valanchery Archives - Valanchery Online

മഹാത്മാ ഗാന്ധിയുടെ രക്തസാക്ഷിത്വ ദിനം ആചരിച്ചു വളാഞ്ചേരി മണ്ഡലം കോൺഗ്രസ് കമ്മിറ്റി

വളാഞ്ചേരിക്കാരൻ — Fri, 30 Jan 2026 16:59:17 +0000

വളാഞ്ചേരി: വളാഞ്ചേരി മണ്ഡലം കോൺഗ്രസ് കമ്മിറ്റിയുടെ നേതൃത്വത്തിൽ മഹാത്മാഗാന്ധിയുടെ രക്തസാക്ഷിത്വ ദിനം ആചരിച്ചു വർഗീയ ഫാസിസ്റ്റ് ശക്തികളുടെ വെടിയേറ്റ് കൊല്ലപ്പെട്ട മഹാത്മാഗാന്ധി യുടെ പാവന സ്മരണയ്ക്ക് മുമ്പിൽആദരാഞ്ജലികൾ അർപ്പിച്ചുകൊണ്ട് പുഷ്പാർച്ചന നടത്തി ഗാന്ധി സ്ക്വയറിൽ നടന്ന പ്രാർത്ഥന ചടങ്ങിൽ കോൺഗ്രസ് മണ്ഡലം പ്രസിഡന്റ് പി രാജൻ മാസ്റ്റർ ഗാന്ധി പ്രതിമയിൽ ഹാരാർപ്പണം നടത്തി മണ്ഡലം സെക്രട്ടറി പാറയിൽ മുസ്തഫ മുൻ മണ്ഡലം പ്രസിഡണ്ട് പറശ്ശേരി അസൈനാർ ബ്ലോക്ക് വൈസ് പ്രസിഡണ്ട് ബാപ്പു താഴെയങ്ങാടി,എൻ അലി, കെ കൃഷ്ണൻ,അയ്യപ്പൻ എടയൂർ യൂത്ത് കോൺഗ്രസ് മണ്ഡലം പ്രസിഡണ്ട് അജേഷ് പട്ടേരി മഹിളാ കോൺഗ്രസ്മണ്ഡലം ജയശ്രീ ബൈജു പറശ്ശേരി സുന്ദരൻ പാല തോട്ടിൽ,കുമാരൻ പച്ചീരി,ജനാർദ്ദനൻ മാസ്റ്റർ പൈങ്കൽ അസി തുടങ്ങിയവർ പുഷ്പാർച്ചനയിലും പ്രാർത്ഥനയിലും പങ്കെടുത്തു

The post മഹാത്മാ ഗാന്ധിയുടെ രക്തസാക്ഷിത്വ ദിനം ആചരിച്ചു വളാഞ്ചേരി മണ്ഡലം കോൺഗ്രസ് കമ്മിറ്റി appeared first on Valanchery Online.

വളാഞ്ചേരി കാവുംപുറത്ത് സ്‌കൂൾ പരിസരത്തെ സിമന്റ് സംഭരണ കേന്ദ്രം;

വളാഞ്ചേരിക്കാരൻ — Thu, 01 Jan 2026 05:15:42 +0000

വളാഞ്ചേരി : സ്‍കൂൾ പരിസരത്തെ സിമൻറ് സംഭരണകേന്ദ്രത്തിനെതിരേ പരാതിയുമായി നാട്ടുകാർ രംഗത്ത്. കാവുംപുറത്ത് പ്രവർത്തിക്കുന്ന ബഡ്‌സ് സ്‌കൂളിന്റെ ചുമരിനോട് ചേർന്നും തൊട്ടടുത്തുതന്നെയുള്ള തൊഴുവാനൂർ എഎൽപി സ്‌കൂളിനരികിലുമായാണ് സിമന്റ് സംഭരണകേന്ദ്രത്തിന്റെ പ്രവർത്തനം. കേന്ദ്രത്തിന്റെ ലൈസൻസ് റദ്ദാക്കണമെന്നാവശ്യപ്പെട്ട് നാട്ടുകാരുടെ േനതൃത്വത്തിൽ നഗരസഭാധ്യക്ഷ ഹസീന വട്ടോളിക്ക് പരാതി നൽകി. സംഭരണകേന്ദ്രത്തിൽനിന്നുള്ള സിമന്റുപൊടി ക്ലാസുകളിലേക്ക് വരുന്നുണ്ടെന്നും ഇത് ബഡ്‌സ് സ്‌കൂളിലെ ഭിന്നശേഷിക്കാരായ വിദ്യാർഥികൾക്കും അധ്യാപകർക്കും ഗുരുതരമായ ആരോഗ്യപ്രശ്നങ്ങളുണ്ടാക്കുന്നതായും സിമന്റുമായി വരുന്ന വലിയ ട്രക്കുകൾ കുട്ടികളുടെ സുരക്ഷയ്ക്ക് ഭീഷണിയാണെന്നും പരാതിയിൽ പറയുന്നു. ബഡ്‌സ് സ്‌കൂളിലേക്ക് വരുന്നവരും ട്രക്കുകളും ഒരേ വഴിയിലൂടെ പ്രവേശിക്കുന്നതും ഗുരുതരമായ സുരക്ഷാഭീഷണിയാണ്. വൈസ്‌ ചെയർമാൻ കെ.വി. ഉണ്ണികൃഷ്ണൻ, പ്രതിപക്ഷനേതാവ് ടി.പി. അബ്ദുൾ ഗഫൂർ എന്നിവർക്കൊപ്പമെത്തിയാണ് നാട്ടുകാർ പരാതി നൽകിയത്.

The post വളാഞ്ചേരി കാവുംപുറത്ത് സ്‌കൂൾ പരിസരത്തെ സിമന്റ് സംഭരണ കേന്ദ്രം; appeared first on Valanchery Online.

കാട്ടിപ്പരുത്തി വില്ലേജ് ഓഫീസിൽ വിജിലൻസ് പരിശോധന

വളാഞ്ചേരിക്കാരൻ — Thu, 01 Jan 2026 05:03:02 +0000

വളാഞ്ചേരി: കാട്ടിപ്പരുത്തി വില്ലേജ് ഓഫീസിൽ വിജിലൻസ് ഉദ്യോഗസ്ഥരുടെ മിന്നൽപ്പരിശോധന. കൈക്കൂലിയായി കൈപ്പറ്റിയതെന്നു കരുതുന്ന കണക്കിൽപ്പെടാത്ത പണം കണ്ടെടുത്തു. കാട്ടിപ്പരുത്തി വില്ലേജ് ഫീൽഡ് അസിസ്റ്റന്റ് ഷറഫുദ്ദീനിൽനിന്നാണ് പണം പിടിച്ചെടുത്തത്. ഷറഫുദ്ദിന്റെ കാറിൽനിന്ന് വിജിലൻസ് സംഘം 11,500രൂപയാണ് കണ്ടെടുത്തത്. രേഖകളൊന്നുമില്ലാതെ വില്ലേജ് ഓഫീസിൽ സൂക്ഷിച്ച 1,970 രൂപയും പിടിച്ചെടുത്തു. ഓഫീസിൽനിന്ന്‌ മദ്യക്കുപ്പിയും കണ്ടെടുത്തിട്ടുണ്ട്. മലപ്പുറം വിജിലൻസ് ഇന്റലിജന്റ്സ് ഓഫീസർ ജ്യോതികുമാറിനു ലഭിച്ച രഹസ്യവിവരത്തിന്റെ അടിസ്ഥാനത്തിൽ ബുധനാഴ്ച ഉച്ചയോടെയായിരുന്നു പരിശോധന. ഷറഫൂദ്ദീനെ വിശദമായി പിന്നീട് ചോദ്യംചെയ്യുമെന്നാണ് വിവരം. വിവിധ ആവശ്യങ്ങൾക്ക് ഓഫീസിലെത്തുന്നവരിൽനിന്ന് കൈക്കൂലി ഈടാക്കുന്നതായി അധികൃതർക്കു പരാതി ലഭിച്ചിരുന്നു. ഇതേത്തുടർന്നാണ് വിജിലൻസ് ഇന്റലിജൻസ് വിഭാഗം പരിശോധന നടത്തിയത്. എക്സൈസ് ഉദ്യോഗസ്ഥരും പരിശോധനയിൽ പങ്കെടുത്തിരുന്നു.

The post കാട്ടിപ്പരുത്തി വില്ലേജ് ഓഫീസിൽ വിജിലൻസ് പരിശോധന appeared first on Valanchery Online.

വളാഞ്ചേരി നഗരസഭ; 30 വർഷത്തിനുശേഷം കരിങ്കല്ലത്താണി പിടിച്ച് യുഡിഎഫ്

വളാഞ്ചേരിക്കാരൻ — Tue, 16 Dec 2025 01:52:00 +0000

വളാഞ്ചേരി: നഗരസഭയിൽ എൽഡിഎഫിന്റെ കോട്ടയായി നിലനിന്ന ഒരു വാർഡ് നഷ്ടപ്പെടുന്നത് മുപ്പത് കൊല്ലത്തിനുശേഷം. നഗരസഭയിലെ ഡിവിഷൻ 15 കരിങ്കല്ലത്താണിയാണ് മൂന്നുപതിറ്റാണ്ടിനുശേഷം യുഡിഎഫ് സ്ഥാനാർഥിയായ യു. റഹ്‌മാബി (കോൺ)യിലൂടെ തിരിച്ചുപിടിച്ചത്. എൽഡിഎഫിലെ സഫിയ അബ്ബാസും എസ്ഡിപിഐയുടെ ഫാത്തിമ ഹിബയുമായിരുന്നു എതിർസ്ഥാനാർഥികൾ. വളാഞ്ചേരിയിലെ പഴയകാല വ്യാപാരിയും കോൺഗ്രസ് പ്രവർത്തകനുമായിരുന്ന യു. ഏന്തീൻകുട്ടിയുടെ മരുമകളാണ്. ഏറെക്കാലമായി കുടുംബശ്രീ പ്രസിഡന്റായും പ്രവർത്തിക്കുന്നുണ്ട്.

The post വളാഞ്ചേരി നഗരസഭ; 30 വർഷത്തിനുശേഷം കരിങ്കല്ലത്താണി പിടിച്ച് യുഡിഎഫ് appeared first on Valanchery Online.

നഗരസഭയിലേക്ക് വിജയിച്ച അംഗങ്ങളുമായി വളാഞ്ചേരിയിൽ റോഡ്‌ഷോ സംഘടിപ്പിച്ച് യു.ഡി.എഫ്

വളാഞ്ചേരിക്കാരൻ — Tue, 16 Dec 2025 00:59:06 +0000

വളാഞ്ചേരി : തദ്ദേശസ്ഥാപനങ്ങളിൽ ഉജ്ജ്വലവിജയം നേടിയതിൽ ആഹ്ലാദംപ്രകടിപ്പിച്ച് വളാഞ്ചേരി മുനിസിപ്പൽ യുഡിഎഫ് കമ്മിറ്റിയുടെ നേതൃത്വത്തിൽ നഗരത്തിൽ റോഡ്‌ഷോ സംഘടിപ്പിച്ചു.34 അംഗ നഗരസഭയിൽ 27 ഡിവിഷനുകളിൽനിന്നു വിജയിച്ച യുഡിഎഫ് അംഗങ്ങളെ അണിനിരത്തി കൊട്ടാരം ആലിൻചുവടിൽനിന്നാണ് റോഡ്‌ഷോ തുടങ്ങിയത്. നഗരംചുറ്റിയശേഷം കോഴിക്കോട് റോഡിൽ മീമ്പാറയിൽ സമാപിച്ചു. ഡിജെ, കരിമരുന്നുപ്രയോഗം, വാദ്യമേളങ്ങൾ എന്നിവയുെട അകമ്പടിയോടെയായിരുന്നു റോഡ്‌ഷോ.

മുസ്‍ലിംലീഗ് ജില്ലാസെക്രട്ടറി കെ.എം. ഗഫൂർ, കോട്ടയ്ക്കൽ നിയോജകമണ്ഡലം യുഡിഎഫ് കൺവീനർ സലാം വളാഞ്ചേരി, യുഡിഎഫ് നേതാക്കളായ അഷറഫ് അമ്പലത്തിങ്ങൽ, പി. രാജൻ നായർ, ടി.കെ. ആബിദലി, മുഹമ്മദലി നീറ്റുകാട്ടിൽ, മൂർക്കത്ത് മുസ്തഫ, കെ. മുസ്തഫ, പി.പി. ഹമീദ് തുടങ്ങിയവർ നേതൃത്വംനൽകി.

The post നഗരസഭയിലേക്ക് വിജയിച്ച അംഗങ്ങളുമായി വളാഞ്ചേരിയിൽ റോഡ്‌ഷോ സംഘടിപ്പിച്ച് യു.ഡി.എഫ് appeared first on Valanchery Online.

വളാഞ്ചേരി നഗരസഭ ബഡ്സ് സ്കൂൾ നാടിന് സമർപ്പിച്ചു

വളാഞ്ചേരിക്കാരൻ — Fri, 07 Nov 2025 12:23:03 +0000

വളാഞ്ചേരി: നഗരസഭ 2024-25 വാർഷിക പദ്ധതിയിൽ ഉൾപ്പെടുത്തി മൾട്ടിപർപ്പസ് സെൻ്ററിൽ നിർമ്മാണം നടത്തിയ ബഡ്സ് സ്കൂൾ നഗരസഭ ചെയർമാൻ അഷറഫ് അമ്പലത്തിങ്ങൾ ഉദ്‌ഘാടനം ചെയ്തു നാടിന് സമർപ്പിച്ചു.വൈസ് ചെയർപേഴ്‌സൺ റംല മുഹമ്മദ് അദ്ധ്യക്ഷത വഹിച്ചു.കാവുംപുറം എ.എൽ.പി സ്‌കൂളിന് സമീപം മൂന്ന് നില കെട്ടിടത്തിൽ ഗ്രൗണ്ട് ഫ്ലോറിൽ ആണ് ബഡ്‌സ് സ്‌കൂൾ,രണ്ടാം നിലയിൽ അഭയകേന്ദ്രവും,മൂന്നാം നിലയിൽ ഇൻ്റോർ സ്‌റ്റേഡിയവുമാണ് നിർമ്മാണം നടത്തുന്നത്.18 സെൻ്റ് സ്ഥലത്ത് 3417 സ്‌ക്വയർ ഫീറ്റിൽ ഓഫീസ്റും,റിസപ്ഷൻ ഏരിയ,2 ക്ലാസ്സ് മുറികൾ,ഡൈനിംഗ് ഏരിയ,തെറാപ്പി റൂമുകൾ,ഭിന്നശേഷി സൗഹൃദ ശുചിമുറികൾ തുടങ്ങിയ സൗകര്യങ്ങൾ ബഡ്‌സ് സ്‌കൂളിൽ തയ്യാറാക്കിയിട്ടുണ്ട്. 25 വിദ്യാർത്ഥികളാണ് നിലവിൽ അഡ്‌മിഷൻ എടുത്തിട്ടുള്ളത്.രക്ഷിതാക്കളുടെ ആവശ്യപ്രകാരം കൂടുതൽ അഡ്‌മിഷന് വേണ്ടി അപേക്ഷ ക്ഷണിക്കുകയും ചെയ്തിട്ടുണ്ട്.ഒരുപാട് കാലത്തെ രക്ഷിതാക്കളുടെ ആവശ്യമാണ് ബഡ്‌സ് സ്‌കൂൾ നിർമ്മാണത്തോടെ സാധ്യമായത് എന്ന് ചെയർമാൻ പറഞ്ഞു. രക്ഷിതാക്കൾ ബഡ്സ് സ്‌കൂൾയാതാർത്ഥ്യമായതിലുള്ള നഗരസഭയോടുള്ള സന്തോഷം രേഖപെടുത്തുകയും ചെയ്തു. ക്ഷേമ കാര്യ സ്റ്റാൻ്റിംഗ് കമ്മിറ്റി ചെയർപേഴ്‌സൺ ദീപ്തി ഷൈലേഷ് സ്വാഗതം പറഞ്ഞചടങ്ങിൽ സ്ഥിരം സമിതി അദ്ധ്യക്ഷന്മാരായ മുജീബ് വാലാസി,സി.എം റിയാസ്,ഇബ്രാഹിം മാരാത്ത്,റൂബി ഖാലിദ്,കൗൺസിലർമാരായ ഫൈസൽ അലിതങ്ങൾ,ശിഹാബ് പാറക്കൽ,സദാനന്ദൻ കോട്ടീരി,ആബിദ മൻസൂർ,ഷൈലജ കെ.വി,ഷാഹിന റസാഖ്,വീരാൻകുട്ടി പറശ്ശേരി,കെ.വി ഉണ്ണികൃഷ്‌ണൻ,ദാവൂദ് മാസ്റ്റർ,വെസ്റ്റേൺ പ്രഭാകരൻ,മൂർക്കത്ത് മുസ്‌തഫ,നസീറലി പാറക്കൽ,ഹാരിസ് മാസ്റ്റർ,നൂറുദ്ധീൻ പാലാറ,സലാം കവറൊടി,രാമകൃഷ്ണൻ മാസ്റ്റർ,ഐ.സി.ഡി.എസ് സൂപ്പർ വൈസർ രഹിന സണ്ണി,സി.ഡി.എസ് ചെയർപേഴ്‌സൺ ഷൈനി തുടങ്ങിയവർ സംസാരിച്ചു.രക്ഷിതാക്കൾ,രാഷ്‌ട്രീയ സാമൂഹ്യ രംഗത്തെ പ്രമുഖർ തുടങ്ങിയവർ സംബന്ധിച്ചു.

The post വളാഞ്ചേരി നഗരസഭ ബഡ്സ് സ്കൂൾ നാടിന് സമർപ്പിച്ചു appeared first on Valanchery Online.

വളാഞ്ചേരി നഗരസഭ പാലിയേറ്റീവ് ഐ.പി ക്രോണിക്ക് ഡിസബിലിറ്റി മാനേജ്മെൻ്റ് ഫിസിയോ തെറാപ്പി യൂണിറ്റ് പ്രവർത്തനമാരംഭിച്ചു

വളാഞ്ചേരിക്കാരൻ — Fri, 07 Nov 2025 12:19:26 +0000

വളാഞ്ചേരി: വളാഞ്ചേരി നഗരസഭ പാലിയേറ്റീവ് ഐ.പി ക്രോണിക്ക് ഡിസബിലിറ്റി മാനേജ്മെൻ്റ് ഫിസിയോ തെറാപ്പി യൂണിറ്റ് ആരോഗ്യ ശിശു വികസന വകുപ്പ് മന്ത്രി വീണ ജോർജ് ഓൺലൈൻ ആയി നിർവ്വഹിച്ചു. കോട്ടക്കൽ നിയോജക മണ്ഡലം എം.എൽ.എ പ്രൊഫ.ആബിദ് ഹുസൈൻ തങ്ങൾ അദ്ധ്യക്ഷത വഹിച്ചു.നഗരസഭ ചെയർമാൻ അഷ്‌റഫ് അമ്പലത്തിങ്ങൽ സ്വാഗതം പറഞ്ഞു. കിടപ്പിലായ രോഗികളെ വളരെ മികച്ചരീതിയിൽ ശുശ്രൂഷ നൽകുന്നതിനും അത്തരത്തിലുള്ള രോഗികൾക്ക് മികച്ച ചികിത്സ നൽകുന്നതിന് വേണ്ടിയാണ് പാലിയേറ്റ് ഐ.പി ആരംഭിച്ചിട്ടുള്ളത്. തദ്ദേശസ്വായം ഭരണത്തിന് കീഴിൽ കേരളത്തിൽ തന്നെ ആദ്യമായി ആരംഭിക്കുന്ന പാലിയേറ്റീവ് ഐ.പി കേന്ദ്രമാണ് വളാഞ്ചേരി നഗരസഭയിൽ ആരംഭിച്ചത്.കുടുംബാരോഗ്യ കേന്ദ്രത്തിന് സമീപമുള്ള കെട്ടിടത്തിൽ നവീകരണം നടത്തിയാണ് ഐ.പി കേന്ദ്രം ആരംഭിച്ചിട്ടുള്ളത്. ഡോക്‌ടറുടെ നേതൃത്വത്തിൽ പരിശോധയും, 24×7നഴ്‌സിൻ്റെ സേവനം ലഭ്യമാകുകയും ചെയ്യും. പാലിയേറ്റീവ് ജനറൽ സെക്രട്ടറി ഡോ.എൻ.എം മുജീബ്റഹ്മാൻ, നഗരസഭ വൈസ് ചെയർപേഴ്‌സൺ റംല മുഹമ്മദ്,സ്ഥിരം സമിതി അദ്ധ്യക്ഷന്മാരായ ഇബ്രാഹിം മാരാത്ത്, മുജീബ് വാലാസി, ദീപ്‌തി ഷൈലേഷ്,ജില്ല മെഡിക്കൽ ഓഫീസർ ഇൻ-ചാർജ് ഷിബുലാൽ,മെഡിക്കൽ ഓഫീസർ ഡോ.നസീറ ചെറുവക്കത്ത്, കെ.എം ഗഫൂർ,വി.പി സാലിഹ്,ഡോ.റിയാസ്, ജബ്ബാർ നടക്കാവിൽ തുടങ്ങിയവർ സംസാരിച്ചു. കൗൺസിലർയാരായ ഈസ മാസ്റ്റർ,എൻ.നൂർജഹാൻ,സദാനന്ദൻ കോട്ടീരി,കമറുദ്ധീൻ പാറക്കൽ,നൗഷാദ് നാലകത്ത്, സിദ്ധീഖ് ഹാജി കളപ്പുലാൻ,കെ.വി ഉണ്ണികൃഷ്ണൻ തുടങ്ങി രാഷ്ട്രീയ സാമൂഹ്യ രംഗത്തെ പ്രമുഖവ്യക്തിത്വങ്ങൾ, ആരോഗ്യ വിഭാഗം ജീവനക്കാർ,ആശവർക്കർമാർ പരിപാടിയിൽ പങ്കെടുത്തു.

The post വളാഞ്ചേരി നഗരസഭ പാലിയേറ്റീവ് ഐ.പി ക്രോണിക്ക് ഡിസബിലിറ്റി മാനേജ്മെൻ്റ് ഫിസിയോ തെറാപ്പി യൂണിറ്റ് പ്രവർത്തനമാരംഭിച്ചു appeared first on Valanchery Online.

വളാഞ്ചേരിയിൽ ലോറി തലയിലൂടെ കയറി സ്കൂട്ടർ യാത്രക്കാരിയായ യുവതിക്ക് ദാരുണാന്ത്യം

വളാഞ്ചേരിക്കാരൻ — Tue, 04 Nov 2025 08:18:29 +0000

വളാഞ്ചേരി: വളാഞ്ചേരിയിൽ സ്കൂട്ടറും ലോറിയും തമ്മിൽ കൂടിയിടിച്ചുണ്ടായ അപകടത്തിൽ സ്കൂട്ടർ യാത്രക്കാരിയായ യുവതിക്ക് ദാരുണാന്ത്യം. എടയൂർ എളയമ്പറമ്പിൽ റഫീഖിന്റെ ഭാര്യ ജംഷീന (27) ആണ് മരിച്ചത്. സംസ്ഥാന പാത 73ൽ വളാഞ്ചേരി സി.എച് അശുപത്രിക്ക് മുന്നിൽ ഇന്ന് ഉച്ചയ്ക്ക് 1 മണിയോടെയാണ് അപകടം നടന്നത്. മറ്റൊരു വാഹനത്തെ മറികടക്കാൻ ശ്രമിക്കുന്നതിനിടെ ലോറി നിയന്ത്രണം വിട്ട് സ്കൂട്ടറുമായി കൂട്ടിയിടിക്കുകയായിരുന്നു എന്നാണ് പ്രാഥമിക വിവരം. ഡ്രൈവിംഗ് ക്ലാസ് കഴിഞ്ഞ് വീട്ടിലേക്ക് മടങ്ങുന്ന വഴിയിലായിരുന്നു അപകടമെന്ന് പോലീസ് അറിയിച്ചു. നാട്ടുകാരും വളാഞ്ചേരി പോലീസും ചേർന്ന് ജംഷീനയുടെ മൃതശരീരം നടക്കാവ് ആശുപത്രിയിലേക്ക് മാറ്റി. അപകടത്തിൽ വളാഞ്ചേരി പോലീസ് കേസെടുത്ത് അന്വേഷണം ആരംഭിച്ചിട്ടുണ്ട്.

The post വളാഞ്ചേരിയിൽ ലോറി തലയിലൂടെ കയറി സ്കൂട്ടർ യാത്രക്കാരിയായ യുവതിക്ക് ദാരുണാന്ത്യം appeared first on Valanchery Online.

യു.ഡി.എഫ് മുൻസിപ്പൽ ഭരണസമിതിക്കെതിരെ ജനകീയ വിചാരണ സദസ്സ് സംഘടിപ്പിച്ചു സി.പി.എം വളാഞ്ചേരി ലോക്കൽ കമ്മിറ്റി

വളാഞ്ചേരിക്കാരൻ — Sat, 25 Oct 2025 01:28:57 +0000

വളാഞ്ചേരി: യു.ഡി.എഫ് മുൻസിപ്പൽ ഭരണസമിതിക്കെതിരെ സി.പി.എം വളാഞ്ചേരി ലോക്കൽ കമ്മിറ്റിയുടെ നേതൃത്വത്തിൽ ജനകീയ വിചാരണ സദസ്സ് സംഘടിപ്പിച്ചു. സി.പി.എം ഏരിയ സെക്രട്ടറി വി.കെ. രാജീവ് ഉദ്ഘാടനം ചെയ്തു. ലോക്കൽ കമ്മിറ്റി സെക്രട്ടറി കെ.വി. ബാബുരാജ് അദ്ധ്യക്ഷനായി. ഏരിയ കമ്മിറ്റി അംഗങ്ങളായ എൻ. വേണുഗോപാൽ, കെ.എം. ഫിറോസ് ബാബു, ലോക്കൽ കമ്മിറ്റി അംഗവും കൗൺസിലറുമായ ഇ.പി. അച്യുതൻ, കൗൺസിലർ കെ.കെ. ഫൈസൽ തങ്ങൾ എന്നിവർ സംസാരിച്ചു. ലോക്കൽ കമ്മിറ്റി അംഗങ്ങളായ ടി.ടി. പ്രേമരാജൻ സ്വാഗതവും കെ.പി. യാസർ അറഫാത്ത് നന്ദിയും പറഞ്ഞു.

The post യു.ഡി.എഫ് മുൻസിപ്പൽ ഭരണസമിതിക്കെതിരെ ജനകീയ വിചാരണ സദസ്സ് സംഘടിപ്പിച്ചു സി.പി.എം വളാഞ്ചേരി ലോക്കൽ കമ്മിറ്റി appeared first on Valanchery Online.

കാട്ടിപ്പരുത്തി ചങ്ങമ്പള്ളി ആയുർവേദ വൈദ്യശാല സന്ദർശിച്ച് ജപ്പാനിൽ നിന്നുള്ള ഡോക്ടർമാരുടെ സംഘം

വളാഞ്ചേരിക്കാരൻ — Wed, 01 Oct 2025 03:38:14 +0000

വളാഞ്ചേരി: ആയുർവേദ ചികിത്സാരീതികൾ നേരിട്ടു മനസ്സിലാക്കാനും പഴയകാല വൈദ്യകുടുംബത്തിന്റെ പാരമ്പര്യചികിത്സാരീതികൾ അടുത്തറിയാനുമായി ജപ്പാനിൽനിന്നുള്ള ഡോക്ടർമാരുടെ സംഘം വളാഞ്ചേരി ചങ്ങമ്പള്ളി ആയുർവേദ ആസ്ഥാനത്തെത്തി. ഔഷധനിർമാണ പ്രക്രിയകളും മറ്റും മനസ്സിലാക്കാനായി മൂന്നു ദിവസമാണ് സംഘം ചങ്ങമ്പള്ളിയിൽ ചെലവഴിക്കുക.
സ്ഥാപനങ്ങളുടെ എംഡി അബ്ദുൽ ജബ്ബാർ ഗുരുക്കൾ, ചീഫ് ഫിസിഷ്യൻ ഡോ. മൻസൂർ അലി ഗുരുക്കൾ, മെഡിക്കൽ ഡയറക്ടർ ഡോ. അൻസാർ അലി ഗുരുക്കൾ, ഡോ. ഫാത്തിമ കീഴേപ്പാട്ട് എന്നിവരും ജീവനക്കാരുംചേർന്ന് സംഘത്തെ സ്വീകരിച്ചു.

The post കാട്ടിപ്പരുത്തി ചങ്ങമ്പള്ളി ആയുർവേദ വൈദ്യശാല സന്ദർശിച്ച് ജപ്പാനിൽ നിന്നുള്ള ഡോക്ടർമാരുടെ സംഘം appeared first on Valanchery Online.

രാഹുൽ ഗാന്ധിക്ക് എതിരായ വധ ഭീഷണി; വളാഞ്ചേരിയിൽ പ്രതിഷേധ സംഗമവും പ്രകടനവും നടത്തി കോൺഗ്രസ്

വളാഞ്ചേരിക്കാരൻ — Mon, 29 Sep 2025 13:56:04 +0000

രാഹുൽ ഗാന്ധിക്ക് എതിരെ വധഭീഷണി മുഴക്കിയ BJP നേതാവിനെ ആഭ്യന്തരവകുപ്പ് സംരക്ഷിക്കുന്നു എന്നാരോപിച്ച് കുറ്റിപ്പുറം ബ്ലോക്ക് കോൺഗ്രസ് കമ്മിറ്റി വളാഞ്ചേരിയിൽ പ്രതിഷേധ സംഗമവും പ്രകടനവും നടത്തി. ബ്ലോക്ക് പ്രസിഡൻ്റ് വിനു പുല്ലാനൂർ അദ്ധ്യക്ഷത വഹിച്ചു. Dktf ജില്ല പ്രസിഡൻ്റ് കെ.വി ഉണ്ണികൃഷ്ണൻ, ബ്ലോക്ക് ഭാരവാഹികൾ ആയ മഠത്തിൽ ശ്രീകുമാർ, ഷബാബ് വക്കരത്ത്, അബ്ദുൾ റൗഫ്, അലി നീറ്റുക്കാട്ടിൽ, ബെന്നി മാസ്റ്റർ, വത്സൻ ബാബു, എ കെ മാനു, പി ടി അയ്യപ്പൻ, വി സുധാകരൻ മാസ്റ്റർ, ടി വി ശ്രീകുമാർ, രാജേഷ് കാർത്തല, അസറു പാഴൂർ, വി ടി മുസ്തഫ, അനന്ദൻ കുറ്റിപ്പുറം, സക്കീർ മൂടാൽ, അസീസ് കുറ്റിപ്പുറം, മിസ്‌രിയ ടീച്ചർ, മൂജീപ് പാഴൂർ, നൗഷാദ് കൊട്ടപ്പുറം, പ്രൊഫ. നാരായണൻ മാസ്റ്റർ, വളാഞ്ചേരി മണ്ഡലം പ്രസിഡൻ്റ് രാജൻ മാസ്റ്റർ, റംല മുഹമ്മദ്, ശരത്ത് മെനൊക്കി, നൗഫൽ പാലാറ, ബഷീർ മാവണ്ടിയൂർ, അസ്റു വളാഞ്ചേരി, അജീഷ് പട്ടേരി, മനോജ് പെരശ്ശനൂർ, ബാസിൽ മൂടാൽ, ഭക്തവത്സലൻ, ആസിഫ് തുടങ്ങിയവർ പങ്കെടുത്തു.

The post രാഹുൽ ഗാന്ധിക്ക് എതിരായ വധ ഭീഷണി; വളാഞ്ചേരിയിൽ പ്രതിഷേധ സംഗമവും പ്രകടനവും നടത്തി കോൺഗ്രസ് appeared first on Valanchery Online.

പണ്ഡിറ്റ് ദീൻദയാൽ ഉപാധ്യായ ജയന്തി; പുഷ്പാർച്ചനയും അനുസ്മരണവും സംഘടിപ്പിച്ച് ബിജെപി കുറ്റിപ്പുറം മണ്ഡലം കമ്മിറ്റി

വളാഞ്ചേരിക്കാരൻ — Fri, 26 Sep 2025 01:25:57 +0000

വളാഞ്ചേരി : പണ്ഡിറ്റ് ദീൻദയാൽ ഉപാധ്യായ ജയന്തിയോടനുബന്ധിച്ച് പുഷ്പാർച്ചനയും അനുസ്മരണവും സംഘടിപ്പിച്ച് ബിജെപി കുറ്റിപ്പുറം മണ്ഡലം കമ്മിറ്റി. അനുസ്മരണയോഗം മണ്ഡലംപ്രസിഡന്റ് കെ.ടി. അനിൽകുമാർ ഉദ്ഘാടനംചെയ്തു. പുഷ്പാർച്ചനയും നടത്തി. മണ്ഡലം ജനറൽസെക്രട്ടറി പി.പി. പ്രഭീഷ് അധ്യക്ഷതവഹിച്ചു. എസ്‌സി മോർച്ചാ ജില്ലാപ്രസിഡന്റ് വാസു കോട്ടപ്പുറം, ബിജെപി ജില്ലാകമ്മിറ്റി അംഗം ഉണ്ണി വൈക്കത്തൂർ, മണ്ഡലം ജനറൽ സെക്രട്ടറി എ. സുഭാഷ്, കർഷകമോർച്ചാ ജില്ലാ വൈസ് പ്രസിഡന്റ് കെ.വി. ശ്രീശൻ, കെ.പി. അയ്യപ്പൻ, രഞ്ജു രാങ്ങാട്ടൂർ എന്നിവർ പ്രസംഗിച്ചു.

The post പണ്ഡിറ്റ് ദീൻദയാൽ ഉപാധ്യായ ജയന്തി; പുഷ്പാർച്ചനയും അനുസ്മരണവും സംഘടിപ്പിച്ച് ബിജെപി കുറ്റിപ്പുറം മണ്ഡലം കമ്മിറ്റി appeared first on Valanchery Online.