wife Archives - Valanchery Online

സൗന്ദര്യം കുറഞ്ഞ്പോയെന്നാരോപിച്ച് ഭാര്യക്ക് മർദ്ദനം; കുറ്റിപ്പുറം സ്വദേശി അറസ്റ്റിൽ

വളാഞ്ചേരിക്കാരൻ — Sat, 12 Feb 2022 22:20:35 +0000

കുറ്റിപ്പുറം:ഭാര്യയെ മർദ്ധിച്ചെന്ന പരാതിയിൽ ഭർത്താവിനെ കുറ്റിപ്പുറം പോലീസ് പിടിയിൽ. കുറ്റിപ്പുറം പാഴൂർ സ്വദേശിയായ തണ്ടാം വളപ്പിൽ അബ്ദുൾ സലാമി(29)നെയാണ് കുറ്റിപ്പുറം പോലീസ് അറസ്റ്റ് ചെയ്തത്. ഇയാൾ നിരന്തരമായി ഭാര്യയെ സൗന്ദര്യവും സ്വത്തും കുറവാണെന്നു പറഞ്ഞ് ഉപദ്രവിക്കുമായിരുന്നുവെന്ന് പോലീസ് പറഞ്ഞു. ആറുവർഷം മുൻപായിരുന്നു ഇവരുടെ വിവാഹം. ഇയാളുടെ ബന്ധുക്കളും കേസിൽ പ്രതികളാണ്. കുറ്റിപ്പുറത്തെ മൊബൈൽഷോപ്പിലെ ജീവനക്കാരനാണ് അബ്ദുൾസലാം.

The post സൗന്ദര്യം കുറഞ്ഞ്പോയെന്നാരോപിച്ച് ഭാര്യക്ക് മർദ്ദനം; കുറ്റിപ്പുറം സ്വദേശി അറസ്റ്റിൽ appeared first on Valanchery Online.

കാടാമ്പുഴയിൽ ഭാര്യയെ ശ്വാസം മുട്ടിച്ച് കൊലപ്പെടുത്തി ഭര്‍ത്താവ് പൊലീസില്‍ കീഴടങ്ങി

വളാഞ്ചേരിക്കാരൻ — Fri, 08 May 2020 06:42:10 +0000

കാടാമ്പുഴ:വീട്ടിനകത്ത് ഭാര്യയെ ശ്വാസം മുട്ടിച്ച് കൊലപ്പെടുത്തിയ ശേഷം ഭര്‍ത്താവ് പൊലീസില്‍ കീഴടങ്ങി. കാടാമ്പുഴ കരേക്കാട് തടംപറമ്പ് പള്ളിക്ക് സമീപം താമസിക്കുന്ന കുഴഞ്ഞില്‍ തൊടി സാവിത്രിയാണ് (50) കൊല്ലപ്പെട്ടത്. ഭര്‍ത്താവ് മായാണ്ടിയെ പൊലീസ് കസ്റ്റഡിയില്‍ എടുത്തു. കാടാമ്പുഴ പൊലീസ് നടപടികള്‍ ആരംഭിച്ചു. മൃതദേഹം വീട്ടില്‍ തന്നെയാണുള്ളത്. ഫോറന്‍സിക് പരിശോധനക്ക് ശേഷം പോസ്റ്റ്‌മോര്‍ട്ടത്തിനായി കോഴിക്കോട് മെഡിക്കല്‍ കോളജ് ആശുപത്രിയിലേക്ക് കൊണ്ടുപോവും. നേരത്തെ ജാറത്തിങ്കലില്‍ താമസിച്ചിരുന്ന ഇവര്‍ ഏതാനും വര്‍ഷം മുമ്പാണ് ഇവിടെ താമസം കുടുങ്ങിയത്. മായാണ്ടി ആശാരിയും ഓട്ടോഡ്രൈവറുമാണ്. ദമ്പതികള്‍ തനിച്ചാണ് താമസം. കൃത്യത്തിന് ശേഷം മായാണ്ടി കാടാമ്പുഴ പൊലീസ് സ്റ്റേഷനിലെത്തുകയായിരുന്നു. ഒരു മകനുണ്ട്. മകന്‍ കുടുംബസമേതം മറ്റൊരിടത്താണ് താമസം. സ്റ്റേഷന്‍ ഇന്‍സ്‌പെക്ടര്‍ റിയാസ് രാജിനാണ് അന്വേഷണ ചുമതല.

The post കാടാമ്പുഴയിൽ ഭാര്യയെ ശ്വാസം മുട്ടിച്ച് കൊലപ്പെടുത്തി ഭര്‍ത്താവ് പൊലീസില്‍ കീഴടങ്ങി appeared first on Valanchery Online.

ഭാര്യയുടെ ഫോട്ടോ ഉപയോഗിച്ച് വർഗീയ ധ്രുവീകരണത്തിന് ശ്രമിച്ച യുവാവ് അറസ്റ്റിൽ

വളാഞ്ചേരിക്കാരൻ — Wed, 15 Jan 2020 12:17:29 +0000

വളാഞ്ചേരി: ഭാര്യയുടെ ഫോട്ടോ ഉപയോഗിച്ച് സോഷ്യൽ മീഡിയവഴി വർഗീയ ധ്രുവീകരണത്തിന് ശ്രമിച്ച യുവാവിനെ വളാഞ്ചരി പോലീസ് അറസ്റ്റ്ചെയ്തു. കാർത്തല സ്വദേശി ഷഫീഖ് റഹ്‌മാനാണ് അറസ്റ്റിലായത്.

കഴിഞ്ഞദിവസം വാട്‌സാപ്പ് വഴി വ്യാജസന്ദേശം പ്രചരിപ്പിച്ച പ്രത്യേക സാഹചര്യം കണക്കിലെടുത്താണ് ഇയാൾക്കെതിരേ കേസ് രജിസ്റ്റർ ചെയ്തതെന്ന് പോലീസ് പറഞ്ഞു. എസ്.ഐമാരായ ഗോപാലൻ, അബൂബക്കർ സിദ്ദിഖ്, എ.എസ്.ഐ. അനിൽകുമാർ, എസ്.സി.പി.ഒ. അൽത്താഫ് എന്നിവരടങ്ങുന്ന സംഘമാണ് പിടികൂടിയത്. ഇയാളെ കോടതിയിൽ ഹാജരാക്കും.

The post ഭാര്യയുടെ ഫോട്ടോ ഉപയോഗിച്ച് വർഗീയ ധ്രുവീകരണത്തിന് ശ്രമിച്ച യുവാവ് അറസ്റ്റിൽ appeared first on Valanchery Online.

നടുറോഡിൽ ഭാര്യയെ കുത്തി വീഴ്ത്തിയ ഭർത്താവ് പിടിയിൽ

വളാഞ്ചേരിക്കാരൻ — Wed, 26 Sep 2018 16:50:45 +0000

തിരൂർ : കോലുപ്പാലത്തിനടുത്ത് മുസ്ല്യാരങ്ങാടിയിൽ ബസ്റ്റോപ്പിൽ ഭർത്താവ് കുട്ടികളുടെ മുന്നിലിട്ട് ഭാര്യയെ കുത്തി വീഴ്ത്തി. കത്തിയുമായി ഭീകരാവസ്ഥ സൃഷ്ടിച്ച ഇയാളെ നാട്ടുകാർ പിടികൂടി പോലീസിലേൽപ്പിച്ചു. പൊയ്ലിശ്ശേരി തെരുളിപ്പറമ്പിൽ സിദ്ദീഖ് (35) ആണ് പിടിയിലായത്. ഗുരുതരമായി പരിക്കേറ്റ ഭാര്യ താജുന്നീസ (28)യെ കോഴിക്കോട് മെഡിക്കൽ കോളേജ് ആശുപത്രിയിൽ പ്രവേശിപ്പിച്ചു.

നേരത്തെ ഗൾഫിലായിരുന്ന സിദ്ദീഖ് സംശയ രോഗത്തിലും, മദ്യലഹരിയിലും ഭാര്യയെ അക്രമിക്കുകയായിരുന്നുവെന്ന് തിരൂർ എസ്.ഐ. സുമേഷ് സുധാകർ പറഞ്ഞു. മൂന്ന് മക്കളുള്ള ഇവർ വേർപിരിഞ്ഞു കഴിയുകയായിരുന്നു.

The post നടുറോഡിൽ ഭാര്യയെ കുത്തി വീഴ്ത്തിയ ഭർത്താവ് പിടിയിൽ appeared first on Valanchery Online.

കുറ്റിപ്പുറത്ത് സുഹൃത്തിന്റെ ഭാര്യയെ പീഢിപ്പിച്ച യുവാവിനെ അറസ്റ്റ് ചെയ്തു

വളാഞ്ചേരിക്കാരൻ — Wed, 08 Aug 2018 02:25:17 +0000

കുറ്റിപ്പുറം: സുഹൃത്തിന്റെ ഭാര്യയെ ബലാത്സംഗംചെയ്ത യുവാവിനെ കുറ്റിപ്പുറം പൊലീസ് അറസ്റ്റ് ചെയ്തു. തവനൂർ കടകശേരി പുതുപറമ്പിൽ ഫിറോസാണ് യുവതിയുടെ പരാതിയിൽ പിടിയിലായത്.

സംഭവത്തിനുശേഷം വിദേശത്തേക്ക് കടന്നുകളഞ്ഞ പ്രതി ഫിറോസിനെ തിങ്കളാഴ്ച പുലർച്ചെ നെടുമ്പാശേരി വിമാനത്താവളത്തിൽനിന്നാണ് കുറ്റിപ്പുറം എസ്‌ഐ ബഷീർ സി ചിറക്കലിന്റെ നേതൃത്വത്തിൽ അറസ്റ്റ് ചെയ്തത്. തിരൂർ കോടതിയിൽ ഹാജരാക്കിയ പ്രതിയെ റിമാന്‍ഡ് ചെയ്തു.

The post കുറ്റിപ്പുറത്ത് സുഹൃത്തിന്റെ ഭാര്യയെ പീഢിപ്പിച്ച യുവാവിനെ അറസ്റ്റ് ചെയ്തു appeared first on Valanchery Online.

വീട്ടമ്മയെ കെട്ടി പെട്ടിയിലാക്കിയ സംഭവം കെട്ടുകഥ, ഭര്‍ത്താവിന്റെ സ്‌നേഹം കിട്ടാന്‍ യുവതി കളിച്ച നാടകം

വളാഞ്ചേരിക്കാരൻ — Sun, 17 Nov 2013 02:22:31 +0000

വീട്ടമ്മയായ യുവതിയെ മര്‍ദിച്ച് കെട്ടി പെട്ടിയിലാക്കി മുളകുപൊടി വിതറിയെന്നത് വെറും കെട്ടുകഥയെന്ന് തെളിഞ്ഞു. പൊന്നാനി സി.ഐ അബ്ദുള്‍മുനീറിന്റെ നേതൃത്വത്തിലുള്ള പോലീസ്‌സംഘം ചോദ്യം ചെയ്തപ്പോഴാണ് എല്ലാം നാടകമായിരുന്നുവെന്ന് യുവതി സമ്മതിച്ചത്. ഭര്‍ത്താവില്‍നിന്ന് മതിയായ പരിചരണവും സ്‌നേഹവും കിട്ടുന്നില്ലെന്ന തോന്നലിനെ തുടര്‍ന്നാണ് ഇത്തരമൊരു നുണക്കഥ യുവതി മെനഞ്ഞെടുത്തത്.

തണ്ടിലത്തിനടുത്ത് മാത്തൂരില്‍ വാടകവീട്ടില്‍ താമസിക്കുന്ന മംഗലം സ്വദേശി ചിറ്റേത്തില്‍ സുരേഷിന്റെ ഭാര്യ രമ്യ(25)യാണ് കഴിഞ്ഞ തിങ്കളാഴ്ച രാവിലെ ആക്രമണത്തിനിരയായെന്ന് പറഞ്ഞത്. സുരേഷ് പുറത്തുപോയ ഉടനെ വീട്ടിലെത്തിയ മൂന്നംഗസംഘം ഭീഷണിപ്പെടുത്തുകയും പണം ആവശ്യപ്പെട്ട് മര്‍ദിക്കുകയുമായിരുന്നുവെന്നായിരുന്നു യുവതിയുടെ മൊഴി. സുരേഷിന് മറ്റൊരുസ്ത്രീയുമായുള്ള ബന്ധം ഒതുക്കിത്തീര്‍ക്കാന്‍ രണ്ട്‌ലക്ഷം രൂപ നല്‍കണമെന്നാണ് സംഘം ആവശ്യപ്പെട്ടതെന്നും യുവതി പോലീസിന് ആദ്യം മൊഴിനല്‍കിയിരുന്നു.

സുരേഷിന്റെ ഫോണ്‍കോളുകള്‍ പരിശോധിച്ചതില്‍നിന്നുതന്നെ സംഭവവുമായി ഇയാള്‍ക്ക് ബന്ധമില്ലെന്നുള്ള സൂചനകള്‍ പോലീസിന് ലഭിച്ചു. പിന്നീട്, ചോദ്യം ചെയ്തപ്പോള്‍ യുവതി എല്ലാം തുറന്ന് സമ്മതിക്കുകയായിരുന്നു.

ഭര്‍ത്താവ് എവിടെയെത്തിയെന്ന് വിളിച്ചുചോദിച്ചശേഷമാണ് ദേഹത്ത് മുളകുപൊടി വിതറിയത്. പിന്നീട് കൈകള്‍ സ്വയം കെട്ടിയശേഷം പെട്ടിക്കുള്ളില്‍ ഇറങ്ങി ബോധരഹിതയായപോലെ കിടക്കുകയുമായിരുന്നു. ഭര്‍ത്താവിന് മറ്റൊരു സ്ത്രീയുമായി ബന്ധമുണ്ടെന്നുള്ള തരത്തില്‍ പറഞ്ഞുണ്ടാക്കിയ കഥകളും നുണയായിരുന്നുവെന്ന് യുവതി പറഞ്ഞു. വീട്ടില്‍ യുവതിയും ലാപ്‌ടോപ്പുമായി സഹോദരന്മാരും മുമ്പ് എത്തിയെന്നുള്ളതും കളവായിരുന്നു. പ്രത്യേകതരത്തിലുള്ള വിഷാദരോഗത്തിന് അടിമയാണ് യുവതിയെന്ന് സംശയിക്കുന്നതായി പോലീസ് പറഞ്ഞു. ഇക്കാര്യം ഭര്‍ത്താവിനും ബോധ്യമായതോടെ കഴിഞ്ഞദിവസം മുതല്‍ ചികിത്സയും തുടങ്ങിയിട്ടുണ്ട്. സി.ഐയെ കൂടാതെ എസ്.സി.പി.ഒ വിനോദ്, ഡിവൈ.എസ്.പിയുടെ സ്‌ക്വാഡിലെ രാജേഷ് എന്നിവരും പ്രത്യേക അന്വേഷണസംഘത്തിലുണ്ടായിരുന്നു. പോലീസിനെ തെറ്റിദ്ധരിപ്പിച്ചതിന് യുവതിക്കെതിരെ കേസെടുക്കുന്ന കാര്യം പരിശോധിക്കുമെന്ന് സി.ഐ പി. അബ്ദുള്‍മുനീര്‍ പറഞ്ഞു.

നീങ്ങിയത് ഒരാഴ്ചയോളം നീണ്ടുനിന്ന ദുരൂഹത

യുവതി എല്ലാ സത്യവും പോലീസിന് മുന്നില്‍ തുറന്നുപറഞ്ഞതോടെ ഒരാഴ്ചയോളം നീണ്ടുനിന്ന ദുരൂഹതയാണ് അവസാനിച്ചത്. പോലീസിന്റെ ചോദ്യം ചെയ്യലില്‍ ഉത്തരംമുട്ടിയ യുവതി മെനഞ്ഞെടുത്ത കഥ പോലീസിനുമുന്നില്‍ വിവരിച്ചു. ഭര്‍ത്താവിന്റെ സ്‌നേഹം കിട്ടാനായിരുന്നു സ്വയം കഥയൊരുക്കി നാടകം കളിച്ചതെന്നും യുവതി പറഞ്ഞു.

സംഭവം മൂടിവെക്കാന്‍ ഭര്‍ത്താവ് സുരേഷ് ആദ്യം ശ്രമിച്ചെങ്കിലും നാട്ടുകാര്‍ ഇടപെട്ടാണ് പോലീസില്‍ വിവരമറിയിച്ചത്. സംഭവം വന്‍ വാര്‍ത്തയായതോടെ പോലീസ് അന്വേഷണവും ഊര്‍ജിതമാക്കി. ഇതിനിടെ സുരേഷ് സംശയത്തിന്റെ നിഴലിലായി. വാടകവീട്ടില്‍നിന്ന് താമസം മാറാന്‍ വീട്ടുടമ ആവശ്യപ്പെടുകയും ചെയ്തു. നാട്ടുകാരുടെ സംശയങ്ങളെല്ലാം യുവതിയുടെ വെളിപ്പെടുത്തലോടുകൂടി കെട്ടടങ്ങി.

ആദ്യം മരിക്കാന്‍ തീരുമാനിച്ചു; പിന്നെ, നാടകത്തിലൊതുക്കി

ഭര്‍ത്താവ് തിരിച്ച് വീട്ടിലെത്തുന്നതിന് മുമ്പ് ജീവിതം അവസാനിപ്പിക്കാനാണ് ആദ്യം യുവതി തീരുമാനിച്ചത്. ഷാളില്‍ കെട്ടിത്തൂങ്ങിയാലോ എന്ന് ആലോചിച്ചു. പിന്നീട്, ദേഹത്ത് മണ്ണെണ്ണയൊഴിച്ച് തീ കൊളുത്തിയാലോ എന്ന ചിന്തയുമുണ്ടായി. പിന്നെയാണ് രണ്ടാഴ്ചമുമ്പ് തുടങ്ങിവെച്ച ‘നാടകം കളി’ പൂര്‍ത്തിയാക്കാന്‍ തീരുമാനിച്ചത്. ദേഹത്ത് മുളകുപൊടി വിതറുന്നതിന് മുമ്പ് ആദ്യം കുറച്ച് മുളകുപൊടി കലക്കിക്കുടിക്കുകയും ചെയ്തിരുന്നു.

നുണക്കഥ പൊളിച്ചത് അവിശ്വസനീയമായ വെളിപ്പെടുത്തല്‍

കെട്ടിച്ചമച്ച കഥയിലെ അവിശ്വസനീയമായ രംഗങ്ങളാണ് യുവതി കളിച്ച നാടകം പൊളിയാനിടയാക്കിയത്. ഭര്‍ത്താവ് പുറത്തുപോയി എത്തുന്ന 10 മിനിറ്റിനുള്ളില്‍ എല്ലാം സംഭവിച്ചുവെന്ന മൊഴിതന്നെയായിരുന്നു ആദ്യത്തെ പാളിച്ച. മൂവര്‍സംഘം മതില്‍ചാടിവന്നു എന്നാണ് പറഞ്ഞിരുന്നത്. മതിലിനടു ത്ത് അത്തരത്തില്‍ നിന്നാല്‍ അത് എല്ലാവരുടെയും ശ്രദ്ധയില്‍പെടുമായിരുന്നുവെന്നും പോലീസ് കണ്ടെത്തി. സംഘത്തെ ആരും കണ്ടവരുണ്ടായിരുന്നില്ല. യുവതിയുടെ ആഭരണങ്ങളോ മറ്റോ നഷ്ടപ്പെടുകയോ മര്‍ദനത്തില്‍ ദേഹത്ത് പരിക്കേറ്റ പാടുകളോ ഉണ്ടാകാത്തതും കള്ളക്കഥ പൊളിയാന്‍ കാരണമായി.

Summary:Possessive wife did a prank that went fail to earn her husband’s love at Kuttippuram

The post വീട്ടമ്മയെ കെട്ടി പെട്ടിയിലാക്കിയ സംഭവം കെട്ടുകഥ, ഭര്‍ത്താവിന്റെ സ്‌നേഹം കിട്ടാന്‍ യുവതി കളിച്ച നാടകം appeared first on Valanchery Online.