vs sunilkumar Archives - Valanchery Online

എം.എൽ.എയുടെ ആവശ്യത്തിന് വകുപ്പ് മന്ത്രിയുടെ പച്ചക്കൊടി; പൊന്മള പഞ്ചായത്തിൽ ‘കേര കേരളം സമൃദ്ധ കേരളം’ പദ്ധതി നടപ്പിലാക്കും

വളാഞ്ചേരിക്കാരൻ — Sat, 08 Jun 2019 23:09:02 +0000

ഇരിമ്പിളിയം: പ്രൊഫ. ആബിദ് ഹുസൈൻ തങ്ങൾ എം.എൽ.എ കൃഷി വകുപ്പ് മന്ത്രി അഡ്വ. സുനിൽ കുമാർ മുമ്പാകെ അവതരിപ്പിച്ച ആവശ്യത്തിന് കൃഷി വകുപ്പ് മന്ത്രിയുടെ പച്ചക്കൊടി. അടുത്ത ഊഴത്തിൽ മണ്ഡലത്തിലെ പൊന്മള പഞ്ചായത്തിൽ കേരഗ്രാമം പദ്ധതി നടപ്പിലാക്കണമെന്നാണ് എം.എൽ.എ ആവശ്യപ്പെട്ടത്. എന്നാൽ തെങ്ങു കൃഷിയെ കൂടുതൽ പ്രോൽസാഹിപ്പിക്കുന്നതിനായി കൃഷി വകുപ്പ് ആസൂത്രണം ചെയ്തിട്ടുള്ള ‘കേര കേരളം സമൃദ്ധ കേരളം’ പദ്ധതിയിൽ എം.എൽ.എയുടെ അഭ്യർത്ഥന മാനിച്ച് പൊന്മള പഞ്ചായത്തിനെ ഉൾപ്പെടുത്തുമെന്നായിരുന്നു പ്രസംഗത്തിൽ മന്ത്രി പ്രഖ്യാപിച്ചത്.

‘കേരഗ്രാമം’ പദ്ധതിയിലും മണ്ഡലത്തെ തുടർന്നും പരിഗണിക്കുമെന്നും എം.എൽ.എയുടെ ആവശ്യത്തിന് മറുപടിയായി അദ്ദേഹം പറഞ്ഞു. ഇരിമ്പിളിയം പഞ്ചായത്തിലെ ‘കേരഗ്രാമം’ പദ്ധതിയുടെ ഉദ്ഘാടനത്തിനിടെയായിരുന്നു എം.എൽ.എയുടെ ആവശ്യവും മന്ത്രിയുടെ പ്രഖ്യാപനവും നടന്നത്.
Summary: agri minister agrees to abid hussain thangal mlas demands

The post എം.എൽ.എയുടെ ആവശ്യത്തിന് വകുപ്പ് മന്ത്രിയുടെ പച്ചക്കൊടി; പൊന്മള പഞ്ചായത്തിൽ ‘കേര കേരളം സമൃദ്ധ കേരളം’ പദ്ധതി നടപ്പിലാക്കും appeared first on Valanchery Online.

ഇരിമ്പിളിയം പഞ്ചായത്തിൽ കേരഗ്രാമം പദ്ധതിക്ക് തുടക്കമായി

വളാഞ്ചേരിക്കാരൻ — Fri, 07 Jun 2019 20:30:11 +0000

ഇരിമ്പിളിയം: സംസ്ഥാന കൃഷിവകുപ്പ് നടപ്പിലാക്കുന്ന ‘കേരഗ്രാമം’ പദ്ധതിക്ക് കോട്ടക്കൽ മണ്ഡലത്തിലെ ഇരിമ്പിളിയം ഗ്രാമ പഞ്ചായത്തിലും തുടക്കമായി. കൃഷി വകുപ്പ് മന്ത്രി അഡ്വ. വി. സുനിൽ കുമാർ ഉദ്ഘാടനം ചെയ്തു. പ്രൊഫ. ആബിദ് ഹുസൈൻ തങ്ങൾ എം.എൽ.എ അധ്യക്ഷത വഹിച്ചു. പദ്ധതിയുടെ ഭാഗമായുള്ള തെങ്ങുകയറ്റ യന്ത്രങ്ങളും തെങ്ങിൻ തൈകളും മന്ത്രി ചടങ്ങിൽ വിതരണം ചെയ്തു. പച്ചക്കറി കൃഷി വികസന പദ്ധതി ജില്ലാ തല ഉദ്ഘാടനവും കുടുംബശ്രീ മാസ ചന്ത ഉദ്ഘാടനവും മന്ത്രി നിർവ്വഹിച്ചു. ജില്ലാ പ്രിൻസിപ്പൽ കൃഷി ഓഫീസർ മേരി തോമസ്, കേരഗ്രാമം പദ്ധതിക്കായി 52 ലക്ഷം രൂപ സംസ്ഥാന വിഹിതമായി ലഭിക്കും. പഞ്ചായത്ത് വിഹിതവും എസ്.എഫ്.എസി വിഹിതവും പദ്ധതിക്കായി ഉപയോഗിക്കും.

തോട്ടം നനക്കൽ, മണ്ണൊരുക്കൽ, വളപ്രയോഗം, കേടുവന്ന തെങ്ങുകൾ മാറ്റി സ്ഥാപിക്കൽ, തെങ്ങുകയറ്റ യന്ത്രം തുടങ്ങി പഞ്ചായത്തിലെ തെങ്ങ് കൃഷിയെ പരിപോഷിപ്പിക്കുന്നതിനായുള്ള വിവിധ പദ്ധതികളാണ് ‘കേരഗ്രാമത്തിന്റെ’ ഭാഗമായി നടക്കുക. 2017- 18 വർഷത്തിൽ എം.എൽ.എയുടെ ആവശ്യപ്രകാരം എടയൂർ ഗ്രാമപഞ്ചായത്തിൽ കേരഗ്രാമം പദ്ധതി നടപ്പിലാക്കിയിരുന്നു. എടയൂരിലെ കേരഗ്രാമം പദ്ധതി ഉദ്ഘാടനത്തിനെത്തിയ കൃഷി വകുപ്പ് മന്ത്രി അഡ്വ.വി.സുനിൽകുമാറിനോട് ഇരിമ്പിളിയം ഗ്രാമ പഞ്ചായത്തിലും ‘കേരഗ്രാമം’ പദ്ധതി നടപ്പിലാക്കണമെന്ന് പ്രൊഫ. ആബിദ് ഹുസൈൻ തങ്ങൾ എം.എൽ.എ ആവശ്യപ്പെട്ടത് പ്രകാരമാണ് പദ്ധതി അനുവദിച്ചത്.

കുറ്റിപ്പുറം ബ്ലോക്ക് പഞ്ചായത്ത് പ്രസിഡന്റ് ആതവനാട് മുഹമ്മദ് കുട്ടി, പഞ്ചായത്ത് പ്രസിഡന്റ് വി.കെ റജുല നൗഷാദ്, കുറ്റിപ്പുറം ബ്ലോക്ക് പഞ്ചായത്ത് വൈസ് പ്രസിഡന്റ് ഷംല പി,വൈസ് പ്രസിഡന്റ് പ്രവീണ ഇ. മഞ്ജുള ടീച്ചർ, വി.ടി. അമീർ ,എൻ ഉമ്മുകുൽസു, കെ.പി.എ സത്താർ മാസ്റ്റർ, ബിന്ദു ബി.ആർ, അബ്ദുൽ റഷീദ് ടി.പി, മുഹമ്മദലി ടി, ശശികല വി.പി, പി.എ റഹീം, പി.സി എ നൂർ,പി.അഹമ്മദ് കുട്ടി, പി. ജയ പ്രകാശ്, മുകുന്ദൻ മാസ്റ്റർ, ജാനിഷ് ബാബു ഹരികൃഷ്ണൻ, പി.എം. അബ്ദുറഹിമാൻ, ഷെരിഫ് പാലൊളി, മൻസൂർ പാലൊളി, കൃഷി ഓഫീസർ മഞ്ജു മോഹൻ ഇ എന്നിവർ പ്രസംഗിച്ചു.

The post ഇരിമ്പിളിയം പഞ്ചായത്തിൽ കേരഗ്രാമം പദ്ധതിക്ക് തുടക്കമായി appeared first on Valanchery Online.

കുറ്റിപ്പുറത്ത് മലിനജലം ദേശീയപാതയിലേക്ക് ഒഴുക്കിയ മീൻലോറി മന്ത്രിയും നാട്ടുകാരും കയ്യോടെ പിടികൂടി

വളാഞ്ചേരിക്കാരൻ — Sat, 09 Feb 2019 02:00:35 +0000

കുറ്റിപ്പുറം: ദുർഗന്ധം വമിക്കുന്ന മലിനജലം ദേശീയപാതയിലേക്ക് ഒഴുക്കിയ മീൻലോറി മന്ത്രി വി.എസ്.സുനിൽകുമാറും നാട്ടുകാരും ചേർന്നു പിടികൂടി. ദേശീയപാതയിലെ കുറ്റിപ്പുറം റെയിൽവേ മേൽപാലത്തിന് സമീപം ഇന്നലെ വൈകിട്ട് ആറോടെയാണ് സംഭവം.

കന്യാകുമാരിയിൽനിന്ന് ബെംഗളൂരുവിലേക്ക് മീൻ മാലിന്യം കൊണ്ടുപോവുകയായിരുന്ന ലോറിയാണ് മന്ത്രിയും നാട്ടുകാരും ചേർന്നു പിടികൂടിയത്. ലോറിക്കു പിന്നിൽ വരികയായിരുന്നു മന്ത്രിയുടെ വാഹനം. ഓടിക്കൊണ്ടിരുന്ന ലോറിയിൽനിന്ന് മലിനജലം പുറത്തേക്ക് ഒഴുകിയിരുന്നു.

കുറ്റിപ്പുറം റെയിൽവേ മേൽപാലത്തിന് സമീപത്ത് നിർത്തി ലോറിയിൽനിന്ന് ജീവനക്കാർ മലിനജലം പുറത്തേക്ക് തുറന്നു വിടുന്നതിനിടെ പ്രതിഷേധവുമായി നാട്ടുകാർ എത്തി. തൊട്ടുപിന്നാലെ മന്ത്രിയും എത്തി.

പ്രദേശത്ത് ദുർഗന്ധം പരന്നതോടെ ലോറി തുറന്ന് പരിശോധിക്കാൻ മന്ത്രി പൊലീസിനോട് നിർദേശിച്ചു. വളം നിർമാണത്തിനായി കൊണ്ടുപോവുകയായിരുന്ന പഴകിയ മത്സ്യമാണ് ലോറിയിൽ ഉണ്ടായിരുന്നത്. ഡ്രൈവറെ കുറ്റിപ്പുറം പൊലീസ് കസ്റ്റഡിയിലെടുത്തു. ഇതിനു മുൻപ് ഇതേ പ്രദേശത്ത് അറവുമാലിന്യങ്ങൾ തള്ളിയിരുന്നു.

The post കുറ്റിപ്പുറത്ത് മലിനജലം ദേശീയപാതയിലേക്ക് ഒഴുക്കിയ മീൻലോറി മന്ത്രിയും നാട്ടുകാരും കയ്യോടെ പിടികൂടി appeared first on Valanchery Online.