pv anver Archives - Valanchery Online

പണത്തിന്റെ ഹുങ്ക് ഇങ്ങോട്ടുവേണ്ട; പി.വി അൻവറിന് മുന്നറിയിപ്പുമായി എ.ഐ.വൈ.എഫ്

വളാഞ്ചേരിക്കാരൻ — Mon, 29 Apr 2019 09:50:27 +0000

മലപ്പുറം- പൊന്നാനി ലോക്‌സഭ മണ്ഡലത്തിലെ ഇടതുമുന്നണി സ്വതന്ത്ര സ്ഥാനാർത്ഥി പി.വി അൻവറിനെതിരെ രൂക്ഷവിമർശനവുമായി സി.പി.ഐയുടെ യുവജനഘടകമായ എ.ഐ.വൈ.എഫ്. പൊന്നാനിയിൽ പതിവുപോലെ സി.പി.ഐ തന്നെ ദ്രോഹിച്ചുവെന്നും തെരഞ്ഞെടുപ്പ് പ്രചാരണത്തിൽ സഹായിച്ചില്ലെന്നുമുള്ള പി.വി അൻവർ എം.എൽ.എയുടെ പ്രസ്താവനയോട് കടുത്ത ഭാഷയിലാണ് എ.ഐ.വൈ.എഫ് പൊന്നാനി മുനിസിപ്പൽ കമ്മിറ്റി പ്രതികരിച്ചത്.

ഇക്കഴിഞ്ഞ ലോക്‌സഭ തെരഞ്ഞെടുപ്പിൽ പൊന്നാനി മണ്ഡലത്തിൽനിന്ന് മത്സരിച്ച ഇടതുമുന്നണി സ്ഥാനാർത്ഥിയായി മത്സരിച്ച തന്നെ സി.പി.ഐ സഹായിച്ചില്ലെന്ന് പി.വി അൻവർ ഇന്ന് ആരോപിച്ചിരുന്നു. ഇതിനുള്ള മറുപടിയാണ് എ.ഐ.വൈ.എഫ് രംഗത്തെത്തിയത്.

The post പണത്തിന്റെ ഹുങ്ക് ഇങ്ങോട്ടുവേണ്ട; പി.വി അൻവറിന് മുന്നറിയിപ്പുമായി എ.ഐ.വൈ.എഫ് appeared first on Valanchery Online.

എം.എൽ.എ സ്ഥാനം രാജിവെക്കില്ല; മലക്കം മറിഞ്ഞ് പി.വി അന്‍വര്‍

വളാഞ്ചേരിക്കാരൻ — Fri, 26 Apr 2019 17:50:38 +0000

നിലമ്പൂര്‍: പൊന്നാനിയില്‍ പരാജയപ്പെട്ടാല്‍ എംഎല്‍എ സ്ഥാനം രാജിവെക്കുമെന്നും പൊതുപ്രവര്‍ത്തനം അവസാനിപ്പിക്കുമെന്നുമുള്ള മുന്‍ നിലപാടില്‍ നിന്ന് മലക്കം മറിഞ്ഞ് പി.വി.അന്‍വര്‍. ഞാന്‍ പറഞ്ഞത് പൊന്നാനിയില്‍ 100 ശതമാനവും വിജയിക്കാനാവുമെന്നും അപ്പോള്‍ നിലമ്പൂരില്‍ രാജിവെക്കേണ്ടി വരുമെന്നുമാണ്. ഇപ്പോഴും അങ്ങനെ തന്നെയാണ് പറയുന്നത്. പൊന്നാനിയില്‍ തോറ്റതിന്റെ പേരില്‍ നിലമ്പൂരില്‍ രാജിവെക്കേണ്ട കാര്യം എനിക്കില്ല. ഞാന്‍ രാജിവെക്കുന്ന പ്രശ്നമില്ല. അതിന് ആരും മനപ്പായസ്സം ഉണ്ണേണ്ടെന്നും അന്‍വര്‍ പറഞ്ഞു.

പൊന്നാനി പാര്‍ലമെന്റ് മണ്ഡലത്തില്‍ നിന്നും എനിക്ക് ജയിക്കാന്‍ കഴിഞ്ഞില്ലെങ്കില്‍ പൊതുപ്രവര്‍ത്തനം ഞാന്‍ നിര്‍ത്തിവെക്കുമെന്നായിരുന്നു തിരഞ്ഞെടുപ്പ് പ്രചാരണഘട്ടത്തില്‍ അന്‍വര്‍ പറഞ്ഞത്. ഈ പ്രസ്താവനയാണ് അദ്ദേഹം ഇപ്പോള്‍ തിരുത്തിയിരിക്കുന്നത്. അതേ സമയം പൊന്നാനിയില്‍ 15000-ത്തിന് മുകളില്‍ വോട്ടിന് ജയിക്കുമെന്ന് ഉറപ്പുണ്ടെന്നും അന്‍വര്‍ അവകാശപ്പെട്ടു. എല്ലാ ഘടകങ്ങളും അനുകൂലമായാല്‍ അമ്പതിനായിരത്തിന് മുകളില്‍ ഭൂരിപക്ഷത്തിന് വിജയിക്കുമെന്നും പി.വി.അന്‍വര്‍ പറഞ്ഞു.

The post എം.എൽ.എ സ്ഥാനം രാജിവെക്കില്ല; മലക്കം മറിഞ്ഞ് പി.വി അന്‍വര്‍ appeared first on Valanchery Online.

പുത്തനത്താണിയിൽ കൊട്ടിക്കലാശത്തിനിടെ എൽ.ഡി.എഫ് സ്ഥാനാർഥിയെ തടഞ്ഞതായി പരാതി

വളാഞ്ചേരിക്കാരൻ — Mon, 22 Apr 2019 01:36:31 +0000

പുത്തനത്താണി: റോഡ് ഷോ നടത്തിയ എൽഡിഎഫ് പൊന്നാനി ലോക്സനഭാ മണ്ഡലം സ്ഥാനാർഥി പി വി അൻവറിനെ തടഞ്ഞതായി ആരോപണം. തെരഞ്ഞെടുപ്പ് കൊട്ടിക്കലാശത്തിന്റെ ഭാഗമായി റോഡ്ഷോ ഞായറാഴ്ച് വൈകിട്ട് പുത്തനത്താണി ജങ്ഷഷനിലെത്തിയപ്പോഴായിരുന്നു സംഭവം.

പകൽ മൂന്നിന് തിരൂരിൽനിന്നാരംഭിച്ച റോഡ് ഷോ വൈകിട്ട് അഞ്ചോടെ പുത്തനത്താണി ജങ്ഷനനിലെത്തി. ഈസമയം ഒരു സംഘം പി വി അൻവർ സഞ്ചരിച്ച തുറന്ന വാഹനം തടയുകയായിരുന്നു. ഇതോടെ റോഡ് ഷോ തടസ്സപ്പെട്ടു. പുത്തനത്താണി റോഡ് ഗതാഗതക്കുരുക്കിലായി. വാഹനം തടഞ്ഞ സംഘം സ്ഥാനാർഥിയെയും വാഹനത്തിലുണ്ടായിരുന്ന നേതാക്കളേയും കൈയേറ്റം ചെയ്യാൻ ശ്രമിക്കുകയും അസഭ്യം പറയുകയുംചെയ്തു.

കൽപ്പകഞ്ചേരി എസ്ഐയുടെ നേതൃത്വത്തിലുള്ള പൊലീസ് ഇടപെടുകയും സ്ഥാനാർഥിയുടെ വാഹനം കടത്തിവിടുകയുമായിരുന്നു. എന്നാൽ സംഘം പിൻമാറാതെ റോഡ് ഷോയുടെ കൂടെയുണ്ടായിരുന്ന ബൈക്കുകൾ അടക്കമുള്ള വാഹനങ്ങൾ തടഞ്ഞതോടെ സംഘർഷാവസ്ഥയായി. ഇതിനിടെ റോഡിൽ തടസം സൃഷ്ടിച്ച യു.ഡി.എഫ് പ്രവർത്തകരെ നീക്കം ചെയ്യുന്നതിനിടെ ഉണ്ടായ ഉന്തിലും തള്ളിലും കൽപകഞ്ചേരി എസ്.ഐക്ക് കൈക്ക് പരിക്കേറ്റു. കൂടുതൽ പോലീസ് എത്തിയാണ് പ്രവർത്തകരെ നീക്കം ചെയ്തത്.

നേതാക്കൾ ഇടപെട്ടതോടെയാണ് സംഘർഷം ഒഴിവായത്. സംഭവത്തിന് പിന്നിൽ ലീഗ് ആണെന്ന് എൽ.ഡി.എഫ് ആരോപിച്ചു. സംഭവത്തിൽ തെരഞ്ഞെടുപ്പ് കമ്മീഷനും പൊലീസിനും പരാതി നൽകുമെന്ന് പി.വി അൻവർ അറിയിച്ചു.

The post പുത്തനത്താണിയിൽ കൊട്ടിക്കലാശത്തിനിടെ എൽ.ഡി.എഫ് സ്ഥാനാർഥിയെ തടഞ്ഞതായി പരാതി appeared first on Valanchery Online.

പൊന്നാനിയിൽ തോറ്റാൽ എം.എൽ.എ സ്ഥാനം രാജിവെക്കും: പി .വി അൻവർ

വളാഞ്ചേരിക്കാരൻ — Thu, 18 Apr 2019 16:25:27 +0000

പൊന്നാനി: ലോക്സഭ തെരഞ്ഞെടുപ്പിൽ പൊന്നാനി മണ്ഡലത്തിൽ പരാജയപ്പെട്ടാൽ എം.എൽ.എ സ്ഥാനം രാജിവെക്കുമെന്ന് പി.വി അൻവർ. വെറുതെ ഒരാവേശത്തിനല്ല ഇത് പറയുന്നതെന്നും അദ്ദേഹം പറഞ്ഞു. തവനൂർ മണ്ഡലത്തിൽ വ്യാഴാഴ്ച രാവിലെ മന്ത്രി കെ.ടി ജലീലിനൊപ്പം നടത്തിയ റോഡ് ഷോയിൽ തുറന്ന വാഹനത്തിൽ സഞ്ചരിക്കുന്നതിനിടെ മാധ്യമത്തോട് സംസാരിക്കുകയായിരുന്നു അദ്ദേഹം.

മൂന്ന് വർഷമായി നിലമ്പൂർ എം.എൽ.എയായി പ്രവർത്തിക്കുന്നു. വികസന പ്രവർത്തനങ്ങൾ എന്താണെന്ന് തെളിയിച്ചതിന് ശേഷമാണ് പൊന്നാനി മണ്ഡലത്തിൽ ഇടതു സ്ഥാനാർഥിയായി വോട്ടു ചോദിക്കുന്നത്. വോട്ടർമാർക്ക് മുന്നിൽ ചൂണ്ടിക്കാണിക്കാൻ നിലമ്പൂരിലെ വികസനമുണ്ട്. ഹൃദയം കൊണ്ടാണ് വോട്ടു ചോദിക്കുന്നത്. എന്നിട്ടും വോട്ടർമാർക്ക് എന്നെ വേണ്ടെങ്കിൽ പിന്നെ ഇത് അവസാനിപ്പിക്കുകയാണ് നല്ലത്. കുട്ടികളെയും കുടുംബത്തെയും കച്ചവടവുമൊക്കെ നോക്കി ബാക്കി കാലം ജീവിക്കാമല്ലോ എന്നും അൻവർ പറഞ്ഞു.

പൊന്നാനിയിൽ തോറ്റാൽ പൊതു പ്രവർത്തനം അവസാനിപ്പിക്കുമെന്ന് പൊതുവേദിയിൽ നേരത്തേ അൻവർ വ്യക്തമാക്കിയിരുന്നു. ഇത് സംബന്ധിച്ച ചോദ്യത്തിനാണ് രാജിവെക്കുമെന്ന് അദ്ദേഹം ഉറപ്പിച്ച് പറഞ്ഞത്.

The post പൊന്നാനിയിൽ തോറ്റാൽ എം.എൽ.എ സ്ഥാനം രാജിവെക്കും: പി .വി അൻവർ appeared first on Valanchery Online.