road show Archives - Valanchery Online

നഗരസഭയിലേക്ക് വിജയിച്ച അംഗങ്ങളുമായി വളാഞ്ചേരിയിൽ റോഡ്‌ഷോ സംഘടിപ്പിച്ച് യു.ഡി.എഫ്

വളാഞ്ചേരിക്കാരൻ — Tue, 16 Dec 2025 00:59:06 +0000

വളാഞ്ചേരി : തദ്ദേശസ്ഥാപനങ്ങളിൽ ഉജ്ജ്വലവിജയം നേടിയതിൽ ആഹ്ലാദംപ്രകടിപ്പിച്ച് വളാഞ്ചേരി മുനിസിപ്പൽ യുഡിഎഫ് കമ്മിറ്റിയുടെ നേതൃത്വത്തിൽ നഗരത്തിൽ റോഡ്‌ഷോ സംഘടിപ്പിച്ചു.34 അംഗ നഗരസഭയിൽ 27 ഡിവിഷനുകളിൽനിന്നു വിജയിച്ച യുഡിഎഫ് അംഗങ്ങളെ അണിനിരത്തി കൊട്ടാരം ആലിൻചുവടിൽനിന്നാണ് റോഡ്‌ഷോ തുടങ്ങിയത്. നഗരംചുറ്റിയശേഷം കോഴിക്കോട് റോഡിൽ മീമ്പാറയിൽ സമാപിച്ചു. ഡിജെ, കരിമരുന്നുപ്രയോഗം, വാദ്യമേളങ്ങൾ എന്നിവയുെട അകമ്പടിയോടെയായിരുന്നു റോഡ്‌ഷോ.

മുസ്‍ലിംലീഗ് ജില്ലാസെക്രട്ടറി കെ.എം. ഗഫൂർ, കോട്ടയ്ക്കൽ നിയോജകമണ്ഡലം യുഡിഎഫ് കൺവീനർ സലാം വളാഞ്ചേരി, യുഡിഎഫ് നേതാക്കളായ അഷറഫ് അമ്പലത്തിങ്ങൽ, പി. രാജൻ നായർ, ടി.കെ. ആബിദലി, മുഹമ്മദലി നീറ്റുകാട്ടിൽ, മൂർക്കത്ത് മുസ്തഫ, കെ. മുസ്തഫ, പി.പി. ഹമീദ് തുടങ്ങിയവർ നേതൃത്വംനൽകി.

The post നഗരസഭയിലേക്ക് വിജയിച്ച അംഗങ്ങളുമായി വളാഞ്ചേരിയിൽ റോഡ്‌ഷോ സംഘടിപ്പിച്ച് യു.ഡി.എഫ് appeared first on Valanchery Online.

ആയിരക്കണക്കിന് വാഹനങ്ങളുടെ അകമ്പടിയോടെ റോഡ് ഷോ; കോട്ടക്കൽ മണ്ഡലത്തിലെ ശക്തി തെളിയിച്ച് യു.ഡി.എഫ്

വളാഞ്ചേരിക്കാരൻ — Sat, 03 Apr 2021 07:42:57 +0000

കോട്ടക്കൽ: നാടും നഗരവും ഇളക്കിമറിച്ച് ആയിരക്കണക്കിന് വാഹനങ്ങളുടെ അകമ്പടിയോടെ കാവുംപുറത്ത് നിന്ന് കൊടുമുടിയിലേക്ക് റോഡ് ഷോ സംഘടിപ്പിച്ചു. നിരവധി വാഹനങ്ങൾ അണിനിരന്ന റോഡ് ഷോ അണികളിൽ ആവേശം തീർത്തു. മുനവറലി ശിഹാബ് തങ്ങൾ, പി.ടി അജയ് മോഹൻ, പ്രൊഫ: ആബിദ് ഹുസൈൻ തങ്ങൾ എന്നിവരുടെ നേതൃത്വത്തിലായിരുന്നു യു.ഡി.എഫിൻ്റെ ബൈക്ക് റാലി നടന്നത്.

The post ആയിരക്കണക്കിന് വാഹനങ്ങളുടെ അകമ്പടിയോടെ റോഡ് ഷോ; കോട്ടക്കൽ മണ്ഡലത്തിലെ ശക്തി തെളിയിച്ച് യു.ഡി.എഫ് appeared first on Valanchery Online.

പരാജയഭീതിയില്‍ ഇടതുപക്ഷം അക്രമം അഴിച്ചുവിടുന്നു: ആബിദ് ഹുസൈന്‍ തങ്ങള്‍

വളാഞ്ചേരിക്കാരൻ — Sun, 21 Apr 2019 14:43:19 +0000

ഇടതുപക്ഷം പൊന്നാനി മണ്ഡലത്തില്‍ പരാജയ ഭീതിയില്‍ അക്രമം അഴിച്ചു വിടുകയാണെ് മുസ്ലിം ലീഗ് സംസ്ഥാന സെക്രട്ടറിയും പൊന്നാനി മണ്ഡലം യു. ഡി. എഫ് കവീനറുമായ പ്രഫ. ആബിദ് ഹുസൈന്‍ തങ്ങള്‍ എം എല്‍. എ പറഞ്ഞു. താനൂരില്‍ കഴിഞ്ഞ ദിവസം പരിസ്ഥിതി പ്രവര്‍ത്തകരെ പോലും സി പി എം അക്രമിക്കുകയുണ്ടായി. വനങ്ങളും, പുഴയും കൈയേറുന്ന മാഫിയകള്‍ക്കൊപ്പമാണ് ഇടതുപക്ഷം എന്നാണ് താനൂരില്‍ നടന്ന പരിസ്ഥിതി പ്രവര്‍ത്തകര്‍ക്കെതിരായ അക്രമത്തിലൂടെ ഇടതുപക്ഷം തെളിയിക്കുന്നത്.

ഭൂപരിഷ്‌കരണ നിയമം കൊണ്ടു വന്നവരുടെ പിന്മുറക്കാര്‍ ഭൂമികൈയേറ്റക്കാരുടെ സംരക്ഷകരായി അധപതിച്ച കാഴ്ചയാണ് പൊന്നാനിയില്‍ ഉള്ളത്. കായലും, തീരവും കൈയേറാമെന്ന് വിചാരിച്ച് ഒരു മാഫിയയും പൊന്നാനിയില്‍ കണ്ണ് വെക്കേണ്ടതില്ല. റിയല്‍ എസ്റ്റേറ്റ് മാഫിയകളെ പൊന്നാനിയിലെ ജനങ്ങള്‍ തോല്പിക്കും. ഒരു ലക്ഷം വോട്ടിന് ഇ. ടി മുഹമ്മദ് ബഷീര്‍ പൊന്നാനി മണ്ഡലത്തില്‍ നിന്ന് വിജയിക്കും. താനൂര്‍ നിയമസഭാ മണ്ഡലത്തില്‍ നിന്ന് യു. ഡി. എഫ് പതിനായിരം വോട്ടിന്റെ ലീഡ് നേടും. തവനൂരിലും, പൊന്നാനിയിലും ഇടതുവോട്ടുകള്‍ വലിയ തോതില്‍ യു. ഡി എഫിന് അനുകൂലമാവും. എം എല്‍ എമാരുടെ പ്രവര്‍ത്തന മികവ് കൂടി ഈ തെരഞ്ഞെടുപ്പില്‍ സഹായകമാകും.

പൊന്നാനിയില്‍ തോറ്റാല്‍ പൊതുപ്രവര്‍ത്തനം അവസാനിപ്പിക്കുമെന്ന ഇടതു സ്ഥാനാര്‍ഥിയുടെ പ്രഖ്യാപനം സ്വാഗതാര്‍ഹമാണ്. പൊന്നാനിയിലെ ഇടത് സ്ഥാനാര്‍ഥിയുടെ ട്രാക്ക് റെക്കോര്‍ഡ് ഇതിനകം വ്യക്തമായിരിക്കുകയാണ്. ഇത്തരത്തിലുള്ള പൊതുപ്രവര്‍ത്തനമാണ് ഇടത് സ്ഥാനാര്‍ഥി നടത്തുന്നതെങ്കില്‍ അത് നിര്‍ത്തുന്നത് തന്നെയാണ് പൊതുസമൂഹത്തിന് നല്ലത്. പൊന്നാനി പാര്‍ലമെന്റ് മണ്ഡലത്തില്‍ ബി ജെ പി വോട്ടുകള്‍ വേണ്ടെന്ന് പറയാന്‍ സി പി എം ധൈര്യം കാണിക്കണം. ബി ജെ പിയുമായി വോട്ട കച്ചവടം നടത്താനാണ് ഇടതുപക്ഷം ശ്രമിക്കുന്നത്. പൊന്നാനിയിലെ മതേതര വിശ്വാസികള്‍ അത്തരം അവിശുദ്ധ ബാന്ധവങ്ങളെ പരാജയപ്പെടുത്തുക തന്നെ ചെയ്യുമെന്നും ആബിദ് ഹുസൈന്‍ തങ്ങള്‍ പറഞ്ഞു.

The post പരാജയഭീതിയില്‍ ഇടതുപക്ഷം അക്രമം അഴിച്ചുവിടുന്നു: ആബിദ് ഹുസൈന്‍ തങ്ങള്‍ appeared first on Valanchery Online.

വി.പി. സാനുവിന്റെ റോഡ് ഷോ ഇന്ന് പെരിന്തൽമണ്ണയിൽ

വളാഞ്ചേരിക്കാരൻ — Sat, 20 Apr 2019 02:31:49 +0000

പെരിന്തൽമണ്ണ: മലപ്പുറം പാർലമെന്റ് മണ്ഡലം എൽ.ഡി.എഫ്. സ്ഥാനാർഥി വി.പി. സാനുവിന്റെ തിരഞ്ഞെടുപ്പ് പ്രചാരണ റോഡ് ഷോ ശനിയാഴ്ച പെരിന്തൽമണ്ണ മണ്ഡലത്തിൽ നടക്കും. രാവിലെ ആറിന് മേലാറ്റൂരിൽ തുടങ്ങും.

വെട്ടത്തൂർ, ആലിപ്പറമ്പ്, താഴേക്കോട്, ഏലംകുളം, പുലാമന്തോൾ പഞ്ചായത്തുകളിലും പെരിന്തൽമണ്ണ നഗരസഭയിലും വിവിധ കേന്ദ്രങ്ങളിൽ റോഡ് ഷോ നടക്കും. രാവിലെ 11.20-ന് ചെമ്മലശ്ശേരിയിൽ സമാപിക്കും.

The post വി.പി. സാനുവിന്റെ റോഡ് ഷോ ഇന്ന് പെരിന്തൽമണ്ണയിൽ appeared first on Valanchery Online.

സൈബർ കോൺഗ്രസ് റോഡ് ഷോ സംഘടിപ്പിച്ചു

വളാഞ്ചേരിക്കാരൻ — Wed, 10 Apr 2019 01:53:58 +0000

മലപ്പുറം ,രാഹുൽ ഗാന്ധി മത്സരിക്കുന്ന വയനാട് മണ്ഡലങ്ങളുൾപ്പെടെ UDF സ്ഥാനാർത്ഥികളുടെ വിജയത്തിനായി ഇന്ദിരാ സൈബർ കോൺഗ്രസ് വിങ്ങ് (AICCW) മലപ്പുറം ജില്ലാ കമ്മിറ്റിയുടെ ആഭിമുഖ്യത്തിൽ പ്രസ്തുത മണ്ഡലങ്ങളിലൂടെ ശുഭസൂചനയാത്ര റോഡ് ഷോ സംഘടിപ്പിച്ചു – നിരവധി അലങ്കരിച്ച വാഹനങ്ങളാണ് റോഡ് ഷോയിൽ പങ്കെടുത്തത്.പ്രസ്തുത മണ്ഡലങ്ങളിലുള്ള വോട്ടർമാരുമായി സംവദിച്ചും പ്രചരണ നോട്ടീസുകൾ വിതരണം ചെയ്തും മണ്ഡലങ്ങളിലെ പ്രധാന കവലകളിലെല്ലാം പ്രകടനങ്ങളും പൊതുയോഗങ്ങളും സംഘടിപ്പിച്ചാണ് സൈബർ കോൺഗ്രസ് റോഡ് ഷോ സംഘടിപ്പിച്ചത്‌. വളാഞ്ചേരിയിൽ നിന്നും ജാഥാ ക്യാപ്റ്റൻ സക്കീറിന് മുൻ കെ.പി .സി.സി.മെമ്പർ പി. കൃഷ്ണൻ നായർ മാസ്റ്റർ പതാക കൈമാറി ഉൽഘാടനം ചെയ്തു.

പറശ്ശേരി അസൈനാർ, കെ.ടി.സിദ്ദീഖ്, സലാം ഹാജി എന്നിവർ പ്രസംഗിച്ചു. ശേഷംജാഥ മണ്ഡലങ്ങളിലെ വിവിധ കേന്ദ്രങ്ങളിലെ സ്വീകരണ പരിപാടികൾക്ക് ശേഷം വയനാട് ജില്ലയിലെ പനമരത്ത് വമ്പിച്ച പ്രകടനത്തോടെയും പൊതുയോഗത്തോടെയും സമാപിച്ചു. സമാപന സ്വീകരണ പൊതുയോഗം AICCW സംസ്ഥാന പ്രസിഡൻറ് സി.എം.രാജേന്ദ്രൻ ഉൽഘാടനം ചെയ്തു.സംഘടനയുടെ സംസ്ഥാന ഭാരവാഹികളായ ഷാജി തിരുവനന്തപുരം , റിയാസ് തിരുവനന്തപുരം, ഗുരുജി കൃഷ്ണ കോഴിക്കോട്, അഫ്സൽ തിരുവനന്തപുരം, ജോബി ആലപ്പുഴ, ഷാജി കോഴിക്കോട്, അലി അലുക്കാസ് പനമരം, മുബാറക്ക് വളാഞ്ചേരി ,മലപ്പുറം ജില്ലാ ഭാരവാഹികളായ ബാവ കാളിയത്ത്, സക്കീർ ആതവനാട്, അലി നടക്കാവിൽ, പനമരംമുസ്ലീം ലീഗ് നേതാക്കളായ സുബൈർ കെ ,സുലൈമാൻ എന്നിവർ പ്രസംഗിച്ചു.സമദ് K, അയ്യൂബ് മേൽപത്തൂർ ,ഹനീഫ പരപ്പാറ, നിസാർ പുത്തനത്താണി, അഷ്റഫ് ചുങ്കം ,സലാം ചന്ദനക്കാവ് ,അലി പുത്തനത്താണി, അവറാൻ ഹാജി എന്നിവർ പനമരത്ത് സമാപന പ്രകടനത്തിന് നേതൃത്വം നൽകി.

The post സൈബർ കോൺഗ്രസ് റോഡ് ഷോ സംഘടിപ്പിച്ചു appeared first on Valanchery Online.

തീരദേശത്ത് ആവേശമായി ഇ.ടിയുടെ റോഡ് ഷോ

വളാഞ്ചേരിക്കാരൻ — Sat, 30 Mar 2019 02:29:15 +0000

കോട്ടക്കല്‍: പൊന്നാനി പാര്‍ലമെന്റ് മണ്ഡലം യു ഡി എഫ് സ്ഥാനാര്‍ഥി ഇ. ടി മുഹമ്മദ് ബഷീര്‍ തീരദേശത്ത് റോഡ് ഷോ നടത്തി. തിരൂര്‍ ആലിന്‍ചുവട്ടില്‍ നിന്ന് ആരംഭിച്ച റോഡ് ഷോ അഴിമുഖം ചുറ്റി കൂട്ടായി ടൗണില്‍ സമാപിച്ചു.

നൂറുകണക്കിന് പ്രവര്‍ത്തകരുടെ അകമ്പടിയോടെ വര്‍ണ്ണപ്പകിട്ടാര്‍ന്ന റോഡ്‌ഷോ കൂട്ടായിയെ ഇളക്കി മറിച്ചു. പറവണ്ണ തീരദേശ മേഖലയിലൂടെ സഞ്ചരിച്ചാണ് കൂട്ടായിയില്‍ എത്തിയത്.

എം എല്‍ എമാരായ സി മമ്മുട്ടി, അഡ്വ. എന്‍ ശംസുദ്ദീന്‍, യു ഡി എഫ് നേതാക്കളായ എം അബ്ദുള്ളക്കുട്ടി, വെട്ടം ആലിക്കോയ, അഡ്വ. നസറുളള, വി പി മുഹമ്മദലി തുടങ്ങിയ നേതാക്കള്‍ ഇ. ടിയെ അനുഗമിച്ചു.

The post തീരദേശത്ത് ആവേശമായി ഇ.ടിയുടെ റോഡ് ഷോ appeared first on Valanchery Online.

അൻവർ ഇന്ന‌് തൃത്താല മണ്ഡലത്തിൽ

വളാഞ്ചേരിക്കാരൻ — Sat, 23 Mar 2019 02:23:43 +0000

പൊന്നാനി ലോക്‌സഭാ മണ്ഡലം എൽഡിഎഫ് സ്ഥാനാർഥി പി വി അൻവറിന്റെ ശനിയാഴ‌്ചത്തെ പര്യടനം: പകൽ 3 പരുതൂർ, 3.20 കൊടിക്കുന്ന്, 3.40 തൃത്താല, 4 ഞാങ്ങാട്ടിരി, 4.20 ആറങ്ങോട്ടുകര, 4.40 കറുകപുത്തൂർ, 5 വാവനൂർ, 5.20 പെരിങ്ങോട്, 5.40 ചാലിശേരി, 6 തണ്ണീർകോട്‌ എച്ച്സി, 6.20 കാഞ്ഞിരത്താണി, 6.40 കുമരനെല്ലൂർ, 7 ആനക്കര, 7.20 കൂടല്ലൂർ, 7.40 ആലൂർ, 8 കക്കാട്ടിരി.

The post അൻവർ ഇന്ന‌് തൃത്താല മണ്ഡലത്തിൽ appeared first on Valanchery Online.