stop Archives - Valanchery Online

കൊച്ചുവേളി-ചണ്ഡിഗർ, തിരുനൽവേലി-ജാം നഗർ എന്നീ എക്സ്പ്രസ് തീവണ്ടികൾക്ക് തിരൂരിൽ സ്റ്റോപ്

വളാഞ്ചേരിക്കാരൻ — Fri, 18 Aug 2023 00:41:11 +0000

തിരൂർ : ദീർഘദൂര തീവണ്ടികളായ കൊച്ചുവേളി-ചണ്ഡിഗർ സമ്പർക്ക് ക്രാന്തി എക്സ്പ്രസ് (12217/12218), തിരുനൽവേലി-ജാം നഗർ എക്സ്പ്രസ് (19577/19578) എന്നീ തീവണ്ടികൾക്കുകൂടി തിരൂരിൽ സ്റ്റോപ്പ്‌ അനുവദിച്ച് റെയിൽവേയുടെ അറിയിപ്പ് ലഭിച്ചതായി ഇ.ടി. മുഹമ്മദ്ബഷീർ എം.പി. അറിയിച്ചു. സ്റ്റോപ്പ്‌ അനുവദിച്ച റെയിൽവേ വകുപ്പ് മന്ത്രിക്ക് എം.പി. നന്ദി അറിയിച്ചു.

The post കൊച്ചുവേളി-ചണ്ഡിഗർ, തിരുനൽവേലി-ജാം നഗർ എന്നീ എക്സ്പ്രസ് തീവണ്ടികൾക്ക് തിരൂരിൽ സ്റ്റോപ് appeared first on Valanchery Online.

മാവേലി, മലബാർ എക്സ്‌പ്രസുകൾക്ക് കുറ്റിപ്പുറത്ത് സ്റ്റോപ്പുകൾ അനുവദിച്ചു

വളാഞ്ചേരിക്കാരൻ — Sat, 12 Aug 2023 00:39:13 +0000

തിരൂർ : തിരുവനന്തപുരം-മംഗളൂരു മാവേലി എക്സ്‌പ്രസിന്റെ (16604) കുറ്റിപ്പുറം, തിരൂർ സ്റ്റോപ്പുകൾ പുനഃസ്ഥാപിച്ചതായി ഇ.ടി. മുഹമ്മദ്‌ബഷീർ എം.പി. അറിയിച്ചു. കോവിഡ് കാലത്ത് നിർത്തിയതായിരുന്നു. ഈ മാസം 18-ന് പ്രാബല്യത്തിൽ വരും. കുറ്റിപ്പുറത്ത് പുലർച്ചെ 2.26-നും തിരൂരിൽ 2.43-നുമാണ് എത്തുക.

മലബാർ എക്സ്പ്രസിന്റെ കുറ്റിപ്പുറം സ്റ്റോപ്പും 16 മുതൽ പുനഃസ്ഥാപിച്ചിട്ടുണ്ട്. തിരുവനന്തപുരം-മംഗളൂരു മലബാർ എക്സ്പ്രസ് (16629) പുലർച്ചെ 3.09-ന് കുറ്റിപ്പുറത്തെത്തും. മംഗളൂരു-തിരുവനന്തപുരം (16630) രാത്രി 11.37-നും. ഷൊർണൂർ-കണ്ണൂർ മെമുവിന്റെ തിരുനാവായ സ്റ്റോപ്പും പുനഃസ്ഥാപിച്ചു. ഷൊർണൂരിൽനിന്നുള്ള മെമു (06023) രാവിലെ 5.16-നും കണ്ണൂരിൽനിന്നുള്ള മെമു (06024) രാത്രി 9.07-നും തിരുനാവായയിലെത്തും.

The post മാവേലി, മലബാർ എക്സ്‌പ്രസുകൾക്ക് കുറ്റിപ്പുറത്ത് സ്റ്റോപ്പുകൾ അനുവദിച്ചു appeared first on Valanchery Online.

മലബാർ എക്സ്പ്രസിന് കുറ്റിപ്പുറത്ത് സ്റ്റോപ്പ് അനുവദിച്ചു

വളാഞ്ചേരിക്കാരൻ — Wed, 12 Jul 2023 10:16:02 +0000

കുറ്റിപ്പുറം: മലബാർ എക്സ്പ്രസിന് കുറ്റിപ്പുറത്തും കൊയിലാണ്ടിയിലും താൽക്കാലിക സ്റ്റോപ്പ് അനുവദിച്ചു ജുലായ് 16 മുതലാണ് തിരുവനന്തപുരം – മാംഗ്ലുളുരു പ്രതിദിന മലബാർ എക്സ്പ്രസിന് കുറ്റിപ്പുറത്ത് പുലർച്ചെ 2.20 നും കൊയിലാണ്ടിയിൽ 3.09 നുമാണ് പരീക്ഷണാടിസ്ഥാനത്തിൽ സ്റ്റോപ്പ് അനുവദിച്ചത്. കോവിഡ് കാലത്തിന് മുമ്പ് നിലവിലുണ്ടായിരുന്ന കുറ്റിപ്പുറത്തെ സ്റ്റോപ്പ് പിന്നീട് കഴിഞ്ഞ മൂന്ന് വർഷത്തോളമായി നിലവിൽ ഇല്ലായിരുന്നു.

The post മലബാർ എക്സ്പ്രസിന് കുറ്റിപ്പുറത്ത് സ്റ്റോപ്പ് അനുവദിച്ചു appeared first on Valanchery Online.

തീവണ്ടികളുടെ സ്റ്റോപ്പുകൾ പുനഃസ്ഥാപിക്കണമെന്നാവശ്യപ്പെട്ട് ടീം കുറ്റിപ്പുറം റെയിൽവേ ഡിവിഷണൽ മാനേജർക്ക് നിവേദനം നൽകി

വളാഞ്ചേരിക്കാരൻ — Sat, 12 Nov 2022 01:14:50 +0000

കുറ്റിപ്പുറം: കോവിഡ് മൂലം നിർത്തിവെച്ചിരുന്ന തീവണ്ടികളുടെ സർവീസുകൾ പുനരാരംഭിച്ചപ്പോൾ കുറ്റിപ്പുറം സ്റ്റേഷനിൽ നിർത്തിയിരുന്ന തീവണ്ടികളുടെ സ്റ്റോപ്പ് എടുത്തുകളഞ്ഞ റെയിൽവേ അധികൃതരുടെ നടപടി പുനഃപരിശോധിക്കണമെന്നാവശ്യപ്പെട്ട് ടീം കുറ്റിപ്പുറം റെയിൽവേ ഡിവിഷണൽ മാനേജർക്ക് നിവേദനം നൽകി. ഡൽഹിയിൽനിന്നുള്ള നിസാമുദീൻ വണ്ടിക്ക് കുറ്റിപ്പുറത്തെ സ്റ്റോപ്പ് ഒഴിവാക്കിയത് ദീർഘദൂര യാത്രികർക്ക് കനത്ത തിരിച്ചടിയാണ്. തിരുവനന്തപുരത്തേക്കുള്ള മലബാർ, മാവേലി എക്സ്പ്രസുകൾ നിർത്താത്തത് ആർ.സി.സി., ശ്രീചിത്ര തുടങ്ങിയ ആശുപത്രികളിലേക്കും സെക്രട്ടേറിയറ്റിലേക്കുമടക്കം പോകുന്നവരെ ദുരിതത്തിലാക്കിയിരിക്കുകയാണ്.

കുറ്റിപ്പുറത്തേക്കാൾ താരതമ്യേന ചെറുതും വരുമാനക്കുറവുമുള്ള സ്റ്റേഷനുകളിൽപ്പോലും ഈ തീവണ്ടികൾക്ക് സ്റ്റോപ്പുണ്ടെന്നിരിക്കെ കുറ്റിപ്പുറത്തെ സ്റ്റോപ്പുകൾ അടിയന്തരമായി പുനഃസ്ഥാപിക്കണമെന്നും ടീം കുറ്റിപ്പുറം നൽകിയ നിവേദനത്തിൽ ആവശ്യപ്പെട്ടു. പ്രസിഡന്റ് അഡ്വ. ഫൈസൽ റഹ്‌മാൻ, ജാസിർ ചുള്ളിയിൽ, സതീഷ്‍കുമാർ തടത്തിൽ എന്നിവരുടെ നേതൃത്വത്തിലാണ് ഡിവിഷണൽ മാനേജർക്ക് നിവേദനം നൽകിയത്.

The post തീവണ്ടികളുടെ സ്റ്റോപ്പുകൾ പുനഃസ്ഥാപിക്കണമെന്നാവശ്യപ്പെട്ട് ടീം കുറ്റിപ്പുറം റെയിൽവേ ഡിവിഷണൽ മാനേജർക്ക് നിവേദനം നൽകി appeared first on Valanchery Online.

കുറ്റിപ്പുറം സ്റ്റേഷനിൽ തീവണ്ടികളുടെ സ്റ്റോപ്പുകൾ പുനഃസ്ഥാപിക്കണം-ടീം കുറ്റിപ്പുറം

വളാഞ്ചേരിക്കാരൻ — Wed, 28 Sep 2022 01:31:50 +0000

കുറ്റിപ്പുറം : കുറ്റിപ്പുറം സ്റ്റേഷനിൽ നേരത്തേ സ്റ്റോപ്പുകളുണ്ടായിരുന്ന തീവണ്ടികളുടെ സ്റ്റോപ്പ് എടുത്തുകളഞ്ഞ റെയിൽവേ അധികൃതരുടെ നടപടി പുനഃപരിശോധിക്കണമെന്ന് ടീം കുറ്റിപ്പുറം യോഗം ആവശ്യപ്പെട്ടു. നിരവധി യാത്രക്കാർ ആശ്രയിക്കുന്ന മംഗള സൂപ്പർഫാസ്റ്റ് എക്സ്പ്രസ്, മലബാർ എക്സ്പ്രസ്, മാവേലി എക്സ്പ്രസ് എന്നീ തീവണ്ടികളുടെ കുറ്റിപ്പുറത്തെ സ്റ്റോപ്പാണ് നിർത്തലാക്കിട്ടുള്ളത്. പ്രസിഡന്റ് അഡ്വ. ഫൈസൽ റഹ്‌മാൻ അധ്യക്ഷതവഹിച്ചു. സെക്രട്ടറി ടി. ഷാജീസ് മുഹമ്മദ്, കെ.പി. ഷഹീൽ, ബർക്കത്ത്, ജലീസ് തുടങ്ങിയവർ പ്രസംഗിച്ചു.

The post കുറ്റിപ്പുറം സ്റ്റേഷനിൽ തീവണ്ടികളുടെ സ്റ്റോപ്പുകൾ പുനഃസ്ഥാപിക്കണം-ടീം കുറ്റിപ്പുറം appeared first on Valanchery Online.

നിലമ്പൂർ – കൊച്ചുവേളി രാജ്യറാണി എക്സ്പ്രസ് റദ്ദാക്കി

വളാഞ്ചേരിക്കാരൻ — Thu, 13 May 2021 23:55:09 +0000

നിലമ്പൂർ:കോവിഡ് മഹാമാരിയും,ലോക്ക്ഡൗണും കാരണം യാത്രക്കാരുടെ തിരക്ക് കുറഞ്ഞത് കൊണ്ട്, ദക്ഷിണ റെയില്‍വേ, കൊച്ചുവേളി – നിലമ്പൂര്‍ – കൊച്ചുവേളി രാജ്യറാണി സ്പെഷ്യല്‍, തിരുവനന്തപുരം – മധുര – തിരുവനന്തപുരം അമൃത സ്പെഷ്യല്‍ എന്നിവ ഉള്‍പ്പെടെ 4 ജോഡി എക്സ്പ്രസ് ട്രെയിനുകള്‍ താല്‍ക്കാലികമായി രണ്ടാഴ്ചത്തേക്ക് റദ്ദാക്കി.

2021 മെയ് 15 മുതല്‍ 2021 മെയ് 31 വരെ 06349 കൊച്ചുവേളി – നിലമ്പൂര്‍, 06343 തിരുവനന്തപുരം -മധുര സ്പെഷ്യല്‍ എക്സ്പ്രസ്സുകളും, 2021 മെയ് 16 മുതല്‍ 2021 ജൂണ്‍ 1 വരെ 06350 നിലമ്പൂര്‍-കൊച്ചുവേളി, 06344 മധുര – തിരുവനന്തപുരം സ്പെഷ്യല്‍ എക്സ്പ്രസ്സുകളും ആണ് റദ്ദാക്കിയത്.ചെന്നൈ-രാമേശ്വരം -ചെന്നൈ, മൈസൂര്‍-കൊച്ചുവേളി- മൈസൂര്‍ എക്സ്പ്രസ് വണ്ടികളും റദ്ദാക്കി.

The post നിലമ്പൂർ – കൊച്ചുവേളി രാജ്യറാണി എക്സ്പ്രസ് റദ്ദാക്കി appeared first on Valanchery Online.

24 മുതൽ 30 വരെയുള്ള ഇന്ത്യ–ബ്രിട്ടൻ സർവീസ് റദ്ദാക്കി എയർ ഇന്ത്യ ‌

വളാഞ്ചേരിക്കാരൻ — Thu, 22 Apr 2021 00:15:10 +0000

ലണ്ടൻ∙ യാത്രാവിലക്കുള്ള റെഡ് ലിസ്റ്റ് രാജ്യങ്ങളുടെ പട്ടികയിൽ ബ്രിട്ടൻ ഇന്ത്യയെയും ഉൾപ്പെടുത്തിയതോടെ ഈ മാസം 24 മുതൽ 30 വരെ ഇന്ത്യയിൽ നിന്നു ബ്രിട്ടനിലേക്കും തിരിച്ചുമുള്ള വിമാന സർവീസുകൾ എയർ ഇന്ത്യ റദ്ദാക്കി. 30നു ശേഷം സർവീസുകൾ തുടരുമോ എന്നകാര്യം സാഹചര്യം വിലയിരുത്തി തീരുമാനിക്കുമെന്നാണ് എയർ ഇന്ത്യയുടെ നിലപാട്. ഈ ദിവസങ്ങളിൽ ടിക്കറ്റ് ബുക്ക് ചെയ്തിരുന്നവർക്കു റീഫണ്ട് നൽകുകയോ മറ്റൊരു ദിവസത്തേക്ക് ടിക്കറ്റുകൾ റീ ഷെഡ്യൂൾ ചെയ്തു നൽകുകയോ ചെയ്യും. ട്വിറ്റർ സന്ദേശത്തിലൂടെയാണ് എയർ ഇന്ത്യ ഇക്കാര്യങ്ങൾ അറിയിച്ചിരിക്കുന്നത്.

വെള്ളിയാഴ്ച പുലർച്ചെ നാലു മുതലാണ് റെഡ് ലിസ്റ്റ് നിയന്ത്രണങ്ങൾ പ്രാബല്യത്തിലാകുന്നത്. അതിനുശേഷമുള്ള സർവീസുകൾ ഒരിക്കലും ലാഭകരമാകില്ലെന്ന വിലയിരുത്തലിലാണ് എയർ ഇന്ത്യയുടെ തീരുമാനം. നിലവിൽ ഡൽഹി, മുംബൈ എന്നിവിടങ്ങളിൽ നിന്നു ആഴ്ചയിൽ മൂന്നുവീതം ആകെ 15 സർവീസുകളാണു വന്ദേഭാരത് മിഷനിൽ ഉൾപ്പെടുത്തി ബ്രിട്ടനിലേക്കും തിരിച്ചും നടത്തിയിരുന്നത്. മറ്റ് എല്ലാ വിമാനത്താവളങ്ങളിൽ നിന്നുമുള്ള സർവീസുകൾ നേരത്തെ നിർത്തലാക്കിയ സാഹചര്യത്തിൽ ഈ സർവീസുകൾ ഇരു രാജ്യങ്ങൾക്കുമിടയിലെ ലൈഫ് ലൈനായിരുന്നു. ഇതാണു പുതിയ റെഡ് ലിസ്റ്റ് തീരുമാനത്തിന്റെ പശ്ചാത്തലത്തിൽ തൽക്കാലത്തേക്കെങ്കിലും നിലയ്ക്കുന്നത്.

The post 24 മുതൽ 30 വരെയുള്ള ഇന്ത്യ–ബ്രിട്ടൻ സർവീസ് റദ്ദാക്കി എയർ ഇന്ത്യ ‌ appeared first on Valanchery Online.

ഷൊർണൂർ-കണ്ണൂർ പാതയിൽ മെമു സർവീസ് തുടങ്ങി; കുറ്റിപ്പുറത്തും സ്റ്റോപ്പ്; അറിയാം സമയ ക്രമങ്ങൾ

വളാഞ്ചേരിക്കാരൻ — Wed, 17 Mar 2021 00:40:54 +0000

കുറ്റിപ്പുറം: ഷൊർണൂർ-കണ്ണൂർ പാതയിൽ ഇനി ഞായറാഴ്ചയൊഴികെയുള്ള ദിവസങ്ങളിൽ മെമുവിൽ യാത്ര ചെയ്യാം. ഷൊർണൂരിനും കണ്ണൂരിനും ഇടയിൽ 21 സ്റ്റേഷനുകളിൽ മെമു നിർത്തും. യാത്രയ്ക്ക് മെയിൽ എക്‌സ്‌പ്രസിന്റെ നിരക്ക് നൽകണം. കോവിഡിനുശേഷം സർവീസ് നടത്തുന്ന ആദ്യ അൺ റിസർവ്ഡ് ട്രെയിനാണിത്. മറ്റെല്ലാ വണ്ടികളിലും ടിക്കറ്റുകൾ മുൻകൂട്ടി റിസർവ് ചെയ്താലേ യാത്ര സാധ്യമാകൂ.

പുതിയതായി ഓടിത്തുടങ്ങിയ മെമുവിൽ 12 കാറു(കോച്ച്)കളാണുള്ളത്. ഇതിൽ മൂന്ന് മോട്ടോർകാറുകളും ഒൻപത് ട്രെയിലർ കാറുകളുമാണ്. ഒരു മോട്ടോർകാറിൽ 65 പേർക്ക് ഇരുന്നും 138 പേർക്കും നിന്നുകൊണ്ടും യാത്ര ചെയ്യാനാകും. ട്രെയിലർ കാറിൽ 80 പേർക്ക് ഇരുന്ന് യാത്രചെയ്യാനുള്ള സൗകര്യമുണ്ടാകും. 145 പേർക്ക് നിൽക്കാനാകും. ആകെ 2634 പേർക്ക് യാത്ര ചെയ്യാനുള്ള സൗകര്യമാണുള്ളത്.

മലബാറിലുള്ളവരുടെ ദീർഘകാലത്തെ ആഗ്രഹമാണ് സഫലീകരിക്കപ്പെട്ടത്. പുലർച്ചെ 4.30-നാണ് ഷൊർണൂരിൽനിന്ന് പുറപ്പെടുന്നത്. പട്ടാമ്പി, പള്ളിപ്പുറം, കുറ്റിപ്പുറം, തിരൂർ, താനൂർ, പരപ്പനങ്ങാടി തുടങ്ങിയ സ്റ്റേഷനുകളിലൂടെയെല്ലാം മെമു കടന്നുപോകും. 6.32-നാണ് കോഴിക്കോട്ടെത്തുക.

എന്താണ് എമു?
മുംബൈ, ചെന്നൈ തുടങ്ങിയ മഹാനഗരങ്ങളിൽ വൈദ്യുതിയിൽ ഓടുന്ന സബർബൻ തീവണ്ടികളാണ് ഇലക്ട്രിക് മൾട്ടിപ്പിൾ യൂണിറ്റ് (Electric Multiple Units) അഥവാ എമു. രണ്ട് കോച്ചുകളും ഒരു എൻജിനോട് കൂടിയ കോച്ചും ചേർന്നതാണ് ഒരു യൂനിറ്റ്. ഇത്തരം മൂന്നോ അതോ നാലോ യൂണിറ്റുകളാണ് (അതായത് ഒമ്പതോ പന്ത്രണ്ടോ കോച്ചുകൾ) ആണ് സാധാരണയായി എമു എന്ന സബർബൻ തീവണ്ടിയിൽ ഉണ്ടാകുക. എൻജിൻ അടങ്ങിയ കോച്ചുകൾ രണ്ടറ്റത്തും മധ്യത്തിലുമായിരിക്കും. പ്രതേക എൻജിൻ ഇല്ലാത്തതിനാൽ
വണ്ടിയുടെ ദിശ മാറ്റാൻ വളരെ എളുപ്പമാണ്. സാധാരണ തീവണ്ടികൾക്ക് വേണ്ട എൻജിൻ മാറ്റം അഥവാ ഷണ്ടിങ് എമുവിന് വേണ്ട. പെട്ടന്ന് തന്നെ വേഗം കൂട്ടുവാനും കുറക്കുവാനുമുള്ള കഴിവ് എമുവിന് ഉള്ളതുകൊണ്ട് യാത്രാസമയം കുറച്ചു മതി.

The post ഷൊർണൂർ-കണ്ണൂർ പാതയിൽ മെമു സർവീസ് തുടങ്ങി; കുറ്റിപ്പുറത്തും സ്റ്റോപ്പ്; അറിയാം സമയ ക്രമങ്ങൾ appeared first on Valanchery Online.

വള്ളിക്കുന്നിൽ രണ്ടു തീവണ്ടികൾക്ക് സ്റ്റോപ്പ് അനുവദിച്ചു

വളാഞ്ചേരിക്കാരൻ — Sat, 19 Dec 2020 01:06:02 +0000

വള്ളിക്കുന്ന് : കോവിഡ് നിയന്ത്രണങ്ങൾ കാരണം നിർത്തിവെച്ച രണ്ടു തീവണ്ടികൾക്ക് വള്ളിക്കുന്ന് റെയിൽവേ സ്റ്റേഷനിൽ സ്റ്റോപ്പ് അനുവദിച്ചു. പുലർച്ചെ 5.24-നുള്ള തിരുവനന്തപുരം-മംഗലാപുരം, വൈകീട്ട് 6.50-നുള്ള മംഗലാപുരം-തിരുവനന്തപുരം എന്നിവയ്ക്കാണ് സ്റ്റോപ്പ് അനുവദിച്ചത്. ഇതിനുള്ള റിസർവേഷനും റെയിൽവേസ്റ്റേഷനിൽ ആരംഭിച്ചിട്ടുണ്ട്.

The post വള്ളിക്കുന്നിൽ രണ്ടു തീവണ്ടികൾക്ക് സ്റ്റോപ്പ് അനുവദിച്ചു appeared first on Valanchery Online.

പൈങ്കണ്ണൂർ കണ്ണംപറമ്പ് ചെങ്കൽ ക്വാറിക്കുള്ള ശ്രമം നാട്ടുകാർ തടഞ്ഞു

വളാഞ്ചേരിക്കാരൻ — Sat, 22 Aug 2020 16:27:20 +0000

കുറ്റിപ്പുറം: പൈങ്കണ്ണൂർ കണ്ണംപറമ്പ് പ്രദേശത്ത് പുതിയതായി ചെങ്കൽക്വാറി തുടങ്ങാനുള്ള നീക്കം നാട്ടുകാർ ഇടപെട്ട് തടഞ്ഞു. അക്കേഷ്യക്കാടുകൾ നിന്നിരുന്ന സ്ഥലത്താണ് ക്വാറി തുടങ്ങാൻ നീക്കം നടന്നത്. മരങ്ങൾ മുറിച്ചുമാറ്റി മണ്ണുമാന്തി ഉപയോഗിച്ച് മണ്ണ് നീക്കംചെയ്യുന്നത് ശ്രദ്ധയിൽപ്പെട്ടതോടെയാണ് നാട്ടുകാർ രംഗത്തിറങ്ങിയത്.

കുന്നിൻപ്രദേശമായ ഇവിടെ ഒട്ടേറെ ക്വാറികൾ പ്രവർത്തിക്കുന്നുണ്ട്. മഴക്കാലത്ത് ഈ ക്വാറിമടകളിൽ വെള്ളം നിറഞ്ഞുനിൽക്കുന്നതിനാൽ താഴെ പ്രദേശത്തുള്ളവർ ഭീതിയോടെയാണ് കഴിയുന്നത്. പ്രകൃതിദുരന്തത്തിന് സാധ്യതയുള്ളതിനാൽ ഇനിയും ക്വാറികൾ തുടങ്ങാൻ അനുവദിക്കില്ലെന്ന നിലപാടിലാണ് നാട്ടുകാർ. പരാതിയെത്തുടർന്ന് പോലീസ് എത്തി ജെ.സി.ബി. കസ്റ്റഡിയിലെടുക്കുകയും പണികൾ നിർത്തിവെപ്പിക്കുകയും ചെയ്തു.

The post പൈങ്കണ്ണൂർ കണ്ണംപറമ്പ് ചെങ്കൽ ക്വാറിക്കുള്ള ശ്രമം നാട്ടുകാർ തടഞ്ഞു appeared first on Valanchery Online.

മംഗലാപുരം-കോയമ്പത്തൂർ സൂപ്പർഫാസ്റ്റിന് കുറ്റിപ്പുറത്ത് സ്റ്റോപ്പനുവദിക്കണമെന്നാവശ്യപ്പെട്ട് ഒപ്പ് ശേഖരണവുമായി എ.ഐ.സി.സി.ഡബ്ല്യു

വളാഞ്ചേരിക്കാരൻ — Tue, 28 May 2019 19:12:07 +0000

കുറ്റിപ്പുറം: ആയിരക്കണക്കിന് ജോലിക്കാർ, വിദ്യാർത്ഥികൾ ഉൾപ്പെടെ ദിനംപ്രതി ഉപയോഗിക്കുന്ന കുറ്റിപ്പുറം റെയിൽവേ സ്റ്റേഷനിൽ ആവശ്യമായ ട്രെയിൻ സൗകര്യമോ, ഉള്ള വണ്ടികൾക്ക് തന്നെ സ്റ്റോപ്പില്ലാത്തതും, കൂടാതെ ട്രെയിൻ വൈകലും മൂലം കാലത്ത് ജോലിക്കും, സ്ഥാപനങ്ങളിലേക്കും തിരിച്ച് വീട്ടിലേക്കും വൈകി പോകേണ്ടി വരുന്ന നിരവധി യാത്രക്കാർ ഉൾപ്പെടെയുള്ളവർക്ക് വലിയ പ്രയാസങ്ങൾ നേരിടുന്നു.

കാലത്തും വൈകുന്നേരവും കുറ്റിപ്പുറം വഴി കടന്നു പോകുന്ന 22609, 22610 യഥാക്രമം മാംഗ്ലൂർ-കോയമ്പത്തൂർ ഇൻറർ സിറ്റി SF എക്സ്പ്രസ്, കോയമ്പത്തൂർ-മാംഗ്ലൂർ ഇൻറർ സിറ്റി SF എക്സ്പ്രസ്സ് കുറ്റിപ്പുറം റെയിൽവേ സ്റ്റോപ്പനുവദിച്ചു കിട്ടിയാൽ ആയിരക്കണക്കിന് യാത്രക്കാർക്ക് ഇത് വളരെയേറെ സഹായമാകും.

വളാഞ്ചേരിയിൽ വെച്ചു ചേർന്ന ഇന്ദിരാ സൈബർ കോൺഗ്രസ് വിങ്ങ് (AICCW) സംസ്ഥാന കമ്മിറ്റി എക്സിക്യൂട്ടീവ് യോഗം പ്രസ്തുത ട്രെയിനുകൾക്ക് കുറ്റിപ്പുറത്ത് സ്റ്റോപ്പനുവദിക്കണമെന്ന് ഒരു പ്രമേയത്തിലൂടെ കേന്ദ്ര സർക്കാറിനോടാവശ്യപ്പെട്ടു. സർക്കാറിന്റെ ശ്രദ്ധയിൽ പെടുത്തുന്നതിനും ത്വരിത നടപടികൾ ചെയ്തു കിട്ടുന്നതിനുമായി പ്രസ്തുത സ്റ്റേഷനിൽ നിന്നുമുള്ള യാത്രക്കാരുടെ ഒപ്പുശേഖരണവും നിവേദനവും സംഘടിപ്പിച്ച് പൊന്നാനി പാർലമെൻറ് മണ്ഡലം എം.പി ഇ.ടി മുഹമ്മദ് ബഷീറിന് നൽകാനും യോഗം തീരുമാനിച്ചു.

സംസ്ഥാന പ്രസിഡൻറ് സി.എം രാജേന്ദ്രൻ, സംസ്ഥാന ജനറൽ സെക്രട്ടറി ബാവ മാഷ് കാളിയത്ത്, സംസ്ഥാന സെക്രട്ടറിമാരായ ആരിഫ് കണ്ണൂർ, മുബാറക്ക് വളാഞ്ചേരി, സംസ്ഥാന സമിതിയംഗം അലി അലിക്കാസ് വയനാട്, മലപ്പുറം ജില്ലാ കമ്മിറ്റി വൈസ് പ്രസിഡന്റ അലി നടക്കാവിൽ എന്നിവർ പ്രസംഗിച്ചു.
Summary: aiccw conducts sign petition campaign to stop Mangalore-Coimbatore superfast Express at Kuttippuram railway station

The post മംഗലാപുരം-കോയമ്പത്തൂർ സൂപ്പർഫാസ്റ്റിന് കുറ്റിപ്പുറത്ത് സ്റ്റോപ്പനുവദിക്കണമെന്നാവശ്യപ്പെട്ട് ഒപ്പ് ശേഖരണവുമായി എ.ഐ.സി.സി.ഡബ്ല്യു appeared first on Valanchery Online.

വെള്ളമില്ല; കുറ്റിപ്പുറം താലൂക്ക് ആശുപത്രി അടച്ചുപൂട്ടലിന്റെ വക്കിൽ

വളാഞ്ചേരിക്കാരൻ — Thu, 11 Oct 2018 00:23:38 +0000

കുറ്റിപ്പുറം∙ ജലവിതരണം പൂർണമായും നിലച്ചതിനെ തുടർന്ന് കുറ്റിപ്പുറം ഗവ. താലൂക്ക് ആശുപത്രി അടച്ചുപൂട്ടൽ ഭീഷണിയിൽ. പ്രതിസന്ധി ചൂണ്ടിക്കാട്ടി ആശുപത്രി മെഡിക്കൽ ഓഫിസർ ഡോ. വിജിത്ത് വിജയശങ്കർ ജില്ലാ മെഡിക്കൽ ഓഫിസർക്കും ആശുപത്രി മാനേജ്മെന്റ് കമ്മിറ്റിക്കും റിപ്പോർട്ട് കൈമാറി. പ‍ഞ്ചായത്തിന്റെ മുള്ളൂർക്കടവ് ജലവിതരണ പദ്ധതി തുടർച്ചയായി തകരാറിലായതിനെ തുടർന്നാണ് ആശുപത്രിയിൽ ലാബ് ടെസ്റ്റുകൾക്കുപോലും വെള്ളമില്ലാത്ത അവസ്ഥയായത്.

പ്രശ്നം രൂക്ഷമായിട്ടും പഞ്ചായത്ത് നടപടി സ്വീകരിക്കുന്നില്ലെന്ന പരാതി ശക്തമാണ്. കഴിഞ്ഞ ഏതാനും മാസങ്ങളായി പ്രതിദിനം നാലായിരത്തോളം ലീറ്റർ വെള്ളം ആശുപത്രി മാനേജ്മെന്റ് ഫണ്ടിൽനിന്നുള്ള പണം ചെലവഴിച്ചാണ് വാങ്ങിയിരുന്നത്. 1,000 ലീറ്റർ വെള്ളത്തിന് 800 രൂപ നൽകണം. ഈ വർഷം മാത്രം 70,000 രൂപ വെള്ളത്തിനായി ചെലവഴിച്ചു. ഇനി ഇതു തുടരാനാകില്ലെന്ന നിലപാടിലാണ് മെഡിക്കൽ ഓഫിസർ അടക്കമുള്ളവർ. ആശുപത്രിയിലെ ലാബിന്റെയും മറ്റും പ്രവർത്തനം നിർത്തിവയ്ക്കുകയാണ്. ഐപി വാർഡിലുള്ളവർക്ക് പ്രാഥമികാവശ്യങ്ങൾക്കുപോലും വെള്ളം ലഭിക്കുന്നില്ല.

The post വെള്ളമില്ല; കുറ്റിപ്പുറം താലൂക്ക് ആശുപത്രി അടച്ചുപൂട്ടലിന്റെ വക്കിൽ appeared first on Valanchery Online.