽ,സാജിത ടീച്ചർ,പി.പി യഹ്‌യ എന്നിവർ സംസാരിച്ചു.
സെമിനാറിന്റെ ഭാഗമായി രണ്ട് സെഷനുകളിലായി പ്രമുഖ കരിയർ ഗൈഡൻസ് കൺസൾട്ടന്റ് സിബിൻ ഫ്രാൻസിസ്,കൊമേഴ്സ് കരിയർ വിദഗ്ധൻ എം.ടി. അബ്ദുൽ ലത്തീഫ് എന്നിവർ ക്ലാസെടുത്തു.
വിദ്യാർത്ഥികൾക്ക് ഭാവി പഠനത്തെക്കുറിച്ചും തൊഴിൽ സാധ്യതകളെക്കുറിച്ചും കൃത്യമായ ധാരണ നൽകുന്നതിനായിട്ടാണ് സെമിനാർ സംഘടിപ്പിച്ചത്.

The post പ്ലസ് ടു വിന് ശേഷം ഇനിയെന്ത്; കരിയർ ഗൈഡൻസ് സെമിനാർ സംഘടിപ്പിച്ചു വളാഞ്ചേരി നഗരസഭ appeared first on Valanchery Online.

എസ്.എസ്.എൽ.സി. പരീക്ഷാഫലം ഇന്നറിയാം; പ്രഖ്യാപനം 3 മണിക്ക്

വളാഞ്ചേരിക്കാരൻ — Fri, 15 May 2026 04:51:21 +0000

തിരുവനന്തപുരം: എസ്.എസ്.എൽ.സി. പരീക്ഷാഫലം വെള്ളിയാഴ്ച മൂന്നിന് സെക്രട്ടേറിയറ്റിലെ പി.ആർ.ഡി. ചേംബറിൽ പ്രഖ്യാപിക്കും. ടി.എച്ച്.എസ്.എൽ.സി., ടി.എച്ച്.എൽ.സി. (ഹിയറിങ് ഇംപേർഡ്), എസ്.എസ്.എൽ.സി. (ഹിയറിങ് ഇംപേർഡ്), എ.എച്ച്.എസ്.എൽ.സി. എന്നീ പരീക്ഷകളുടെ ഫലവും പ്രഖ്യാപിക്കും. ഐ.ടി. മിഷന്റെ 9188619958 എന്ന വാട്‌സാപ്പ് നമ്പറിലും ‘നമ്മുടെ കേരളം’ മൊബൈൽ ആപ്പിലും ഫലം ലഭിക്കും. സംസ്ഥാനത്തെ 3031 കേന്ദ്രങ്ങളിലായി 4,17,497 പേർ പരീക്ഷയെഴുതിയിരുന്നു. ലക്ഷദ്വീപിൽ ഒമ്പത് കേന്ദ്രങ്ങളിലായി 386 കുട്ടികളും പരീക്ഷയെഴുതി. ഗൾഫ് മേഖലയിൽ ഏഴു കേന്ദ്രങ്ങളിലായി 633 കുട്ടികൾ രജിസ്റ്റർ ചെയ്തെങ്കിലും പശ്ചിമേഷ്യയിലെ യുദ്ധസാഹചര്യത്തിൽ ഇവർക്ക് ഇളനുവദിക്കേണ്ടി വന്നു.
എസ്.എസ്.എൽ.സി. ഫലം ലഭിക്കുന്ന വെബ്‌സൈറ്റുകൾ
https://kbpe.kerala.gov.in
https://results.digilocker.gov.in
https://sslcexam.kerala.gov.in
https://thslcexam.kerala.gov.in/thslc
https://sslchiexam.kerala.gov.in
https://ahslcexam.kerala.gov.in
https://www.prd.kerala.gov.in
https://results.kite.kerala.gov.in

The post എസ്.എസ്.എൽ.സി. പരീക്ഷാഫലം ഇന്നറിയാം; പ്രഖ്യാപനം 3 മണിക്ക് appeared first on Valanchery Online.

മണ്ണറിഞ്ഞ് കുട്ടിപ്പട; കുറ്റിപ്പുറം പെരുമ്പറമ്പ് മൂടാൽ ജി.എൽ.പി. സ്കൂളിൽ പച്ചക്കറി വിളവെടുപ്പ്

വളാഞ്ചേരിക്കാരൻ — Sat, 07 Mar 2026 00:39:07 +0000

കുറ്റിപ്പുറം: വിദ്യാലയ മുറ്റത്ത്അ റിവിനോടൊപ്പം അല്പം കൃഷിയും ചേർത്തുവെച്ച് മാതൃകയാവുകയാണ് കുറ്റിപ്പുറം മൂടാൽ ഗവൺമെൻ്റ് എൽ.പി. സ്കൂളിലെ കൊച്ചു മിടുക്കന്മാർ. സ്കൂൾ മുറ്റത്ത് വിദ്യാർത്ഥികളും അധ്യാപകരും പി.ടി.എ അംഗങ്ങളും ചേർന്ന് വിളയിച്ചെടുത്ത വിഷരഹിത പച്ചക്കറികളുടെ വിളവെടുപ്പ് ആവേശപൂർവ്വം നടന്നു. വിളവെടുപ്പ് ഉത്സവത്തിൻ്റെ ഉദ്ഘാടനം പി.ടി.എ പ്രസിഡൻ്റ് ടി.പി അജ്മൽ നിർവ്വഹിച്ചു. എച്ച്.എം കെ. കൃഷ്ണകുമാർ മാസ്റ്റർ അധ്യക്ഷത വഹിച്ചു. പയർ, വെണ്ട, മുളക് തുടങ്ങി വിവിധയിനം പച്ചക്കറികളാണ് സ്കൂൾ മുറ്റത്ത് കൃഷി ചെയ്തിരുന്നത്. വിളവെടുത്ത പച്ചക്കറികൾ സ്കൂളിലെ ഉച്ചഭക്ഷണത്തിനായി ഉപയോഗിക്കും.

The post മണ്ണറിഞ്ഞ് കുട്ടിപ്പട; കുറ്റിപ്പുറം പെരുമ്പറമ്പ് മൂടാൽ ജി.എൽ.പി. സ്കൂളിൽ പച്ചക്കറി വിളവെടുപ്പ് appeared first on Valanchery Online.

മുഴുവൻ അങ്കണവാടിയിലേക്കും അടുക്കള ഉപകരണങ്ങൾ വിതരണം ചെയ്തു എടയൂർ ഗ്രാമപഞ്ചായത്ത്‌

വളാഞ്ചേരിക്കാരൻ — Wed, 04 Mar 2026 13:00:15 +0000

എടയൂർ: എടയൂർ ഗ്രാമ പഞ്ചായത്തിലെ 34 അങ്കണവാടികൾക്കുള്ള അടുക്കള ഉപകരണ വിതരണോദ്ഘാടനം ഗ്രാമ പഞ്ചായത്ത് പ്രസിഡൻ്റ് കെ.പി ഇന്ദിര നിർവഹിച്ചു, ഗ്രാമ പഞ്ചായത്ത് വൈസ് പ്രസിഡൻ്റ് എ.കെ മുസ്തഫ അദ്ധ്യക്ഷനായി. സ്റ്റാൻ്റിങ് കമ്മിറ്റി ചെയർമാൻമാരായ ഹസ്സൻ മുളക്കൽ, മൈമൂന മാളു, ശ്രുതി സുധീഷ്, മെമ്പർമാരായ കരീം എം.പി, സുനിൽ ദാസ്, സൈനബ നൗഷാദ്, ആയിഷ ദിൽഷാന, സൗദ ഫിറോസ്, സൂപ്പർ വൈസർ അമ്പിളി തുടങ്ങിയവർ സംസാരിച്ചു.

The post മുഴുവൻ അങ്കണവാടിയിലേക്കും അടുക്കള ഉപകരണങ്ങൾ വിതരണം ചെയ്തു എടയൂർ ഗ്രാമപഞ്ചായത്ത്‌ appeared first on Valanchery Online.

വാർഷിക പദ്ധതിയിൽ ഉൾപ്പെടുത്തി എസ്.സി വിദ്യാർത്ഥികൾക്ക് ലാപ്ടോപ് വിതരണം ചെയ്തു വളാഞ്ചേരി നഗരസഭ

വളാഞ്ചേരിക്കാരൻ — Wed, 04 Mar 2026 12:53:12 +0000

വളാഞ്ചേരി: വളാഞ്ചേരി നഗരസഭയുടെ 2025-26 വാർഷിക പദ്ധതിയിൽ ഉൾപ്പെടുത്തി എസ്.സി വിദ്യാർത്ഥികൾക്ക് ലാപ്ടോപ് വിതരണം ചെയ്തു. വിതരണോദ്ഘാടനം നഗരസഭ ചെയർപേഴ്സൺ ഹസീന വട്ടോളി നിർവ്വഹിച്ചു. ക്ഷേമ കാര്യ സ്റ്റാൻ്റിംഗ് കമ്മിറ്റി ചെയർമാൻ ചേരിയിൽ രാമകൃഷ്‌ണൻ അദ്ധ്യക്ഷത വഹിച്ചു. ബിരുദം, ബിരുദാനന്തര ബിരുദം,ബിരുദാനന്തര ബിരുദത്തിന് ശേഷമുള്ള ഗവേഷണം, പ്രൊഫഷണൽ കോഴ്സ് എന്നിവ പഠിക്കുന്ന 16 വിദ്യാർത്ഥികൾക്കാണ് ലാപ്ടോപ്പ് വിതരണം ചെയ്തത്. 695841രൂപ ചെലവഴിച്ചാണ് പദ്ധതി നടപ്പിലാക്കുന്നത്. ഡെപ്യൂട്ടി ചെയർപേഴ്സൺ കെ.വി ഉണ്ണികൃഷ്ണൻ, മരാമത്ത് സ്റ്റാൻ്റിംഗ് കമ്മിറ്റി ചെയർപേഴ്സൺ അഷ്റഫ് അമ്പലത്തിങ്ങൾ,വികസനകാര്യ സ്റ്റാൻ്റിംഗ് കമ്മിറ്റി ചെയർപേഴ്സൺ ഷാജിമോൾ, ആരോഗ്യ സ്റ്റാൻ്റിംഗ് കമ്മിറ്റി ചെയർപേഴ്സൺ കെ ഷെരീഫ ടീച്ചർ, കൗൺസിലർ ടി. പി അബ്ദുൾ ഗഫൂർ,ആസൂത്രണ സമിതി ഉപാധ്യക്ഷൻ സി.കെ അബ്ദുന്നാസർ നഗരസഭ സെക്രട്ടറി എച്ച്.സീന, നഗരസഭ കൗൺസിലർമാർ തുടങ്ങിയവർ സംബന്ധിച്ചു.നിർവ്വഹണ ഉദ്യോഗസ്ഥ ടി.എൻ ദീപ നന്ദി പറഞ്ഞു.

The post വാർഷിക പദ്ധതിയിൽ ഉൾപ്പെടുത്തി എസ്.സി വിദ്യാർത്ഥികൾക്ക് ലാപ്ടോപ് വിതരണം ചെയ്തു വളാഞ്ചേരി നഗരസഭ appeared first on Valanchery Online.

വളാഞ്ചേരി എം.ഇ.സ് യൂണിറ്റിന്റെ ആഭിമുഖ്യത്തിൽ ഐ.എ.സ്. ഓറിയന്റേഷൻ ക്ലാസ് സംഘടിപ്പിച്ചു

വളാഞ്ചേരിക്കാരൻ — Tue, 24 Feb 2026 06:45:50 +0000

വളാഞ്ചേരി: വളാഞ്ചേരി എം.ഇ.സ് യൂണിറ്റിന്റെ ആഭിമുഖ്യത്തിൽ എക്സലഡ്ജ് 2026 ഐ.എ.സ്. ഓറിയന്റേഷൻ ക്ലാസ് സംഘടിപ്പിച്ചു.ഇരിമ്പിളിയം എം.ഇ.എസ് ഹയർ സെക്കന്ററി സ്കൂളിലെ യു.എസ്.എസ്. വിജയികളായ നൂറോളം വിദ്യാർത്ഥികൾക്കാണ് ക്ലാസ് സംഘടിപ്പിച്ചത്. വളാഞ്ചേരി യൂണിറ്റ് തുടങ്ങി വെച്ച എക്സലഡ്‌ജ് 2025ന്റെ തുടർച്ചയായാണ് പ്രസ്തുത പരിപാടി സംഘടിപ്പിച്ചത്.തിരുവനന്തപുരം എമിനന്റ് ഐ.എ. സ് അക്കാദമി സ്ഥാപകനും ഡയറക്ടറുമായ മുഹമ്മദ് സ്വഫ് വാൻ ക്ലാസിന് നേതൃത്വം നൽകി. യൂണിറ്റ് സെക്രട്ടറി പി.വി. നൗഷാദ് സ്വാഗതം പറഞ്ഞു. സ്കൂൾ എസ്.എം.സി ട്രഷറർ ഹബീബ് റഹ്മാൻ അധ്യക്ഷത വഹിച്ചു. എം.ഇ.എസ് കെ.വി.എം കോളേജ് പ്രിൻസിപ്പൽ പ്രൊഫ. പി. പി.ഷാജിദ് ഉൽഘാടനം നിർവ്വഹിച്ച ചടങ്ങിൽ ഹെഡ് മാസ്റ്റർ അഷറഫലി കാളിയത്ത്, പി.പി. ഹമീദ്, സൈനുദ്ദീൻ പാലാറ, പി.സുബൈർ, ഹക്കീം വെണ്ടല്ലൂർ, സി. അൻവർ , നിഹാൽമൊയ്തീൻ, എന്നിവർ പ്രസംഗിച്ചു.

The post വളാഞ്ചേരി എം.ഇ.സ് യൂണിറ്റിന്റെ ആഭിമുഖ്യത്തിൽ ഐ.എ.സ്. ഓറിയന്റേഷൻ ക്ലാസ് സംഘടിപ്പിച്ചു appeared first on Valanchery Online.

കുറ്റിപ്പുറം കഴുത്തല്ലൂർ പള്ളിപ്പടി എൻ.ഐ.എ.യു.പി സ്കൂളിലെ ഫുട്ബോൾ അക്കാദമിയിലേക്കുള്ള ജേഴ്സികളുടെ പ്രകാശനം നടന്നു

വളാഞ്ചേരിക്കാരൻ — Thu, 15 Jan 2026 13:01:11 +0000

കുറ്റിപ്പുറം: കഴുത്തല്ലൂർ പള്ളിപ്പടി എൻ.ഐ.എ.യു.പി സ്കൂളിലെ ഫുട്ബോൾ അക്കാദമിയിലേക്കുള്ള ജേഴ്സികളുടെ പ്രകാശനം കുറ്റിപ്പുറം പഞ്ചായത്ത് ക്ഷേമകാര്യ വികസന സ്റ്റാൻഡിങ് കമ്മിറ്റി ചെയർമാൻ സക്കീർ.കെ. പി നിർവഹിച്ചു. മൊറോക്കോ ലീഗ് ഫുട്ബോൾ താരം ലാൻഡ്റോ മുഖ്യാതിഥിയായിരുന്നു. പിടിഎ പ്രസിഡണ്ട് ഹാരിസ് പൊറ്റാരത്ത് അധ്യക്ഷനായി. അൻവർ മാസ്റ്റർ, ജസീല യാസ്മിൻ ടീച്ചർ, കോച്ച് ഇസ്മായിൽ എന്നിവർ ആശംസകൾ അർപ്പിച്ചു .സ്കൂൾ ഹെഡ്മിസ്ട്രസ് റംല ടീച്ചർ സ്വാഗതവും ജലീൽ മാസ്റ്റർ നന്ദിയും പറഞ്ഞു.

The post കുറ്റിപ്പുറം കഴുത്തല്ലൂർ പള്ളിപ്പടി എൻ.ഐ.എ.യു.പി സ്കൂളിലെ ഫുട്ബോൾ അക്കാദമിയിലേക്കുള്ള ജേഴ്സികളുടെ പ്രകാശനം നടന്നു appeared first on Valanchery Online.

വളാഞ്ചേരിയിൽ വീണ്ടും സെവൻസ് വസന്തം; വി.എഫ്.എയും പുറമണ്ണൂർ ഫുട്ബോൾ കമ്മിറ്റിയും സംഘടിപ്പിക്കുന്ന ടൂർണമെന്റ് ജനു 5 മുതൽ

വളാഞ്ചേരിക്കാരൻ — Sat, 03 Jan 2026 04:01:02 +0000

വളാഞ്ചേരി :പുറമണ്ണൂർ ജനകീയ ഫുട്ബോൾ കമ്മിറ്റിയും വളാഞ്ചേരി ഫുട്ബോൾ അസസോസിയേഷനും സംയുക്തമായി സംഘടിപ്പിക്കുന്ന മുപ്പതാറാമത് അഖിലേന്ത്യാ സെവെൻസ് ഫുട്ബോൾ ടൂർണമെന്റ് ഈഗിൾസ് CA ക്യാമ്പസ്‌ വിന്നേഴ്സ് ട്രോഫിക്കും ക്ലാസിക്കോ അപ്ഡേറ്റ് റെന്നേഴ്സ് ട്രോഫിക്കും വേണ്ടി പുറമണ്ണൂർ മജ്‌ലിസ് കോളേജ് നു സമീപം LOOT CLOTHING സ്റ്റോർ ഫ്ലഡ് ലൈറ്റ് സ്റ്റേഡിയത്തിൽ ജനുവരി 05 നു ആരംഭിക്കുമെന്ന് ഭാരവാഹികൾ അറിയിച്ചു. കേരളത്തിലെ പ്രമുഖ ടീമുകൾ പങ്കെടുക്കെടുക്കും. ടൂർണമെന്റിൽ നിന്ന് ഉള്ള വരുമാനം വിവിധ കാരുണ്യ പ്രവർത്തനങ്ങൾക്ക് വേണ്ടി വിനിയോഗിക്കും. നൈജീരിയ, ഘാന, ലൈബീരിയ, തുടങ്ങിയ രാജ്യങ്ങളിൽ നിന്ന് ഉള്ള വിദേശ താരങ്ങൾ ആണ് ടൂർണമെൻ്റിൽ പങ്കെടുക്കുന്നത്. കഴിഞ്ഞ കാലങ്ങളിൽ ഒട്ടേറെ ജീവകാരുണ്യ പ്രവർത്തനങ്ങൾ ടൂർണമെന്റ് കമ്മിറ്റി നടത്തിയിട്ടുണ്ട്.
പത്രസമ്മേളനത്തിൽ VFA സെക്രട്ടറി അബ്ദുറഹ്മാൻ എന്ന മണി, ഹംസ TN, ബഷീർ M, ഷബീർ N, റാഷിദ്‌ N, നിസാർ TP, മുസ്തഫ Kതുടതുടങ്ങിയവർ പങ്കെടുത്തു.

The post വളാഞ്ചേരിയിൽ വീണ്ടും സെവൻസ് വസന്തം; വി.എഫ്.എയും പുറമണ്ണൂർ ഫുട്ബോൾ കമ്മിറ്റിയും സംഘടിപ്പിക്കുന്ന ടൂർണമെന്റ് ജനു 5 മുതൽ appeared first on Valanchery Online.

നഗരസഭ നടപ്പിലാക്കിയ ഭൂരഹിത ഭവനരഹിതർക്കുള്ള ഭൂമി നൽകൽ പദ്ധതിയിൽ ക്രമക്കേട് നടന്നതായി ആക്ഷേപം; നിർധന കുടുംബത്തിന് ഭൂമി ലഭിച്ചില്ല

വളാഞ്ചേരിക്കാരൻ — Sun, 30 Nov 2025 06:04:57 +0000

വളാഞ്ചേരി: വാർഡ് കൗൺസിലറുടെ കൃത്യവിലോപം മൂലം നിർധന കുടുംബത്തിന് വീട് നഷ്ടപ്പെട്ടതായി വളാഞ്ചേരി നഗരസഭ ഒന്നാം വാർഡ് തോണിക്കൽ മുസ്‌ലിം ലീഗ് കമ്മിറ്റി ഭാരവാഹികൾ പത്രസമ്മേളനത്തിൽ ആരോപിച്ചു. നഗരസഭ നടപ്പിലാക്കിയ ഭൂരഹിത ഭവനരഹിതർക്കുള്ള ഭൂമി നൽകൽ പദ്ധതിയിൽ വാർഡ് സഭയും നഗരസഭയും പാസാക്കി ലൈഫ് മിഷൻ അംഗീകരിച്ച ഗുണഭോക്ത്യ ലിസ്റ്റിൽ ക്രമക്കേട് നടന്നതായി അവർ ആരോപിച്ചു. ഗുണഭോക്ത്യ ലിസ്റ്റിൽ ക്രമ നമ്പർ 18 മുതൽ 25 വരെയുള്ള ഗുണഭോക്താക്കൾ ഒന്നാം ഡിവിഷനിൽ പെട്ടവരാണ്. ഇതിൽ ക്രമനമ്പർ 20 22 24 എന്നിവർക്ക് മുനിസിപ്പാലിറ്റിയിൽ നി ന്നും ഭൂമിക്കുള്ള പണം ലഭിച്ചു ആധാരം രജിസ്റ്റർ ചെയ്തിട്ടുണ്ട്. ക്രമനമ്പർ 18 19 20 22 24 എന്നിവർ മുനിസിപ്പാലിറ്റിയിലെ ഭൂരഹിതർക്കുള്ള യോഗത്തിൽ പങ്കെടുത്തിട്ടുണ്ട്. എന്നാൽ ഈ ലിസ്റ്റിൽ 21 ക്രമനമ്പറിലുള്ള മറിയംബീവി യോഗത്തിൽ പങ്കെടുത്തിട്ടില്ല. ഇവർക്ക് അതുകൊണ്ടുതന്നെ ആനുകൂല്യം ലഭിച്ചിട്ടുമില്ല. മുൻഗണന ലിസ്റ്റിൽ ഇവർക്ക് താഴെ ഉള്ള രണ്ടുപേർക്ക് ആനുകൂല്യം ലഭിച്ചിട്ടുണ്ട്. 70 വയസ്സിന് മുകളിൽ പ്രായമുള്ള രണ്ട് വിധവകൾ അടക്കം താമസിക്കുന്ന മറിയം ബിവിയുടെ കുടുംബ ത്തിന് ഈ ആനുകൂല്യം നിഷേധിക്കുക വഴി ഗുരുതരമായ കൃത്യവിലോപമാണ് നടത്തിയിട്ടുള്ളതെന്ന് ഭാരവാഹികൾ ആരോപിച്ചു. മുൻഗണനാ ലിസ്റ്റ് മറികടക്കാൻ ആർക്കും അധികാരമില്ല എന്നിരിക്കെ കിട്ടാത്ത പട്ടയം കിട്ടുമെന്ന് പറഞ്ഞ് ഈ നിർധന കുടുംബത്തെ പാസായ ആനുകൂല്യം ലഭിക്കുന്നതിൽ നിന്നും മാറ്റിനിർത്തുകയാണ് ചെയ്‌തിട്ടുള്ളത്. നിർധന കുടുംബത്തിന് ഭൂമി ലഭിക്കുന്നതിന് ആവശ്യമായ നിയമ നടപടികൾക്ക് ഒരുങ്ങുകയാണ് വാർഡ് മുസ്‌ലിം ലീഗ് കമ്മിറ്റി. വാർത്താസമ്മേളനത്തിൽ മൂർക്കത് മുസ്‌തഫ, റഫീഖ് തയ്യിൽ, യൂസഫ് വട്ടപ്പറമ്പിൽ, റസാക്ക് നെയ്യത്തൂർ, മുസ്‌തഫ നെയ്യത്തൂർ,സലാം പുത്തൻ വളപ്പിൽ എന്നിവർ പങ്കെടുത്തു

The post നഗരസഭ നടപ്പിലാക്കിയ ഭൂരഹിത ഭവനരഹിതർക്കുള്ള ഭൂമി നൽകൽ പദ്ധതിയിൽ ക്രമക്കേട് നടന്നതായി ആക്ഷേപം; നിർധന കുടുംബത്തിന് ഭൂമി ലഭിച്ചില്ല appeared first on Valanchery Online.

മൂടാൽ എമ്പയർ കോളേജ് യൂണിയൻ ഉദ്ഘാടനം ചെയ്തു

വളാഞ്ചേരിക്കാരൻ — Tue, 11 Nov 2025 06:28:32 +0000

കുറ്റിപ്പുറം: മൂടാൽ എമ്പയർ കോളേജ് യൂണിയൻ ഉദ്ഘാടനം നടൻ ലുക്മാൻ അവറാൻ നിർവഹിച്ചു. പ്രിൻസിപ്പൽ എൻ.കെ. മുഹമ്മദാലി അധ്യക്ഷനായി. യൂണിയൻ അംഗങ്ങൾക്ക് സത്യപ്രതിജ്ഞ ചൊല്ലിക്കൊടുത്തു. ടി.വി. ശ്രീകുമാർ, അക്കാദമിക് ഡയറക്ടർ സുഹാന, ഡയറക്ടർ ഷാക്കിർ പെരിങ്ങോടൻ, വിശാഖ് ഉണ്ണി, യൂണിയൻ ചെയർമാൻ ബാസിൽ എന്നിവർ പ്രസംഗിച്ചു.

The post മൂടാൽ എമ്പയർ കോളേജ് യൂണിയൻ ഉദ്ഘാടനം ചെയ്തു appeared first on Valanchery Online.