കേരള സ്റ്റേറ്റ് എയ്‌ഡ്‌സ് കണ്ട്രോള്‍ സൊസൈറ്റിയുടെ കീഴില്‍ പ്രവര്‍ത്തിക്കുന്ന ‘സുരക്ഷ’ പ്രൊജക്ട് അംഗങ്ങളാണ് ചെയര്‍മാനുമായി കൂടിക്കാഴ്ച നടത്തിയത്.  കോട്ടക്കല്‍ നഗരസഭയെ ട്രാന്‍സ്‌ജെന്റര്‍ സൌഹൃദ നഗരമാക്കണമെന്നും ഇവിടുള്ള രണ്ട് ട്രാന്‍സ്‌ജെന്റേഴ്‌സിന് ജോലി നല്‍കാന്‍ തയ്യാറാകണമെന്നും ഇവര്‍ ആവശ്യപ്പെട്ടു.

അനുകൂലമായ നടപടികള്‍ സ്വീകരിക്കാമെന്ന് ഉറപ്പ് ലഭിച്ചതായി ഇവര്‍ പറഞ്ഞു. സുരക്ഷ കൌണ്‍‌സിലര്‍ മേരി നീതു, ട്രാന്‍സ്‌ജെന്ററും ആക്ടിവിസ്റ്റുമായ റിയ, കോട്ടക്കലിലെ ട്രാന്‍സ്‌ജെന്ററായ ലയ എന്നിവരാണ് ചെയര്‍മാനെ കണ്ട് ആവശ്യങ്ങളുന്നയിച്ചത്.

The post കോട്ടയ്ക്കലിലെ ട്രാന്‍സ്‌ജെന്റര്‍ വിഷയത്തില്‍ ‘സുരക്ഷ’ അംഗങ്ങള്‍ നഗരസഭാധ്യക്ഷനെ കണ്ടു: പൊതുജനങ്ങളെ ബോധവല്‍ക്കരിക്കണമെന്ന് ആവശ്യം appeared first on Valanchery Online.

കോട്ടയ്ക്കലില്‍ ട്രാന്‍സ്‌ജെന്‍ഡറുകള്‍ ആക്രമിക്കപ്പെട്ട വിഷയത്തില്‍ തങ്ങളുടെ ഭാഗം വിശദീകരിക്കാന്‍ വിളിച്ചുചേര്‍ത്ത പത്രസമ്മേളനത്തില്‍ സംസാരിക്കുകയായിരുന്നു റിയ.

ട്രാന്‍സ്‌ജെന്‍ഡേഴ്‌സിന് ഒരു ജോലിതരാന്‍, ഒരുവ്യക്തി എന്ന പരിഗണനതരാന്‍ ആരും തയ്യാറല്ല. ഞങ്ങള്‍ക്കും ജീവിക്കണ്ടേ. സഞ്ചാരസ്വാതന്ത്ര്യംപോലും അനുവദിക്കാത്ത തരത്തിലുള്ള അക്രമമാണ് ആട്ടീരിയില്‍ ലയ എന്ന ട്രാന്‍സ്‌ജെന്‍ഡറിന് നേരിടേണ്ടിവന്നത്-റിയപറഞ്ഞു.

ആട്ടീരി ജനകീയവേദിയുടെ പേരില്‍ ഒതുക്കുങ്ങല്‍ പഞ്ചായത്ത് പ്രസിഡന്റ് അടക്കമുള്ളവര്‍ ഉന്നയിച്ച ആരോപണങ്ങള്‍ ശരിയല്ലെന്ന് ട്രാന്‍സ്‌ജെന്‍ഡേഴ്‌സ് സുരക്ഷാ പ്രൊജക്ട് മാനേജര്‍ എം. ഹൃദേഷ് പറഞ്ഞു. ട്രാന്‍സ്‌ജെന്‍ഡേഴ്‌സില്‍ ആരെങ്കിലും എന്തെങ്കിലും മോശമായ പ്രവൃത്തിചെയ്യുന്നുണ്ടെങ്കില്‍ അത് ഇവര്‍ക്കുമേല്‍ അടിച്ചേല്പിക്കുന്നത് ശരിയല്ല.

പ്രതിയെ സഹായിക്കുന്ന തരത്തില്‍ ആരോപണമുന്നയിച്ച ജനപ്രതിനിധികള്‍ ട്രാന്‍സ്‌ജെന്‍ഡര്‍ എന്നാല്‍ എന്താണെന്നുപോലും മനസ്സിലാക്കാത്തവരാണ്. ഗൂഗിള്‍സെര്‍ച്ച്‌ചെയ്ത് ആദ്യം അതൊന്ന് മനസ്സിലാക്കുന്നതുനന്നായിരിക്കും-പ്രൊജക്ട് കൗണ്‍സിലര്‍ മേരിനീതു പറഞ്ഞു. ചങ്കുവെട്ടിയില്‍ ലയ ആക്രമിക്കപ്പെട്ടശേഷം പോലീസ് സംരക്ഷണം ആവശ്യപ്പെട്ടെങ്കിലും ലഭിച്ചില്ല. ചങ്കുവെട്ടിയില്‍ ലയയെ ആക്രമിച്ച ശിഹാബുദ്ദീന്‍തന്നെയാണ് ആട്ടീരിയില്‍വെച്ച് രണ്ടാമതും ആക്രമിച്ചത്. പോലീസ് സംരക്ഷണം ലഭിച്ചിരുന്നെങ്കില്‍ ലയയെ വീട്ടിലെത്തിക്കാന്‍പോകുമ്പോള്‍ സ്ത്രീകളടക്കമുള്ള സംഘം ആക്രമിക്കപ്പെടില്ലായിരുന്നുവെന്നും മേരിനീതു പറഞ്ഞു.

ആക്രമണത്തിനിരയായ കെ. ലയയും പത്രസമ്മേളനത്തില്‍ പങ്കെടുത്തു.

Courtesy: Nava vision

The post ‘രക്ഷിക്കാന്‍ കഴിയാത്തവര്‍ ശിക്ഷിക്കാനും വരണ്ട’- ആട്ടീരി ജനകീയ വേദിയുടെ ആരോപണങ്ങള്‍ ഖണ്ഡിച്ച് ട്രാന്‍സ്‌ജെന്‍ഡേഴ്‌സും ‘സുരക്ഷ’ പ്രവര്‍ത്തകരും appeared first on Valanchery Online.