youtube Archives - Valanchery Online

കോട്ടക്കലിൽ പീഢനത്തിനിരയായ പതിനേഴുകാരി യൂട്യൂബ് വീഡിയോ കണ്ട് പ്രസവിച്ചു; യുവാവ് അറസ്റ്റിൽ

വളാഞ്ചേരിക്കാരൻ — Wed, 27 Oct 2021 13:20:25 +0000

കോട്ടക്കൽ: അവിഹിത ഗർഭം ധരിച്ച 17കാരി വീട്ടിൽ പ്രസവിച്ചു.യൂ ട്യൂബ് വീഡിയോ നോക്കി വീട്ടിൽ തന്നെയാണ് വിദ്യാർഥിനി പ്രസവിച്ചത്.ഗർഭത്തിന് ഉത്തരവാദിയായ അയൽവാസിയായ 21 കാരനെ കോട്ടക്കൽ പൊലീസ് അറസ്റ്റ് ചെയ്തു. സ്വകാര്യ ആശുപത്രികളിൽ ചികിത്സ തേടിയിരുന്നെങ്കിലും ആശുപത്രി അധികൃതരും സംഭവം അധികൃതരിൽ നിന്നും മറച്ചുവെച്ചു. മഞ്ചേരി മെഡിക്കൽ കോളജ് ആശുപത്രിയിൽ കുഞ്ഞും, മാതാവും ആരോഗ്യത്തോടെയിരിക്കുന്നു. പ്ലസ് വൺ വിദ്യാർഥിനിയുടെ വീട്ടുകാരുടെ നിസഹായാവസ്ഥ മുതലെടുത്ത് ബലപ്രയോഗത്തിലൂടെയാണ് പല തവണ പീഡനത്തിനിരയാക്കിയത്.വീട്ടുകാരറിയാതെ പൊക്കിൾക്കൊടി മുറിക്കുന്നതടക്കം യൂട്യൂബിൽ നോക്കിയാണ് ചെയ്തത്.

The post കോട്ടക്കലിൽ പീഢനത്തിനിരയായ പതിനേഴുകാരി യൂട്യൂബ് വീഡിയോ കണ്ട് പ്രസവിച്ചു; യുവാവ് അറസ്റ്റിൽ appeared first on Valanchery Online.

സമൂഹ മാധ്യമങ്ങളിൽ ശ്രദ്ധേയമായി ഒരു ഹൃസ്വ ചിത്രം “വോട്ടർ”

വളാഞ്ചേരിക്കാരൻ — Sun, 06 Dec 2020 23:47:55 +0000

ആരാലും ശ്രദ്ധിക്കപ്പെടാതെ പോകുന്ന ചിലരുടെ നൊമ്പരങ്ങളിലേക്ക് ഇറങ്ങിച്ചെന്നു അവർക്കൊപ്പം നിന്നു അവർക്കുവേണ്ടി സംസാരിക്കുന്ന വോട്ടർ എന്ന ഹൃസ്വ ചിത്രം പ്രേക്ഷക പ്രശംസ നേടുന്നു. ആതവനാട് സ്വദേശി രാഹുൽ മാട്ടായി യാണ് വോട്ടറിൻ്റെ സംവിധായകൻ.

അജയൻ എന്ന വോട്ടറും അയാളുടെ ആഗ്രഹങ്ങളും ഇതിനോടകം തന്നെ സമൂഹമാധ്യമങ്ങളിൽ ചിത്രം ചർച്ച ചെയ്യുകയാണ്. ചലച്ചിത്ര നടി അനു മോൾ തൻ്റെ ഫേസ്ബുക്ക് പേജിലൂട കഴിഞ്ഞ ദിവസം ചിത്രം പങ്കുവെച്ചിരുന്നു. അംഗപരിമിതാരുടെ കൂട്ടായ്മയായ “voice of disability” ഹ്രസ്വാചിത്രത്തെ പ്രശംസിക്കുകയും സമൂഹമാധ്യമങ്ങളിലൂടെ പങ്കുവെക്കുകയും ചെയ്തിരിക്കുന്നു.

ഷാബുഷ് ദയാൽ, പ്രവീൺ കുമാർ, വിനോദ് കുറുമ്പത്തൂർ, ഭരതൻ കെ.പി, രാഹുൽ മാട്ടായി, ഫർഷാദ് തുടങ്ങിയവരാണ് അഭിനേതാക്കൾ. സൗണ്ട് മിക്സിങ് & പശ്ചാത്തല സംഗീതം: റെക്കോൺ ഓഡിയോ വർക്ക്‌ സ്റ്റേഷൻ മുമ്പും ഒരുപറ്റം നല്ല ഹൃസ്വചിത്രങ്ങൾ ഈ കൂട്ടുകെട്ടിൽ പിറന്നിട്ടുണ്ട്.

The post സമൂഹ മാധ്യമങ്ങളിൽ ശ്രദ്ധേയമായി ഒരു ഹൃസ്വ ചിത്രം “വോട്ടർ” appeared first on Valanchery Online.

വാവിട്ട വാക്കിന്റെ വിലയെന്ത്?; പ്രമേയം കൊണ്ട് വ്യത്യസ്തത പുലർത്തി ‘ഒരു നാക്ക് പറഞ്ഞ കഥ’

വളാഞ്ചേരിക്കാരൻ — Sun, 03 Nov 2019 00:57:24 +0000

വാവിട്ട വാക്കും കൈവിട്ട ആയുധവും എന്ന ചൊല്ല് ഏത് കാലത്തേക്കും അനുയോജ്യമായ ഒന്നാണ്. വാവിട്ട വാക്കിന്റെ വിയറിഞ്ഞവരുമാണ് നമ്മിൽ പലരും. അത്തരത്തിൽ ഒരു വാക്കും അത് രാജു എന്ന ചെറുപ്പക്കാരന്റെ ജീവിതത്തിൽ സൃഷ്ടിക്കുന്ന പൊല്ലാപ്പുമാണ് രാഹുൽ മാട്ടായിയുടെ സംവിധാനത്തിൽ പുറത്തിറങ്ങിയ ‘ഒരു നാക്ക് പറഞ്ഞ കഥ’ എന്ന ഷോർട്ട് ഫിലിം പറഞ്ഞുവെക്കുന്നത്.

മലബാറിലെ ഗ്രാമഭംഗിയും അതിലെ നിർമലമായ മനുഷ്യജീവനുകളുടെയും കഥ ഒട്ടും തനിമ ചോരാതെ ശരത്ത് ഒപ്പിയെടുത്തിട്ടുണ്ട്. സംവിധാനവും എഡിറ്റിങ്ങും ഉന്നതനിലവാരം പുലർത്തുന്നു. രാജുവായി വേഷമിട്ട പ്രവീണും മറ്റ് കഥാപാത്രങ്ങളും മികച്ച പ്രകടനമാണ് നടത്തിയിരിക്കുന്നത്. പുറത്തിറങ്ങി ചുരുങ്ങിയ സമയത്തിനുള്ളിൽ തന്നെ മികച്ച പ്രതികരണമാണ് ചിത്രത്തിന് ലഭിച്ചുകൊണ്ടിരിക്കുന്നത്. അതോടൊപ്പം അംഗീകാരങ്ങളും ഈ ചെറുചിത്രം നേടിയെടുത്തു. ഈ വർഷത്തെ സൃഷ്ടി ഫിലിം ഫെസ്റ്റിൽ ജൂറിയുടെ പരാമർശം നേടിയ ചിത്രം കൂടിയാണ് ഒരു നാക്ക് പറഞ്ഞ കഥ. ഒക്ടോബർ 31ന് ചലച്ചിത്ര താരം ആന്റണി വർഗീസ് ആണ് ചിത്രം പുറത്തിറക്കിയത്. ചിത്രം കാണാം.

The post വാവിട്ട വാക്കിന്റെ വിലയെന്ത്?; പ്രമേയം കൊണ്ട് വ്യത്യസ്തത പുലർത്തി ‘ഒരു നാക്ക് പറഞ്ഞ കഥ’ appeared first on Valanchery Online.

“ഒരു മലപ്രത്തേരൻ” ഷോർട്ട് ഫിലിം പുറത്തിറങ്ങി

വളാഞ്ചേരിക്കാരൻ — Sun, 19 Nov 2017 05:35:05 +0000

എടയൂർ: എടയൂർ സ്വദേഡി മിഞ്ചാജ് മിന്നു സംവിധാ‍നം നിർവഹിച്ച “ഒരു മലപ്രത്തേരൻ” എന്ന ഷോർട്ട് ഫിലിം റിലീസ് ചെയ്തു. യൂട്യൂബ വഴിയാണ് ഷോർട്ട് ഫിലിം റിലീസ് ചെയ്തത്. മലപ്പൂറത്തെയും മലപ്പുറത്തുകാരെയും പറ്റി പ്രതിപാദിച്ചിരിക്കുന്ന ഈ സംരഭത്തിൽ ഇന്ന് ജില്ലയുമയി ബന്ധപ്പെട്ട് കിടക്കുന്ന വിവിധ വിഷങ്ങളെ ക്കുറിച്ച് പറയുന്നു. സയ്യിദ് നവാഫ് ജിഫ്രി തിരക്കഥയും സംഭാഷണവും നിർവഹിച്ചിരിക്കുന്ന ഷോർട്ട്ഫിലിമിൽ യൂസഫ് നിയോ കലാ സംവിധാനം കൈകാര്യം ചെയ്തിരിക്കുന്നു. എഡിറ്റിങ്ങ്: വിപിൻ. ജുനു റോബ്സ് ആണ് ക്യാമറ കൈകാര്യം ചെയ്തിരിക്കുന്നത്.

ലോക്കൽസിനു വേണ്ടി ലോ ക്ലാസ് ഇറക്കുന്ന ഒരു കട്ട ലോക്കൽ പടം എന്ന ലേബലോടെയാണ് ഷോർട്ട് ഫിലിം സമുഹ്യ മാധ്യമങ്ങളിലൂടെ ഷെയർ ചെയ്യപ്പെടുന്നത്.

ഷോർട്ട് ഫിലിം താഴെ കാണാം:

The post “ഒരു മലപ്രത്തേരൻ” ഷോർട്ട് ഫിലിം പുറത്തിറങ്ങി appeared first on Valanchery Online.