mahotsavam Archives - Valanchery Online

വൈക്കത്തൂർ മഹോത്സവം 2024; ബ്രോഷർ പ്രകാശനം ചെയ്തു

വളാഞ്ചേരിക്കാരൻ — Tue, 02 Apr 2024 08:11:51 +0000

വളാഞ്ചേരി: വൈക്കത്തൂർ മഹോത്സവം 2024 ഭാഗമായി ബ്രോഷർ പ്രകാശനം വളാഞ്ചേരി സർവീസ് സഹകരണ ബാങ്ക് സെക്രട്ടറി ശശി കുമാർ നിർവഹിച്ചു. ക്ഷേത്രം മേൽശാന്തി, ട്രസ്റ്റീ ബോർഡ് അംഗങ്ങൾ, ആഘോഷ കമ്മിറ്റി പ്രസിഡന്റ്, സെക്രട്ടറി, എക്സിക്യൂട്ടീവ് അംഗങ്ങൾ, ഭക്തജനങ്ങൾ എന്നിവർ സന്നിഹിതരായി.

The post വൈക്കത്തൂർ മഹോത്സവം 2024; ബ്രോഷർ പ്രകാശനം ചെയ്തു appeared first on Valanchery Online.

വൈക്കത്തൂർ മഹോത്സവം കൊടിയേറി

വളാഞ്ചേരിക്കാരൻ — Sat, 02 Jan 2021 01:11:41 +0000

വളാഞ്ചേരി : വൈക്കത്തൂർ മഹാദേവക്ഷേത്രത്തിലെ ഉത്സവം കൊടിയേറി. വെള്ളിയാഴ്ച രാത്രി ഏഴിന് തന്ത്രി കിഴക്കിനിയേടത്ത് മേക്കാട്ട് മാധവൻ നമ്പൂതിരിപ്പാടിന്റേയും അജിത്ത് നമ്പൂതിരിപ്പാടിന്റേയും മുഖ്യകാർമികത്വത്തിലായിരുന്നു കൊടിയേറ്റ്. ക്ഷേത്രം ഊരാളൻ മഴുവഞ്ചേരി സരേഷ്‌കുമാർ, മേൽശാന്തി വലിയകുന്ന് കാലടി മുണ്ടക്കിഴി നാരായണൻ നമ്പൂതിരി, ചെറുശേരി ഗൗതം നമ്പൂതിരി എന്നിവർ പങ്കെടുത്തു.

ശനിയാഴ്ച നാഗപൂജയുണ്ടാകും. ബുധനാഴ്ചയാണ് സമാപനം. ഉത്സവത്തോടനുബന്ധിച്ച് എല്ലാദിവസവും അഷ്ടദ്രവ്യ ഗണപതിഹോമം, നവകം, പഞ്ചഗവ്യം, ശീവേലി, അപ്പം മൂടൽ, ശ്രീഭൂതബലി, തൃകാലപൂജ, മഹാനിവേദ്യം, നിറമാല, ക്ഷേത്രാലങ്കാരം എന്നീ വിശേഷാൽ ചടങ്ങുകളുണ്ടാവും. ചൊവ്വാഴ്ചയാണ് പള്ളിവേട്ട. ബുധനാഴ്ച പറവെപ്പ്, ആറാട്ട് എന്നിവയോടെ ഉത്സവം സമാപിക്കും.

The post വൈക്കത്തൂർ മഹോത്സവം കൊടിയേറി appeared first on Valanchery Online.

വൈക്കത്തൂർ മഹോത്സവം ജനുവരി 1 മുതൽ 6 വരെ

വളാഞ്ചേരിക്കാരൻ — Fri, 18 Dec 2020 07:41:55 +0000

വളാഞ്ചേരി: കോവിഡ് കാരണം നീട്ടിവെച്ച 2020ലെ വൈക്കത്തൂർ മഹോത്സവം ചടങ്ങുകൾ 2021 ജനുവരി 1 മുതൽ 6 വരെ നടത്താൻ തീരുമാനിച്ചു. ചടങ്ങുകളുടെ നടത്തിപ്പിനായി മഹോത്സവ സമിതി രൂപീകരിച്ചു. കോവിഡ് മാനദണ്ഡങ്ങൾ പാലിച്ച് ഉൽസവ ചടങ്ങുകൾ നടത്താൻ ക്ഷേത്രകാര്യം, സാമ്പത്തികം, ഭക്ഷണം, ക്ഷേത്രാലങ്കാരം എന്നീ സബ് കമ്മറ്റികൾ രൂപീകരിച്ചു.

ഉൽസവം ചടങ്ങുകൾ ആചാരപൂർവം ലളിതമായി നടത്താൻ ആവശ്യമായ ക്രമീകരണങ്ങൾ വരുത്താൻ ക്ഷേത്രത്തിൽ വെച്ച് നടന്ന ജനറൽ ബോഡി യോഗത്തിൽ തീരുമാനമായി. ജനറൽ ബോഡി യോഗത്തിൽ ക്ഷേത്ര സംരക്ഷണ സമിതി പ്രസിഡണ്ട് സുരേഷ് കുമാർ മലയത്ത് അധ്യക്ഷനായിരുന്നു. ട്രഷറർ കൃഷ്ണരാജ് ക ചുറ്റമ്പലം നവീകരണത്തിൻ്റെ വരവ് ചെലവ് കണക്ക് അവതരിപ്പിച്ചു. സെക്രട്ടറ മാധവൻ ചാരുത സ്വാഗതവും, വൈസ് പ്രസിഡൻ്റ് എ സുരേഷ് കുമാർ നന്ദിയും പറഞ്ഞു.

The post വൈക്കത്തൂർ മഹോത്സവം ജനുവരി 1 മുതൽ 6 വരെ appeared first on Valanchery Online.

തിരുവേഗപ്പുറ മഹാദേവ ക്ഷേത്രത്തിലെ ഉത്സവം സമാപിച്ചു

വളാഞ്ചേരിക്കാരൻ — Wed, 04 Mar 2020 23:33:41 +0000

തിരുവേഗപ്പുറ: തിരുവേഗപ്പുറ മഹാദേവ ക്ഷേത്രത്തിലെ ഈ വർഷത്തെ ഉത്സവത്തിന് സമാപനം. ഫെബ്രുവരി 26ന് തുടങ്ങിയ ഉത്സവത്തിനാണ് ബുധനാഴ്ച രാവിലെ 9 മണിയോടെ സമാപമായത്. രാവിലെ 4 മണിയോടെ പള്ളിക്കുറുപ്പുണർത്തലോടെ സമപന ദിവസത്തെ ചടങ്ങുകൾ അരംഭിച്ചു. തുടർന്ന് നിർമ്മാല്യ ദർശനം, മുളയെടുക്കൽ, ഗണപതിഹോമം, ഉഷപൂജ, യാത്രാബലി എന്നീ ചടങ്ങുകൾക്ക് ശേഷം ആറാട്ടിനെഴുന്നള്ളിച്ചു.

ആറാട്ടിന് ശേഷം കലശവും ശ്രീഭൂതബലിയോടെയും ചടങ്ങുകൾക്ക് സമാപനമായി. എട്ട് ദിവസങ്ങലായി നടന്ന ഉത്സവത്തിൽ നൃത്തശില്പം, നൃത്താർച്ചന, കൈക്കൊട്ടിക്കളി, കഥകളി തുടങ്ങിയ കലാപരിപാടികൾ ക്ഷേത്രത്തിൽ അരങ്ങേറിയിരുന്നു.

The post തിരുവേഗപ്പുറ മഹാദേവ ക്ഷേത്രത്തിലെ ഉത്സവം സമാപിച്ചു appeared first on Valanchery Online.

വൈക്കത്തൂർ മഹോത്സവം-2019; ബ്രോഷർ പ്രകാശനം ചെയ്തു

വളാഞ്ചേരിക്കാരൻ — Sun, 17 Mar 2019 11:17:16 +0000

വളാഞ്ചേരി: വൈക്കത്തൂർ മഹോത്സവം 2019 ന്റെ പ്രചരണാർത്ഥം തയ്യാറാക്കിയ വിവരണിക (Brochure) പ്രകാശനം ചെയ്തു. ഇന്ന് രാവിലെ രാവിലെ 9 മണിക്ക് ക്ഷേത്രപരിസരത്ത് വച്ച് നടന്ന ചടങ്ങിൽ മാളികപ്പുറം മുൻ മേൽശാന്തി മനോജ് എമ്പ്രാന്തിരി നിർവഹിച്ചു.

ചടങ്ങിൽ ഉത്സവത്തിൻറെ ഭാഗമായ ‘ഭാഗ്യോത്സവം‘ സമ്മാനപദ്ധതിയുടെ ഉദ്ഘാടനം ആർ ബാലകൃഷ്ണൻ നിർവഹിച്ചു. ഈ വർഷം ഏപ്രിൽ 13 മുതൽ ഏപ്രിൽ 18 കൂടിയാണ് ഉത്സവം നടക്കുന്നത്. ഉത്സവത്തിന്റെ ഭാഗമാഇ വിപുലംമായ ഒരുക്കങ്ങളും പരിപാടികളുമാണ് ക്ഷേത്രകമ്മറ്റി നടത്തിയിരിക്കുന്നത്. ചടങ്ങിൽ ക്ഷേത്രം പ്രസിഡന്റ് സുരേഷ് മലയത്ത് അദ്യക്ഷത വഹിച്ചു. വത്സൻ മേനോൻ സ്വാഗതവും നിർവഹിച്ചു. പ്രസ്തുത ചടങ്ങിൽ ക്ഷേത്രം ഊരാളൻ അഷ്ടമൂർത്തി, ഉണ്ണി തിരുമേനി, കൗൺസിലർ ചേരിയിൽ രാമകൃഷ്ണൻ, ഗോപി മാസ്റ്റർ, ആർ.കെ മാസ്റ്റർ, സി.എൻ മൂസത്, ടി.വി ശ്രീകുമാർ, സുരേഷ് പാറത്തൊടി എന്നിവർ ആശംസ അർപ്പിച്ച് സംസാരിച്ചു.

The post വൈക്കത്തൂർ മഹോത്സവം-2019; ബ്രോഷർ പ്രകാശനം ചെയ്തു appeared first on Valanchery Online.