Automotive Archives - Valanchery Online

വാഹനങ്ങളിൽ ലൊക്കേഷൻ ട്രാക്കിംഗ് സംവിധാനവും എമർജൻസി ബട്ടണും; സമയപരിധി ഡിസംബർ 31 വരെ നീട്ടി

വളാഞ്ചേരിക്കാരൻ — Wed, 03 Nov 2021 02:24:03 +0000

കൊച്ചി: പൊതുഗതാഗതത്തിനുള്ള വാഹനങ്ങളിൽ ലൊക്കേഷൻ ട്രാക്കിംഗ് സംവിധാനവും എമർജൻസി ബട്ടണും ഘടിപ്പിക്കാനുള്ള സമയപരിധി ഹൈക്കോടതി ഡിസംബർ 31 വരെ നീട്ടി. വാഹനങ്ങൾ എവിടെയെത്തിയെന്ന് കണ്ടെത്താനുള്ള ട്രാക്കിംഗ് സിസ്റ്റവും വാഹനങ്ങൾ അടിയന്തര സാഹചര്യത്തിൽ നിറുത്താൻ ആവശ്യപ്പെടുന്നതിനുള്ള എമർജൻസി ബട്ടണും കഴിഞ്ഞ ജനുവരി ഒന്നു മുതൽ നിർബന്ധമാക്കാൻ ഹൈക്കോടതി നിർദ്ദേശിച്ചിരുന്നു. പിന്നീട് നവംബർ 23 വരെ സമയം നീട്ടി നൽകി.എന്നാൽ ഇതിനുള്ള ഉപകരണങ്ങൾ ഘടിപ്പിക്കാൻ കൂടുതൽ സമയം വേണമെന്ന് ആവശ്യപ്പെട്ട് കെ.എസ്.ആർ.ടി.സി ഹൈക്കോടതിയെ സമീപിച്ചു. ഈ ഉപ ഹർജിയിലാണ് എല്ലാ സർവീസ് ഓപ്പറേറ്റർമാർക്കും ജസ്റ്റിസ് കെ. വിനോദ് ചന്ദ്രൻ, ജസ്റ്റിസ് സി. ജയചന്ദ്രൻ എന്നിവരുൾപ്പെട്ട ഡിവിഷൻ ബെഞ്ച് സമയം നീട്ടിനൽകിയത്. പൊതുഗതാഗതത്തിനുള്ള വാഹനങ്ങളിൽ സ്ത്രീകളുടെയും കുട്ടികളുടെയും സുരക്ഷ ഉറപ്പാക്കാൻ നടപടി വേണമെന്നാവശ്യപ്പെട്ട് പെരുമ്പാവൂർ വെങ്ങോല സ്വദേശി ജാഫർഖാൻ നൽകിയ ഹർജിയിലാണ് ഇവ ഘടിപ്പിക്കാൻ ഹൈക്കോടതി ഉത്തരവിട്ടത്.

The post വാഹനങ്ങളിൽ ലൊക്കേഷൻ ട്രാക്കിംഗ് സംവിധാനവും എമർജൻസി ബട്ടണും; സമയപരിധി ഡിസംബർ 31 വരെ നീട്ടി appeared first on Valanchery Online.

സ്റ്റേജ്, കോൺട്രാക്ട് കാര്യേജുകളുടെ ജൂൺ വരെയുള്ള വാഹന നികുതി ഒഴിവാക്കി

വളാഞ്ചേരിക്കാരൻ — Fri, 10 Sep 2021 01:43:01 +0000

തിരുവനന്തപുരം: സംസ്ഥാനത്തെ സ്റ്റേജ്, കോൺട്രാക്ട് കാര്യേജുകളുടെ ഈ സാമ്പത്തിക വർഷത്തെ ആദ്യത്തെ ക്വാർട്ടറിലെ വാഹന നികുതി പൂർണമായും ഒഴിവാക്കിയതായി ഗതാഗത വകുപ്പുമന്ത്രി ആന്റണി രാജു അറിയിച്ചു. ഏപ്രിൽ 1 മുതൽ ജൂൺ 30 വരെയുള്ള കാലയളവിലെ നികുതിയാണ് ഒഴിവാക്കിയത്. കൊവിഡ് മഹാമാരി മൂലം വാഹന ഉടമകൾ അനുഭവിക്കുന്ന സാമ്പത്തിക ബുദ്ധിമുട്ട് പരിഗണിച്ചാണ് നടപടി.

The post സ്റ്റേജ്, കോൺട്രാക്ട് കാര്യേജുകളുടെ ജൂൺ വരെയുള്ള വാഹന നികുതി ഒഴിവാക്കി appeared first on Valanchery Online.

ഇന്ധന വില ഇന്നും കൂട്ടി; വളാഞ്ചേരിയിൽ പെട്രോളിന്‌ 100രൂപ 02 പൈസ

വളാഞ്ചേരിക്കാരൻ — Tue, 29 Jun 2021 04:43:29 +0000

വളാഞ്ചേരി: രാജ്യത്തെ ജനങ്ങൾക്ക് കനത്ത പ്രഹരമേൽപ്പിച്ച് ഇന്നും ഇന്ധനവില കൂട്ടി. കൂട്ടി. പെട്രോള്‍ ലീറ്ററിന് 35 പൈസയും ഡീസലിന് 29 പൈസയും കൂട്ടി. ഇതോടെ തിരുവനന്തപുരത്തിനു ശേഷം മലപ്പുറം ജില്ലയിലും പെട്രോൾ വില നൂറ് കടന്നു. വളാഞ്ചേരിയിൽ ലിറ്ററിന് 100.02, 100.09 എന്നിങ്ങനെ ആണ് ഇന്നത്തെ പെട്രോൾ വില. രാജ്യാന്തര വിപണിയില്‍ അസംസ്‌കൃത എണ്ണ വിലയില്‍ രേഖപ്പെടുത്തുന്ന മാറ്റങ്ങളെ പശ്ചാത്തലമാക്കിയാണ് ഇന്ത്യയില്‍ വില പ്രതിദിനം പുതുക്കുന്നത്. രാവിലെ ആറു മണിക്കാണ് പുതുക്കിയ വില രാജ്യത്ത് പ്രാബല്യത്തില്‍ വരുന്നതും. വിതരണക്കാരെ (എച്ച്പി, ബിപിസിഎല്‍, ഷെല്‍) അടിസ്ഥാനപ്പെടുത്തി നഗരങ്ങള്‍ തമ്മിലുള്ള വിലയില്‍ ഏറ്റക്കുറച്ചിലുകള്‍ ഉണ്ടാകാം. ഈ മാസം ഇതുവരെ 17തവണയാണ് ഇന്ധന വില കൂട്ടിയത്.

The post ഇന്ധന വില ഇന്നും കൂട്ടി; വളാഞ്ചേരിയിൽ പെട്രോളിന്‌ 100രൂപ 02 പൈസ appeared first on Valanchery Online.

ഹീറോ മോട്ടോ കോർപ്‌ ഡെസ്റ്റിനി 125 പ്ലാറ്റിനം അവതരിപ്പിച്ചു

വളാഞ്ചേരിക്കാരൻ — Sun, 28 Mar 2021 00:41:01 +0000

കൊച്ചി : മോട്ടോർ സൈക്കിൾ, സ്കൂട്ടർ നിർമാണ കമ്പനിയായ ‘ഹീറോ മോട്ടോ കോർപ്’ പുതിയ ‘ഡെസ്റ്റിനി 125 പ്ലാറ്റിനം’ എഡിഷൻ അവതരിപ്പിച്ചു. ഡെസ്റ്റിനി 125 പ്ലാറ്റിനം പുതിയ ഡിസൈനും തീമുമായാണ് വിപണിയിലെത്തിയിട്ടുള്ളത്. മൈസ്ട്രോ എഡ്ജ് 125, പ്ലാറ്റിനം പ്ലസ് പ്രീമിയം എന്നിവയ്ക്കു പിന്നാലെയാണ് ഡെസ്റ്റിനി 125 പ്ലാറ്റിനം എത്തുന്നത്. 9 ബി.പി.എച്ച്. പവറും 7,000 ആർ.പി.എമ്മും ലഭിക്കുന്ന ഡെസ്റ്റിനിക്ക് 10.4 എൻ.എം. ഓൺ ഡിമാന്റ് ടോർക്കും അതോടൊത്ത് 5,500 ആർ.പി.എമ്മും ലഭിക്കും. 72,050 രൂപയാണ് വാഹനത്തിന്റെ എക്സ്ഷോറൂം വില.

The post ഹീറോ മോട്ടോ കോർപ്‌ ഡെസ്റ്റിനി 125 പ്ലാറ്റിനം അവതരിപ്പിച്ചു appeared first on Valanchery Online.

15 വർഷം കഴിഞ്ഞ ഡീസൽ ഓട്ടോകൾക്ക് ജനുവരി ഒന്നു മുതൽ നിരോധനം

വളാഞ്ചേരിക്കാരൻ — Sat, 07 Nov 2020 01:39:36 +0000

തിരുവനന്തപുരം: പതിനഞ്ച് വർഷത്തിൽ കൂടുതൽ പഴക്കമുള്ള ഡീസൽ ഓട്ടോറിക്ഷകൾ 2021 ജനുവരി ഒന്നു മുതൽ പൊതുഗതാഗതത്തിന് ഉപയോഗിക്കുന്നത് വിലക്കി സർക്കാർ ഉത്തരവായി. ഇവയ്ക്ക് സി.എൻ.ജി, എൽ.എൻ.ജി എൽ.പി.ജിയിലോട്ട് മാറാം. നവംബർ ഒന്നു മുതൽ നടപ്പിലാക്കാനിരുന്ന നിരോധനം ജനവരി ഒന്നിലേക്ക് നീട്ടുകയായിരുന്നു പ്രകൃതി സൗഹാർദ വാഹനങ്ങളെ പ്രോത്സാഹിപ്പിക്കുന്നതിനായി ദേശീയ ഹരിത ട്രൈബ്യൂണിലിന്റെ നിർദേശം കണക്കിലെടുത്താണ് തീരുമാനം. ഇത്രയും പഴക്കമുള്ള 3798 ഓട്ടോകൾ സംസ്ഥാനത്തുണ്ട്.

The post 15 വർഷം കഴിഞ്ഞ ഡീസൽ ഓട്ടോകൾക്ക് ജനുവരി ഒന്നു മുതൽ നിരോധനം appeared first on Valanchery Online.

ജി-വാഗണ്‍ കുതിപ്പ് ഇനി കേരളത്തിലും; കേരളത്തിലെ ആദ്യ ബെന്‍സ് ജി-63 എഎംജി മലപ്പുറത്ത്‌

വളാഞ്ചേരിക്കാരൻ — Wed, 07 Aug 2019 02:34:07 +0000

മെഴ്സിഡസ് ബെൻസിന്റെ അത്യാഡംബര വാഹനമായ ജി-വാഗൺ എസ്യുവി ഇന്ത്യയിൽ വളരെ വിരളമാണ്. ഇന്ത്യയിലെ ബിസിനസ് രാജാവ് മുകേഷ് അംബാനിയും, ക്രിക്കറ്റ് താരം ഹർദിക് പാണ്ഡ്യയ്ക്കും സ്വന്തമായുള്ള ഈ വാഹനം ഇപ്പോൾ മലപ്പുറത്തും എത്തിയിരിക്കുകയാണ്.

അജ്ഫാൻ ഗ്രൂപ്പ് ചെയർമാൻ മലപ്പുറം ഒതുക്കുങ്ങൽ സ്വദേശിയായ നെച്ചിക്കാട്ട് മുഹമ്മദ് കുട്ടിയാണ് ബെൻസ് ജി-വാഗൺ ജി63 എന്ന ആഡംബര എസ്യുവിയുടെ ഏറ്റവും പുതിയ പതിപ്പ് കേരളത്തിലെത്തിച്ചിരിക്കുന്നത്. മുഹമ്മദ് കുട്ടിയുടെ ദീർഘകാലത്തെ സ്വപ്ന സാക്ഷാത്കാരമാണ് ഈ വാഹനം. ജർമനിയിൽ നിന്നാണ് അദ്ദേഹത്തിനുള്ള വാഹനം എത്തിയത്. ജർമനിയിൽ നിന്ന് വിമാനമാർഗം പുണെയിലേക്കും അവിടെനിന്ന് കരിപ്പൂരിലേക്കുമാണ് വാഹനം എത്തിയത്. കേരളത്തിലെ നിരത്തുകളിൽ മൂന്ന് കോടിക്ക് മുകളിലാണ് ഈ വാഹനത്തിന്റെ വില.

ചെറുപ്പം മുതൽ തന്നെ വാഹനം തനിക്കൊരു ഹരമാണെന്നും, ഈ വാഹനം സ്വന്തമാക്കണമെന്നത് ഏറെ നാളത്തെ ആഗ്രഹമായിരുന്നെന്നുമാണ് അദ്ദേഹം പറയുന്നത്. വാർത്തകളിലുടെയാണ് ആദ്യമായി ഈ വാഹനത്തെ കുറിച്ച് അറിയുന്നതെന്നും അദ്ദേഹം പറഞ്ഞു.

നാല് ലിറ്ററിന്റെ വി8 ബൈ ടർബോ എൻജിനാണ് ജി63-ക്ക് കരുത്ത് പകരുന്നത്. 585 എച്ച്പി പവറും 850 എൻഎം ടോർക്കുമാണ് ഈ വാഹനം ഉത്പാദിപ്പിക്കുന്നത്. പൂജ്യത്തിൽ നിന്ന് 100 കിലോമീറ്റർ വേഗത കൈവരിക്കാൻ 4.5 സെക്കന്റ് മതിയെന്നതാണ് മറ്റൊരു പ്രത്യേകത.

The post ജി-വാഗണ്‍ കുതിപ്പ് ഇനി കേരളത്തിലും; കേരളത്തിലെ ആദ്യ ബെന്‍സ് ജി-63 എഎംജി മലപ്പുറത്ത്‌ appeared first on Valanchery Online.

ബൈക്കിനെ വെല്ലും അബ്ദുറഹ്മാന്റെ ചങ്ക് സൈക്കിൾ

രാജേഷ് വി അമല — Mon, 12 Nov 2018 22:10:57 +0000

കോട്ടക്കൽ:ഇൻഡിക്കേറ്ററുകൾ, വിവിധ സിഗ്നൽ ഹോണുകൾ, എമർജൻസി ലൈറ്റുകൾ, ക്യാരി ബാഗ്, ബ്ലൂട്ടൂത്തു വഴിയുള്ള പാട്ടുപെട്ടിയിലെ നിലയ്ക്കാത്ത സംഗീതം, പറഞ്ഞറിയിക്കാനാവാത്ത മറ്റു മായക്കാഴ്ചകൾ… അതിരുമട സ്വദേശിയായ നെല്ലിക്കാട്ടിൽ അബ്ദുറഹിമാൻ നിധിപോലെ കൊണ്ടുനടക്കുന്ന തന്റെ ചങ്ക് സൈക്കിളിന്റെ വിശേഷങ്ങളാണിതൊക്കെ.ഒരു എഞ്ചിൻന്റെ കുറവ് മാത്രമേ ഇനി ഇതിനുള്ളൂ.മറ്റെല്ലാമുണ്ട്.

ഏകദേശം ഒരു വർഷം മുൻപായിരുന്നു സൈക്കിൾ യാത്ര എന്ന ആശയം അബ്ദു റഹിമാന്റെ മനസ്സിൽ ഉദിച്ചത്.രണ്ടത്താണിയിൽ ഈർച്ചമില്ലിലെ ജോലിക്കാരനായ ഇദ്ദേഹത്തിന് വണ്ടികളിലുള്ള യാത്ര ബുദ്ധിമുട്ടായി തോന്നിത്തുടങ്ങി. തുടർന്ന് ഒരു ബൈക്ക് വാങ്ങിക്കാൻ ബന്ധുക്കളും അയവാസിയും ഉപദേശിച്ചെങ്കിലും അബ്ദുറഹിമാന്റെ ചിന്ത ആ വഴിക്കല്ല പോയത്.ഇന്ധനത്തിന്റെ വിലയും ആരോഗ്യമുള്ളൊരു യാത്രയും ഓർത്തപ്പോൾ മറ്റൊന്നും ആലോചിച്ചില്ല.. അങ്ങനെയൊരു സെക്കൻ ഹാൻഡ് സൈക്കിൾ വാങ്ങിച്ചു. തുടർന്നാണ് ഈ കാണുന്ന വിധത്തിലേക്ക് മാറ്റിയെടുത്തത്. എല്ലാം സ്വന്തമായാണ് ചെയ്തത്. തിരൂരിൽനിന്നും മറ്റുമുള്ള സുഹൃത്ത്യക്കളുടെ സഹായത്തോടെയായിരുന്നു വാഹനങ്ങളുടെ പാർട്സുകൾ സംഘടിപ്പിച്ചത്.

വെറുമൊരു മോടിപിടിപ്പിച്ച സൈക്കിൾ യാത്രയല്ല അബ്ദുറഹിമാനിത്. തന്നിലൂടെ ചിലത് സമൂഹത്തോട് അറിയിക്കുന്നുമുണ്ടിദ്ദേഹം. പൂർണമായും റോഡ് നിയമങ്ങൾ പാലിച്ചുകൊണ്ടാണ് യാത്ര. എതിർദിശയിൽ വാഹനങ്ങൾ വരുമ്പോൾ വിവിധതരം ലൈറ്റുകൾ സൂചന നൽകും. വാഹനമോടിക്കുമ്പോൾ ശ്രദ്ധയോടെയും റോഡുനിയമങ്ങൾ പാലിക്കണമെന്നാണ് അബ്ദുറഹിമാന് മറ്റുള്ളവർക്ക് നൽകാനുള്ള ഉപദേശം.

ജന്മദേശമായ തമിഴ്നാട്ടിൽ നിന്നും അതിരുമടയിലെത്തിയിട്ട് പതിനഞ്ചു വർഷം കഴിഞ്ഞു.എല്ലാം പടച്ചവന്റേതാണ് എന്ന അറബി ലിപിയിലുള്ള ഒരെഴുത്തുണ്ട് സൈക്കിളിനു മുന്നിൽ.ഏറെ ചിട്ടകൾ പിൻതുടരുന്ന അബ്ദുറഹിമാൻ തന്റെ സൈക്കിൾ ജീവിതത്തിലൂടെ നൽകുന്നത് ചെറുതല്ലാത്ത ജീവനോപദേശങ്ങളാണ്.
7:53 AM

The post ബൈക്കിനെ വെല്ലും അബ്ദുറഹ്മാന്റെ ചങ്ക് സൈക്കിൾ appeared first on Valanchery Online.

യെസ്ഡിയിലേറി അവർ വന്നപ്പോൾ ഓർമകൾ ബൈക്കിലേറി പിന്നോട്ടോടി

വളാഞ്ചേരിക്കാരൻ — Mon, 09 Jul 2018 02:41:21 +0000

മലപ്പുറം ∙ ‌ഒരുതലമുറയെ മുഴുവൻ കൊതിപ്പിച്ച് ചീറിപ്പാഞ്ഞ പഴയ താരങ്ങൾ വീണ്ടും നിരത്തിലിറങ്ങി. 1962 മുതൽ 1996 വരെയുള്ള കാലത്ത് ഇറങ്ങിയ ജാവാ യെസ്ഡി ബൈക്കുകളുമായി ടീം ഏറനാട്ടിലെ അംഗങ്ങളാണ് മലപ്പുറത്ത് ഒത്തുചേർന്നത്. രാജ്യാന്തര ജാവാ ദിനാഘോഷത്തോടനുബന്ധിച്ച് ജില്ലയുടെ വിവിധ ഭാഗങ്ങളിൽനിന്നും പാലക്കാട് ജില്ലയിൽ നിന്നുമെത്തിയ യുവാക്കൾ 23 ജാവാ യെസ്ഡി ബൈക്കുകളുമായി മലപ്പുറത്തിന്റെ വീഥിയും ഹൃദയവും കീഴടക്കി. പഴയ ചെക്കോസ്ലോവാക്യൻ കമ്പനിയായ ജാവയാണ് ഇന്ത്യയിൽ യെസ്ഡി ബൈക്കുകൾ നിർമിച്ചു തുടങ്ങിയത്. 22 വർഷം മുൻപ് ഉൽപാദനം നിർത്തി.

ഇപ്പോഴും യെസ്ഡി ബൈക്ക് മോഹവില നൽകി സ്വന്തമാക്കാൻ ആളുകളുണ്ട്. 50 അംഗങ്ങളുള്ള ഗ്രൂപ്പാണ് ടീം ഏറനാട്. ജാവാ യെസ്ഡി ബൈക്കുകളും വിന്റേജ് വാഹനങ്ങളും സ്വന്തമായുള്ളവരാണ് അംഗങ്ങൾ. അംഗങ്ങൾക്ക് സുരക്ഷിത വാഹനം ഓടിക്കൽ അടക്കമുള്ള വിഷയങ്ങളിൽ ബോധവൽക്കരണം നൽകൽ, യെസ്ഡി ബൈക്കിൽ ഏറ്റവും കൂടുതൽ റെയ്ഡിനു പോയ അപ്പു, ലഡാക്കിലേക്ക് സാഹസിക യാത്ര നടത്തിയ ശ്രീരാഗ് എന്നിവരെ അനുമോദിക്കൽ എന്നിവയും നടന്നു. പ്രസിഡന്റ് സൽമാൻ മക്കരപ്പറമ്പ്, സെക്രട്ടറി സന്തോഷ്, വിദ്യ, ഇർഫാൻ, റാഷിദ് എന്നിവർ പ്രസംഗിച്ചു.

The post യെസ്ഡിയിലേറി അവർ വന്നപ്പോൾ ഓർമകൾ ബൈക്കിലേറി പിന്നോട്ടോടി appeared first on Valanchery Online.