safa college Archives - Valanchery Online

പൂക്കാട്ടിരി സഫാ ആർട്സ് ആന്റ് സയൻസ് കോളേജിൽ തൊഴിൽ പരിശീലന ശിൽപശാല സംഘടിപ്പിച്ചു

വളാഞ്ചേരിക്കാരൻ — Fri, 10 Feb 2023 08:42:12 +0000

എടയൂർ: പൂക്കാട്ടിരി സഫാ ആർട്സ് ആന്റ് സയൻസ് കോളേജിൽ തൊഴിൽ പരിശീലന ശിൽപശാല സംഘടിപ്പിച്ചു. സംസ്ഥാനത്തെ ഉന്നത വിദ്യാഭ്യാസ സ്ഥാപനങ്ങളിലെ വിദ്യാത്ഥികൾക്ക് നൈപുണ്യ പരിശീലനം നൽകുന്നതിന്റെ ഭാഗമായായിരുന്നു ശിൽപ്പശാല. കോളേജ് ഹാളിൽ നടന്ന ശിൽപ്പശാല പ്രിൻസിപ്പൽ ഡോ. പി.വി. നിഥിൻ ഉദ്ഘാടനം ചെയ്തു. ഐ.ക്യു.എ.സി കോ ഓർഡിനേറ്റർ പി.കെ. അബ്ദുൾ ഷുക്കൂർ അദ്ധ്യക്ഷത വഹിച്ച പരിപാടിയിൽ നാക് കോർഡിനേറ്റർ കെ.സി. നിയാസലി, വിവിധ പഠന വകുപ്പ് തലവൻമാരായ ഫായിസ്, ടി.കെ. സുഭാഷ്, പി.ആസിയ, അസ്ലം, സാപ് കോ ഓർഡിനേറ്റർ വി.പി. ഷഹന എന്നിവർ പ്രസംഗിച്ചു.

The post പൂക്കാട്ടിരി സഫാ ആർട്സ് ആന്റ് സയൻസ് കോളേജിൽ തൊഴിൽ പരിശീലന ശിൽപശാല സംഘടിപ്പിച്ചു appeared first on Valanchery Online.

ചാവറ കപ്പ് 2023; പൂക്കാട്ടിരി സഫ കോളേജ് ചാമ്പ്യന്മാർ

വളാഞ്ചേരിക്കാരൻ — Thu, 26 Jan 2023 00:55:06 +0000

എടയൂർ: തൃശ്ശൂർ സെന്റ് അലോഷ്യസ് കോളേജ് മൈതാനത്ത് നടന്ന ചാവറ കപ്പിനായുള്ള ഓൾ കേരള ഇന്റർ കൊളീജിയറ്റ് ഫുട്‌ബോൾ ടൂർണമെന്റിൽ പൂക്കാട്ടിരി സഫ കോളേജ് ജേതാക്കളായി. തൃശൂർ കേരള വർമ്മ കോളേജിനെതിരായ ഫൈനലിൽ നിശ്ചിതസമയത്ത് ഇരുടീമുകളും ഗോൾരഹിത സമനിലയിലായിരുന്നു. ടൈബ്രേക്കറിലൂടെ(4-3)യാണ് വിജയികളെ തിരഞ്ഞെടുത്തത്. മികച്ച താരമായി സഫ കോളേജിലെ വിശാഖിനെ തിരഞ്ഞെടുത്തു. സെന്റ് അലോഷ്യസ് ഇൻസ്റ്റിറ്റ്യൂഷൻ മാനേജർ റവ. ഫാദർ തോമസ് ചക്രമക്കൾ ട്രോഫികൾ വിതരണംചെയ്തു.

The post ചാവറ കപ്പ് 2023; പൂക്കാട്ടിരി സഫ കോളേജ് ചാമ്പ്യന്മാർ appeared first on Valanchery Online.

അന്താരാഷ്ട്ര ലിംഗാധിഷ്ടിത അതിക്രമ ലഘൂകരണ ദിനാചാരണവുമായി ബന്ധപ്പെട്ട് പൂക്കാട്ടിരി സഫ കോളേജ് സെമിനാറും പ്രസംഗ മത്സരവും സംഘടിപ്പിച്ചു

വളാഞ്ചേരിക്കാരൻ — Sat, 26 Nov 2022 00:54:47 +0000

എടയൂർ: കുടുംബശ്രീ ജെൻഡർ കാമ്പയിന്റെ ഭാഗമായി പൂക്കാട്ടിരി സഫ കോളേജ് സോഷ്യൽ വർക് വിഭാഗവും കുടുംബശ്രീ ജെൻഡർ ക്ലബും സംയുക്തമായി അന്താരാഷ്ട്ര ലിംഗാധിഷ്ടിത അതിക്രമ ലഘൂകരണ ദിനാചാരണവുമായി ബന്ധപ്പെട്ട് സെമിനാറും പ്രസംഗ മത്സരവും സംഘടിപ്പിച്ചു. സഫ കോളേജ് പ്രിൻസിപ്പൽ ഡോ. പി.വി.നിഥിൻ ഉദ്ഘാടനം നിർവഹിച്ചു. സോഷ്യൽ വർക് വിഭാഗം മേധാവി ഡോ. സുൽഫിക്കർ അദ്ധ്യക്ഷനായി. കുടുംബശ്രീ ജെൻഡർ സർവീസ് പ്രൊവൈഡർ ടി.പി. പ്രമീള സെഷൻ നയിച്ചു. കോളേജ് വൈസ് പ്രിൻസിപ്പൽ അബ്ദുൾ ഷുക്കൂർ, എടയൂർ പഞ്ചായത്ത് കമ്മ്യൂണിറ്റി കൗൺസിലർ പി. റാഹില ഷെറിൻ, അസിസ്റ്റന്റ് പ്രൊഫസർ വി.കെ അൻഷാദ്, പി.എം. മുർസിന , ശിബാൻ എന്നിവർ സംസാരിച്ചു.

The post അന്താരാഷ്ട്ര ലിംഗാധിഷ്ടിത അതിക്രമ ലഘൂകരണ ദിനാചാരണവുമായി ബന്ധപ്പെട്ട് പൂക്കാട്ടിരി സഫ കോളേജ് സെമിനാറും പ്രസംഗ മത്സരവും സംഘടിപ്പിച്ചു appeared first on Valanchery Online.

കായിക ദിനാചരണത്തിന്റെ ഭാഗമായി പൂക്കാട്ടിരി സഫ കോളേജിൽ കൂട്ടയോട്ടം സംഘടിപ്പിച്ചു

വളാഞ്ചേരിക്കാരൻ — Tue, 30 Aug 2022 13:34:30 +0000

എടയൂർ: കായിക ദിനാചരണത്തിന്റെ ഭാഗമായി പൂക്കാട്ടിരി സഫ കോളേജ് ഓഫ് ആർട്‌സ് ആൻഡ് സയൻസ് ഫിസിക്കൽ എജ്യൂക്കേഷൻ വിഭാഗവും നടക്കാവിൽ ആസ്പത്രിയുംചേർന്ന് ക്രോസ് കൺട്രി മത്സരം നടത്തി. പത്ത് കിലോ മീറ്റർ ഓട്ടമത്സരത്തിൽ ഷിബിൻ ചന്ദ്രൻ പെരിന്തൽമണ്ണ, സുബിൻ പത്തനംതിട്ട, അബ്ദുൽമുനീർ എന്നിവർ ആദ്യ മൂന്ന്‌ സ്ഥാനങ്ങൾ കരസ്ഥമാക്കി. ഐ.എം.എ. വളാഞ്ചേരി യൂണിറ്റ് പ്രസിഡന്റ് എൻ. മുഹമ്മദാലി, അബ്ദുൽ മുഫീദ്, മുസ്തഫ എന്നിവർ വിജയികൾക്ക് ഉപഹാരങ്ങൾ നൽകി.

The post കായിക ദിനാചരണത്തിന്റെ ഭാഗമായി പൂക്കാട്ടിരി സഫ കോളേജിൽ കൂട്ടയോട്ടം സംഘടിപ്പിച്ചു appeared first on Valanchery Online.

പൂക്കാട്ടിരി : സഫ ആർട്സ് ആൻഡ് സയൻസ് കോളേജിന് ഐ.എസ്.ഒ അംഗീകാരം

വളാഞ്ചേരിക്കാരൻ — Thu, 19 May 2022 01:22:31 +0000

എടയൂർ: സഫ ആർട്സ് ആൻഡ് സയൻസ് കോളേജിന് ഐ.എസ്.ഒ. സർട്ടിഫിക്കറ്റ് ലഭിച്ചു. അടിസ്ഥാനസൗകര്യങ്ങളും നടത്തിപ്പിലെ നിലവാരവും പരിഗണിച്ചാണിത്. കോളേജിൽ നടന്ന പരിപാടിയിൽ ഐ.എസ്.ഒ. കൺസൾട്ടന്റും ഓഡിറ്ററുമായ ഹണി പി. മാത്യു സർട്ടിഫിക്കറ്റ് കോളേജ് ചെയർമാൻ വി.പി. യാസിറിന് കൈമാറി. പ്രിൻസിപ്പൽ ഡോ. പി.വി. നിതിൻ അധ്യക്ഷതവഹിച്ചു. ഒ.ഇ.സി.ടി. സെക്രട്ടറി വി. ഷമീർ, എ.പി. അബ്ദുൽജസീം, പി.കെ. അബ്ദുൽ ഷുക്കൂർ, മുഹമ്മദ് അലി ഖാൻ എന്നിവർ പ്രസംഗിച്ചു.

The post പൂക്കാട്ടിരി : സഫ ആർട്സ് ആൻഡ് സയൻസ് കോളേജിന് ഐ.എസ്.ഒ അംഗീകാരം appeared first on Valanchery Online.

ഉപയോഗശൂന്യമായ പ്ലാസ്റ്റിക് കുപ്പികൾക്കൊണ്ടൊരു മാതൃകാ ബസ് സ്റ്റോപ്പ് നിർമ്മിച്ച് പൂക്കാട്ടിരി സഫ കോളേജ് വിദ്യാർത്ഥികൾ

വളാഞ്ചേരിക്കാരൻ — Sat, 26 Mar 2022 01:37:39 +0000

വളാഞ്ചേരി : സഫ കോളേജ് ഓഫ് ആർട്സ് ആൻഡ് സയൻസ് എൻ.എസ്.എസ് വിദ്യാർഥികൾ ഉപയോഗശൂന്യമായ പ്ലാസ്റ്റിക് കുപ്പികൾ കൊണ്ട് ബസ് സ്റ്റോപ്പ്‌ നിർമിച്ചു. ഹോസ്പിറ്റലുകൾ, തിയേറ്ററുകൾ എന്നിവിടങ്ങളിൽ നിന്നും ശേഖരിച്ച 600 പ്ലാസ്റ്റിക് കുപ്പികൾ കൊണ്ടാണ് ബസ് സ്റ്റോപ്പ് നിർമ്മിചിട്ടുള്ളത്.

സഫ എൻ.എസ്.എസ് വിദ്യാർഥികൾ ക്ലാസ്സ്‌ വിട്ടതിനു ശേഷമുള്ള അവരുടെ സമയം വിനിയോഗിച്ചാണ് ബസ്സ് സ്റ്റോപ്പ്‌ നിർമാണം പൂർത്തിയാക്കിയത്. അതോടൊപ്പം നാട്ടുകാരുടെ പൂർണപിന്തുണയുമുണ്ടായിരുന്നു. വളാഞ്ചേരി മീമ്പാറയിലെ ഈ മാതൃകാ ബസ് സ്റ്റോപ്പ് നഗരസഭ ചെയർമാൻ അഷ്‌റഫ്‌ അമ്പലത്തിങ്ങൽ ഉത്ഘാടനം നിർവഹിച്ചു.

സഫ കോളേജ് പ്രിൻസിപ്പൽ ഡോ. പി.വി നിധിൻ അധ്യക്ഷദ്ധ വഹിച്ചു. വാർഡ് കൗൺസിലറും സഫ കോളേജ് അധ്യാപികയുമായ സാജിത ടീച്ചർ, ജമാലുദ്ദീൻ പി.പി എന്നിവർ ആശംസകൾ അറിയിച്ചു. എൻ.എസ്.എസ് വളന്റിയർ മിസ്ഹബ് ഷാ മുഹമ്മദ്‌ നന്ദി അറിയിച്ചു.

The post ഉപയോഗശൂന്യമായ പ്ലാസ്റ്റിക് കുപ്പികൾക്കൊണ്ടൊരു മാതൃകാ ബസ് സ്റ്റോപ്പ് നിർമ്മിച്ച് പൂക്കാട്ടിരി സഫ കോളേജ് വിദ്യാർത്ഥികൾ appeared first on Valanchery Online.

പൂക്കാട്ടിരി സഫ കോളേജിലെ ബി.എസ്.ഡബ്യു വിദ്യാർത്ഥികളുടെ ഗ്രാമീണ സഹവാസ പഠന ക്യാമ്പിന് തുടക്കമായി

വളാഞ്ചേരിക്കാരൻ — Wed, 19 Jan 2022 01:31:40 +0000

എടയൂർ:പൂക്കട്ടിരി സഫ ആർട്‌സ് ആൻഡ് സയൻസ് കോളേജിലെ രണ്ടാം വർഷ ബി.എസ്.ഡബ്യു വിദ്യാർത്ഥികളുടെ ഗ്രാമീണ സഹവാസ പഠന ക്യാമ്പ് ‘തണൽ’ ആരംഭിച്ചു. അട്ടപ്പാടി കോട്ടത്തറ ക്യാമ്പ് സെന്ററിൽ ഷോളയൂർ പഞ്ചായത്ത് പ്രസിഡന്റ് രാമ മൂർത്തി ഉദ്ഘാടനം നിർവഹിച്ചു. വാർഡ് മെമ്പർ മാധവൻ അധ്യക്ഷനായിരുന്നു. സഫ കോളേജ് സോഷ്യൽ വർക് വിഭാഗം മേധാവി സി. സുൽഫിക്കർ ക്യാമ്പ് വിശദീകരിച്ചു. അസിസ്റ്റന്റ് പ്രൊഫസർമാരായ സാന്ദ്ര എം.ജെ, അൻഷാദ് വി.കെ, സ്റ്റുഡന്റ് കോർഡിനേറ്റർ അബ്ദുൽ റഹീം എന്നിവർ ചടങ്ങിൽ സംസാരിച്ചു. തുടർന്ന് വിദ്യാർത്ഥികൾ അവതരിപ്പിച്ച നൃത്തം അരങ്ങേറി. ഗ്രാമീണ ജീവിതം തൊട്ടറിയുകയും വിദ്യാർത്ഥികളുടെ നൈപുണ്യ വികസനം സാധ്യമാക്കുകയും ചെയ്യുക എന്നതാണ് ക്യാമ്പിന്റെ ലക്ഷ്യം. കോവിഡ് പ്രോട്ടോക്കോൾ പാലിച്ചു കൊണ്ട് നടക്കുന്ന പഞ്ചദിന ക്യാമ്പ് വെള്ളിയാഴ്ച സമാപിക്കും.

The post പൂക്കാട്ടിരി സഫ കോളേജിലെ ബി.എസ്.ഡബ്യു വിദ്യാർത്ഥികളുടെ ഗ്രാമീണ സഹവാസ പഠന ക്യാമ്പിന് തുടക്കമായി appeared first on Valanchery Online.

ഗാന്ധി ജയന്തി ദിനത്തോടനുബന്ധിച്ച് ശുചീകരണ യഞ്ജം നടത്തി സഫ കോളേജ് എൻ.എസ്.എസ്

വളാഞ്ചേരിക്കാരൻ — Sun, 03 Oct 2021 01:17:19 +0000

എടയൂർ: ഗാന്ധി ജയന്തി ദിനത്തോടനു ബന്ധിച്ച് സഫ ആർട്സ് ആന്റ് സയൻസ് കോളേജ് എൻ.എസ്.എസ് യൂണിറ്റിന്റെ നേതൃത്വത്തിൽ എടയൂർ ഗ്രാമപഞ്ചായ ത്തിൻ്റെ സഹകരണത്തിൽ പൂക്കാട്ടിരി അങ്ങാടിയും പരിസരവും വൃത്തിയാക്കി. “ക്ലീൻ പൂക്കാട്ടിരി സീറോ വേസ്റ്റ് പൂക്കാട്ടിരി ” എന്ന തലക്കെട്ടിൽ നടത്തിയ പരിപാടി പഞ്ചായത്ത് പ്രസിഡന്റ് എം.പി ഹസീന ഇബ്രാഹിം ഉദ്ഘാടനം ചെയ്തു.

ക്ലാസുകൾ തുടങ്ങുന്ന പശ്ചാത്തലത്തിൽ ക്യാമ്പസും പരിസരവും അണുവിമുക്തമാക്കുകയും ചെയ്തു. പഞ്ചായത്ത് വൈസ് പ്രസിഡന്റ് കെ.പി വേലായുധൻ, മെമ്പർമാരായ ലുബി റഷീദ്, കെ.സമദ്, നൗഷാദ് കെ.ടി, ദലീല റൗഫ്, റഫീഖ് എൻ.എസ്.എസ് കോ-ഓഡിനേറ്റർ ഷഫീഖ് തുടങ്ങിയവർ നേതൃത്വം കൊടുത്തു.

The post ഗാന്ധി ജയന്തി ദിനത്തോടനുബന്ധിച്ച് ശുചീകരണ യഞ്ജം നടത്തി സഫ കോളേജ് എൻ.എസ്.എസ് appeared first on Valanchery Online.

പൂക്കാട്ടിരി സഫ ആർട്സ് ആൻ്റ് സയൻസ് കോളജിൽ മാലിന്യസംസ്‌കരണ ശില്‍പ്പശാല സംഘടിപ്പിച്ചു

വളാഞ്ചേരിക്കാരൻ — Thu, 25 Mar 2021 01:03:55 +0000

എടയൂർ: സഫ ആർട്സ് ആൻ്റ് സയൻസ് കോളജിലെ ബയോ-ഡൈവേഴ്‌സിറ്റി, നാച്ചുറല്‍ ക്ലബുകളുടെ കീഴില്‍ വേസ്റ്റ് സെഗ്രിഗേഷന്‍ ആന്റ് റിസോഴ്‌സിംഗ് വര്‍ക്ക്‌ഷോപ്പ് നടത്തി. വിദ്യാര്‍ത്ഥികളില്‍ പാരിസ്ഥിതികാവബോധം സൃഷ്ടിക്കുന്നതോടൊപ്പം ശാസ്ത്രീയമായ മാലിന്യസംസ്‌കരണ മാര്‍ഗങ്ങളെക്കുറിച്ചുള്ള അറിവ് നല്‍കുക എന്ന ലക്ഷ്യത്തോടെയാണ് പരിപാടി സംഘടിപ്പിച്ചത്. മലപ്പുറം കേന്ദ്രമായി പ്രവര്‍ത്തിക്കുന്ന മിഷന്‍ ഇ-ത്രി മാനേജിംഗ് ഡയറക്ടര്‍ അമീറുദ്ധീന്‍ ചടങ്ങ് ഉദ്ഘാടനം ചെയ്തു.

മിൽമ ഉൾപ്പടെയുള്ള പാൽ കവറുകളിലേതുപോലെ പൂര്‍ണമായും എല്‍.ഡി പ്ലാസ്റ്റിക് ഉപയോഗത്തിലേക്ക് മാറേണ്ടതിൻ്റെ ആവശ്യകതയെക്കുറിച്ച് മിഷന്‍ ഇ-ത്രീ ഡയറക്ടര്‍ സച്ചിദാനന്ദന്‍ ക്ലാസെടുത്തു. പ്ലാസ്റ്റിക് മാലിന്യങ്ങളെ വേര്‍തിരിച്ചെടുത്ത് പുനരുപയോഗിക്കുന്നത് സംബന്ധിച്ചും ശില്‍പശാലയിൽ ക്ലാസുകൾ നടത്തി. കാമ്പസിലെ പ്ലാസ്റ്റിക് മാലിന്യങ്ങൾ ശേഖരിച്ച് ശാസ്ത്രീയമായി സംസ്കരിക്കുന്നതിനായി പ്രത്യേകം വേസ്റ്റ് ബിന്നുകളും സ്ഥാപിച്ചിട്ടുണ്ട്.

സഫ കോളജ് പ്രിന്‍സിപ്പാൾ പി. അബ്ദൂല്‍ ഗഫൂര്‍ ചടങ്ങിൽ അധ്യക്ഷത വഹിച്ചു. വൈസ് പ്രിന്‍സിപ്പാൾ പി.കെ അബ്ദുല്‍ ഷുക്കൂര്‍, മിഷന്‍ ഇ-ത്രി ഡയറക്ടര്‍ സുരേഷ്, ഫിസിക്‌സ് ഡിപാര്‍ട്ട്‌മെന്റ് എച്ച്.ഒ.ഡി ഡോ. നിധിന്‍, അധ്യാപിക ഫായിദ ഫര്‍ഹത്ത്, സ്റ്റുഡന്റ് കോര്‍ഡിനേറ്റര്‍ ഹൈറുന്നീസ എന്നിവര്‍ സംസാരിച്ചു.

The post പൂക്കാട്ടിരി സഫ ആർട്സ് ആൻ്റ് സയൻസ് കോളജിൽ മാലിന്യസംസ്‌കരണ ശില്‍പ്പശാല സംഘടിപ്പിച്ചു appeared first on Valanchery Online.

പൂക്കാട്ടിരി സഫ കോളജ് എന്‍.എസ്.എസ്, എസ്.ഐ.പി യൂണിറ്റുകള്‍ സംയുക്തമായി പാലിയേറ്റീവ് ക്ലിനിക്കുകള്‍ക്ക് ജീവന്‍രക്ഷാ ഉപകരണങ്ങള്‍ വിതരണം ചെയ്തു

വളാഞ്ചേരിക്കാരൻ — Sat, 20 Mar 2021 11:46:54 +0000

എടയൂർ: കിടപ്പുരോഗികള്‍ക്ക് വേദനാ സംഹാരികളെക്കാള്‍ സാന്ത്വനമാണ് അത്യാവശ്യമെന്ന് പെരിന്തല്‍മണ്ണ ഗവ. ജില്ലാ ആശുപത്രി മുന്‍ സൂപ്രണ്ടും ക്രാഫ്റ്റ് ഹോസ്പിറ്റല്‍ സ്ഥാപകനുമായ ഡോ. ഷാജി ഗഫൂര്‍. പൂക്കാട്ടിരി സഫ കോളജ് എന്‍.എസ്.എസ്, എസ്.ഐ.പി യൂണിറ്റുകള്‍ സംയുക്തമായി സംഘടിപ്പിച്ച പാലിയേറ്റീവ് ക്ലിനിക്കുകള്‍ക്കുള്ള ജീവന്‍രക്ഷാ ഉപകരണങ്ങളുടെ വിതരണത്തിന്റെയും വിദ്യാര്‍ത്ഥികള്‍ക്കുള്ള ബോധവത്കരണ ക്ലാസിന്റെയും ഉദ്ഘാടനം നിര്‍വഹിച്ച് സംസാരിക്കുകയായിരുന്നു അദ്ദേഹം.

കിടപ്പു രോഗികളും പ്രായമായവരും ഏറെ പ്രയാസപ്പെടുന്നത് അവരുടെ ഒറ്റപ്പെട്ട ജീവിതത്തെ തുടര്‍ന്നാണ്. മരുന്നുകളെക്കാളേറെ സാന്ത്വനമാണ് ഇത്തരക്കാര്‍ക്ക് ആവശ്യമെന്നും അത് നല്‍കാന്‍ വിദ്യാര്‍ത്ഥികളുള്‍പ്പെടുന്ന ഈ യുവ സമൂഹത്തിന് സാധിക്കുമെന്നും ഡോ. ഷാജി ഗഫൂര്‍ പറഞ്ഞു. രോഗിയെ കേള്‍ക്കാന്‍ തയ്യാറാവുന്നതിലൂടെ അവരുടെ വേദനകള്‍ക്ക് ഒരു പരിധിവരെയെങ്കിലും ആശ്വാസമാകാന്‍ നമുക്ക് കഴിയുമെന്നും അദ്ദേഹം കൂട്ടിച്ചേര്‍ത്തു. ചടങ്ങില്‍ എന്‍.എസ്.എസ്, എസ്.ഐ.പി യൂണിറ്റുകള്‍ തയ്യാറാക്കിയ രോഗി പരിചരണ കൈപുസ്തകം പ്രകാശനം ചെയ്തു.

ഇത്തരം സാമൂഹിക സേവന പദ്ധതികളിലൂടെ പുതുതലമുറ വിദ്യാര്‍ത്ഥികളിലെ തിന്മയെക്കാള്‍ അവരിലെ നന്മയെ ഉയര്‍ത്തികൊണ്ടുവരാനാണ് കോളജ് ശ്രമിക്കുന്നതെന്ന് ചടങ്ങില്‍ അധ്യക്ഷത വഹിച്ച ഒ.ഇ.സി.ടി ചെയര്‍മാന്‍ യാസിര്‍. വി.പി പറഞ്ഞു. ട്രസ്റ്റ് സ്ഥാപകനും മുന്‍ ചെയര്‍മാനുമായ വി.പി കുഞ്ഞിമൊയ്തീന്‍കുട്ടിയുടെ സ്മരണാര്‍ത്ഥം കോളജില്‍ ആരംഭിക്കുന്ന പാലിയേറ്റീവ് യൂണിറ്റിന്റെ പ്രഖ്യാപനവും അദ്ദേഹം നിര്‍വഹിച്ചു. വി.പി കുഞ്ഞിമൊയ്തീന്‍കുട്ടി സാഹിബിന്റെ ചരമ ദിനമായ ആഗസ്റ്റ് അഞ്ചിനാണ് പാലിയേറ്റീവ് യൂണിറ്റ് ആരംഭിക്കുന്നത്.

ഒ.ഇ.സി.ടി ട്രസ്റ്റിന്റെ സാമ്പത്തിക സഹായത്തോടെ പ്രദേശത്തെ പാലിയേറ്റീവ് യൂണിറ്റുകള്‍ക്കുള്ള ജീവന്‍ രക്ഷാ ഉപകരണങ്ങള്‍ ട്രസ്റ്റ് മെമ്പര്‍ വി.പി യൂനുസ് സലീം വിതരണം ചെയ്തു. ട്രസ്റ്റ് സെക്രട്ടറി യു.എ ഷമീര്‍, ട്രസ്റ്റ് മെമ്പര്‍ കെ. അബ്ദുല്‍ റഷീദ്, സഫ കോളജ് പ്രിന്‍സിപ്പാള്‍ പി. അബ്ദുല്‍ ഗഫൂര്‍, അഡ്മിനിസ്‌ട്രേറ്റീവ് ഓഫീസര്‍ കെ.പി മുഹമ്മദ് അലിഖാന്‍, ഐ.ക്യു.എ.സി കോര്‍ഡിനേറ്റര്‍ പി.കെ അബ്ദുല്‍ ഷുക്കൂര്‍, സേവന പാലിയേറ്റീവ് ജോയന്റ് സെക്രട്ടറി വി.പി അനീസ്, സേവന പാലിയേറ്റീവ് മെമ്പര്‍ ഹരിദാസന്‍, സഫ കോളജ് എസ്.ഐ.പി സ്റ്റാഫ് കോര്‍ഡിനേറ്റര്‍ കെ. ഷബീര്‍, എസ്.ഐ.പി സ്റ്റുഡന്റ് കോര്‍ഡിനേറ്റര്‍ ടി. ഇബ്രാഹിം എന്നിവര്‍ സംസാരിച്ചു.

The post പൂക്കാട്ടിരി സഫ കോളജ് എന്‍.എസ്.എസ്, എസ്.ഐ.പി യൂണിറ്റുകള്‍ സംയുക്തമായി പാലിയേറ്റീവ് ക്ലിനിക്കുകള്‍ക്ക് ജീവന്‍രക്ഷാ ഉപകരണങ്ങള്‍ വിതരണം ചെയ്തു appeared first on Valanchery Online.

ചതുർ ദിന സൗജന്യ വിവാഹ പൂർവ്വ കൗൺസിലിംഗ് ക്ലാസ്സിന് പൂക്കാട്ടിരി സഫ കോളേജിൽ തുടക്കമായി

വളാഞ്ചേരിക്കാരൻ — Tue, 19 Jan 2021 07:59:39 +0000

എടയൂർ: പൂക്കാട്ടിരി സഫ കോളേജ് എൻ.എസ്.എസ് യൂണിറ്റുമായി സഹകരിച്ച് സംസ്ഥാന ന്യൂനപക്ഷക്ഷേമ വകുപ്പ് നടത്തുന്ന ചതുർ ദിന സൗജന്യ വിവാഹ പൂർവ്വ കൗൺസിലിംഗ് ക്ലാസ്സിന് ഇന്ന് തുടക്കം കുറിച്ചു. കൗൺസിലിംഗ് കോഴ്സ് എടയൂർ പഞ്ചായത്ത്‌ പ്രസിഡന്റ് ഹസീന ഇബ്രാഹിം നിർവഹിച്ചു. കോളേജ് പ്രിൻസിപ്പൽ അബ്ദുൽ ഗഫൂർ ചടങ്ങിൽ അധ്യക്ഷത വഹിച്ചു സംസാരിച്ചു. കോളേജ് അധ്യാപകരായ ഫ്രൊഫ. ഇബ്രാഹിം, മുഹമ്മദ്‌ അലി ഖാൻ, അബ്ദുൽ ശുക്കൂർ, നിയാസ് അലി കെ.സി എന്നിവർ ചടങ്ങിൽ ആശംസകൾ അരിയിച്ചുകൊണ്ട് സംസാരിച്ചു. പ്രോഗ്രാം കോർഡിനേറ്റർ സാക്കി റോഷൻ ചടങ്ങിന് നന്ദി അർപ്പിച്ചു സംസാരിച്ചു.

The post ചതുർ ദിന സൗജന്യ വിവാഹ പൂർവ്വ കൗൺസിലിംഗ് ക്ലാസ്സിന് പൂക്കാട്ടിരി സഫ കോളേജിൽ തുടക്കമായി appeared first on Valanchery Online.

പൂക്കാട്ടിരി സഫ കോളേജ് കാമ്പസിൽ പി.എസ്.സി. പരിശീലന ക്ലാസുകൾ തുടങ്ങി

വളാഞ്ചേരിക്കാരൻ — Mon, 04 Jan 2021 23:33:20 +0000

എടയൂർ: പൂക്കാട്ടിരി സഫ കോളേജ് കാമ്പസിലെ പി.എസ്.സി. പരിശീലനകേന്ദ്രത്തിൽ സൗജന്യപരിശീലന ക്ലാസുകൾ തുടങ്ങി. എടയൂർ ഗ്രാമപ്പഞ്ചായത്ത് പ്രസിഡന്റ് ഹസീന ഇബ്രാഹിം ഉദ്ഘാടനംചെയ്തു. വി.പി. യാസിർ, സെക്രട്ടറി യു.എ. ഷമീർ, അംഗങ്ങളായ കെ. അബ്ദുൾ റഷീദ്, വി.പി. അബ്ദുൾ ഷുക്കൂർ, ഇബ്രാഹിം, സി.ടി. ജാഫർ, മസ്ഹർ എന്നിവർ പ്രസംഗിച്ചു.

The post പൂക്കാട്ടിരി സഫ കോളേജ് കാമ്പസിൽ പി.എസ്.സി. പരിശീലന ക്ലാസുകൾ തുടങ്ങി appeared first on Valanchery Online.