transplant Archives - Valanchery Online

ഇരിമ്പിളിയം ഗ്രാമപഞ്ചായത്തിൽ കിഡ്നി മാറ്റിവെച്ച രോഗികൾക്കുള്ള മരുന്ന് വിതരണം ആരംഭിച്ചു

വളാഞ്ചേരിക്കാരൻ — Wed, 14 Sep 2022 12:17:23 +0000

ഇരിമ്പിളിയം: ഇരിമ്പിളിയം ഗ്രാമപഞ്ചായത്ത് 2022-23 വാർഷിക പദ്ധതിയിൽ ഉൾപ്പെടുത്തി കിഡ്നി മാറ്റിവെച്ച രോഗികൾക്കുള്ള മരുന്ന് വിതരണോദ്ഘാടനം പഞ്ചായത്ത്‌ പ്രസിഡന്റ്‌ മാനുപ്പ മാസ്റ്റർ മെഡിക്കൽ ഓഫീസർ ഡോ. അലി മുഹമ്മദിന് കൈമാറി നിർവ്വഹിച്ചു. ചടങ്ങിൽ വികസന ചെയർമാൻ വി.ടി അമീർ, ആരോഗ്യ വിദ്യാഭ്യാസ സ്റ്റാൻഡിങ് കമ്മിറ്റി ചെയർമാൻ എൻ. മുഹമ്മദ്‌. ക്ഷേമ കാര്യ സ്റ്റാൻഡിങ് കമ്മിറ്റി ചെയ്യർപേഴ്സൺ എൻ. ഖദീജ മെമ്പർ കെ.ടി ഉമ്മുകുൽസു ടീച്ചർ, ഹെൽത്ത്‌ ഇൻസ്‌പെക്ടർ രാജേഷ്, ജെ.എച്ച്.ഐ മാരായ സനിത, രാകേഷ് എന്നിവർ ചടങ്ങിൽ പങ്കെടുത്തു.

The post ഇരിമ്പിളിയം ഗ്രാമപഞ്ചായത്തിൽ കിഡ്നി മാറ്റിവെച്ച രോഗികൾക്കുള്ള മരുന്ന് വിതരണം ആരംഭിച്ചു appeared first on Valanchery Online.

ഇന്റഗ്രേറ്റഡ് മെഡിക്കൽ ബ്രദർഹുഡ്(ഐ.എം.ബി.) കോട്ടയ്ക്കൽ ചാപ്റ്ററും കോട്ടയ്ക്കൽ ആസ്റ്റർ മിംസ് ഹോസ്പിറ്റലും ചേർന്ന് ആവിഷ്‌കരിച്ച സൗജന്യവൃക്കമാറ്റിവെക്കൽ പദ്ധതിക്ക് തുടക്കമായി

വളാഞ്ചേരിക്കാരൻ — Sat, 10 Apr 2021 10:22:39 +0000

കോട്ടയ്ക്കൽ : ഇന്റഗ്രേറ്റഡ് മെഡിക്കൽ ബ്രദർഹുഡ്(ഐ.എം.ബി.) കോട്ടയ്ക്കൽ ചാപ്റ്ററും കോട്ടയ്ക്കൽ ആസ്റ്റർ മിംസ് ഹോസ്പിറ്റലും ചേർന്ന് ആവിഷ്‌കരിച്ച സൗജന്യവൃക്കമാറ്റിവെക്കൽ പദ്ധതി പ്രൊഫ.കെ.കെ.ആബിദ് ഹുസൈൻ തങ്ങൾ എം.എൽ.എ.ഉദ്ഘാടനം ചെയ്തു.

2007 മുതൽ കോട്ടയ്ക്കൽ ആസ്ഥാനമായി പ്രവർത്തിക്കുന്ന ഐ.എം.ബി. അൽമാസ് ഹോസ്പിറ്റൽ, ആസ്റ്റർ മിംസ് ഹോസ്പിറ്റൽ എന്നിവയുമായി സഹകരിച്ച് പന്ത്രണ്ടായിരത്തോളം സൗജന്യ ഡയാലിസിസ് നടത്തി. അർബുദചികിത്സ, ഹോം കെയർ യൂണിറ്റ്, സൗജന്യ ഫിസിയോതെറാപ്പി, വാട്ടർ ബെഡ്, എയർ ബെഡ്, വീൽ ചെയർ, ബെഡ്‌കോട്ട്, വാക്കർ, ഓക്‌സിജൻ സിലിൻഡർ തുടങ്ങിയ മെഡിക്കൽ ഉപകരണങ്ങൾ രോഗികൾക്ക് നൽകുകയും ചെയ്യുന്നു.

The post ഇന്റഗ്രേറ്റഡ് മെഡിക്കൽ ബ്രദർഹുഡ്(ഐ.എം.ബി.) കോട്ടയ്ക്കൽ ചാപ്റ്ററും കോട്ടയ്ക്കൽ ആസ്റ്റർ മിംസ് ഹോസ്പിറ്റലും ചേർന്ന് ആവിഷ്‌കരിച്ച സൗജന്യവൃക്കമാറ്റിവെക്കൽ പദ്ധതിക്ക് തുടക്കമായി appeared first on Valanchery Online.

കുറ്റിപ്പുറം പഞ്ചായത്തിൽ വൃക്ക മാറ്റിവെക്കൽ ശാസ്ത്രക്രിയയ്ക്ക് വിധേയരായ വർക്ക് മരുന്നുകൾ വിതരണം ചെയ്തു

വളാഞ്ചേരിക്കാരൻ — Sat, 16 May 2020 13:26:11 +0000

കുറ്റിപ്പുറം : അവയവം മാറ്റിവെക്കൽ ശാസ്ത്രക്രിയയ്ക്ക് വിധേയരാകുന്ന രോഗികൾക്ക് പഞ്ചയത്തിലെ വാർഷിക പദ്ധതിയിൽ ഉൾപ്പെടുത്തി മരുന്ന് വിതരണംചെയ്തു. പഞ്ചായത്ത് പ്രസിഡന്റ് ഫസീന അഹമ്മദ്കുട്ടി ഉദ്ഘാടനംചെയ്തു. പരപ്പാര സിദ്ദിഖ് അധ്യക്ഷത വഹിച്ചു. സബിത പ്രവീൺ, ടി.കെ. മുഹമ്മദ്കുട്ടി, ഡോ. വിജിത്ത് വിജയശങ്കർ, നന്ദനൻ, രജനി, മൊയ്തീൻകുട്ടി എന്നിവർ പങ്കെടുത്തു.

The post കുറ്റിപ്പുറം പഞ്ചായത്തിൽ വൃക്ക മാറ്റിവെക്കൽ ശാസ്ത്രക്രിയയ്ക്ക് വിധേയരായ വർക്ക് മരുന്നുകൾ വിതരണം ചെയ്തു appeared first on Valanchery Online.

രവിക്ക് കരൾ പകുത്തു നൽകാൻ ഭാര്യയുണ്ട്; ഇനി വേണ്ടത് സുമനസ്സുകളുടെ സഹായം

വളാഞ്ചേരിക്കാരൻ — Fri, 10 May 2019 23:21:55 +0000

വളാഞ്ചേരി: തന്റെ നല്ലപാതിയായ പത്നി തന്നെ കരൾ പകുത്തു നൽകും. പക്ഷെ, ജീവിതത്തിലേക്കു തിരികെയെത്താൻ രവിക്കു സുമനസ്സുകളുടെ സഹായം വേണം. മലപ്പുറം ജില്ലയിലെ വളാഞ്ചേരിക്കടുത്ത് പാണ്ടികശാല താഴെഅങ്ങാടിയിൽ താമസിക്കുന്ന അടിക്കാട്ട്പറമ്പിൽ പരേതനായ ചാത്തപ്പൻ മകൻ രവീന്ദ്രൻ എന്ന രവി (44) യാണ് കരൾ രോഗം മൂലം ദുരിതമനുഭവിക്കുന്നത്.

കൂലിപ്പണിക്കാരനായിരുന്ന രവിക്ക് രോഗം കലശലായതോടെ ജോലിക്ക് പോകാൻ കഴിയാതാകുകയായിരുന്നു. കഴിഞ്ഞ കുറച്ച് വർഷങ്ങളായി എറണാംകുളത്തെ അമൃത അശുപത്രിയിലാണ് രവിക്ക് ചികിത്സ നൽകി വരുന്നത്. എന്നാൽ, കഴിഞ്ഞ കുറച്ച് ദിവസങ്ങളിൽ രോഗം മൂർഛിച്ചതിനെ തുടർന്ന് വിദഗ്ധ ഡോക്ടർമാരുടെ നേതൃത്വത്തിൽ നടത്തിയ പരിശോധനയിൽ അടിയന്തിരമായി കരൾ മാറ്റിവക്കൽ മാത്രമാണ് പരിഹാരമെന്ന് നിർദേശം ലഭിച്ചു.

കരൾ നൽകാൻ ഭാര്യ മുന്നോട്ട് വരികയും ചെയ്തു. എന്നാൽ കരൾ മാറ്റിവെക്കൽ ശസ്ത്രക്രിയക്കും തുടർ ചികിത്സക്കും മറ്റുമായി മുപ്പത് ലക്ഷം രൂപയാണ് ചിലവ് വരുന്നത്. നിത്യവൃത്തിക്കും കുട്ടിയുടെ വിദ്യാഭ്യാസവും മറ്റു ചിലവുകളും നടത്താൻ നന്നേ പാടുപെടുന്ന ഈ നിർധന കുടുംബത്തിന് ഇത് താങ്ങാനാവുന്നതിലേറെയാണ്.

ഈ സാഹചര്യത്തിൽ രവിയുടെ ചികിത്സയ്ക്കുള്ള പണം കണ്ടെത്തുന്നതിനായി പൈങ്കണ്ണൂരിലെ നാട്ടുകാർ ചേർന്ന് ചികിത്സാ സഹായ നിധി രൂപീകരിച്ചിട്ടുണ്ട്. ഉന്നത വിദ്യാഭ്യാസ വകുപ്പ് മന്ത്രി ഡോ: കെ.ടി ജലീൽ, കോട്ടക്കൽ നിയോജക മണ്ഡലം എം.എൽ.എ പ്രൊഫ ആബിദ് ഹുസൈൻ തങ്ങൾ, വളാഞ്ചേരി നഗരസഭാധ്യക്ഷ സി.കെ റുഫീന, എം.ഇ.എസ് സംസ്ഥാന ട്രഷറർ ഡോ എൻ.എം മുജീബ് റഹ്മാൻ, ടി.കെ സൈതാലിക്കുട്ടി കളത്തിൽ തുടങ്ങിയവർ മുഖ്യ രക്ഷാധികാരികളാണ്. ഭാരവാഹികൾ: സൈഫുദ്ധീൻ. പാടത്ത്‌ (ചെയർമാൻ)-Mob.No.9745880009, അച്യുതൻ. ഇ. പി (ജനറൽ കൺ വീനർ)-Mob.9846040433, ടി.പി മുഹമ്മദ് ഹാജി (ട്രഷറർ)-04942643818. അനേകം പേരേ ജീവിതത്തിലേക്ക് കൈപിടിച്ച് രക്ഷിച്ച സോഷ്യൽ മീഡിയ ഞങ്ങളുടെ ഈ സഹോദരനു വേണ്ടി ഒന്നു കൈ കോർക്കുമെന്ന് ഈ നാട്ടുകാർ പ്രതീക്ഷിക്കുന്നു. കൂടെ നിൽക്കാനും കൂട്ടിരിക്കാനും ഇവരുണ്ട്. സഹായത്തിന് നിങ്ങളും വേണം.
Account Holder Name: RAVEENDRAN AP
Bank Name: PUNJAB NATIONAL BANK
Bank Branch Name: VALANCHERY BRANCH
A/C NO: 9913000100023789
IFSC CODE: PUNB0991300

The post രവിക്ക് കരൾ പകുത്തു നൽകാൻ ഭാര്യയുണ്ട്; ഇനി വേണ്ടത് സുമനസ്സുകളുടെ സഹായം appeared first on Valanchery Online.

വൃക്ക മാറ്റിവെക്കാൻ വേണ്ടത് 30 ലക്ഷം; സുമനസ്സുകളുടെ സഹായം തേടി സുരേഷ് ബാബു

വളാഞ്ചേരിക്കാരൻ — Tue, 05 Feb 2019 04:37:57 +0000

ഇരിമ്പിളിയം ഗ്രാമവാസികൾ ഇന്ന് വലിയൊരു പ്രയത്നത്തിലാണ്. അവരാൽ കഴിയുന്ന വിധത്തിലെല്ലാം ആവർ പ്രയത്നിക്കുന്നുണ്ടുതാനും. ഒരു ജീവനെ കൈപിടിച്ചുയർത്തുവാനുള്ള വലിയ ഉദ്യമത്തിൽ അവർ ഈ ലോകത്തിന്റെ സഹായ സഹകരണങ്ങളും തേടുന്നു. അതെ, അവരിലൊരുവനായ സുരേഷ് ബാബു എന്ന ചെറുപ്പക്കാരനുവേണ്ടി. മലപ്പുറം ജില്ലയിലെ ഇരിമ്പിളിയം പഞ്ചായത്തിലെ മങ്കേരി അംശം ദേശത്ത് ചോലക്കൽ വീട്ടിൽ സുരേഷ് ബാബു എന്ന 31 വയസ്സുള്ള ചെറുപ്പക്കാരനു വേണ്ടിയാണ് ഇന്നീ ഗ്രാമം പ്രയത്നിച്ചുകൊണ്ടിരിക്കുന്നത്. വൃക്ക രോഗം ബാധിച്ച് അവയവം മാറ്റിവക്കേണ്ട അവസ്ഥയിലാണ് സുരേഷ് ബാബു ഇപ്പോൾ.

വൃക്ക മാറ്റിവയ്ക്കുന്നതിനും തുടർചികിത്സക്കുമായി ഏകദേശം 30 ലക്ഷം രൂപ ചിലവ് വരുമെന്നാണ് കണക്കാക്കുന്നത്. സാമ്പത്തികമായി പിന്നോക്കം നിൽക്കുന്ന ബാബുവിന്റെ കുടുംബത്തിന് ഇത് താങ്ങാനാവുന്നതല്ല. പ്രവാസിയായിരുന്ന സുരേഷ് വൃക്കരോഗം കാരണം ജോലിക്ക് പോകാൻ സാധിക്കാതെ വീട്ടിൽ കഴിയുകയാണ്.

എറണാകുളത്തെ മെട്രോ അശുപത്രിയിലെ ഡോക്ടർമാരാണ് ഇപ്പോൾ സുരേഷ് ബാബുവിനെ ചികിത്സക്കുന്നത്. സുരേഷ് ബാബുവിന് വൃക്ക ദാനം ചെയ്യാനുള്ള വ്യക്തിയെ കണ്ടെത്തിയിട്ടുണ്ട്. ക്രോസ് മാച്ചിങ്ങും പൂർത്തിയായി. ഇനി മാറ്റിവയ്ക്കുക എന്ന ഘട്ടമാണ്. അതിനായുള്ള ഓട്ടത്തിലാണ് ഇരിമ്പിളിയം നിവാസികൾ.

നാട്ടിലെ സംഘടനകളും ക്ലബുകളും ചേർന്ന് ഇതു വരെ 8 ലക്ഷത്തോളം രുപ പിരിച്ചെടുത്തു. ഇരിമ്പിളിയത്തെ തൂത ആർട്സ് & സ്പോർട്സ് ക്ലബ് സുരേഷ് ബാബു സഹായ സമിതി എന്ന പേരിൽ കളക്ഷൻ നടത്തിയ തുക അദ്ദേഹത്തിന്റെ അമ്മയുടെ അടുക്കൽ ഏൽപിക്കുകയുണ്ടായി യുവക്കളും കുട്ടികളും ബക്കറ്റുകളുമായി വെയിലും മഴിയും അവഗണിച്ച് തെരുവിലും ഉത്സവപറമ്പുകളിലും ഇറങ്ങി ജനങ്ങളെ വിവരം ധരിപ്പിച്ചാണ് ഇത്രയും തുക കണ്ടെത്തിയത്. കൂടാതെ ബസ് ഉടമകൾ ടാക്സി തൊഴിലാളികൾ തുടങ്ങിയവർ അവരുടെ ഒരു ദിവസത്തെ കളക്ഷനും ഇതിലേക്ക് നൽകി സഹകരിച്ചു.

ഇനിയും പണമാവശ്യമാണ് ഇദ്ദേഹത്തിന്റെ ചികിത്സയ്ക്ക്. അവിവാഹിതനായ ഈ ചെറുപ്പക്കാരൻ പ്രായമായ അച്ഛനുമമ്മയും അടങ്ങുന്ന മൂന്നംഗ കുടുംബം ചെറിയ ഒരു വീട്ടിലാണ് കഴിഞ്ഞ് വരുന്നത്. ഒരു കുടുംബത്തിന്റെ അത്താണിയായ ഈ ചെറുപ്പക്കാരനെ ജീവിതത്തിലേക്ക് കൈപിടിച്ചുയർത്തുന്ന ഒരു മഹത് കർമ്മത്തിൽ നിങ്ങൾക്കും പങ്കുച്ചേരാം. സുരേഷ് ബാബുവിന്റെ ചികിത്സക്കായി ഒരു സമിതി രൂപവത്കരിച്ചിട്ടുണ്ട്.

പ്രൊഫസർ കെ.കെ ആബിദ് ഹുസൈൻ തങ്ങൾ (എം.എൽ.എ-കോട്ടക്കൽ), ആതവനാട് മുഹമ്മദ്കുട്ടി (പ്രസിഡന്റ്, കുറ്റിപ്പുറം ബ്ലോക്ക് പഞ്ചായത്ത്), കെ.ടി ഉമ്മുകുത്തു (പ്രസിഡന്റ്, ഇരിമ്പിളിയം ഗ്രാമപഞ്ചായത്ത്) എന്നിവർ രക്ഷാധികാരികളായി സമിതി രൂപീകരിച്ചാണ് ഇപ്പോൾ ധനസഹായസമാഹരണം നടക്കുന്നത്. സമിതിയുടെ ജനറൽ കൺവീനർ എൻ മുഹമ്മദ് (9846006896), ജോയ്ന്റ് കൺവീനർമാരായി പി.പി.എ റഷീദ് (9846111175), എ.വി ബിനേഷ് (9495452597), കെ.എം ഫാറൂഖ് (8943268324), മഠത്തിൽ രവി (9895777585), ജലീസ് കാളിയത്ത് (9744952415) തിരഞ്ഞെടുത്തു. സമിതിയുടെ ചെയർപേഴ്സണായി എൻ ഉമ്മുകുൽസുവിനെയും വൈസ് ചെയർമാന്മാരായി വി സന്തോഷ് കുമാർ (9526358128), കെ.ടി അയ്യുട്ടി (9846665829), കെ.വി ബിനീഷ് (9539406111), പി ഷറഫുദ്ധീൻ (9846641303) ട്രഷററായി എൻ.എസ് മുഹമ്മദ് കുട്ടിയെയും (9745645455 ) തിരഞ്ഞെടുത്തിട്ടുണ്ട്.
സഹായ സമിതി അക്കൌണ്ട് വിശദാംശങ്ങൾ താഴെ കൊടുക്കുന്നു:
Account Holder Name: CHOLAKKAL SURESH BABU SAHAYANIDHI
Account Number: 9913000100015461
IFSC CODE: PUNB0991300
Bank Name: PUNJAB NATIONAL BANK
Bank Branch: VALANCHERY BRANCH
Swift Code: PUNBINBBKOL

The post വൃക്ക മാറ്റിവെക്കാൻ വേണ്ടത് 30 ലക്ഷം; സുമനസ്സുകളുടെ സഹായം തേടി സുരേഷ് ബാബു appeared first on Valanchery Online.

വൃക്ക മാറ്റിവെക്കാൻ വേണം 25 ലക്ഷം; സുമനസ്സുകളുടെ സഹായം തേടി യുവാവ്

വളാഞ്ചേരിക്കാരൻ — Sun, 20 Jan 2019 14:58:17 +0000

എടയൂർ: ഇരു വൃക്കകളും തകരാറിലായ എടയൂർ ചീനിച്ചോട് പന്തപ്പുലാക്കൽ റഫീഖ് (34) സുമനസ്സുകളുടെ സഹായം തേടുന്നു. സാധാരണ കുടുംബാംഗമായ ഇദ്ദേഹത്തിന് ഇപ്പോൾ ആഴ്ചയിൽ മൂന്നു ദിവസം ഡയാലിസിസ് ചെയ്താണ് ജീവൻ നിലനിർത്തുന്നത്. രണ്ടു കുട്ടികൾ ഉൾപ്പെടുന്ന നിർധന കുടുംബമായ റഫീഖിന് ചികിത്സാ ചെലവ് താങ്ങാവുന്നതിനപ്പുറമാണ്. വൃക്ക മാറ്റിവെച്ചാലെ ജീവിതം നീട്ടിക്കൊണ്ടു പോകുവാൻ സാധിക്കുകയുള്ളു.

ഏകദേശം 25 ലക്ഷ ത്തോളം രൂപ ചെലവ് വരുമെന്ന് ഡോക്ടർമാർ പറയുന്നു. റഫീഖിന്റെ ചികിത്സക്കായി നാട്ടുകാരും ക്ലബുകളും ചേർന്ന് ധനശേഖരണ പരിപാടികൾ നടത്തിവരുന്നുണ്ടെങ്കിലും ഇത് മതിയാകാതെ വരുന്നു. യുവാവിന്റെ ചികിത്സക്കായി നാട്ടുകാരുടെ നേതൃത്വത്തിൽ പന്തപ്പുലാക്കൽ റഫീഖ് ചികിത്സാ സഹായ നിധി രൂപവൽക്കരിച്ചു. എടയൂർ ഗ്രാമ പഞ്ചായത്ത് പ്രസിഡണ്ട് കെ.കെ രാജീവ് മാസ്റ്റർ ചെയർമാനും, പി.പി. ഷറഫുദ്ദീൻ കൺവീനറും, പി. ജാഫർ തങ്ങൾ ട്രഷററുമായാണ് കമ്മിറ്റി രൂപവത്ക്കരിച്ചത്. ചികിത്സാ കമ്മിറ്റിയുടെ പേരിൽ കേരള ഗ്രാമീൺ ബാങ്ക് എടയൂർ ശാഖയിൽ അക്കൗണ്ട് തുടങ്ങിയിട്ടുണ്ട്.
Bank Name: Kerala Gramin Bank, Edayur branch
അക്കൗണ്ട് നമ്പർ: 40647101060160
IFSC Code: KLGB0040647
ഫോൺ: 9846101002, 9846818079, 9846149129.

വളാഞ്ചേരി ഓൺലൈൻ വാട്സാപ് ഗ്രൂപ്പിൽ ചേരാൻ ലിങ്കിൽ ക്ലിക്ക് ചെയ്യൂ:
https://chat.whatsapp.com/IjAct7MQcNVG9zy8qEs8CY

വളാഞ്ചേരി ഓൺലൈൻ വാർത്തകൾ ഇപ്പോൾ ടെലഗ്രാമിലും ലഭിക്കുന്നു.
https://t.me/joinchat/AAAAAE2S9SzWKPYZeGCNLg

The post വൃക്ക മാറ്റിവെക്കാൻ വേണം 25 ലക്ഷം; സുമനസ്സുകളുടെ സഹായം തേടി യുവാവ് appeared first on Valanchery Online.