തിരുന്നാവായ – പുത്തനത്താണി റോഡിൽ മുട്ടിക്കാട് പ്ലാവിൻ ചുവടിൽ മണൽലോറി തലകീഴായി മറിഞ്ഞു

വളാഞ്ചേരിക്കാരൻ — Thu, 04 May 2023 01:26:42 +0000

തിരുനാവായ : മണൽലോറികളുടെ മരണപ്പാച്ചിലിൽ തിരുനാവായ-പുത്തനത്താണി റോഡിൽ അപകടങ്ങൾ പതിവാകുന്നു. ബുധനാഴ്‌ച പുലർച്ചെ മൂന്നോടെ മുട്ടിക്കാട് പ്ലാവിൻചുവട്ടിൽ അനധികൃതമായി മണൽ കയറ്റിപ്പോകുകയായിരുന്ന ടിപ്പർലോറി തലകീഴായി മറിഞ്ഞു. ഡ്രൈവർക്ക് ചെറിയ പരിക്കുപറ്റി. അപകടത്തിൽ തൊട്ടടുത്ത ബസ് കാത്തിരിപ്പുകേന്ദ്രവും തകർന്നിട്ടുണ്ട്. ലോറിയുടെ ടയറുകൾ ഊരിത്തെറിച്ച നിലയിലായിരുന്നു. കൽപ്പകഞ്ചേരി പോലീസ് സ്ഥലത്തെത്തി മേൽനടപടികൾ സ്വീകരിച്ചു.

അമിതവേഗതയിൽ ചീറിപ്പായുന്ന മണ്ണ്, മണൽ ലോറികൾ തിരുനാവായ-പുത്തനത്താണി റോഡിൽ‌ പതിവുകാഴ്‌ചയാണ്. പുലർച്ചെ മൂന്നിനും ആറിനുമിടയിലുള്ള സമയങ്ങളിലാണ് അനധികൃതമായി മണൽ കടത്തുന്ന വാഹനങ്ങളുടെ മരണപ്പാച്ചിൽ. തിരുനാവായ, തൃപ്രങ്ങോട്‌, ബീരാഞ്ചിറ ഭാഗങ്ങളിലെ കടവുകളിൽനിന്നാണ് മണൽക്കടത്ത്. പ്രദേശത്ത് പോലീസ് പരിശോധന നടത്തണമെന്നാണ് യാത്രക്കാരുടെ ആവശ്യം.

The post തിരുന്നാവായ – പുത്തനത്താണി റോഡിൽ മുട്ടിക്കാട് പ്ലാവിൻ ചുവടിൽ മണൽലോറി തലകീഴായി മറിഞ്ഞു appeared first on Valanchery Online.

sand lorry Archives - Valanchery Online

തിരുന്നാവായ – പുത്തനത്താണി റോഡിൽ മുട്ടിക്കാട് പ്ലാവിൻ ചുവടിൽ മണൽലോറി തലകീഴായി മറിഞ്ഞു