terrorist Archives - Valanchery Online

അവകാശം നഷ്ടപ്പെട്ടെന്ന് പറയുന്നവര്‍ തീവ്രവാദികളായി മുദ്ര കുത്തപ്പെടുന്നു – ഇ.ടി മുഹമ്മദ് ബഷീര്‍ എം പി

വളാഞ്ചേരിക്കാരൻ — Tue, 05 Jan 2021 23:45:07 +0000

പുത്തനത്താണി: ഭരണഘടനാപരമായ അവകാശങ്ങള്‍ നഷ്ടപ്പെട്ടെന്ന് പറയുന്നതിന്റെ പേരില്‍ മുസ്‌ലിംകള്‍ തീവ്രവാദികളായി മുദ്രകുത്തപ്പെടുന്നുവെന്ന് ഇ.ടി മുഹമ്മദ് ബഷീര്‍ എം പി.
എസ് കെ എസ് എസ് എഫ് സംസ്ഥാന പ്രസിഡന്റ് പാണക്കാട് ഹമീദലി ശിഹാബ് തങ്ങള്‍ നേതൃത്വത്തില്‍ തിരുവനന്തപുരം മുതല്‍ മംഗലാപുരം വരെ നടക്കുന്ന മുന്നേറ്റ യാത്രക്ക് പുത്തനത്താണിയില്‍ നല്‍കിയ സ്വീകരണം ഉദ്ഘാടനം ചെയ്യുകയായിരുന്നു അദ്ദേഹം. വിശന്ന് കരയുന്ന കുട്ടിയുടെ അവകാശം പോലും സമുദായത്തിന് നിഷേധിക്കപ്പെടുന്നു. അവകാശങ്ങള്‍ ചെറുതോതിലെങ്കിലും നടപ്പാകാനിരിക്കുന്ന കേരളത്തില്‍ പോലും ഈ അവസ്ഥയാണ്. സമുദായത്തിനോ സാമുദായിക രാഷ്ട്രീയ പാര്‍ട്ടികള്‍ക്കോ അനുകൂലമായി വല്ല കാര്യവുമുണ്ടായാല്‍ മുസ്‌ലിംകള്‍ എല്ലാം വാരിക്കൂട്ടുന്നുവെന്നാണ് ആരോപണങ്ങളുയരുന്നു. പല ടെലിവിഷന്‍ ചര്‍ച്ചകളും കണ്ടാല്‍ നാളെ കേരളം മുസ്‌ലിം രാജ്യമാകുമെന്ന തരത്തിലാണ്. സ്‌കോളര്‍ഷിപ്പുകളടക്കമുള്ള ആനൂകുല്യങ്ങള്‍ എല്ലാം മുസ്‌ലിംകള്‍ കൊണ്ടുപോകുന്നുവെന്ന വ്യാജപ്രചരണം നടത്തുകയാണ് പലരും. എന്നാല്‍ അവര്‍ക്ക് സ്‌കോളര്‍ഷിപ്പുള്ളത് പോലെ എല്ലാ ന്യൂനപക്ഷങ്ങള്‍ക്കുമുണ്ട്. അവ നിയമപ്രകാരമല്ലാതെ ആര്‍ക്കും കൈപറ്റാന്‍ കഴിയില്ല. ലൗജിഹാദ് അടക്കം സമുദായത്തിനെതിരെ വ്യാജ ആരോപണങ്ങള്‍ നിരന്തരം ഉന്നയിക്കുകയാണ്. ഇവ യഥാര്‍ത്ഥത്തില്‍ സമുദായത്തിന് മാത്രമല്ല, നാടിന് തന്നെ ദ്രോഹമാണ് ചെയ്യുന്നത്. ഇത്തരം പാര്‍ട്ടികളെ കരിമ്പട്ടികയില്‍ പെടുത്തണം. എങ്കിലും നാം വസ്തുതകള്‍ സമാധാനപരമായി പറഞ്ഞുകൊണ്ടിരിക്കണം. വിദ്വേഷ ചിന്ത കൊണ്ടുനടക്കുന്നവര്‍ എപ്പോഴെങ്കിലും സത്യം തിരിച്ചറിയുമെന്നും എം പി പറഞ്ഞു. കെ കെ എസ് തങ്ങള്‍ വെട്ടിച്ചിറ അധ്യക്ഷത വഹിച്ചു.
അബ്ദുല്‍ വാഹിദ് മുസ്‌ലിയാര്‍ അത്തിപ്പറ്റ പ്രാര്‍ത്ഥന നടത്തി. ബഷീര്‍ ഫൈസി ദേശമംഗലം, സ്വാദിഖ് ഫൈസി താനൂര്‍, ഹാരിസ് ഹുദവി കുറ്റിപ്പുറം എന്നിവര്‍ പ്രഭാഷണം നടത്തി. സയ്യിദ് റഷീദലി ശിഹാബ് തങ്ങള്‍, സി എച്ച് ത്വയ്യിബ് ഫൈസി, കാടാമ്പുഴ മൂസ ഹാജി, ഡോ സാലിം ഫൈസി കൊളത്തൂര്‍, കെ എം കുട്ടി എടക്കുളം, അഡ്വ. വി കെ ഫൈസല്‍ ബാബു, അശ്‌റഫ് അമ്പലത്തിങ്ങല്‍, ഫൈസല്‍ എടശ്ശേരി, എ പി സ്വബാഹ്, കെ ടി ആസാദ്, കെ എം എ റസാഖ് മുസ്‌ലിയാര്‍, ആതവനാട് മുഹമ്മദ്് കുട്ടി, മുഹമ്മദലി മാസ്റ്റര്‍ പുളിക്കല്‍, നൗഷാദ് ചെട്ടിപ്പടി, ശഹീര്‍ അന്‍വരി പുറങ്ങ് എന്നിവര്‍ സംസാരിച്ചു. അനീസ് ഫൈസി മാവണ്ടിയൂര്‍ സ്വാഗതവും ശാഹുല്‍ ഹമീദ് ഫൈസി കൈനിക്കര നന്ദിയും പറഞ്ഞു.

സയ്യിദ് ഹമീദലി ശിഹാബ് തങ്ങള്‍, സത്താര്‍ പന്തലൂര്‍, റശീദ് ഫൈസി വെള്ളായിക്കോട്,താജുദ്ദീന്‍ ദാരിമി പടന്ന,സയ്യിദ് ഫഖ്‌റുദ്ധീന്‍ തങ്ങള്‍ കണ്ണന്തളി, അബ്്ദുല്‍ നാസര്‍ സഅദി, സിദ്ധിഖ് പന്താവൂര്‍, എം അബ്ദുള്ളക്കുട്ടി, ഖാസിം ഫൈസി പോത്തന്നൂര്‍,പി.വി മുഹമ്മദ് മൗലവി,കെ.കെ.എസ് ആറ്റക്കോയ തങ്ങള്‍,ടി.എ റശീദ് ഫൈസി പൂക്കരത്തറ, ബഷീര്‍ താണിക്കാട്ട്, ഒ. പി. എം അശ്‌റഫ് ടി പി സുബൈര്‍ മാസ്റ്റര്‍, സി. ടി ജലീല്‍ മാസ്റ്റര്‍ , ആശിഖ് കുഴിപ്പുറം ,അയ്യൂബ് മാസ്റ്റര്‍ മുട്ടില്‍ , ശഹീര്‍ ദേശമംഗലം, മുഹമ്മദ് റാസി ബാഖവി, സുലൈമാന്‍ ഉഗ്രപുരം,സലാം ഫറോക്ക്, മുബാറക്ക് എടവണ്ണപാറ, സുറൂര്‍ പാപിനിശ്ശേരി, ഫാറൂഖ് ദാരിമി കൊല്ലമ്പാടി, ഇസദുദ്ധീന്‍ മൗലവി പൊതുവാച്ചേരി, സലാഹുദ്ധീന്‍ ഫൈസി വല്ലപ്പുഴ, സയിദ് മഹ്ശൂഖ് തങ്ങള്‍, നാസര്‍ ഫൈസി കണ്ണൂര്‍, പി കെ മുഹമ്മദ് കുട്ടി, അബ്ദുല്‍ ഖാദര്‍ ഫൈസി കുന്നുംപുറം, കെ വി മുസ്തഫ ദാരിമി, സി മുഹമ്മദ് ഫൈസി, മുഹമ്മദ് ബാഖവി ഒഴുകൂര്‍, റഷീദ് മുസ്‌ലിയാര്‍ പറമ്പില്‍പീടിക, എ ഉസ്മാന്‍, അഷ്‌റഫ് മലയില്‍, ശിഹാബുദ്ദീന്‍ ഫൈസി ചേരൂര്‍, സൈതലവി ഫൈസി പരപ്പനങ്ങാടി എന്നിവര്‍ പങ്കെടുത്തു.

The post അവകാശം നഷ്ടപ്പെട്ടെന്ന് പറയുന്നവര്‍ തീവ്രവാദികളായി മുദ്ര കുത്തപ്പെടുന്നു – ഇ.ടി മുഹമ്മദ് ബഷീര്‍ എം പി appeared first on Valanchery Online.

ഐ.എസില്‍ ചേര്‍ന്ന എടപ്പാൾ സ്വദേശി യുവാവ് യു.എസ് ഡ്രോൺ ആക്രമണത്തിൽ കൊല്ലപ്പെട്ടു

വളാഞ്ചേരിക്കാരൻ — Wed, 31 Jul 2019 12:39:55 +0000

എടപ്പാൾ: ഐഎസില്‍ ചേര്‍ന്ന മലയാളി യുവാവ് കൊല്ലപ്പെട്ടതായി റിപ്പോര്‍ട്ട്. മലപ്പുറം എടപ്പാള്‍ സ്വദേശിയായ മുഹമ്മദ് മുഹ്‌സിനാണ് കൊല്ലപ്പെട്ടത്. വാര്‍ത്താ ഏജന്‍സിയായ എഎന്‍ഐയാണ് ഇത് റിപ്പോര്‍ട്ട് ചെയ്തിരിക്കുന്നത്. ജൂലൈ 18ന് അമേരിക്ക അഫ്ഗാനിസ്ഥാനില്‍ നടത്തിയ ഡ്രോണ്‍ ആക്രമണത്തില്‍ ഇയാള്‍ കൊല്ലപ്പെട്ടതായുള്ള സന്ദേശം വീട്ടുകാര്‍ക്ക് ലഭിച്ചു. വാട്‌സ്ആപ് വഴിയാണ് സന്ദേശം ലഭിച്ചത്. അപരിചിതമായൊരു നമ്പറില്‍ നിന്നാണ് മുഹമ്മദ് മുഹ്‌സിന്റെ വീട്ടുകാര്‍ക്ക് ഇത്തരമൊരു സന്ദേശം ലഭിച്ചിരിക്കുന്നത്.

അമേരിക്കന്‍ സേനയുടെ ആക്രമണത്തില്‍ നിങ്ങളുടെ സഹോദരന്‍ രക്തസാക്ഷിത്വം വരിച്ചതായും അവന്റെ ആഗ്രഹം അല്ലാഹു നിറവേറ്റി കൊടുത്തതായും സന്ദേശത്തില്‍ പറയുന്നു. ഇക്കാര്യങ്ങള്‍ പൊലീസിനോട് പറയരുതെന്നും അവര്‍ വീട്ടില്‍ നിരന്തരം കയറിയിറങ്ങി ശല്യപ്പെടുത്തുമെന്നും നിങ്ങളുടെ സഹോദരന്‍ അത് ആഗ്രഹിക്കുന്നില്ലെന്നും സന്ദേശത്തിലുണ്ട്.

2017 ഓക്ടോബറിലാണ് മുഹമ്മദ് മുഹ്‌സിന്‍ ഐഎസില്‍ ചേര്‍ന്നത്. ഐഎസിന്റെ പ്രധാന നേതാക്കളിലൊരാളും പാകിസ്ഥാന്‍കാരനുമായിരുന്ന കൊല്ലപ്പെട്ട ഹുസൈഫ അല്‍ ബകിസ്താനി വഴിയായിരുന്നു മുഹമ്മദ് മുഹ്‌സിന്‍ ഐഎസിലെത്തിയത്. ഇയാള്‍ വഴി നിരവധി ഇന്ത്യന്‍ യുവാക്കള്‍ സംഘടനയുടെ ഭാഗമായിട്ടുണ്ടെന്നും റിപ്പോര്‍ട്ടുകളുണ്ട്.

The post ഐ.എസില്‍ ചേര്‍ന്ന എടപ്പാൾ സ്വദേശി യുവാവ് യു.എസ് ഡ്രോൺ ആക്രമണത്തിൽ കൊല്ലപ്പെട്ടു appeared first on Valanchery Online.

മുസ്ലിം തീവ്രവാദി പരാമർശം: വിജയരാഘവന് പിന്തുണയുമായി ഡിവൈഎഫ്‌ഐ നേതാവ്

വളാഞ്ചേരിക്കാരൻ — Sun, 08 Apr 2018 08:07:04 +0000

മലപ്പുറം: ദേശീയപാത സ്ഥലമേറ്റെടുപ്പിനെതിരായ സമരത്തിന് പിന്നില്‍ മുസ്‌ലിം തീവ്രവാദികളാണെന്ന് പറഞ്ഞ സിപിഎം നേതാവ് എ വിജയരാഘവന് പിന്തുണയുമായി ഡിവൈഎഫ്‌ഐ ജില്ലാ സെക്രട്ടറി പികെ അബ്ദുല്ല നവാസ്. ഇസ്ലാമിക ചരിത്രത്തില്‍ റാങ്കോടു കൂടി ബിരുദം കരസ്ഥമാക്കിയ വിജയരാഘവന്‍ എന്ന വിദ്യാര്‍ത്ഥി നേതാവ് മലപ്പുറത്തിന്റെ മാത്രമല്ല അക്ഷര കേരളത്തിന്റെ അത്ഭുതമായിരുന്നു. ഇന്നീ തുള്ളുന്ന സുടാപ്പികുട്ടികള്‍ അന്നു ജനിച്ചിട്ടുപോലുമില്ല. ഫേസ്ബുക്ക് പോസ്റ്റില്‍ അദ്ദേഹം പറയുന്നു.
മലപ്പുറമെന്ന മണ്ണിന്റെ മണവും ഗുണവുമുള്ള വിജയരാഘവനെ മതം പഠിപ്പിക്കാന്‍ മലപ്പുറത്താരും വളര്‍ന്നിട്ടില്ലെന്നും അദ്ദേഹം പറയുന്നു.
ഫേസ്ബുക്ക് പോസ്റ്റിന്റെ പൂര്‍ണരൂപം

ഇസ്ലാമിക ചരിത്രത്തിൽ റാങ്കോടു കൂടി ബിരുദം കരസ്ഥമാക്കിയ വിജയരാഘവൻ എന്ന വിദ്യാർത്ഥി നേതാവ്
മലപ്പുറത്തിന്റെ മാത്രമല്ല അക്ഷര കേരളത്തിന്റെ അത്ഭുതമായിരുന്നു..
ഇന്നീ തുള്ളുന്ന സുടാപ്പികുട്ടികൾ
അന്നു ജനിച്ചിട്ടുപോലുമില്ല..
വെള്ളിയാഴ്ചകൾ തിരഞ്ഞെടുത്ത് ജുമുഅ പോലും നടുറോട്ടിൽ നമസ്‌കരിക്കുന്ന ആഭാസത്തരം രാഷ്ട്രീയ തീവ്രവാദമല്ലാതെ മതമാണ്‌ എന്ന് പറയാൻ
ഇസ്ലാമിനെ അറിയുന്നവർക്കാവില്ല,
കുട്ടികളെ മനുഷ്യ മതിലാക്കി
പോലീസിന് നേരെ കല്ലെറിയുന്നവർ തീവ്രവാദികൾ തന്നെയാണ്‌..
മാസങ്ങൾക്ക് മുൻപ് ഗെയിൽ
വിഷയത്തിൽ നടക്കാതെ പോയ തീവ്ര അജണ്ട മലപ്പുറത്ത് നടപ്പാക്കാനുള്ള ഗൂഢ ശ്രമമാണ് ഈ കലാപം…
മലപ്പുറമെന്ന മണ്ണിന്റെ
മണവും ഗുണവുമുളള വിജയരാഘവനെ
മതം പഠിപ്പിക്കാൻ മലപ്പുറത്താരും വളർന്നിട്ടില്ല..
അടിവേര് നഷ്ട്ടപ്പെടുന്ന രാഷ്ട്രീയ അബദ്ധങ്ങൾ സമുദായത്തിന്റെ
തലയിൽ കെട്ടിവച്ചു രക്ഷപ്പെടാൻ ശ്രമിക്കുന്നവർ
രാഷ്ട്രീയ ഭീരുക്കൾ തന്നെയാണ്..
രാഷ്ട്രീയ തീവ്ര വാദത്തിനു
മതത്തെ മറയാക്കുന്ന
സംഘ് പരിവാര സുടാപ്പി
സഹകരണ സംഘം
മലപ്പുറത്തിന്റെ ചരിത്രം അറിയുന്നത് നന്നാകും..കൂട്ടത്തിൽ സമുദായത്തിന്റെയും..
ഓടാൻ.. കണ്ടം തികയാതെ വരും..

The post മുസ്ലിം തീവ്രവാദി പരാമർശം: വിജയരാഘവന് പിന്തുണയുമായി ഡിവൈഎഫ്‌ഐ നേതാവ് appeared first on Valanchery Online.

ബിജെപി നേതാവിന്റെ വധം: വളാഞ്ചേരി സ്വദേശിയടക്കം നാല് അല്‍ -ഉമ ഭീകരര്‍ കുറ്റക്കാര്‍

വളാഞ്ചേരിക്കാരൻ — Fri, 13 Mar 2015 23:47:43 +0000

കൊല്ലങ്കോട് സ്വദേശിയും ബിജെപി മണ്ഡലം പ്രസിഡന്റുമായ വെള്ളാരംകടവ് മണി(35)യെ വധിച്ച കേസില്‍ നാല് അല്‍-ഉമ ഭീകരര്‍ കുറ്റക്കാരെന്ന് കോടതി കണ്ടെത്തി.

ഇവര്‍ക്കുള്ള ശിക്ഷ 16ന് വിധിക്കും. കേരളത്തില്‍ അല്‍- ഉമ ബന്ധം സ്ഥിരീകരിച്ച ആദ്യകേസിലാണ് പാലക്കാട് അതിവേഗകോടതി (മൂന്ന്) ജഡ്ജ് കെ.ആര്‍. മധു കുമാര്‍ വിധിപറഞ്ഞത്. കേസിലെ ഒന്നുമുതല്‍ നാലുവരെ പ്രതികളായ കിഴക്കഞ്ചേരി സ്വദേശി ഷെരീഫ്, വിളയൂര്‍ സ്വദേശി സെയ്തലവി ബാവ, വല്ലപ്പുഴ സ്വദേശി അബ്ദുള്‍ ഖാദര്‍, വളാഞ്ചേരി സ്വദേശി സയ്യിദ് ഹബീബ് കോയ തങ്ങള്‍ എന്നിവരെയാണ് കുറ്റക്കാരെന്ന് കണ്ടെത്തിയത്. 5,6,7 പ്രതികളായ മലപ്പുറം സ്വദേശി അബൂബക്കര്‍, കിണ്ണത്തുമുക്ക് സ്വദേശി അബ്ദുള്‍ റഹ്മാന്‍, മുതലമട സ്വദേശി ഷെയ്ക്ക് മുസ്തഫ എന്നിവരെ തെളിവില്ലെന്നുകണ്ട് വിട്ടയച്ചു. അഞ്ചാം പ്രതിയെ ഇതുവരെ പിടികൂടാനായിട്ടില്ല. 1996ല്‍ ആയിരുന്നു കേസിനാസ്പദമായ സംഭവം. ജയിലില്‍ കഴിഞ്ഞിരുന്ന കോയമ്പത്തൂര്‍ സ്‌ഫോടനക്കേസ് പ്രതി പളനി ബാബയും ടാഡ കേസില്‍ ഉള്‍പ്പെട്ട ഭീകരബന്ധമുള്ള ചിലരും നടത്തിയ കൂടിക്കാഴ്ചയെത്തുടര്‍ന്നാണ് മണിയെ കൊല്ലാന്‍ ഗൂഢാലോചന നടന്നത്. കൊല്ലങ്കോട്ട് ഒരു സ്ത്രീയെ കൊലപ്പെടുത്തിയ ഷംസുദ്ദീന്‍ എന്നയാളെ ചിലര്‍ വധിച്ചിരുന്നു. അതിനു പകരമായിട്ടായിരുന്നു മണിയുടെ കൊലപാതകം. 1996 സെപ്തംബര്‍ 13ന് രാത്രി നായാട്ടിനെന്ന വ്യാജേന വീട്ടില്‍ നിന്ന് വിളിച്ചിറക്കിയശേഷം മണിയെ വെട്ടിക്കൊലപ്പെടുത്തുകയായിരുന്നു. തുടക്കത്തില്‍, മുതലമട സിഐയും പിന്നീട് ആലത്തൂര്‍ ഡിവൈഎസ്പിയും നടത്തിയ കേസന്വേഷണം ക്രൈംബ്രാഞ്ച് പ്രത്യേക സംഘം പൂര്‍ത്തിയാക്കി. കൊലപാതകത്തിന് പത്ത് വര്‍ഷത്തിനുശേഷമാണ് കുറ്റപത്രം സമര്‍പ്പിച്ചത്.

Summary: Palakkad fasttrack court identifies the four out of five Al-Umma terrorists accused in the murder of a BJP activist as a culprits.

The post ബിജെപി നേതാവിന്റെ വധം: വളാഞ്ചേരി സ്വദേശിയടക്കം നാല് അല്‍ -ഉമ ഭീകരര്‍ കുറ്റക്കാര്‍ appeared first on Valanchery Online.