വെൽഫെയർ പാർട്ടി കോട്ടക്കൽ മണ്ഡലം പ്രസിഡന്റ് പൈങ്കൽ ഹംസ അധ്യക്ഷത വഹിച്ചു. ജില്ലാ സെക്രട്ടറിയും ജാഥാ കൺവീനറുമായ മുനീബ് കാരക്കുന്ന് വിഷയാവതരണം നടത്തി. വ്യാപാരി വ്യവസായി ഏകോപന സമിതി ജില്ലാ വൈസ് പ്രസിഡണ്ടും വളാഞ്ചേരി യൂനിറ്റ് പ്രസിഡണ്ടുമായ ടി.എം. പത്മകുമാർ എന്ന പപ്പൻ, NH 17 ആക്ഷൻ കൗൺസിൽ ജില്ലാ ചെയർമാൻ വി.പി. ഉസ്മാൻ ഹാജി, ഫ്രറ്റേണിറ്റി മൂവ്മെന്റ് ജില്ലാ കമ്മിറ്റിയംഗം നഈം മാറഞ്ചേരി, പരിസ്ഥിതി സംഘം ജില്ലാ കോർഡിനേറ്റർ എം. പി. എ. ലത്തീഫ് എന്നിവർ സംസാരിച്ചു. ഗെയിൽ വിക്ടിംസ് ഫോറം, ഗെയിൽ വിരുദ്ധ സമരസമിതി, NH 17 ആക്ഷൻ കൗൺസിൽ തുടങ്ങി വിവിധ സംഘടനകളുടെയും കൂട്ടായ്മകളുടെയും പ്രതിനിധികൾ ജാഥാ നായകനെ ഹാരാർപ്പണമണിയിച്ചു. ജാഥാ നായകൻ എം. ഐ. റഷീദ് മറുപടി പ്രസംഗം നടത്തി.

ജാഥാ വൈസ് ക്യാപ്റ്റനും വെൽഫെയർ പാർട്ടി ജില്ലാ ജനറൽ സെക്രട്ടറിയുമായ കൃഷ്ണൻ കുനിയിൽ, ജില്ലാ വൈസ് പ്രസിഡന്റ് ഗണേഷ് വടേരി, വെൽഫെയർ പാർട്ടി സംസ്ഥാന സമിതിയംഗം റംല മമ്പാട്, ജില്ലാ ട്രഷറർ ഫാറൂഖ് ശാന്തപുരം, ജില്ലാ സെക്രട്ടറി ശാക്കിർ ചങ്ങരംകുളം, എഫ്. ഐ.ടി.യു സംസ്ഥാന വൈസ് പ്രസിഡന്റ് മുഹമ്മദ് പൊന്നാനി, വെൽഫെയർ പാർട്ടി ജില്ലാ കമ്മിറ്റിയംഗങ്ങളായ സാബിർ അൻസാരി, മിനു മുംതാസ്, സീനത്ത് കോക്കൂർ എന്നിവർ വിവിധ കേന്ദ്രങ്ങളിലെ സ്വീകരണ കേന്ദ്രങ്ങളിൽ സംസാരിച്ചു.

വെൽഫെയർ പാർട്ടി കോട്ടക്കൽ മണ്ഡലം സെക്രട്ടറി തൗഫീഖ് പാറമ്മൽ സ്വാഗതവും സ്വാഗതസംഘം കൺവീനർ ടി. വി. ഫൈസൽ റഹ്മാൻ നന്ദിയും പറഞ്ഞു.

തുടർന്ന് കോട്ടക്കൽ മണ്ഡലത്തിലെ എടയൂർ സി.കെ. പാറ, കരേക്കാട്, മാറാക്കര മരവട്ടം, പൊന്മള കോട്ടപ്പുറം തുടങ്ങിയ കേന്ദ്രങ്ങളിൽ സമരയാത്രക്ക് സ്വീകരണം നൽകി.