perinthalmanna muncipality Archives - Valanchery Online

മാലിന്യ സംസ്കരണത്തിലൂടെ നൂതന വരുമാന വർദ്ധന പ്രവർത്തനങ്ങൾ; പെരിന്തൽമണ്ണ നഗരസഭയ്ക്ക്‌ ദേശീയ അംഗീകാരം

വളാഞ്ചേരിക്കാരൻ — Fri, 15 Feb 2019 13:49:58 +0000

ന്യൂ ഡൽഹി: കേന്ദ്ര നഗരകാര്യ വകുപ്പ്‌ ദേശീയ നഗര ഉപജീവന ദൗത്യം (NULM) പദ്ധതിയുടെ ഭാഗമായി മാലിന്യ സംസ്കരണത്തിലൂടെ നൂതന വരുമാന വർദ്ധന പ്രവർത്തനങ്ങൾക്ക്‌ ഏർപ്പെടുത്തിയ സ്വഛത എക്സലൻസ്‌ അവാർഡിന്‌ പെരിന്തൽമണ്ണ നഗരസഭയിലെ കണക്കഞ്ചേരി എ.എൽ.എഫ്‌ അർഹത നേടി.

2 ലക്ഷം രൂപയും ഷീൽഡുമടങ്ങുന്ന എക്സലൻസ് അവാർഡ് കേന്ദ്ര ധനകാര്യ സെക്രട്ടറി ദുർഗ്ഗാ ശങ്കർ മിശ്രയിൽ നിന്ന് പെരിന്തൽമണ്ണ നഗരസഭ ചെയർമാൻ എം.മുഹമ്മദ് സലീന്റെ നേതൃത്വത്തിലുള്ള സംഘം ഏറ്റുവാങ്ങി.

വാർഡ് തല പ്രവർത്തനങ്ങൾ നിരീക്ഷിച്ച് പ്രഖ്യാപിച്ച അവാർഡിൽ മികച്ച പ്രവർത്തനം നടത്തിയ ചെയർമാന്റെ വാർഡ് കൂടിയായ 11-ാം വാർഡ് പഞ്ചമ ജീവനം കുടുംബശ്രീ യൂണിറ്റിനാണ് ഈ വർഷത്തെ കേന്ദ്ര സർക്കാറിന്റെ സ്വച്ഛദാ എക്സലൻസ് അവാർഡ് ലഭിച്ചത്. നഗരസഭാ ജീവനം ശുചിത്വ പദ്ധതിയുടെ ഭാഗമായി നടപ്പാക്കുന്ന വിവിധങ്ങളായ മാലിന്യ സംസ്കരണ പ്രവർത്തനങ്ങൾ വിലയിരുത്തിയും, ഖര-ജൈവ മാലിന്യങ്ങളുടെ ശാസ്ത്രീയമായ സംസ്കരണം, വീടുകളും, പൊതുസ്ഥലങ്ങളും കേന്ദ്രീകരിച്ചിട്ടുള്ള മാലിന്യനിർമ്മാർജ്ജനം, മാലിന്യം റീസൈക്കിൾ ചെയ്ത് പുനഃചംക്രമണ ഉപയോഗത്തിന് വിധേയമാക്കൽ തുടങ്ങിയ വ്യത്യസ്തങ്ങളായ മേഖലകൾ പരിശോധിച്ചാണ് നഗരസഭ അവാർഡിനർഹമായത്.

ന്യൂഡൽഹിയിൽ വിജ്ഞാൻ ഭവൻ ഹാൾ നമ്പർ 5 ൽ നടന്ന ചടങ്ങിൽ ചെയർമാനെ കൂടാതെ കുടുംബശ്രീ സംസ്ഥാന മിഷൻ ഡയറക്ടർ ഹരികിഷോർ ഐ എ എസ്, സ്റ്റേറ്റ് മിഷൻ മാനേജർ (NULM) ജയ്സൺ കെ, നഗരസഭ സിറ്റി സാനിറ്റേഷൻ മാനേജർ സുബൈറുൽ അവറാൻ, ജീവനം സൊലൂഷൻ സെക്രട്ടറി എം.അമ്മിണി ടീച്ചർ, നഗരസഭ പതിനൊന്നാം വാർഡ് ജീവനം സൂപ്പർവൈസർ കെപി അംബുജം എന്നിവർ അവാർഡ്ദാന ചടങ്ങിൽ പങ്കെടുത്തു.

The post മാലിന്യ സംസ്കരണത്തിലൂടെ നൂതന വരുമാന വർദ്ധന പ്രവർത്തനങ്ങൾ; പെരിന്തൽമണ്ണ നഗരസഭയ്ക്ക്‌ ദേശീയ അംഗീകാരം appeared first on Valanchery Online.

വളാഞ്ചേരി നഗരസഭ ബസ്റ്റാന്റിൽ സൗജന്യ വൈഫൈ സംവിധാനം നിലവിൽ വന്നു.

വളാഞ്ചേരിക്കാരൻ — Fri, 26 Oct 2018 20:03:44 +0000

വളാഞ്ചേരി : നഗരസഭയുടെ സഹകരണത്തോടെ സംസ്ഥാന സർക്കാർ ഐ ടി മിഷൻന്റെ നേതൃത്വത്തിൽ വളാഞ്ചേരി നഗരസഭ ബസ് സ്റ്റാന്റിൽ സൗജന്യ വൈഫൈ സംവിധാനം ആരംഭിച്ചു.ബസ്റ്റാന്റിന്റെ നൂറ് മീറ്റർ പരിധിയിൽ ഇനി സൗജന്യമായി ഇന്റെർനെറ്റ് ഉപയോഗിക്കാം. നഗരസഭ സ്വരാജ് ലൈബ്രറി ഹാളിനകത്താണ് വൈഫൈ യൂണിറ്റ് സ്ഥാപിച്ചിട്ടുള്ളത്. സൗജന്യ വൈഫൈ സംവിധാനത്തിന്റെ ഉദ്ഘാടനം നഗരസഭാ ചെയർപേഴ്സൺ സി.കെ റുഫീന നിർവ്വഹിച്ചു.

രണ്ടാം ഘട്ടത്തിൽ നഗരസഭ ഓഫീസ് പരിസരത്തും വൈഫൈ സംവിധാനം നിലവിൽ വരും. നഗരസഭ വൈസ് ചെയർമാൻ കെ.വി.ഉണ്ണിക്കൃഷ്ണൻ അദ്ധ്യക്ഷത വഹിച്ചു. മാരാമത്ത് സ്ഥിര സമിതി അധ്യക്ഷൻ സി.അബ്ദുന്നാസർ, കൗൺസിലർമാരായ ടി.പി. അബ്ദുൾ ഗഫൂർ, ഇ.പി. മുഹമ്മദ് യഹ്യ , ടി.പി. രഘുനാഥ്, ലൈബ്രേറിയൻ നൂറുൽ ആബിദ് നാലകത്ത്, ടി.ടി. മുഹമ്മദ് ബഷീർ, പി.എം. സുരേഷ് മാസ്റ്റർ, റിയാസ് കല്ലിങ്ങൽ എന്നിവർ സംസാരിച്ചു.

The post വളാഞ്ചേരി നഗരസഭ ബസ്റ്റാന്റിൽ സൗജന്യ വൈഫൈ സംവിധാനം നിലവിൽ വന്നു. appeared first on Valanchery Online.

പെരിന്തല്‍മണ്ണ നഗരസഭയുടെ സ്വന്തം ജൈവഅരി ‘ജീവനം’ വില്പനയ്ക്ക്

വളാഞ്ചേരിക്കാരൻ — Wed, 28 Feb 2018 08:33:30 +0000

പെരിന്തല്‍മണ്ണ: സ്വന്തമായി നടത്തിയ ജൈവകൃഷിയിലെ അരി വില്പനക്കൊരുക്കി പെരിന്തല്‍മണ്ണ നഗരസഭ. നഗരസഭയുടെ ജൈവ ശുചിത്വ സുന്ദരനഗരം പദ്ധതിയായ ജീവനത്തിന്റെ കീഴിലാണ് ജൈവകൃഷിയിറക്കിയത്.

ഇതിലൂടെ ലഭിച്ച നെല്ലിന്റെ ഒരു വിഹിതമാണ് അരിയാക്കിയത്. പത്തുകിലോഗ്രാം വീതമുള്ള പ്രത്യേക പായ്ക്കറ്റിലാക്കിയാണ് വില്പന. 650 രൂപയാണ് ഒരു പായ്ക്കറ്റിന് വില. ഇതോടൊപ്പം മട്ടഅവില്‍ 500 ഗ്രാമിന് 35 രൂപ നിരക്കിലും വില്പനയ്ക്ക് തയ്യാറായി.

15 വര്‍ഷമായി തരിശായിക്കിടന്ന കരിങ്കറ കിള പാടശേഖരത്തിലെ 65 ഏക്കര്‍ സ്ഥലത്താണ് ജീവനം പദ്ധതിയില്‍ കൃഷിയിറക്കിയത്. നാടന്‍നെല്ലിനത്തില്‍പ്പെട്ട ഉമ വിത്താണ് കൃഷി ചെയ്തത്. ഈവര്‍ഷത്തെ വിളവില്‍ ഒരു വിഹിതം നെല്ലായി മില്ലുകള്‍ക്ക് നല്‍കി. കഴിഞ്ഞവര്‍ഷവും കൃഷി ചെയ്തുണ്ടാക്കിയ ജൈവ അരിക്ക് ആവശ്യക്കാരേറെയായിരുന്നു. ഇതേത്തുടര്‍ന്നാണ് ഒരുവിഹിതം ഇത്തവണയും അരിയാക്കി വില്‍ക്കുന്നത്. ജൈവഅരിയുടെയും അവിലിന്റെയും വിപണന ഉദ്ഘാടനം ജീവനം സൊല്യൂഷന്‍ പ്രസിഡന്റ് ഷാന്‍സി നന്ദകുമാറില്‍നിന്ന് ഏറ്റുവാങ്ങി നഗരസഭാധ്യക്ഷന്‍ എം. മുഹമ്മദ് സലീം നിര്‍വഹിച്ചു.

ഉപാധ്യക്ഷ നിഷി അനില്‍രാജ്, നഗരസഭാംഗം പത്തത്ത് ആരിഫ്, കൃഷി ഓഫീസര്‍ മാരിയത്ത് കിബ്ത്തിയ, ജീവനം മാനേജര്‍ കെ. ജയന്‍, കര്‍ഷകരായ ടി. കൃഷ്ണന്‍കുട്ടി, സി. സത്താര്‍, കെ. ഷബീര്‍ തുടങ്ങിയവര്‍ പങ്കെടുത്തു.

ജൈവഅരി പെരിന്തല്‍മണ്ണ ടൗണ്‍ഹാളിന്റെ പിറകില്‍ കക്കൂത്ത് റോഡിലെ ജീവനം സൊല്യൂഷന്‍ ഓഫീസില്‍ ലഭിക്കും. വിവരങ്ങള്‍ക്ക്- 7902314384, 9562916763.

The post പെരിന്തല്‍മണ്ണ നഗരസഭയുടെ സ്വന്തം ജൈവഅരി ‘ജീവനം’ വില്പനയ്ക്ക് appeared first on Valanchery Online.