trivandrum Archives - Valanchery Online

മോഹനൻ വൈദ്യരെ മരിച്ച നിലയിൽ കണ്ടെത്തി

വളാഞ്ചേരിക്കാരൻ — Sat, 19 Jun 2021 17:41:50 +0000

തിരുവനന്തപുരം: വിവാദ നാട്ടുവൈദ്യൻ മോഹനൻ വൈദ്യരെ തന്റെ ബന്ധുവീട്ടിൽ മരിച്ച നിലയിൽ കണ്ടെത്തി. തിരുവനന്തപുരം കാലടിയിലുള്ള ബന്ധുവീട്ടിലാണ് അദ്ദേഹത്തെ മരിച്ച നിലയിൽ കണ്ടെത്തിയത്. മൃതദേഹം മെഡിക്കൽ കോളജിലേക്ക് മാറ്റി. രോഗചികിത്സാ രീതികളുടെ പേരിൽ ആരോപണങ്ങൾ നേരിട്ടിരുന്നു ഇദ്ദേഹം.

The post മോഹനൻ വൈദ്യരെ മരിച്ച നിലയിൽ കണ്ടെത്തി appeared first on Valanchery Online.

ആർ.സി.സി ഫാർമസിയിൽ കീമോതെറാപ്പി മരുന്നുകൾ ലഭ്യമാക്കി

വളാഞ്ചേരിക്കാരൻ — Fri, 05 Jul 2019 15:09:39 +0000

ആർ.സി.സി ഫാർമസിയിൽ കീമോതെറാപ്പിക്കുള്ള മരുന്നുകൾ കേരള മെഡിക്കൽ സർവീസസ് കോർപറേഷന്റെ അനുമതിയോടെ ലോക്കൽ പർച്ചേസ് പ്രകാരം വാങ്ങി ലഭ്യമാക്കിയതായി ഡയറക്ടർ അറിയിച്ചു. മെഡിക്കൽ സർവീസ് കോർപറേഷൻ വഴി വാങ്ങി നൽകുന്ന മരുന്നുകൾ ജൂണിൽ ലഭ്യമാകേണ്ടതായിരുന്നു.

ഇത് വൈകിയതിനുള്ള ബദൽ സംവിധാനമെന്ന നിലയിൽ എസ്.എ.ടി പേയിങ് കൗണ്ടർ ഫാർമസിയിൽ നിന്ന് സൗജന്യമായി രോഗികൾക്ക് മരുന്നു ലഭിക്കുന്നതിനുള്ള സൗകര്യം ഏർപ്പെടുത്തിയിരുന്നു. ഇതിന്റെ തുക ആർ.സി.സി പേയിങ്് കൗണ്ടറിന് നൽകുകയായിരുന്നു പതിവ്. രോഗികൾക്ക് ഇനി മരുന്നുകൾ ആർ.സി.സി ഫാർമസിയിൽ നിന്നുതന്നെ നേരിട്ട് വാങ്ങാം.

The post ആർ.സി.സി ഫാർമസിയിൽ കീമോതെറാപ്പി മരുന്നുകൾ ലഭ്യമാക്കി appeared first on Valanchery Online.

അമൃതയും രാജ്യറാണിയും 9 മുതല്‍ സ്വതന്ത്ര ട്രെയിനുകൾ

വളാഞ്ചേരിക്കാരൻ — Wed, 08 May 2019 14:56:55 +0000

അങ്ങാടിപ്പുറം: അമൃത, രാജ്യറാണി എക്സ്പ്രസുകള്‍ വ്യാഴാഴ്ച മുതല്‍ സ്വതന്ത്രമാകുന്നേതാടെ രണ്ട് ട്രെയിനുകളുടേയും സമയപട്ടികയില്‍ മാറ്റം വരുമെന്ന് റെയില്‍വേ അറിയിച്ചു.
കൊച്ചുവേളി – നിലമ്പൂര്‍ രാജ്യറാണി എക്സ്പ്രസിന്‍െറ പരിഷ്കരിച്ച സമയവിവരം (പ്രധാന സ്റ്റേഷനുകളിലേത് മാത്രം):
കൊച്ചുവേളി രാത്രി 8.50
കൊല്ലം 9.45
കോട്ടയം 11.37
എറണാകുളം ടൗണ്‍ 01.30
തൃശൂര്‍ 2.40
ഷൊര്‍ണൂര്‍ ജങ്ഷന്‍ 5.30
അങ്ങാടിപ്പുറം 6.29
നിലമ്പൂര്‍ റോഡ് 7.50
നിലമ്പൂരില്‍നിന്ന് കൊച്ചുവേളിയിലേക്കുള്ള രാജ്യറാണിയുടെ സമയവിവരം:
നിലമ്പൂര്‍ റോഡ് രാത്രി 8.50
അങ്ങാടിപ്പുറം 9.30
ഷൊര്‍ണൂര്‍ ജങ്ഷന്‍ 10.10
തൃശൂര്‍ 10.55
എറണാകുളം ടൗണ്‍ 12.35
കോട്ടയം 1.35
കൊല്ലം 3.55
കൊച്ചുവേളി പുലര്‍ച്ച 6.00

തിരുവനന്തപുരം- മധുര അമൃത എക്സ്പ്രസിന്‍െറ വ്യാഴാഴ്ച മുതലുള്ള പരിഷ്കരിച്ച സമയവിവരം (പ്രധാന സ്റ്റേഷനുകളിലേത് മാത്രം):
തിരുവനന്തപുരം രാത്രി 8.30
കൊല്ലം 9.32
കോട്ടയം 11.30
എറണാകുളം ടൗണ്‍ 01.15
തൃശൂര്‍ 2.30
പാലക്കാട് ജങ്ഷന്‍ രാവിലെ 6.10
പൊള്ളാച്ചി 7.55
പഴനി 9.30
മധുര ഉച്ചക്ക് 12.15

മധുരയില്‍നിന്ന് തിരുവനന്തപുരത്തേക്കുള്ള അമൃതയുടെ സമയവിവരം:
മധുര വൈകീട്ട് 3.15
പഴനി 5.15
പൊള്ളാച്ചി 6.45
പാലക്കാട് ജങ്ഷന്‍ രാത്രി 8.25
തൃശൂര്‍ 10.17
എറണാകുളം ടൗണ്‍ 12.05
കോട്ടയം 1.10
കൊല്ലം 3.45
തിരുവനന്തപുരം സെന്‍ട്രല്‍ പുലര്‍ച്ച 5.50

The post അമൃതയും രാജ്യറാണിയും 9 മുതല്‍ സ്വതന്ത്ര ട്രെയിനുകൾ appeared first on Valanchery Online.

കാവുംപുറം ചാത്തൻകാവ് ഭഗവതി ക്ഷേത്ര ഉത്സവം; തായമ്പകയിൽ വിസ്മയം തീർത്ത് സഹോദരിന്മാർ

രാജേഷ് വി അമല — Tue, 19 Feb 2019 23:54:59 +0000

ആണിന്റെ മാത്രം തട്ടകമായിരുന്ന തായമ്പക വാദ്യവേദിയിൽ പെൺകരുത്ത് തെളിയിക്കുകയാണ് തിരുവനന്തപുരം സ്വദേശികളായ സഹോദരിമാരായ രണ്ട് കൊച്ചു മിടുക്കികൾ. വളാഞ്ചേരി കാവുംപുറം ചാത്തൻകാവ് ഭഗവതി ക്ഷേത്രത്തിലെ ഉത്സവത്തിന്റെ ഭാഗമായി നടന്ന ഇരട്ടത്തായമ്പകയിലാണ് ഇരുവരും കൊട്ടിക്കയറിയത്.

തിരുവനന്തപുരം സ്വദേശികളായ ബിരുദ വിദ്യാർത്ഥി ശോഭിത കൃഷ്ണദാസ്, സഹോദരിയായ ഹയർ സെക്കണ്ടറി വിദ്യാർത്ഥി രഹിത കൃഷ്ണദാസ് എന്നിവരാണ് ആണിന്റെ മാത്രം സാന്നിദ്ധ്യമുണ്ടായിരുന്ന തായമ്പകയിൽ വിസ്മയം തീർത്ത് ആസ്വാദകരെ കയ്യിലെടുത്തത്.വടക്കൻ കേരളത്തിലെ ഉത്സവ തായമ്പകകളിൽ സ്ത്രീകളുടെ സാന്നിദ്ധ്യം പുതുമയുള്ള കാഴ്ചയാണ്. കലാമണ്ഡലം ദേവദാസിന്റെ നേതൃത്വത്തിലുള്ള വാദ്യസംഘത്തോടൊപ്പമാണ് ഇരുവരും കൊട്ടിക്കയറിയത്. രാത്രി പന്ത്രണ്ട് അഞ്ച് വരെ കൊട്ടിക്കയറിയ തായമ്പക ആസ്വാദകർക്കും വേറിട്ടതായി.

അച്ഛൻ വാദ്യകലാകാരനായ കലാമണ്ഡലം കൃഷ്ണദാസിന്റെ പ്രോത്സാഹനമാണ് തായമ്പകയിലേക്കുള്ള ചുവടുവപ്പിനു പിന്നിൽ. ഇതുവരെ വിവിധ സംസ്ഥാനങ്ങളിലുൾപ്പെടെ ഇരുനൂറ്റിയൻ പതിൽപ്പരം വേദികളിൽ തായമ്പക അവതരിപ്പിച്ചു കഴിഞ്ഞു. തുടക്ക സമയത്ത് പല വേദികളിലും പെണ്ണെന്ന നിലയിൽ മാറ്റിനിർത്തപ്പെടുന്ന മനോഭാവം ഉണ്ടായതായി ഇരുവരും പറഞ്ഞു. ഏതു മേഖലയായാലും മനസ്സുണ്ടെങ്കിൽ കീഴടക്കാവുന്നതേയുള്ളൂ എന്ന് ഈ സഹോദരിമാർ തെളിയിച്ചുതരുന്നു.

The post കാവുംപുറം ചാത്തൻകാവ് ഭഗവതി ക്ഷേത്ര ഉത്സവം; തായമ്പകയിൽ വിസ്മയം തീർത്ത് സഹോദരിന്മാർ appeared first on Valanchery Online.

റിച്ചാർഡ് സ്റ്റാൾമാൻ 15, 16 തിയതികളിൽ തിരുവനന്തപുരത്ത്

വളാഞ്ചേരിക്കാരൻ — Sat, 12 Jan 2019 15:04:47 +0000

സ്വതന്ത്ര സോഫ്റ്റ്‌വെയർ പ്രസ്ഥാനത്തിന്റെ സ്ഥാപകൻ ഡോ. റിച്ചാർഡ് എം സ്റ്റാൾമാൻ വീണ്ടും കേരളത്തിൽ എത്തുന്നു. സംസ്ഥാന സർക്കാരിന്റെ രാജ്യാന്തര സ്വതന്ത്ര സോഫ്റ്റ്‌വെയർ സ്ഥാപനമായ ഐസിഫോസിന്റെ ആഭിമുഖ്യത്തിൽ’ എന്താണ് സ്വതന്ത്ര സോഫ്റ്റ്‌വെയർ, അതിന്റെ ഉപയോഗവും പ്രചാരണവും എന്തുകൊണ്ടാണ് സർക്കാരിന്റെ ഉത്തരവാദിത്വമാകുന്നത്’ എന്ന വിഷയത്തിൽ അദ്ദേഹം പ്രഭാഷണം നടത്തും.

ജനുവരി 15 ചൊവ്വാഴ്ച വൈകുന്നേരം മൂന്നിന് മാസ്‌കോട്ട് ഹോട്ടൽ കൺവെൻഷൻ സെന്ററിൽ നടക്കുന്ന പ്രഭാഷണത്തിൽ പൊതുജനങ്ങൾക്കും പ്രവേശനമുണ്ട്. ജനുവരി 16 ബുധനാഴ്ച ഡോ. സ്റ്റാൾമാൻ ടെക്‌നോപാർക്കിൽ സ്വതന്ത്ര സോഫ്റ്റ്‌വെയർ കൂട്ടായ്മകളുടെ നേതൃത്വത്തിൽ സംഘടിപ്പിക്കുന്ന പരിപാടിയെ അഭിസംബോധന ചെയ്യും.

The post റിച്ചാർഡ് സ്റ്റാൾമാൻ 15, 16 തിയതികളിൽ തിരുവനന്തപുരത്ത് appeared first on Valanchery Online.

ഫ്ലൈ ദുബായ് തിരുവനന്തപുരം വിട്ടു; ഇനി കരിപ്പൂരിൽ

വളാഞ്ചേരിക്കാരൻ — Thu, 20 Dec 2018 01:34:33 +0000

തിരുവനന്തപുരം:അന്താരാഷ്ട്ര വിമാനത്താവളം സ്വകാര്യവത്കരിക്കാൻ നടപടി തുടങ്ങിയതിനു പിന്നാലെ ദുബായ് സർക്കാരിന്റെ ഉടമസ്ഥതയിലുള്ള ബഡ്‌ജറ്റ് എയർലൈൻ, ഫ്ലൈ ദുബായ് തിരുവനന്തപുരത്തു നിന്നുള്ള സർവീസുകൾ അവസാനിപ്പിച്ചു. ശനിയാഴ്ച മുതൽ ഫ്ലൈ ദുബായിയുടെ സർവീസുകൾ കരിപ്പൂരിലേക്ക് മാറ്റുകയാണ്. വഴുതക്കാട്ടെ സിറ്റി ഓഫീസും എയർപോർട്ട് ഓഫീസും അടച്ചുപൂട്ടി ജീവനക്കാരെ കരിപ്പൂരിലേക്ക് മാറ്റും. 21ന് ശേഷമുള്ള ബുക്കിംഗുകൾ എമിറേറ്റ്സിന് കൈമാറാനാണ് തീരുമാനം. ഫ്ലൈ ദുബായിയുടെ തിരുവനന്തപുരത്തെ പ്രവർത്തനം പൂർണമായി അവസാനിപ്പിക്കാനാണ് ദുബായ് ഭരണകൂടത്തിന്റെ തീരുമാനം.

ദുബായിലേക്കും തിരിച്ചും ആഴ്ചയിൽ മൂന്ന് വീതം സർവീസുകളാണ് തിരുവനന്തപുരത്തു നിന്ന് ഉണ്ടായിരുന്നത്. ഇവയെല്ലാം കരിപ്പൂരിലേക്ക് മാറ്റുകയാണ്. തിരുവനന്തപുരത്തു നിന്ന് ഏറ്റവും കുറഞ്ഞ നിരക്കിൽ ഗൾഫിലേക്ക് പറക്കാനുള്ള സൗകര്യമാണ് ഇല്ലാതായത്. ദുബായിൽ നിന്ന് 90 നഗരങ്ങളിലേക്ക് ആഴ്ചയിൽ 1400 സർവീസുകളുണ്ട് ഫ്ലൈദുബായിക്ക്. ആഫ്രിക്കയിലേക്കും യൂറോപ്പിലേക്കും മദ്ധ്യേഷ്യൻ രാജ്യങ്ങളിലേക്കുമെല്ലാം ദുബായിൽ നിന്ന് ഫ്ലൈ ദുബായ് പറക്കുന്നുണ്ട്. തിരുവനന്തപുരത്തു നിന്ന് ഈ നഗരങ്ങളിലേക്ക് ഫ്ലൈ ദുബായ് ബുക്കിംഗ് സ്വീകരിച്ചിരുന്നു. തിരുവനന്തപുരത്തെ പ്രവർത്തനം അവസാനിപ്പിക്കുന്നതോടെ ഈ സൗകര്യവും ഇല്ലാതായി. ഫ്ലൈ ദുബായിക്ക് പകരം വരുന്ന എമിറേറ്റ്സിന്റെ സേവനം മികച്ചതാണെങ്കിലും നിരക്ക് വളരെ കൂടുതലാണ്. സാധാരണക്കാരായ പ്രവാസികൾക്ക് ഇത് താങ്ങാനാവില്ല.

ഫെബ്രുവരി 28 മുതൽ തിരുവനന്തപുരം വിമാനത്താവളത്തിന്റെ വികസനം, നടത്തിപ്പ്, മേൽനോട്ടം എന്നിവ സ്വകാര്യവത്കരിക്കാനാണ് കേന്ദ്ര സർക്കാരിന്റെ തീരുമാനം. 50 വർഷത്തേക്ക് വിമാനത്താവളം പാട്ടത്തിന് നൽകും. അതോടെ വിമാന സർവീസുകളുടെ നിയന്ത്രണമൊഴികെ എല്ലാം വിമാനത്താവള അതോറിട്ടിക്ക് നഷ്‌ടമാവും. വിദേശകമ്പനികൾക്ക് ഇന്ത്യൻ കമ്പനികളുമായി ചേർന്ന് കൺസോർഷ്യമുണ്ടാക്കി പാട്ടം ഏറ്റെടുക്കാമെന്നും പൊതു-സ്വകാര്യ പങ്കാളിത്തത്തിലൂടെ ലോകോത്തര സൗകര്യങ്ങൾ ഒരുക്കുമെന്നുമാണ് കേന്ദ്രനിലപാട്. സൗകര്യങ്ങളൊരുക്കുന്നതിന് യാത്രക്കാരിൽ നിന്ന് യൂസർഫീസ് വാങ്ങാം. രാജ്യാന്തര ടെർമിനലിലെ യൂസർഫീസ് 575 രൂപയിൽ നിന്ന് 950 രൂപയായി അടുത്തിടെ വർദ്ധിപ്പിച്ചിരുന്നു. ആഭ്യന്തര യാത്രക്കാർക്കും ഇതാദ്യമായി 450 രൂപ യൂസർഫീസ് ഏർപ്പെടുത്തിയിട്ടുണ്ട്. പ്രതിവർഷം നാലു ശതമാനം വർദ്ധനയും അനുവദിച്ചിട്ടുണ്ട്. 2021ൽ രാജ്യാന്തര വിമാനത്താവളത്തിൽ 1069 രൂപയും ആഭ്യന്തര വിമാനത്താവളത്തിൽ 506 രൂപയുമാകും യൂസർഫീസ്. സ്വകാര്യവത്കരണം വരുന്നതോടെ വിമാനത്താവളത്തിലെ യൂസർഫീസ് കുത്തനെ ഉയരുമെന്ന് ആശങ്കയുണ്ട്. യൂസർഫീസ് കൂടിയാൽ കുറഞ്ഞ നിരക്കിലുള്ള സർവീസ് ഫ്ലൈദുബായിക്ക് അസാദ്ധ്യമായി മാറും. ട്രാഫിക് കൺട്രോൾ, വിമാന പാർക്കിംഗ്, ലാൻഡിംഗ് ഫീസ്, റൂട്ട് നാവിഗേഷൻ എന്നീയിനത്തിൽ നൽകേണ്ട തുകയും വർദ്ധിക്കാനിടയുണ്ട്. ഇതുകൂടി മുന്നിൽ കണ്ടാണ് ഫ്ലൈദുബായ് തിരുവനന്തപുരത്തെ സർവീസുകൾ ഉപേക്ഷിച്ചതെന്നാണ് സൂചന.

60 അറൈവൽ, 60 ഡിപ്പാർച്ചർ എന്നിങ്ങനെ 120 എയർമൂവ്‌മെന്റുകളാണ് നിത്യേന തിരുവനന്തപുരത്തുള്ളത്. 19 വിമാനക്കമ്പനികളാണ് ഇപ്പോൾ ആഭ്യന്തര, അന്താരാഷ്ട്ര സർവീസ് നടത്തുന്നത്. വിമാനസർവീസുകളുടെ എണ്ണം 29000ൽ നിന്ന് 34000 ആയി ഉയർന്നിട്ടുമുണ്ട്.

പാട്ടത്തിനു നൽകുന്നതോടെ സ്വകാര്യപങ്കാളിയുടെ സഹായത്തോടെ കൂടുതൽ വിമാനക്കമ്പനികളെ ഇവിടേക്ക് ആകർഷിക്കാമെന്നും യാത്രക്കാരുടെ എണ്ണം കൂടുമെന്നും അവർക്ക് ലോകോത്തര സൗകര്യങ്ങൾ സജ്ജമാക്കുമെന്നുമാണ് കേന്ദ്രസർക്കാർ വിശദീകരണം.ഇതിനിടെയാണ് ഫ്ലൈ ദുബായ് തിരുവനന്തപുരം വിട്ടത്. ഇപ്പോൾ തിരുവനന്തപുരം വിമാനത്താവളം 363 കോടി വരുമാനവും 169 കോടി ലാഭവുമുണ്ടാക്കുന്നുണ്ട്. കരിപ്പൂരിൽ നിന്ന് പ്രതിദിന സർവീസുകളാവും ഫ്ലൈദുബായ് നടത്തുക.

എമിറേറ്റ്സുമായി കോഡ് ഷെയറിംഗ് ഉള്ളതിനാൽ ആറ് ഭൂഖണ്ഡങ്ങളിലായി വ്യാപിച്ചുകിടക്കുന്ന എമിറേറ്റ്‌സിന്റെ രാജ്യാന്തര സേവന ശൃംഖല ഫ്‌ളൈ ദുബായിയുടെ ഉപഭോക്താക്കൾക്ക് പ്രയോജനപ്പെടുത്താനാവുമായിരുന്നു. 58 ബോയിംഗ് –737 വിമാനങ്ങളുമായി 95 സ്ഥലങ്ങളിലേക്കാണു ഫ്ലൈ ദുബായ് സർവീസ് നടത്തുന്നത്. എമിറേറ്റ്സുമായി ചേർന്ന് 2022ഓടെ, 380 വിമാനങ്ങൾ വഴി 240 കേന്ദ്രങ്ങളിലേക്ക് സർവീസ് നടത്താൻ ഫ്ലൈദുബായ് പദ്ധതിയിട്ടിരിക്കെയാണ് തിരുവനന്തപുരത്തു നിന്നുള്ള പിന്മാറ്റം.
സാധാരണക്കാരന്റെ വിമാനം
ഏറ്റവും ടിക്കറ്റ് നിരക്ക് കുറവുള്ള ഫ്ലൈ ദുബായ് സാധാരണക്കാർ തിരഞ്ഞെടുക്കുന്ന വിമാന സർവീസായിരുന്നു. ദുബായിൽ നിന്ന് തിരുവനന്തപുരത്തേക്ക് 290 ദിർഹം (5,556 രൂപ) നിരക്കിൽ നവംബർ അവസാനം വരെ ടിക്കറ്റ് നൽകിയിരുന്നു. ബിസിനസ് ക്ലാസിലും 10 ശതമാനം ഇളവ് നൽകി. ഇന്ത്യയിലേക്ക് കൂടുതൽ വിമാന സർവീസ് അനുവദിച്ചാൽ ടിക്കറ്റ് നിരക്ക് ഇനിയും കുറയ്ക്കാമെന്ന് ഫ്ലൈ ദുബായ് വാഗ്ദാനം ചെയ്തിരുന്നു.

The post ഫ്ലൈ ദുബായ് തിരുവനന്തപുരം വിട്ടു; ഇനി കരിപ്പൂരിൽ appeared first on Valanchery Online.

കോഴിക്കോട് വിമാനത്താവളത്തിലേക്ക് കെഎസ്ആർടിസി ഫ്ലൈ ബസ് തുടങ്ങി

വളാഞ്ചേരിക്കാരൻ — Wed, 04 Jul 2018 00:28:41 +0000

കരിപ്പൂർ: വിമാനയാത്രക്കാരുടെ സൗകര്യാർഥം കോഴിക്കോട് നഗരവും വിമാനത്താവളവും ബന്ധിപ്പിച്ചു കെഎസ്ആർടിസിയുടെ ഫ്ലൈ ബസ് സർവീസ് ആരംഭിച്ചു. ദിവസവും ആറു വീതം സർവീസുകൾ ഉണ്ടാകും. ടി.വി.ഇബ്രാഹിം എംഎൽഎ ഫ്ലാഗ് ഓഫ് ചെയ്തു. നഗരസഭാധ്യക്ഷൻ സി.കെ.നാടിക്കുട്ടി ആധ്യക്ഷ്യം വഹിച്ചു. എയർപോർട്ട് ഡയറക്ടർ കെ.ശ്രീനിവാസ റാവു, കെഎസ്ആർടിസി സോണൽ ഓഫിസർമാരായ ജോഷി ജോസ്, കെ.ടി.സെബി, പഞ്ചായത്ത് അംഗം ജൽസാദിയ എന്നിവർ പ്രസംഗിച്ചു.

ഈ സർവീസിൻറെ പ്രത്യേകതകൾ:
1. കൃത്യസമയത്തുള്ള സർവീസ് ഓപ്പറേഷൻ
2. വെടിപ്പായും വൃത്തിയായുമുള്ള സൂക്ഷിപ്പ്
3. ഹൃദ്യമായ പരിചരണം
4. ലഗേജുകൾക്ക് ഒരു പരിധിവരെ സൗജന്യമായി കൊണ്ടുപോകുവാനുള്ള സൗകര്യം
5. അത്യാധുനിക ശീതീകരണം

പുറപ്പെടുന്ന സമയങ്ങൾ എയർപോർട്ടിലും സിറ്റി/സെൻട്രൽ ബസ്സ്സ്റ്റാൻഡുകളിലും പ്രദർശിപ്പിക്കുന്നതാണ്. ഡൊമസ്റ്റിക് ഇൻറർനാഷണൽ എയർപോർട്ടുകളിലെല്ലാം അറൈവൽ/ഡിപ്പാർച്ചർ പോയിൻറുകൾ ബന്ധപ്പെടുത്തിയാണ് ഷെഡ്യൂളുകൾ ക്രമീകരിച്ചിരിക്കുന്നത്. ആദ്യം 21 സീറ്റുകളുള്ള മിനി ബസ്സുകളാണ് പ്ലാൻ ചെയ്തിരുന്നതെങ്കിലും യാത്രക്കാരുടെ ബാഹുല്യം പരിഗണിച്ച് അത് 42 സീറ്റുള്ള ബസ്സുകളാക്കി മാറ്റുകയാണുണ്ടായത്.
∙കോഴിക്കോട്ടുനിന്നു പുറപ്പെടുന്ന സമയം: രാവിലെ 6.45, 9.20, 11.40, 2.20, 4.45, 7.10.
∙വിമാനത്താവളത്തിൽനിന്ന്: രാവിലെ 8.00, 10.30, 1.10, 3.30, 6.00, 8.20.

The post കോഴിക്കോട് വിമാനത്താവളത്തിലേക്ക് കെഎസ്ആർടിസി ഫ്ലൈ ബസ് തുടങ്ങി appeared first on Valanchery Online.

ഇരിമ്പിളിയം സ്വദേശി യുവ എഞ്ചിനീയർ തിരുവനന്തപുരത്ത് അപകടത്തിൽ മരിച്ചു

വളാഞ്ചേരിക്കാരൻ — Tue, 01 May 2018 11:05:15 +0000

ഇരിമ്പിളിയം: ഇരിമ്പിളിയം സ്വദേശിയായ യുവ എഞ്ചിനീയർ തിരുവനന്തപുരത്ത് അപകടത്തിൽ മരിച്ചു. ഇരിമ്പിളിയം വെണ്ടല്ലൂരിൽ താഴെ പറമ്പത്ത്കാവ് ക്ഷേത്രത്തിന് സമീപം താമസിക്കുന്ന ഇല്ലത്ത്പടി ശിവശങ്കരന്റെ മകൻ ജിത്തു എന്ന അർജ്ജു(22)നാണ് മരണപ്പെട്ടത്.
കുറ്റിപ്പുറം എം.ഇ.എസ് എഞ്ചിനീയറിങ്ങ് കോളേജിൽ നിന്ന് മെക്കാനിക്കൽ എഞ്ചിനീയറിങ്ങ് ബിരദം പൂർത്തിയാക്കിയ അർജുൻ തന്റെ ജോലി ഇന്റർവ്യൂ കഴിഞ്ഞ് പിതാവിനോടൊപ്പം നാട്ടിലേക്ക് മടങ്ങവെയായിരുന്നു ദുരന്തമുണ്ടായത്.യാത്രക്കിടെ ട്രെയിനിൽ നിന്ന് വീണാണ് അപകടമുണ്ടായത്.
ചിറയൻകീഴ് താലൂക്ക് ആശുപത്രിയിൽ പോസ്റ്റ്മോർട്ടത്തിന് ശേഷം ബന്ധുക്കൾക്ക് വിട്ടുകൊടുത്ത മൃതദേഹം ഇന്ന് രാത്രി വെണ്ടല്ലൂരിലെ വീട്ടുവളപ്പിൽ സംസ്കരിക്കും. വളാഞ്ചേരി സർവ്വീസ് സഹകരണ ബാങ്കിലെ മുൻ മാനേജരായിരുന്ന ഐ.പി ശിവശങ്കരനാണ് അർജുന്റെ പിതാവ്. അമ്മ: ഗിരിജാ ദേവി, സഹോദരൻ: അഭിൻ

The post ഇരിമ്പിളിയം സ്വദേശി യുവ എഞ്ചിനീയർ തിരുവനന്തപുരത്ത് അപകടത്തിൽ മരിച്ചു appeared first on Valanchery Online.

ദേശീയപാത: മലപ്പുറത്തെ അലൈൻമെൻറിൽ പുനഃപരിശോധന

വളാഞ്ചേരിക്കാരൻ — Wed, 11 Apr 2018 08:11:54 +0000

മലപ്പുറം: ദേശീയ പാതാ വികസനത്തിനെതിരെ മലപ്പുറത്ത് നാട്ടുകാര്‍ നടത്തുന്ന പ്രതിഷേധം ഫലം കണ്ടു. തര്‍ക്കബാധിത പ്രദേശങ്ങളില്‍ അലൈന്‍മെന്റില്‍ മാറ്റം വരുത്തുന്നകാര്യം പരിശോധിക്കാനൊരുങ്ങി സര്‍ക്കാര്‍. ഇന്ന് ചേര്‍ന്ന സര്‍വകക്ഷിയോഗത്തിലാണ് തീരുമാനം. ജനവാസ കേന്ദ്രങ്ങളിലൂടെയുള്ള ദേശീയ പാതാ അലൈന്‍മെന്റില്‍ 2013ലേയും 2017ലേയും അലൈന്‍മെന്റുകള്‍ തമ്മില്‍ ഒത്തുനോക്കി തര്‍ക്കബാധിത പ്രദേശങ്ങളില്‍ ഇവയില്‍ ഏതാണോ അഭികാമ്യം അത് സ്വീകരിക്കാനാണ് സര്‍ക്കാര്‍ തീരുമാനം.
ലൈൻമെൻറ് തയാറാക്കുക. റോഡിെൻറ ഇരുഭാഗത്തും ഇതിനായി സർവേ നടത്തുന്നതും പരിഗണിക്കും. ജനങ്ങളുടെ ബുദ്ധിമുട്ട് കുറക്കുകയും ഖജനാവിന് കൂടുതൽ നഷ്ടം വരാതിരിക്കുകയും അമ്പലവും പള്ളിയുമൊന്നും നഷ്ടപ്പെടാതിരിക്കുകയുമാണ് ലക്ഷ്യം.
അതേസമയം, സർവേയുമായി മുന്നോട്ടുപോകും. സർവേ പൂർത്തിയായ പ്രദേശത്ത് ഏറ്റെടുത്ത സ്ഥലത്തിെൻറ അളവ് തിട്ടപ്പെടുത്തി നഷ്ടപരിഹാരം നൽകും. 1956-ലെ കേന്ദ്ര നിയമത്തിെൻറ അടിസ്ഥാനത്തിലാണ് ഭൂമി ഏറ്റെടുക്കുന്നതെങ്കിലും 2013-ലെ നിയമപ്രകാരമാണ് വിലനിർണയിക്കുക. കിട്ടേണ്ട തുക എത്രയെന്ന് കലക്ടർ നിശ്ചയിച്ച് ഭൂവുടമകളെ ബോധ്യപ്പെടുത്തും.
തർക്കപ്രദേശങ്ങളിലെ അലൈൻമെൻറ് പുനഃപരിശോധിക്കുക, നഷ്ടപരിഹാരം ആദ്യം ലഭ്യമാക്കുക, പുനരധിവാസ പാക്കേജ് തയാറാക്കുക തുടങ്ങിയ ആവശ്യങ്ങളാണ് യോഗത്തിൽ ഉന്നയിച്ചത്. വീടും സ്ഥലവും നഷ്ടമാവുന്ന നിർധനർക്കായി പ്രത്യേക പാക്കേജ് നടപ്പാക്കുന്നത് ആലോചിക്കും.
മന്ത്രിമാരായ ജി സുധാകരന്‍, കെ ടി ജലീല്‍, എം പി പി കെ കുഞ്ഞാലിക്കുട്ടി, പ്രശ്‌ന ബാധിത മേഖലകളെ പ്രതിനിധീകരിക്കുന്ന എംഎല്‍എമാര്‍, വിവിധ രാഷ്ട്രീയ പാര്‍ട്ടി നേതാക്കള്‍ തുടങ്ങിയവര്‍ പങ്കെടുത്ത യോഗത്തിലാണ് ഇതുസംബന്ധിച്ച് തീരുമാനമെടുത്തത്.

The post ദേശീയപാത: മലപ്പുറത്തെ അലൈൻമെൻറിൽ പുനഃപരിശോധന appeared first on Valanchery Online.