suicide Archives - Valanchery Online

റംഷീനയുടെ മരണം; അധ്യാപകനായ ഭർത്താവ് റിമാൻ്റിൽ

വളാഞ്ചേരിക്കാരൻ — Mon, 19 Feb 2024 23:29:40 +0000

വളാഞ്ചേരി : യുവതി ഭർത്തൃവീട്ടിൽ മരിച്ച സംഭവത്തിൽ അറസ്റ്റിലായ ഭർത്താവ് റിമാൻഡിലായി. വളാഞ്ചേരി പൈങ്കണ്ണൂർ ഗവ. യു.പി. സ്കൂൾ അധ്യാപകൻ അബുദാബിപ്പടിയിലെ ചെകിടൻകുഴിയിൽ ഫൈസലിനെയാണ്‌ (43) തിരൂർ കോടതി റിമാൻഡ് ചെയ്തത്.

ഫൈസലിന്റെ ഭാര്യ കൊപ്പം വിളയൂർ സ്വദേശി സി.ടി. റംഷീന(33) യെ കഴിഞ്ഞ മാസം 25-ന് ഭർത്തൃവീട്ടിൽ തൂങ്ങിമരിച്ച നിലയിൽ കണ്ടെത്തിയിരുന്നു. വീട്ടിൽനിന്ന് യുവതിയുടെ ആത്മഹത്യാക്കുറിപ്പും പോലീസിന് ലഭിച്ചിരുന്നു. ഫൈസൽ നിരന്തരം ശാരീരികവും മാനസികവുമായി പീഡിപ്പിച്ചിരുന്നുവെന്ന് ആരോപിച്ച് റംഷീനയുടെ മാതാപിതാക്കൾ പോലീസിലും മുഖ്യമന്ത്രിക്കും പരാതി നൽകിയിരുന്നു. ഇതേത്തുടർന്ന് തിരൂർ ഡിവൈ.എസ്.പി. പി.പി. ഷംസിന്റെ നേതൃത്വത്തിലുള്ള പ്രത്യേക അന്വേഷണസംഘമാണ് അറസ്റ്റ്‌ ചെയ്തത്.

The post റംഷീനയുടെ മരണം; അധ്യാപകനായ ഭർത്താവ് റിമാൻ്റിൽ appeared first on Valanchery Online.

വളാഞ്ചേരി പൈങ്കണ്ണൂരിൽ യുവാവിനെ മരിച്ച നിലയിൽ കണ്ടെത്തി

വളാഞ്ചേരിക്കാരൻ — Sun, 11 Feb 2024 00:25:46 +0000

വളാഞ്ചേരി: വളാഞ്ചേരി പൈങ്കണ്ണൂരിൽ യുവാവിനെ മരിച്ച നിലയിൽ കണ്ടെത്തി. പൈങ്കണ്ണൂർ താജ് നഗറിൽ താമസിച്ച് വന്ന പരേതനായ പാറതൊടി ഗോപിയുടെ മകൻ കണ്ണൻ എന്ന രാഹുലി(22)നെയാണ് ശനിയാഴ്ച വൈകീട്ടോടെ മരിച്ച നിലയിൽ കണ്ടെത്തിയത്. വളാഞ്ചേരി പോലീസ് മേൽനടപടികൾ സ്വീകരിച്ച് മൃതദേഹം മോർച്ചറിയിലേക്ക് മാറ്റി. അജിതയാണ് അമ്മ. സഹോദരൻ: രാഗിൻ

The post വളാഞ്ചേരി പൈങ്കണ്ണൂരിൽ യുവാവിനെ മരിച്ച നിലയിൽ കണ്ടെത്തി appeared first on Valanchery Online.

വളാഞ്ചേരി പൈങ്കണ്ണൂരിൽ യുവതിയെ ഭർതൃവീട്ടിൽ മരിച്ച നിലയിൽ കണ്ടെത്തി

വളാഞ്ചേരിക്കാരൻ — Fri, 26 Jan 2024 02:52:58 +0000

വളാഞ്ചേരി: വളാഞ്ചേരി പൈങ്കണ്ണൂരിൽ യുവതിയെ വീട്ടിനുള്ളിൽ മരിച്ച നിലയിൽ കണ്ടെത്തി. പൈങ്കണ്ണൂർ അബുദാബിപ്പടിയിൽ താമസിക്കുന്ന ചെകിടൻകുഴിയിൽ ഫൈസലിന്റെ ഭാര്യ റംഷീന(33)യാണ് മരിച്ചത്. വ്യാഴാഴ്ച രാവിലെയാണ് റംഷീനയെ വീടിനകത്ത് തൂങ്ങിയ നിലയിൽ കണ്ടെത്തിയത്. വളാഞ്ചേരി പോലീസ് സ്ഥലത്തെത്തി നടപടികൾ പൂർത്തിയാക്കിയ ശേഷം മൃതദേഹം മഞ്ചേരി മെഡിക്കൽ കോളേജിലേക്ക് മാറ്റി. മക്കൾ: ഫാസ് റുസ്താൻ, ഫസാൻ.

The post വളാഞ്ചേരി പൈങ്കണ്ണൂരിൽ യുവതിയെ ഭർതൃവീട്ടിൽ മരിച്ച നിലയിൽ കണ്ടെത്തി appeared first on Valanchery Online.

ജീവനക്കാരിയുടെ മരണം; തൊഴിൽ ചൂഷണം ആരോപിച്ച് വളാഞ്ചേരി യാറ മാളിനു മുന്നിൽ പ്രതിഷേധ ധർണ്ണ സംഘടിപ്പിച്ച് ഡി.വൈ.എഫ്.ഐ

വളാഞ്ചേരിക്കാരൻ — Mon, 23 May 2022 18:11:04 +0000

വളാഞ്ചേരി: വളാഞ്ചേരിയിലെ യാറ ഹൈപ്പർ മാർക്കറ്റിൽ ജോലി ചെയ്ത് വന്ന യുവതി ആത്മഹത്യ ചെയ്ത സംഭവത്തിൽ പ്രതിഷേധിച്ച് ഡിവൈഎഫ്ഐയുടെ നേതൃത്വത്തിൽ സ്ഥാപനത്തിനു മുന്നിൽ പ്രതിഷേധ ധർണ സംഘടിപ്പിച്ചു. തൊഴിൽ പീഢനം മൂലമാണ് യുവതി ആത്മഹത്യ ചെയ്തതെന്ന ആരോപിച്ചാണ് ഡി.വൈ.എഫ്.ഐ വളാഞ്ചേരി മുനിസിപ്പൽ കമ്മറ്റി യാറ മാളിനുമുന്നിൽ പ്രതിഷേധ ധർണ്ണ സംഘടിപ്പിച്ചത്. ഡി.വൈ.എഫ്.ഐ കാവുംപുറം മേഖല സെക്രട്ടറി ആഖിൽ ആലുങ്ങൽ അധ്യക്ഷത വഹിച്ച ധർണ്ണ സമരം ഡി.വൈ.എഫ്.ഐ വളാഞ്ചേരി ബ്ലോക്ക്‌ കമ്മറ്റി ജോയിന്റ് സെക്രട്ടറി അശ്വിൻ ഉത്ഘാടനം നിർവ്വഹിച്ചു. സി.പി.ഐ(എം) വളാഞ്ചേരി ലോക്കൽ കമ്മറ്റി സെക്രട്ടറി കെ.എം ഫിറോസ് ബാബു ധർണ്ണസമരത്തിനെ അഭിവാദ്യം ചെയ്തു സംസാരിച്ചു. ധർണ്ണസമരത്തിന് ഡി.വൈ.എഫ്.ഐ വളാഞ്ചേരി മേഖല സെക്രട്ടറി ജയൻ സ്വാഗതവും, ഡി.വൈ.എഫ്.ഐ കാവുംപുറം മേഖല പ്രസിഡന്റ്‌ ഹരീഷ് നന്ദിയും പറഞ്ഞു.

The post ജീവനക്കാരിയുടെ മരണം; തൊഴിൽ ചൂഷണം ആരോപിച്ച് വളാഞ്ചേരി യാറ മാളിനു മുന്നിൽ പ്രതിഷേധ ധർണ്ണ സംഘടിപ്പിച്ച് ഡി.വൈ.എഫ്.ഐ appeared first on Valanchery Online.

യുവതിയും കുഞ്ഞും പൊള്ളലേറ്റ് മരിച്ച സംഭവം; ഭർത്തൃമാതാവും സഹോദരീപുത്രിയും അറസ്റ്റിൽ

വളാഞ്ചേരിക്കാരൻ — Wed, 17 Nov 2021 00:14:51 +0000

തവനൂർ : അയങ്കലത്ത് യുവതിയെയും കുഞ്ഞിനെയും പൊള്ളലേറ്റ് മരിച്ചനിലയിൽ കണ്ടെത്തിയ സംഭവത്തിൽ ഭർത്തൃമാതാവിനെയും അവരുടെ മകളുടെ മകളെയും പോലീസ് അറസ്റ്റുചെയ്തു. അയങ്കലം വടക്കത്തുവളപ്പിൽ ഫാത്തിമ്മ (50), ഫാത്തിമ്മ സഹല (18) എന്നിവരെയാണ് കുറ്റിപ്പുറം പോലീസ് ഇൻസ്പെക്ടർ ശശീന്ദ്രൻ മേലേയിൽ അറസ്റ്റുചെയ്തത്. ഫാത്തിമ്മയുടെ മകൻ ബസ്ബസത്തിന്റെ ഭാര്യ സുഹൈല നസ്‌റിൻ (19), എട്ടുമാസം പ്രായമായ മകൾ ഫാത്തിമ സഹറ എന്നിവരെയാണ് തിങ്കളാഴ്ച വൈകീട്ട് നാലോടെ ഭർത്തൃവീട്ടിലെ കിടപ്പുമുറിയിൽ തീപ്പൊള്ളലേറ്റ് മരിച്ചനിലയിൽ കണ്ടെത്തിയത്.

ഗാർഹികപീഡന നിരോധനനിയമം, ആത്മഹത്യാപ്രേരണ തുടങ്ങിയ വകുപ്പുകൾ പ്രകാരമാണ് അറസ്റ്റ്. മണ്ണെണ്ണയൊഴിച്ച് തീകൊളുത്തി ആത്മഹത്യ ചെയ്തതാണെന്ന് പോലീസ് സ്ഥിരീകരിച്ചു. പൊന്നാനി തഹസിൽദാർ സുരേഷിന്റെ നേതൃത്വത്തിൽ മൃതദേഹങ്ങൾ പരിശോധിച്ചു. മലപ്പുറത്തുനിന്നുള്ള ഫൊറൻസിക് വിദഗ്ധരും വിരലടയാളവിദഗ്ധരും വീട്ടിലെത്തി പരിശോധന നടത്തി. ഒന്നരവർഷം മുൻപാണ് ബസ്ബസത്തിന്റെയും സുഹൈല നസ്‌റിന്റെയും വിവാഹം നടന്നത്. ബസ്ബസത്ത് വിദേശത്താണ്. ഭർത്തൃമാതാവും പേരക്കുട്ടി സഹലയും പതിവായി നസ്‌റിനുമായി വഴക്കിടാറുണ്ടായിരുന്നതായി പോലീസിന് വിവരം ലഭിച്ചിരുന്നു. തിങ്കളാഴ്ചയും വഴക്കുണ്ടായി. സ്ത്രീധനത്തെച്ചൊല്ലിയും ഭർത്തൃമാതാവ് ശകാരിച്ചു. മരണത്തിൽ അന്വേഷണമാവശ്യപ്പെട്ട് നസ്‌റിന്റെ ബന്ധുക്കൾ പോലീസിന് പരാതി നൽകിയിരുന്നു.

തിരൂർ ഡിവൈ.എസ്.പി. ബെന്നി സ്ഥലത്തെത്തി ബന്ധുക്കളിൽനിന്ന്‌ വിവരങ്ങൾ ശേഖരിച്ചു. മഞ്ചേരി മെഡിക്കൽ കോളേജിൽ പോസ്റ്റ്‌മോർട്ടത്തിനുശേഷം മൃതദേഹം ബന്ധുക്കൾക്ക് വിട്ടുകൊടുത്തു. ചൊവ്വാഴ്ച വൈകീട്ട് കൂടല്ലൂർ ജുമാമസ്ജിദ് ഖബർസ്ഥാനിൽ ഖബറടക്കി.

The post യുവതിയും കുഞ്ഞും പൊള്ളലേറ്റ് മരിച്ച സംഭവം; ഭർത്തൃമാതാവും സഹോദരീപുത്രിയും അറസ്റ്റിൽ appeared first on Valanchery Online.

പുഴയിൽ ചാടുന്നവരുടെ എണ്ണം കൂടുന്നു; കുറ്റിപ്പുറം പാലത്തിൽ സുരക്ഷാ വേലി സ്ഥാപിക്കണമെന്ന ആവശ്യമുയരുന്നു

വളാഞ്ചേരിക്കാരൻ — Thu, 21 Oct 2021 01:15:19 +0000

കുറ്റിപ്പുറം:ഭാരതപ്പുഴയിലെ കുറ്റിപ്പുറം പാലത്തിന്റെ ഇരുവശത്തും സുരക്ഷാവേലി സ്ഥാപിക്കണമെന്ന ആവശ്യമുയരുന്നു. പാലത്തിനു മുകളിൽ നിന്ന് പുഴയിലേക്ക് ചാടുന്ന സംഭവങ്ങൾ ആവർത്തിക്കുന്ന സാഹചര്യത്തിലാണ് സുരക്ഷാവേലി എന്ന ആവശ്യം ഉയരുന്നത്. നേരത്തെയും ഇത്തരത്തിൽ ഒരു വയോധികൻ പാലത്തിന് മുകളിൽ നിന്ന് പുഴയിലേക്ക് ചാടി മരിച്ചിരുന്നു.ഇതിനുപുറമെ പാലത്തിന്റെ കമാനത്തിലൂടെ നടന്നുകയറി ആത്മഹത്യാ ഭീഷണി മുഴക്കിയ സംഭവങ്ങളും ഉണ്ടായി. ഏതാനും മാസം മുൻപ് ആയുധങ്ങളുമായി പാലത്തിന്റെ കമാനത്തിൽ കയറി നിന്ന യുവാവിനെ പൊലീസാണ് താഴെ ഇറക്കിയത്. കുറ്റിപ്പുറം പാലത്തിന്റെ ഇരുവശത്തുമുള്ള കമാനങ്ങൾക്കിടയിലൂടെ എളുപ്പത്തിൽ കയറാം. ശനിയാഴ്ച രാത്രി പുഴയിലേക്ക് ചാടിയ യുവാവിനെ 2 ദിവസങ്ങളായി പാലത്തിനു മുകളിൽ കണ്ടിരുന്നെന്ന് നാട്ടുകാർ പറഞ്ഞു.

The post പുഴയിൽ ചാടുന്നവരുടെ എണ്ണം കൂടുന്നു; കുറ്റിപ്പുറം പാലത്തിൽ സുരക്ഷാ വേലി സ്ഥാപിക്കണമെന്ന ആവശ്യമുയരുന്നു appeared first on Valanchery Online.

കാടാമ്പുഴ ഇരട്ടക്കൊല; വിധി ദിവസം പ്രതി  ആത്മഹത്യക്ക്‌ ശ്രമിച്ചു

വളാഞ്ചേരിക്കാരൻ — Thu, 07 Oct 2021 00:11:10 +0000

മലപ്പുറം: അമ്മയെയും മകനെയും കൊലപ്പെടുത്തിയ കേസിലെ പ്രതി വിധി പറയുന്ന ദിവസം കൈയിലെ ഞരമ്പ്‌ മുറിച്ച്‌ ആത്മഹത്യക്ക്‌ ശ്രമിച്ചു. വളാഞ്ചേരി കാടാമ്പുഴയിൽ പൂർണ ഗർഭിണിയെയും മകനെയും കൊലപ്പെടുത്തിയ കേസിലെ പ്രതി വെട്ടിച്ചിറ ചാലിയത്തൊടി മുഹമ്മദ്‌ ശരീഫ്‌ (42) ആണ്‌ മലമ്പുഴ ജില്ലാ ജയിലിൽ കൈ ഞരമ്പ്‌ മുറിച്ച്‌ ആത്മഹത്യക്ക്‌ ശ്രമിച്ചത്‌. ബുധന്‍ രാവിലെ ഏഴരയോടെയാണ്‌ സംഭവം.

മഞ്ചേരിയിലെ ജില്ലാ സെഷൻസ്‌ കോടതിയിൽ വിധി കേൾക്കാൻ പോകുംമുമ്പ് കുളിക്കാൻ കയറിയപ്പോഴാണ്‌ കൈയിലെ ഞരമ്പ്‌ മുറിച്ചത്‌. ഉടൻ ജില്ലാ ആശുപത്രിയിലെത്തിച്ച്‌ ചികിത്സ നൽകി. മറ്റ്‌ ആരോഗ്യ പ്രശ്‌നങ്ങളില്ലാത്തതിനാൽ പൊലീസ്‌ ജീപ്പിൽ കോടതിയിലെത്തിച്ചു. പൊലീസ് കസ്റ്റഡിയിൽവച്ച്‌ ഇയാൾ മുമ്പും ആത്മഹത്യയ്ക്ക് ശ്രമിച്ചിരുന്നു. പ്രതി മുഹമ്മദ് ശരീരീഫിന്റെ ആത്മഹത്യാശ്രമം കോടതി നടപടികൾ വൈകിച്ചു. രാവിലെ പത്തരക്ക് ഹാജരാക്കേണ്ട പ്രതിയെ പകൽ രണ്ടരയോടെയാണ് കോടതിയിൽ ഹാജരാക്കിയത്.

The post കാടാമ്പുഴ ഇരട്ടക്കൊല; വിധി ദിവസം പ്രതി  ആത്മഹത്യക്ക്‌ ശ്രമിച്ചു appeared first on Valanchery Online.

ഓണ്‍ലൈന്‍ ലോണ്‍ ആപ്പ് വഴി പിന്തുടര്‍ന്ന് പീഡനം; സര്‍ക്കാര്‍ ഉദ്യോഗസ്ഥ ജീവനൊടുക്കി

വളാഞ്ചേരിക്കാരൻ — Thu, 17 Dec 2020 04:46:17 +0000

ഓണ്‍ലൈന്‍ വായ്പാ ആപ്പായ ‘സ്‌നാപ്പ് ഇറ്റ് ലോണ്‍’ മൗനികയുടെ തിരിച്ചടവ് മുടങ്ങിയപ്പോള്‍ മറ്റുള്ളവരെ അറിയിച്ച് അപമാനിക്കുകയായിരുന്നു. ഹൈദരാബാദ്: ഓണ്‍ലൈന്‍ ആപ്പ് വഴി വായ്പയെടുത്ത സര്‍ക്കാര്‍ ഉദ്യോഗസ്ഥ കമ്പനിയുടെ പീഡനത്തെ തുടര്‍ന്ന് ആതമഹത്യ ചെയ്തു. തെലങ്കാന രാജഗോപാല്‍പേട്ടിലെ അഗ്രിക്കള്‍ച്ചര്‍ എക്സ്റ്റന്‍ഷന്‍ ഓഫീസര്‍ (എഇഒ) കിര്‍ണി മൗനിക (24) ആണ് ഓണ്‍ലൈന്‍ വായ്പാ അപ്പ് വഴിയുള്ള പീഡനത്തെ തുടര്‍ന്ന് ജീവനൊടുക്കിയത്. ഓണ്‍ലൈന്‍ വായ്പാ ആപ്പായ ‘സ്‌നാപ്പ് ഇറ്റ് ലോണ്‍’ മൗനികയുടെ തിരിച്ചടവ് മുടങ്ങിയപ്പോള്‍ മറ്റുള്ളവരെ അറിയിച്ച് അപമാനിക്കുകയായിരുന്നു. പിതാവിന്റെ ബിസിനസ് തകര്‍ന്നതോടെ, കടത്തില്‍ നിന്ന് രക്ഷപ്പെടുന്നതിനാണ് മൗനിക ഓണ്‍ലൈന്‍ വായ്പാ ആപ്പായ ‘സ്‌നാപ്പ് ഇറ്റ് ലോണ്‍’ വഴി വായ്പയെടുത്തത്. ലോണ്‍ അനുവദിക്കവെ മൗനികയുടെ ഫോണിലെ കോണ്‍ടാക്ടുകളുടെയും ഗ്യാലറിയുടെ ആക്‌സസ് ഇവര്‍ ആവശ്യപ്പെട്ടിരുന്നു. തിരിച്ചടവ് മുടങ്ങിയതോടെ അവരുടെ ഫോണിലെ വാട്‌സാപ്പ് കോണ്‍ടാക്ടിലുള്ളവര്‍ക്ക് ലോണ്‍ തിരിച്ചടക്കുന്നില്ല എന്ന സന്ദേശം അയച്ചു. ഈ വ്യക്തി വായ്പ എടുത്തിട്ട് തിരികെ അടച്ചില്ലെന്നാണ് സന്ദേശത്തിലുള്ളത്. ഈ വ്യക്തിയെ അറിയാമെങ്കില്‍ ഇക്കാര്യം അവരോട് പറയണമെന്നും സന്ദേശത്തിലുണ്ട്. ലോണ്‍ ആപ്പിന്റെ സന്ദേശം എത്തിയതോടെ സുഹൃത്തുക്കളും ബന്ധുക്കളും മൗനികയെ വിളിക്കുകയും വായ്പ തിരിച്ചടയ്ക്കാത്തതിനെ കുറിച്ച് ചോദിക്കുകയും ചെയ്തു. നാണക്കേട് സഹിക്കാന്‍ കഴിയാതെ മൗനിക ഡിസംബര്‍ 14ന് വീട്ടില്‍ വെച്ച് കീടനാശിനി കഴിക്കുകയായിരുന്നു. സെക്കന്തരാബാദിലെ ഗാന്ധി ആശുപത്രിയിലെത്തിച്ചെങ്കിലും 16ന് മരിച്ചു. മൗനികയുടെ പിതാവിന്റെ പരാതിയില്‍ ഓണ്‍ലൈന്‍ ലോണ്‍ ആപ്പ് കമ്പനിക്കെതിരെ കേസെടുത്തതായി സിദ്ദിപ്പേട്ട് പൊലീസ് ഇന്‍സ്‌പെക്ടര്‍ പറഞ്ഞു.

The post ഓണ്‍ലൈന്‍ ലോണ്‍ ആപ്പ് വഴി പിന്തുടര്‍ന്ന് പീഡനം; സര്‍ക്കാര്‍ ഉദ്യോഗസ്ഥ ജീവനൊടുക്കി appeared first on Valanchery Online.

ദേവികയുടെ വീട് കളക്‌ടർ സന്ദർശിച്ചു

വളാഞ്ചേരിക്കാരൻ — Thu, 04 Jun 2020 15:02:58 +0000

ഇരിമ്പിളിയം: ആത്മഹത്യചെയ്ത നിലയിൽ കണ്ടെത്തിയ ഇരിമ്പിളിയം ഗവ. ഹയർസെക്കൻഡറി സ്‌കൂളിലെ വിദ്യാർഥിനി തിരുനിലം പുളിയാപ്പറ്റക്കുഴിയിൽ കളത്തിങ്ങൽവീട്ടിൽ ദേവിക(14)യുടെ വീട് ജില്ലാകളക്ടർ ഗോപാലകൃഷ്ണൻ സന്ദർശിച്ചു. ബുധനാഴ്ച രാത്രി ഏഴരയോടെയാണ് അദ്ദേഹം ദേവികയുടെ വീട്ടിലെത്തിയത്. വീടിന്റെ നിലവിലെ അവസ്ഥ കളക്ടർ വിശദമായി പരിശോധിച്ചു.

ഓൺലൈൻ പഠനവുമായി ബന്ധപ്പെട്ട് വിവിധ മേഖലകളിൽനിന്നുയർന്ന പരാതികൾ ഒരാഴ്ചയ്ക്കകം പരിഹരിക്കാൻ നടപടികളാരംഭിച്ചതായും അതിന് തദ്ദേശഭരണ സ്ഥാപനങ്ങൾക്ക് നിർദേശം നൽകിയിട്ടുണ്ടെന്നും അദ്ദേഹം പറഞ്ഞു. ദേവികയുടെ വീട്ടിൽ ഇന്റർനെറ്റുൾപ്പെടെയുള്ള സൗകര്യങ്ങളൊരുക്കാൻ ഡി.ഡി.ഇയെ ചുമതലപ്പെടുത്തുകയും ചെയ്തിട്ടുണ്ട്. ജില്ലാ പോലീസ് സൂപ്രണ്ട് യു. അബ്ദുൾകരീം, മലപ്പുറം ഡി.ഡി.ഇ കുസുമം, ഇരിമ്പിളിയം വില്ലേജ് ഓഫീസർ രാജൻ, എസ്.വി.ഒ രാജേഷ് ജി. പിള്ള, ബി.പി.ഒ പി.എ. ഗോപാലകൃഷ്ണൻ തുടങ്ങിയവരും അദ്ദേഹത്തോടൊപ്പമുണ്ടായിരുന്നു.

The post ദേവികയുടെ വീട് കളക്‌ടർ സന്ദർശിച്ചു appeared first on Valanchery Online.

പട്ടികജാതി മോർച്ച സംസ്ഥാന പ്രതിനിധിസംഘം സന്ദർശിച്ചു

വളാഞ്ചേരിക്കാരൻ — Thu, 04 Jun 2020 10:18:21 +0000

ഇരിമ്പിളിയം: ദേവികയുടെ വീട് പട്ടികജാതി മോർച്ച സംസ്ഥാന പ്രതിനിധിസംഘം സന്ദർശിച്ചു. പട്ടികജാതി മോർച്ച സംസ്ഥാന പ്രസിഡന്റ് ഷാജുമോൻ വട്ടേക്കാടിന്റെ നേതൃത്വത്തിലുള്ള സംഘമാണ് സന്ദർശിച്ചത്. സംസ്ഥാനത്തെ പട്ടികജാതി ആദിവാസി വിഭാഗത്തിലെ മുഴുവൻ വിദ്യാർഥികൾക്കും സ്മാർട്ട് ഫോൺ ഇന്റർനെറ്റ് അടക്കമുള്ള പഠന സാമഗ്രികൾ സൗജന്യമായി നൽകാൻ സംസ്ഥാന സർക്കാർ തയ്യാറാകണമെന്ന് ഷാജുമോൻ വട്ടേക്കാട് ആവശ്യപ്പെട്ടു. ബി.ജെ.പി. ജില്ലാ പ്രസിഡന്റ് രവി തേലത്ത്, പി.കെ. ബാബു, സജീഷ് പൊന്മള, എം.കെ. ജയകുമാർ, എൻ.പി. വാസു തുടങ്ങിയവർ അദ്ദേഹത്തോടൊപ്പം ഉണ്ടായിരുന്നു.

The post പട്ടികജാതി മോർച്ച സംസ്ഥാന പ്രതിനിധിസംഘം സന്ദർശിച്ചു appeared first on Valanchery Online.

വിദ്യാർഥിനി ആത്മഹത്യചെയ്തതിൽ പ്രതിഷേധിച്ച് മന്ത്രി കെ.ടി. ജലീലിന്റെ വസതിയിലേക്ക് മാർച്ച് നടത്തി ബി.ജെ.പി

വളാഞ്ചേരിക്കാരൻ — Wed, 03 Jun 2020 15:12:47 +0000

വളാഞ്ചേരി: പഠനസൗകര്യങ്ങൾ ഇല്ലാത്തതിനാൽ മനംനൊന്ത് വിദ്യാർഥി ആത്മഹത്യചെയ്തതിൽ പ്രതിഷേധിച്ച് ഉന്നത വിദ്യാഭ്യാസ മന്ത്രി കെ.ടി. ജലീലിന്റെ വസതിയിലേക്ക് ബി.ജെ.പി. നിയോജകമണ്ഡലം കമ്മിറ്റി മാർച്ച് നടത്തി. ബി.ജെ.പി. മേഖലാപ്രസിഡന്റ് ഉണ്ണിക്കൃഷ്ണൻ ഉദ്ഘാടനം നിർവഹിച്ചു. നിയോജകമണ്ഡലം പ്രസിഡന്റ് സജീഷ് പൊന്മള അധ്യക്ഷതവഹിച്ചു. എം.കെ. ജയകുമാർ, ബാബു കാർത്തല, രഞ്ജിത്ത് കാടാമ്പുഴ, ജയ പ്രിയൻ, ഉണ്ണി വൈക്കത്തൂർ തുടങ്ങിയവർ പങ്കെടുത്തു.

The post വിദ്യാർഥിനി ആത്മഹത്യചെയ്തതിൽ പ്രതിഷേധിച്ച് മന്ത്രി കെ.ടി. ജലീലിന്റെ വസതിയിലേക്ക് മാർച്ച് നടത്തി ബി.ജെ.പി appeared first on Valanchery Online.

ഇരിമ്പിളിയത്ത് പതിനാലുകാരി ആത്മഹത്യ ചെയ്തത് ഓണ്‍ലൈന്‍ ക്ലാസില്‍ പങ്കെടുക്കാന്‍ സാധിക്കാത്തതിനാലെന്ന് രക്ഷിതാക്കള്‍

വളാഞ്ചേരിക്കാരൻ — Tue, 02 Jun 2020 05:24:16 +0000

ഇരിമ്പിളിയം: ഇരിമ്പിളിയത്ത് പത്താംക്ലാസ് വിദ്യാര്‍ത്ഥിനി തീകൊളുത്തി ആത്മഹത്യ ചെയ്തത് ഓണ്‍ലൈന്‍ ക്ലാസില്‍ പങ്കെടുക്കാന്‍ സാധിക്കാത്തതിനാലെന്ന് രക്ഷിതാക്കള്‍. ഓണ്‍ലൈന്‍ ക്ലാസില്‍ പങ്കെടുക്കാന്‍ പറ്റാത്തതിന്‍റെ വിഷമം മകള്‍ പങ്കുവെച്ചിരുന്നതായി മാതാപിതാക്കള്‍ പറഞ്ഞു. ഇരിമ്പിളിയം തിരുനിലത്തെ ദളിത് കോളനിയിലെ പത്താംക്ലാസ് വിദ്യാര്‍ഥിനി ദേവികയാണ് ഇന്നലെ തീകൊളുത്തി മരിച്ചത്. ഇന്നലെ വൈകിട്ടാണ് വീടിന് സമീപം കത്തിക്കരിഞ്ഞ നിലയില്‍ ദേവികയുടെ മൃതദേഹം കണ്ടെത്തിയത്.

പണം ഇല്ലാത്തതിനാല്‍ കേടായ ടി വി നന്നാക്കാന്‍ കഴിയാഞ്ഞതും സ്‍മാര്‍ട്ട് ഫോണ്‍ ഇല്ലാത്തതും കുട്ടിയെ മാനസികമായി തളര്‍ത്തിയിരുന്നതായി മാതാപിതാക്കള്‍ പറഞ്ഞു. കൂലിപ്പണിക്കാരനായ അച്ഛന് രോഗത്തെ തുടര്‍ന്ന് പണിക്കുപോകാന്‍ കഴിഞ്ഞിരുന്നില്ല. പഠിക്കാന്‍ മിടുക്കിയായിരുന്ന ദേവിക പഠനം തടസപെടുമോയെന്ന് ആശങ്കപെട്ടിരുന്നുവെന്നും ബന്ധുക്കള്‍ പറഞ്ഞു.
(ശ്രദ്ധിക്കുക: ആത്മഹത്യ ഒന്നിനും പരിഹാരമല്ല, മാനസികാരോഗ്യ വിദഗ്ധരുടെ സഹായം തേടുക, അതിജീവിക്കാൻ ശ്രമിക്കുക. Toll free helpline number: 1056)

The post ഇരിമ്പിളിയത്ത് പതിനാലുകാരി ആത്മഹത്യ ചെയ്തത് ഓണ്‍ലൈന്‍ ക്ലാസില്‍ പങ്കെടുക്കാന്‍ സാധിക്കാത്തതിനാലെന്ന് രക്ഷിതാക്കള്‍ appeared first on Valanchery Online.