voter's list Archives - Valanchery Online

തദ്ദേശ തിരഞ്ഞെടുപ്പിനുള്ള വോട്ടർപട്ടികയിൽ പേരു ചേർക്കാൻ വീണ്ടും അവസരം; ഒക്‌ടോബർ 27 മുതൽ പേരു ചേർക്കാം

വളാഞ്ചേരിക്കാരൻ — Sat, 24 Oct 2020 01:49:36 +0000

തിരുവനന്തപുരം: തദ്ദേശ തിരഞ്ഞെടുപ്പിനുള്ള വോട്ടർപട്ടികയിൽ പേരു ചേർക്കാൻ വീണ്ടും അവസരം. ഒക്‌ടോബർ ഒന്നിന് പ്രസിദ്ധീകരിച്ച അന്തിമ വോട്ടർപട്ടികയിൽ ഉൾപ്പെട്ടിട്ടില്ലാത്തവർക്ക് 27 മുതൽ 31 വരെ പേരു ചേർക്കാമെന്ന് സംസ്ഥാന തിരഞ്ഞെടുപ്പ് കമ്മിഷണർ വി.ഭാസ്‌കരൻ അറിയിച്ചു. തിരുത്തലുകൾക്കും സ്ഥാനമാറ്റത്തിനും അപേക്ഷിക്കാം.നേരത്തെ പ്രഖ്യാപിച്ച അന്തിമ വോട്ടർപട്ടികയിൽ 1,29,25,766 പുരുഷന്മാർ, 1,41,94,775 സ്ത്രീകൾ 282 ട്രാൻസ്‌ജെൻഡർമാർ ഉൾപ്പെടെ 2,71,20,823 വോട്ടർമാരാണുള്ളത്.



Click Here!

വെബ്‌സൈറ്റിലൂടെ ഓൺലൈൻ അപേക്ഷകളാണ് നൽകേണ്ടത്
 സ്വന്തമായോ അക്ഷയ കേന്ദ്രങ്ങളിലൂടെയോ അപേക്ഷിക്കാം
 പട്ടികയിൽ നിന്ന് പേര് ഒഴിവാക്കുന്നതിന് മാത്രം അപേക്ഷ നേരിട്ട് നൽകണം
ഒഴിവാക്കലുകൾക്കുള്ള ഫോറം 8 പൂരിപ്പിച്ച് നേരിട്ടോ തപാലിലൂടെയോ ഇലക്ടറൽ രജിസ്‌ട്രേഷൻ ഓഫീസർമാർക്ക് സമർപ്പിക്കണം
നവംബർ 10ന് സപ്ലിമെന്ററി പട്ടിക പ്രസിദ്ധീകരിക്കും

The post തദ്ദേശ തിരഞ്ഞെടുപ്പിനുള്ള വോട്ടർപട്ടികയിൽ പേരു ചേർക്കാൻ വീണ്ടും അവസരം; ഒക്‌ടോബർ 27 മുതൽ പേരു ചേർക്കാം appeared first on Valanchery Online.

തദ്ദേശ സ്ഥാപനങ്ങളിലെ തെരഞ്ഞെടുപ്പിനുള്ള വോട്ടർ പട്ടിക പ്രസിദ്ധീകരിച്ചു

വളാഞ്ചേരിക്കാരൻ — Thu, 18 Jun 2020 02:30:14 +0000

മലപ്പുറം: തദ്ദേശ സ്ഥാപനങ്ങളിലെ തെരഞ്ഞെടുപ്പിനുള്ള വോട്ടർ പട്ടിക പ്രസിദ്ധീകരിച്ചു. ജില്ലയിലെ 94 പഞ്ചായത്തുകളിൽ 92 പഞ്ചായത്തുകളിലെയും 12 നഗരസഭകളിലെയും പട്ടികയാണ് പ്രസിദ്ധീകരിച്ചത്. കോവിഡ്‌ സാഹചര്യത്തിൽ ഓഫീസ്‌ തുറക്കാനാകാത്തതിനാൽ എടയൂർ, എടപ്പാൾ പഞ്ചായത്തുകളിലെ വോട്ടർ പട്ടിക പ്രസിദ്ധീകരിക്കാനായില്ല.
പഞ്ചായത്തുകളിലും നഗരസഭകളിലും വില്ലേജ് ഓഫീസുകളിലും വോട്ടർമാർക്ക് പട്ടിക പരിശോധിക്കാം. പേര് ചേർക്കാൻ തെരഞ്ഞെടുപ്പിനുമുമ്പ് രണ്ട് അവസരംകൂടി നൽകും. കൂട്ടിച്ചേര്‍ക്കലിനും തിരുത്തലിനുംശേഷം ആഗസ്‌തിൽ അന്തിമ പട്ടിക പ്രസിദ്ധീകരിക്കും. അതിനുശേഷവും തിരുത്തലിന്‌ സമയം അനുവദിക്കും.

The post തദ്ദേശ സ്ഥാപനങ്ങളിലെ തെരഞ്ഞെടുപ്പിനുള്ള വോട്ടർ പട്ടിക പ്രസിദ്ധീകരിച്ചു appeared first on Valanchery Online.

വളാഞ്ചേരി നഗരസഭ കരട് വോട്ടര്‍ പട്ടിക പ്രസിദ്ധീകരിച്ചു

വളാഞ്ചേരിക്കാരൻ — Tue, 21 Jan 2020 17:54:43 +0000

തദ്ദേശസ്വയംഭരണ സ്ഥാപനങ്ങളിലേയ്ക്കുള്ള പൊതുതെരഞ്ഞെടുപ്പുമായി ബന്ധപ്പെട്ട് വളാഞ്ചേരി നഗരസഭ കരട് വോട്ടർ പട്ടിക 20.01.2020 തീയതി പ്രസിദ്ധീകരിച്ചു. കരട് വോട്ടർപട്ടിക സംബന്ധിച്ച അപേക്ഷകളും ആക്ഷേപങ്ങളും ജനുവരി 20 മുതൽ ഫെബ്രുവരി 14 വരെ ഇലക്ടറൽ രജിസ്‌ട്രേഷൻ ഓഫീസർമാർക്ക് സമർപ്പിക്കാം. അന്തിമ വോട്ടർപട്ടിക ഫെബ്രുവരി 28-ന് പ്രസിദ്ധീകരിക്കും.

2020 ജനുവരി ഒന്നിനോ അതിനു മുമ്പോ 18 വയസ്സ് തികഞ്ഞവർക്ക് വോട്ടർപട്ടികയിൽ പേരു ചേർക്കാം. വോട്ടർപട്ടികയിലെ ഉൾക്കുറിപ്പുകളിൽ തിരുത്തലുകൾ വരുത്താനും മറ്റു സ്ഥലത്തേക്ക് പേര് മാറ്റാനും അപേക്ഷ സമര്‍പ്പിക്കാം. വോട്ടര്‍ പട്ടികയിലെ പേരുകളിൽ ആക്ഷേപം ഉണ്ടെങ്കിൽ ആയതിനും അപേക്ഷ നല്‍കാം.

പുതിയതായി പേര് ഉള്‍പ്പെടുത്തുന്നതിന് ഫാറം 4, ഉള്‍ക്കുറിപ്പിലെ വിശദാംശങ്ങൾ തിരുത്തുന്നതിന് ഫാറം 6, സ്ഥലം മാറ്റത്തിന് ഫാറം 7, പേര് ഉള്‍പ്പെടുത്തിയത് സംബന്ധിച്ച ആക്ഷേപങ്ങള്‍ക്ക് ഫാറം 5 എന്നിങ്ങനെ ബന്ധപ്പെട്ട ഫോറങ്ങളിലാണ് അപേക്ഷ നല്‍കേണ്ടത്. ഫാറം 4, 6, 7 എന്നിവ ഓണ്‍ലൈന്‍ മുഖേനയും ഫാറം 5 ലെ അപേക്ഷ നേരിട്ടോ തപാൽ മുഖേനയോ ആണ് സമര്‍പ്പിക്കേണ്ടത്.

The post വളാഞ്ചേരി നഗരസഭ കരട് വോട്ടര്‍ പട്ടിക പ്രസിദ്ധീകരിച്ചു appeared first on Valanchery Online.