survey Archives - Valanchery Online

ഡിജി കേരളം സമ്പൂർണ്ണ ഡിജിറ്റൽ സാക്ഷരത പദ്ധതി; പഠിതാക്കൾക്കുള്ള പരിശീലനവും ,മൂല്യ നിർണ്ണയത്തിന്റെ മുനിസിപ്പൽ തല വളാഞ്ചേരി മുനിസിപ്പൽ തല ഉദ്ഘാടനം നടന്നു

വളാഞ്ചേരിക്കാരൻ — Tue, 08 Oct 2024 02:01:08 +0000

വളാഞ്ചേരി:-വളാഞ്ചേരി നഗരസഭ ഡിജി കേരളം സമ്പൂർണ്ണ ഡിജിറ്റൽ സാക്ഷരത പദ്ധതിയുടെ ഭാഗമായുള്ള പഠിതാക്കൾക്കുള്ള പരിശീലനവും ,മൂല്യ നിർണ്ണയത്തിന്റെ മുനിസിപ്പൽ തല ഉദ്ഘാടനം ഡിവിഷൻ 5 കാരാട് വെച്ച് നടന്നു.പരിപാടി നഗരസഭ ചെയർമാൻ അഷ്റഫ് അമ്പലത്തിങ്ങൽ നിർവഹിച്ചു.വിദ്യാഭ്യാസ കലാ-കായിക സ്റ്റാന്റിംഗ്‌ കമ്മിറ്റി ചെയർമാൻ മുജീബ് വാലാസി അദ്ധ്യക്ഷത വഹിച്ചു.നഗരസഭയിലെ 10666 വീടുകളിൽ സർവ്വേ നടത്തുകയും 924 ഡിജിറ്റൽ സാക്ഷരത നേടാനുള്ള പഠിതാക്കളെ കണ്ടെത്തുകയും ഇവർക്ക് എം.ഇ.എസ് കെ.വി.എം കോളേജ് എൻ.എസ്.എസ് വിദ്യാർത്ഥികളുടെ സഹകരണത്തോട പരിശീലനം നൽകുകയും ചെയ്യും.സമ്പൂർണ്ണ ഡിജിറ്റൽ സാക്ഷരത കേരളം പദ്ധതിയുടെ ഭാഗമായാണ് പദ്ധതി നടപ്പിലാക്കുന്നത്.കൗൺസിലർ കെ.വി ഉണ്ണികൃഷ്ണൻ സ്വാഗതം പറഞ്ഞ ചടങ്ങിൽ നഗരസഭ സൂപ്രണ്ട് ആർ.ജയശ്രീ,കുടുംബശ്രീ സിഡിഎസ് ചെയർപേഴ്സൺ ഷൈനി,പദ്ധതി നിർവ്വഹണഉദ്യോഗസ്ഥ പത്മിനി,സിറ്റി മിഷൻ മാനേജർ സുബൈറുൽ അവാൻ, ആർ. ജി.എസ്.എ ബ്ലോക്ക് കോർഡിനേറ്റർ അശ്വതി,ഐ. കെ.എം ടെക്നിക്കൽ അസിസ്റ്റന്റ്‌ പി മുഹ്‌സിന തുടങ്ങിയവർ സംസാരിച്ചു.ഈ മാസം 10 നകം നഗരസഭയിലെ മുഴുവൻ വാർഡുകളിലും പഠിതാക്കൾക്കുള്ള പരിശീലനം നടക്കും.

The post ഡിജി കേരളം സമ്പൂർണ്ണ ഡിജിറ്റൽ സാക്ഷരത പദ്ധതി; പഠിതാക്കൾക്കുള്ള പരിശീലനവും ,മൂല്യ നിർണ്ണയത്തിന്റെ മുനിസിപ്പൽ തല വളാഞ്ചേരി മുനിസിപ്പൽ തല ഉദ്ഘാടനം നടന്നു appeared first on Valanchery Online.

വളാഞ്ചേരി നഗരസഭയിൽ ഖരമാലിന്യ സർവേ ആരംഭിച്ചു

വളാഞ്ചേരിക്കാരൻ — Wed, 26 Apr 2023 09:58:08 +0000

വളാഞ്ചേരി:-വളാഞ്ചേരി നഗരസഭയിലെ മാലിന്യത്തിന്റെ അളവ്, ഗുണനിലവാരം എന്നിവയുടെ പഠനത്തിന് വേണ്ടിയുള്ള സർവേയുടെ ഉദ്ഘാടനം നഗരസഭ ചെയർമാൻ അഷ്‌റഫ് അമ്പലത്തിങ്ങൽ നിർവഹിച്ചു. നഗരസഭയുടെ ഇരുപത്തഞ്ച്‌ വർഷത്തേക്കുള്ള ഖരമാലിന്യ മാസ്റ്റർ പ്ലാൻ തയാറാക്കുന്നതിന്റെ ഭാഗമായി ആണ് സർവേ നടത്തുന്നത്. സർവേയുടെ ഭാഗമായി വീടുകളിൽ നിന്നും സ്ഥാപനങ്ങളിൽ നിന്നുമാണ് പ്ലാസ്റ്റിക്ക് ഉൽപന്നങ്ങളും മറ്റു ഖരമാലിന്യങ്ങളും ശേഖരിക്കുന്നത്.സ്ഥാപനങ്ങളിൽ നിന്നും ഖരമാലിന്യങ്ങൾ ശേഖരിക്കുന്നതിന് പാലച്ചോടി നിന്നും തുടക്കമായി. നഗരസഭ ഹെൽത് ഇൻസ്‌പെക്ടർ സുനിൽ കുമാർ വി, ഡി പി എം യൂ പ്രതിനിധി സതീശൻ, ജെ എച് .ഐ മാരായ പത്മിനി, ഫൗസിയ കെ സി, ബിന്ദു ഡി വി, സുഹാസ്, ഹരിത കർമ്മ സേന കോർഡിനേറ്റർ അഷ്റഫ് എന്നിവർ പ്രസംഗിച്ചു. ആരോഗ്യ വിഭാഗം ജീവനക്കാർ, ഹരിതകർമസേന അംഗങ്ങൾ, ടെക്‌നിക്കൽ സപ്പോർട്ട് ടീമംഗങ്ങൾ പങ്കെടുത്തു.

The post വളാഞ്ചേരി നഗരസഭയിൽ ഖരമാലിന്യ സർവേ ആരംഭിച്ചു appeared first on Valanchery Online.

കുറ്റിപ്പുറം ബസ്‌സ്റ്റാൻഡ് കം ഷോപ്പിങ് കോംപ്ളക്സ് നിർമാണം: ഡിജിറ്റൽ സർവേ ആരംഭിച്ചു

വളാഞ്ചേരിക്കാരൻ — Mon, 03 Apr 2023 10:47:37 +0000

കുറ്റിപ്പുറം : ടൗൺ ബസ്‌സ്റ്റാൻഡ് കം ഷോപ്പിങ് കോംപ്ളക്സ് ആധുനികസൗകര്യങ്ങളോടെ നിർമിക്കുന്നതിന്റെ ഭാഗമായി ബസ്‌സ്റ്റാൻഡ് അധീന സ്ഥലത്തിന്റെ അതിർത്തിനിർണയത്തിന് താലൂക്ക് ഡിജിറ്റൽ സർവേ ആരംഭിച്ചു. പദ്ധതിക്കായി രണ്ട് ഡി.പി.ആറുകൾ തയ്യാറാക്കിയത് ഊരാളുങ്കൽ ലേബർ കോൺട്രാക്ട് സഹകരണ സൊസൈറ്റിയാണ്. ഇതിൽ ഒരു ഡി.പി.ആർ. ഒരുമാസം മുൻപ് പൊതുജനങ്ങളുടെകൂടി നിർദേശങ്ങൾ അംഗീകരിച്ച് ഭരണസമിതി അംഗീകരിച്ചിരുന്നു.

പൊതുജനങ്ങളിൽനിന്നും അംഗങ്ങളിൽനിന്നും ഉയർന്ന നിർദേശങ്ങളിൽ പ്രായോഗികമായി നടപ്പാക്കാൻ കഴിയുന്നവകൂടി ഉൾപ്പെടുത്തിയുള്ള അവസാന ഡി.പി.ആർ. ഊരാളുങ്കൽ തയ്യാറാക്കുന്നതിന്റെ ഭാഗമായാണ് സർവേ നടത്തുന്നത്. പഞ്ചായത്ത് പ്രസിഡൻറ് റിജിത ഷലീജ്, പഞ്ചായത്ത് അംഗങ്ങളായ വി.പി. അഷ്റഫലി, കെ.ടി. സിദ്ദീഖ്, പൊതുപ്രവർത്തകരായ സുരേന്ദ്രൻ, ലുഖ്‌മാൻ തങ്ങൾ, പ്രവീൺ തുടങ്ങിയവർ ബസ്‌സ്റ്റാൻഡിൽ സന്ദർശനം നടത്തി.

The post കുറ്റിപ്പുറം ബസ്‌സ്റ്റാൻഡ് കം ഷോപ്പിങ് കോംപ്ളക്സ് നിർമാണം: ഡിജിറ്റൽ സർവേ ആരംഭിച്ചു appeared first on Valanchery Online.

വളാഞ്ചേരി നഗരസഭയിൽ ഡിജിറ്റൽ മാപ്പിങ് തുടങ്ങി

വളാഞ്ചേരിക്കാരൻ — Tue, 28 Feb 2023 01:07:47 +0000

വളാഞ്ചേരി : നഗരസഭയിലെ മുഴുവൻ ആസ്തികളും വിഭവങ്ങളും ഡിജിറ്റൽ സംവിധാനത്തിലേക്ക് മാറ്റുന്നതിനായി ജി.ഐ.എസ്. സർവേ തുടങ്ങി. ഡ്രോണിന്റെ സഹായത്തോടെ ആകാശചിത്രങ്ങൾ പകർത്തി ശേഖരിച്ചാണ് സർവേ.

നഗരസഭാധ്യക്ഷൻ അഷറഫ് അമ്പലത്തിങ്ങൽ ഉദ്ഘാടനംചെയ്തു. നഗരസഭയുടെ സുസ്ഥിര വികസനത്തിനും സ്ഥലപരമായ ആസൂത്രണത്തിനും പ്രയോജനപ്പെടുമെന്നും ആസ്തി റജിസ്റ്റർ പരിഷ്കരിക്കാനും റോഡുകൾ, നടപ്പാത, പാലങ്ങൾ, ഓവുചാൽ, വയലുകൾ തുടങ്ങിയവയുടെ പൂർണവിവരങ്ങൾ രേഖപ്പെടുത്താനും സർവേ ഉപകരിക്കുമെന്ന് അദ്ദേഹം പറഞ്ഞു. 2022-23 വാർഷിക പദ്ധതിയിൽ ഉൾപ്പെടുത്തി ഊരാളുങ്കൽ ലേബർ കോൺട്രാക്ട്‌ സൊസൈറ്റിയാണ് വിവരശേഖരണം നടത്തുന്നത്.

നഗരസഭാ വൈസ് ചെയർപേഴ്‌സൺ റംല മുഹമ്മദ്, വികസന സ്ഥിരംസമിതി അധ്യക്ഷൻ സി.എം. റിയാസ്, കൗൺസിലർമാരായ എൻ. നൂർജഹാൻ, കമറുദ്ദീൻ പാറക്കൽ, കെ.വി. ഉണ്ണിക്കൃഷ്ണൻ, നഗരസഭാ സെക്രട്ടറി ബി. മുഹമ്മദ് ഷെമീർ തുടങ്ങിയവർ സംബന്ധിച്ചു.

The post വളാഞ്ചേരി നഗരസഭയിൽ ഡിജിറ്റൽ മാപ്പിങ് തുടങ്ങി appeared first on Valanchery Online.

ന്യൂ ഇന്ത്യാ ലിറ്ററസി പ്രോഗ്രാം; കുറ്റിപ്പുറം പഞ്ചായത്തിലെ സർവെ നടപടികൾ തുടക്കമായി

വളാഞ്ചേരിക്കാരൻ — Sun, 09 Oct 2022 00:26:51 +0000

കുറ്റിപ്പുറം ഗ്രാമപഞ്ചായത്ത് സാക്ഷരതമിഷന്റെ ആഭിമുഖ്യത്തിൽ നടത്തുന്ന ന്യൂ ഇന്ത്യാ ലിറ്ററസി പ്രോഗ്രാം, വാർഡ് 19 ൽ പഞ്ചായത്ത്‌തല സർവേ ഉദ്ഘാടനം വാർഡ് മെമ്പറും വികസന സ്റ്റാന്റിംഗ് കമ്മിറ്റി ചെയർപേഴ്സണുമായ റമീന. കെ. വി ഫാത്തിമ ചേപ്ര എന്ന പഠിതാവിനെ രജിസ്റ്റർ ചെയ്ത് നിർവഹിച്ചു. ചടങ്ങിൽ പ്രേരക് യു. വസന്ത, നവചേതന ഇൻസ്‌ട്രക്ടർ വി. പി. സുബ്രഹ്മണ്യൻ, രാധ. വി, ലൈല. വി. പി, ഫാത്തിമ വളപ്പിൽ, ഫമിത, കുടുംബശ്രീ പ്രവർത്തകർ, സാക്ഷരത പഠിതാക്കൾ തുടങ്ങിയവർ പങ്കെടുത്തു.

The post ന്യൂ ഇന്ത്യാ ലിറ്ററസി പ്രോഗ്രാം; കുറ്റിപ്പുറം പഞ്ചായത്തിലെ സർവെ നടപടികൾ തുടക്കമായി appeared first on Valanchery Online.

തിരുനാവായയിൽ കെ റെയിൽ കുറ്റികൾ മാറ്റാനുള്ള ശ്രമം നാട്ടുകാർ തടഞ്ഞു

വളാഞ്ചേരിക്കാരൻ — Mon, 20 Jun 2022 10:44:39 +0000

തിരുനാവായ: തിരുനാവായയില്‍ കെ റെയില്‍ കുറ്റികള്‍ ഇറക്കാനുള്ള ശ്രമം തടഞ്ഞ് നാട്ടുകാര്‍. തൊഴിലാളികള്‍ വാഹനത്തില്‍ നിന്നും ഇറക്കിയ കുറ്റികള്‍ തിരിച്ചു വാഹനത്തില്‍ തന്നെ കയറ്റി. എന്നാല്‍ സൂക്ഷിക്കാന്‍ വേണ്ടിയാണ് കെ റെയില്‍ കുറ്റികള്‍ കൊണ്ടുവെക്കുന്നതെന്നായിരുന്നു തൊഴിലാളികളുടെ പ്രതികരണം. ഇത് കേള്‍ക്കാന്‍ നാട്ടുകാര്‍ കൂട്ടായില്ല. സ്വകാര്യവ്യക്തിയുടെ സ്ഥലത്തായിരുന്നു നേരത്തെ കുറ്റികള്‍ സൂക്ഷിച്ചിരുന്നത്. ഇത് റെയില്‍വേയുടെ അധീനതയിലുള്ള സ്ഥലത്തേക്ക് മാറ്റാനായിരുന്നു ശ്രമം. എന്നാല്‍ ഇത് നാട്ടുകാര്‍ തടയുകയായിരുന്നു. ഇത്തരത്തില്‍ വാഹനത്തില്‍ നിന്നും പുറത്തിറക്കിയ നൂറോളം കുറ്റികളാണ് തിരിച്ചുവാഹനത്തില്‍ കയറ്റിയത്.

അതേസമയം കുറ്റികള്‍ റോഡ്‌സ് ആന്റ് ബ്രിഡ്ജസ് കോര്‍പ്പറേഷന്റെ സ്ഥലത്തേക്ക് മാറ്റാനായിരുന്നു ശ്രമമെന്ന് കെ റെയില്‍ ഉദ്യോഗസ്ഥര്‍ വിശദീകരണം നല്‍കി. ഇതിനായി അനുമതി വാങ്ങിയിരുന്നുവെന്നും ഉദ്യോഗസ്ഥര്‍ പറയുന്നു. പൊതുസ്ഥലമായതിനാല്‍ ഇവിടെ കുറ്റികള്‍ ഇറക്കുന്നതില്‍ തടസ്സമില്ല. ഒടുവില്‍ നാട്ടുകാര്‍ തടഞ്ഞതിനാല്‍ കുറ്റികള്‍ നേരത്തെ വെച്ച സ്ഥലത്തേക്ക് തന്നെ മാറ്റി. കുറ്റികള്‍ എവിടെ സൂക്ഷിക്കുമെന്ന് ചര്‍ച്ച ചെയ്ത് തീരുമാനിക്കാനാണ് നീക്കം.

The post തിരുനാവായയിൽ കെ റെയിൽ കുറ്റികൾ മാറ്റാനുള്ള ശ്രമം നാട്ടുകാർ തടഞ്ഞു appeared first on Valanchery Online.

പഠന ലിഖ്ന അഭിയാൻ; കുറ്റിപ്പുറം ഗ്രാമ പഞ്ചായത്തിൽ സർവ്വേ ഫോം പരിശീലനവും വിതരണവും നടന്നു

വളാഞ്ചേരിക്കാരൻ — Fri, 10 Dec 2021 23:29:39 +0000

കുറ്റിപ്പുറം: കുറ്റിപ്പുറം ഗ്രാമ പഞ്ചായത്ത്‌ സാക്ഷരതാ മിഷന്റെ നേതൃത്വത്തിൽ പഠന ലിഖ്ന അഭിയാൻ പദ്ധതിയുടെ സർവ്വേ ഫോം പരിശീലനവും വിതരണവും നടന്നു. പ്രസിഡന്റ്‌ റംല കറതൊടിയിൽ സർവ്വേ ഫോം വിതരണ ഉത്ഘാടനം നിർവഹിച്ചു ആരോഗ്യ വിദ്യാഭ്യാസ സ്റ്റാന്റിംഗ് കമ്മറ്റി അധ്യക്ഷൻ പരപ്പാര സിദ്ധിഖ് അധ്യക്ഷത വഹിച്ചു. ബ്ലോക്ക്‌ നോഡൽ പ്രേരക് കെ.ടി നിസാർ ബാബു സർവ്വേയു മായി ബന്ധപ്പെട്ട ക്ലാസ്സ്‌ എടുത്തു. വൈസ്. പ്രസിഡന്റ്‌ കെ. ടി. സിദ്ധിഖ്, വികസനസ്റ്റാന്റിംഗ് കമ്മറ്റി ചെയർ പേഴ്സൺ റമീന, മെമ്പർ മാരായ സി.കെ ജയകുമാർ, മുഹമ്മദ്‌ അഷ്‌റഫ്‌ അലി, ടി കോമളം, റസീന, ഷാനിബ ടി, സുലൈഖ, ജയചിത്ര, നസീറ ബേബി, എം.വി വേലായുധൻ, കെ.ടി ഹമീദ്, തുല്യതാ പഠിതാക്കൾ, സന്നദ്ധ പ്രവർത്തകർ തുടങ്ങിയവർ പങ്കെടുത്തു. പഞ്ചായത്ത്‌ സാക്ഷരതാ പ്രേരക് യു വസന്ത സ്വാഗതം പറഞ്ഞു.

The post പഠന ലിഖ്ന അഭിയാൻ; കുറ്റിപ്പുറം ഗ്രാമ പഞ്ചായത്തിൽ സർവ്വേ ഫോം പരിശീലനവും വിതരണവും നടന്നു appeared first on Valanchery Online.

വളാഞ്ചേരി -വട്ടപ്പാറ ഫയർ സ്റ്റേഷൻ; പൊതുമരാമത്ത് വിഭാഗം സർവ്വേ നടത്തി

വളാഞ്ചേരിക്കാരൻ — Sun, 17 Oct 2021 00:32:36 +0000

വളാഞ്ചേരി:വളാഞ്ചേരി വട്ടപ്പാറയിൽ ഫയർ സ്റ്റേഷൻ കെട്ടിട നിർമ്മാണത്തിന്റെ മുന്നോടിയായി സർവ്വേ നടത്തി. പൊതുമരാമത്ത് ഇൻവസ്റ്റിഗേഷൻ വിഭാഗമാണ് ടോട്ടൽ സ്റ്റേഷൻ സർവ്വേ നടത്തിയത്. വട്ടപ്പാറയിൽ ഫയർ & റസ്ക്യു വിഭാഗത്തിന് ലഭ്യമായ സ്ഥലത്താണ് പി.ഡബ്ല്യു.ഡി ഇൻവസ്റ്റിഗേഷൻ വകുപ്പിന്റെയും ഫയർ ആന്റ് റസ്ക്യൂ ഡിപ്പാർട്ട്മെന്റ് ഉദ്യോഗസ്ഥരുടെയും ആഭിമുഖ്യത്തിൽ ടോട്ടൽ സ്റ്റേഷൻ സർവ്വേ നടത്തിയത്. ഇൻവസ്റ്റിഗേഷൻ വിഭാഗം തയ്യാറാക്കുന്ന സർവ്വേ റിപ്പോർട്ട് അടുത്ത ആഴ്ച പൊതുമരാമത്ത് കെട്ടിട വിഭാഗത്തിന് കൈമാറും. തുടർന്ന് ഫയർ സ്റ്റേഷൻ കെട്ടിട നിർമ്മാണത്തിന് ആവശ്യമായ ആർക്കിടെക്ചറൽ ഡ്രോയിംഗ് പൊതുമരാമത്ത് ആർക്കിടെക്ചറൽ വിഭാഗത്തിൽ നിന്ന് ലഭ്യമാകുന്ന മുറക്ക് വിശദമായ എസ്റ്റിമേറ്റ് തയ്യാറാക്കി ഭരണാനുമതിക്കായി സമർപ്പിക്കുo.

വട്ടപ്പാറയിൽ ഫയർ സ്റ്റേഷൻ യാഥാർത്ഥ്യമാക്കുന്നതിനായി നിയമസഭയിൽ പ്രൊഫ. ആബിദ് ഹുസൈൻ തങ്ങൾ എം.എൽ.എ നിരന്തര ഇടപെടലുകൾ നടത്തിക്കൊണ്ടിരിക്കുകയാണ്. എം.എൽ.എയുടെ നിരന്തരമായ ഇടപെടലിനെത്തുടർന്നാണ് ഫയർ സ്റ്റേഷൻ യാഥാർത്ഥ്യമാക്കുന്നതിനുള്ള ഭൂമി വട്ടപ്പാറയിൽ കാട്ടിപ്പരുത്തി വില്ലേജിലെ റീ.സ 34/4 എ-ൽപ്പെട്ട 17 ആർ (42 സെന്റ്) റവന്യു പുറമ്പോക്ക് ഭൂമി വളാഞ്ചേരി ഫയർ സ്റ്റേഷൻ നിർമ്മാണത്തിനായി അഗ്നി രക്ഷാ വകുപ്പിന് ലഭ്യമായത്. എം.എൽ.എ ജില്ലാ കലക്ടർ, തിരൂർ തഹസിൽദാർ, ആർ.ഡി.ഒ എന്നിവരുമായി നിരന്തരം ബന്ധപ്പെട്ട് നടപടിക്രമങ്ങൾ വേഗത്തിലാക്കിയതിന്റെ ഭാഗമായി നിർദ്ദിഷ്ട ഭൂമിയിൽ നിന്നും പോലീസ് അധീനതയിലുള്ള തൊണ്ടി വാഹനങ്ങൾ റവന്യൂ വകുപ്പിന്റെ നേതൃത്വത്തിൽ നേരത്തെ മാറ്റിയിരുന്നു.
കഴിഞ്ഞ യു.ഡി.എഫ് സർക്കാരിന്റെ കാലത്താണ് ഫയർ സ്റ്റേഷനുള്ള ഭരണാനുമതി ലഭിച്ചത്. പ്രൊഫ. ആബിദ് ഹുസൈൻ തങ്ങൾ എം.എൽ.എ തിരുവനന്തപുരത്ത് മുഖ്യമന്ത്രി, ഫയർ & റസ്ക്യൂ സർവ്വീസസ് ഡയറക്ടർ ജനറൽ എന്നാ വരുമായി സംസാരിച്ച് നിർദ്ദിഷ്ട ഭൂമി സംബന്ധമായ കാര്യങ്ങളുടെ പുരോഗതി അറിയിക്കുകയും ഫയർ സ്റ്റേഷൻ ആരംഭിക്കുന്നതിനുള്ള നടപടിക്രമങ്ങൾ വേഗത്തിലാക്കുന്നതിന്റെ ആവശ്യത ചർച്ച ചെയ്യുകയും ചെയ്തിരുന്നു.

എം.എൽ.എയുടെ ശുപാർശ പ്രകാരം ഫയർ സ്റ്റേഷൻ കെട്ടിട നിർമ്മാണത്തിന് 2021-22 ബഡ്ജറ്റിൽ ഉൾപ്പെടുത്തി അടങ്കൽ തുകയുടെ 20% ആയ 80 ലക്ഷം അനുവദിക്കുകയും ചെയ്തിട്ടുണ്ട്. പ്രസ്തുത പദ്ധതിയുടെ അടങ്കൽ തുകയായ 4 കോടി രൂപക്കുള്ള എസ്റ്റിമേറ്റ് തയ്യാറാക്കി ഭരണാനുമതി ലഭ്യമാക്കുന്നതിന് വിവിധ വകുപ്പുകളുമായി ബന്ധപ്പെട്ട് നടപടികൾ സ്വീകരിച്ച് വരുന്നതായും എം.എൽ.എ പറഞ്ഞു. വളാഞ്ചേരി നഗരസഭ ചെയർമാൻ അഷ്റഫ് അമ്പലത്തിങ്ങൽ, വിദ്യാഭ്യാസ സ്റ്റാന്റിംഗ് കമ്മിറ്റി ചെയർമാൻ മുജീബ് വാലാസി, എം.എൽ.എയുടെ പ്രതിനിധി ജുനൈദ് പാമ്പലത്ത് എന്നിവരുടെ സാന്നിധ്യത്തിൽ പൊതുമരാമത്ത് ഇൻവസ്റ്റിഗേഷൻ അസിസ്റ്റന്റ് എഞ്ചിനിയർ അരുണി, ഫയർ ആന്റ് റസ്ക്യൂ വിഭാഗം തിരൂർ സ്റ്റേഷൻ ഓഫീസർ പ്രമോദ് കുമാർ, മഞ്ചേരി അസിസ്റ്റന്റ് സ്റ്റേഷൻ ഓഫീസർ പ്രദീപ് എന്നിവരുടെ നേതൃത്വത്തിലാണ് സർവ്വേ നടത്തിയത്.

The post വളാഞ്ചേരി -വട്ടപ്പാറ ഫയർ സ്റ്റേഷൻ; പൊതുമരാമത്ത് വിഭാഗം സർവ്വേ നടത്തി appeared first on Valanchery Online.

പനീന്ദ്രയെ കണ്ടെത്തിയില്ല; തിരച്ചിൽ രണ്ടാം ദിവസവും തുടരും

വളാഞ്ചേരിക്കാരൻ — Mon, 13 Sep 2021 08:19:45 +0000

കുറ്റിപ്പുറം: ദേശീയപാതയുടെ സർവ്വെ നടപടിക്കിടെ ഭാരതപ്പുഴയിലിറങ്ങി ഒഴുക്കിൽപ്പെട്ട് കാണാതായ യുവാവിനായി തിരച്ചിൽ രണ്ടാം ദിവസമായ ഇന്ന് പുനരാരംഭിച്ചു. കുറ്റിപ്പുറം പോലീസും പൊന്നാനിയിൽ നിന്നുള്ള ഫയർ ഫോഴ്സ് സംഘവും ചേർന്നാണ് തിരച്ചിൽ നടത്തുന്നത്. പാതയുടെ വികസനത്തിന് കരാർ ഏറ്റെടുത്ത സ്വകാര്യ കമ്പനിയുടെ ജീവനക്കാരനായ ആന്ധ്ര സ്വദേശി പനീന്ദ്ര(22)യെയാണ് കാണാതായത്. ഇയാൾക്കൊപ്പമുണ്ടായിരുന്ന വേണു(23)നെ ലൈഫ് ഗാർഡ് രക്ഷപ്പെടുത്തിയിരുന്നു.

The post പനീന്ദ്രയെ കണ്ടെത്തിയില്ല; തിരച്ചിൽ രണ്ടാം ദിവസവും തുടരും appeared first on Valanchery Online.

കുറ്റിപ്പുറത്ത് ദേശീപാത സർവ്വെക്കിടെ പുഴയിലിറങ്ങിയ രണ്ട് ജീവനക്കാർ ഒഴുക്കിൽപെട്ടു; ഒരാളെ കാണാതായി

വളാഞ്ചേരിക്കാരൻ — Sun, 12 Sep 2021 06:19:19 +0000

കുറ്റിപ്പുറം: ദേശീയാപാത 66ലെ നവീകരണപ്രവൃത്തികളുടെ ഭാഗമായ സർവ്വെ നടപടികൾക്കായി പുഴയിലിറങ്ങിയ സ്വകാര്യ കമ്പനി ജീവനക്കാരായ രണ്ട് യുവാക്കൾ ഒഴുക്കിൽപെട്ടു. ഇതിൽ ഒരാളെ രക്ഷപ്പെടുത്തി. രണ്ടാമനായി തിരച്ചിലാരംഭിച്ചു. ഇന്ന് രാവിലെയാണ് സംഭവം. ആന്ധ്ര സ്വദേശി പനീന്ദ്ര(22)യെയാണ് കാണാതായതെന്നറിയുന്നു. പാതയുടെ വികസനത്തിന് കരാർ ഏറ്റെടുത്ത സ്വകാര്യ കമ്പനിയുടെ ജീവനക്കാരനാണിയാൾ എന്നാണ് പുറത്ത് വരുന്ന വിവരം. കുറ്റിപ്പുറം പോലീസും ഫയർ ഫോഴ്സും ചേർന്ന് തിരച്ചിലാരംഭിച്ചു. ദേശീയപാതയുടെ നവീകരണത്തിൻ്റെ ഭാഗമായി പുഴയിലിറങ്ങി സർവ്വെ നടപടികൾ ചെയ്ത് തിരികെ കരയിൽ കയറുന്നതിനിടെയാണ് ഒഴുക്കിൽപ്പെട്ടതെന്നാണ് റിപ്പോർട്ട്.

The post കുറ്റിപ്പുറത്ത് ദേശീപാത സർവ്വെക്കിടെ പുഴയിലിറങ്ങിയ രണ്ട് ജീവനക്കാർ ഒഴുക്കിൽപെട്ടു; ഒരാളെ കാണാതായി appeared first on Valanchery Online.

ദേശീയ സാമ്പിൾ സർവേ മാർച്ച് 31 വരെ നീട്ടി

വളാഞ്ചേരിക്കാരൻ — Sun, 03 Jan 2021 04:53:54 +0000

മലപ്പുറം: ദേശീയ സാമ്പിൾ സർവേ 78 -ാം റൗണ്ട് മാർച്ച് 31 വരെ നീട്ടി സാമ്പത്തിക സ്ഥിതി വിവരക്കണക്ക് വകുപ്പ് ഡയറക്ടറുടെ ഉത്തരവ് ഇറങ്ങി. ഡിസംബർ 31 ന് അവസാനിക്കേണ്ടിയിരുന്ന സർവേയാണ് കോവിഡ് പശ്ചാതലത്തിൽ നീട്ടിയിരിക്കുന്നത്. ജില്ലയിൽ നഗരസഭ, ഗ്രാമപഞ്ചായത്തുകളിൽ നിന്നു തെരഞ്ഞെടുക്കപ്പെട്ട 52 വാർഡുകളിൽ 31 വാർഡുകളിൽ സർവേ പൂർത്തീകരിച്ചു.

ചീക്കോട്, എടക്കര, എടപ്പറ്റ, എടപ്പാൾ, കൽപകഞ്ചേരി, മംഗലം, നിറമരുതൂർ, പൊന്നാനി, താഴെക്കോട്, തേഞ്ഞിപ്പലം, തിരൂരങ്ങാടി, തുവൂർ, തിരൂർ, വട്ടംകുളം വാഴയൂർ, വെളിയംകോട്, വേങ്ങര എന്നീ തദ്ദേശ സ്വയംഭരണ സ്ഥാപനങ്ങളിൽ നിന്നു തെരഞ്ഞെടുക്കപ്പെട്ട 21 വാർഡുകളിലാണ് ഇനിയും സർവേ പൂർത്തീകരിക്കാനുള്ളത്.

The post ദേശീയ സാമ്പിൾ സർവേ മാർച്ച് 31 വരെ നീട്ടി appeared first on Valanchery Online.

നിരോധനാജ്ഞയ്ക്കിടെ സർവേ; കൊളപ്പുറത്ത് നാട്ടുകാരും ഉദ്യോഗസ്ഥരും തമ്മിൽ തർക്കം

വളാഞ്ചേരിക്കാരൻ — Tue, 06 Oct 2020 01:34:38 +0000

മലപ്പുറം: നിരോധനാജ്ഞ നിലനിൽക്കുന്നതിനിടെ ദേശീയപാത സർവേക്കായി ഉദ്യോഗസ്ഥർ കൂട്ടത്തോടെ വീടുകളിലേക്കെത്തിയതിനെ നാട്ടുകാർ ചോദ്യം ചെയ്തതിനെ തുടർന്ന് സംഘർഷം.തിരൂരങ്ങാടിക്കടുത്ത് കൊളപ്പുറത്താണ് നാട്ടുകാരും ഉദ്യോഗസ്ഥരും തമ്മിൽ സംഘർഷമുണ്ടായത്. നിരോധനാജ്ഞ നിലനിൽക്കുന്നതിനിടെ കോവിഡ് പ്രോട്ടോക്കോൾ ലംഘിച്ച് ഉദ്യോഗസ്ഥർ സർവേക്കെത്തിയതാണ് നാട്ടുകാരെ പ്രകോപിതരാക്കിയത്.

ഉദ്യോഗസ്ഥരും നാട്ടുകാരും തമ്മിൽ വാക്കേറ്റമുണ്ടായി. പിന്നീട് പോലീസ് സംരക്ഷണത്തോടെ ഉദ്യോഗസ്ഥർ സർവേ നടപടികൾ പൂർത്തിയാക്കി. കോവിഡ് കാലത്ത് വീടുകളിലെത്തി സർവേ നടത്തരുതെന്ന് ഹൈക്കോടതി ഉത്തരവ് നിലവിലുണ്ടെന്ന് ദേശീയപാത ആക്ഷൻ കൗണ്‍സിൽ ജില്ലാ കണ്‍വീനർ നൗഷാദ് വെന്നിയൂർ ചൂണ്ടിക്കാട്ടിയെങ്കിലും അത് അംഗീകരിക്കാൻ ഉദ്യോഗസ്ഥർ തയാറായില്ല. ഇനി ഇത്തരം സർവേക്കെത്തുന്നവർക്കെതിരേ നിയമനടപടി സ്വീകരിക്കുമെന്നും ദേശീയപാത ആക്‌ഷൻ കൗൺസിൽ ജില്ലാ ചെയർമാൻ കുഞ്ഞാലൻ ഹാജിയും കൺവീനർ നൗഷാദ് വെന്നിയൂരും ഓൺലൈൻ യോഗത്തിൽ വ്യക്തമാക്കി.

The post നിരോധനാജ്ഞയ്ക്കിടെ സർവേ; കൊളപ്പുറത്ത് നാട്ടുകാരും ഉദ്യോഗസ്ഥരും തമ്മിൽ തർക്കം appeared first on Valanchery Online.