tournament Archives - Valanchery Online

ചാവറ കപ്പ് 2023; പൂക്കാട്ടിരി സഫ കോളേജ് ചാമ്പ്യന്മാർ

വളാഞ്ചേരിക്കാരൻ — Thu, 26 Jan 2023 00:55:06 +0000

എടയൂർ: തൃശ്ശൂർ സെന്റ് അലോഷ്യസ് കോളേജ് മൈതാനത്ത് നടന്ന ചാവറ കപ്പിനായുള്ള ഓൾ കേരള ഇന്റർ കൊളീജിയറ്റ് ഫുട്‌ബോൾ ടൂർണമെന്റിൽ പൂക്കാട്ടിരി സഫ കോളേജ് ജേതാക്കളായി. തൃശൂർ കേരള വർമ്മ കോളേജിനെതിരായ ഫൈനലിൽ നിശ്ചിതസമയത്ത് ഇരുടീമുകളും ഗോൾരഹിത സമനിലയിലായിരുന്നു. ടൈബ്രേക്കറിലൂടെ(4-3)യാണ് വിജയികളെ തിരഞ്ഞെടുത്തത്. മികച്ച താരമായി സഫ കോളേജിലെ വിശാഖിനെ തിരഞ്ഞെടുത്തു. സെന്റ് അലോഷ്യസ് ഇൻസ്റ്റിറ്റ്യൂഷൻ മാനേജർ റവ. ഫാദർ തോമസ് ചക്രമക്കൾ ട്രോഫികൾ വിതരണംചെയ്തു.

The post ചാവറ കപ്പ് 2023; പൂക്കാട്ടിരി സഫ കോളേജ് ചാമ്പ്യന്മാർ appeared first on Valanchery Online.

യുവജനക്ഷേമ ബോർഡിൻ്റെ ആഭിമുഖ്യത്തിൽ ലോകകപ്പിനെ വരവേറ്റ് സംഘടിപ്പിക്കുന്ന സംസ്ഥാനതല സെവൻസ് ഫുട്ബോൾ ടൂർണമെന്റിന് വലിയകുന്നിൽ തുടക്കമായി

വളാഞ്ചേരിക്കാരൻ — Sun, 20 Nov 2022 07:14:48 +0000

ഇരിമ്പിളിയം: സംസ്ഥാന സർക്കാറിന്റെ ലഹരിവിരുദ്ധ സന്ദേശം യുവാക്കളിലേക്ക് എത്തിക്കുന്നതിന്റെ ഭാഗമായി ഖത്തർ ലോകകപ്പിനെ വരവേറ്റ് കൊണ്ട് കേരള സംസ്ഥാന യുവജനക്ഷേമ ബോർഡ്‌ സംഘടിപിച്ച സംസ്ഥാനതല സെവൻസ് ഫുട്ബോൾ ടൂർണമെന്റ് തുടങ്ങി. വലിയകുന്ന് മുന്നാസ് പാർക്ക് സ്റ്റേഡിയത്തിൽ നടക്കുന്ന ടൂർണമെന്റ് യുവജനക്ഷേമ ബോർഡ്‌ വൈസ് ചെയർമാൻ എസ് സതീഷ് ഉദ്ഘാടനം ചെയ്തു. യുവജനക്ഷേമ ബോർഡ്‌ മെമ്പർ ശരീഫ് പാലോളി അധ്യക്ഷത വഹിച്ചു. കേരള സന്തോഷ് ട്രോഫി താരം ഷിഗിൽ നമ്പ്രത്ത് മുഖ്യാതിഥിയായി. പഞ്ചായത്ത്‌ മെമ്പർമാരായ കെ ടി ഉമ്മുകുൽസു ടീച്ചർ, കെ വി അബൂബക്കർ, ടി പി മെറീഷ്, ഷഫീദ ബേബി, യുവജനക്ഷേമ ബോർഡ്‌ മെമ്പർ സന്തോഷ് കാല സംസാരിച്ചു. ജില്ലാ യൂത്ത് പ്രോഗ്രാം ഓഫീസർ ടി എസ് ലൈജു സ്വാഗതവും റിസപ്ഷൻ കമ്മറ്റി കൺവീനർ സി സുരേഷ് നന്ദിയും പറഞ്ഞു.

14 ജില്ലകളിൽ നിന്നുള്ള ജില്ലാതല ചാമ്പ്യൻമാരാണ് ടൂർണമെന്റിൽ മത്സരിക്കുന്നത്. ഒന്നാം സ്ഥാനക്കാർക്ക് ഒരു ലക്ഷം രൂപയും രണ്ടാം സ്ഥാനക്കാർക്ക് അര ലക്ഷം രൂപയും മൂന്നാം സ്ഥാനക്കാർക്ക് കാൽ ലക്ഷം രൂപയും സമ്മാനതുകയായി നൽകും. 14 ജില്ലകളിൽ നിന്നുള്ള വനിതാ ടീമുകളുടെ പ്രദർശന മത്സരവും കേരള പോലീസ് വെറ്ററൻസ് ടീമും മലപ്പുറം വെറ്ററൽസ് ടീമും തമ്മിലുള്ള സൗഹൃദ മത്സരവും ടൂർണമെന്റിന്റെ ഭാഗമായി നടക്കും. 20 ന് വൈകുന്നേരം 7 മണിക്ക് സമാപന സമ്മേളന ഉദ്ഘാടനവും സമ്മാനദാനവും കായിക ഫിഷറീഷ് ഹജ്ജ് വഖഫ് മന്ത്രി വി അബ്ദുറഹ്മാൻ നിർവഹിക്കും. പ്രൊഫ ആബിദ് ഹുസൈൻ തങ്ങൾ എം എൽ എ അധ്യക്ഷത വഹിക്കും. ഡോ മുഖ്യാതിഥിയായി പങ്കെടുക്കും. കുറ്റിപ്പുറം ബ്ലോക്ക്‌ പഞ്ചായത്ത്‌ പ്രസിഡന്റ്‌ വസീമ വെളേരി, ജില്ലാ പഞ്ചായത്ത്‌ മെമ്പർ എ പി സബാഹ്, യുവജനക്ഷേമ ബോർഡ്‌ മെമ്പർമാർ എന്നിവർ പങ്കെടുക്കും.

The post യുവജനക്ഷേമ ബോർഡിൻ്റെ ആഭിമുഖ്യത്തിൽ ലോകകപ്പിനെ വരവേറ്റ് സംഘടിപ്പിക്കുന്ന സംസ്ഥാനതല സെവൻസ് ഫുട്ബോൾ ടൂർണമെന്റിന് വലിയകുന്നിൽ തുടക്കമായി appeared first on Valanchery Online.

ഡോ. എം.എസ്. നായർ സ്‌മാരക ക്രിക്കറ്റ് ടൂർണമെന്റ് ഇന്നുമുതൽ

വളാഞ്ചേരിക്കാരൻ — Fri, 07 Jan 2022 23:10:07 +0000

പെരിന്തൽമണ്ണ : ജോളി റോവേഴ്‌സ് ക്ലബ്ബ് പെരിന്തൽമണ്ണ സംഘടിപ്പിക്കുന്ന 39-ാമത് ഡോ. എം.എസ്. നായർ സ്‌മാരക അഖിലകേരള ക്രിക്കറ്റ് ടൂർണമെന്റ് ശനിയാഴ്‌ച പെരിന്തൽമണ്ണ ക്രിക്കറ്റ് സ്റ്റേഡിയത്തിൽ തുടങ്ങും. 24 പ്രമുഖ ക്രിക്കറ്റ് ക്ലബ്ബുകൾ തമ്മിലുള്ള മത്സരങ്ങളിൽ രഞ്ജി താരങ്ങൾ ഉൾപ്പെടെയുള്ള കളിക്കാർ വിവിധ ടീമുകൾക്കായി ജഴ്‌സിയണിയും. കേരള ക്രിക്കറ്റ് അസോസിയേഷന്റെ എലൈറ്റ് ടൂർണമെന്റ് വിഭാഗത്തിൽപ്പെട്ട ഈ ടൂർണമെന്റ് കേരള സംസ്ഥാന ടീമിലേക്കുള്ള കളിക്കാരെ തിരഞ്ഞെടുക്കാനുള്ള സെലക്‌ഷൻ ടൂർണമെന്റ് കൂടിയാണ്. 26-നാണ് ഫൈനൽ.

ജോളി റോവേഴ്‌സ് പെരിന്തൽമണ്ണ, പ്രസിഡന്റ്‌സ് ജൂനിയർ പെരിന്തൽമണ്ണ, ലോർഡ്‌സ് ക്രിക്കറ്റ് അക്കാദമി, പരപ്പനങ്ങാടി സി.സി., ചലഞ്ചേഴ്‌സ് സി.സി. വണ്ടൂർ, ക്ലാസിക് സി.സി. തിരുവാലി, മാസ്‌കോ സി.സി. മേലാക്കം, മുത്തൂറ്റ് മൈക്രോഫിൻ ലിമിറ്റഡ്, എസ്-36, മുത്തൂറ്റ് ഇ.സി.സി (എ.), ഇ.കെ.കെ. ഗ്ലോബ്‌സ്റ്റാർ ആലുവ, സ്വാന്റൺസ് സി.സി, തൃപ്പൂണിത്തുറ ക്രിക്കറ്റ് ക്ലബ്ബ്, മാസ്റ്റേഴ്‌സ് ആർ.സി.സി., സെഞ്ചുറി സി.സി., ബുഡോലിൻ സി.എ. കോലാഴി, ആത്രേയ സി.എ. ട്രൈഡന്റ് സി.എ., ലൂങ്‌സ് സി.എ, ഫാൽക്കൺസ് സി.എ., സസക്‌സ് സി.സി., ജാസ്‌മിൻ ഗ്രൂപ്പ് ബി.കെ.-55, പ്രതിഭ സി.സി. കൊട്ടാരക്കര എന്നീ ടീമുകൾ മത്സരിക്കും.

The post ഡോ. എം.എസ്. നായർ സ്‌മാരക ക്രിക്കറ്റ് ടൂർണമെന്റ് ഇന്നുമുതൽ appeared first on Valanchery Online.

എടയൂർ യൂത്ത് ലീഗ് കമ്മറ്റി സംഘടിപ്പിക്കുന്ന ഒന്നാമത് ഫ്ല‌ഡ് ലൈറ്റ് ഫുട്‌ബോൾ ടൂർണമെന്റ് ഇന്ന്

വളാഞ്ചേരിക്കാരൻ — Wed, 09 Oct 2019 12:20:28 +0000

എടയൂർ പഞ്ചായത്ത്‌ പന്ത്രണ്ടാം വാർഡ് യൂത്ത് ലീഗ് കമ്മറ്റി സംഘടിപ്പിക്കുന്ന ഒന്നാമത് ഫ്ളഡ് ലൈറ്റ് ഫുട്ബോൾ ടൂർണ്ണമെന്റ് ഇന്ന് വൈകിട്ട് 7-30ന് കൊളമംഗലം ബാവപ്പടിയിലെ Footy Arena ടർഫിൽ വെച്ച് നടക്കും. കേരള ബ്ലാസ്റ്റേഴ്‌സ് താരവും, സന്തോഷ്‌ ട്രോഫി കേരള ടീം സ്‌ട്രൈക്കറുമായ അഫ്ദൽ മുത്തു ഉദ്ഘാടനം ചെയ്യും. കെ. എം. അബ്ദുൽ ഗഫൂർ, റഷീദ് കിഴിശ്ശേരി, അഷ്‌റഫ്‌ അമ്പലത്തിങ്ങൽ, മൊയ്തു എടയൂർ, പി. ഷെരീഫ് മാസ്റ്റർ, അസീസ് കോടിയിൽ,കെ. വി. സുധീർ മാസ്റ്റർ, ഉമ്മർ മാസ്റ്റർ മുട്ടിക്കൽ എം. പി. ഇബ്രാഹിം മാസ്റ്റർ തുടങ്ങിയവർ ചടങ്ങിൽ സംബന്ധിക്കും. വിവിധ പ്രദേശങ്ങളെ പ്രതിനിധീകരിച്ച് നിരവധി ടീമുകൾ ടൂർണ്ണമെന്റിൽ മാറ്റുരക്കും.

The post എടയൂർ യൂത്ത് ലീഗ് കമ്മറ്റി സംഘടിപ്പിക്കുന്ന ഒന്നാമത് ഫ്ല‌ഡ് ലൈറ്റ് ഫുട്‌ബോൾ ടൂർണമെന്റ് ഇന്ന് appeared first on Valanchery Online.

റിലയൻസ് കപ്പ് ഫുട്ബോൾ ടൂർണമെന്റിൽ എം.എസ്.പി. ചാമ്പ്യന്മാർ

വളാഞ്ചേരിക്കാരൻ — Sun, 02 Dec 2018 13:33:20 +0000

മലപ്പുറം: റിലയൻസ് ഫൗണ്ടേഷൻ നടത്തിയ റിലയൻസ് കപ്പ് കേരള നോർത്ത് സോൺ ഫുട്ബോൾ ടൂർണമെന്റിൽ എൻ.എൻ.എം.എച്ച്.എസ്.എസ്. ചേലേമ്പ്രയെ തോൽപ്പിച്ച് മലപ്പുറം എം.എസ്.പി.എച്ച്.എച്ച്.എസ്.

ചാമ്പ്യൻമാരായി. നിശ്ചിതസമയം കളി ഗോൾരഹിത സമനിലയിൽ അവസാനിച്ചു. തുടർന്ന് നടന്ന പെനാൽറ്റി ഷൂട്ടൗട്ടിൽ എം.എസ്.പി. 4-3നാണ് ജയിച്ചത്.

The post റിലയൻസ് കപ്പ് ഫുട്ബോൾ ടൂർണമെന്റിൽ എം.എസ്.പി. ചാമ്പ്യന്മാർ appeared first on Valanchery Online.

ലോകകപ്പിൽ ഇന്ത്യയില്ലെങ്കിലും മിനി ലോകകപ്പിൽ ജേതാക്കളായി ഇന്ത്യ

വളാഞ്ചേരിക്കാരൻ — Fri, 06 Jul 2018 01:20:16 +0000

വളാഞ്ചേരി: ലോകക്കപ്പ് ഫുട്‌ബോളുമായി ബന്ധപ്പെട്ട് മാവണ്ടിയൂർ ബ്രദേഴ്‌സ് ഹയർസെക്കണ്ടറി സ്‌കൂളിൽ സംഘടിപ്പിച്ച മിനി വേൾഡ്കപ്പിലാണ് ഇന്ത്യ ജേതാക്കളായത്. ഹൈസ്‌കൂൾ വിഭാഗത്തിലും ഹയർസെക്കണ്ടറി വിഭാഗത്തിലുമായാണ് മത്സരങ്ങൾ നടത്തിയത്. ഓരോ ക്ലാസ്സിനും ലോകകപ്പിൽ പങ്കെടുക്കുന്ന രാജ്യങ്ങളുടെ പേര് നൽകിയായിരുന്നു മത്സരം. ഇതിൽ ഇന്ത്യയെയും ഉൾപ്പെടുത്തി. സ്‌കൂൾ പിരിയുന്ന നാലുമണിക്ക് ശേഷമാണ് മത്സരങ്ങൾ നടത്തിയത്.

ടൂർണമെന്റ് ഒരാഴ്ച നീണ്ടു നിന്നു. അവസാനദിനമായ വ്യാഴാഴ്ച നടന്ന പത്താം ക്ലാസ് വിഭാഗം മത്സരത്തിലാണ് അർജന്റീനയെ തോൽപ്പിച്ച് ഇന്ത്യ ജേതാക്കളായത്. ഒൻപതാം ക്ലാസ് വിഭാഗത്തിൽ റഷ്യയും, എട്ടാം ക്ലാസ് വിഭാഗത്തിൽ അർജന്റീനയും ജേതാക്കളായി. കഴിഞ്ഞ ദിവസം അവസാനിച്ച ഹയർസെക്കണ്ടറി വിഭാഗത്തിൽ പോർച്ചുഗൽ ജേതാക്കളായിരുന്നു. ദേശീയ ഗാനത്തോടെയാണ് മത്സരങ്ങൾ ആരംഭിച്ചത്. ഹയർസെക്കണ്ടറി വിഭാഗം ഫൈനൽ മത്സരം പ്രിൻസിപ്പാൾ പി.എ. നവാസ് ഉദ്ഘാടനം ചെയ്തു. ഹൈസ്‌കൂൾ വിഭാഗം ഫൈനൽ മത്സരങ്ങൾ ഡെപ്യുട്ടി ഹെഡ്മാസ്റ്റർ പി.എം. മുസ്തഫ ഉദ്ഘാടനം ചെയ്തു.

സ്റ്റാഫ്‌ സെക്രട്ടറി പി.പി. മനോഹരൻ, ടി. മുരളീധരൻ എന്നിവർ കളിക്കാരുമായി പരിചയപ്പെട്ടു. കളിക്കാർക്കും മറ്റു കുട്ടികൾക്കും അധ്യാപർ പാലും വെള്ളവും വിതരണം ചെയ്തു. അധ്യാപരും രക്ഷിതാക്കളും ഓരോ ടീമിനുമൊപ്പം നിന്ന് കളിക്കാർക്ക് ആവേശം നൽകി. അധ്യാപകരായ കെ.വി. പത്മരാജൻ, ടി.പി. അഷ്‌റഫ് എന്നിവർ നേതൃത്വം നൽകി.

The post ലോകകപ്പിൽ ഇന്ത്യയില്ലെങ്കിലും മിനി ലോകകപ്പിൽ ജേതാക്കളായി ഇന്ത്യ appeared first on Valanchery Online.

ഇന്റര്‍ കോണ്ടിനെന്റല്‍ ഫുട്ബോള്‍; ഇന്ത്യ ചാമ്പ്യന്മാര്‍-ഗോളുകൾ കാണാം

വളാഞ്ചേരിക്കാരൻ — Mon, 11 Jun 2018 01:14:42 +0000

മുംബൈ: ഗോള്‍വേട്ടയില്‍ ലയണല്‍ മെസ്സിക്കൊപ്പമെത്തിയ നായകന്‍ സുനില്‍ ഛേത്രിയുടെ മികവില്‍ ഇന്ത്യ ചതുരാഷ്ട്ര ഇന്റര്‍ കോണ്ടിനെന്റല്‍ ഫുട്ബോള്‍ ടൂര്‍ണമെന്റില്‍ കിരീടം ചൂടി. മുംബൈ ഫുട്ബോള്‍ അരീനയില്‍ നടന്ന ഫൈനലില്‍ കെനിയയെ മടക്കമില്ലാത്ത രണ്ട് ഗോളിനാണ് ഇന്ത്യ പരാജയപ്പെടുത്തിയത്.

ടൂര്‍ണമെന്റില്‍ ഉടനീളം മിന്നുന്ന ഫോം തുടരുന്ന ഛേത്രിയുടെ ഇരട്ടഗോളാണ് ഇന്ത്യയ്ക്ക് ജയം സമ്മാനിച്ചത്. എട്ട്, ഇരുപത്തിയൊന്‍പത് മിനിറ്റുകളിലായിരുന്നു ഛേത്രിയുടെ വിജയഗോളുകള്‍. ഇതോടെ അറുപത്തിനാല് അന്താരാഷ്ട്ര ഗോളുകള്‍ തികച്ച് ഛേത്രി മെസ്സിക്കുമൊപ്പമെത്തി. ഇനി എണ്‍പത്തിയൊന്ന് ഗോളുകള്‍ സ്വന്തമായ ക്രിസ്റ്റിയാനോ റൊണാള്‍ഡോ മാത്രമാണ് ഇപ്പോള്‍ കളിച്ചുകൊണ്ടിരിക്കുന്ന ഫുട്ബോള്‍ താരങ്ങളില്‍ ഛേത്രിക്ക് മുന്നില്‍. തന്റെ നൂറ്റിരണ്ടാം മത്സരത്തിലാണ് ഛേത്രി മെസ്സിക്കൊപ്പമെത്തിയത്.

ആദ്യ മത്സരത്തിലെന്ന പോലെ ഫൈനലിലും ഇന്ത്യയ്ക്കു തന്നെയായിരുന്നു മേല്‍ക്കൈ. കെനിയയുടെ മുന്നേറ്റവും ആക്രമണവും തീര്‍ത്തും ദുര്‍ബലമായിരുന്നു. ഇന്ത്യയുടെ പ്രതിരോധത്തെ പിളര്‍ത്താന്‍ പോന്ന മൂര്‍ച്ച അവരുടെ ഒരു നീക്കത്തിനുമുണ്ടായില്ല. തുടക്കത്തില്‍ അവര്‍ക്ക് ഏതാനും നല്ല അവസരങ്ങള്‍ ലഭിച്ചിരുന്നു. എന്നാല്‍, എട്ടാം മിനിറ്റില്‍ ആദ്യം വല കുലുക്കിയത് ഇന്ത്യയായിരുന്നു.

അവസാന നിമിഷങ്ങളില്‍ കെനിയന്‍ ആക്രമണത്തിന്റെ ഒരു വേലിയേറ്റം കണ്ടെങ്കിലും സ്റ്റേഡിയത്തിലെ 8990 കാണികളെ ഛേത്രിയുടെ കൂട്ടരും നിരാശരാക്കിയില്ല. ഇടയ്ക്ക് മലയാളി താരം ആഷിഖിനെ വീഴ്ത്തിയതിന് ഒഗിംഗ ചുവപ്പ് കാണേണ്ടതായിരുന്നു ഭാഗ്യത്തിന് രക്ഷപ്പെട്ടതാണ്.

The post ഇന്റര്‍ കോണ്ടിനെന്റല്‍ ഫുട്ബോള്‍; ഇന്ത്യ ചാമ്പ്യന്മാര്‍-ഗോളുകൾ കാണാം appeared first on Valanchery Online.

എസ്.എഫ്.ഐ ജില്ലാ സമ്മേളനത്തോടനുബന്ധിച്ച് ബാഡ്മിന്റൺ ടൂർണമെന്റ് സംഘടിപ്പിച്ചു

വളാഞ്ചേരിക്കാരൻ — Fri, 04 May 2018 08:53:06 +0000

വളാഞ്ചേരി: മെയ് 07,08,09 തിയ്യതികളിലായി അങ്ങാടിപുറത്ത് വെച്ച് നടക്കുന്ന നാൽപ്പത്തി നാലാമത് എസ് എഫ് ഐ മലപ്പുറം ജില്ലാ സമ്മേളനത്തിന്റെ അനുബന്ധമായി വളാഞ്ചേരി ഏരിയ കമ്മിറ്റിയുടെ നേതൃത്വത്തിൽ എടയൂർ ടി ടി പടി ഇൻഡോർ സ്റ്റേഡിയത്തിൽ വെച്ച് ബാഡ്മിന്റൺ ടൂർണമെന്റ് സംഘടിപ്പിച്ചു. ടൂർണമെന്റിൽ പൂക്കാട്ടിരി സഫ കോളേജ് ഒന്നാം സ്ഥാനവും, എടയൂർ പീടികപടി രണ്ടാം സ്ഥാനവും കരസ്ഥമാക്കി.
ഏരിയ സെക്രട്ടറി എം ഫൈസൽ,ജില്ലാ കമ്മിറ്റി അംഗം എം ഷബീർ വിജയികൾക്കുള്ള ട്രോഫികൾ വിതരണം ചെയ്തു.

The post എസ്.എഫ്.ഐ ജില്ലാ സമ്മേളനത്തോടനുബന്ധിച്ച് ബാഡ്മിന്റൺ ടൂർണമെന്റ് സംഘടിപ്പിച്ചു appeared first on Valanchery Online.

വി.എഫ്.എ ഫുട്‌ബോള്‍ ടൂര്‍ണമെന്റ്: സീസണ്‍ ടിക്കറ്റ് ഉദ്ഘാടനം നിര്‍വഹിച്ചു

വളാഞ്ചേരിക്കാരൻ — Mon, 12 Feb 2018 03:00:05 +0000

വളാഞ്ചേരി: വളാഞ്ചേരി ഫുട്‌ബോള്‍ അസോസിയേഷന്‍ (വി.എഫ്.എ.) സംഘടിപ്പിക്കുന്ന അഖിലേന്ത്യാ ഫുട്‌ബോള്‍ ടൂര്‍ണമെന്റിന്റെ സീസണ്‍ ടിക്കറ്റുകളുടെ വിതരണോദ്ഘാടനം മന്ത്രി ഡോ. കെ.ടി. ജലീല്‍ നിര്‍വഹിച്ചു. വ്യാപാരി വ്യവസായി ഏകോപനസമിതി ജില്ലാ വൈസ് പ്രസിഡന്റ് ടി.എം. പദ്മകുമാര്‍ ടിക്കറ്റ് ഏറ്റുവാങ്ങി.

യു. അബ്ദുള്‍ അസീസ്, എന്‍. ശംസുദ്ദീന്‍, പി. ഉമ്മര്‍, സൈതാലിക്കുട്ടി ഹാജി, കെ.പി. യൂസഫ്, പാറക്കല്‍ ബഷീര്‍, വി. സലീം, കെ.കെ. സലാം, എന്‍. ബാബു തുടങ്ങിയവര്‍ സംബന്ധിച്ചു.

The post വി.എഫ്.എ ഫുട്‌ബോള്‍ ടൂര്‍ണമെന്റ്: സീസണ്‍ ടിക്കറ്റ് ഉദ്ഘാടനം നിര്‍വഹിച്ചു appeared first on Valanchery Online.

എം.എസ്.നായർ ക്രിക്കറ്റ് ടൂർണമെന്റ് ഇന്നു മുതൽ പെരിന്തൽമണ്ണയിൽ

വളാഞ്ചേരിക്കാരൻ — Wed, 17 Jan 2018 01:46:16 +0000

പെരിന്തൽമണ്: ജോളി റോവേഴ്സ് ക്ലബ് സംഘടിപ്പിക്കുന്ന എം.എസ്.നായർ മെമ്മോറിയൽ ഓൾ കേരള ക്രിക്കറ്റ് ടൂർണമെന്റിനു പെരിന്തൽമണ്ണ ക്രിക്കറ്റ് സ്റ്റേഡിയത്തിൽ ഇന്നു തുടക്കമാകും. ഫൈനൽ ഫെബ്രുവരി ഒന്നിന്. 22 ക്ലബുകൾ ഏറ്റുമുട്ടുന്ന മത്സരങ്ങളിൽ രഞ്ജിതാരങ്ങൾ ഉൾപ്പെടെയുള്ളവർ പങ്കെടുക്കും.ജില്ലയിൽനിന്നു പെരിന്തൽമണ്ണ ജോളി റോവേഴ്സ്, പ്രസിഡന്റ്സ് ക്ലബ് പെരിന്തൽമണ്ണ, ലോർഡ്സ് സിസി മലപ്പുറം ടീമുകളാണ് പങ്കെടുക്കുന്നത്.

സ്റ്റേറ്റ് ബാങ്ക് ഓഫ് ഇന്ത്യ (തിരുവനന്തപുരം), മുത്തൂറ്റ് മൈക്രോഫിൻ, മാസ്റ്റർ ബ്ലാസ്റ്റേഴ്സ് പറവൂർ, കെസിഎ സീനിയർ ക്രിക്കറ്റ് അക്കാദമി, ഗ്ലോബ് സ്റ്റാർ ആലുവ, സ്വാന്റൺസ് സിസി, മുത്തൂറ്റ് ഇസിസി, സെഞ്ച്വറി ക്രിക്കറ്റ് ക്ലബ്, തൃപ്പൂണിത്തുറ ക്രിക്കറ്റ് ക്ലബ്, മാസ്റ്റേഴ്സ് റോയൽ സെഞ്ചൂറിയൻ സിഎ (എറണാകുളം), സുധർമ അപെക്സ് ക്രിക്കറ്റ് ക്ലബ്, ക്രിക്കറ്റ് അക്കാദമി തൃശൂർ, ഉദ്ഭവ് ആത്രേയ സിഎ, വടക്കാഞ്ചേരി ക്രിക്കറ്റ് ക്ലബ് (തൃശൂർ), ഗാലക്സി സിസി, അനുപമ മണ്ണാർക്കാട് (പാലക്കാട്), ഡബ്ല്യൂഡിസിഎ ഇലവൻ (വയനാട്), ഫാൽക്കൺസ് ക്രിക്കറ്റ് ക്ലബ്, സസക്സ് ക്ലബ് (കോഴിക്കോട്) ടീമുകളും പങ്കെടുക്കും. ക്വാർട്ടർ ഫൈനൽ വരെ മത്സരങ്ങൾ മുപ്പത് ഓവറുകൾ വീതം. ക്വാർട്ടർ ഫൈനൽ മുതൽ 50 ഓവർ വീതമുള്ള ഏകദിനങ്ങളായിരിക്കും.

The post എം.എസ്.നായർ ക്രിക്കറ്റ് ടൂർണമെന്റ് ഇന്നു മുതൽ പെരിന്തൽമണ്ണയിൽ appeared first on Valanchery Online.

ചെരാത് ഫുട്‌ബോള്‍ ടൂര്‍ണമെന്റിലേക്ക് ടീമുകള്‍ക്ക് ഇപ്പോള്‍ അപേക്ഷിക്കാം

വളാഞ്ചേരിക്കാരൻ — Sat, 06 Jan 2018 05:15:16 +0000

വളാഞ്ചേരി: ചെരാത് സ്‌പോര്‍ട്‌സ് അക്കാദമി സംഘടിപ്പിക്കുന്ന അഖിലേന്ത്യാസെവന്‍സ് ഫുട്‌ബോള്‍ ടൂര്‍ണമെന്റിനോടൊപ്പം നടത്തുന്ന അണ്ടര്‍-20 ടൂര്‍ണമെന്റിലേക്ക് ക്ലബ്ബുകളെ ക്ഷണിച്ചു. വിരങ്ങള്‍ക്ക്: ഫോണ്‍: 9526040100, 9847169277.

The post ചെരാത് ഫുട്‌ബോള്‍ ടൂര്‍ണമെന്റിലേക്ക് ടീമുകള്‍ക്ക് ഇപ്പോള്‍ അപേക്ഷിക്കാം appeared first on Valanchery Online.

ചെരാത് അഖിലേന്ത്യാ സെവൻസ് ഫുട്ബോൾ ടൂർണ്ണമെന്റിന് ഇന്ന് കിക്കോഫ്

വളാഞ്ചേരിക്കാരൻ — Thu, 06 Feb 2014 05:36:23 +0000

വളാഞ്ചേരി ചെരാത് അഖിലേന്ത്യാ സെവൻസ് ഫുട്ബോൾ ടൂർണ്ണമെന്റിന് വ്യാഴാഴ്ച കിക്കോഫ്. ഒരു മാസത്തെ ഫുട്ബോൾ മേളയിൽ 24 ടീമുകൾ പോരാടും.

കൊട്ടാരം മിലൻ സ്റ്റേഡിയത്തിൽ ഇന്ന് രാത്രി എട്ടിന് മുൻ അഖിലേന്ത്യാ താരവും എം‌എസ്‌പി കമാൻഡന്റുമാ‍യ യു ഷറഫലി ഈ വർഷത്തെ ടൂർണ്ണമെന്റ് ഉദ്‌ഘാടനം ചെയ്യും. വളാഞ്ചേരി ഗ്രാമ പഞ്ചായത്ത് പ്രസിഡന്റ് ടി‌പി അബ്ദുൽഗഫൂർ അധ്യക്ഷത വഹിക്കുന്ന ചടങ്ങിൽ അണ്ടർ – 16 സാഫ് കപ്പിലെ ജേതാക്കളായ ഇന്ത്യൻ ടീമിലെ ഏക മലയാളി താരം മുഹമ്മദ് ഫാസിലിനെ അനുമോദിക്കും. ടൂർണ്ണമെന്റിലെ ആദ്യ മത്സരത്തിൽ, കോട്ടക്കൽ സബാൻ എഫ്‌സി, ജയ തൃശൂരിനെ നേരിടും.

ടൂർണ്ണമെന്റിൽ നിന്നും ലഭിക്കുന്ന വരുമാനത്തിൽ ഒരു ലക്ഷം രൂപ പരി‌രക്ഷാ പദ്ധതിക്കും ഒരു ലക്ഷം രൂപ പഞ്ചായത്ത് സ്റ്റേഡിയത്തിന്റെ നിർമ്മാണത്തിനുമായി നൽകുമെന്ന് കെ‌പി യൂസഫ് ഹാജി, പി സൈതാലിക്കുട്ടി ഹാജി, സത്താർ പാറ്റപ്പുറത്ത്, വിടി നാസർ, സി കെ നാസർ, പി കെ മണികണ്ഠൻ എന്നിവർ പത്രസമ്മേളനത്തിൽ പറഞ്ഞു.

The post ചെരാത് അഖിലേന്ത്യാ സെവൻസ് ഫുട്ബോൾ ടൂർണ്ണമെന്റിന് ഇന്ന് കിക്കോഫ് appeared first on Valanchery Online.