rebuilt Archives - Valanchery Online

കുറ്റിപ്പുറം ചെല്ലൂർ പോത്തിനിപ്പാടം കുളം പുനർനിർമിക്കുന്നു

വളാഞ്ചേരിക്കാരൻ — Tue, 11 Nov 2025 06:41:16 +0000

കുറ്റിപ്പുറം : വാർഡ് അഞ്ചിലെ ചെല്ലൂർ പോത്തിനിപ്പാടം കുളം പുനർനിർമിക്കുന്നു. പതിറ്റാണ്ടുകളായി തകർന്നുകിടക്കുന്ന കുളത്തിന്റെ പുനർനിർമാണത്തിന് വാർഡംഗം സാബാ കരീമിന്റെ നിരന്തര ഇടപെടലിലൂടെ ജലസേചന വകുപ്പിൽനിന്ന് 35 ലക്ഷം രൂപ അനുവദിച്ചു. ജലസേചന വകുപ്പ് ഉദ്യോഗസ്ഥർ സ്ഥലം സന്ദർശിച്ച് അടങ്കൽ തയ്യാറാക്കി. ഈ മാസം അഞ്ചിന് ടെൻഡർ നടപടിയും പൂർത്തീകരിച്ചു. വേനൽക്കാലത്ത് നവീകരണ പ്രവർത്തനങ്ങൾക്ക് തുടക്കമാകും. പുനർനിർമാണം പൂർത്തീകരിക്കുന്നതോടെ പ്രദേശവാസികൾക്ക് കുളിക്കാനും കർഷകർക്ക് കൃഷി ആവശ്യങ്ങൾക്കും കുളത്തിലെ വെള്ളം ഉപയോഗപ്പെടുത്താം.

The post കുറ്റിപ്പുറം ചെല്ലൂർ പോത്തിനിപ്പാടം കുളം പുനർനിർമിക്കുന്നു appeared first on Valanchery Online.

പ്രളയം തകർത്ത വെണ്ടല്ലൂർ-ആലുക്കൽപ്പടി-പൈങ്കണ്ണൂർ റോഡ് ഉടൻ ഗതാഗത യോഗ്യമാക്കണമെന്നാവശ്യം

വളാഞ്ചേരിക്കാരൻ — Mon, 02 Sep 2019 09:19:30 +0000

വളാഞ്ചേരി: നൂറ് കണക്കിന് വിദ്യാർത്ഥികളും മറ്റു യാത്രക്കാരും സഞ്ചരിക്കുന്ന വെണ്ടല്ലൂർ – ആലിക്കൽപ്പടി – പൈങ്കണ്ണൂർ റോഡ് പ്രളയ ദുരിതത്തിൽ പൂർണ്ണമായും തകർന്ന നിലയിലാണ്. ശ്രീ പറമ്പത്ത് കാവ് ക്ഷേത്ര വിശ്വാസികളും, വെണ്ടല്ലൂർ MES ഹയർ സെക്കൻററി സ്കൂൾ വിദ്യാർത്ഥികൾ ഉൾപ്പെടെയുള്ള നിരവധി യാത്രക്കാരാണ് ഈ റോഡിനെ ആശ്രയിക്കുന്നത്.

കൂടാതെ വളാഞ്ചേരി, കുറ്റിപ്പുറം ഭാഗങ്ങളിലേക്ക് എളുപ്പവഴിയാക്കി യാത്രക്കാർ സ്വീകരിക്കുന്നതും ഈ റോഡിനെയാണ്. ഈ റോഡ് ഗതാഗതയോഗ്യമാക്കണമെന്നാവശ്യപ്പെട്ട് നാട്ടുകാർ സമരരംഗത്തിറങ്ങാൻ തീരുമാനിച്ചിരിക്കുകയാണ്. പ്രസ്തുത റോഡ് ഗതാഗതയോഗ്യമാക്കണമെന്ന് ഇന്ദിരാ സൈബർ കോൺഗ്രസ് വിങ്ങ് കോട്ടക്കൽ നിയോജക മണ്ഡലം കമ്മിറ്റി അധികാരികളോടാവശ്യപ്പെട്ടു. അല്ലാത്തപക്ഷം പ്രത്യക്ഷ സമരപരിപാടികൾ ആരംഭിക്കാനും യോഗം തീരുമാനിച്ചു. ബാവ മാഷ് കാളിയത്ത് യോഗം ഉൽഘാടനം ചെയ്തു. മുബാറക്ക് വളാഞ്ചേരി ,അലി നടക്കാവിൽ, നാസർ ഇരിമ്പിളിയം എന്നിവർ പ്രസംഗിച്ചു.

The post പ്രളയം തകർത്ത വെണ്ടല്ലൂർ-ആലുക്കൽപ്പടി-പൈങ്കണ്ണൂർ റോഡ് ഉടൻ ഗതാഗത യോഗ്യമാക്കണമെന്നാവശ്യം appeared first on Valanchery Online.

പൂക്കാട്ടിരിക്കാർ ഒത്തൊരുമിച്ചു; ബനു ഷഹീദിന് സ്നേഹവീടൊരുങ്ങി

വളാഞ്ചേരിക്കാരൻ — Tue, 05 Mar 2019 23:54:25 +0000

പൂക്കാട്ടിരിക്കാരുടെ നന്മ മനസ്സിൽ വിരിഞ്ഞ “സ്നേഹവീട് ” യാഥാർത്ഥ്യമായി. മഹാപ്രളയത്തിൽ വീട് പൂർണമായി നിലംപൊത്തിയ ഇരിമ്പിളിയം മങ്കേരി സ്വദേശി ” ബനു ഷഹീദിന് ” വീടെന്ന സ്വപ്നം പൂവണിഞ്ഞു.

സ്പന്ദനം പൂക്കാട്ടിരിയുടെ നേതൃത്വത്തിൽ പൂക്കാട്ടിരിയിലെ കൂട്ടായ്മകളും ക്ലബ്ബുകളും സംഘടനകളും, സ്ഥാപനങ്ങളും മഹത് വ്യക്തിത്വങ്ങളും ചേർന്ന് നിർമ്മിച്ച് നൽകുന്നത്.

വീടിന്റെ “താക്കോൽദാനം” 10.03.2019 ന് ഞായറാഴ്‌ച കാലത്ത് 11-30 ന് “സ്നേഹ വീടി”ന്റെ മുറ്റത്ത് വെച്ച് നടക്കുന്ന ലളിതമായ ചടങ്ങിൽ വിശിഷ്ട വ്യക്തിത്വങ്ങളുടെ സാനിധ്യത്തിൽ നടക്കുന്നു.

The post പൂക്കാട്ടിരിക്കാർ ഒത്തൊരുമിച്ചു; ബനു ഷഹീദിന് സ്നേഹവീടൊരുങ്ങി appeared first on Valanchery Online.

’ആക്ട് ഓൺ’ വീടൊരുക്കുന്നു; സന്തോഷിനും കുടുംബത്തിനും അന്തിയുറങ്ങാൻ

വളാഞ്ചേരിക്കാരൻ — Sun, 14 Oct 2018 00:08:06 +0000

കുറ്റിപ്പുറം: പ്രളയം കിടപ്പാടം തകർത്തെറിഞ്ഞ സന്തോഷിന്റെ കുടുംബത്തിന് ഇനി ആശ്വസിക്കാം. പ്രളയദുരിതബാധിതരെ സഹായിക്കാനായി രൂപവത്കരിച്ച സാമൂഹിക കൂട്ടായ്മ ’ആക്ട് ഓൺ’ സന്തോഷിന്റെ കുടുംബത്തിന് വീട് നിർമിച്ചുനൽകും. പ്രളയത്തിൽ നിള നിലവിട്ടൊഴുകിയപ്പോഴാണ് തീരത്തുള്ള സന്തോഷിന്റെ വീട് തകർന്നത്. കുറ്റിപ്പുറം പാലത്തിനടുത്തായി ഓലമേഞ്ഞ കൂരയിലാണ് സന്തോഷും കുടുംബവും താമസിച്ചിരുന്നത്. ഇവരുടെ ദുരവസ്ഥ മനസ്സിലാക്കിയ ആക്ട് ഓൺ ഭാരവാഹികൾ സർക്കാർ സഹായത്തിന് കാത്തുനിൽക്കാതെ വീട് നിർമിച്ചുനൽകാൻ രംഗത്തുവരികയായിരുന്നു.

ജില്ലയിലെ പ്രളയത്തിൽ പൂർണമായും തകർന്ന 300വീടുകളുടെ പുനർനിർമാണത്തിൽ പങ്കാളികളാകുമെന്ന് ’ആക്ട് ഓൺ’ അറിയിച്ചിരുന്നു. തകർന്ന വീടിന് നാലുലക്ഷം രൂപയാണ് സർക്കാർ പ്രഖ്യാപിച്ചിട്ടുള്ളത്. ഈതുക പുനർനിർമാണത്തിന് അപര്യാപ്തമാകുമെന്നതിനാൽ ഓരോ വീടിനും രണ്ടുലക്ഷം രൂപവരെയുള്ള സംഖ്യ സഹായമായി നൽകാനാണ് തീരുമാനിച്ചിരുന്നത്.

എന്നാൽ, സന്തോഷിന്റെ വീടിന്റെ നിർമാണത്തിനാവശ്യമായ മുഴുവൻ തുകയും ആക്ട് ഓൺ വഹിക്കാനാണ് തീരുമാനിച്ചിട്ടുള്ളത്. പുതിയ വീടിന്റെ കട്ടിളവെപ്പ് ചടങ്ങ് ആബിദ് ഹുസൈൻ തങ്ങൾ എം.എൽ.എ. നിർവഹിച്ചു. ആക്ട് ഓൺ ഭാരവാഹികളായ നജീബ് കുറ്റിപ്പുറം, ഹമീദ്, ഹരിദാസ്, പി.സി. അനൂപ്, മുൻ പഞ്ചായത്തംഗം നിഷ, വി.പി. ഇസ്മായിൽ, ഹാരിസ് പൂക്കോട്ട് തുടങ്ങിയവർ ചടങ്ങിൽ പങ്കെടുത്തു.

The post ’ആക്ട് ഓൺ’ വീടൊരുക്കുന്നു; സന്തോഷിനും കുടുംബത്തിനും അന്തിയുറങ്ങാൻ appeared first on Valanchery Online.

കോട്ടയ്ക്കലിൽ റോഡുകൾ നന്നാക്കാൻ മൂന്നുകോടി

വളാഞ്ചേരിക്കാരൻ — Tue, 18 Sep 2018 00:00:42 +0000

കോട്ടയ്ക്കൽ: കോട്ടയ്ക്കലിൽ പ്രളയത്തിൽ കേടായ റോഡുകൾ നന്നാക്കാൻ തീരുമാനം. മൺപാതകളും ടാർചെയ്തവയുമടക്കം അറുപത് റോഡുകളാണ് നഗരസഭാപരിധിയിൽ പ്രളയംമൂലം കേടായത്. ഇവയിൽ പൂർണമായും ഭാഗികമായും തകർന്നവയുണ്ട്. മൂന്നുകോടിയാണ് റോഡുകളുടെ പുനർനിർമാണത്തിന് ചെലവ്‌ പ്രതീക്ഷിക്കുന്നത്.

പുനർനിർമാണത്തിന് റോഡുകൾ തിരഞ്ഞെടുത്തതിൽ പ്രതിപക്ഷാംഗങ്ങളുടെ വാർഡുകളെ തഴഞ്ഞതായി തിങ്കളാഴ്ച നടന്ന നഗരസഭായോഗത്തിൽ ആരോപണമുയർന്നു. എന്നാൽ ഒരുതരത്തിലുള്ള അവഗണനയുമില്ലെന്ന് നഗരസഭാധ്യക്ഷൻ കെ.കെ. നാസർ പറഞ്ഞു.

The post കോട്ടയ്ക്കലിൽ റോഡുകൾ നന്നാക്കാൻ മൂന്നുകോടി appeared first on Valanchery Online.

നാട്ടുകാർ രംഗത്തിറങ്ങി, പേരശ്ശനൂർ മോസ്കോ–ചെനക്കപ്പറമ്പ് കോളനി റോഡ് യാത്രാ യോഗ്യമായി

വളാഞ്ചേരിക്കാരൻ — Mon, 18 Dec 2017 02:26:13 +0000

കുറ്റിപ്പുറം: അധികൃതർ അവഗണിച്ചു; ചെനക്കപ്പറമ്പ് കോളനി റോഡ് നാട്ടുകാർ നന്നാക്കി. കുറ്റിപ്പുറം പഞ്ചായത്തിലെ 11–ാം വാർഡിൽ ഉൾപ്പെട്ട ഈ നാട്ടുപാത തകർന്നിട്ട് കാലം ഏറെയായിരുന്നു. ബൈക്കുകൾക്കു പോലും കടന്നുപോകാൻ പറ്റാത്തവിധം നിരത്ത് തകർന്നിരുന്നു.

ഇരുനൂറിലധികം കുടുംബങ്ങളുടെ വഴിയാണിത്. ബന്ധപ്പെട്ടവർ ഈ ഭാഗത്തേക്കു തിരിഞ്ഞു നോക്കാതിരുന്നതിനാൽ നാട്ടുകാർ തന്നെ രംഗത്തിറങ്ങി നവീകരിക്കുകയായിരുന്നു. പൊട്ടിപ്പൊളിഞ്ഞ റോഡ് കോൺക്രീറ്റിട്ട് നന്നാക്കാൻ പ്രദേശവാസികൾ മുഴുവൻ ഒറ്റക്കെട്ടായി രംഗത്തിറങ്ങുകയായിരുന്നു. ശ്രമദാനം വഴിയും പണം സമാഹരിച്ചും നിരത്തു നവീകരണം ഭേദപ്പെട്ട രീതിയിൽ തന്നെ നടത്താനും അവർക്കായി.

The post നാട്ടുകാർ രംഗത്തിറങ്ങി, പേരശ്ശനൂർ മോസ്കോ–ചെനക്കപ്പറമ്പ് കോളനി റോഡ് യാത്രാ യോഗ്യമായി appeared first on Valanchery Online.

ചിരട്ടക്കുന്ന്-ജുമാമസ്ജിദ് റോഡ് നന്നാക്കി

വളാഞ്ചേരിക്കാരൻ — Fri, 10 Apr 2015 10:52:22 +0000

കുറ്റിപ്പുറം: പഞ്ചായത്തിലെ 16-ാം വാര്‍ഡിലുള്ള ചിരട്ടക്കുന്ന്-ജുമാമസ്ജിദ് റോഡ് നന്നാക്കി. എട്ടുലക്ഷം ചെലവഴിച്ച് കോണ്‍ക്രീറ്റ് ചെയ്തു.
ഗ്രാമപ്പഞ്ചായത്ത് വികസനകാര്യ സ്ഥിരംസമിതി അധ്യക്ഷ ആയിഷാബീവി റോഡ് ഉദ്ഘാടനംചെയ്തു. പരപ്പാര സിദ്ദീഖ്, ടി.വി. അബ്ദുള്ളക്കുട്ടി, ടി.കെ. മുഹമ്മദ് ബഷീര്‍, എ. ഹൈദര്‍ അലി, ടി. കെ. മുഹമ്മദ് ഷാഫി, കെ.പി. സുരേഷ്, കെ. സാഹിറ, കെ.വി. ശ്രീജ, എം.വി. സുലൈഖ എന്നിവര്‍ പ്രസംഗിച്ചു.

The post ചിരട്ടക്കുന്ന്-ജുമാമസ്ജിദ് റോഡ് നന്നാക്കി appeared first on Valanchery Online.

റോഡ് വികസനത്തിനായി 2.56 കോടി: കോട്ടക്കൽ മണ്ഡലത്തിൽ ഇനി നല്ല റോഡുകൾ പ്രതീക്ഷിക്കാം

വളാഞ്ചേരിക്കാരൻ — Mon, 03 Mar 2014 04:44:02 +0000

കോട്ടയ്ക്കൽ മണ്ഡലത്തിൽ 2.56 കോടി രൂപയുടെ റോഡ് വികസനത്തിന് ഭരണാനുമതിയായി. എം‌പി അബ്ദുൾ‌സമദ് സമദാനി എം‌എൽ‌എ യുടെ ആസ്തി വികസനഫണ്ടിൽ നിന്നും 185 ലക്ഷം രൂപ ഏഴ് റോഡുകൾക്കും ദുരിതാശ്വാസ നിധിയിൽ ഉൾപ്പെടുത്തി 46 ലക്ഷം രൂപ പന്ത്രണ്ട് റോഡുകൾക്കും പൊതുമരാമത്ത് വകുപ്പിന്റെ നോൺ പ്ലാൻ ഫണിലുൾപ്പെടുത്തി 25 ലക്ഷം രൂപയുമാണ് ലഭിച്ചിട്ടുള്ളത്.

എം‌എൽ‌എ യുടെ ആസ്തി വികസന ഫണ്ടിൽ നിന്നും ഫണ്ട് അനുവദിക്കപ്പെട്ട റോഡുകൾ

എടയൂർ പഞ്ചായത്ത്:
മൂന്നാക്കൽ പള്ളി റോഡ് – 35 ലക്ഷം
മാവണ്ടിയൂർ ബ്രദേഴ്സ് ഹയർ സെക്കണ്ടറി സ്കൂൾ റോഡ് – 25 ലക്ഷം
മാവണ്ടിയൂർ എരഞ്ഞിക്കാട് ചോല റോഡ് – 25 ലക്ഷം

മാറാക്കര പഞ്ചായത്ത്:
ജാറത്തിങ്കൽ പോസ്റ്റോഫീസ് റോഡ് – 25 ലക്ഷം

ഇരിമ്പിളിയം പഞ്ചായത്ത്:
കൊടുമുടി-പുറമണ്ണൂർ റോഡ് – 25 ലക്ഷം
വെണ്ടല്ലൂർ-പൈങ്കണ്ണൂർ റോഡ് – 25 ലക്ഷം

കുറ്റിപ്പുറം പഞ്ചായത്ത്:
ചെല്ലൂർ ബദർ പള്ളി റോഡ് – 25 ലക്ഷം

വെള്ളപ്പൊക്ക ദുരിതാശ്വാസ നിധിയിൽ ഉൾപ്പെടുത്തി ഫണ്ട് അനുവദിക്കപ്പെട്ടവ

ചൂനൂർ-സ്കൂൾ‌പറമ്പ് റോഡ് – 4 ലക്ഷം
ചാപ്പനങ്ങാടി-ബിർള കോളനി – 4 ലക്ഷം
കൂട്ടാർ‌മല-വെട്ടിച്ചിറ – 4 ലക്ഷം
കോട്ടക്കൽ നഗരവികസന മിനി റോഡ് – 4 ലക്ഷം
ചിക്കത്ത്‌മാട്-മുക്കാട്ട്‌കുളം റോഡ് – 4 ലക്ഷം
നരിപൊറ്റ-കുവ്വക്കുന്ന് – 4 ലക്ഷം
വളാഞ്ചേരി ഹൈ‌സ്കൂൾ-മയിലാടുംകുന്ന് റോഡ് – 4 ലക്ഷം
പാണ്ടികശാല-കണ്ണം‌പറമ്പ് റോഡ് – 4 ലക്ഷം
കുറ്റിപ്പുറം-നൂറ റോഡ് – 4 ലക്ഷം
ഉണ്ണിരിപടി-കക്കാട്ട്‌പാറ റോഡ് – 4 ലക്ഷം
ചാത്തനാത്ത്‌പടി-കുടുമ്പത്ത് കോളനി റോഡ് – 4 ലക്ഷം

പി‌ഡബ്ല്യൂ‌ഡി യുടെ നോൺ പ്ലാൻ ഫണ്ടിൽ നിന്നും
ചൂനൂർ-ഇന്ത്യനൂർ റോഡ് – 25 ലക്ഷം

The post റോഡ് വികസനത്തിനായി 2.56 കോടി: കോട്ടക്കൽ മണ്ഡലത്തിൽ ഇനി നല്ല റോഡുകൾ പ്രതീക്ഷിക്കാം appeared first on Valanchery Online.