started Archives - Valanchery Online

മാറാക്കര പഞ്ചായത്തിൽ യൂത്ത്‌ ലീഗ് യൂണിറ്റ് സംഗമങ്ങൾ തുടങ്ങി

വളാഞ്ചേരിക്കാരൻ — Sat, 25 Dec 2021 01:30:06 +0000

മാറാക്കര: മുസ്‌ലിം യൂത്ത്‌ലീഗ് യൂണിറ്റ് സംഗമങ്ങൾ മാറാക്കര പഞ്ചായത്തിൽ തുടങ്ങി. മരുതിൻചിറ യൂണിറ്റ് സംഘടിപ്പിച്ച സംഗമത്തിൽ നൂറോളം പേർ പങ്കെടുത്തു. എ.പി. മൊയ്തീൻകുട്ടി പതാക ഉയർത്തി. ജില്ലാ പഞ്ചായത്തംഗം മൂർക്കത്ത് ഹംസ ഉദ്ഘാടനം ചെയ്തു. അമീർ കാരക്കാടൻ അധ്യക്ഷത വഹിച്ചു. ലുഖ്മാൻ അരീക്കോട് മുഖ്യപ്രഭാഷണം നടത്തി. അബൂബക്കർ തുറക്കൽ, ഒ.കെ. സുബൈർ, എ.പി. അബ്ദു, ഒ.കെ. കുഞ്ഞിപ്പ, മുസ്തഫ തടത്തിൽ, പി.പി. ഹംസക്കുട്ടി ഹാജി, ജംഷാദ് കല്ലൻ, കെ.പി. ഫൈസൽ, ശിഹാബ് മങ്ങാടൻ, എൻ. സിയാദ്, ഫഹദ് കരേക്കാട് തുടങ്ങിയവർ പ്രസംഗിച്ചു. ഷൂട്ടൗട്ട് മത്സരങ്ങൾ നിയന്ത്രിച്ചവർക്ക് എ.പി. ജാഫറലി, ജുനൈദ് പാമ്പലത്ത് എന്നിവർ ഉപഹാരങ്ങൾ വിതരണം ചെയ്തു.

The post മാറാക്കര പഞ്ചായത്തിൽ യൂത്ത്‌ ലീഗ് യൂണിറ്റ് സംഗമങ്ങൾ തുടങ്ങി appeared first on Valanchery Online.

“ബി ദ വാരിയര്‍’ ബോധവത്കരണ ക്യാമ്പയിനിന് തവനൂരിൽ ആരംഭമായി

വളാഞ്ചേരിക്കാരൻ — Thu, 23 Sep 2021 08:03:44 +0000

തവനൂർ:കോവിഡ് പ്രതിരോധ പ്രവര്‍ത്തനങ്ങളുടെ “ബി ദ വാരിയര്‍’ ബോധവത്കരണ ക്യാമ്പയിനിന് തവനൂരിൽ ആരംഭമായി. കോവിഡ് പ്രതിരോധ പ്രവര്‍ത്തനങ്ങളില്‍ പൊതുജനപങ്കാളിത്തം ഉറപ്പുവരുത്തി മൂന്നാം തരംഗത്തിന്റെ തീവ്രത കുറയ്ക്കുകയുമാണ് ലക്ഷ്യം. യഥാസമയം വാക്‌സിന്‍ സ്വീകരിച്ചു എസ്.എം.എസ് കൃത്യമായി പാലിച്ചു ആധികാരികമായ സന്ദേശങ്ങള്‍ കൈമാറി കോവിഡിനെതിരായ പോരാട്ടത്തില്‍ യോദ്ധാവാകൂ എന്നതാണ് ലോഗോ സന്ദേശം.

റിവേഴ്‌സ് ക്വാറന്റൈന്‍ പാലിക്കുക, വയോജനങ്ങള്‍ കുട്ടികള്‍ കിടപ്പു രോഗികള്‍ എന്നിവരിലേക്ക് രോഗം എത്തുന്നതു തടയുക തുടങ്ങി വിവിധ ജനവിഭാഗങ്ങള്‍ക്ക് ശരിയായ അവബോധം നല്‍കാനുമാണ് ക്യാമ്പയിന്‍ ലക്ഷ്യമിടുന്നത്.പഞ്ചായത്ത്തല പരിപാടി അന്ത്യാളംകുടം ജി.എൽ.പി സ്കൂളിൽ വെച്ച് ബി ദ വാരിയർ ലോഗോ പഞ്ചായത്ത് പ്രസിഡണ്ട് സി.പി.നസീറ മെഡിക്കൽ ഓഫീസർ ഡോ.വിജിത്ത് വിജയ് ശങ്കറിന് കൈമാറി. വൈസ് പ്രസിഡണ്ട് ടി.വി.ശിവദാസ്, അസിസ്ൻറണ്ട് സെക്രട്ടറി ആർ.രാജേഷ്, ഹെൽത്ത് ഇൻസ്പെക്ടർമാരായ രാജേഷ് പ്രശാന്തിയിൽ, പി.വി. സെക്കീർ ഹുസൈൻ എന്നിവർ പ്രസംഗിച്ചു.

The post “ബി ദ വാരിയര്‍’ ബോധവത്കരണ ക്യാമ്പയിനിന് തവനൂരിൽ ആരംഭമായി appeared first on Valanchery Online.

ചേരുരാൽ ഹയർ സെക്കൻ്ററി സ്ക്കൂളിൽ മൊബൈൽ ഫോൺ ലൈബ്രറിക്ക് തുടക്കമായി

വളാഞ്ചേരിക്കാരൻ — Mon, 28 Jun 2021 11:12:14 +0000

തിരുന്നാവായ: ഓൺലൈൻ പഠന സൗകര്യങ്ങളില്ലാത്ത കുട്ടികൾക്ക് സൗകര്യങ്ങളൊരുക്കി ചേരുരാൽ ഹയർ സെക്കൻ്ററി സ്കൂൾ. അധ്യാപകർ, പൂർവ്വ വിദ്യാർത്ഥികൾ, സന്ധസംഘടനകൾ, രാഷ്ട്രീയ പാർട്ടികൾ, രക്ഷിതാക്കൾ എന്നിവരാണ് മൊബൈൽ ചലഞ്ചിൽ പങ്കെടുത്തത്.

ഓൺലൈൻ പഠനത്തിന് സൗകര്യമില്ലാത്ത കുട്ടികൾക്ക് മൊബൈൽ ലൈബ്രറിയിൽ നിന്നും ഫോണുകൾ ലഭ്യമാക്കുന്ന സംവിധാനം വിദ്യാർത്ഥികൾക്ക് ഏറെ ആശ്വാസമാണ് . അധ്യാപകരുടെ നേതൃത്വത്തിച്ചുള്ള തണൽ ചാരിറ്റി കൂട്ടായ്മ നൽകിയ സ്മാർട്ട് ഫോൺ സ്വീകരിച്ച് പ്രധാന അധ്യാപകൻ എ.പി. ഹുസൈൻ ഉദ്ഘാടനം നിർവ്വഹിച്ചു. സ്റ്റാഫ് സെക്രട്ടറി എ.പി. സബാഹ് അധ്യക്ഷത വഹിച്ചു. നോഡൽ ഓഫീസർ എം. സിറാജുൽ ഹഖ് സംസാരിച്ചു.

The post ചേരുരാൽ ഹയർ സെക്കൻ്ററി സ്ക്കൂളിൽ മൊബൈൽ ഫോൺ ലൈബ്രറിക്ക് തുടക്കമായി appeared first on Valanchery Online.

എടയൂർ ഋഷിപുത്തൂർ വിഷ്ണു ക്ഷേത്രത്തിൽ കളംപാട്ടിന് കൊടിയേറി

വളാഞ്ചേരിക്കാരൻ — Sat, 27 Feb 2021 09:33:33 +0000

എടയൂർ:ചീനിച്ചോട് ഋഷി പുത്തൂർ വിഷ്ണു ക്ഷേത്രത്തിലെ കളമെഴുത്ത്പാട്ട് കൊടിയേറി. ക്ഷേത്രം പരമ്പര്യ ട്രസ്റ്റി കെ.പി ഗോപിനാഥൻ കൊടിയേറ്റ് നടത്തി. ചെയർമാൻ കെ. ഉണ്ണികൃഷ്ണൻ, ക്ഷേത്ര സേവാസമിതി അംഗങ്ങൾ, ജീവനക്കാർ, ഭക്ത ജനങ്ങൾ എന്നിവർ പങ്കെടുത്തു. മേൽശാന്തി കൈപ്പിള്ളി മഠത്തിൽ രാമൻ എമ്പ്രാന്തിരി ഈ ഉത്സവകാലത്തെ പാട്ടു കുറയിട്ടു. പാട്ടു കൊട്ടിലിൽ പൂക്കാട്ടിയൂർ സത്യനാരായണക്കുറുപ്പ് തിരുമാന്ധാംകുന്നിലമ്മക്കുള്ള കളമെഴുതി. ഇത്തവണ 17 ദിവസം നീളുന്ന കളം പാട്ടുണ്ട്. കളംപാട്ടിന് സമാപനം കുറിച്ച് മാർച്ച് 14 ഞായർ, കോവിഡ് മാനദണ്ഡങ്ങൾ പാലിച്ച് ആനയും, വിശേഷാൽ വരവുകളും ഒഴിവാക്കി പൂരം നടത്തുന്നതാണ്.

The post എടയൂർ ഋഷിപുത്തൂർ വിഷ്ണു ക്ഷേത്രത്തിൽ കളംപാട്ടിന് കൊടിയേറി appeared first on Valanchery Online.

വൈക്കത്തൂർ മഹോത്സവം കൊടിയേറി

വളാഞ്ചേരിക്കാരൻ — Sat, 02 Jan 2021 01:11:41 +0000

വളാഞ്ചേരി : വൈക്കത്തൂർ മഹാദേവക്ഷേത്രത്തിലെ ഉത്സവം കൊടിയേറി. വെള്ളിയാഴ്ച രാത്രി ഏഴിന് തന്ത്രി കിഴക്കിനിയേടത്ത് മേക്കാട്ട് മാധവൻ നമ്പൂതിരിപ്പാടിന്റേയും അജിത്ത് നമ്പൂതിരിപ്പാടിന്റേയും മുഖ്യകാർമികത്വത്തിലായിരുന്നു കൊടിയേറ്റ്. ക്ഷേത്രം ഊരാളൻ മഴുവഞ്ചേരി സരേഷ്‌കുമാർ, മേൽശാന്തി വലിയകുന്ന് കാലടി മുണ്ടക്കിഴി നാരായണൻ നമ്പൂതിരി, ചെറുശേരി ഗൗതം നമ്പൂതിരി എന്നിവർ പങ്കെടുത്തു.

ശനിയാഴ്ച നാഗപൂജയുണ്ടാകും. ബുധനാഴ്ചയാണ് സമാപനം. ഉത്സവത്തോടനുബന്ധിച്ച് എല്ലാദിവസവും അഷ്ടദ്രവ്യ ഗണപതിഹോമം, നവകം, പഞ്ചഗവ്യം, ശീവേലി, അപ്പം മൂടൽ, ശ്രീഭൂതബലി, തൃകാലപൂജ, മഹാനിവേദ്യം, നിറമാല, ക്ഷേത്രാലങ്കാരം എന്നീ വിശേഷാൽ ചടങ്ങുകളുണ്ടാവും. ചൊവ്വാഴ്ചയാണ് പള്ളിവേട്ട. ബുധനാഴ്ച പറവെപ്പ്, ആറാട്ട് എന്നിവയോടെ ഉത്സവം സമാപിക്കും.

The post വൈക്കത്തൂർ മഹോത്സവം കൊടിയേറി appeared first on Valanchery Online.

ദേശീയ പണിമുടക്ക് ആരംഭിച്ചു

വളാഞ്ചേരിക്കാരൻ — Thu, 26 Nov 2020 02:52:08 +0000

തിരുവനന്തപുരം: കേന്ദ്രസർക്കാരിന്റെ തൊഴിലാളി വിരുദ്ധ നയങ്ങൾക്കെതിരെ ട്രേഡ് യൂണിയനുകളുടെ 24 മണിക്കൂർ ദേശീയ പണിമുടക്ക് ഇന്നലെ അർദ്ധരാത്രി ആരംഭിച്ചു. തൊഴിൽ കോഡ് പിൻവലിക്കുക, ആദായ നികുതിദായകരല്ലാത്ത എല്ലാ കുടുംബത്തിനും പ്രതിമാസം 7500 രൂപ വീതം നൽകുക, എല്ലാവർക്കും 10 കിലോ ഭക്ഷ്യധാന്യം സൗജന്യമായി നൽകുക, കർഷക ദ്രോഹ നിയമങ്ങൾ പിൻവലിക്കുക തുടങ്ങിയ ആവശ്യങ്ങൾ ഉന്നയിച്ചാണ് പണിമുടക്ക്. 10 ദേശീയ സംഘടനകളും ബാങ്ക്, ഇൻഷ്വറൻസ്, റെയിൽവേ, കേന്ദ്ര, സംസ്ഥാന ജീവനക്കാരും പണിമുടക്കിൽ പങ്കെടുക്കുന്നുണ്ട്. ബി.എം.എസ് പണിമുടക്കിലില്ല.
സംസ്ഥാനത്ത് പണിമുടക്ക് ഹർത്താൽ പ്രതീതി സൃഷ്ടിക്കാനാണ് സാദ്ധ്യത. തദ്ദേശ തിരഞ്ഞെടുപ്പിലെ സ്ഥാനാർത്ഥികളുടെ പ്രചാരണത്തെ പണിമുടക്കിൽ നിന്ന് ഒഴിവാക്കിയിട്ടുണ്ട്. ആശുപത്രി, പാൽ, പത്രം എന്നിവയെയും ഒഴിവാക്കി. കെ.എസ്.ആർ.ടി.സി, ടാക്‌സി, ഓട്ടോ സർവീസുകളുണ്ടാകില്ല. കടകൾ അടഞ്ഞുകിടക്കും. തിരഞ്ഞെടുപ്പുമായി ബന്ധപ്പെട്ട ഓഫീസുകൾ പ്രവർത്തിക്കും.

The post ദേശീയ പണിമുടക്ക് ആരംഭിച്ചു appeared first on Valanchery Online.

മാണിക്യപുരം അയ്യപ്പക്ഷേത്രത്തിൽ കളംപാട്ട് ബുക്കിങ് ആരംഭിച്ചു

വളാഞ്ചേരിക്കാരൻ — Tue, 12 Nov 2019 09:44:13 +0000

അങ്ങാടിപ്പുറം: മാണിക്യപുരം അയ്യപ്പക്ഷേത്രത്തിൽ ധനുമാസത്തിൽ അയ്യപ്പനും ഭഗവതിക്കും നടത്തിവരാറുള്ള കളംപാട്ട് ബുക്കിങ് ആരംഭിച്ചു. കളംപാട്ട് നടത്താൻ ആഗ്രഹിക്കുന്നവർ ക്ഷേത്രം ഓഫീസിൽ അറിയിക്കണം. ഫോൺ: 04933 253212.

The post മാണിക്യപുരം അയ്യപ്പക്ഷേത്രത്തിൽ കളംപാട്ട് ബുക്കിങ് ആരംഭിച്ചു appeared first on Valanchery Online.

മുന്നാക്കൽ സിറാജുൽ ഹുദാ സെക്കണ്ടറി മദ്രസ കാമ്പസിൽ ഫാളില കോഴ്സ് തുടങ്ങി

വളാഞ്ചേരിക്കാരൻ — Thu, 27 Jun 2019 02:23:38 +0000

എടയൂർ: മുന്നാക്കൽ പള്ളി റോഡ് സിറാജുൽ ഹുദാ സെക്കണ്ടറി മദ്രസ കാമ്പസിൽ പ്രവർത്തനമാരംഭിച്ച സമസ്ത കേരള ഇസ്ലാം മതവിദ്യാഭ്യാസ ബോർഡ് വിഭാവനം ചെയ്യുന്ന ഫാളില കോഴ്സിന്റെ ക്ലാസുൽഘാടനം പാണക്കാട് സയ്യിദ് അബ്ബാസലി ശിഹാബ് തങ്ങൾ നിർവഹിച്ചു. പ്രസിഡണ്ട് പാലാറ അബുബക്കർ അധ്യഷത വഹിച്ചു.

കാമ്പസ് പ്രിൻസിപ്പാൾ K.T അഷറഫ് ഹുദവി സ്വാഗതം പറഞ്ഞു. മദ്രസ ജനറൽ സെക്രട്ടറി v.p അബു ഹാജി പരിപാടികൾക്ക് നേതൃത്വം നൽകി. സെക്രട്ടറി ഡോ: പി.ടി.സൈനുദ്ദീൻ ആശംസ പറഞ്ഞു. സദർ മുഅല്ലിം അബ്ദുള്ള ഫൈസി പരുതൂർ നന്ദി പറഞ്ഞു. സാദിഖ് തങ്ങൾ മേലാറ്റൂർ, മദ്രസ ട്രഷറർ VT അഷറഫ്, ശറഫുദ്ദീൻ മൗലവി, അസ്ലം പരയോടത്ത്, TT അബദുൽ സലാം എന്നിവർ സംബന്ധിച്ചു.
Summary: falila course started at moonakkal swiac

The post മുന്നാക്കൽ സിറാജുൽ ഹുദാ സെക്കണ്ടറി മദ്രസ കാമ്പസിൽ ഫാളില കോഴ്സ് തുടങ്ങി appeared first on Valanchery Online.

സംസ്ഥാന പവര്‍ലിഫ്റ്റിങ് ചാമ്പ്യന്‍ഷിപ്പ് തുടങ്ങി

വളാഞ്ചേരിക്കാരൻ — Sun, 07 Dec 2014 22:30:55 +0000

കുറ്റിപ്പുറം: 31-ാമത് സംസ്ഥാന ജൂനിയര്‍ മാസ്റ്റേഴ്‌സ് പുരുഷ- വനിത പവര്‍ലിഫ്റ്റിങ് ചാമ്പ്യന്‍ഷിപ്പ് കുറ്റിപ്പുറം എം.ഇ.എസ് എന്‍ജിനിയറിങ് കോളേജില്‍ കളക്ടര്‍ കെ. ബിജു ഉദ്ഘാടനം ചെയ്തു.
എം.ഇ.എസ് കോളേജ് പ്രിന്‍സിപ്പല്‍ വി.എച്ച്. അബ്ദുല്‍ സലാം അധ്യക്ഷതവഹിച്ചു. ഫിസിക്കല്‍ എജ്യുക്കേഷന്‍ വിഭാഗം മേധാവി സുനില്‍കുമാര്‍, എം.ഡി.എസ്.സി പ്രസിഡന്റ് ശ്രീകുമാര്‍, കെ.എസ്.പി.എ വൈസ് പ്രസിഡന്റ് അജിത് എസ്. നായര്‍, കെ.എസ്.പി.എ സംസ്ഥാന സെക്രട്ടറി വേണു ജി. നായര്‍, ജില്ലാപ്രസിഡന്റ് രമ ശശിധരന്‍, ജില്ലാ സെക്രട്ടറി കെ. വത്സല എന്നിവര്‍ പ്രസംഗിച്ചു.

The post സംസ്ഥാന പവര്‍ലിഫ്റ്റിങ് ചാമ്പ്യന്‍ഷിപ്പ് തുടങ്ങി appeared first on Valanchery Online.