സൂക്ഷ്മശിലായുഗത്തില്‍നിന്ന് തുടങ്ങി മഹാശിലായുഗഘട്ടത്തിലും ഇരുമ്പുയുഗഘട്ടത്തിലും അതിനെത്തുടര്‍ന്നുണ്ടായ കാര്‍ഷികജീവിത വ്യവസ്ഥയിലും ജീവിച്ചിരുന്നവരുടെ തുടര്‍ച്ചയായ അധിവാസമേഖലയായിരുന്നു പറമ്പത്തുകാവിലുള്ളതെന്ന് ശില്പശാലയില്‍ മുഖ്യപ്രഭാഷണം നടത്തിയ പ്രൊഫ. എം.ജി.എസ്. നാരായണന്‍ പറഞ്ഞു. ഇരുമ്പുഖനനത്തിന്റെയും സാങ്കേതികവിദ്യയുടെയും കേന്ദ്രമായിരുന്നു ഈ മേഖലയെന്നു സംശയിക്കേണ്ടിയിരിക്കുന്നുവെന്ന് ഡോ. എം.ആര്‍. രാഘവവാരിയര്‍ അഭിപ്രായപ്പെട്ടു.

കോഴിക്കോട് സര്‍വകലാശാലാ ചരിത്രവിഭാഗത്തിന്റെ നേതൃത്വത്തില്‍ ചൊവ്വാഴ്ച തുടങ്ങിയ ശില്പശാല ആബിദ്ഹുസൈന്‍ തങ്ങള്‍ എം.എല്‍.എ. ഉദ്ഘാടനംചെയ്തു. സര്‍വകലാശാലാ ചരിത്രവിഭാഗം തലവന്‍ ഡോ. ശിവദാസന്‍ അധ്യക്ഷതവഹിച്ചു. വൈസ് ചാന്‍സലര്‍ ഡോ. കെ. മുഹമ്മദ് ബഷീര്‍, രജിസ്ട്രാര്‍ ടി. അബ്ദുള്‍മജീദ്, ചരിത്രകാരന്‍ ഡോ. കെ. ഗോപാലന്‍കുട്ടി, ഡോ. വി.വി. ഹരിദാസ്, ഡോ. ടി.എം. വിജയന്‍ എന്നിവര്‍ പ്രസംഗിച്ചു. ശില്പശാല വ്യാഴാഴ്ച സമാപിക്കും.

The post ‘ഭൂതകാലത്തേക്കുള്ള ജാലകങ്ങള്‍’ ദേശീയ സംസ്‌കാര പൈതൃക ശില്പശാല പറമ്പത്തുകാവില്‍ തുടങ്ങി appeared first on Valanchery Online.