kottur Archives - Valanchery Online

റോഡ് പ്രവൃത്തി; കോട്ടൂർ-പത്തായക്കല്ല്-മരവട്ടം- റോഡിൽ ഗതാഗതം നിരോധിച്ചു

വളാഞ്ചേരിക്കാരൻ — Wed, 17 May 2023 01:15:23 +0000

മാറാക്കര: കോട്ടൂർ-പത്തായക്കല്ല്-മരവട്ടം- റോഡിൽ പ്രവൃത്തി ആരംഭിക്കുന്നതിനാൽ 17മുതൽ പ്രവൃത്തി തീരുന്നതുവരെ ഗതാഗതം നിരോധിച്ചു. വാഹനങ്ങൾ വട്ടപ്പറമ്പ്-കാടാമ്പുഴ, ചേണ്ടി-കടന്നാമുട്ടി, കോട്ടയ്ക്കൽ-ആമ്പാറ-കാടാമ്പുഴ വഴി തിരിഞ്ഞുപോകണമെന്ന് എക്‌സിക്യുട്ടീവ് എൻജിനീയർ അറിയിച്ചു.

The post റോഡ് പ്രവൃത്തി; കോട്ടൂർ-പത്തായക്കല്ല്-മരവട്ടം- റോഡിൽ ഗതാഗതം നിരോധിച്ചു appeared first on Valanchery Online.

കോട്ടൂർ എ.കെ.എം ഹയർ സെക്കൻഡറി സ്പോർട്സ് അകാദമി സംഘടിപ്പിച്ച യൂറോ, കോപ്പ ഫുട്ബോൾ പ്രവചന വിജയികൾക്ക് സമ്മാനങ്ങൾ നൽകി

വളാഞ്ചേരിക്കാരൻ — Tue, 27 Jul 2021 15:13:30 +0000

കോട്ടക്കൽ :കോട്ടൂർ എ.കെ.എം ഹയർസെക്കൻഡറി സ്പോർട്സ് അകാദമി സംഘടിപ്പിച്ചയൂറോ, കോപ്പ ഫുട്ബോൾ പ്രവചന മത്സരത്തിന്റെ സമ്മാനങ്ങൾ വിതരണം ചെയ്തു.വിദ്യാലയത്തിലെ വിദ്യാർത്ഥികൾക്കും, രക്ഷിതാക്കൾക്കും, അധ്യാപകർക്കും വേണ്ടിയായിരുന്നു മത്സരം സംഘടിപ്പിച്ചത്.യൂറോ വിജയി ഒമ്പതാം ക്ലാസ് പഠിക്കുന്ന ടി.ജെ സ്മൃതിയെയും കോപ്പ വിജയി ആറാം ക്ലാസിൽ പഠിക്കുന്ന മുഹമ്മദ് ഹിഷാമിനെയും തിരഞ്ഞെടുത്തു. അധ്യാപകരായ സമീർ, അശ്വതി, കെ ജൗഹർ , പി ഷെഫീഖ് എന്നിവർ സംബന്ധിച്ചു.

The post കോട്ടൂർ എ.കെ.എം ഹയർ സെക്കൻഡറി സ്പോർട്സ് അകാദമി സംഘടിപ്പിച്ച യൂറോ, കോപ്പ ഫുട്ബോൾ പ്രവചന വിജയികൾക്ക് സമ്മാനങ്ങൾ നൽകി appeared first on Valanchery Online.

മലപ്പുറം ഉപജില്ലാ സ്‌കൂൾ കലോത്സവം നവംബർ നാലു മുതൽ കോട്ടൂർ എ.കെ.എം. ഹയർസെക്കൻഡറി സ്‌കൂളിൽ

വളാഞ്ചേരിക്കാരൻ — Mon, 07 Oct 2019 11:53:25 +0000

കോട്ടയ്ക്കൽ: മലപ്പുറം ഉപജില്ലാ സ്‌കൂൾ കലോത്സവം കോട്ടൂർ എ.കെ.എം. ഹയർസെക്കൻഡറി സ്‌കൂളിൽ നവംബർ 4,5,6,7 തീയതികളിൽ നടത്താൻ തീരുമാനിച്ചു. ഇതിന്റെ ഭാഗമായി സ്വാഗത സംഘം രൂപവത്കരിച്ചു. യോഗം നഗരസഭാധ്യക്ഷൻ കെ.കെ. നാസർ ഉദ്ഘാടനംചെയ്തു. പി.ടി.എ. പ്രസിഡന്റ് ജുനൈദ് പരവക്കൽ അധ്യക്ഷനായി. മലപ്പുറം ഉപജില്ലാ ഓഫീസർമാരായ ഷാജൻ, ഹസീന, പ്രിൻസിപ്പൽ അലി കടവണ്ടി, പ്രഥമാധ്യാപകൻ ബഷീർ കുരുണിയൻ എന്നിവർ പങ്കെടുത്തു.

The post മലപ്പുറം ഉപജില്ലാ സ്‌കൂൾ കലോത്സവം നവംബർ നാലു മുതൽ കോട്ടൂർ എ.കെ.എം. ഹയർസെക്കൻഡറി സ്‌കൂളിൽ appeared first on Valanchery Online.

കോട്ടൂർ എ.കെ.എം ഹയർ സെക്കഡറി സ്കൂൾ “ആയിരം കാന്താരി” പദ്ധതിക്ക് തുടക്കമായി

വളാഞ്ചേരിക്കാരൻ — Fri, 01 Feb 2019 02:08:47 +0000

കോട്ടക്കൽ: കോട്ടൂർ എ.കെ.എം ഹയർ സെക്കഡറി സ്കൂൾ നടപ്പാക്കുന്ന ആയിരം കാന്താരി ദ്വി വത്സര കൃഷിവ്യാപന പദ്ധതിക്ക് തുടക്കമായി.മൂന്ന് ഘട്ടങ്ങളിലായി രണ്ട് വർഷത്തിനകം ആയിരം വീടുകളിൽ കാന്താരി മുളകിൽ തൈകൾ വിതരണം ചെയ്യുന്നതാണ് പദ്ധതി. ലോക്സഭാംഗം പി.കെ കുഞ്ഞാലിക്കുട്ടിയുടെ വീട്ടിൽ തൈ നൽകി ഉദ്ഘാടനം നിർവ്വഹിച്ചു.

ജനപ്രതിനിധികൾ, തെരെഞ്ഞെടുക്കപ്പെട്ട വിദ്യാർത്ഥികൾ, രക്ഷിതാക്കൾ, എന്നിവർക്കായി ആദ്യഘട്ടത്തിൽ മുന്നൂറ് തൈകൾ വിതരണം ചെയ്യും. പ്രധാന അധ്യാപകൻ ബഷീർ കുരുണിയൻ, പി.ടി.എ പ്രസിഡന്റ് ജുനൈദ് പരവക്കൽ, എം സെമീർ ,വിദ്യാർത്ഥികളായ മയൂഖ്,സൂരജ്, നിയാസ് എന്നിവർ നേതൃത്വം നൽകി.

The post കോട്ടൂർ എ.കെ.എം ഹയർ സെക്കഡറി സ്കൂൾ “ആയിരം കാന്താരി” പദ്ധതിക്ക് തുടക്കമായി appeared first on Valanchery Online.

പാടം ഒരു പാഠം; ജനകീയ കൊയ്ത്തുത്സവം ഉത്സവമാക്കി കോട്ടൂർ സ്കൂൾ വിദ്യാർഥികൾ

വളാഞ്ചേരിക്കാരൻ — Tue, 22 Jan 2019 00:47:58 +0000

കോട്ടക്കൽ: പാടം ഒരു പാഠം പദ്ധതിയുടെ ഭാഗമായി കോട്ടൂർ എ.കെ.എം ഹയർ സെക്കഡറി സ്കൂൾ ഹരിതസേനയുടെയും എൻ എസ് എസ് യൂണിറ്റും സംയുക്തമായി വില്ലൂർ പാടത്തിറക്കിയ നെൽ കൃഷി വിളവെടുത്തു. വിളവെടുത്ത നെല്ല് “കോട്ടൂർ റൈസ് ” എന്ന ബ്രാൻഡിൽ അഞ്ചിനം മൂല്യവർധിത ഉൽപന്നങ്ങളായി വിപണിയിലെത്തിക്കുകയാണ് ലക്ഷ്യം.കോട്ടക്കൽ കൃഷിഭവൻ നൽകിയ പൊന്നി ഇനം വിത്താണ് ഉപയോഗിച്ചത്.ജനകീയ കൊയ്ത്തുൽസവം കോട്ടക്കൽ എം.എൽ.എ ആബിദ് ഹുസൈൻ തങ്ങൾ നിർവ്വഹിച്ചു. നഗരസഭാ ചെയർമാൻ കെ കെ നാസർ അദ്ധ്യക്ഷനായി.

ചടങ്ങിൽ സ്റ്റാന്റിംഗ് കമ്മറ്റി ചെയർ പേഴ്സൺ ടി.വി സുലൈഖാബി, സ്റ്റാന്റിംഗ് കമ്മിറ്റി ചെയർമാൻ അലവി തൈക്കാട്ട്, കൗൺസിലർമാരായ അബ്ദുറഹീം എന്ന നാണി, ലൈലാ റഷീദ്, കെ റംല, സ്കൂൾ മാനേജർ കെ ഇബ്രാഹീം ഹാജി,പ്രധാന അധ്യാപകൻ ബഷീർ കുരുണിയൻ, പ്രൻസിപ്പൽ അലി കടവണ്ടി, പി.ടി.എ പ്രസിഡന്റ് ജുനൈദ് പരവക്കൽ, പി.ടി.എ എക്സിക്യുട്ടീവ് അംഗങ്ങളായ സുബൈർ, ജയദേവൻ കോട്ടക്കൽ, മൊയ്തുപ്പഹാജി, അലവി പാപ്പായി ചടങ്ങിൽ സംബദ്ധിച്ചു.

The post പാടം ഒരു പാഠം; ജനകീയ കൊയ്ത്തുത്സവം ഉത്സവമാക്കി കോട്ടൂർ സ്കൂൾ വിദ്യാർഥികൾ appeared first on Valanchery Online.

കുളവാഴകൊണ്ട് സാനിറ്ററി പാഡുണ്ടാക്കി കോട്ടൂരിലെ കുട്ടി ശാസ്ത്രജ്ഞർ ബാല ശാസ്ത്രകോൺഗ്രസിലേക്ക്

വളാഞ്ചേരിക്കാരൻ — Tue, 13 Nov 2018 01:55:45 +0000

കോട്ടയ്ക്കൽ: ബാലശാസ്ത്ര കോൺഗ്രസിൽ പങ്കെടുക്കാൻ കുളവാഴ കൊണ്ടുള്ള സാനിറ്ററി നാപ്കിനുമായി കോട്ടൂർ എ.കെ.എം.എച്ച്.എസ്.എസ്സിലെ വിദ്യാർഥികൾ. കായലുകളിലും തോടുകളിലും കുളവാഴയുടെ വ്യാപനത്തിന് പരിഹാരമായാണ് കുട്ടികൾ പ്രോജക്ട് അവതരിപ്പിച്ചത്.

സ്‌കൂളിലെ പത്താംതരം വിദ്യാർഥികളായ ഇ. അശ്വതി, പി.വി. ഹെന്ന സുമി, എസ്. ശ്രീജേഷ് വാരിയർ എന്നിവരാണ് പഠനം നടത്തിയത്. ബയോളജി അധ്യാപകനായ കെ.എസ്. ശരത്തും കുട്ടികൾക്ക് പൂർണ പിന്തുണ നൽകി. 16,17 തീയതികളിൽ കോഴിക്കോട് നടക്കുന്ന ബാലശാസ്ത്ര കോൺഗ്രസിൽ പഠനം അവതരിപ്പിക്കും.

കുളവാഴ ഇവ വളരുന്ന ജലാശയങ്ങളിലെ ഓക്‌സിജന്റെ അളവ് കുറയ്ക്കുകയും കൂടുതൽ ജലനഷ്ടം വരുത്തുകയും ചെയ്യുന്നു. ഇതിനുപുറമേ കൊതുകിന്റെ പെരുപ്പ് നിരക്ക് കൂട്ടാനും ഇത് കാരണമാകുന്നു. ഇവയുടെ പൂർണമായ നിയന്ത്രണം ഫലപ്രദമല്ലെന്നതിനാൽ ഉപയോഗത്തിലൂടെ നിയന്ത്രണം എന്ന ആശയമാണ് ഇവർ‌ രൂപപ്പെടുത്തിയത്. കുളവാഴ ഉപയോഗിച്ചുള്ള സാനിറ്ററി നാപ്കിൻ നിർമാണമാണ് ഇവർ ചെയ്തത്. ഉണക്കിയെടുത്ത കുളവാഴ നാരും പരുത്തിയും ചേർത്താണ് സാനിറ്ററി നാപ്കിൻ നിർമ്മിച്ചത്. ഈ പരിസ്ഥിതി സൗഹൃദ നാപ്കിനുകൾ കമ്പോസ്റ്റ് ആക്കിമാറ്റുവാനും സാധിക്കും.

കുളവാഴയുടെ ഉപയോഗത്തിലൂടെ നിയന്ത്രണം എന്ന ആശയം പ്രാവർത്തികമാക്കിയാണ് സാനിറ്ററി നാപ്കിൻ ഉണ്ടാക്കിയത്. ഉണക്കിയെടുത്ത കുളവാഴ നാരും പരുത്തിയും ചേർത്താണ് സാനിറ്ററി നാപ്കിൻ നിർമിച്ചത്. പരിസ്ഥിതി സൗഹൃദ നാപ്കിനുകൾ കമ്പോസ്റ്റ് ആക്കിമാറ്റാനും സാധിക്കും. കുളവാഴയുടെ നിയന്ത്രണത്തോടൊപ്പം പ്ലാസ്റ്റിക് അടങ്ങിയ സാനിറ്ററി നാപ്കിനുകളുടെ നിർമാർജനവും നടക്കുന്നു. മലപ്പുറം ഉപജില്ലാ ശാസ്ത്രമേളയിൽ റിസർച്ച് ടൈപ്പ് പ്രോജക്ട്, ടീച്ചേഴ്‌സ് പ്രോജക്ട് എന്നിവയിലും ഒന്നാംസ്ഥാനം നേടി. വനിതാ ശിശുവികസന മന്ത്രി കെ.കെ. ശൈലജ, കൃഷിമന്ത്രി വി.എസ്. സുനിൽകുമാർ എന്നിവർക്ക് പഠനറിപ്പോർട്ട് സമർപ്പിച്ചു.

The post കുളവാഴകൊണ്ട് സാനിറ്ററി പാഡുണ്ടാക്കി കോട്ടൂരിലെ കുട്ടി ശാസ്ത്രജ്ഞർ ബാല ശാസ്ത്രകോൺഗ്രസിലേക്ക് appeared first on Valanchery Online.