video Archives - Valanchery Online

കോട്ടക്കലിൽ പീഢനത്തിനിരയായ പതിനേഴുകാരി യൂട്യൂബ് വീഡിയോ കണ്ട് പ്രസവിച്ചു; യുവാവ് അറസ്റ്റിൽ

വളാഞ്ചേരിക്കാരൻ — Wed, 27 Oct 2021 13:20:25 +0000

കോട്ടക്കൽ: അവിഹിത ഗർഭം ധരിച്ച 17കാരി വീട്ടിൽ പ്രസവിച്ചു.യൂ ട്യൂബ് വീഡിയോ നോക്കി വീട്ടിൽ തന്നെയാണ് വിദ്യാർഥിനി പ്രസവിച്ചത്.ഗർഭത്തിന് ഉത്തരവാദിയായ അയൽവാസിയായ 21 കാരനെ കോട്ടക്കൽ പൊലീസ് അറസ്റ്റ് ചെയ്തു. സ്വകാര്യ ആശുപത്രികളിൽ ചികിത്സ തേടിയിരുന്നെങ്കിലും ആശുപത്രി അധികൃതരും സംഭവം അധികൃതരിൽ നിന്നും മറച്ചുവെച്ചു. മഞ്ചേരി മെഡിക്കൽ കോളജ് ആശുപത്രിയിൽ കുഞ്ഞും, മാതാവും ആരോഗ്യത്തോടെയിരിക്കുന്നു. പ്ലസ് വൺ വിദ്യാർഥിനിയുടെ വീട്ടുകാരുടെ നിസഹായാവസ്ഥ മുതലെടുത്ത് ബലപ്രയോഗത്തിലൂടെയാണ് പല തവണ പീഡനത്തിനിരയാക്കിയത്.വീട്ടുകാരറിയാതെ പൊക്കിൾക്കൊടി മുറിക്കുന്നതടക്കം യൂട്യൂബിൽ നോക്കിയാണ് ചെയ്തത്.

The post കോട്ടക്കലിൽ പീഢനത്തിനിരയായ പതിനേഴുകാരി യൂട്യൂബ് വീഡിയോ കണ്ട് പ്രസവിച്ചു; യുവാവ് അറസ്റ്റിൽ appeared first on Valanchery Online.

വനിത മെമ്പറാണെന്ന വ്യജേന വാട്സ്ആപ്പ് ഗ്രൂപ്പിലേക്ക് അശ്ലീല വീഡിയോ; പ്രതി പിടിയിൽ

വളാഞ്ചേരിക്കാരൻ — Mon, 03 Aug 2020 01:36:37 +0000

താനൂർ: വനിതാ മെമ്പറാണെന്ന വ്യാജേന ജില്ലയിലെ വിവിധ പഞ്ചായത്ത് കുടുംബശ്രീ വനിതാ മെമ്പർമാരെ ഉൾപ്പെടുത്തി വാട്സാപ്പ് ഗ്രൂപ്പ് രൂപികരിച്ച് ഗ്രൂപ്പിലേക്ക് അശ്ലീല വിഡിയോകൾ അയച്ച സംഭവത്തിൽ പ്രതിയെ അറസ്റ്റ് ചെയ്തു. താനൂർ മൂച്ചിക്കൽ സ്വദേശിയായ റിജാസ് എന്നയാളെയാണ് അറസ്റ്റ് ചെയ്തത്. പൂക്കോട്ടുംപാടം ഇൻസ്‌പെക്ടർ പി.വിഷ്ണുവാണ് പ്രതിയെ അറസ്റ്റ് ചെയതത്. എടക്കര, പോത്തുകല്ല്, കാളികാവ്, താനൂർ, പരപ്പനങ്ങാടി, വേങ്ങര പഞ്ചായത്തുകളിലെ മെമ്പർമാർ ഉൾപ്പെടുന്ന വാട്സാപ്പ് ഗ്രൂപ്പുകളിലേക്കാണ് പ്രതി അശ്ശീല വീഡിയോകൾ അയച്ചിരുന്നത്. ഇവരുടെ നമ്പറുകൾ പഞ്ചായത്തിന്റെ വെബ് സൈറ്റിൽ കയറിയാണ് പ്രതി ശേഖരിച്ചത്. പ്രതി രണ്ട് വർഷത്തോളമായി രാജസ്ഥാൻ സ്വദേശിയുടെ പേരിലുള്ള മൊബൈൽ നമ്പറുപയോഗിച്ചാണ് ഇത്തരത്തിലുള്ള കുറ്റകൃത്യം നടത്തിയിരുന്നത്. കൂടാതെ ഫോൺ നമ്പറിൽ നിന്ന് മറ്റാരെയും വിളിക്കാത്തതും പ്രതിയെ പിടികൂടുന്നതിന് പൊലീസിന് പ്രയാസകരമായി.
എടക്കര, പോത്തുകല്ല്, കാളികാവ്, താനൂർ, പരപ്പനങ്ങാടി, വേങ്ങര എന്നീ സ്റ്റേഷനുകളിൽ പ്രതിയെ പിടികൂടുന്നതിനായി പരാതികൾ ലഭിച്ചതിനെ തുടർന്ന് ജില്ലാ പൊലീസ് മേധാവി യു.അബ്ദുൾ കരീമിന്റെ നിർദ്ദേശപ്രകാരം പെരിന്തൽമണ്ണ എ.എസ്.പി എം.ഹേമലതയുടെ നേതൃത്വത്തിൽ പ്രത്യേക സംഘം രൂപികരിച്ചാണ് പ്രതിയെ പിടികൂടിയത്. പൂക്കോട്ടുംപാടം സബ് ഇൻസ്‌പെക്ടർമാരായ രാജേഷ് അയോടൻ, അബ്ദുൾ കരീം, എ.എസ്.ഐ വി.കെ.പ്രദീപ്, എസ്.സി.പി.ഒ സുനിൽ, സി.പി.ഒ ഇ.ജി പ്രദീപ്, തിരൂർ ഡൻസാഫ് സ്ക്വാഡ് അംഗങ്ങളായ എസ്.ഐ കെ.പ്രമോദ്, എ.എസ്.ഐ ജയപ്രകാശ്, എസ്.സി.പി.ഒസി.വി രാജേഷ് എന്നിവരും അന്വേഷണ സംഘത്തിലുണ്ടായിരുന്നു.

The post വനിത മെമ്പറാണെന്ന വ്യജേന വാട്സ്ആപ്പ് ഗ്രൂപ്പിലേക്ക് അശ്ലീല വീഡിയോ; പ്രതി പിടിയിൽ appeared first on Valanchery Online.

‘ജീവനി – നമ്മുടെ കൃഷി, നമ്മുടെ ആരോഗ്യം’ കൃഷിവകുപ്പ് ഫോട്ടോ, വീഡിയോ മത്സരങ്ങള്‍ക്ക് അപേക്ഷ ക്ഷണിക്കുന്നു

വളാഞ്ചേരിക്കാരൻ — Tue, 21 Apr 2020 12:45:31 +0000

കൃഷിവകുപ്പ് നടപ്പിലാക്കുന്ന ജീവനി – നമ്മുടെ കൃഷി, നമ്മുടെ ആരോഗ്യം പദ്ധതിയുടെ ഭാഗമായി ഫാം ഇന്‍ഫര്‍മേഷന്‍ ബ്യൂറോ, ഫോട്ടോ, വീഡിയോ മത്സരങ്ങള്‍ക്ക് അപേക്ഷ ക്ഷണിക്കുന്നു. ലോക് ഡൗണ്‍ പശ്ചാത്തലത്തിൽ വീടുകളിൽ ചെറിയ രീതയിലെങ്കിലും എല്ലാവരും സ്വന്തമായി പച്ചക്കറികൃഷി ചെയ്യുന്നതിന് മുഖ്യമന്ത്രി ആഹ്വാനം ചെയ്തിരുന്നു. ആയതിന്‍റെ അടിസ്ഥാനത്തിൽ കൃഷിവകുപ്പ് ഏപ്രിൽ ആദ്യം തന്നെ 50 ലക്ഷം കുടുംബങ്ങള്‍ക്ക് വിത്ത് പാക്കറ്റുകളും തൈകളും വിതരണം നടത്തിയിരുന്നു.
ഇപ്രകാരം സ്വന്തമായി വീട്ടുവളപ്പിൽ/ടെറസ്സിൽ ഉള്‍പ്പെടെ കൃഷി ചെയ്തവര്‍ക്ക് അവര്‍ ചെയ്ത കൃഷിയുടെ ഫോട്ടോ, വീഡിയോ എന്നിവ അതാത് കൃഷി ഭവനുകളിൽ ഇ-മെയി വഴി അയച്ചുകൊടുക്കാവുന്നതാണ്. കൃഷിയിടത്തിലെ കുടുംബസമേതമുള്ള മൊബൈലിൽ പകര്‍ത്തിയ ഫോട്ടോ, വീഡിയോ ആണ് കൃഷി ഭവന്‍റെ ഇ-മെയിലേക്ക് 10/05/2020 ന് മുമ്പായി അയച്ചു നൽകേണ്ടതാണ്. മികച്ച രീതിയിൽ കൃഷി ചെയ്തിട്ടുള്ള കുടുംബങ്ങള്‍ക്ക് അവാര്‍ഡ് നൽകുന്നതാണ്. വിശദവിവരങ്ങള്‍ക്ക് 0471-2314358/9383470288 എന്നീ നമ്പറുകളിൽ ബന്ധപ്പെടാവുന്നതാണ്. ഫോട്ടോ അയക്കുന്നവര്‍ ഒരു ഫോട്ടോ മാത്രവും, വീഡിയോ അയക്കുന്നവര്‍ 60 സെക്കന്‍റ് ദൈര്‍ഘ്യമുള്ള വീഡിയോയും ആണ് അയക്കേണ്ടത്. മേൽവിലാസവും, ഫോണ്‍ നമ്പറും പ്രത്യേകം രേഖപ്പെടുത്തണം. അപേക്ഷകള്‍ ജില്ലാതലത്തിലും സംസ്ഥാനതലത്തിലും തെരഞ്ഞെടുത്ത് അവാര്‍ഡിനായി പരിഗണിക്കുന്നതാണ്. ഈ മത്സരത്തിൽ പങ്കെടുക്കാൻ താല്പര്യമുള്ള വളാഞ്ചേരി നഗരസഭയിലെ കർഷകർ താഴെ പറയുന്ന നമ്പറിൽ ബന്ധപ്പെടുക 9383471675.

The post ‘ജീവനി – നമ്മുടെ കൃഷി, നമ്മുടെ ആരോഗ്യം’ കൃഷിവകുപ്പ് ഫോട്ടോ, വീഡിയോ മത്സരങ്ങള്‍ക്ക് അപേക്ഷ ക്ഷണിക്കുന്നു appeared first on Valanchery Online.

ടിക് ടോക് ഇന്ത്യ വിടില്ല; പുതിയ ആപ് ഇറക്കും

വളാഞ്ചേരിക്കാരൻ — Sun, 21 Apr 2019 14:18:30 +0000

ഗൂഗിൾ പ്ലേ സ്റ്റോറിലും ആപ്പിൾ സ്റ്റോറിലും ഇപ്പോള്‍ വിഡിയോ ക്ലിപ്പുകള്‍ ഷെയർ ചെയ്യുന്ന ആപ്ലിക്കേഷൻ ടിക്‌ടോക് ലഭ്യമല്ല. പക്ഷേ, ടിക്‌ ടോക് ഉടമയായ ചൈനീസ് കമ്പനി ബൈറ്റ്ഡാന്‍സ് (Bytedance) ഇന്ത്യയില്‍ 100 കോടി ഡോളര്‍ ( ഏകദേശം 6939 കോടി രൂപ) നിക്ഷേപമിറക്കാന്‍ ഒരുങ്ങുകയാണ്. ഇന്ത്യയിൽ ടിക് ടോകിന്റെ പ്രതീക്ഷകള്‍ അസ്തമിച്ചിട്ടില്ലെന്നു തന്നെയാണ് കമ്പനിയുടെ നീക്കം സൂചിപ്പിക്കുന്നത്.

കേന്ദ്ര സർക്കാർ നിരോധിച്ചതിനു ശേഷം, കമ്പനി ഉപയോക്താക്കളുടെ സുരക്ഷയ്ക്കു വേണ്ട നടപടികള്‍ ടിക്‌ ടോകില്‍ ഒരുക്കാന്‍ ഒരുങ്ങുകയാണ്. എത്ര പേര്‍ ദിവസവും ആപ് ഉപയോഗിക്കുന്നു, മാസം എത്രപേര്‍ ഉപയോഗിച്ചു തുടങ്ങിയ കണക്കെടുക്കല്‍ നിർത്തി, തങ്ങളിനി ഉപയോക്താക്കളുടെ സുരക്ഷയ്ക്കു വേണ്ടിയുള്ള നടപടികള്‍ കൈക്കൊള്ളുമെന്നാണ് കമ്പനിയുടെ സീനിയര്‍ വൈസ് പ്രസിഡന്റ് സെന്‍ ലിയു (Zhen Liu) പറഞ്ഞത്.

തങ്ങളുടെ ഉപയോക്താക്കളില്‍ 85 ശതമാനവും മുതിര്‍ന്നവരാണ്. ചെറിയ വിഡിയോ ക്ലിപ്പുകളും ഉപയോക്താക്കള്‍ സൃഷ്ടിക്കുന്ന ഉള്ളടക്കവും തങ്ങള്‍ക്ക് വളരെ പ്രധാനപ്പെട്ടാതാണെന്ന് സെന്‍ പറഞ്ഞു. ഇന്ത്യയില്‍ മൊബൈല്‍ ഇന്റര്‍നെറ്റിനു പ്രചാരം കൂടിക്കൂടി വരികയാണ്. ചെറിയ വിഡിയോയിലൂടെ ജനങ്ങള്‍ക്ക് സ്വന്തം സര്‍ഗ്ഗാത്മകത വെളിപ്പെടുത്താന്‍ സാധിക്കുന്നു. വിഡിയോ ഷെയർ ചെയ്യാനാകുന്നതിലൂടെ മറ്റുള്ളവരുമായി കണക്ടു ചെയ്യാനുമാകുന്നുവെന്നും സെന്‍ പറഞ്ഞു.

ടിക് ടോക് വിലക്കിയതോടെ ബൈറ്റ് ഡാന്‍സ് ഇന്ത്യയില്‍ ഒരു പുതിയ വിഡിയോ ഷെയറിങ് ആപ് ഇറക്കാന്‍ ഉദ്ദേശിക്കുന്നുണ്ടെന്നും വാര്‍ത്തകള്‍ പറയുന്നു. കമ്പനിയുടെ കണക്കു പ്രകാരം ടിക്‌ടോകിന് ഇന്ത്യയില്‍ 12 കോടി ഉപയോക്താക്കളാണ് ഉള്ളത്. ടിക്‌ടോകിന്റെ ഔദ്യോഗിക ആപ് ആപ്പിൾ, ഗൂഗിൾ പ്ലേസ്റ്റോറില്‍ നിന്നും പുറത്താക്കപ്പെട്ടുവെങ്കിലും ആപ് ഡൗണ്‍ലോഡു ചെയ്തിട്ടുള്ളവര്‍ക്ക് ഉപയോഗിക്കുന്നതിനു വിലക്കൊന്നുമില്ല. കൂടാതെ ഇതിന്റെ ഇന്‍സ്റ്റാലേഷന്‍ ഫയലുകള്‍ ഷെയറിറ്റ് തുടങ്ങിയ ആപ്പുകളിലൂടെ ഷെയറു ചെയ്‌തെടുക്കുകയും ചെയ്യാം.

ഇന്ത്യ മാത്രമല്ല ടിക്‌ടോക് ബാന്‍ ചെയ്തിട്ടുള്ളത്. ബംഗ്ലാദേശും ഇന്തൊനീഷ്യയും ദൈവനിന്ദയും അശ്ലീലവും പരത്തുന്നുവെന്ന ആരോപണത്തെ തുടര്‍ന്ന് ആപ് നിരോധിച്ചിരുന്നു. ടിക്‌ടോകിന് ഇപ്പോള്‍ ഇന്ത്യയില്‍ 500 ജീവനക്കാരാണ് ഉള്ളത്. 1,000 പേരെക്കൂടെ ജോലിക്കെടുക്കാന്‍ ഒരുങ്ങുകയാണ് കമ്പനി.

The post ടിക് ടോക് ഇന്ത്യ വിടില്ല; പുതിയ ആപ് ഇറക്കും appeared first on Valanchery Online.

ഓൺലൈൻ വീഡിയോ മത്സരം ‘മിഴിവ് 2019’ ന് തുടക്കമായി

വളാഞ്ചേരിക്കാരൻ — Tue, 12 Feb 2019 02:31:38 +0000

ഇൻഫർമേഷൻ പബ്ലിക് റിലേഷൻസ് വകുപ്പ് പൊതുജനങ്ങൾക്കായി സംഘടിപ്പിക്കുന്ന ഓൺലൈൻ വീഡിയോ മത്സരം ‘മിഴിവ് 2019’ ന് തുടക്കമായി. www.mizhiv2019.kerala.gov.in സൈറ്റിൽ പേര് രജിസ്റ്റർ ചെയ്ത് മത്സരത്തിൽ പങ്കെടുക്കാം. അപ്ലോഡ് ചെയ്യുന്ന വീഡിയോകൾ പ്രമുഖ സിനിമാ പരസ്യ സംവിധായകർ വിലയിരുത്തി ക്യാഷ് പ്രൈസുകൾ നൽകും. ഒന്നാം സമ്മാനം: ഒരു ലക്ഷം രൂപ, രണ്ടാം സമ്മാനം: 50,000 രൂപ, മൂന്നാം സമ്മാനം: 25,000 രൂപ പ്രോത്സാഹന സമ്മാനം 5,000 രൂപ വീതം പത്ത് പേർക്ക്. അതോടൊപ്പം മികച്ച സൃഷ്ടികളുടെ അണിയറപ്രവർത്തകർക്ക് പി.ആർ വകുപ്പിന്റെ മറ്റ് വീഡിയോ / ആഡിയോ സംരംഭങ്ങളിൽ പങ്കാളികളാകുന്നതിന് പരിഗണനയും നൽകും. സർക്കാർ വകുപ്പുകളുടെ ജനക്ഷേമകരമായ പ്രവർത്തനങ്ങൾ കൂടുതൽ ജനങ്ങളിലേക്ക് എത്തിക്കുകയാണ് ഇതിലൂടെ ലക്ഷ്യമിടുന്നതെന്ന് പി ആർ ഡി ഡയറക്ടർ ടി.വി സുഭാഷ് പറഞ്ഞു.

രജിസ്റ്റർ ചെയ്യുമ്പോൾ ലഭിക്കുന്ന ലോഗിൻ ഐഡിയും പാസ്സ്വേഡും ഉപയോഗിച്ച് ഈ മാസം 24 വരെ വീഡിയോ അപ്ലോഡ് ചെയ്യാം. പ്രധാനമായും വികസനം, ക്ഷേമം, കേരള പുനർനിർമ്മാണ വിഷയങ്ങളിലൂന്നിയാണ് വീഡിയോകൾ നിർമ്മിക്കേണ്ടത്. പ്രഫഷണൽ കാമറ ഉപയോഗിച്ചോ, മൊബൈലിലോ ഷൂട്ട് ചെയ്യാം. ഫിക്ഷൻ/ ഡോക്യൂഫിക്ഷൻ/ അനിമേഷൻ (3D/2D), നിശ്ചലചിത്രങ്ങൾ മൂവിയാക്കിയോ, ഏത് മേക്കിങ് രീതിയിലും വീഡിയോ അവതരിപ്പിക്കാം. എന്നാൽ സാധാരണക്കാരന് മനസ്സിലാകുന്ന വിധത്തിൽ ലളിതവും കൗതുകം നിറഞ്ഞതും ആകണം സൃഷ്ടി. വീഡിയോകളുടെ പരമാവധി ദൈർഘ്യം 90 സെക്കൻഡ് ആണ്. ക്രെഡിറ്‌സ്, ലഘുവിവരണം എന്നിവ ചേർത്ത് ഫുൾ എച്ച്ഡി (1920 × 1080) MP4 ഫോർമാറ്റിൽ വേണം അപ്ലോഡ് ചെയ്യേണ്ടത്.

The post ഓൺലൈൻ വീഡിയോ മത്സരം ‘മിഴിവ് 2019’ ന് തുടക്കമായി appeared first on Valanchery Online.

വിദേശത്തിരുന്ന് ഫേസ്ബുക്കിലൂടെ മുഖ്യമന്ത്രിക്കെതിരെ വധഭീഷണി മുഴക്കിയ വ്യക്തി പിടിയിൽ

വളാഞ്ചേരിക്കാരൻ — Tue, 19 Jun 2018 05:08:58 +0000

കൊച്ചി: മുഖ്യമന്ത്രി പിണറായി വിജയനെതിരെ വിദേശത്തുനിന്ന്‌ ഫെയ്‌സ്‌ബുക്കിലൂടെ വധഭീഷണി മുഴക്കിയ ആർഎസ്‌എസ്‌ പ്രവർത്തകൻ അറസ്‌റ്റിൽ . കോതമംഗലം ഇരമല്ലൂർ ആയില്യനാരകത്തിങ്കൽ കിട്ടൻ എന്ന് വിളിക്കുന്ന കൃഷ്ണൻകുമാർ നായർ ആണ്‌ പിടിയിലായത്‌. ലുക്ക്ഔട്ട് നോട്ടിസ് പ്രകാരം ഡല്‍ഹി വിമാനത്താവളത്തിലാണ് ഇയാള്‍ പിടിയിലായത്. കൊച്ചി പൊലീസ് സംഘം ഡല്‍ഹിയിലെത്തി കൃഷ്ണകുമാറിനെ കസ്റ്റഡിയിലെടുക്കും.
ആര്‍എസ്എസുകാരനാണെന്നു സ്വയം വിശേഷിപ്പിച്ച ഇയാള്‍ താന്‍ ജോലി ഉപേക്ഷിച്ചു പഴയ ആയുധങ്ങള്‍ വൃത്തിയാക്കി കേരളത്തിലെ മുഖ്യമന്ത്രിയെ കൊലപ്പെടുത്താന്‍ നാട്ടിലേക്കു മടങ്ങിയെത്തുമെന്നായിരുന്നു വിഡിയോയില്‍ പറഞ്ഞിരുന്നത്. സംഭവം വിവാദമായപ്പോള്‍ മാപ്പു പറയുകയും ചെയ്തിരുന്നു. കോതമംഗലം സ്വദേശിയായ ഇയാളെ ഫേസ്‌‌ബുക്കിലൂടെ വധഭീഷണി മുഴക്കിയതിനെ തുടര്‍ന്ന് അബുദാബി ആസ്ഥാനമായി പ്രവര്‍ത്തിക്കുന്ന ഓയില്‍ കമ്പനി ജോലിയില്‍നിന്നു പിരിച്ചുവിട്ടിരുന്നു.ജൂൺ അഞ്ചിനാണ്‌ അബുദാബിയിൽനിന്നും വധഭീഷണി മുഴക്കിയത്‌.
അബുദാബിയിലെ പ്രവാസികളായ ചില മലയാളികളുടെ സഹായത്തോടെയാണു പൊലീസ് ഇയാളെ പിടികൂടാനുള്ള നീക്കങ്ങള്‍ നടത്തിയത്. കൃഷ്ണകുമാറിനു വധഭീഷണി ഉള്ളതിനാല്‍ ഡല്‍ഹി വഴി യാത്ര ചെയ്യാന്‍ പൊലീസാണു പറഞ്ഞത്. ഇക്കാര്യം ഇയാള്‍ ജോലി ചെയ്തിരുന്ന അബുദാബിയിലെ ഓയില്‍ കമ്പനിയെയും പൊലീസ് അറിയിച്ചു. ഇതനുസരിച്ചാണു കമ്പനി ഇയാള്‍ക്കു ഡൽഹിയിലേക്ക് ടിക്കറ്റ് നല്‍കിയത്. കേരളത്തില്‍നിന്നുള്ള പൊലീസ് സംഘം ട്രെയിന്‍ മാര്‍ഗമാണ് ഇയാളെ കൊച്ചിയിലേക്കു കൊണ്ടുവരുന്നത്.
മുഖ്യമന്ത്രി പിണറായി വിജയനെ വധിക്കുമെന്നും ഭാര്യയെയും മകളെയും ബലാത്സംഗം ചെയ്യുമെന്നും ഫെയ്‌സ്‌ബുക് ലൈവിലൂടെയാണു കൃഷ്ണകുമാര്‍ നായര്‍ ഭീഷണി മുഴക്കിയത്. താന്‍ പഴയ ആര്‍എസ്എസുകാരനാണെന്നും ദുബായിലെ ജോലി രാജിവച്ച് മുഖ്യമന്ത്രിയെ വധിക്കാന്‍ നാട്ടിലേക്കു വരികയാണെന്നുമായിരുന്നു ഇയാള്‍ പറഞ്ഞത്. ‘ചെത്തുകാരന്റെ മകൻ ആ പണിക്ക് പോയാൽ മതി മുഖ്യമന്ത്രിയാവാൻ വരേണ്ട’ എന്ന്‌ ജാതീയമായ ആക്ഷേപവും ഇയാൾ മുഖ്യമന്ത്രിക്കെതിരെ ഉയർത്തി.
വീഡിയോ സമൂഹമാധ്യമങ്ങളില്‍ വലിയ തോതില്‍ പ്രചരിച്ചതോടെ നിരവധി പേര്‍ പരാതിപ്പെട്ടതിന്റെ അടിസ്ഥാനത്തിലാണ് ഇയാളെ കമ്പനി ജോലിയില്‍നിന്നു പിരിച്ചുവിട്ടത്. ജോലി പോയി നാട്ടിലേക്ക‌ു വരികയാണെന്നും നിയമം അനുശാസിക്കുന്ന ഏതു ശിക്ഷയും അനുഭവിക്കാന്‍ തയാറാണെന്നും രണ്ടാമത്തെ വിഡിയോയില്‍ ഇയാൾ പറഞ്ഞിരുന്നു.

The post വിദേശത്തിരുന്ന് ഫേസ്ബുക്കിലൂടെ മുഖ്യമന്ത്രിക്കെതിരെ വധഭീഷണി മുഴക്കിയ വ്യക്തി പിടിയിൽ appeared first on Valanchery Online.