unite Archives - Valanchery Online

മതമൈത്രിയുടെ സംഗമവേദിയായി എടയൂർ ഋഷിപുത്തൂർ ക്ഷേത്രത്തിലെ അഖണ്ഡനാമയജ്ഞഭൂമി

വളാഞ്ചേരിക്കാരൻ — Fri, 02 Dec 2022 01:17:01 +0000

എടയൂർ: മതമൈത്രിയുടെ സംഗമവേദിയായി അഖണ്ഡനാമയജ്ഞഭൂമി. എടയൂർ ഋഷിപുത്തൂർ വിഷ്ണുക്ഷേത്രത്തിലാണ് വ്യത്യസ്ത മതവിഭാഗക്കാരുടെ കൂട്ടായ്‌മയിൽ മതമൈത്രിക്ക് സാക്ഷ്യംവഹിച്ച സൗഹൃദസദസ്സ് നടന്നത്. എടയൂർ പീടികപ്പടി ജുമാമസ്ജിദ് ഖത്തീബ് നാസർ റഹ്‌മാനി, മഹല്ല് വൈസ് പ്രസിഡന്റ് കാസിം കോയ തങ്ങൾ, ജോയിന്റ് സെക്രട്ടറിമാരായ സി.എം. വാപ്പുട്ടി, കെ.പി. ഉമ്മർ, മുൻ മഹല്ല് ഭാരവാഹി ടി.ടി. മുഹമ്മദ്കുട്ടി ഹാജി, ക്ഷേത്രം പാരമ്പര്യട്രസ്റ്റി കെ.പി. ഗോപിനാഥൻ, ചെയർമാൻ കെ. ഉണ്ണികൃഷ്ണൻ, മേൽശാന്തി രാമൻ എമ്പ്രാന്തിരി, സേവാസമിതി പ്രസിഡന്റ് ഷാജി, സെക്രട്ടറി ശിവദാസൻ, എക്‌സിക്യുട്ടീവ് അംഗങ്ങളായ ബി. വേണുഗോപാൽ, കെ.പി. വിശ്വനാഥൻ, എ.കെ. ബാബുട്ടി, പി. മോഹനൻ തുടങ്ങിയവർ പങ്കെടുത്തു. അന്നദാനവുമുണ്ടായി.

The post മതമൈത്രിയുടെ സംഗമവേദിയായി എടയൂർ ഋഷിപുത്തൂർ ക്ഷേത്രത്തിലെ അഖണ്ഡനാമയജ്ഞഭൂമി appeared first on Valanchery Online.

മോദി സർക്കാരിന്റെ തുടർച്ച ആവർത്തിക്കാതിരിക്കാൻ പരമാവധി വിട്ടുവീഴ്ചകൾ ചെയ്തുകൊണ്ട് മതേതര കക്ഷികൾ ഒന്നിക്കണം-സി.പി.കെ ഗുരുക്കൾ

വളാഞ്ചേരിക്കാരൻ — Sun, 02 Dec 2018 13:11:11 +0000

കുറ്റിപ്പുറം: മോദിസർക്കാരിന്റെ തുടർച്ച ആവർത്തിക്കാതിരിക്കാൻ പരമാവധി വിട്ടുവീഴ്ചകൾ ചെയ്തുകൊണ്ട് മതേതര കക്ഷികൾ ഒന്നിക്കണമെന്ന് എൻ.സി.പി. സംസ്ഥാന ജനറൽസെക്രട്ടറി സി.പി.കെ. ഗുരുക്കൾ പറഞ്ഞു. എൻ.സി.പി. പൊന്നാനി പാർലമെന്റ് കമ്മിറ്റി പ്രവർത്തക കൺവെൻഷൻ കുറ്റിപ്പുറത്ത് ഉദ്ഘാടനംചെയ്യുകയായിരുന്നു അദ്ദേഹം.

യോഗത്തിൽ ജില്ലാ വൈസ് പ്രസിഡന്റ് കെ.പി. രാമനാഥൻ അധ്യക്ഷനായി. ഹംസ പാലൂർ, ഇ. അബ്ദുൽനാസർ, ടി.കെ. മരക്കാരുട്ടി, പാട്ടത്തിൽ ഇബ്രാഹിംകുട്ടി, ഷാജിർ ആലത്തിയൂർ, ഷാഫി പുത്തൂർ, ടി.എം. മുത്തുണ്ണി, നാസർ പൊറ്റാരത്ത്, ലീന മുഹമ്മദലി, മാനു പാലക്കൽ എന്നിവർ പ്രസംഗിച്ചു.

The post മോദി സർക്കാരിന്റെ തുടർച്ച ആവർത്തിക്കാതിരിക്കാൻ പരമാവധി വിട്ടുവീഴ്ചകൾ ചെയ്തുകൊണ്ട് മതേതര കക്ഷികൾ ഒന്നിക്കണം-സി.പി.കെ ഗുരുക്കൾ appeared first on Valanchery Online.