Health Archives - Valanchery Online

അതീവ ഗുരുതരാവസ്ഥയിലായ മഹാരാഷ്ട്ര സ്വദേശിനിയായ വിദ്യാർത്ഥിനിയെ ജീവിതത്തിലേക്ക് മടക്കികൊണ്ടുവന്ന് കുറ്റിപ്പുറം താലൂക്ക് ആശുപത്രി ജീവനക്കാർ

വളാഞ്ചേരിക്കാരൻ — Sat, 28 Dec 2024 12:04:39 +0000

കുറ്റിപ്പുറം: മലപ്പുറം തവനൂര്‍ കാര്‍ഷിക കോളേജിലെ പി.എച്ച്.ഡി. വിദ്യാര്‍ത്ഥിനിയായ മൃണാളിനിയെ (24) സെപ്റ്റിക് ഷോക്ക് എന്ന അതീവ ഗുരുതരാവസ്ഥയില്‍ നിന്നും രക്ഷിച്ചെടുത്ത് കുറ്റിപ്പുറം താലൂക്ക് ആശുപത്രി. ജലാംശം അമിതമായി നഷ്ടപെട്ട് വൃക്കകളുടേയും കരളിന്റേയും പ്രവര്‍ത്തനം താറുമാറാകുകയും രക്തത്തില്‍ അണുബാധ ഉണ്ടാകുകയും ഷോക്കിലേക്ക് പോകുകയും ചെയ്തിരുന്നു. ആ അവസ്ഥയില്‍ നിന്നാണ് ഒരാഴ്ചത്തെ തീവ്ര പരിചരണവും കരുതലും നല്‍കി മൃണാളിനിയെ ജീവിതത്തിലേക്ക് തിരികെയെത്തിച്ചത്. ചികിത്സയും പരിചരണവും നല്‍കി വിദ്യാര്‍ത്ഥിനിയുടെ ജീവന്‍ രക്ഷിച്ച കുറ്റിപ്പുറം താലൂക്ക് ആശുപത്രിയിലെ മുഴുവന്‍ ജീവനക്കാരേയും ആരോഗ്യ വകുപ്പ് മന്ത്രി വീണാ ജോര്‍ജ് അഭിനന്ദിച്ചു.

ഒരാഴ്ച മുമ്പാണ് പനിയും വയറിളക്കവുമായി അവശ നിലയില്‍ മൃണാളിനിയെ കുറ്റിപ്പുറം താലൂക്ക് ആശുപത്രിയിലെത്തിച്ചത്. പരിശോധനയില്‍ രക്തത്തിലെ കൗണ്ടിന്റെ അളവില്‍ വ്യത്യാസം കണ്ടതിനാല്‍ അഡ്മിറ്റാകാന്‍ ഡോക്ടര്‍ നിര്‍ദേശിച്ചു. എന്നാല്‍ മൃണാളിനിയുടെ ബന്ധുക്കള്‍ കുട്ടിയെ സ്വദേശമായ മഹാരാഷ്ട്രയിലേക്ക് കൊണ്ട് പോയി ചികിത്സിച്ചോളാം എന്ന് നിര്‍ബന്ധം പിടിച്ചു. ഈ അവസ്ഥയില്‍ യാത്ര അപകടകാരമാണെന്നും രണ്ടു ദിവസം ഐസിയുവില്‍ കിടത്തി വിദഗ്ധ ചികിത്സ നല്‍കി ആരോഗ്യനില മെച്ചപ്പെട്ട ശേഷം പോകാമെന്നും ഡോക്ടര്‍ അറിയിച്ചു. രോഗാവസ്ഥ തിരിച്ചറിഞ്ഞ ബന്ധുക്കള്‍ അതോടെ സമ്മതമറിയിച്ചു. അങ്ങനെ മൃണാളിനിയെ ഐസിയുവില്‍ അഡ്മിറ്റാക്കി.

ആദ്യത്തെ രക്ത പരിശോധനാ ഫലം വന്നപ്പോള്‍ തന്നെ രോഗി ഗുരുതരാവസ്ഥയിലാണെന്ന് ബോധ്യമായി. ജലാംശം അമിതമായി നഷ്ട്ടപെട്ടിട്ടുണ്ട്. കരള്‍, വൃക്ക തുടങ്ങിയ അവയവങ്ങളുടെ പ്രവര്‍ത്തനം താറുമാറായിട്ടുണ്ട്. കൂടാതെ രക്തത്തില്‍ അണുബാധയുണ്ടായി സെപ്റ്റിക് ഷോക്ക് എന്ന അവസ്ഥയിലും. ഉടന്‍ തന്നെ മുഴുവന്‍ ടീമും സജ്ജമായി രോഗിയെ 24 മണിക്കൂറും ഐസിയുവില്‍ നിരീക്ഷണത്തിലാക്കി വിദഗ്ധ ചികിത്സ ഉറപ്പാക്കി. പക്ഷെ, പിറ്റേ ദിവസം വീണ്ടും കൗണ്ട് കുറയുകയും രക്തത്തിന്റെ അളവ് ക്രമാതീതമായി താഴുകയും ചെയ്തു. രോഗിക്ക് അടിയന്തരമായി രക്തം നല്‍കുകയും രക്തത്തിലെ മറ്റു ഘടകങ്ങള്‍ ശരിയാകാനുള്ള ചികിത്സ നല്‍കുകയും ചെയ്തു.

കുറഞ്ഞ സമയം കൊണ്ട് എല്ലാവരുടേയും സ്വന്തമായ മൃണാളിനിയുടെ ആരോഗ്യനില പതുക്കെ പതുക്കെ മെച്ചപ്പെടാന്‍ തുടങ്ങി. അതിനിടെ രോഗിയെ കൊണ്ടുപോകാന്‍ ബന്ധുക്കള്‍ വീണ്ടും നിര്‍ബന്ധിച്ചു. എന്നാല്‍ ഡോക്ടറുടെ അഭ്യര്‍ത്ഥന പ്രകാരം ഒരു ദിവസം കൂടി നീട്ടി കിട്ടി. പിന്നെ അവിടെ അവിടെ നടന്നത് ഒരു ടീം വര്‍ക്കാണ്. ഡ്യൂട്ടി സമയം പോലും നോക്കാതെ ഡോക്ടര്‍, ഐസിയു സ്റ്റാഫ്, ലാബ് സ്റ്റാഫ്, ഫാര്‍മസി സ്റ്റാഫ് തുടങ്ങി സകലരും മൃനാളിനിക്കായി അഹോരാത്രം പ്രയത്‌നിച്ച് തീവ്ര പരിചരണം നല്‍കി. മൃണാളിനിയുടെ ആരോഗ്യനില മെച്ചപ്പെടുകയും രക്തത്തിലെ കൗണ്ട് സാധാരണ നിലയില്‍ എത്തുകയും ചെയ്തു. കരളിന്റേയും വൃക്കകളുടേയും പ്രവര്‍ത്തനവും നേരെയായി. രോഗിയെ ഡിസ്ചാര്‍ജ് ചെയ്യാവുന്ന അവസ്ഥയിലായി.

ഇതോടെ മൃണാളിനിയ്ക്കും ബന്ധുക്കള്‍ക്കും സന്തോഷമായി. സ്വകാര്യ ആശുപത്രിയില്‍ ലക്ഷങ്ങള്‍ ചെലവുവരുന്ന ചികിത്സയാണ് സൗജന്യമായി ലഭ്യമാക്കിയത്. ഭാഷ പോലും വശമില്ലാതിരുന്നിട്ടും വേണ്ട കരുതലൊരുക്കി തങ്ങളുടെ കുട്ടിയെ രക്ഷിച്ചെടുത്ത ആശുപത്രി ജീവനക്കാര്‍ക്ക് നന്ദി പറഞ്ഞ് മഹാരാഷ്ട്രയിലേക്ക് യാത്രയാകുമ്പോള്‍ അവരുടെ കണ്ണുകള്‍ നനയുണ്ടായിരുന്നു. ഈ സര്‍ക്കാരിന്റെ കാലത്താണ് ഐസിയു ഉള്‍പ്പെടെയുള്ള തീവ്ര പരിചരണ സംവിധാനങ്ങള്‍ ഇവിടെ സജ്ജമാക്കിയത്. ആശുപത്രി സൂപ്രണ്ട് ഡോ. എന്‍.ആര്‍. സജിയുടെ ഏകോപനത്തില്‍ ഫിസിഷ്യന്‍ ഡോ. ഷമീല്‍ കെ.എം., സുഹൈല്‍, ഹെഡ് നഴ്‌സ് രജിത, നഴ്‌സിംഗ് ഓഫീസര്‍മാരായ അജീഷ്, റാണി, സൂര്യ, നിത്യ, ലയന, ലിസമോള്‍, നഴ്‌സിംഗ് അസിസ്റ്റന്റുമാരായ മുഹമ്മദ്, പ്രിയ എന്നിവരാണ് ചികിത്സയും പരിചരണവുമൊരുക്കിയത്.

The post അതീവ ഗുരുതരാവസ്ഥയിലായ മഹാരാഷ്ട്ര സ്വദേശിനിയായ വിദ്യാർത്ഥിനിയെ ജീവിതത്തിലേക്ക് മടക്കികൊണ്ടുവന്ന് കുറ്റിപ്പുറം താലൂക്ക് ആശുപത്രി ജീവനക്കാർ appeared first on Valanchery Online.

ഇൻഷ്വറൻസ് ആനുകൂല്യം നിഷേധിച്ചു: വളാഞ്ചേരി സ്വദേശിനിക്ക് തുകയും 15,000 രൂപ നഷ്ടപരിഹാരവും നൽകാൻ വിധി

വളാഞ്ചേരിക്കാരൻ — Sun, 15 Sep 2024 11:17:23 +0000

മലപ്പുറം: ആരോഗ്യ ഇൻഷ്വറൻസ് എടുത്ത വ്യക്തിക്ക് ഇൻഷ്വറൻസ് തുക നിഷേധിച്ച സംഭവത്തിൽ ഇൻഷ്വറൻസ് തുകയും 15,000 രൂപ നഷ്ടപരിഹാരവും നൽകാൻ മലപ്പുറം ജില്ലാ ഉപഭോക്തൃ കമ്മിഷൻ വിധി. തൊഴുവാനൂർ സ്വദേശി കളത്തിൽ വീട്ടിൽ എം. മിനി സമർപ്പിച്ച ഹരജിയിലാണ് കമ്മിഷൻ വിധി. പരാതിക്കാരിയുടെ ഇടതുകാലിന് അസുഖം വന്നതിനെ തുടർന്ന് തൃശൂർ ദയാ ഹോസ്പിറ്റലിൽ അഡ്മിറ്റ് ചെയ്ത് ചികിത്സ നടത്തി. ആശുപത്രിയിൽ ഇൻഷ്വറൻസ് കമ്പനി നേരിട്ട് പണം അടയ്ക്കാൻ ബാദ്ധ്യസ്ഥരായിരുന്നെങ്കിലും പണം അടച്ചില്ല. പകരം ബില്ലുമായി ഇൻഷ്വറൻസ് കമ്പനിയെ സമീപിക്കാൻ നിർദ്ദേശിച്ചു. അപ്രകാരം ബില്ലുകൾ സമർപ്പിച്ചെങ്കിലും കമ്പനി പണം നിഷേധിച്ചു. ഇൻഷ്വറൻസ് പോളിസി എടുക്കുന്നതിനു മുമ്പു തന്നെ പരാതിക്കാരിക്ക് അസുഖമുണ്ടായിരുന്നുവെന്നും അത് മറച്ച് വച്ചാണ് പോളിസി എടുത്തതെന്നും പറഞ്ഞാണ് ആനുകൂല്യം നിഷേധിച്ചത്. രേഖകൾ പരിശോധിച്ച കമ്മിഷൻ കമ്പനിയുടെ വാദം നിരാകരിച്ചു. ഇൻഷ്വറൻസ് പോളിസി എടുക്കും മുമ്പ് ഹരജിക്കാരിക്ക് രോഗമുണ്ടായിരുന്നുവെന്നും ചികിത്സ തേടിയിരുന്നെന്നും തെളിയിക്കാൻ കഴിയാതെ ആനുകൂല്യം നിഷേധിച്ച ഇൻഷ്വറൻസ് കമ്പനിയുടെ നടപടി സേവനത്തിലെ വീഴ്ചയാണെന്നും കമ്മിഷൻ നിരീക്ഷിച്ചു. ബില്ലു പ്രകാരമുള്ള ചികിത്സാ തുക 2,13,708 രൂപയും നഷ്ടപരിഹാരമായി 15,000 രൂപയും കോടതിച്ചെലവായി 10,000 രൂപയും ഒരു മാസത്തിനകം ഹർജിക്കാരിക്ക് നൽകണമെന്നും കമ്മിഷൻ ഉത്തരവിട്ടു. വീഴ്ച വരുത്തിയാൽ വിധി തീയതി മുതൽ ഒമ്പതു ശതമാനം പലിശയും നൽകണമെന്ന് കെ.മോഹൻദാസ് പ്രസിഡന്റും പ്രീതി ശിവരാമൻ, സി.വി. മുഹമ്മദ് ഇസ്മായിൽ എന്നിവർ അംഗങ്ങളുമായ ജില്ലാ ഉപഭോക്തൃ കമ്മിഷന്റെ വിധിയിൽ പറയുന്നു.

The post ഇൻഷ്വറൻസ് ആനുകൂല്യം നിഷേധിച്ചു: വളാഞ്ചേരി സ്വദേശിനിക്ക് തുകയും 15,000 രൂപ നഷ്ടപരിഹാരവും നൽകാൻ വിധി appeared first on Valanchery Online.

വളാഞ്ചേരി നഗരസഭയുടെ ആഭിമുഖ്യത്തിൽ സൗജന്യ സ്‌പെഷ്യാലിറ്റി മെഡിക്കൽ ക്യാമ്പ് സംഘടിപ്പിച്ചു

വളാഞ്ചേരിക്കാരൻ — Sat, 07 Oct 2023 15:06:22 +0000

വളാഞ്ചേരി:-വളാഞ്ചേരി നഗരസഭയുടേയും നഗര പ്രാഥമികാരോഗ്യ കേന്ദ്രത്തിന്റേയും സംയുക്താഭിമുഖ്യത്തിൽ സൗജന്യ മെഡിക്കൽ ക്യാമ്പും ശിശുരോഗ സ്പെഷ്യാലിറ്റി മെഡിക്കൽ ക്യാമ്പും സംഘടിപ്പിച്ചു.

സിറാജുൽ ഹുദ സുന്നി മദ്രസ കാരാട് വെച്ച് നടന്ന മെഡിക്കൽ ക്യാമ്പ് ആരോഗ്യ സ്റ്റാന്റിംഗ് കമ്മിറ്റി ചെയർമാൻ മാരാത്ത് ഇബ്രാഹിം അധ്യക്ഷത വഹിച്ച ചടങ്ങിൽ നഗരസഭ ചെയർമാൻ അഷറഫ് അമ്പലത്തിങ്ങൽ ഉദ്ഘാടനം ചെയ്തു. ജനറൽ വിഭാഗത്തിൽ അർബൻ മെഡിക്കൽ ഓഫീസർ ഡോ. നൂർജഹാൻ, ഡോ. അഫീഫ് അഹമ്മദ്. ശിശുരോഗ വിഭാഗത്തിൽ ഡോ.അലി മുഹമ്മദ് എന്നിവർ രോഗികൾക്ക് സേവനം നൽകി. രോഗികൾക്ക് സൗജന്യ പ്രഷർ, ഷുഗർ പരിശോധന, സൗജന്യ കാഴ്ച പരിശോധന എന്നിവയും ക്യാമ്പിന്റെ ഭാഗമായി സംഘടിപ്പിച്ചു. കൗൺസിലർമാരായ ശിഹാബ് പാറക്കൽ, കെ.വി ഉണ്ണി കൃഷ്ണൻ, എൻ.ഹസ്സൈനാർ, എംപി.മുജീബ്, മമ്മി നടക്കാവിൽ,കെടി. ഹദീദ് എന്നിവർ സംസാരിച്ചു. ക്യാമ്പിൽ 130 ലതികം പേർ പങ്കെടുത്തു.മെഡിക്കൽ ഓഫീസർ ഡോ.നൂർജഹാൻ നന്ദി പറഞ്ഞു.

The post വളാഞ്ചേരി നഗരസഭയുടെ ആഭിമുഖ്യത്തിൽ സൗജന്യ സ്‌പെഷ്യാലിറ്റി മെഡിക്കൽ ക്യാമ്പ് സംഘടിപ്പിച്ചു appeared first on Valanchery Online.

വളാഞ്ചേരി നഗരസഭ ആരോഗ്യ അവലോകന യോഗം നടത്തി

വളാഞ്ചേരിക്കാരൻ — Wed, 24 Aug 2022 12:48:11 +0000

വളാഞ്ചേരി: വളാഞ്ചേരി നഗരസഭ ആരോഗ്യ അവലോകന യോഗം വളാഞ്ചേരി പി.എച്.സിയിൽ വെച്ച് നടന്നു. യോഗത്തിൽ നഗരസഭ ചെയർമാൻ അഷറഫ് അമ്പലത്തിങ്ങൽ ഉദ്ഘാടനം നിർവഹിച്ചു. ആരോഗ്യ സ്റ്റാന്റിംഗ് കമ്മിറ്റി ചെയർമാൻ മാരാത്ത് ഇബ്രാഹിം
അധ്യക്ഷത വഹിച്ചു.വൈസ് ചെയർപേഴ്സൺ റംല മുഹമ്മദ്‌, സ്ഥിരം സമിതി അദ്ധ്യക്ഷരായ മുജീബ് വാലാസി, ദീപ്തി ശൈലേഷ്, റൂബി ഖാലിദ് തുടങ്ങിയവർ സംസാരിച്ചു.മെഡിക്കൽ ഓഫീസർ ഡോ: നീമ വേണുഗോപാൽ വിഷയാവതരണം നടത്തി. യോഗത്തിൽ പരിരക്ഷ പദ്ധതി, പ്രതിരോധ കുത്തി വെപ്പുകൾ, പകർച്ച വ്യാധികൾ , മറ്റ്‌ ആരോഗ്യ പദ്ധതികൾ എന്നിവ അവലോകനം നടത്തി. നഗരസഭ
കൗൺസിലർ, ആരോഗ്യ വകുപ്പ് ഉദ്യോഗസ്‌ഥർ, ആശ പ്രവർത്തകർ എന്നിവർ സംബന്ധിച്ചു. ജെ.പി.എച്ച് ആയ ഗീത.ടി, NHM ബ്ലോക്ക് PRO സലൂബ് എന്നിവർ ക്ലാസ് എടുത്തു. ജെ.എച്ച്. ഐ മാരായ രഞ്ജിത്ത്. ടി. ജി സാഗതവും സാബിർ പാഷ നന്ദിയും പറഞ്ഞു.

The post വളാഞ്ചേരി നഗരസഭ ആരോഗ്യ അവലോകന യോഗം നടത്തി appeared first on Valanchery Online.

മലപ്പുറം ജില്ലയിലെ വിവിധ ആരോഗ്യസ്ഥാപനങ്ങളിലേക്ക് ലാബ് ടെക്‌നീഷ്യന്‍ നിയമനത്തിനായി അപേക്ഷ ക്ഷണിച്ചു

വളാഞ്ചേരിക്കാരൻ — Thu, 17 Jun 2021 16:30:56 +0000

മലപ്പുറം: ജില്ലാ ആരോഗ്യ കുടുംബക്ഷേമ സൊസൈറ്റിക്കു കീഴില്‍ ജില്ലയിലെ വിവിധ ആരോഗ്യസ്ഥാപനങ്ങളിലേക്ക് കരാര്‍ അടിസ്ഥാനത്തില്‍ ലാബ് ടെക്‌നീഷ്യന്‍ നിയമനത്തിനായി ഡി. എം. എല്‍. ടി അല്ലെങ്കില്‍ ബി.എസ്.സി എം. എല്‍. ടി യോഗ്യതയും, പാരാമെഡിക്കല്‍ കൗണ്‍സില്‍ രജിസ്‌ട്രേഷനും ബന്ധപ്പെട്ട മേഖലയില്‍ രണ്ടു വര്‍ഷത്തെ പ്രവൃത്തി പരിചയവുമുള്ള ഉദ്യോഗാര്‍ത്ഥികളില്‍ നിന്ന് അപേക്ഷ ക്ഷണിച്ചു. പ്രായപരിധി 2021 ജൂണ്‍ ഒന്നിന് 40 വയസ്സ് കവിയരുത്. ശമ്പളം 14000 രൂപ. താല്‍പര്യമുള്ള ഉദ്യോഗാര്‍ത്ഥികള്‍ ജൂണ്‍ 30 ന് വൈകീട്ട് നാലിന് മുമ്പായി മലപ്പുറം സിവില്‍ സ്റ്റേഷന്‍ ബി-3 ബ്ലോക്കിലെ ആരോഗ്യകേരളം ജില്ലാ ഓഫീസില്‍ യോഗ്യതകള്‍ തെളിയിക്കു സര്‍ട്ടിഫിക്കറ്റുകളുടെ പകര്‍പ്പുകള്‍ സഹിതം അപേക്ഷ സമര്‍പ്പിക്കണം. അപേക്ഷ ഫോറം www. Arogyakeralam.gov.in വെബ്‌സൈറ്റില്‍ ലഭിക്കും. ഫോണ്‍: 0483 2730313.

The post മലപ്പുറം ജില്ലയിലെ വിവിധ ആരോഗ്യസ്ഥാപനങ്ങളിലേക്ക് ലാബ് ടെക്‌നീഷ്യന്‍ നിയമനത്തിനായി അപേക്ഷ ക്ഷണിച്ചു appeared first on Valanchery Online.

ആതവനാട് പഞ്ചായത്തിൽ ‘ഉന്നതി’ പദ്ധതിക്ക് തുടക്കം കുറിച്ചു

വളാഞ്ചേരിക്കാരൻ — Fri, 04 Jun 2021 15:14:27 +0000

ആതവനാട്: കോവിഡ് രോഗമുക്തി നേടി രണ്ടാഴ്ച്ച കഴിഞ്ഞിട്ടും വിവിധ ശാരീരിക വിഷമതകള്‍ അനുഭവിക്കുന്ന കോവിഡ് മുക്തര്‍ക്ക് വീട്ടില്‍ ബന്ധുക്കളുടെ സഹായത്തോടെ ഫിസിയോതെറാപ്പിസ്റ്റിന്റെ മേല്‍നോട്ടത്തില്‍ തന്നെ വ്യായാമങ്ങളും അനുബന്ധ ചികിത്സകളും നിര്‍ദ്ദേശിക്കുന്ന പദ്ധതിയാണ് ‘ഉന്നതി’. കേരളാ അസോസിയേഷന്‍ ഫോര്‍ ഫിസിയോതെറാപിസ്റ്റ്‌സ് കോ-ഓര്‍ഡിനേഷന്‍ (കെ എ പി സി) സംസ്ഥാനത്തെ വിവിധ തദ്ദേശ സ്വയം ഭരണ സ്ഥാപനങ്ങളുമായി സഹകരിച്ച് നടത്തുന്നു.

03-06-2021, ഉച്ചക്ക് 3 മണിക്ക് ആതാവനട് പഞ്ചായത്തിൽ വെച്ച് പഞ്ചായത്ത്‌ വൈസ് പ്രസിഡന്റ്‌ ജാസിർ kP അധ്യക്ഷതയിൽ പ്രസിഡന്റ്‌ സിനോബിയ TP ഉദ്ഘാടനം നിർവഹിച്ചു. ചടങ്ങില്‍ കെ.എ.പി.സി അംഗങ്ങളായ ഫൈസൽ ബാബു, ഇബ്രാഹിം, ശിൽപ എന്നിവര്‍ പങ്കെടുത്തു.

കോവിഡ് മുക്തി നേടി രണ്ടാഴ്ച്ച കഴിഞ്ഞിട്ടും ശരീരക്ഷീണം, ശ്വസിക്കാന്‍ ബുദ്ധിമുട്ട് അല്ലെങ്കില്‍ തടസം, ശ്വാസംതിങ്ങല്‍, നില്‍ക്കുമ്പോള്‍ ബാലന്‍സ് നഷ്ടപ്പെടുക, തലകറക്കം, ചുമ, സന്ധി അല്ലെങ്കില്‍ പേശി വേദന, പരാലൈസിസ് (പക്ഷാഘാതം), പോളിന്യൂറിറ്റിസ് എന്നീ ബുദ്ധിമുട്ടുകള്‍ അനുഭവിക്കുന്നവര്‍ക്ക് ഉന്നതിയുടെ സേവനത്തിനായി 9746770744, 8129021135 എന്ന നമ്പറില്‍ ബന്ധപ്പെടാം.

The post ആതവനാട് പഞ്ചായത്തിൽ ‘ഉന്നതി’ പദ്ധതിക്ക് തുടക്കം കുറിച്ചു appeared first on Valanchery Online.

കൽപ്പകഞ്ചേരിയിൽ ഒരുമ മെഡികെയർ ആരംഭിച്ചു

വളാഞ്ചേരിക്കാരൻ — Thu, 27 May 2021 06:01:30 +0000

കൽപ്പകഞ്ചേരി: രോഗികളെ വീട്ടിലെത്തി പരിശോധിക്കുകയും അവർക്ക് അടിയന്തരമായി ആവശ്യമായ മരുന്നുകൾ നൽകുകയും ചെയ്യുന്ന ഒരുമ മെഡികെയർ പദ്ധതി കൽപ്പകഞ്ചേരി ഗ്രാമപ്പഞ്ചായത്തിൽ തുടങ്ങി. ഗ്രാമപ്പഞ്ചായത്ത് ഭരണസമിതിയുമായി സഹകരിച്ചാണ് ഒരുമ കൽപ്പകഞ്ചേരിയുടെ മെഡികെയർ പദ്ധതി തുടങ്ങിയത്.

ആദ്യഘട്ടത്തിൽ ആഴ്ചയിൽ മൂന്നുദിവസമാണ് സർവീസ് നടത്തുന്നത്. പഞ്ചായത്തിൽനടന്ന ചടങ്ങിൽ ഗ്രാമപ്പഞ്ചായത്ത് പ്രസിഡൻ്റ് കെ.പി. വഹീദ മെഡികെയർ യൂണിറ്റ് ഫ്ലാഗ് ഓഫ് ചെയ്തു. ജില്ലാ പഞ്ചായത്തംഗം എ.പി. സബാഹ്, ഗ്രാമപ്പഞ്ചായത്ത് വൈസ് പ്രസിഡൻ്റ് ബഷീർ അടിയാട്ടിൽ, സ്റ്റാൻഡിങ് കമ്മിറ്റി ചെയർമാൻ ലത്തീഫ് കൽപ്പകഞ്ചേരി, ഗ്രാമപ്പഞ്ചായത്ത് സെക്രട്ടറി കെ.കെ. മിനി, ഒരുമ ഭാരവാഹികളായ ടി. സിറാജുദ്ധീൻ, ഇഖ്ബാൽ പന്നിയത്ത്, സുബൈർ കല്ലൻ, സൈത് ഹസൻ തങ്ങൾ, ടി.പി. റസാഖ്, സുബൈർ ചോമയിൽ, കെ. സൈതലവി എന്നിവർ പങ്കെടുത്തു.

The post കൽപ്പകഞ്ചേരിയിൽ ഒരുമ മെഡികെയർ ആരംഭിച്ചു appeared first on Valanchery Online.

വളാഞ്ചേരി നഗരസഭയിലെ പുതിയ കൗൺസിലർമാർക്ക് ആരോഗ്യ വകുപ്പ് പ്രൊജക്ടുകളും പ്രവർത്തങ്ങളുമായി ബന്ധപ്പെട്ട് ശില്പശാല സംഘടിപ്പിച്ചു

വളാഞ്ചേരിക്കാരൻ — Thu, 31 Dec 2020 17:29:47 +0000

വളാഞ്ചേരി: വളാഞ്ചേരി നഗരസഭയിലെ പുതിയ കൗൺസിലർമാർക്ക് ആരോഗ്യ വകുപ്പ് പ്രൊജക്ടുകളും പ്രവർത്തങ്ങളുമായി ബന്ധപ്പെട്ട് ശില്പശാല സംഘടിപ്പിച്ചു. വളാഞ്ചേരിയിൽ പി. എച്. സിയിൽ നടന്ന പരിപാടിയിൽ വൈസ് ചെയർപേഴ്സൺ റംല മുഹമ്മദ് അധ്യക്ഷത വഹിച്ചു. ചെയർമാൻ അഷറഫ് അമ്പലത്തിങ്കൽ ഉദ്ഘാടനം നിർവഹിച്ചു. കോവിഡ് പ്രതിരോധപ്രവർത്തനങ്ങൾ സംബന്ധിച്ചും പി. എച്. സിയുടെ പ്രവർത്തങ്ങളെക്കുറിച്ചും മെഡിക്കൽ ഓഫീസർ ഡോ സൽവ ക്ലാസെടുത്തു. ആർ. ആർ. ടി പ്രവർത്തനങ്ങളെ കുറിച്ചും രോഗപ്രതിരോധപ്രവർത്തനങ്ങളെകുറിച്ചും ഹെൽത്ത് ഇൻസ്പെക്ടർ എൻ.എൻ ബഷീർ കുത്തിവെപ്പ് ക്യാമ്പുകൾ, സബ് ക്യാമ്പുകളുടെ പ്രവർത്തനം എന്നിവയെകുറിച്ച് ഹെൽത്ത് ഇൻസ്പെടർ അജിത കുമാരി, പരിരക്ഷ പ്രവർത്തനങ്ങളെക്കുറിച്ച് നഴ്സ് അനിത, ക്ഷയ രോഗപ്രവർത്തങ്ങളെക്കുറിച്ച് എസ്.ടി.എസ് വിജയൻ എന്നിവർ ക്ലാസെടുത്തു. ജൂനിയർ ഹെൽത്ത് ഇൻസ്പെടർമാരായ അഭിലാഷ് സ്വാഗതവും സബീർ പാഷ നന്ദിയും പറഞ്ഞു.

The post വളാഞ്ചേരി നഗരസഭയിലെ പുതിയ കൗൺസിലർമാർക്ക് ആരോഗ്യ വകുപ്പ് പ്രൊജക്ടുകളും പ്രവർത്തങ്ങളുമായി ബന്ധപ്പെട്ട് ശില്പശാല സംഘടിപ്പിച്ചു appeared first on Valanchery Online.

കോവിഡ് 19 പ്രതിരോധ പ്രവർത്തനങ്ങളിൽ ഏർപ്പെട്ടവരെ ആദരിച്ചു ജെ.സി.ഐ വളാഞ്ചേരി

വളാഞ്ചേരിക്കാരൻ — Wed, 29 Apr 2020 10:22:39 +0000

വളാഞ്ചേരി: ജെ.സി.ഐ വളാഞ്ചേരിയുടെ ആഭിമുഖ്യത്തിൽ കോവിഡ് 19 പ്രതിരോധ പ്രവർത്തനങ്ങളിൽ ഏർപ്പെട്ടവരെ ആദരിക്കുകയും മാസ്ക്ക് വിതരണം നടത്തുകയും ചെയ്തു. വളാഞ്ചേരി ഇരിമ്പിളിയം പ്രാഥമിക ആരോഗ്യ കേന്ദ്രങ്ങളിലേയും വളാഞ്ചേരി പോലീസ് സ്റ്റേഷനിലേയും ഉദ്യോഗസ്ഥരെയാണ് ആദരിച്ചത്. വളാഞ്ചേരി പോലീസ് സ്റ്റേഷനിൽ മാസ്കുകൾ ഏറ്റുവാങ്ങിയും ആദരം സ്വീകരിച്ചും സി.ഐ ഷാജി എം.കെ ഉദ്ഘാടനം നിർവ്വഹിച്ചു. ഇരിമ്പിളിയം പി.എച്ച്.സിയിൽ മെഡിക്കൽ ഓഫീസർ ഡോ. അഹമ്മദും വളാഞ്ചേരി പി.എച്ച്.സിയിൽ മെഡിക്കൽ ഓഫീസർ ഡോ. ഷഹീനയും ഉദ്ഘാടനം നിർവ്വഹിച്ചു. ജെ.സി.ഐ വളാഞ്ചേരി പ്രസിഡൻറ് ജെ.എഫ്.എം അമീൻ പി.ജെ അദ്ധ്യക്ഷത വഹിച്ചു. ജെ.എഫ്.എം ഫിറോസ് ലിഫോർട്ട് പ്രോഗ്രാം ഡയറക്ടറായിരുന്നു. സെക്രട്ടറി മുഹമ്മദ് അബ്ദുറഹിമാൻ, കെ.പി നൗഫൽ അമാൻ, നസീം പുതുമ, സുൽഫി മാസ്റ്റർ, ശരത്ത് തുടങ്ങിയവർ സംബന്ധിച്ചു.

The post കോവിഡ് 19 പ്രതിരോധ പ്രവർത്തനങ്ങളിൽ ഏർപ്പെട്ടവരെ ആദരിച്ചു ജെ.സി.ഐ വളാഞ്ചേരി appeared first on Valanchery Online.

വനിതാ ദിനത്തോട് അനുബന്ധിച്ച് പോലീസ് സേനാംഗങ്ങള്‍ക്കും ആശ്രിതര്‍ക്കുമായി ക്യാന്‍സർ നിര്‍ണ്ണയ ക്യാമ്പൊരുക്കി ഗൈനക്കോളജി കൂട്ടായ്മകൾ

വളാഞ്ചേരിക്കാരൻ — Tue, 10 Mar 2020 02:49:05 +0000

വളാഞ്ചേരി: ലോക വനിതാദിനത്തോട് അനുബന്ധിച്ച് മലപ്പുറം ജില്ലയിലെ ഗെെനകോളജി കൂട്ടായ്മയായ POGSഉും,ആള്‍ ഇന്ത്യാ ഗെെനകോളജി കൂട്ടായ്മയായ FOGSIയും സംയുക്തമായി ജില്ലയിലെ വനിതാ പോലീസ് സേനാംഗങ്ങള്‍ക്കും, പുരുഷ സേനാംഗങ്ങളുടെ ആശ്രിതര്‍ക്കുമായി വളാഞ്ചേരി നിസാര്‍ ഹോസ്പിറ്റലില്‍ സംഘടിപ്പിക്കുന്ന 10 ദിവസം നീണ്ടു നില്‍ക്കുന്ന ‘സൗജന്യ കാന്‍സര്‍ നിര്‍ണ്ണയ ക്യാമ്പി’ന്റെ ഉല്‍ഘാടനം വളാഞ്ചേരി SI മുരളീധരന്‍, ന്യൂ ഇന്‍ഡ്യാ അഷുറന്‍സ് കമ്പനി വളാഞ്ചേരി മാനേജര്‍ അഖിലിന്റെയും, നിസാര്‍ ഹോസ്പിറ്റല്‍ ഫിസിഷന്‍ ഡോ.മൃദുലിന്റെയും സാന്നിധ്യത്തില്‍ നിര്‍വഹിച്ചു.

The post വനിതാ ദിനത്തോട് അനുബന്ധിച്ച് പോലീസ് സേനാംഗങ്ങള്‍ക്കും ആശ്രിതര്‍ക്കുമായി ക്യാന്‍സർ നിര്‍ണ്ണയ ക്യാമ്പൊരുക്കി ഗൈനക്കോളജി കൂട്ടായ്മകൾ appeared first on Valanchery Online.

കുറുമ്പത്തൂർ ഹീറോസ് ആർട്സ് & സ്പോർട്സ് ക്ലബ്ബിൻറെ മൂന്നാം വാർഷികത്തോടനുബന്ധിച്ച് മെഡിക്കൽ ക്യാമ്പ് സംഘടിപ്പിച്ചു

വളാഞ്ചേരിക്കാരൻ — Mon, 20 Jan 2020 01:14:42 +0000

ആതവനാട്: കുറുമ്പത്തൂർ ഹീറോസ് ആർട്സ് & സ്പോർട്സ് ക്ലബ്ബിൻറെ മൂന്നാം വാർഷികത്തോടനുബന്ധിച്ച് വളാഞ്ചേരി നടക്കാവിൽ ഹോസ്പിറ്റലും സംയുക്തമായി സൗജന്യ മെഡിക്കൽ ക്യാമ്പ് സംഘടിപ്പിച്ചു. ആതവനാട് കുറുമ്പത്തൂർ ക്ലബ് പരിസരത്ത് സംഘടിപ്പിച്ച ക്യാമ്പിന് നിരവധി പ്രദേശവാസികൾ പങ്കെടുത്തു.

ക്യാമ്പിൽ നേത്ര വിഭാഗം, രക്തഗ്രൂപ്പ് നിർണയം, ബ്ലഡ് പ്രഷർ, ഷുഗർ, എന്നിവയുടെ ചെക്കപ്പ് സൗജന്യമായിരുന്നു. ജനറൽ മെഡിസിൻ വിഭാഗം ഡോക്ടർ അബ്റാർ ഹസൻ, ഡോക്ടർ ഫൗസിയ എന്നിവരുടെ കൺസൾട്ടിംഗ് ഉണ്ടായിരുന്നു. രാവിലെ 10 മണിക്ക് തുടങ്ങിയ ക്യാമ്പ് ഹോസ്പിറ്റൽ ഗസ്റ്റ് റിലേഷൻ ഡിപ്പാർട്ട്മെൻറ് *കെ ടി അൽ റാഷിദ്* കോഡിനേറ്റർ ചെയ്തു.

The post കുറുമ്പത്തൂർ ഹീറോസ് ആർട്സ് & സ്പോർട്സ് ക്ലബ്ബിൻറെ മൂന്നാം വാർഷികത്തോടനുബന്ധിച്ച് മെഡിക്കൽ ക്യാമ്പ് സംഘടിപ്പിച്ചു appeared first on Valanchery Online.

DYFI കുളമംഗലം യൂണിറ്റ് കമ്മിറ്റിയുടെ അഭ്യമുഖ്യത്തിൽ മെഡിക്കൽ ക്യാമ്പ് സംഘടിപ്പിച്ചു

വളാഞ്ചേരിക്കാരൻ — Sun, 03 Nov 2019 08:44:11 +0000

DYFI കുളമംഗലം യൂണിറ്റ് കമ്മിറ്റിയുടെ അഭ്യമുഖ്യത്തിൽ വളാഞ്ചേരി നടക്കാവിൽ ഹോസ്പിറ്റലും, മൂടാൽ എംപയർ കോളേജിന്റെയും സഹകരണത്തോടെ മെഗാ മെഡിക്കൽ ക്യാമ്പ് സംഘടിപ്പിച്ചു. ഉന്നത വിദ്യഭ്യാസ വകുപ്പ് മന്ത്രി Dr.കെ.ടി.ജലീൽ ഉദ്ഘാടനം ചെയ്തു. വി.പി ഷരീഫ് അധ്യക്ഷത വഹിച്ചു. കെ.പി. യാസർ അറഫാത്ത്, N. നൗഷാദ്, കെ.വസന്ത വേലായുധൻ, കെ.സുകുമാരൻ, പൈങ്കൽ ആബിദ്, വി.വി.ഹരി, VK ജിതിൻ എന്നിവർ സംസാരിച്ചു. പി.വി വിശാഖ് ഉണ്ണി സ്വാഗതവും, കെ.പി.മുഹമ്മദലി നന്ദിയും പറഞ്ഞു. ഡോക്ടർമാരായ മുസാഫിർ, എം.കുമാർ, മുനവ്വർ സ്വാലിഹ് എന്നിവർ ക്യാമ്പിന് നേതൃത്വം നൽകി.

The post DYFI കുളമംഗലം യൂണിറ്റ് കമ്മിറ്റിയുടെ അഭ്യമുഖ്യത്തിൽ മെഡിക്കൽ ക്യാമ്പ് സംഘടിപ്പിച്ചു appeared first on Valanchery Online.