waiting shed Archives - Valanchery Online

മൂടാലിൽ ഐഡിയൽ ക്ലബ് നിർമ്മിച്ച ബസ് വെയ്റ്റിങ്ങ് ഷെഡ് ഉദ്ഘാടനം ചെയ്തു

വളാഞ്ചേരിക്കാരൻ — Tue, 15 Oct 2019 10:16:02 +0000

കുറ്റിപ്പുറം: ഐഡിയൽ മൂടാൽ ആർട്സ് $ സ്പോർട്സ് ക്ലബ് മൂടാൽ അങ്ങാടിയിൽ നിർമ്മിച്ച ബസ് വെയിറ്റിംഗ് ഷെഡ് ഉദ്ഘാടനം വളാഞ്ചേരി നഗരസഭ വൈസ് ചെയർമാൻ കെഎം ഉണ്ണികൃഷ്ണൻ നിർവഹിച്ചു. ക്ലബ്ബ് പ്രസിഡണ്ട് അഷ്റഫ് മൂടാൽ അധ്യക്ഷത വഹിച്ചു.

നഗരസഭാ കൗൺസിലർ ഇ. പി അച്യുതൻ, ജമാൻ മുക്കറക്കാട്ടിൽ, കെ വി .ഹംസ സാഹിബ്, ടിപി അജ്മൽ, വി പി സക്കീർ, ഹിളർ കളർ പനങ്കാവിൽ ,എം പി നാസർ, സാബാകരീം പാടത്ത്, തോട്ടത്തിൽ ഹബീബ്, പാലക്കൽ ഹുസൈൻ, കുണ്ടനീയിൽ അഷ്റഫ്, എന്നിവർ പ്രസംഗിച്ചു

The post മൂടാലിൽ ഐഡിയൽ ക്ലബ് നിർമ്മിച്ച ബസ് വെയ്റ്റിങ്ങ് ഷെഡ് ഉദ്ഘാടനം ചെയ്തു appeared first on Valanchery Online.

കുറ്റിപ്പാലയിൽ നിയന്ത്രണം നഷ്ടപ്പെട്ട കാർ ബസ് കാത്തിരിപ്പ് കേന്ദ്രത്തിലേക്ക് ഇടിച്ചുകയറി

വളാഞ്ചേരിക്കാരൻ — Thu, 13 Jun 2019 22:45:54 +0000

എടപ്പാൾ: കുറ്റിപ്പാലയിൽ നിയന്ത്രണം നഷ്ടപ്പെട്ട കാർ ബസ് കാത്തിരിപ്പ് കേന്ദ്രത്തിലേക്ക് ഇടിച്ചുകയറി. തിരൂർ സ്വദേശികൾ സഞ്ചരിച്ച കാറാണ് അപകടത്തിൽ പ്പെട്ടത്. വ്യാഴാഴ്ച ഉച്ചയ്ക്ക് 2.30 തിനോടെയായിരുന്നു സംഭവം.
അപകടത്തിൽ ആർക്കും പരിക്കില്ല. തിരൂർ സ്വദേശികൾ സഞ്ചരിച്ച കാറാണ് ബസ് കത്തിരിപ്പ് കേന്ദ്രത്തിലേക്ക് കയറിയത്.ആളൊഴിഞ്ഞ സമയമായതിൽ അപകടം കാര്യമായില്ല.
Summary: car rammed into a waiting shed at kuttippala.

The post കുറ്റിപ്പാലയിൽ നിയന്ത്രണം നഷ്ടപ്പെട്ട കാർ ബസ് കാത്തിരിപ്പ് കേന്ദ്രത്തിലേക്ക് ഇടിച്ചുകയറി appeared first on Valanchery Online.

നോക്കുകുത്തിയായി പുത്തനത്താണി ബസ് കാത്തിരിപ്പു കേന്ദ്രം

വളാഞ്ചേരിക്കാരൻ — Tue, 23 Oct 2018 02:44:49 +0000

തിരുനാവായ: ബസ് കാത്തിരിപ്പുകേന്ദ്രം യാത്രക്കാർക്ക് ഉപകാരപ്പെടാതെയായി മാറി. പുത്തനത്താണി -തിരുനാവായ റോഡിൽ താഴെയായി നിർമിച്ച കാത്തിരിപ്പു കേന്ദ്രമാണ് കാടുപിടിച്ചു കിടക്കുന്നത്. പുത്തനത്താണി ബസ് സ്റ്റാൻഡ് തുറന്നപ്പോൾ തിരുനാവായ, തിരൂർ ഭാഗത്തേക്ക് പോകുന്ന യാത്രക്കാർക്കു വേണ്ടിയാണ് കാത്തിരിപ്പു കേന്ദ്രം നിർമിച്ചത്.

തിരൂർ എം.വി.ഐ. ആയിരുന്ന മുഹമ്മദ് അനസിന്റെ നിർദേശപ്രകാരം ആതവനാട് പഞ്ചായത്താണ് ബസ് കാത്തിരിപ്പു കേന്ദ്രം നിർമിച്ചത്. തിരുനാവായ ഭാഗത്തേക്ക് പോകുന്ന ബസുകൾ പുതുതായി നിർമിച്ച ബസ് കാത്തിരിപ്പുകേന്ദ്രത്തിൽ നിർത്തി യാത്രക്കാരെ ഇറക്കാനും കയറ്റാനുമായിരുന്നു മോട്ടോർ വാഹന വകുപ്പ് തീരുമാനമെടുത്തത്.

എന്നാൽ ബസുകൾ തിരുനാവായ റോഡിലെ പള്ളിക്കടുത്തു നിന്നുമാണ് പഴയ പോലെ യാത്രക്കാരെ കയറ്റുന്നതും ഇറക്കുന്നതും. വെയിലും മഴയുമേറ്റ് യാത്രക്കാർ പെരുവഴിയിൽനിന്നാണ് ബസ് കയറുന്നത്. ഇതിനാൽ പഞ്ചായത്ത് നിർമിച്ച കാത്തിരിപ്പുകേന്ദ്രം നോക്കുകുത്തിയായി മാറി.

The post നോക്കുകുത്തിയായി പുത്തനത്താണി ബസ് കാത്തിരിപ്പു കേന്ദ്രം appeared first on Valanchery Online.

കാത്തിരിപ്പ്കേന്ദ്രമില്ല: വളാഞ്ചേരിയിൽ നിന്നുള്ള ദീഘദൂര ബസ് യാത്ര ദുരിതപൂർണ്ണം

വളാഞ്ചേരിക്കാരൻ — Sun, 26 Nov 2017 10:36:45 +0000

വളാഞ്ചേരി:നഗരത്തിൽ വെയിലും മഴയും കൊണ്ട് ബസിനു കാത്തുനിൽപ്പ്.

ദേശീയപാതയിലെ കോഴിക്കോട് റോഡിൽ ദീർഘദൂര ബസുകൾ കാത്തുനിൽക്കുന്നവർക്കാണ് ഈ ദുര്യോഗം. കോഴിക്കോട്, കോട്ടയ്ക്കൽ, മലപ്പുറം ഭാഗങ്ങളിലേക്കുള്ളവരും തൃശൂർ, ഗുരുവായൂർ, എറണാകുളം, തിരുവനന്തപുരം ഭാഗങ്ങളിലേക്കു പോകുന്നവരും ഏറെ പ്രയാസപ്പെട്ടാണ് റോഡിനിരുവശവും ബസ് കാത്തുനിൽക്കുന്നത്.

ദീർഘദൂര ബസുകൾ വളാഞ്ചേരി ബസ് സ്റ്റാൻഡിൽ കയറേണ്ടതില്ലെന്ന ട്രാഫിക് സുരക്ഷാസമിതിയുടെ തീരുമാനം വന്നതോടെയാണ് കോഴിക്കോട് റോഡിൽ എസ്ബിടി സ്റ്റോപ്പിൽ ബസുകൾ നിർത്തി യാത്രക്കാരെ കയറ്റിയിറക്കൽ തുടങ്ങിയത്.

വർഷങ്ങൾ കഴിഞ്ഞിട്ടും യാത്രക്കാർക്ക് സുരക്ഷിതമായി നിൽക്കുന്നതിനുള്ള സംവിധാനം ബന്ധപ്പെട്ടവർ ഒരുക്കിയില്ല. പാതയോരത്തെ വ്യാപാരസ്ഥാപനങ്ങൾക്കു സമീപമാണ് യാത്രക്കാർ ബസ് കാത്തുനിൽക്കുന്നത്. കോഴിക്കോട് റോഡിൽ ഇരുഭാഗത്തും ബസ് ബേകൾ നിർമിച്ചു നൽകാൻ മുൻപ് ചില സ്ഥാപനങ്ങൾ തയാറായതാണ്. ബന്ധപ്പെട്ടവരുടെ നിസ്സഹകരണം മൂലം നടന്നില്ലെന്നു മാത്രം.

Content highlights: bus waiting shed valanchery calicut road

The post കാത്തിരിപ്പ്കേന്ദ്രമില്ല: വളാഞ്ചേരിയിൽ നിന്നുള്ള ദീഘദൂര ബസ് യാത്ര ദുരിതപൂർണ്ണം appeared first on Valanchery Online.