swagath inn Archives - Valanchery Online

‘സർക്കാരിന്റെ സമീപനം മദ്യ മുതലാളിമാരെ താലോലിക്കുന്നത്’-മുനവ്വറലി ശിഹാബ് തങ്ങൾ

വളാഞ്ചേരിക്കാരൻ — Sun, 04 Feb 2018 01:46:20 +0000

വളാഞ്ചേരി: സാധാരണക്കാരുടെ അടിസ്ഥാന ആവശ്യങ്ങളെ

അവഗണിക്കുകയും മദ്യ മുതലാളിമാരെ താലോലിക്കുകയും ചെയ്യുന്ന ഇടതു സർക്കാറിന്റെ സമീപനം കേരളത്തോടു ചെയ്യുന്ന കടുത്ത അനീതിയാണെന്ന് മുസ്‍ലിം യൂത്ത്‍ ലീഗ് സംസ്ഥാന പ്രസിഡന്റ് പാണക്കാട് മുനവ്വറലി ശിഹാബ് തങ്ങൾ.

കഴിഞ്ഞ ഒന്നര മാസമായി വളാഞ്ചേരിയിൽ ബാർ വിരുദ്ധ ആക്‌ഷൻ സമിതി നടത്തുന്ന ധർണയിലെ ഇന്നലത്തെ സമര പരിപാടി ഉദ്ഘാടനം ചെയ്യുകയായിരുന്നു അദ്ദേഹം. മുനിസിപ്പൽ മുസ്‍ലിം ലീഗ് പ്രസിഡന്റ് അഷ്റഫ് അമ്പലത്തിങ്ങൽ ആധ്യക്ഷ്യം വഹിച്ചു. ഡോ. എൻ.എം.മുജീബ് റഹ്മാൻ, കെ.എം.അബ്ദുൽ ഗഫൂർ, സി.എച്ച്.അബൂയൂസഫ് ഗുരുക്കൾ, സലാം വളാഞ്ചേരി, സി.അബ്ദുന്നാസർ, യു.യൂസഫ്, മുഹമ്മദലി നീറ്റുകാട്ടിൽ, സി.ദാവൂദ്, പി.വി.ഇക്ബാൽ, കെ.ബി.കുഞ്ഞിപ്പ എന്നിവർ പ്രസംഗിച്ചു.

The post ‘സർക്കാരിന്റെ സമീപനം മദ്യ മുതലാളിമാരെ താലോലിക്കുന്നത്’-മുനവ്വറലി ശിഹാബ് തങ്ങൾ appeared first on Valanchery Online.

വളാഞ്ചേരിയിലെ പുതിയ ബാറിനെതിരെ പോരാടും- ലഹരിവിരുദ്ധസമിതി

വളാഞ്ചേരിക്കാരൻ — Sun, 22 Jan 2017 02:33:35 +0000

വളാഞ്ചേരി: ടൗണില്‍ പുതിയതായി തുടങ്ങുന്ന ബാറിനെതിരെ നിയമയദ്ധം നടത്താന്‍ നന്മ ലഹരിവിരുദ്ധസമിതി തീരുമാനിച്ചു. ബാറിനു മുന്നില്‍ അനിശ്ചിതകാല സത്യഗ്രഹമുള്‍പ്പെടെയുള്ള ജനകീയസമരങ്ങള്‍ നടത്താനും സമിതി തീരുമാനിച്ചു.
ഇയ്യച്ചേരി കുഞ്ഞികൃഷ്ണന്‍ ഉദ്ഘാടനം ചെയ്തു.സലാം വളാഞ്ചേരി അധ്യക്ഷത വഹിച്ചു.മുജീബ് കോക്കൂര്‍,ടി.പി.മൊയ്തീന്‍കുട്ടി,അഷ്‌റഫ് അമ്പലത്തിങ്ങല്‍,ഷുക്കൂര്‍ കാവുംമ്പുറം,അനസ് മുക്കിലപ്പീടിക,പൈങ്കല്‍ ഹംസ തുടങ്ങിയവര്‍ പ്രസംഗിച്ചു.

The post വളാഞ്ചേരിയിലെ പുതിയ ബാറിനെതിരെ പോരാടും- ലഹരിവിരുദ്ധസമിതി appeared first on Valanchery Online.

നക്ഷത്ര ഹോട്ടലില്‍ മദ്യശാല തുടങ്ങാനുള്ള അനുമതി : വളാഞ്ചേരി നഗരസഭയില്‍ വിവാദം രൂക്ഷം

വളാഞ്ചേരിക്കാരൻ — Sun, 15 Jan 2017 00:56:53 +0000

വളാഞ്ചേരി: നഗരസഭയില്‍ നക്ഷത്ര ഹോട്ടലില്‍ മദ്യശാല തുടങ്ങാനുള്ള അനുമതിക്കുള്ള എന്‍ഒസി നേടിയെടുത്തതുമായിബന്ധപ്പെട്ട വിവാദം കൊഴുക്കുന്നു. മദ്യശാലയ്ക്ക് അനുമതി തേടിക്കൊണ്ട് സര്‍ക്കാരിലേയ്ക്ക് അപേക്ഷ നല്‍കുന്നതിന് വളാഞ്ചേരി നഗരസഭയുടെ അനുമതി പത്രം ലഭിക്കാന്‍ പട്ടാമ്പി റോഡിലെ സ്വാഗത് ഇൻ നഗരസഭയ്ക്ക് അപേക്ഷ നല്‍കിയിരുന്നു. ഒരുമാസം കഴിഞ്ഞിട്ടും അപേക്ഷകന് അനുമതി പത്രം ലഭിക്കുന്നതുമായി ബന്ധപ്പെട്ട് നഗരസഭ യാതൊരു മറുപടിയും നല്‍കാതിരുന്നതിനാല്‍ ഹോട്ടലുടമകള്‍ ഹൈക്കോടതിയില്‍ കേസ് ഫയല്‍ ചെയ്തു. തുട ര്‍ന്ന് കോടതി മുഖേന അനുമതി പത്രം നേടിയെടുത്തു. ഇതാണ് വിവാദങ്ങള്‍ക്കിടയിയായത്. എന്നാല്‍ ഭരണസമിതി സമയപരിധി കഴിഞ്ഞതിന് ശേഷം ഐക്യകണ്‌ഠേന അനുമതി നല്‍കുന്നതിനെതിരേ തീരുമാനമെടുത്തിരുന്നെങ്കിലും ഇതിനു നിയമസാധുത ഇല്ലെന്നാണ് ഹൈക്കോടതി ഉത്തരവില്‍ പറയുന്നത്. 2016 ജൂണ്‍ മാസത്തിലാണ് ഹൈക്കോടതി ഉത്തരവുണ്ടായത്. എന്‍ഒസി അനുവദിച്ചതായി കോടതി ഉത്തരവുണ്ടെന്ന വിവരം അഭിഭാഷകന്‍ ദണ്ഡപാണി അസോസിയേറ്റ്‌സ് നഗരസഭാ സെക്രട്ടറിയെ രേഖാമൂലം അറിയിച്ചിരുന്നു. പിന്നീട് വിധിപകര്‍പ്പും നഗരസഭയ്ക്ക് നല്‍കിയിരുന്നു. എന്നാല്‍ നഗരസഭ ഭരണ സമിതി ഈ കാര്യങ്ങള്‍ അറിയാന്‍ വൈകിപ്പോയെന്നാണു ഭരണ സമിതിയിലെ മുതിര്‍ന്ന അംഗം പറഞ്ഞത്. ഉദ്യോഗസ്ഥരുടെ വീഴ്ചയാണ് ഇത്തരം ഒരബദ്ധം പറ്റിയതിന് കാരണമെന്ന് പറയപ്പെടുന്നു. എന്നാല്‍ അപ്പപ്പോള്‍ വരുന്ന കാര്യങ്ങള്‍ ഉത്തരവാദപ്പെട്ട നഗരസഭാ ചെയര്‍പേഴ്‌സനെയും മറ്റ് അംഗങ്ങളെയും അറിയിക്കാറുണ്ടെന്നാണ് നഗരസഭ മുന്‍ സെക്രട്ടറി പറഞ്ഞത്. എന്നാല്‍ വിഷയം വിവാദമായപ്പോള്‍ ഉദ്യോഗസ്ഥരെ കുറ്റപ്പെടുത്തി തടിയൂരാനാണ് ഭരണ സമിതി ശ്രമിക്കുന്നതെന്ന് ജീവനക്കാരും പറയുന്നു.ഏതായാലും വളാഞ്ചേരി നഗരസഭയില്‍ ബാര്‍ വിഷയം വലിയ വിവാദത്തിലേയ്ക്കു നീങ്ങുകയാണ്. നഗരസഭ പഞ്ചായത്തായിരുന്ന സമയത്ത് എന്‍ഒസിക്ക് അപേക്ഷ നല്‍കിയിരുന്നെങ്കിലും എല്‍ഡിഎഫ് ഭരണ സമിതി അപേക്ഷ നിരസിച്ചിരുന്നതായും യുഡിഎഫ് ഭരണ സമിതിയുടെ വീഴ്ചയും അലംഭാവവുമാണ് ഇത്തരത്തില്‍ ബാറിന് എന്‍ഒസി ലഭിക്കാനിടയായതെന്നും മുന്‍ പഞ്ചായത്ത് പ്രസിഡന്റും ഇപ്പോള്‍ പ്രതിപക്ഷ നേതാവുമായ ടി പി അബ്ദുല്‍ഗഫൂര്‍ പറഞ്ഞു.

The post നക്ഷത്ര ഹോട്ടലില്‍ മദ്യശാല തുടങ്ങാനുള്ള അനുമതി : വളാഞ്ചേരി നഗരസഭയില്‍ വിവാദം രൂക്ഷം appeared first on Valanchery Online.