remove Archives - Valanchery Online

തിരുനാവായയിൽ കെ റെയിൽ കുറ്റികൾ മാറ്റാനുള്ള ശ്രമം നാട്ടുകാർ തടഞ്ഞു

വളാഞ്ചേരിക്കാരൻ — Mon, 20 Jun 2022 10:44:39 +0000

തിരുനാവായ: തിരുനാവായയില്‍ കെ റെയില്‍ കുറ്റികള്‍ ഇറക്കാനുള്ള ശ്രമം തടഞ്ഞ് നാട്ടുകാര്‍. തൊഴിലാളികള്‍ വാഹനത്തില്‍ നിന്നും ഇറക്കിയ കുറ്റികള്‍ തിരിച്ചു വാഹനത്തില്‍ തന്നെ കയറ്റി. എന്നാല്‍ സൂക്ഷിക്കാന്‍ വേണ്ടിയാണ് കെ റെയില്‍ കുറ്റികള്‍ കൊണ്ടുവെക്കുന്നതെന്നായിരുന്നു തൊഴിലാളികളുടെ പ്രതികരണം. ഇത് കേള്‍ക്കാന്‍ നാട്ടുകാര്‍ കൂട്ടായില്ല. സ്വകാര്യവ്യക്തിയുടെ സ്ഥലത്തായിരുന്നു നേരത്തെ കുറ്റികള്‍ സൂക്ഷിച്ചിരുന്നത്. ഇത് റെയില്‍വേയുടെ അധീനതയിലുള്ള സ്ഥലത്തേക്ക് മാറ്റാനായിരുന്നു ശ്രമം. എന്നാല്‍ ഇത് നാട്ടുകാര്‍ തടയുകയായിരുന്നു. ഇത്തരത്തില്‍ വാഹനത്തില്‍ നിന്നും പുറത്തിറക്കിയ നൂറോളം കുറ്റികളാണ് തിരിച്ചുവാഹനത്തില്‍ കയറ്റിയത്.

അതേസമയം കുറ്റികള്‍ റോഡ്‌സ് ആന്റ് ബ്രിഡ്ജസ് കോര്‍പ്പറേഷന്റെ സ്ഥലത്തേക്ക് മാറ്റാനായിരുന്നു ശ്രമമെന്ന് കെ റെയില്‍ ഉദ്യോഗസ്ഥര്‍ വിശദീകരണം നല്‍കി. ഇതിനായി അനുമതി വാങ്ങിയിരുന്നുവെന്നും ഉദ്യോഗസ്ഥര്‍ പറയുന്നു. പൊതുസ്ഥലമായതിനാല്‍ ഇവിടെ കുറ്റികള്‍ ഇറക്കുന്നതില്‍ തടസ്സമില്ല. ഒടുവില്‍ നാട്ടുകാര്‍ തടഞ്ഞതിനാല്‍ കുറ്റികള്‍ നേരത്തെ വെച്ച സ്ഥലത്തേക്ക് തന്നെ മാറ്റി. കുറ്റികള്‍ എവിടെ സൂക്ഷിക്കുമെന്ന് ചര്‍ച്ച ചെയ്ത് തീരുമാനിക്കാനാണ് നീക്കം.

The post തിരുനാവായയിൽ കെ റെയിൽ കുറ്റികൾ മാറ്റാനുള്ള ശ്രമം നാട്ടുകാർ തടഞ്ഞു appeared first on Valanchery Online.

വീടിനോട് ചേർന്ന് നിലനിന്ന മാരക വിഷമുള്ള കടന്നൽ കൂട് നീക്കം ചെയ്ത് കെ.ഇ.ടി വളണ്ടിയർമാർ

വളാഞ്ചേരിക്കാരൻ — Mon, 23 Aug 2021 10:28:54 +0000

എ ആർ നഗർ: കുളപ്പുറത്തെ വീടിനോട്‌ ചേർന്ന് മരത്തിൽ കൂടുകൂട്ടിയ മാരക വിഷമുള്ള കുമ്മായക്കടന്നൽ കൂട്‌ കെ ഇ ടി എമർജ്ജെൻസി ടീം പ്രവർത്തകർ നീക്കം ചെയ്തു, കഴിഞ്ഞ ദിവസം വീട്ടിലെ ഉമ്മക്ക്‌ കടന്നൽ കുത്തേൽക്കുകയും, ആശുപത്രിയിലെത്തിക്കുകയും ചെയ്തിരുന്നു. ഈ അടിസ്ഥാനത്തിലാണു കടന്നൽ കൂട്‌ നീക്കംചെയ്യാൻ കുടുംബം കെ ഇ ടിയെ ബന്ധപ്പെട്ടത്‌, കെ ഇ ടി സംസ്ഥാന സെക്രട്ടറി ഹക്മൽ പൊന്മളയുടെ നേതൃത്വത്തിൽ സംസ്ഥാന പി ആർ ഓ അൻസാർ ബുസ്താൻ, ജില്ലാ സെക്രട്ടറി ജുനൈദ്‌ പികെ, ജില്ലാ എക്സിക്യൂട്ടീവ്‌ അംഗം മുനീർ അക്കര, ഫിർദ്ദൗസ്‌ മൂപ്പൻ, റാഫി കരുമ്പിൽ, ഫൈസൽ കെപി, ഇസ്‌ ഹാഖ്‌, ഹർഷാദ്‌, ഷഫീഖ്‌ എന്നിവർ ചേന്ന് കടന്നൽ കൂട്‌ നീക്കം ചെയ്തു.

The post വീടിനോട് ചേർന്ന് നിലനിന്ന മാരക വിഷമുള്ള കടന്നൽ കൂട് നീക്കം ചെയ്ത് കെ.ഇ.ടി വളണ്ടിയർമാർ appeared first on Valanchery Online.

വളാഞ്ചേരി ഫയർ സ്റ്റേഷൻ: നിർദ്ദിഷ്ട്ട ഭൂമിയി നിന്നും വാഹനങ്ങൾ മാറ്റുന്ന ജോലിയാരംഭിച്ചു

വളാഞ്ചേരിക്കാരൻ — Thu, 20 Sep 2018 02:29:31 +0000

വളാഞ്ചേരി: വളാഞ്ചേരിയിൽ ഫയർ‌സ്റ്റേഷൻ നിർമിക്കുന്ന ഭൂമിയിൽനിന്ന് പോലീസ് പിടിച്ചെടുത്ത തൊണ്ടിവാഹനങ്ങൾ മാറ്റുന്ന ജോലിയാരംഭിച്ചു. കാട്ടിപ്പരുത്തി വില്ലേജിലെ റീ.സ 34/4 എ-ൽപ്പെട്ട 17 ആർ (42 സെന്റ്) റവന്യു പുറമ്പോക്ക് ഭൂമിയാണ് വളാഞ്ചേരി ഫയർ സ്റ്റേഷൻ നിർമ്മാണത്തിനായി അഗ്നി രക്ഷാ വകുപ്പിന് കൈമാറിയത്. ദേശീയപാതയിൽ വട്ടപ്പാറയിൽ പ്രവർത്തിച്ചിരുന്ന വളാഞ്ചേരി സർക്കിൾ ഇൻസ്പെക്ടറുടെ കാര്യാലയവും അതിന് ചുറ്റുമുള്ള നാല്പത്തിരണ്ട് സെന്റ് സ്ഥലവുമാണത്. അനധികൃത മണൽക്കടത്തും മറ്റുമായി പോലീസ് പിടിച്ചെടുത്ത തൊണ്ടിവാഹനങ്ങളാണ് റവന്യൂവകുപ്പിന്റെ നേതൃത്വത്തിൽ ചൊവ്വാഴ്ച മുതൽ മാറ്റിത്തുടങ്ങിയത്.

വാഹനങ്ങൾ മാറ്റുന്നതിനുള്ള നടപടികൾ വേഗത്തിലാക്കാൻ സ്ഥലം എം.എൽ.എ. ആബിദ് ഹുസൈൻ തങ്ങൾ ജില്ലാകളക്ടർ, തഹസിൽദാർ, ആർ.ഡി.ഒ. എന്നിവരുമായി നിരന്തരം ബന്ധപ്പെട്ടിരുന്നു. ജൂലൈ 20-ന് എം.എൽ.എയുടെ നേതൃത്വത്തിൽ ഉദ്യോഗസ്ഥരും ജനപ്രതിനിധികളും നിർദ്ദിഷ്ടസ്ഥലം സന്ദർശിക്കുകയുമുണ്ടായി.

The post വളാഞ്ചേരി ഫയർ സ്റ്റേഷൻ: നിർദ്ദിഷ്ട്ട ഭൂമിയി നിന്നും വാഹനങ്ങൾ മാറ്റുന്ന ജോലിയാരംഭിച്ചു appeared first on Valanchery Online.

ജില്ലയിലെ റോഡ് സൈഡുകളില്‍ സ്ഥാപിച്ചിട്ടുള്ള അനധികൃത പരസ്യ ബോര്‍ഡുകളും ഹോര്‍ഡിങ്ങുകളും മാറ്റാൻ കളക്ടർ ഉത്തരവിട്ടു

വളാഞ്ചേരിക്കാരൻ — Tue, 29 Oct 2013 04:16:16 +0000

റോഡ് സൈഡുകളില്‍ സ്ഥാപിച്ചിട്ടുള്ള അനധികൃത പരസ്യ ബോര്‍ഡുകളും ഹോര്‍ഡിങ്ങുകളും നവംബര്‍ ആറിനകം മാറ്റണമെന്ന് ജില്ലാ കളക്ടര്‍ അറിയിച്ചു. മാറ്റാത്ത ബോര്‍ഡുകള്‍ നീക്കം ചെയ്ത് അതിന്റെ ചെലവ് സ്ഥാപനങ്ങളില്‍ നിന്നും ഈടാക്കുമെന്നും കളക്ടര്‍ അറിയിച്ചു.

The district collector, Malappuram has issued an order to remove all the illegal advertisement billboards and hoardings along the roadsides on or before November 6

The post ജില്ലയിലെ റോഡ് സൈഡുകളില്‍ സ്ഥാപിച്ചിട്ടുള്ള അനധികൃത പരസ്യ ബോര്‍ഡുകളും ഹോര്‍ഡിങ്ങുകളും മാറ്റാൻ കളക്ടർ ഉത്തരവിട്ടു appeared first on Valanchery Online.