starvation Archives - Valanchery Online

എടപ്പാളിലെ പട്ടിണിമരണം: കളക്ടറോട് അടിയന്തര റിപ്പോര്‍ട്ട് ആവശ്യപ്പെട്ടു -മന്ത്രി ജലീല്‍

വളാഞ്ചേരിക്കാരൻ — Tue, 27 Sep 2016 02:32:15 +0000

എടപ്പാള്‍: എടപ്പാളില്‍ വീട്ടമ്മ ഭക്ഷണംലഭിക്കാതെ മരിക്കാനിടയായ സാഹചര്യത്തെക്കുറിച്ച് അന്വേഷിച്ച് അടിയന്തരമായി റിപ്പോര്‍ട്ട് സമര്‍പ്പിക്കാന്‍

കളക്ടറോട് ആവശ്യപ്പെട്ടതായി മന്ത്രി കെ.ടി. ജലീല്‍ അറിയിച്ചു.
ബാങ്ക് ബാലന്‍സ് ഉള്‍പ്പെടെ രണ്ടുകോടിയോളം രൂപയുടെ ആസ്തിയുള്ള സ്ത്രീയാണ് മരിച്ചത്. ഇവര്‍ക്ക് എന്തെങ്കിലും സര്‍ക്കാര്‍സഹായം ആവശ്യപ്പെട്ട് പഞ്ചായത്തിലോ മറ്റോ ഒരു അപേക്ഷയും ഇന്നു വരെ ലഭിച്ചിട്ടില്ല. ബന്ധുക്കളുടെ അനാസ്ഥയാണ് ഇത്തരമൊരു ദാരുണസംഭവത്തിനു കാരണം. അക്കാര്യമാണ് അന്വേഷിച്ചു കണ്ടെത്തേണ്ടത്. ഉയര്‍ന്ന ജീവിതനിലവാരം പുലര്‍ത്തിയതുകൊണ്ടാകാം ഇവരുടെ ദുരിതം പുറംലോകം അറിയാതെപോയത്.
കാര്യങ്ങള്‍ ഇത്തരത്തിലായിരിക്കെ രാഷ്ട്രീയമുതലെടുപ്പു നടത്തുന്നവര്‍ യഥാര്‍ഥ വസ്തുത മനസ്സിലാക്കുകയാണ് വേണ്ടത്. ഇത്രയും സാമ്പത്തികസ്ഥിതിയുണ്ടായിട്ടും ഇവര്‍ക്ക് ഈ സ്ഥിതി വരാനുണ്ടായ കാരണത്തെക്കുറിച്ച് അന്വേഷിച്ച് കുറ്റക്കാര്‍ക്കെതിരെ നടപടിയെടുക്കാനാണ് കളക്ടറോട് ആവശ്യപ്പെട്ടിട്ടുള്ളത്-മന്ത്രി പറഞ്ഞു.

Summary: The Minister for social welfare order the district collector to submit report on the death of a woman due to starvation in his own constituency.

The post എടപ്പാളിലെ പട്ടിണിമരണം: കളക്ടറോട് അടിയന്തര റിപ്പോര്‍ട്ട് ആവശ്യപ്പെട്ടു -മന്ത്രി ജലീല്‍ appeared first on Valanchery Online.

ഭക്ഷണം കഴിക്കാതെ വീട്ടിനുള്ളില്‍ വീട്ടമ്മ മരിച്ച സംഭവം: മനുഷ്യാവകാശക്കമ്മിഷന്‍ കേസെടുത്തു

വളാഞ്ചേരിക്കാരൻ — Tue, 27 Sep 2016 01:23:55 +0000

മലപ്പുറം: എടപ്പാള്‍ നഗരത്തിനുസമീപത്തെ വീട്ടില്‍ പത്തുദിവസമായി ഭക്ഷണം കഴിക്കാതെ 53- കാരി വീടിനുള്ളില്‍ മരിച്ചനിലയില്‍ കണ്ടെത്തിയ സംഭവത്തില്‍

സംസ്ഥാന മനുഷ്യാവകാശക്കമ്മിഷന്‍ സ്വമേധയാ കേസെടുത്തു. പട്ടിണി മരണമാണെന്ന് മാധ്യമങ്ങള്‍ റിപ്പോര്‍ട്ടുചെയ്ത പശ്ചാത്തലത്തിലാണ് നടപടി. എടപ്പാള്‍ ആസ്പത്രിക്കുസമീപം താമസിക്കുന്ന കുന്നത്തുനാട് വീട്ടില്‍(വടക്കത്ത്)ശോഭയാണ് മരിച്ചത്.

മലപ്പുറം ജില്ലാകളക്ടര്‍, ജില്ലാ മെഡിക്കല്‍ ഓഫീസര്‍, എടപ്പാള്‍ ഗ്രാമപ്പഞ്ചായത്ത് സെക്രട്ടറി എന്നിവര്‍ അന്വേഷിച്ച് അടിയന്തരമായി വിശദീകരണം സമര്‍പ്പിക്കണമെന്ന് കമ്മിഷന്‍ അംഗം കെ. മോഹന്‍ കുമാര്‍ ആവശ്യപ്പെട്ടു. കേസ് അടുത്തമാസം മലപ്പുറത്ത് നടക്കുന്ന സിറ്റിങ്ങില്‍ പരിഗണിക്കും.

Summary: The Kerala state Human Rights Commission registered case on the incident involving a 53 year old mother starved to death in Edappal.

The post ഭക്ഷണം കഴിക്കാതെ വീട്ടിനുള്ളില്‍ വീട്ടമ്മ മരിച്ച സംഭവം: മനുഷ്യാവകാശക്കമ്മിഷന്‍ കേസെടുത്തു appeared first on Valanchery Online.

എടപ്പാളിൽ പത്തുനാള്‍ ഭക്ഷണം കഴിക്കാതെ വീട്ടിനുള്ളില്‍ അമ്മ മരിച്ചു; മകള്‍ അവശനിലയില്‍

വളാഞ്ചേരിക്കാരൻ — Mon, 26 Sep 2016 11:07:42 +0000

എടപ്പാള്‍: എടപ്പാള്‍ നഗരത്തിനുസമീപത്തെ വീട്ടില്‍ പത്തുദിവസമായി ഭക്ഷണം കഴിക്കാതെ 53- കാരിയായ വീട്ടമ്മ മരിച്ചു. മൃതശരീരം കെട്ടിപ്പിടിച്ച് കിടക്കുകയായിരുന്ന മകളെ അവശനിലയില്‍ ആസ്പത്രിയില്‍ പ്രവേശിപ്പിച്ചു. പട്ടാമ്പി റോഡില്‍ എടപ്പാള്‍ ആസ്പത്രിക്കുസമീപം താമസിക്കുന്ന കുന്നത്തുനാട് വീട്ടില്‍(വടക്കത്ത്)ശോഭയാണ് മരിച്ചത്. മകള്‍ ശ്രുതി(26)യെ ആരോഗ്യ വകുപ്പധികൃതരാണ് എടപ്പാള്‍ ആസ്പത്രിയില്‍ പ്രവേശിപ്പിച്ചത്.

ഇടയ്ക്ക് മാനസികാസ്വാസ്ഥ്യം പ്രകടിപ്പിക്കാറുള്ള ശോഭയും മകളും മാത്രമാണ് വീട്ടിലുണ്ടായിരുന്നത്. പരിസരവാസികളോടൊന്നും ഇവര്‍ക്ക് കാര്യമായ ബന്ധമില്ലായിരുന്നു. തൊട്ടപ്പുറത്തുതന്നെ സഹോദരങ്ങളും കുടുംബവും താമസിക്കുന്നുണ്ട്. എന്നാല്‍, ആരുചെന്നാലും വാതില്‍ തുറക്കാറില്ലായിരുന്നുവെന്നാണ് ബന്ധുക്കള്‍ പറയുന്നത്.

ഇവരുടെ കാര്യങ്ങള്‍ അന്വേഷിക്കാനും സഹായിക്കാനുമെല്ലാം ഇടയ്‌ക്കെത്താറുള്ള ഗ്രാമപ്പഞ്ചായത്തംഗം കെ.പി. റാബിയ തിങ്കളാഴ്ച രാവിലെ വന്നപ്പോഴാണ് മരിച്ചു കിടക്കുന്ന ശോഭയെയും അവരെ കെട്ടിപ്പിടിച്ച് കിടക്കുന്ന അവശയായ മകളെയും കണ്ടത്. പാഴ് വസ്തുക്കളും പ്ലാസ്റ്റിക് അവശിഷ്ടങ്ങളുമെല്ലാം കൂടിക്കിടന്ന് ദുര്‍ഗന്ധം വമിക്കുന്ന മുറിയിലായിരുന്നു ഇവര്‍ കിടന്നിരുന്നത്.

ചങ്ങരംകുളം എസ്.ഐ. ബാഹുലേയന്‍, വട്ടംകുളം ഹെല്‍ത്ത് ഇന്‍സ്‌പെക്ടര്‍ കെ. രാജീവ് എന്നിവര്‍ സ്ഥലത്തെത്തി. ബന്ധുക്കള്‍ക്ക് സംശയമോ പരാതിയോ ഇല്ലാത്തതിനാല്‍ മൃതദേഹം വിട്ടുകൊടുത്തു. ശ്രുതിയെ രോഗംമാറിയ ശേഷം നോക്കാനാരുമില്ലാത്ത അവസ്ഥയാണെങ്കില്‍ അഭയമന്ദിരത്തിലേക്കോ മറ്റ് സുരക്ഷിത സ്ഥാനങ്ങളിലേക്കോ മാറ്റാന്‍ നടപടിയെടുക്കുമെന്നും ആരോഗ്യവകുപ്പധികൃതര്‍ പറഞ്ഞു.

എന്നാല്‍, അല്പസമയത്തിനകമെത്തിയ നാട്ടുകാരില്‍ ചിലരുടെ പരാതിപ്രകാരം മൃതശരീരം പോസ്റ്റ്‌മോര്‍ട്ടം ചെയ്യാന്‍ തീരുമാനിച്ചു. മുഖത്ത് എലികടിച്ചതുപോലുള്ള പാടുകളുണ്ടെന്നും മരണകാരണം കൃത്യമായി അറിയണമെന്നുമാണ് ആവശ്യം. തൃശ്ശൂര്‍ മെഡിക്കല്‍ കോളജ് മോര്‍ച്ചറിയില്‍ സൂക്ഷിച്ചിരിക്കുന്ന മൃതദേഹം പോസ്റ്റ്‌മോര്‍ട്ടത്തിന്‌ശേഷം ചൊവ്വാഴ്ച സംസ്‌കരിക്കും. പരേതരായ സുന്ദരമേനോന്റെയും സരോജിനിഅമ്മയുടെയുടെയും മകളാണ് ശോഭ. സഹോദരങ്ങള്‍: ശ്രീകുമാര്‍(ബാബു), ശങ്കരനുണ്ണി(റിട്ട.ബാങ്ക് മാനേജര്‍), ലത കോഴിക്കോട്, സാവിത്രി(ബറോഡ)

Summary: A 53 year old woman was starved to death in Edappal and her 26 year old daughter is seriously ill. The deceased, Mrs Shobha has not eaten for more than 10 days and her Sruthi was living alone in a house near to several local administrative offices in the area.

The post എടപ്പാളിൽ പത്തുനാള്‍ ഭക്ഷണം കഴിക്കാതെ വീട്ടിനുള്ളില്‍ അമ്മ മരിച്ചു; മകള്‍ അവശനിലയില്‍ appeared first on Valanchery Online.