robbery Archives - Valanchery Online

കടംവീട്ടാൻ എടിഎം കവർച്ച; കവർച്ചാശ്രമത്തിനിടെ കോട്ടക്കൽ സ്വദേശിയായ യുവ എൻജിനീയർ പിടിയിൽ

വളാഞ്ചേരിക്കാരൻ — Fri, 14 Feb 2025 06:29:52 +0000

കോഴിക്കോട്: 42 ലക്ഷം രൂപയുടെ കടബാധ്യത തീര്‍ക്കാന്‍ എ.ടി.എം. യന്ത്രം കട്ടര്‍ ഉപയോഗിച്ച് തകര്‍ക്കാര്‍ ശ്രമിച്ച യുവ എന്‍ജിനീയറെ പോലീസ് കൈയോടെ പിടികൂടി. കംപ്യൂട്ടര്‍ സയന്‍സ് ബി.ടെക്. ബിരുദധാരിയായ മലപ്പുറം ഒതുക്കുങ്ങല്‍ മറ്റത്തൂര്‍ മോന്തയില്‍ വീട്ടില്‍ വിജേഷാണ് (37) സിറ്റി കണ്‍ട്രോള്‍ റൂം പോലീസിന്റെ പിടിയിലായത്. വ്യാഴാഴ്ച പുലര്‍ച്ചെ 2.20-ഓടെ കോഴിക്കോട്ടുനിന്ന് 15 കിലോമീറ്റര്‍ അകലെ പറമ്പില്‍ബസാറിനടുത്തുള്ള പറമ്പില്‍ക്കടവിലെ ഹിറ്റാച്ചി എ.ടി.എമ്മാണ് തകര്‍ക്കാന്‍ ശ്രമിച്ചത്. നൈറ്റ് പട്രോളിങ് നടത്തുകയായിരുന്ന പോലീസ്സംഘം, ഷട്ടര്‍ താഴ്ത്തിയിട്ട എ.ടി.എം. റൂമില്‍ വെളിച്ചവും അസ്വാഭാവികശബ്ദവും കേട്ടതാണ് പ്രതി കൈയോടെ പിടിയിലാകാന്‍ ഇടയാക്കിയത്. ബാറ്ററിയില്‍ പ്രവര്‍ത്തിക്കുന്ന കട്ടര്‍, കമ്പിപ്പാര, ചുറ്റിക, പണം ഉള്‍പ്പെട്ട ലോക്കറിലെ ബോക്‌സ് തിരികെ കൊണ്ടുപോകുന്നതിനുള്ള ബാഗ് എന്നിവയുമായാണ് വിജേഷ് എ.ടി.എമ്മിലെത്തിയത്.

സി.സി.ടി.വി.ദൃശ്യങ്ങളില്‍ മുഖം വരാതിരിക്കാന്‍ മഫ്‌ളര്‍ ഉപയോഗിച്ച് തലയും മുഖവും മറച്ചാണ് എ.ടി.എമ്മിലേക്ക് എത്തിയത്. ഈ മുറിയുടെ തൊട്ടടുത്തുള്ള രണ്ട് കടകളിലെ ക്യാമറകള്‍, പുറകിലൂടെയെത്തി മുകളിലേക്ക് തിരിച്ചുവെച്ചാണ് എ.ടി.എമ്മിലെത്തിയത്. എ.ടി.എമ്മിനുള്ളിലെ ക്യാമറകളില്‍ പശിമയുള്ള ദ്രാവകം സ്‌പ്രേ ചെയ്തു. കടം വീട്ടാന്‍ കവര്‍ച്ച ആസൂത്രണംചെയ്ത വിജേഷ് ഒന്നരമാസമായി വീടുവിട്ട് കോഴിക്കോട്ടെ വിവിധ ഡോര്‍മിറ്ററികളിലാണ് താമസം. സ്വന്തം കാറിലെത്തി എ.ടി.എമ്മിന്റെ ഒരുകിലോമീറ്റര്‍ അകലെ കാര്‍ പാര്‍ക്ക്‌ചെയ്ത് നടന്നാണ് എ.ടി.എം റൂമിലേക്കെത്തിയത്.

പണമുണ്ടാക്കാന്‍ പല വഴികളും നോക്കി അവയെല്ലാം പരാജയപ്പെട്ടതിനെത്തുടര്‍ന്നാണ് എ.ടി.എം. കവര്‍ച്ചയിലെത്തിയത്. ഏത് എ.ടി.എം. എന്നുറപ്പിക്കാന്‍ കോഴിക്കോടിന്റെ തിരക്കൊഴിഞ്ഞ പ്രദേശങ്ങളിലൂടെ ധാരാളം യാത്ര നടത്തി. എങ്ങനെ എ.ടി.എം തകര്‍ക്കാമെന്നത് മനസ്സിലാക്കാന്‍ യുട്യൂബ് വീഡിയോകളെ ആശ്രയിച്ചു. ഇതിനുള്ള ഉപകരണങ്ങള്‍ ഓണ്‍ലൈനിലൂടെ വരുത്തി. ഡമ്മി ലോക്കറിന്റെ തകിട് മുറിച്ച് പരിശീലിക്കുകയും ചെയ്തു. aനൈറ്റ് പട്രോളിങ്ങില്‍ ഏര്‍പ്പെട്ട കണ്‍ട്രോള്‍ റൂം പോലീസുകാരായ മുക്തിദാസ്, അനീഷ്, സിദ്ദീഖ് എന്നിവര്‍ ചേര്‍ന്നാണ് വിജേഷിനെ പിടികൂടിയത്. പുലര്‍ച്ചെ രണ്ടേമുക്കാലോടെതന്നെ വിവരമറിഞ്ഞ് അസി. കമ്മിഷണര്‍ എ. ഉമേഷ്, ചേവായൂര്‍ ഇന്‍സ്‌പെക്ടര്‍ എസ്. സജീവ് എന്നിവരുള്‍പ്പെട്ട സംഘം അവിടെയെത്തി. പ്രതിയെ വ്യാഴാഴ്ച സന്ധ്യയോടെ ജുഡീഷ്യല്‍ ഒന്നാംക്‌ളാസ് മജിസ്‌ട്രേറ്റ് (ഒന്ന്) എസ്.വി. മനേഷ് മുന്‍പാകെ ഹാജരാക്കി.

The post കടംവീട്ടാൻ എടിഎം കവർച്ച; കവർച്ചാശ്രമത്തിനിടെ കോട്ടക്കൽ സ്വദേശിയായ യുവ എൻജിനീയർ പിടിയിൽ appeared first on Valanchery Online.

വളാഞ്ചേരിയിൽ നിർത്തിയിട്ട കാറിൽ നിന്ന് പണമടങ്ങിയ ബാഗ് മോഷ്ടിച്ച് കടന്നുകളഞ്ഞ സംഭവം; ഒരാൾ അറസ്റ്റിൽ

വളാഞ്ചേരിക്കാരൻ — Mon, 02 Nov 2020 19:44:08 +0000

വളാഞ്ചേരി: നിർത്തിയിട്ട കാറിൽ നിന്ന് പണമടങ്ങിയ ബാഗ് മോഷ്ടിച്ച് കടന്നുകളഞ്ഞ കേസിൽ ഒരാൾ അറസ്റ്റിൽ. ആലുവ സ്വദേശി മാടവന വീട്ടിൽ സിദ്ധീഖ് (46) എന്ന മാടവന സിദ്ധിയെ വളാഞ്ചേരി പോലീസ് അറസ്റ്റ് ചെയ്തു. 2020 ഓഗസ്റ്റ് 20നാണ് കേസിനാസ്പദമായ സംഭവമുണ്ടായത്. ദേശീയപാത 66ൽ വളാഞ്ചേരി സർവീസ് സഹകരണ ബാങ്കിന് സമീപത്തായി നിർത്തിയിട്ടിരുന്ന കെ.എൽ-09-എ.ൽ-4001 നമ്പർ ടൊയോട്ട ഇന്നോവ കാറിന്റെ ക്വാർട്ടർ ഗ്ലാസ് തകർത്ത് വാതിൽ തുറന്ന് പണവും രേഖകളുമടങ്ങിയ ബാഗ് മോഷ്ടിച്ച് രണ്ട് പേർ ബൈക്കിൽ കടന്നുകളയുകയായിരുന്നു. ഇതു സംബന്ധിച്ച് ലഭിച്ച പരാതിയിന്മേൽ വളാഞ്ചേരി പോലീസ് അന്വേഷണം നടത്തി വരികയായിരുന്നു. ഇതിനിടെയാണ് സമാന കേസുകളില്പെട്ട് പെരിന്തൽമണ്ണ പോലീസ് സ്റ്റേഷനിൽ പിടിയിലായ സിദ്ധീഖ് തന്നെയാണ് വളാഞ്ചേരിയിലെ ബാഗ് മോഷണത്തിലും ഉൾപ്പെട്ടതെന്ന് സി.സി.ടി.വി തെളിവുകളുടെ അടിസ്ഥാനത്തിൽ ബോധ്യപ്പെട്ടതിനെ തുടർന്ന് വളാഞ്ചേരി പോലീസ് ഇയാളെ കസ്റ്റഡിയിൽ വാങ്ങുകയും അറസ്റ്റ് രേഖപ്പെടുത്തുകയും ചെയ്തു. ഇയാളുടെ കൂട്ടുപ്രതിയെ കുറിച്ച് അന്വേഷണം നടന്നുവരികയാണെന്ന് വളാഞ്ചേരി എസ്.ഐ മുരളികൃഷ്ണൻ മാധ്യമങ്ങളോട് പറഞ്ഞു.

The post വളാഞ്ചേരിയിൽ നിർത്തിയിട്ട കാറിൽ നിന്ന് പണമടങ്ങിയ ബാഗ് മോഷ്ടിച്ച് കടന്നുകളഞ്ഞ സംഭവം; ഒരാൾ അറസ്റ്റിൽ appeared first on Valanchery Online.

ഷാര്‍ജയിലെ ലുലു ഹൈപ്പര്‍മാര്‍ക്കറ്റില്‍ കൊള്ളയടിക്കാനെത്തിയ സംഘത്തെ പൊലീസ് കീഴ്പ്പെടുത്തുന്നതിന്റെ വിഡിയോ ദൃശ്യങ്ങൾ

വളാഞ്ചേരിക്കാരൻ — Sun, 10 Mar 2019 20:11:39 +0000

ഷാര്‍ജ: അല്‍ വഹ്ദ റോഡിലുള്ള ലുലു ഹൈപ്പര്‍ മാര്‍ക്കറ്റില്‍ ആയുധങ്ങളുമായെത്തി കവര്‍ച്ച നടത്താന്‍ ശ്രമിച്ച രണ്ടംഗ സംഘത്തെ പൊലീസ് പിടികൂടി. പണവുമായി രക്ഷപെടാനുള്ള ഇവരുടെ ശ്രമം ജീവനക്കാര്‍ പ്രതിരോധിക്കുകയായിരുന്നു. രണ്ട് ജീവനക്കാര്‍ക്ക് സംഭവത്തില്‍ പരിക്കേല്‍ക്കുകയും ചെയ്തു. ആഫ്രിക്കക്കാരാണ് അറസ്റ്റിലായത്.

രാത്രി 11.42ന് തിരക്കേറിയത സമയത്തായിരുന്നു കവര്‍ച്ചാശ്രമം നടന്നത്. സംഭവത്തിന്റെ സിസിടിവി ദൃശ്യങ്ങള്‍ പുറത്തുവന്നിട്ടുണ്ട്. മുഖം മൂടിയണിഞ്ഞ രണ്ട് പേര്‍ ആയുധങ്ങളുമായാണ് സൂപ്പര്‍ മാര്‍ക്കറ്റിലേക്ക് കയറി വന്നത്. ഒരാളുടെ പക്കല്‍ മാംസം മുറിക്കാനുപയോഗിക്കുന്ന മൂര്‍ച്ചയേറിയ കത്തിയും മറ്റൊരാളുടെ പക്കല്‍ ചുറ്റിക പോലുള്ള വസ്തുവുമാണ് ഉണ്ടായിരുന്നത്. സംഘത്തിലൊരാള്‍ ആദ്യം സെക്യൂരിറ്റി ജീവനക്കാരനെ ഭീഷണിപ്പെടുത്തുന്നതും ആക്രമിക്കാന്‍ ശ്രമിക്കുന്നതും ദൃശ്യങ്ങളില്‍ കാണാം. അതേ സമയം മറ്റൊരാള്‍ കൗണ്ടറിലേക്ക് ചെന്ന് പണം സൂക്ഷിച്ചിരിക്കുന്ന പെട്ടി കൈക്കലാക്കാന്‍ ശ്രമിച്ചു.

വിവരമറിഞ്ഞ് ഉടന്‍ സ്ഥലത്തെത്തിയ പൊലീസ് അക്രമിയെ അറസ്റ്റ് ചെയ്തു. പുറത്തേക്ക് ഓടി രക്ഷപെട്ട രണ്ടാമനെ പിന്തുടര്‍ന്ന പൊലീസ് അഞ്ച് മിനിറ്റിനുള്ളില്‍ ഇയാളെയും പിടികൂടി. പരിക്കേറ്റ ജീവനക്കാര്‍ക്ക് ഉടന്‍ ചികിത്സ ലഭ്യമാക്കിയെന്നും ഷാര്‍ജ പൊലീസ് ഓപ്പറേഷന്‍സ് ഡയറക്ടര്‍ ബ്രിഗേഡിയര്‍ മുഹമ്മദ് റാഷിദ് ബയാത് അറിയിച്ചു. അറസ്റ്റിലായ പ്രതികള്‍ കുറ്റം സമ്മതിച്ചിട്ടുണ്ടെന്നും ഇവരെ കൂടുതല്‍ അന്വേഷണങ്ങള്‍ക്കായി പ്രത്യേക പൊലീസ് സ്റ്റേഷനിലേക്ക് മാറ്റിയെന്നും പൊലീസ് അറിയിച്ചു.

The post ഷാര്‍ജയിലെ ലുലു ഹൈപ്പര്‍മാര്‍ക്കറ്റില്‍ കൊള്ളയടിക്കാനെത്തിയ സംഘത്തെ പൊലീസ് കീഴ്പ്പെടുത്തുന്നതിന്റെ വിഡിയോ ദൃശ്യങ്ങൾ appeared first on Valanchery Online.

വളാഞ്ചേരിയിൽ വീടു കയറി മോഷണം; സ്വർണ്ണാഭരണം അപഹരിച്ചു

വളാഞ്ചേരിക്കാരൻ — Wed, 31 Oct 2018 00:14:11 +0000

വളാഞ്ചേരി: നഗരസഭയിലെ പാണ്ടികശാലയിൽ ഇന്നലെ വീടു കയറി മോഷണം. പാണ്ടികശാലയിൽ താമസിക്കുന്ന കുന്നത്ത് തട്ടാരപള്ളിയാലിൽ റഷീദിന്റെ വീട്ടിലാണ് മോഷണമുണ്ടായത്. വീടിന്റെ പിൻവശത്തെ വാതിൽ വഴി അകത്ത് കടന്ന മോഷ്ടാവ് 2 പവനോളം വരുന്ന സ്വർണ്ണാഭരണം അപഹരിച്ചു. വളാഞ്ചേരി പോലീസ് സ്ഥലത്തെത്തി അന്വേഷണം ആരംഭിച്ചു.

The post വളാഞ്ചേരിയിൽ വീടു കയറി മോഷണം; സ്വർണ്ണാഭരണം അപഹരിച്ചു appeared first on Valanchery Online.

പെരിന്തൽമണ്ണയിൽ യുവാവിനെ തട്ടിക്കൊണ്ടുപോയി മർദ്ദിച്ച് നഗ്നനാക്കി ഫോട്ടോയെടുത്ത് ബ്ലാക് മെയിൽ ചെയ്ത് മൊബൈൽ ഫോണും പണവും കവർച്ച ചെയ്ത നാലംഗ സംഘത്തെ പിടികൂടി

വളാഞ്ചേരിക്കാരൻ — Thu, 28 Jun 2018 16:15:39 +0000

പെരിന്തൽമണ്ണ : പെരിന്തൽമണ്ണയിൽ യുവാവിനെ തട്ടിക്കൊണ്ടുപോയി മർദ്ദിച്ച് നഗ്നനാക്കി ഫോട്ടോയെടുത്ത് സമൂഹമാധ്യമങ്ങളിൽ ഫോട്ടോ പ്രചരിപ്പിക്കുമെന്ന് പറഞ്ഞ് ഭീഷണിപ്പെടുത്തി മൊബൈൽ ഫോണും പണവും കവർച്ച ചെയ്ത നാലംഗ സംഘത്തെ പെരിന്തൽമണ്ണയിൽ ഡി.വൈ.എസ്.പി എം.പി മോഹനചന്ദ്രൻറെ നേതൃത്വത്തിൽ സി.ഐ ടിഎസ് ബിനുവും ടൌൺ ഷാഡോ പോലീസ് സംഘവും അറസ്റ്റ് ചെയ്തു. നിരവധി മോഷണക്കേസുകളിൽ പ്രതിയായി ജാമ്യത്തിലിറങ്ങിയ പട്ടിക്കാട് കീഴാറ്റൂർ സ്വദേശി ഓടുപറമ്പൻ അജ്മൽ, ശിവേഷ് എന്ന കണ്ണൻ, യൂസഫ്, ഷഹബാസ് എന്നിവരടങ്ങുന്ന നാലംഗ സംഘമാണ് രണ്ട് ബൈക്കുകളിലായി ഇരുമ്പ് പൈപ്പുൾപ്പടെയുള്ള മാരകായുധങ്ങളുമായി വന്ന് പെരിന്തൽമണ്ണയിൽ വച്ച് കഴിഞ്ഞ ദിവസം രാത്രി 12 മണിയോടെ കാറിൽ തുവ്വൂരുള്ള തന്റെ വീട്ടിലേക്ക് പോകുകയായിരുന്ന പരാതിക്കാരനെ പെരിന്തൽമണ്ണ ബൈപ്പാസ് റോഡിൽ വച്ച് ബൈക്കുകൾ കാറിന് കുറുകെയിട്ട് കാറിൽ നിന്നും വലിച്ചിറക്കി മർദ്ദിച്ച് ടൗണിലെ ആളൊഴിഞ്ഞ സ്ഥലത്ത് കൊണ്ടുപോയി നഗ്നനാക്കി വീഡിയോ യെടുത്ത് മൊബൈൽ ഫോണും പണവും കവർച്ച ചെയ്ത ശേഷം ടൗണിൽ ഇറക്കി വിട്ടത് തുടർന്ന്.

ബാക്കി പതിനായിരം രൂപ കൂടി തന്നില്ലെങ്കിൽ വീഡിയോ സമൂഹമാധ്യമങ്ങളിൽ പ്രചരിപ്പിക്കുമെന്നും പറഞ്ഞ് ഭീഷണിപ്പെടുത്തുകയും ചെയ്തു തുടർന്ന് യുവാവ് പെരിന്തൽമണ്ണ പോലീസ് സ്റ്റേഷനിൽ പരാതി നൽകിയതു പ്രകാരം കേസ് രജിസ്റ്റർ ചെയ്ത് പെരിന്തൽമണ്ണ ഡി.വൈ.എസ്.പി എം.പി മോഹനചന്ദ്രന്റെ നേതൃത്വത്തിൽ സി.ഐ ടിഎസ് ബിനുവും സംഘവും പരാതി ലഭിച്ച് മണിക്കൂറുകൾക്കുള്ളിൽ സി.സി.ടി.വി ദൃശ്യങ്ങളുടേയും മറ്റും സഹായത്താൽ പ്രതികളെ തിരിച്ചറിഞ്ഞ് പിടികൂടുകയായിരുന്നു. സി.ഐ ടിഎസ് ബിനു, ടൗൺ ഷാഡോ പോലീസ് ടീമിലെ സി.പി മുരളീധരൻ , എൻ.ടി കൃഷ്ണകുമാർ, എം മനോജ് കുമാർ, ദിനേഷ്, ജയൻ, ബിപിൻ, അനീഷ്, എന്നിവരടങ്ങുന്ന സംഘമാണ് പ്രതികളെ അറസ്റ്റ് ചെയ്തത്.

The post പെരിന്തൽമണ്ണയിൽ യുവാവിനെ തട്ടിക്കൊണ്ടുപോയി മർദ്ദിച്ച് നഗ്നനാക്കി ഫോട്ടോയെടുത്ത് ബ്ലാക് മെയിൽ ചെയ്ത് മൊബൈൽ ഫോണും പണവും കവർച്ച ചെയ്ത നാലംഗ സംഘത്തെ പിടികൂടി appeared first on Valanchery Online.

കല്പകഞ്ചേരിയിൽ പ്ലസ് വൺ വിദ്യാർഥിനിയുടെ വള ഊരിയെടുക്കാന്‍ ശ്രമിച്ച 15കാരന്‍ പിടിയില്‍

വളാഞ്ചേരിക്കാരൻ — Sat, 21 Dec 2013 03:06:23 +0000

പ്ലസ്‌വണ്‍ വിദ്യാര്‍ഥിനിയുടെ വള ബൈക്കിലെത്തി ഊരാന്‍ ശ്രമിച്ച 15 കാരന്‍ പോലീസ് പിടിയിലായി. കഴിഞ്ഞദിവസം ഇരിങ്ങാവൂര്‍ മണ്ടകത്തുംപടിയിലാണ് സംഭവം. ക്ലാസ് കഴിഞ്ഞ് വരികയായിരുന്ന പെണ്‍കുട്ടിയുടെ കൈയിലെ സ്വര്‍ണവള ഊരിയെടുക്കാനാണ് ബൈക്കിലെത്തിയ 15 വയസ്സുകാരന്‍ ശ്രമിച്ചത്. പെണ്‍കുട്ടിയുടെ രക്ഷിതാക്കളുടെ പരാതിയിലാണ് കല്പകഞ്ചേരി പോലീസ് കേസെടുത്തത്.

Summary: A teenager tried to rob the bangles of a plus one student caught by Kalpakanchery police

The post കല്പകഞ്ചേരിയിൽ പ്ലസ് വൺ വിദ്യാർഥിനിയുടെ വള ഊരിയെടുക്കാന്‍ ശ്രമിച്ച 15കാരന്‍ പിടിയില്‍ appeared first on Valanchery Online.

വളാഞ്ചേരിയിൽ രാത്രി സുരക്ഷാ സംവിധാനം നിലവിൽ വരുന്നു

വളാഞ്ചേരിക്കാരൻ — Fri, 01 Nov 2013 15:39:19 +0000

വർധിച്ചു വരുന്ന മോഷണങ്ങൾക്ക് തടയിടാനായി വ്യാപാരി വ്യവസായി ഏകോപന സമിതി വളാഞ്ചേരി യൂണിറ്റ് പട്ടണത്തിൽ രാത്രികാല സുരക്ഷാ സംവിധാനം തുടങ്ങുന്നു.
വളാഞ്ചേരി പോലീസിന്റെ സഹകരണത്തോടെയാണ് പദ്ധതി നടപ്പാക്കുന്നതെന്ന് സമിതി നേതാക്കൾ പത്രസമ്മേളനത്തിൽ പറഞ്ഞു രാത്രി ഒമ്പതു മുതൽ പുലർച്ചെ അംചു വരെ പത്ത് പേരടങ്ങുന്ന സുരക്ഷാജീവനക്കാർ പട്ടണത്തിലും പരിസര പ്രദേശങ്ങളിലും റോന്ത് ചുറ്റും.

ഇവരെ സഹായിക്കാനായി വളാഞ്ചേരി പോലീസും ഡ്യൂട്ടിയിലുണ്ടാവും. സാമൂഹിക വിരുദ്ധർ, നാടോടികൾ, മോഷ്ടാക്കൾ എന്നിവരുടെ പ്രവർത്തനങ്ങൾക്ക് തടയിടാനായി ആരംഭിക്കുന്ന സുരക്ഷാ സംവിധാനത്തിന്റെ ഉദ്‌ഘാടനം ഇന്ന് വൈകീട്ട് ഏഴിന് വളാഞ്ചേരി വ്യാപാര‌ഭവൻ ഓഫീസിൽ തിരൂർ ഡി.വൈ.എസ്.പി എം സൈതാലി നിർവഹിക്കും.
വ്യാപാരി വ്യവസായി ഏകോപന സമിതി യൂണിറ്റ് പ്രസിഡന്റ് ടി എം പത്മകുമാർ, ജയകൃഷ്ണൻ, കെ മുഹമ്മദാലി, പറശ്ശേരി അസ്സൈനാർ, എ വി വേണു, സലീം എന്ന മണി എന്നിവർ പത്രസമ്മേളനത്തിൽ പങ്കെടുത്തു.

Summary: Valanchery town is going to be guarded by security officers at night

The post വളാഞ്ചേരിയിൽ രാത്രി സുരക്ഷാ സംവിധാനം നിലവിൽ വരുന്നു appeared first on Valanchery Online.

വളാഞ്ചേരിയിൽ ഇലക്ട്രോണിക് ഉപകരണങ്ങൾ മോഷ്ടിക്കുന്ന യുവാവിനെ പിടികൂടി

വളാഞ്ചേരിക്കാരൻ — Wed, 07 Aug 2013 14:33:08 +0000

ഇലക്ട്രോണിക് ഉപകരണങ്ങൾ മാത്രം മോഷണം നടത്തി ആഡംബര ജീവിതം നയിച്ചുവരികയായിരുന്ന യുവാവിനെ വളാഞ്ചേരിയിൽ പിടികൂടി. വളാഞ്ചേരി വടക്കും‌മ്പുറം സികെ പാറയിലെ പൊറ്റയിൽ മുഹമ്മദ് ഷെരീഫ്(28) ആണ് വളാഞ്ചേരി സി‌ഐ എ എം സിദ്ധീഖിന്റെയും സംഘത്തിന്റെയും പിടിയിലായത്.കമ്പ്യൂട്ടർ, ടെലിവിഷൻ, സ്റ്റെബിലൈസർ,സിസിടിവി ക്യാമറ തുടങ്ങിയവ മാത്രം മോഷണം നടത്തി വില്പന നടത്തുകയായിരുന്നു ഇയാളുടെ രീതി.

നൈറ്റ്‌പട്രോളിങ്ങിനിടെ ചൊവ്വാഴ്ച വളാഞ്ചേരി ടൌണിൽ ട്രോളി ബാഗുമായി സംശയാസ്പദമായ സാഹചര്യത്തിൽ നിൽക്കുകയായിരുന്ന ഷെരീഫിനെ ചോദ്യം ചെയ്ത് ബാഗ് പരിശോധിച്ചപ്പോളാണ് ഇലൿടോണിക് ഉപകരണങ്ങൾ കണ്ടെത്തിയത്.ഇവ തിരുവനന്തപുരം തമ്പാനൂരിലെ ഒരു ഹോട്ടലിൽ നിന്നും മോഷ്ടിച്ചതീണെന്ന് ഇയാൾ പറഞ്ഞു. ഹോട്ടലുടമ തമ്പാനൂർ സ്റ്റേഷനിൽ നൽകിയ പരാതിയിൻ‌മേലാണ് അറസ്റ്റ്.

എടയൂർ പി‌എച്‌സി യിൽ നിന്നും 2011 ഡിസംബർ 11ന് ടിവിയും കം‌മ്പ്യൂട്ടറുമടങ്ങുന്ന 62,000 രൂപയുടെ വസ്തുക്കൾ മോഷ്ടിച്ചതുമടക്കം നിരവതി മോഷണങ്ങൾക്കു ഇതോടെ തുമ്പുണ്ടായി.എന്നാൽ പല തും കേസ് രജിസ്റ്റർ ചെയ്തിട്ടുണ്ടായിരുന്നില്ല.
എസ്‌ഐ എൻ സി മോഹനൻ, എ‌എസ്‌ഐ വാസുദേവൻ, സീനിയർ സി‌പി‌ഒ ഇക്ബാൽ, സി‌പി‌ഒ മാരായ ജയപ്രകാശ്, സുധീർ എന്നിവരടങ്ങുന്ന സംഘമാണ് അറസ്റ്റ് ചെയ്തത്. പ്രതിയെ തിരൂർ കോടതിയിൽ ഹാജരാക്കി.

Summary: HiTec robber caught at valanchery

The post വളാഞ്ചേരിയിൽ ഇലക്ട്രോണിക് ഉപകരണങ്ങൾ മോഷ്ടിക്കുന്ന യുവാവിനെ പിടികൂടി appeared first on Valanchery Online.

Theft in Kuttippuram Govt School: Steel pipes from toilet stolen

വളാഞ്ചേരിക്കാരൻ — Tue, 01 Jan 2013 00:00:46 +0000

ഗവ. സ്‌കൂളിലെ മൂത്രപ്പുരയില്‍നിന്ന് ടാപ്പുകള്‍ മോഷണംപോയി. ക്രിസ്മസ് അവധിക്കുശേഷം തിങ്കളാഴ്ച സ്‌കൂള്‍ തുറന്നപ്പോഴാണ് ഹയര്‍സെക്കന്‍ഡറി ബ്ലോക്കിന്റെ മൂത്രപ്പുരയില്‍നിന്ന് പതിനാറോളം സ്റ്റീല്‍നിര്‍മിത ടാപ്പുകള്‍ മോഷണംപോയത് ശ്രദ്ധയില്‍പ്പെട്ടത്.

എല്ലാ ടാപ്പുകളും ഊരിയെടുത്ത നിലയിലായിരുന്നു. രാത്രിയായാല്‍ സ്‌കൂളില്‍ സമൂഹവിരുദ്ധരുടെ അഴിഞ്ഞാട്ടമാണ്. സ്‌കൂള്‍ അധികൃതര്‍ കുറ്റിപ്പുറം പോലീസില്‍ പരാതി നല്‍കിയിട്ടുണ്ട്.

Summary: Steel pipes were reported to be stolen from Kuttippuram Govt School

The post Theft in Kuttippuram Govt School: Steel pipes from toilet stolen appeared first on Valanchery Online.