tamil nadu Archives - Valanchery Online

ഊട്ടി പുഷ്പമേള മേയ് 19-ന് തുടങ്ങും

വളാഞ്ചേരിക്കാരൻ — Wed, 05 Apr 2023 00:48:50 +0000

ഊട്ടി: ഊട്ടിയിൽ പുഷ്പമേള മേയ് 19-ന് തുടങ്ങും. 6, 7 തീയതികളിൽ കോത്തഗിരിയിൽ നടക്കുന്ന പച്ചക്കറിമേളയോടെയാണ് പ്രദർശനം തുടങ്ങുന്നത്. 12 മുതൽ 14 വരെ ഗൂഡല്ലൂരിലെ മോണിങ് സ്റ്റാർ സ്കൂൾ മൈതാനത്ത് സുഗന്ധവ്യഞ്ജനമേളയും 13 മുതൽ ഊട്ടിയിൽ റോസ് മേളയും 19 മുതൽ 23 വരെ പുഷ്പമേളയും 27, 28 തീയതികളിൽ കുന്നൂരിൽ പഴങ്ങളുടെ മേളയും നടക്കും.

The post ഊട്ടി പുഷ്പമേള മേയ് 19-ന് തുടങ്ങും appeared first on Valanchery Online.

തമിഴ്നാട് നിയമസഭയിലേക്ക് തിരഞ്ഞെടുക്കപ്പെട്ട് തവനൂർ സ്വദേശിയും

വളാഞ്ചേരിക്കാരൻ — Sat, 25 May 2019 23:56:53 +0000

ചെന്നൈ: തമിഴ്നാട് നിയമസഭയിൽ മലയാളി പ്രാതിനിധ്യം. നിയമസഭ ഉപതെരഞ്ഞെടുപ്പിൽ ഹൊസൂർ മണ്ഡലത്തിൽനിന്ന് ഡി.എം.കെ ടിക്കറ്റിൽ വിജയിച്ച എസ്. എ. സത്യ മലപ്പുറം ജില്ലക്കാരൻ. വർഷങ്ങൾക്കുമുമ്പ് തമിഴ്നാട്ടിലേക്ക് കുടിയേറിയതാണ് സത്യയുടെ കുടുംബം.

തവനൂർ പ്ലാക്കാട്ടിൽ പി.കെ. അപ്പുക്കുട്ടൻ-എം.കെ. രാഗിണി ദമ്പതികളുടെ മകനാണ്. പൊതുമുതൽ നശിപ്പിച്ച കേസിൽ മുൻ അണ്ണ ഡി.എം.കെ മന്ത്രി ബാലകൃഷ്ണ റെഡ്ഡി ശിക്ഷിക്കപ്പെട്ട് അയോഗ്യനായതിനെ തുടർന്നാണ് ഹൊസൂരിൽ ഉപതെരഞ്ഞെടുപ്പു നടന്നത്. റെഡ്ഡിയുടെ ഭാര്യ ജ്യോതിയെയാണ് 23,213 വോട്ടിെൻറ ഭൂരിപക്ഷത്തിൽ സത്യ തോൽപിച്ചത്. 2006 മുതൽ അഞ്ചു വർഷക്കാലം ഹൊസൂർ നഗരസഭ ചെയർമാനായിരുന്നു സത്യ.

The post തമിഴ്നാട് നിയമസഭയിലേക്ക് തിരഞ്ഞെടുക്കപ്പെട്ട് തവനൂർ സ്വദേശിയും appeared first on Valanchery Online.

ഇച്ഛാ ശക്തി കൊണ്ട് വൈകല്യത്തെ തോൽപ്പിച്ച് സുബ്രമണ്യൻ

വളാഞ്ചേരിക്കാരൻ — Wed, 25 Apr 2018 22:07:29 +0000

മലപ്പുറം: തമിഴ് നാട്ടിൽ നിന്നും ജീവിതം പച്ചപിടിപ്പിക്കാൻ കേരളത്തിലെത്തിയ അനേകം തൊഴിലാളികളിലൊരാളായിരുന്നു തമിഴ് നാട് തഞ്ചാവൂർ സ്വദേശി സുബ്രഹ്മണ്യൻ. എന്നാൽ രണ്ടു പതിറ്റാണ്ടുകൾക്ക് മുൻപ് രാമനാട്ടുകാരയിലുണ്ടായ ഒരു ലോറി അപകടത്തിൽ ഒരുകാൽ നഷ്ടമായതോടെ ജീവിത പാതക്ക് മുന്നിൽ പകച്ചു നിന്ന സുബ്രഹ്മണ്യൻ ഇച്ഛാ ശക്തി ഒന്ന് കൊണ്ട് മാത്രമാണ് വീണ്ടും തൻറെയും കുടുംബത്തിന്റെയും പ്രാരാബ്ധങ്ങൾക്ക് അത്താണിയാവാൻ തൊഴിൽ മേഖലയിലേക്ക് തിരിച്ചു വന്നത്.

1977 ൽ കേരളത്തിലെത്തിയ ഇദ്ദേഹം കാൽ നഷ്ടമായതോടെ ലോറിയിലെ ജോലി ഉപേക്ഷിച്ചു മറ്റു മേഖലയിലേക്ക് തിരിയുകയായിരുന്നു തൻറെ കുടുംബത്തിൻറെ പട്ടിണി മാറ്റാൻ മറ്റുള്ളവരുടെ മുന്നിൽ കൈനീട്ടാതെ വിവിധ കരാർ ജോലികളിൽ ഏർപ്പെടുന്ന ഇദ്ദേഹം ഒന്ന് രണ്ടു വർഷം മുൻപ് പുലാമന്തോൾ ടൗണിലും ടെലിഫോൺ കേബിളിനായി കുഴിയെടുക്കുന്ന ജോലിക്കായി എത്തിയിരുന്നു .അപകടത്തിൽ പെട്ട് കാൽ നഷ്ടമായിട്ടും ആത്മാർത്ഥമായി ജോലിചെയ്യുന്ന സുബ്രഹ്മണ്യൻ പുതുതലമുറക്ക് ഒരത്ഭുതം തന്നെയാണ്.

മലപ്പുറം -മഞ്ചേരിറോഡിൽ ടെലിഫോൺ കേബിൾ ജോലിയിൽ ഏർപ്പെട്ട സുബ്രഹ്മണ്യത്തെ പകർത്തിയത്
Afthab Chappanangad (സുപ്രഭാതം റിപ്പോർട്ടർ)

The post ഇച്ഛാ ശക്തി കൊണ്ട് വൈകല്യത്തെ തോൽപ്പിച്ച് സുബ്രമണ്യൻ appeared first on Valanchery Online.